Shefi i zyrës së talenteve në Greqi, Petro Ruci, thekson se është e vështirë t'i bindësh emigrantët shqiptarë

Kohët e fundit kemi pasur disa raste, ku futbollistë shqiptarë që luajnë në shtete të ndryshme të Europës nuk kanë dëshirë që të kontribuojnë për kombëtaren shqiptare. Emra të tillë si Valon Behrami, Roland Gërxhaliu, Milahim Rama etj., e kanë refuzuar ftesën e FSHF-së, për t'u bërë pjesë e ekipit kombëtar, ndërsa tani aktivizohen për shtete të tjera. Disa prej tyre kanë dështuar në paraqitjet e tyre dhe nuk janë thirrur më në kombëtaret respektive, ndërkohë që disa të tjerë janë penduar që nuk kanë zgjedhur Shqipërinë.

Rasti më i freskët është i 16-vjeçarit Sotir Nini, i cili aktivizohet me skuadrën e Panathinaikosit në Greqi. Futbollistit me origjina nga Himara iu bë një ftesë nga FSHF-ja, për t'u grumbulluar në ekipin kombëtar Shpresa, por familja e tij nuk u tregua e gatshme që ai të aktivizohej me Shqipërinë. FSHF-ja ka hapur zyra të talenteve shqiptare në disa shtete të Europës, ku natyrisht ka shumë emigrantë shqiptarë. Një zyrë e tillë është hapur edhe në Greqi, ku si shef është caktuar ish-futbollisti i mirënjohur i Flamurtarit, Petro Ruci. Në një prononcim për "Sportin shqiptar", Petro Ruci flet rreth funksionimit të kësaj zyre. Duke marrë shkas nga rastet e fundit ai thekson se është tepër e vështirë t'u mbushësh mendjen emigrantëve shqiptarë që të luajnë për kombëtaren e tyre." Zyra e talenteve në Greqi ka rreth nëntë muaj që është hapur.

Jam emëruar nga FSHF-ja dhe më është vënë një rrogë. Futbolli është pasioni im dhe natyrisht e mora përsipër këtë detyrë për të punuar për vendin tim. Përveç punës për të gjetur futbollistë shqiptarë, unë aktualisht stërvis edhe një ekip të kategorisë së katërt, në Greqi. Ndërkohë, kam lidhje të ngushta edhe me një nga menaxherët më të njohur të Greqisë, sepse në dorën tonë janë disa nga lojtarët më të mirë të Greqisë. Që nga hapja e zyrës e deri më sot, unë pothuajse gjatë gjithë kohës jam marrë me këtë punë. Nga inspektimet që kam bërë për të gjetur futbollistë shqiptarë që aktivizohen me skuadrat greke të moshave, deri më tani kam evidentuar rreth 600 të tillë.

