"Tashmë kam 12 pikë disavantazh ndaj Fernando Alonsos. Për sa i përket garës së radhës në Monza, besoj se të gjithë e imagjinojnë se cili është objektivi ynë, për këtë arsye duhet të kryqëzojmë së bashku gishtat," ka thënë dje Majkëll Shumaker gjatë inagurimit të një dyqani të ri Ferrari në Venecia. Ndërsa për vendimin që ka marrë për të ardhmen e tij, gjermani nuk ka bërë asnjë koment. Gjithsesi, ditët e fundit janë shtuar zërat, sipas të cilave Shumi pas garës së Monzës do të bëjë të ditur largimin nga Formula 1. "Në prag të garës së Monzës ndihem shumë mirë, pasi testimet e javës së kaluar janë zhvilluar mirë. Makina është në gjendje perfekte dhe për momentin është më e shpejtë se rivalet e saj. Megjithatë, mund të them se diferenca e Ferrarit me Renault në është e vogël," ka shtuar shtatë herë kampioni i botës.
Megjithatë, e gjithë vëmendja e kësaj fundjave duket se është përqendruar te lajmi që do të bëjë të ditur vetë Majkëll Shumaker në përfundim të Çmimit të Madh të Monzës. Dje edhe shtypi gjerman ka shkruar se largimi i tij nga Formula 1 është i sigurt. Kështu, gazeta e përditshme gjermane "Bild" shkruante: "Ditën e diel, Majkëll Shumaker do të tërhiqet. Një vendim disi tronditës për të gjithë tifozët, pasi kanë mbetur dhe vetëm 4 gara nga përfundimi i këtij sezoni." Po sipas kësaj gazete, piloti gjerman i Ferrarit do të japë lamtumirën e tij pikërisht në konferencën për shtyp që do të mbahet menjëherë pas garës, nëse do ta përfundojë këtë garë mes tri vendeve të para. Nëse nuk do të ndodhë kështu, atëherë Majkëlli do të dalë në një konferencë të posaçme për shtyp rreth orës 18.00.
Dje, Majkëll Shumaker në ceremoninë e inagurimit të dyqanit të ri Ferrari, ka folur për miqësinë e ngushtë mes tij dhe Italisë. "Tashmë e ndiej veten pothuajse italian, pasi askush nuk duhet të harrojë se kam 10 vjet që pilotoj për Ferrarin. Pas një kohe kaq të gjatë bashkëpunimi, pa dyshim që e ndiej diçka të tillë. Dua të them këtu se eksperienca ime te kjo skuderi ka qenë shumë e bukur. Personat me të cilët kam punuar, nuk janë thjesht kolegë, por edhe miq," ka përfunduar Majkëll Shumaker deklaratën e tij.

Ferrari i përgjigjet "Bild" it: Vendimi, pas garës
Menjëherë pas lajmit që ka nxjerrë gazeta gjermane "Bild", Ferrari është përgjigjur duke deklaruar se piloti i tij do ta marrë vendimin pas garës së Monzës. "Ne nuk mund të vazhdojmë të komentojmë gjithçka që shkruajnë gazetat në këtë periudhë, ka thënë zëdhënësja për shtyp e Ferrarit, Sabin Kehm. Mund të them vetëm se vendimi do të merret në përfundim të garës së Monzës." Nga ana tjetër, të gjithë tashmë e kanë kuptuar se Majkëll Shumaker do të largohet. Një ish legjendë e Formulës 1, dhe pilot i Ferrarit, Gerhard Berger, ka deklaruar: "Eshtë koha që Majkëlli të largohet. Nëse do të arrijë të fitojë edhe titullin në përfundim të këtij sezoni, atëherë do të jetë edhe më mirë. Ai ka garuar për shumë vite, ashtu si kemi bërë edhe ne. Pra të gjithë luftojmë nëpër gara, por një ditë duhet të largohemi..." ka thënë Bergeri.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Te Ferrari vjen Kimi, Shumi i përket historisë


