Triumfi italian në botërorin "Gjermani 2006" ngjan vetëm si kujtim i largët për tifozët e shumtë të tyre dhe në të gjithë botën. Sigurisht, ai është kthyer në tempull, por aktualisht bën pjesë në ndijime nostalgjike, kështu siç paraqitet kombëtarja "axurre": në dy ndeshje kualifikimi për EURO 2008, një pikë!
Njeriu që e drejtoi Italinë në triumf, Marçelo Lipi, afro 70 ditë më pas shëtit i qetë në bregdetin e Viarexhios së tij të dashur. Ai nuk ka më stres, lodhje psiko fizike, kritika therëse, rëndom të pamerituara. Madje, një grupi gazetarësh (mes tyre dhe jo miqësorë të dikurshëm) ai u ofron një drekë me "bazë peshku".
"Nëse të ndodh të kalosh shumë kohë me disa njerëz, sigurisht edhe grindesh, duke thënë edhe fjalën e fundit. Pastaj rinis gjithçka edhe më me zjarr. Kjo është edhe deklarata e paqes me median. Sidoqoftë, më lini ta them: as që e përfytyroj se ç'do të ndodhte nëse nuk do të fitonim!"
- Marçelo Lipi, pse zgjodhët të fshiheni për afro dy muaj?
- Nëse jep dorëheqje, nuk ka kuptim të shkosh majtas apo djathtas. E kuptueshme të mbrohesh duke u fshehur disi.
- Ish komisari Guido Rosi do të kishte dashur që ju të riktheheshit në mjedisin "axurr".
- Asnjëherë nuk do ta shihja veten në rolin e supervizorit të skuadrave kombëtare, sepse kjo nuk është në natyrën e punës sime. Sidoqoftë, e falënderoj doktor Rosin: biseda me të më la përshtypjen se po flisja me një njeri të mbarë, por unë ia kisha thënë paraprakisht synimet e mia.
- Kur ndodhi, kjo?
- Pak ditë para fillimit të botërorit, ai dhe Albertini bënë çmos të ma kthenin mendjen; më pas respektuan zgjedhjen time. Në fillim, kur më propozuan mundësinë e supervizorit të përgjithshëm, iu përgjigja se do të riflisnim, por e bëra për mirësjellje. Më vinte keq të thosha "jo" menjëherë.
- Pse u larguat nga kombëtarja?
- Ja, kjo është gjëja për të cilën nuk do të kisha kënaqësi të flisja.
- I penduar...?
- Jo, nuk jam penduar. Pavarësisht se atë "det" njerëzish që festonin në Romë, do ta kemi brenda nesh për të gjithë jetën dhe pavarësisht se prej vitesh u identifikova në njëfarë mënyre, tani për mua gjithçka është paksa ndryshe.
- Janë të shumtë ata që dorëheqjen tuaj e lidhin me çështje morale.
- Botërori ishte diçka e imja. Atë e fitova. Pse, pra duhej të hiqja dorë?
- Kur Groso në Berlin shënonte 11 metërshin vendimtar, ju qëndruat si "mermer".
- Në Romë, në finalen e Ligës së Kampioneve, të fituar me Juven në 1996-n, u derdha në fushë, duke humbur edhe syzet që i mbaja në xhepin e tutave. Në Berlin parapëlqeva ta mbështesja xhaketën dhe syzet në stol. Ishim të sigurt për fitoren, kishim një bindje të patundur. Të gjithë futbollistët më shikonin për të goditur 11 metërshat. Po, edhe Bufoni, jua konfirmoj. Grosos i shpjegova se do të ishte i fundit, sepse ti tashmë je njeriu i fundeve. Kundër Australisë na dhe 11 metërshin në minutat shtesë, ndërsa kundër Gjermanisë shënove pas 120 minutave.
- Sekreti i sukseseve tuaja?
- Brazilianët, duke parë se janë njerëz dhe jo robotë, nuk arritën të shpreheshin në më të mirën e tyre, pra fitoi skuadra që demonstroi më shumë kompaktësi, më shumë dëshirë dhe më shumë uri.
Natyrisht, edhe një organizim të mirë loje. Ndryshimin e shënoi bashkëpjesëmarrja e madhe e futbollistëve të mi.
- A keni folur ndonjëherë me Zidanin?
- Kurrë. Ai e di përsosmërisht se ka gabuar. Megjithatë, mendoj se vlerësimi që i demonstroi Franca është gjerësisht i merituar. Kuptohet edhe dëshira për falje ndaj tij. Kështu bëjmë edhe ne.
- Episodi më simpatik i pasbotërorit?
- Isha në barkë, në një mol, kur papritur nga barkat e tjera ushëtoi një "popo popopo popo po" (melodia e himnit kombëtar).
- Një makth, tashmë...
- Jo, por në tonet e celularit tim do të doja të shkarkoja "Netë magjike" të Xhiana Naninit. S'ia dola mbanë, por do të riprovoj. Sidoqoftë, kuptova se s'ka asgjë më kompaktësuese sesa futbolli.
- Toti duket i pavendosur mbi të ardhmen e tij në kombëtare...
- Duhen respektuar zgjedhjet vetjake, megjithëse mendoj se është me vend të zhvillohet dialog. Nuk arrij të kuptoj se si mes dy personave inteligjentë, si Toti dhe Donadoni, që flasin të njëjtën gjuhë, të mos gjendet një zgjidhje.
