Horacio Elizondo, gjyqtari i finales botërore midis Italisë dhe Francës, i dhuroi presidentit të Argjentinës, Nestor Krishner, kartonin e kuq që i tregoi nën hundë Zidanit për goditjen me kokë ndaj Materacit. Ngjarja është zhvilluar në "Casa Rosada", selinë e qeverisë amerikano-jugore, ku Kirshner ka dëgjuar me ëndje disa anekdota të botërorit. "Ia dhurova kartonët që t'i përdorë", - është shprehur me shaka Elizondo. Ai karton i kuq shkroi historinë e finales së Kupës së Botës. Ato pamje, ku gjyqtari argjentinas, Horacio Marçelo Elizondo, i tregon Zidanit kartonin, kanë bërë xhiron e botës, ashtu siç ka bërë xhiron e botës jehona e pasojave të incidentit franko-italian. Një skualifikim prej dy ndeshjesh për italianin, që sipas mediave italiane lë shumë hije dyshimi dhe vendos një precedent të rrezikshëm. Dhe tashmë ai karton është bërë suvenir dhe që të mërkurën ka hyrë në dhomat e "Casa Rosada"-s, selisë së famshme të qeverisë argjentinase. Horacio Elizondo, që gjykoi me korrektësi finalen Itali-Francë, i ftuar nga presidenti Kirshner, i ka dhuruar qytetarit të parë argjentinas edhe një xhaketë të zezë, një karton të verdhë, por mbi të gjitha atë karton të kuq që Zidanit, ndoshta që nga mbrëmja e 9 korrikut vazhdon t'i shfaqet në ëndërr. Në atë karton, Elizondo ka lënë firmën dhe një dedikim special. "Shpresoj që t'i përdorë, - është shprehur Elizondo. - Duhet ndonjëherë karton i kuq edhe në politikë, më tepër për të zënë mend sesa për të ndëshkuar". Vizita e gjyqtarit që pati nderin të hapte dhe të mbyllte botërorin, duke gjykuar ndeshjen e hapjes dhe finalen, ka zgjatur për më shumë se një orë, gjatë të cilës Kirshneri ka pyetur dhe ka qeshur gjatë me anekdodat e Elizondos nga botërori i Gjermanisë.


Një menaxher kinez synon të bëjë para me gjestin e francezit
Zidan, promovues veshjesh "pa dashje"
Goditja e Zinedin Zidanit në dëm të Marko Materacit po provokon fantazi nga më të çuditshmet. Një menaxher i përgjithshëm i një firme marrëdhëniesh publike të specializuar në sport, ka regjistruar për vetëm 196 euro një markë veshjesh që ka për imazh goditjen me kokë të francezit ndaj Materacit. Zhao Xiaokoi po shqyrton idenë e shitjes së të drejtave të një siluete bardhezi që rindërton incidentin e finales, me një vlerë 98 mijë euro. Që gjesti do të shkaktonte bujë, kjo u kuptua që në fillim, por që të kapërcente kufijtë e sportit dhe të bëhej një imazh i klikuar dhe i përpunuar në gjithfarë formash në tërë botën, kjo vërtet që ishte e paparashikuar. Pas imazheve që qarkullonin në internet me fotomontazhe dhe fraza "provokuese" nga më të çuditshmet që sajoheshin nga maniakët e internetit dhe me një këngë me të dy futbollistët si protagonistë, nuk mund të mungonte një tjetër ide origjinale e destinuar për të ngjallur interes. Dhe me këtë rast, ishte ideja e një menaxheri kinez nga një firmë marrëdhëniesh publike, shumë e vëmendshme ndaj botës së sportit, që mendoi të regjistronte si markë atë gjest midis Zidanit dhe Materacit, për një shifër prej 98 mijë eurosh. Qëllimi është që me këtë markë të krijohet një biznes veshjesh, këpucësh, kapelesh të stampuara me një siluetë bardhezi që paraqet atë goditje me kokë. Zhao Xiaokai, në fakt, po mendon seriozisht që të shesë të drejtat e markës së tij për 98 mijë euro. Edhe pse gjesti i francezit ndaj italianit është stigmatizuar nga të gjitha anët, vazhdon të ngjallë interesim, por mbi të gjitha vazhdon t'u sjellë para atyre që e përdorin këtë imazh në mënyra nga më të papriturat.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------