Pasi është bërë zyrtare lista e futbollistëve kuqezi, të cilët do të përballen me tulipanët më 11 tetor, në Amsterdam Arena, trajneri i i kuqezinjve ka pranuar t'i shprehë bindjet e tij për gazetën "Sporti shqiptar". "Kemi humbur Canën dhe kjo është problem, nga që së bashku me Beqirin, janë ndëshkuar me kartonë të verdhë. Nuk mund të vazhdohet kështu me mungesa të lojtarëve. Të gjithë e dinë se Holanda është 100% favorite në grupin tonë, të mos harrojmë se është diku e 5-ta apo 6 ta në botë, ndërsa ne të 60-tët apo të 70 tët në botë. Ne jemi autsajder, por do të përpiqemi të tregojmë vlerat tona. Holandezët para nesh luajnë në Bullgari dhe unë do të jem atje. Mendoj se është pozitiv fakti që ata do të luajnë kundër nesh në ndeshjen e dytë të tyre pas katër ditësh",- të thotë që në fillim të bisedës trajneri i kombëtares, Oto Bariç.
Trajneri kroat i kombëtares është akuzuar nga mediat shqiptare se nuk e ka kaluar kohën më të madhe në Shqipëri, siç është parashikuar në kontratë. Në përgjigje të kësaj pyetje, trajneri Bariç na thotë:
- Bashkëpunëtori im, Zvlatko Kovaçiç, ka qenë 10 ditë në Shqipëri, është njësoj sikur të isha unë. Si pasojë e kësaj e kemi ftuar Bulkun dhe të gjithë lojtarët e tjerë, që kanë luajtur në kombëtare së fundi nga ekipet shqiptare. Unë isha në ndërkohë në Gjermani, ku ndoqa Kapllanin dhe Kastratin. Shikoni, unë jam duke i ndjekur intensivisht futbollistët shqiptarë në Europë dhe mund të them se kam të gatshëm edhe 4 emra të rinj për kombëtaren, madje edhe 10 emra të tjerë që do t'i vëzhgoj. Dua kohë, sepse kombëtaren e vërtetë mendoj se do ta shohim në pranverë. Për këtë dua kohë, 6 7 muaj deri në një vit. Kur të shohim se me cilët futbollistë modernë do të mund ta përmirësonim kualitetin në kombëtare. Nëse ndokush di ta bëjë këtë punë më mirë, le të urdhërojë. Nëse ndokush premton fitore me holandezët, unë i jap 10.000 euro shpërblim. Natyrisht edhe unë e dua fitoren, por duhet kohë.
- Po a ia vlen që kombëtarja të grumbullohet në Holandë?
- Për mua është diçka logjike. Në Shqipëri është një klimë më ndryshe, ndërsa atje ku ne do të luajmë dhe do të ketë shi, temperatura është më e ulët se në Shqipëri. Gjithashtu është i komplikuar edhe grumbullimi, pasi shumica e lojtarëve duhet të udhëtojnë për në Tiranë. Pastaj mendoj se në Holandë lojtarët do të jenë më të qetë, ndërkohë që atje edhe terrenet janë më të mira se në Shqipëri. Kështu që unë nuk e shoh këtë si problematike.
- Ju keni ftuar në kombëtare mbrojtësin Adrian Aliaj, i cili luan në Ligën e dytë të Kroacisë?
- Çfarë do të thotë kjo, ai ka luajtur 3 4 vjet rregullisht në kombëtare. Aliaj luan në Solin dhe unë e kam ndjekur. Nuk mund ta largojmë aq thjesht nga kombëtarja, sepse mbi të gjitha nuk do të jetë humane. Dua që zëvendësimet e bëra të jenë të arsyeshme, e sidomos më të mira. Bushi është 33 vjeç dhe më duhet ta shikoj edhe një herë nga afër, pasi do të përpiqem të vëzhgoj edhe shumë futbollistë të tjerë nga afër.
- Në mediat shqiptare është hedhur ideja se ju keni pasur ndërhyrje në hartimin e listave të lojtarëve?
- Nuk është aspak e vërtetë dhe këtë e them me plot bindje. Dikush e ka trilluar këtë gjë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Van Basten zgjedh tulipanët për fushatën