 Era "pas-Shumaker" ka filluar, edhe pse kanë mbetur edhe katër gara deri në përfundim të këtij sezoni. Majkëlli mund ta fitojë këtë titull nëse do t'i zhvillojë në mënyrë perfekte këto gara dhe për më shumë nëse do të ketë pak më shumë fat. Fernando Alonso vazhdon të mbajë kryesimin e klasifikimit për pilotë, me 12 pikë avantazh ndaj gjermanit të Ferrarit. Edhe pse ka fituar më shumë se të gjithë pilotët e Formulës 1 dhe që i ka rikthyer skuderisë nga Maranelo titullin pas 21 vitesh, Majkëll Shumaker për Ferrarin është një pjesë e së kaluarës. Në prag të Çmimit të Madh të Italisë, drejtuesit e Ferrarit duket se janë takuar me David Robertsonin, menaxheri i Kimi Raikonenit, i cili duket se tashmë mbetet vetëm zyrtarizimi për ta cilësuar si pilot të Ferrarit.
Vizita: Pa dyshim që kjo vizitë ka pasur si qëllim përfundimin e detajeve të fundit të kontratës. Gjithçka duket e përfunduar tashmë, pasi në skuderinë McLaren për sezonin 2007 do të jetë kampioni i botës, Fernando Alonso, ai që do të cilësohet si lideri i kësaj skuderie. Për më shumë, në garat e fundit piloti finlandez duket se ka akumuluar shumë pakënaqësi ndaj drejtuesve të skuderisë McLaren.
Periudha e zezë e Kimit: Kimi Raikonen me Ron Denisin ka mundur vetëm t'i afrohet titullit kampion dy herë. Në vitin 2003 e përfundoi kampionatin me vetëm dy pikë avantazh ndaj Majkëll Shumakerit, ndërsa në 2005 n luftoi me Fernando Alonson, por makina e tij MP4/20 nuk i dha mundësinë të kishin armë të barabarta me rivalin. Duhet pranuar se makina e sezonit të kaluar të skuderisë nga Uokingu, ashtu si edhe makina e këtij sezoni, ka pasur shumë probleme mekanike. Ka qenë gara e fundit e Turqisë, nga e cila skuderia McLaren ka dalur me një shije të hidhur.
Hetimi: Pyetja që ende nuk po gjen një përgjigje, është se si ndihet psikologjikisht dhe shpirtërisht Majkëll Shumaker. Sipas gazetës gjermane "Bild", e cila ka qenë nga të parat që ka shkruajtur se Majkëll Shumaker e ka marrë këtë vendim duke pasur disa arsye. Sipas saj, një nga këto arsye është frika se mos mbetet nën hijen e Kimi Raikonenit. Në të vërtetë, një pilot si Majkëll Shumaker, i cili ka 10 vjet që punon me Ferrarin, mund të ketë frikë një si Kimi Raikonen, të cilit do t'i duhet kohë të ambientohet? Përgjigjen e kësaj pyetjeje e di vetëm Shumi. Gjithsesi, Vili Veber, menaxheri i Majkëll Shumakerit, në tratativat që po bënte për ta shtyrë edhe për dy vjet kontratën, kishte kërkuar që për pilotin e tij skuadra të kishte një përkujdesje të veçantë. Në të vërtetë, gjithmonë është parë një status i veçantë i Majkëllit te skuderia Ferrari, edhe pse kjo e fundit e ka kundërshtuar. Eshtë diçka që ka lidhje që në fillimet e suksesshme të gjermanit. Që në kohën kur pilotonte për Benetton in, gjërat ishin kështu, një gjë të tillë e konfirmojnë edhe ish shokët e tij të skuadrës si Patreze, Herbert, Irvain apo Barrikelo.
"Turpi": Për Shumin, diçka e tillë do të ishte shumë e nevojshme. Gjithsesi, drejtuesit e Ferrarit duket se nuk kanë ndër mend të vazhdojnë politikën e tyre me status të veçantë për pilotët. Janë pikërisht këto disa nga arsyet që me sa duket e kanë detyruar Majkëll Shumakerin të largohet, pasi askush, as ai vetë, nuk do të dëshironte ta shihte veten e tij me një skuadër tjetër. Duhet marrë parasysh gjithashtu se në skuderinë Ferrari është e ndaluar që të kenë një dyshe pilotësh të tipit Prost Sena.

Veber: Shumi e ka marrë vendimin
Vili Veber, menaxheri i Majkëll Shumakerit, ka pranuar: "Po, Majkëlli e ka marrë vendimin e tij." Shtatë herë kampioni i botës në Formulën 1 do të deklarojë ditën e diel pas garës së Monzës, se cili është vendimi i tij për të ardhmen. Për agjencinë gjermane të lajmeve, "DPA", Veberi ka pohuar: "U kërkoj të gjithëve durim dhe mirëkuptim. Vendimi i Majkëllit ishte shumë i vështirë për t'u marrë," përfundon Veberi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Rosi: Shumi, mos u largo, mund të fitosh akoma


 Lajmi që Majkëll Shumaker mund të deklarojë largimin nga Formula 1 pas garës së Monzës, ka shkuar deri në Malajzi. Valentino Rosi, përpara se të përqendrohet në këtë fundjavë gare, ka shprehur dëshpërimin e tij për mundësinë e largimit të Majkëll Shumakerit. "Do të më vijë shumë keq, pasi Majkëlli është ende shumë në formë dhe fiton gara. Megjithatë, mund të them se kjo është mënyra më e mirë për t'u larguar nga sporti. Ai ka fituar shumë gara dhe tashmë ndoshta kërkon të jetë më i lirë dhe më i qetë për të pushuar pas një karriere kaq intensive." Sipas Valentino Rosit, piloti gjerman i Ferrarit mund të shpallet edhe në këtë sezon kampion bote. "Mendoj se ai i ka të gjitha shanset për të fituar titullin kampion në këtë sezon. Pa dyshim që gjendja i është komplikuar disi, por nuk është e pamundur. Eshtë diçka e bukur që edhe pse është 37 vjeç, nuk ngjan fare kur ndodhet në pistë, pasi vazhdon të jetë më i shpejti," ka përfunduar shtatë herë kampioni i motoçiklizmit, Valentino Rosi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Epo sido qe te vendos Schumacher do e kete edhe arsyen se pse do e perfundoj karrieren etij!!

Sido qe te vendos ai do te ngelet ne mendjen e secilit si kampion,luftetar i pakompromis ne pisten F1!!!

Secili qe do te vije me pas do te matet deshi apo nuk deshi me sukseset e Shumacherit.
 

Une akoma nuk e besoj qe do te vendosi qe te largohet  
Jo per gje po na takon dhe neve qe te behemi pilota e te garojme ne F1 se me ata kalamanjte qe do ngelin kemi shance te bejme ndonje fitore  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

HAHAHA ke plotesisht te drejt a1!!!
E besa edhe kampion kem shance?
 

po po  tani kampion ska me   ska me jan vetem kelysh jevgu pilota   shiko ska me Shumaker    ska me f1