Italianët dolën në rrugë në mbarë Italianë të dielën gjatë gjithë natës për të festuar fitoren e ekipit të tyre në Kupën e Botës ndaj Francës.

Kombëtarja italiane e futbollit kthehet të hënën në atdhe pas fitores së Kupës së Katërt të Botës në Futboll.

Kupën e ngriti në ceremoninë që pasoi ndeshjen në Stadiumin Olimpik të Berlinit, kapiteni Fabio Canavarro.

Larg nga Berlini, në Romë dhe në qytete të tjera italiane, tifozët gjatë gjithë natës hodhën fishekzjarre dhe marshuan duke valëvitur flamujt tringjyrësh kombëtarë italianë.

Zhgënjim

Por finalja kaloi me zhgënjim dhe lotë në Francë.

Ndeshja përfundoi me penallti, pas kohës shtesë që pasoi barazimin një me një në 90 minutëshin e kohës së rregullt.

Kapiteni i ekipit francez, Zinedine Zidane, në ndeshjen që pritej të ishte e fundit në karierën e tij, u largua me karton të kuq dhjetë minuta para përfundimit të saj.

Në një veprim që tronditi shumë vetë, ai goditi me kokë një mbrojtës italian.

Dhe presidenti francez Zhak Shirak, që ishte në Berlin për të parë ndeshjen, nuk dinte ai se çfarë të thoshte për sjelljen e Zidanit.

Por ai shtoi se kapiteni ka qenë më i miri i sportit francez gjatë gjithë karierës.

Zidane ishte autori i golit për francezët nga pika e 11 metërshit.

Për italianët, barazoi Materazzi.


Itali Francë 1-1 (5-3 p)
Në Berlin
Shënues: Materaci 19' / Zidan 7' (pen)
Italia: (4 4 1 1): Bufon, Zambrota, Materaci, Kanavaro, Groso, Perrota (Iakuinta 61'), Pirlo, Gatuzo, Kamoranezi (Del Piero 86'), Toti (De Rosi 61'), Toni. Trajner: Lipi
Franca (4 2 3 1): Bartez, Sanjol, Turam, Galas, Abidal, Vieira (Diarra 56'), Makelele, Riberi (Trezege 100'), Zidan, Malouda, Henri (Viltord 107').
Trajner: Domenek
Gjyqtar: Horacio Elizondo (Argjentinë).
Kartonë të verdhë: Zambrota, Makelele, Malouda
Karton i kuq: Zidan
Shikues: 69.000

11 metërshat
Pirlo + Viltord +
Materaci + Trezege
De Rosi + Abidal +
Del Piero + Sanjol +
Groso +

Shifrat
1 Goals 1
1 Shots on Target 5
2 Shots off Target 5
5 Corners 7
17 Fouls 24
4 Offsides 2
1 Yellow Cards 3
0 Red Cards 1
75.4 Passing Success 79.5
49.6 Possession 50.4
 




____________
Galeria Shqiptare Direktoria Shqiptare Kërko në Google

Kampionët të gjithë në kor: Një sukses i merituar. Bufoni, Gatuzo dhe kryeministri Prodi në delir