Gjithashtu, mbaj lidhje me Federatën Greke të Futbollit, ku mund të them se janë të regjistruar rreth 3 mijë futbollistë shqiptarë. Kaq janë vetëm të regjistruar, por besoj se ka shumë të tjerë të paregjistruar. 3 mijë futbollistët shqiptarë janë të federuar dhe aktivizohen nëpër ekipe moshash, ku natyrisht më shumë në vendet kryesore, si Athinë, Selanik, Patra etj. Nga inspektimet që kam bërë mendoj se brezi i lojtarëve që kanë lindur në vitet 1990, 1991, 1992 janë shumë të talentuar. Me lojtarët që kam evidentuar kam kontakte tri herë në javë, madje vete i ndjek në takimet që luajnë. Natyrisht, për të gjitha informacionet që mbledh për lojtarë të ndryshëm unë menjëherë informoj presidentin e FSHF-së dhe shefin e sektorit të ekipeve kombëtare," - u shpreh Ruci. Për rastin e bujshëm të 16-vjeçarit Sotir Nini, Ruci shprehet se ky lojtar është konstatuar më përpara dhe menjëherë është kontaktuar me të atin e tij, por nga ky i fundit është marrë një përgjigje negative. "Sotir Nini ka ardhur në Greqi në moshën 2-vjeçare. Rastin e Ninit e kam konstatuar dy vjet më përpara, bashkë me miqtë e mi, Foto Strakosha dhe Bledar Kola. E kemi ndjekur në disa takime dhe na ka pëlqyer shumë.
Personalisht, menjëherë kam takuar të atin e tij dhe i kam bërë të ditur që djali të inkuadrohet në ekipet kombëtare të moshave. Përgjigjja e të atit ishte negative, pra nuk dëshironte që djali i tij të luante për Shqipërinë. Mund të them se i njëjti rast ka ndodhur edhe me Panajot Konen. Ne e takuam edhe të atin e tij, por ky i fundit nuk dëshironte, madje na tha të mos e bezdisnim më. Pra, përfundimi është që e kemi shumë e vështirë t'u mbushim mendjen prindërve, pasi ata nuk dëshirojnë që djemtë e tyre të luajnë për ngjyrat e kombëtares shqiptare. Përveç Ninit dhe Konesë, të njëjtën përgjigje kemi marrë edhe nga një lojtar tjetër i talentuar, Niko Burba. Gjithsesi, dua të theksoj se shumë lojtarë kanë ardhur në Shqipëri dhe janë grumbulluar me kombëtaret e moshave. Këta kanë ardhur dhe më pas janë larguar nga vetë trajnerët. Ndryshimet e trajnerëve të moshave në Shqipëri kanë rezultuar negative, pasi këta lojtarë nuk janë thirrur më. Edhe pse kanë qenë të talentuar, nuk janë përfshirë më në listën e grup-moshave, U-17 dhe U-19. P.sh, Erald Musabelliu, i cili është një lojtar i talentuar, ka qenë në grumbullimet e kombëtares. Këtë lojtar e kam ndihmuar unë bashkë me Strakoshën, për ta çuar tek Panioniosi. Tani ai po paraqitet mjaft mirë dhe avash-avash po bëhet një lojtar i rëndësishëm për Panioniosin,"- deklaroi Ruci.

Ndërkohë, sipas Rucit, futbollistët që janë emigrantë në Greqi refuzojnë për shumë arsye, ku futen këtu problemet financiare, presioni që u bëjnë grekët e disa shkaqe të tjera. "Duhet thënë se edhe gjendja ekonomike e familjeve shqiptare në Greqi është e varfër dhe ata gënjehen me premtimet që u bëjnë grekët. Shembulli më tipik është një kampionat që zhvillohet në Athinë për emigrantët. Ky quhet kampionti i periferisë dhe bëjnë pjesë futbollistë emigrantë nga shtete të ndryshme. Këtyre të fundit u premtojnë që do t'i futin në kombëtaren greke, por e vërteta është se i mashtrojnë. Kalojnë disa vite dhe më pas i flakin në rrugë. Shumë shqiptarë janë pjesë e këtij kampionati, por është shumë vështirë t'u mbushësh mendjen atyre që të veshin fanellën e kombëtares shqiptare,"- përfundoi fjalën e tij, shefi i zyrës së talenteve në Greqi, Petro Ruci. Futbollistët shqiptarë që aktivizohen në shtete të huaja duhet të kenë më shumë ngrohtësi nga ana e FSHF-së. Kjo e fundit duhet të ndjekë një politikë tjetër, në qoftë se dëshiron t'i afrojë këto talente, pasi në qoftë se vazhdohet kështu, ditë pas dite do të kemi shumë firo talentesh.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ajo eshte krejt normale  por kush don ne te urdheron kush nuk don ne te shkon ne rot te som...
 

Fllad shqiptar në stadiumet helene. Por, fatkeqësisht në federatën tonë ende nuk e kanë ndjerë, “aromën e luleve” shqiptare, që kanë “dehur” grekët. Asnjë nga trajnerët e kombëtares së Shqipërisë, duke filluar që nga Dossena, Briegel e tani Bariç nuk e ka vizituar Greqinë, paçka se në kampionatin helen kanë luajtur mjaft futbollistë të ekipit kombëtar dhe ka shumë talentë shqiptarë, që mund të veshin fanelën kuqezi. Nuk është aspak një titull meditativ, por një realitet konkret. Ndoshta si asnjëherë ka një shkëlqim shqiptarësh në mjediset sportive të vendit fqinj.

Një shkëlqim, që nuk ka mbetur pa u pasqyruar edhe nga mediat vendase.
Protagonistë të kësaj fame rinore janë futbollistë, që kanë bërë emër të madh paçka se janë ende të “vegjël”. Më i madhi, Kristi Vangjeli, është 22-vjeç ndërsa më i vogli është Sotir Nini 16-vjeç. Dhe nuk janë pak por plot 6 futbollistë të tillë, të cilët janë bërë objekt i mediave sportive më prestigjoze në botë. Kështu e famshmja gjermane “Kicker” e krahason Ninin me Mesin ndërsa gazeta spanjolle “El Mundo Deportivo” shkruan me superlativa për Përparim Hetemajn, që kërkohet jo vetëm nga Juventusi por edhe nga klube të tjerë si Udineze, Hamburg por edhe nga disa skuadra spanjolle.

