Goli i Noivillit në minutën e fundit u jep të besuarve të Klinsmanit sigurinë matematike për të vazhduar më tej




Gjermani, kualifikim "in extremis"
Gjermania ka arritur të rrëmbejë një fitore në minutat e fundit dhe ka mundur Poloninë me rezultatin 1-0, falë një goli në minutat shtesë me autor Oliver Noivill, duke siguruar kualifikimin në grupin A. Pritësit, të cilët shpresonin në një fitore të dytë radhazi, kanë pasur disa raste për shënim dhe kanë goditur traversën dy herë me anë të Miroslav Kloses dhe Mikael Balakut, në përpjekje të dëshpëruara për të shënuar. Në momentet kur dukej se ndeshja po shkonte drejt barazimit, ka qenë Oliver Noivill ai që u ka dhuruar gjermanëve fitoren e dytë radhazi, duke e vendosur Gjermaninë në krye të grupit A me gjashtë pikë. Polonia, e cila ka luajtur në 15 minuatat e fundit me dhjetë lojtarë, ka luftuar deri në fund me komshinjtë e saj, por ka dalë e dëshpëruar nga një ndeshje, e cila do të vendoste shumë për ata. Polakët, të cilët humbën në ndeshjen e parë 2-0 ndaj Ekuadorit, luftuan shumë, por asnjëherë nuk kanë arritur të rrezikojnë seriozisht portën kundërshtare. Ishte një ndeshje që nuk duhej humbur, me dy tifozëritë që kanë qenë tepër aktive gjatë gjithë ndeshjes. Polonia nuk i kishte mundur gjermanët në 14 ndeshje në 85 vjet.
Megjithatë, Gjermania është prezantuar shumë më mirë. Miroslav Klose, i cili shënoi dy herë në fitoren 4-2 ndaj Ekuadorit, duhej të kishte shënuar golin e tretë kur goditi një top me kokë jashtë portës, pas një krosi të mbrojtësit shtatshkurtër Filip Lahm në minutën e 21-të. Lukas Podolski, i lindur në Poloni, ka goditur topin në të njëjtin vend pas një tjetër krosi të Lahmit. Polonia, e dëshpëruar për të evituar një tjetër eliminim në raundin e parë, tregoi shumë agresivitet në fushë, por në sulmet e saj është vërejtur një mungesë kualiteti dhe kështu rrallëherë e ka vënë në vështirësi portën e vendësve. Pas një fillimi të ngadaltë të ndeshjes, Balaku, i cili nuk luajti në ndeshjen e parë, e rimori veten duke dhënë pasime të sakta për sulmuesit dhe duke e tërhequr akoma më shumë mbrojtjen e polakëve. Për miqtë, fundi i lojës ka rezultuar më i vështirë, pasi Radoslav Sobolevski është dënuar me kartonin e dytë të verdhë, duke e lënë skuadrën me dhjetë lojtarë në 15 minutat e fundit të ndeshjes. Portieri i Polonisë, Artur Boruc, ka kryer dy pritje të mrekullueshme, duke i mohuar golin Lahmit dhe Oliver Noivill në fund të një ndeshjeje shumë të tensionuar. Por nuk ka mundur të bëjë asgjë për të mohuar golin në minutat shtesë, i cila ka vendosur shumë për të dyja skuadrat në këtë ndeshje. Gjermania tashmë është në krye të grupit A dhe e ka siguruar kualifikimin, ndërsa Polonia duhet të largohet për të dytën herë nga botërori që në raundin e parë.

Gjermani - Poloni 1-0
Në Dortmund
Shënues: Noivil 91'
Gjermania: Lehman, Friedrish, (Odonkor 63'), Metzelder, Mertesaker, Lahm, Shnaider, Frings, Balak, Shvainstaiger, (Borovski 77'), Podolski, (Noivil 71'), Klose. Tr: Klinsman
Polonia: Boruc, Baszczinski, Bak, Bosacki, Zevlakov, (Dudka 83'), Krzinovek, (Levandovski 77'), Radomski, Sobolevski, Jelen, (Brozek 90'), Zuravski, Smolarek. Tr: Janas
Gjyqtar: Luis Medina (Spanjë)
Kartonë të verdhë: Balak, Odonkor, Metzelder / Bourc, Krzinovek, Sobolevski
Karton i kuq: Sobolevski
Shikues: 65.000

Filip Lahm, "njeriu i ndeshjes"
Filip Lahm është zgjedhur futbollisti më i mirë i ndeshjes Gjermani-Poloni, në të cilën skuadra e Klinsmanit fitoi falë golit të shënuar në minutat e fundit nga Oliver Noivill. Komisioni teknik i FIFA-s vlesëroi futbollistin e Bajernit, i cili ishte një nga pikat më të forta të Gjermanisë në ndeshjen e djeshme. Goli i shënuar ndaj Kosta Rikës në takim hapës dhe paraqitja e tij në takimin e sotëm tregoi se futbolli gjerman ka gjetur një të ardhme të sigurt te Filip Lahm.
 