 Lipi: Ëndrra e karrierës sime

Sporti Shqiptar


 "Nuk kam provuar asnjëherë një kënaqësi të tillë." Marçelo Lipi është në "qiellin e shtatë", por i qartë në fund të finales së fituar me 11 metërsha kundër Francës. "Kam fituar tituj, kam fituar Ligë Kampionesh, komentoi trajneri në delir, por një kënaqësi të tillë nuk e kam ndjerë kurrë. Dhe gjithçka falë këtyre djemve të jashtëzakonshëm që kanë treguar sedër, zemër dhe vendosmëri. Kujt ia kushton fitoren? Familjes sime. Rikonfirmi im? Do të flasim më pas."
Kanavaro I lumtur ka qenë edhe Fabio Kanavaro: "Para mundësive të 11 metërshave mendova për tabunë. Për këtë, emocioni final ishte i dyfishtë: kemi sjellë në shtëpi kupën pas shumë vitesh dhe jemi shumë të lumtur. Kjo është një fitore që bën ndryshimin në kuadër të një karriere, para së gjithash duke parë atë që ka ndodhur në Itali në këto kohët e fundit. Skuadër që menjëherë kishte dëshirë të vraponte dhe të shfaqej. Kemi një trajner që na ka drejtuar shumë mirë, për këtë nuk ka pasur asnjë moment, ku mund të kuptonim se nuk do t'ia dilnim asnjëherë."
Gatuzo - Xhenaro Gatuzo është shprehur i emocionuar: "Eshtë fitorja e grupit, fitorja e një skuadre shumë punëtore dhe herë-herë jo shumë e bukur. Kur të arrijmë në Romë dhe të shohim tifozët tanë, do të jetë akoma më bukur. Kemi arritur diçka shumë të madhe, pasi kemi hyrë në librin e artë e futbollit botëror, pastaj kemi arritur edhe titullin e katërt kampion bote." Pastaj ka kaluar te dedikimet: "Gjyshit tim, i cili ka vdekur dhe ka qenë një figurë shumë e rëndësishme për mua, aspak mamanë dhe babain tim, të cilët më kanë rritur në mënyrën më të mirë. Dhuratat? Kushërinjve kalabrezë do t'u jap nga dhjetë mijë euro për kokë..."
Bufon - Xhixhi Bufon mund të festojë pas finales së fituar me 11 metërsha ndaj Francës: "Sa herë e kam ëndërruar këtë kupë...! Aq herë sa seriozisht kam menduar se nuk do ta fitoja kurrë. E shihja kur isha një fëmijë dhe nuk e kisha menduar asnjëherë se do ta kisha këtë trofe në duar. Për të arritur deri këtu, duhet talent, fat dhe me siguri një ndihmë nga lart." Më pas, numri 1 "axurr" vazhdon: "Asnjë fitore nuk mund të arrihet pa forcën e grupit. Jam i kënaqur, fituam ndaj Francës që kishte befasuar në dy përballjet e fundit. Krahasimet me Zofin? Nuk më interesojnë. S'po arrij t'u besoj syve, më duket sikur kam fituar një trofe si "Birra Moreti", por në të vërtetë është kupa më prestigjioze në botë."
Napoletano - Presidenti i Italisë, Xhorxho Napoletano, ka përshëndetur arritjen e skuadrës së Marçelo Lipit: "Italia ka rifituar nderin e një kombi. Të huajt nuk kishin parë asnjëherë Italinë të luante në mënyrë të tillë. Duhet të falënderojmë Lipi për mënyrën e shkëlqyer me të cilën e arritëm finalen. Jam shumë i emocionuar dhe i lumtur pas atyre momentesh ankthi."
Prodi - Pas 11 metërshit të Grosos, që i dhuroi Kupën e Botës Italisë, ka shpërthyer edhe kënaqësia e kryeministrit të Italisë: "Kampionë të botës: është shumë e bukur. Jam shumë i kënaqur, është komenti i Prodit. - Më në fund, "Forca Italia", që duhet të kthehet të jetë një ulërime për të gjithë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Notat e futbollistëve të kaltër që triumfuan në "Gjermani 2006". 10 për Lipin...

 Ja cilët janë heronjtë e Italisë...!