Ndërkohë që shtypi grek shkruan për “yllin” Panajoti Kone. Ai shkruan gjithashtu për talentet e mëdhenj shqiptarë, që pritet të shpërthejnë së shpejti si Jetmir Hyka, Renaldo Rama etj. Nuk mund të jeshë kurrsesi indiferent ndaj një fakti të tillë, frymëzues tej mase. Në fushat e blerta të Greqisë ka një fllad shqiptarësh, të cilët që në moshë të re kanë nisur të shkruajnë historinë e madhe. Mbrojtësi i Aris të Selanikut Kristi Vangjeli, i fortë, kërkues, inteligjent u radhit një javë më parë në 11-shin më të mirë të kampionatit grek. Nuk është pak.

Panajoti Kone shënon një supergol, duke u sjellë ndërmend vendasve, por edhe të tjerëve se ai është pikërisht ai, talenti i madh për të cilin jo shumë muaj me parë kishin shkruar me superlativa të mëdha. Ai një javë më parë solli në skenat greke “realitetin” Kone dhe jo ëndrrën me të njëjtin emër.
Në takimin AEK – Atromitos, futbollisti shqiptar Përparim Hetemaj, tashmë 20-vjeçar, bëri një veprim spektakolar, që mund ta bëjnë vetëm futbollistë të mëdhenj dhe me një përvojë të madhe. Në një lëmsh përpara portës kundërshtare e goditi topin me thembër dhe desh shënoj një gol të radhë në stadiumin Olimpik të Athinës, por ishte mjeshtria e portierit kundërshtar, që pikërisht mbi vijën fatale shpëtoi një gol më se të sigurtë.

Për ditë të tëra shtypi grek ka pasur në qendër të vëmendjes Jetmir Hykën si një futbollist i talentuar, që e ka nisur karrierën me një ekip shqiptar dhe e ka vazhduar atë me një ekip të njohur siç është Rozenborgu, por që tani mund të veshë fanelën e një prej skuadrave greke. Ndërkohë që të gjithë i ka çuditur fenomeni Rama. Specialistët, ndër më të njohurit e futbollit vendas me kohë e kanë vënë gishtin tek talenti Renaldo Rama, i cili sapo i ka mbushur 17-vjeç. “Rama edhe pse në moshë të re do të bëhet pjesë e kampionëve të Olimpiakosit”. Ky është vendimi i trajnerit të “Djemve të Pireut” Takis Lemonis”.

Por të gjithë këta yje, ky fllad shqiptar i mjediseve helene, nuk ngacmojnë aspak mjedisin shqiptar. Evidentimi i tyre ka qenë shumë i vonuar, ose thënë më drejtë interesimi shqiptar ka nisur kur “Gonxhet” janë rritur dhe kanë filluar të lëshojnë aromën e fortë të “Luleve”.
Sigurisht, që sot ato nuk bëjnë pjesë në ekipet shqiptare është një problem i madh për futbollin tonë të varfër në elementë e cilësi. Por edhe ky problem i përbashkët, ka të veçantat e tij. Përshembull për disa kohë Kristi Vangjeli ka qenë kontigjent i shpresave tona. Por pikërisht kur ai në moshën 22-vjeçare ka arritur kulmin e formës së tij, çuditërisht harrohet. Nëse shpresa mendon për të ardhmen dhe kjo është më se e drejtë, përse Vangjeli nuk bëhet objekt i aktivizimit me ekipin kombëtar, aq më shumë kur kuqezinjtë repartin e mbrojtjes e kanë pikën më të dobët. Madje për Kristi Vangjelin, siç thamë, kur ai zgjidhet me të drejtë në formacionin më të mirë të kampionatit grek, nuk gjëndet as edhe një vend midis kombëtares së dytë, që po zhvillon stërvitjet në Antalia?! Besoj se kombëtarja jonë nuk e ka këtë luks për të refuzuar futbollistë të tillë, që aktualisht gëzojnë një formë të shkëlqyer.

