Në përvjetorin e pestë të sulmeve të 11 shtatorit në Shtetet e Bashkuara, të afërm të gati tre mijë vetëve që gjetën vdekjen, kanë lexuar emrat e të dashurve të tyre në vendin ku ndodheshim kullat binjake të Qendrës Tregëtare Botërore në Nju Jork.

Ndërsa në qytet dëgjoheshin tingëllimat e këmbanave përkujtimore, ata ndaluan për pak çaste leximin e emrave për të mbajtur një minutë zi në kohët kur aeroplanët e rrëmbyer nga anëtarë të Al-Kaidas i përplasën ato tek kullat binjake.

Në Uashington, ku një avion i tretë u përplas mbi një pjesë të godinës së Pentagonit, është zhvilluar një ceremoni tjetër përkujtimore.

Presidenti Bush ndodhet në Nju Jork për vepritmaritë përkujtimore dhe më vonë do të shkojë në Uashington e Pensilvani, ku u përplas një avion i katërt.

Flamujt po mbahen në gjysmë shtize në të gjithë vendin.

Video e Al-Kaidas

Në një video që u publikua për të përkuar me këtë përvjetor udhëheqësi numër dy i Al-Kaidas, Ayman al-Zawahiri, ka paralajmëruar se vendet e Gjirit dhe Izrarelit do të jenë objektivat e ardhshme.

Televizioni arab Al-Jazeera ka publikuar pjesë të videos.

Kjo është viedoja më e fundit nga një numër syresh që Al-Kaida ka bërë publike me rastin e përvjetorit të 11 shtatorit.

Numri dy i Al-Kaidas i referohet luftës së fundit në Liban, duke sulmuar edhe vendin e tij të origjinës Egjiptin, që siç thotë ai, e ka braktisur plotësisht konfrontimin me Izraelin.

Duke iu referuar me përçmim forcave perëndimore që luftojnë në Irak dhe Afganistan, Al-Zawahiri thotë se fundi i tyre është i sigurt tashmë - dhe se Perëndimi duhet të forcojë mbrojtjen tani në dy rajone të tjera, Izrael dhe Gji, që do të thotë gadishulli Arabik.

Pesë vjet pas 11 shtatorit, media - përfshirë televizionet satelitore dhe interneti - mbeten një arenë e rëndësishme në luftën globale midis Perëndimit dhe ekstremizmit islamik.

Për secilën palë, informacioni është një armë kyçe po aq sa edhe pushkët e bombat.
 




____________
Galeria Shqiptare Direktoria Shqiptare Kërko në Google