Driten  Vishe
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Trajneri gjerman "krenohet" me aktivizimin e dyshes Odonkor-Noivill, "arkitektët" e golit  

 Klinsman: Puna e madhe u shpërblye!

Ergi Lubani


 Trajneri i Gjermanisë, Jurgen Klinsman, tha se aktivizimi i Oliver Noivillit dhe i mesfushorit David Odonkor i dhanë fitoren skuadrës së tij në fund të ndeshjes dramatike ndaj Polonisë, të mërkurën në grupin A. Dyshja bëri aksionin e golit për gjermanët ndaj polakëve me dhjetë futbollistë. Noivilli përcolli në rrjetë krosimin e ulët të Odonkorit nga e djathta. "Ne duam të fusnim më shpejtësi në ndeshje dhe për këtë i bëmë zëvendësimet, - tha Klinsmani pas fitores së dytë në grup. - Mendoj se i dhamë jetë ndeshjes. Dua të përgëzoj edhe pjesën tjetër të skuadrës, e cila ushtroi presion deri në çastet e fundit. Punuam shumë gjatë gjithë ndeshjes dhe në fund korrëm frytet." Ndërkohë, sulmuesi i Mynshengladbahut, ai që shënoi golin e fitores, Oliver Noivill, shtoi: "Duket haptazi që patëm fat, por mendoj se në fund të fundit ishte një fitore e merituar. Tani duam të fitojmë ndeshjen e ardhshme ndaj Ekuadorit, sepse duam me çdo kusht ta mbyllim grupin në vendin e parë." Një rikthim i rëndësishëm për Gjermaninë ka qenë ai i kapitenit Mikael Balak. Ky i fundit mjaft eurofik u shpreh pas fitores: "Tani arritëm objektivin e parë që i kishim vënë vetes: kalimin në turin e dytë. Na mbetet të luftojmë për vendin e parë dhe të përgatitemi për të kaluar një tjetër pengesë. Polakët ishin të fortë, por ne treguam se e meritonim fitoren, duke bërë një lojë më të mirë." Gjermania ndodhet në krye të grupit A, me pikë të plota pas dy ndeshjes dhe në takimin e fundit do të ndeshet me Ekuadorin, i cili do ta luajë ndeshjen e tij të dytë, nesër ndaj Kosta Rikës.

Polonia
Janas: Fatal, gabimi në fund
Trajneri i Polonisë, Janas, është shprehur i dëshpëruar në fund të ndeshjes së humbur 1-0 ndaj Gjermanisë, e cila praktikisht shënoi eliminimin e skuadrës së tij që në fazën me grupe, ashtu si katër vjet më parë në Japoni. "Jam shumë i mërzitur, - tha Janasi, skuadra e të cilit nuk ka shënuar asnjë gol në këtë veprimtari. - Nuk bëmë një ndeshje të keqe, përkundrazi, po e meritonim plotësisht pikën. Na ndëshkoi gabimi në minutën e fundit. Mesfusha ishte shumë e hapur dhe kështu mbrojtja nuk pati asnjë shans. Kur mbetëm me dhjetë futbollistë, ishte normale të mendonim vetëm për mbrojtjen." Ajo që ka të ngjarë të jetë ndeshja e fundit e Polonisë në këtë botëror, do të luhet ndaj Kosta Rikës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

gjermani e tregoi perseri veten kur shenoi ne minuten e fundit, sic e ka zakon
 

me duket sikur polonia nuk ka fituar ndonjehere kundra gjermanit ne futboll apo jo?
 

po perplasjet midis fansave te 2 skuadrave i pate?
 

       Sa inot me vjen qe spata mundesi ta shikoj neshjen, po shyqyr thuj qe paskan fituar, po vetem nje me zero-so asigjooo


sikur pava ballackun e ime aty

gooo gooo germany kaq kom me thon
 




____________

Lot Dielli

pse ca ishe ti chikita duke bo, qe nuk e pe ndeshjen?