- Cila do të jetë e ardhmja e trajnerit kampion bote?
- Ende ndjehem njeri i fushës. Kam pasur oferta dhe telefonata. Asnjë klub italian, të gjithë të huaj, por nuk kam shkuar as edhe për të biseduar. Jo për egoizëm, por sepse tani për tani nuk kam ndër mend të rifutem në lojë. Nuk mund t'i besosh një klubi që kërkon të zëvendësojë trajnerin vetëm pas dy tri javësh kampionat. Nëse kjo është filozofia e tyre, kjo mund të ndodhë edhe me mua.
- Vazhdon antipatia juaj për anglishten?
- Gjërat po përmirësohen. Sidoqoftë, gjuha nuk është pengesë. Nuk përjashtoj asgjë. Mund të shkoj të punoj edhe në Japoni.
- Sipas disave, skandali i përgjimeve telefonike përfundoi në një re tymi.
- Nuk jam i këtij mendimi: kemi një skuadër të përjashtuar nga një kampionat, ku ka marrë pjesë përjetësisht, e cila për dy vite nuk do të luajë në asnjë kupë, një skuadër së cilës iu desh të shiste thuajse të gjithë futbollistët e saj më të mirë. Skuadra të tjera e nisën kampionatin me ndëshkime pikësh. Nga ana tjetër mendoj se këtë vit gjyqtarët do të përjetojnë një situatë ideale për t'u shprehur. Do të ndjehen më të kthjellët, sepse njerëzit janë të bindur se nuk do të ketë më situata të çuditshme.
- Juvja, në... Rimini, Krotone...?
- Nuk ka kuptim të mendosh Juven e Championsit. Meqë ndodhi ajo që ndodhi, Juvja atje ndodhet me të drejtë. Pastaj, ndryshimi për një futbollist mes A-së dhe B-së shihet kur ai mendon për një kategori më të ulët dhe e lëshon veten. Nëse, përkundrazi, vazhdon të punojë, siç ka bërë gjithnjë, ndryshimet nuk vihen re. Për një gjë kam bindjen e patundur: problemi i fundit në mjedisin e Juves do të ishte ai psikologjik, motivues dhe i vendosmërisë.
- Një vlerësim për bardhezinjtë që vendosën të qëndrojnë në B?
- Më pëlqeu pa masë ajo që tha Bufoni. Ai është një fenomen i komunikimit, sikurse Valentino Rosi: pasi fitoi katër tituj dhe një botëror, nuk ka nevojë të rifitojë menjëherë. Filli më pëlqeu.
- Si do të përfundojë kampionati i ri? Vërtet do ta fitojë Interi? - Në një "pole position" hipotetik shoh Interin dhe Milanin në rreshtin e parë. Meqë ra fjala, komplimente atij që gjeti futbollistë si Gurkuf dhe Oliveira. Megjithatë, mendoj se Interi mund të veçohet si skuadra favorite, në Itali dhe në Europë.
Mendoj se me Juven në B, titullin e fiton Interi, sepse është shumë i fortë.
- Kthehemi tek e shkuara. Ju keni fituar një Ligë Kampionesh me Torriçelin dhe një botëror me Zakardon. Ku është truku? Aty nuk ishte Moxhi?
- Të fitosh me të panjohurit, është një kënaqësi e madhe e atyre që arrijnë të ndërtojnë një grup pune, ku më të fortët vihen në shërbim të skuadrës. Por yjet i kishim edhe ne.
- Para botërorit ju cilësonin të vështirë dhe antipatik.
- I vështirë kam mbetur, ndërsa antipatik nuk kam qenë asnjëherë, nuk e di pse më cilësojnë kështu...
- Ku do të shkoni të drejtoni, në Mançester apo Liverpul?
- Në asnjë vend, pastaj në Liverpul deti s'është i bukur.
- Po në Itali?
- Me Interin kam punuar një vit, nuk shkoi edhe aq keq, por as mirë, nuk besoj se do të mendojnë ende për mua.
- Zemani thotë se futbolli është një kancer që mjekohet me aspirina.
- Në futboll ka shumë njerëz të sëmurë. Ne në këto dy vite, me grupin e lojtarëve të mi treguam seriozitet, bashkim e thjeshtësi. Ky është ilaçi më i mirë.
- Që fëmijë bënit tifo për Milanin, po tani?
- Në zemër kam Sampin. Pastaj Juven, kam kaluar sezone të paharrueshme.
- Moxhi çfarë karakteri?
- Është një profesionist që ka punuar shumë vite në futboll. Viktimë apo përgjegjës? Nuk jam unë ai që duhet ta gjykoj. Kam punuar dhjetë vite me të dhe kam një kujtim pozitiv.
- Si ia bën një trajner i Juves që nuk e kupton sistemin "Moxhi"?
- Po cili ishte ky sistem i Moxhit? Nëse e kuptoni, çdo mbrëmje haja me të në restorant, këtë e konfirmoj. Të tjerat nuk i di.
- Në fund një fjalë për Donadonin dhe cilit ia jepni "Topin e artë"?
- Donadoni ka pasur të njëjtat probleme që kam pasur unë para dy vitesh, ndërsa "Topin e artë" ia jap Kanavaros.