Driten Vishe


 Ja cilat kanë qenë notat për futbollistët "axurrë" në finalen e djeshme...
Xh.Bufon 9,5 I pakalueshëm. Ka shkuar në Gjermani nga sezoni më i errët në karrierën e tij. Në këtë botëror ka merituar vendin e parë si portieri më i mirë në botë.
F.Groso 9.5 Njeriu i fatit. Në krahun e majtë ka treguar rendiment konstant dhe në nivele të larta. Botërori i tij lidhet sidomos me dy momente, penalltia e fituar në sekondën e fundit me Australinë dhe goli me Gjermaninë, po në minutën e fundit.
F.Kanavaro 10 Monumental. Nuk do të kishte festë më të bukur për ndeshjen e 100-të të kapitenit. Dëmtimi i Nestës e ka shndërruar në një lider të padiskutueshëm.
Xh.Zambrota 9 Rikthehet nga një dëmtim dhe nuk luan në ndeshjen e parë ndaj Ganës. Kundër Ukrainës luan ndeshjen më të mirë, ku shënon dhe jep asistin për golin e tretë.
M.Materaci 8,5. Përfshirja e tij në njëmbëdhjetëshen bazë do të jetë një mrekulli e vërtetë. Është treguar vendimtar, duke shënuar golin e parë ndaj Çekisë dhe golin e barazimit në finale. Dëmtimi i Nestës i ka dhënë mundësinë të shprehë më mirë aftësitë e tij.
Xh.Gatuzo 9 Zemra e skuadrës. Në këtë Kupë Bote ka arritur të tregojë ato aftësi që tregon në nivel klubesh. Përveç faktit të të qenit një lojtar me cilësi të mrekullueshme shkatërruese, në këtë botëror është përmirësuar edhe në fazën e ndërtimit të lojës.
F.Toti 7,5 Në Gjermani ka arritur nga një mrekulli, pas një rikuperimi në kohë rekord nga një dëmtim shumë i rëndë. Për të, botërori ka nisur në ndeshjen me Australinë, ku shënon penalltinë e minutës së fundit.
M.Kamoranezi 6,5 Nuk është në perfeksion, por ka qenë i dobishëm për "axurrët", duke i shtuar pak fantazi skuadrës së Lipit. Më shumë ka luajtur në krahun e djathtë dhe ndonjëherë në qendër të mesfushës.
S.Perrota 8,5. I kudondodhur. Në mesfushë dhe shpeshherë një plus në mbrojtje. Për të arritur perfeksionin në këtë botëror, i ka munguar vetëm goli.
A.Pirlo 9. Nëse Kanavaro është lideri i kësaj skuadre dhe Gatuzo zemra, atëherë Pirlo është truri. Nga këmbët e tij janë nisur të gjitha aksionet e italianëve. Ndaj Ganës ka shënuar golin e parë me "axurrët" dhe ka shërbyer Groson në golin ndaj Gjermanisë.
Toni 7 Nuk është shfaqur ai sulmues i frikshëm që kemi ndjekur në Serinë A dhe rrjetën e ka gjetur me shumë vështirësi. Për të, në kompensim ka qenë puna e tij për të tërhequr skuadrën përpara dhe hapja e hapësirave të lira për shokët e skuadrës.
Lipi 10. Pasi ka udhëhequr "axurrët" drejt një kualifikimi pak a shumë të lehtë për në "Gjermani 2006", rrezikoi të prekej nga skandali i futbollit italian. Në nivelin taktik nuk ka gabuar asnjëherë. Ka bërë shumë zgjedhje të mençura dhe na pëlqen të përmendim rastin e ndeshjes gjysmëfinale, ku guxoi të hedhë në fushë katër lojtarë sulmues. Të tjerë trajnerë, në minutat e fundit të kohës shtesë, do të kishin preferuar të luanin me vetëm një sulmues.

Andrea Pirlo, "njeriu i finales"
Mesfushori italian u shpall futbollisti më i mirë në ndeshjen finale të "Gjermani 2006", ku "axurrët" mundën Francën pas 11 metërshave, duke fituar Kupën e Botës. Futbollisti i Milanit ishte gjeometri i Italisë në takimin e djeshëm, por edhe gjatë gjithë botërorit. Me një Toti në hije, Pirlo ishte nismëtari i të gjitha aksioneve të skuadrës së Lipit. Për herë të tretë, 27 vjeçari shpallet futbollisti më i mirë i takimit dhe është bërë kandidati kryesor për të fituar "Topin e artë" të botërorit. Pirlo ka luajtur 32 ndeshje me Italinë dhe ka shënuar pesë gola (1 në këtë botëror). Debutimi i tij me fanellën e kaltër ka ardhur në shtator të 2002 shit në ndeshjen ndaj Azerbajxhanit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------