Edhe pse Përparim Hetemaj ka folur me kohë me drejtues të futbollit tonë, madje u ka dhënë atyre edhe numrin e telefonit dhe adresen e shtëpisë, ku jeton në Finlandë, duke u shprehur atyre edhe dëshirën për të luajtur me kombëtarten e Shqipërisë, nga njerëz që drejtojnë futbollin tonë, askush nuk është bërë i gjallë. Dhe kur Hetemaj fiton statusin e “talentit të madh”, në federatë kujtohen për shqiptarin Hetemaj. Por gjatë kësaj kohe kanë rrjedhur shumë ngjarje. “Gjënë e mirë kush nuk e do”, thotë populli. Dhe ndaj Hetemajt kanë vërshuar të tjerët.Të parët ishin finlandezët, në gjirin e të cilëve, shqiptari është rritur. Ata e aktivizuan me kombëtaren e fëmijëve, të rinjve, të shpresave por në shkurt ndoshta edhe me të rriturit. Por edhe pse talenti shqiptar ka përshkuar një rrugë kaq të gjatë, askush nuk është kujtuar nga Shqipëria për të.

Tjetër është problemi i Panajoti Konesë dhe i Soitir Ninit. Nga Shqipëria janë “bërë të gjallë” vetëm kur këta talente kanë shpërthyer, pra kur janë bërë të njohur nga mediat tona apo ata të huaja. Mirëpo mos interesimi ka lënë gjurmët e veta. Dhe pasojat tashmë dihen. Kone dhe Nini, që janë vërtetë talentë të mëdhenj, kanë preferuar të zgjedhin. Është një e drejtë absolutisht e tyre, pavarësisht që ne duam, që ata të luajnë medeomos me kombëtaren tonë. Duke gjetur “arsyet e mungesave pa arsye” të talentëve tanë në ekipet kombëtare, duhet të ndalemi edhe diku tjetër, që luan një rol të madh në krijimin e një klime të domosdoshme për afrimin e këtyre futbollistëve në ekipet tona kombëtare.

Mbahen mend vizitat e Birçes, Bajkos, Hafizit dhe Zhegës në Greqi për tu njohur nga afër me futbollistët e kombëtares dhe pretendentët për të luajtur me kombëtaren tonë. Por, qysh kur kombëtaren tonë e ka zënë “sindromi” i huaj, askush nga trajnerët e kombëtares nuk ka zbritur në Greqi edhe pse është vendi më i afërt me Shqipërinë. Nuk kanë ardhur në Greqi as Dossena dhe as Briegel e mesa shihet nuk e ka ndërmend për të ardhur edhe Bariç. Ardhja e trajnerëve të ekipit kombëtar në një mjedis të huaj, nuk është thjeshtë një ardhje për vizitë, po për të krijuar një opinion më të mirë për aktivizimin e futbollistëve kandidatë për të luajtur me ekipin kombëtar, për të njohur më mirë mentalitetin e tyre, për të njohur e përgëzuar talentët e ardhshëm etj, etj. Dihet roli që luan në mjedisin e huaj prania e një trajneri të kombëtares. Por, fatkeqësisht këtë kënaqësi, pra ardhjen e trajnerit kombëtar midis tyre nuk e kanë provuar në 6 vitet e fundit jo vetëm talentët tanë por edhe futbollistë të njohur tashmë si Bushi, Murati, Haxhi etj.

Është bërë traditë thirrja e talentëve shqiptarë në Tiranë. Sigurisht që është një gjë e mirë. Por mëyra që është zgjedhur për ti thirrur ata, nuk është aspak e zgjuar. Ti thërrasësh në Shqipëri dhe ti detyrosh të paguajnë rrugën a ndonjë gjë tjetër. Apo të mos arrish të krijosh një klimë të ngrohtë mes këtyre djemve të rinj, që janë rritur në vendet e huaja, dhe ku shumë prej tyre edhe shqipen e flasin me vështirësi, është një mangësi, që vështirë se mund të korigjohet më vonë. Të paktën kështu po tregon praktika e kohëve të fundit. Fjalët “ecin”, gjatë rrugës edhe mund të”trashen” disi, duke krijuar jo radhë edhe pakënaqësira.