Lipi për Totin
Duhen respektuar zgjedhjet vetjake, megjithëse mendoj se është me vend të zhvillohet dialog. Nuk arrij të kuptoj se si mes dy personave inteligjentë, si Toti dhe Donadoni, që flasin të njëjtën gjuhë, të mos gjendet një zgjidhje. Por jam i bindur se gjithçka do të zgjidhet dhe rëndësi ka që "axurrët" të kenë sukses para së gjithash.

Lipi për Interin
Në një "pole position" hipotetik shoh Interin dhe Milanin në rreshtin e parë. Meqë ra fjala, komplimente atij që gjeti futbollistë si Gurkuf dhe Oliveira. Megjithatë, mendoj se Interi mund të veçohet si skuadra favorite, në Itali dhe në Europë.
Mendoj se me Juven në B, titullin e fiton Interi, sepse është shumë i fortë.

Lipi për të ardhmen
Ende ndjehem njeri i fushës. Kam pasur oferta dhe telefonata. Asnjë klub italian, të gjithë të huaj, por nuk kam shkuar as edhe për të biseduar. Jo për egoizëm, por sepse tani për tani nuk kam ndër mend të rifutem në lojë. Nuk mund t'i besosh një klubi që kërkon të zëvendësojë trajnerin vetëm pas dy tri javësh kampionat. Nëse kjo është filozofia e tyre, kjo mund të ndodhë edhe me mua.
Me Interin kam punuar një vit, nuk shkoi edhe aq keq, por as mirë, nuk besoj se do të mendojnë ende për mua.

Lipi për Juventusin
Nuk ka kuptim të mendosh Juven pa Champions. Meqë ndodhi ajo që ndodhi, Juvja atje ndodhet me të drejtë. Pastaj, ndryshimi për një futbollist mes A-së dhe B-së shihet, kur ai mendon për një kategori më të ulët dhe e lëshon veten. Nëse, përkundrazi, vazhdon të punojë, siç ka bërë gjithnjë, ndryshimet nuk vihen re. Për një gjë kam bindjen e patundur: problemi i fundit në mjedisin e Juves do të ishte ai psikologjik, motivues dhe i vendosmërisë.

Lipi për Guido Rosin
Pak ditë para fillimit të botërorit, ai dhe Albertini bënë çmos të ma kthenin mendjen; më pas respektuan zgjedhjen time. Në fillim, kur më propozuan mundësinë e supervizorit të përgjithshëm, iu përgjigja se do të riflisnim, por e bëra për mirësjellje. Më vinte keq të thosha "jo" menjëherë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------