Thuhet dendur se federata e futbollit nuk ka para. Por ndërkohë, që thuhet kështu, pikërisht kjo federatë bën shpenzime kolosale teksa e çon ekipin kombëtar 10 ditë përpara në Holandë, apo e çon kombëtaren e dytë, nëse mund të quhen kështu disa futbollistë të grumbulluar, 10 ditë edhe në Antalia të Turqisë. Këto shpenzime mund të përdoren më me nikoqirllëk dhe të krijohet mundësia e një trajtimi më të mirë të të rinjve e sidomos ndaj atyre që quhen talentë. Është gjëja më e kollajtë ti bësh fajtorë këta të fundit apo të thuash se talentët shqiptarë nuk vijnë për të luajtur me kombëtaren, madje edhe më keq për ti quajtur “armiq”. Sigurisht që edhe vetë futbollistët kanë përgjegjësitë e veta në këtë përgjegjësi të madhe që duhet të marrin përsipër. Por mangësitë në punën e federatës dhe të trajnerit të ekipit kombëtar nuk ka pse i paguajnë të tjerët.

Çuditërisht, indiferentizmi vazhdon edhe pse Sotir Nini nuk ka dhë një përgjigje përfundimtare se me kë do të luaj. Çuditërisht, indiferentizmi vazhdon edhe kur Përparim Hetemaj na tha para pak ditësh se ende nuk kam dhënë asnjë përgjigje përfundimtare nëse do të luaj me përfaqësuesen e Finlandës apo jo. Çuditërisht , indiferentizmi vazhdon edhe pse një mbrojtës si Kristi Vangjeli zgjidhet në 11-shin më të mirë të kampionatit grek. Çuditërisht, indiferentizmi vazhdon edhe pse Sotir Nini është bërë tani edhe objekt i revistës së njohur gjermane “Kicker”dhe interesimi i federatës ka mbetur vetëm tek ajo bisedë telefonike me prindërit sepse askuish nuk ka marrë përsipër të bëjë një udhëtim në Greqi e për të folur nga afër me të.

Çuditërisht, indiferentizmi vazhdon edhe pse Panajoti Kone me lojën dhe golin e shkëlqyer që shënoi, është bërë personazhi kryesor i mediave greke.
Çuditërisht, indiferentizmi vazhdon edhe pse në skenat greke ka dalë një talent tjetër i madh shqiptar, Renaldo Rama, i cili ka shprehur hapur dëshirën e tij për të luajtur me kombëtaren e Shqipërisë. Nëse për Konenë është gjetur një sebep, që siç thuhet ka qenjë përgjigje e babait të tij, përse nuk shpejtohet puna me Ramën. Apo pritet të ngrihet zëri atëherë kur edhe ai të marrë një pasaportë vendase? Duhet thënë se fatkeqësisht në federatën tonë ende nuk e kanë ndjerë, “aromën e luleve” shqiptare, që kanë dehur grekët. Askush nuk është dukur deri tani nga federata për të biseduar me ta.Edhe pse në mjediset helene ka kaq shumë talentë shqiptarë është e paspjegueshme, që në Greqi mungojnë drejtuesit e federatës sonë të futbollit. Një vizë greke është e domosdoshme. Thënia “Një komb, një kombëtare” nuk duhet të mbesë vetëm e tillë. Për tu materializuar ajo kërkon kuptim gjerë dhe vlerësim të drejtë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Mqs jam ne Greqi dhe jam marre me zbulimin e talenteve dhe pikerisht keto emrat e mesiperm , i kam zbuluar qe para 3-4 vjetesh mund tju njoftoj se secili ka arsyet e veta qe nuk luajne.
 Ne rastin e Panajot(Gjergji) Kones  si dhe te Sotir Ninit qe te dy e ndjejne veten se jane greke prandaj nuk kane deshiruar te luajne me Kombetaren shqiptare. Vetem pashaporta e tyre i tregonte shqiptar por tashti ata kane marrur dhe nenshtetesi greke . Kone ka luajtur dhe me U-19 te Greqise ndersa Nini do ta marre shume shpejte  pashaporten greke dhe do luaj dhe ai me U19 e Greqise. E vetmja gje qe mund te behet per NINI eshte qe ta ftojne direkt ne ekipin e Kombetares shqiptare.
Ranald Ramaper te cilin thojne ese e kane pagezuar me emrin Panajot , luan me Shpresat e Olimpiakosit ashtu si Erald Musabelliu i cili luan me te Rinjte e Panioniosit. Te dy keta lojatre jane shume te talentuar dhe duhen therritur direkt tek Shpresat e Shqiperise.