Trajneri i kombëtares holandeze, Marko van Basten bëri të ditur dje në drekë emrat e lojtarëve që ka ndërmend të thërrasë për të dy ndeshjet e radhës, më 7 tetor në Sofje kundër kombëtares së Bullgarisë dhe më 11 tetor në Amsterdam kundër përfaqësueses së Shqiperisë. Këta janë lojtarët që janë thirrur prej tij.
Portierë: Timmer (Fejënord), Van der Sar (Mançester Junajtid).
Mbrojtës: Emanuelson, Heitinga (Ajaks), De Cler, Jaliens (AZ Alkmar), Mathijsen (SV Hamburg), Ooijer (Blekbërn Rovers), Van Bronckhorst (Barcelona), Boulahrouz (Çelsi).
Mesfushorë: Shnajder (Ajaks), Schaars, De Zeeuw (AZ Alkmar), De Jong (SV Hamburg), Landzaat (Vigan Athletik), Van Bommel (Bajern Mynih).
Sulmues: Huntelaar, Babel (Ajaks), Van Persi (Arsenal), Kujt (Liverpul), Vennegoor of Hesselink (Sëlltik), Roben (Çelsi).

Ajo që të bie në sy është kthimi në skuadër i lojtarit të Bajernit
Mark van Bomel. Në dy ndeshjet e mëparshme, kundër Luksemburgut dhe Bjellorusise, Van Basten nuk e pati grumbulluar Van Bommel, po ashtu siç edhe nuk pati thirrur në kombëtare edhe Rud van Nistelroin. Ky i fundit në një interivistë dhënë revistës së përjavshme "Sportweek" i kritikoi ashpër metodat e Van Bastenit. Po ashtu kthehen në skuadër edhe Tim de Kler e Arjen Roben që e kanë marrë veten nga dëmtimet dhe tani janë në formë. Van Basten theksoi gjatë prezantimit të së premtes se arsyeja e rikthimit të Van Bomelit në skuadër është një arsye teknike. "Ne jemi të mendimit që Van Bomel është në këtë moment është një nga mesfushorët më të mirë dhe i takon që të grumbullohet. Sa do të arrijmë të evitojmë që ai të mos bëjë po ato gabime që ka bërë edhe më parë në kombëtare? Për këtë duhet të presim." Van Bomel është i pari lojtar i "gardës së vjetër" që rikthehet në skuadrën e drejtuar nga Van Basten. Lojtarë si Van Nistelroi e Sedorf, që në këtë moment është në formë të shkëlqyer te Milan nuk kanë asnjë shans për t'u rikthyer. "Unë preferoj të tjerë lojtarë, tha Van Basten. - Unë u kushtoj rëndësi vetëm anëve teknike që kanë të bëjnë me futbollin. Nuk më pëlqen që njerëzit thonë që unë nuk jam i drejtë dhe serioz. Sepse unë jam shumë serioz. Nuk kam ç'të bëj nëse njerëzit nuk më besojnë. Në këtë moment preferoj Huntelarin, Kujt dhe Heselinkun mbi Van Nistëlroin. Sedorfit nuk i takon të grumbullohet, pasi në sytë e mi ai nuk është ndër gjashtë mesfushorët më të mirë hollandezë. E kemi diskutuar rastin e tij, por ja që preferojmë të tjerët," - tha Van Basten.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Bogdani: Nuk kemi ç'të humbasim ndaj Holandës


 Kombëtarja shqiptare është akomoduar prej disa ditësh ne Holandë dhe vijon përgatitjet për ndeshjen së mërkurës ndaj tulipanëve të Van Bastenit. Ndeshja është e vështirë dhe për Erion Bogdanin, ajo duhet zhvilluar me tjetër temp, me tjetër logjikë, ndryshe nga sfida e humbur një muaj më parë ndaj Rumanisë në Tiranë. Si gjithnjë i gatshëm dhe me përzemërsi, sulmuesi që militon në radhët e Sienës në kampionatin italian, u përgjigjet pyetjeve përmes linjës telefonike dhe deklaron se ka dëshirë që të mërkurën në mbrëmje, në "Amsterdam Arena", të tundë rrjetën e Van der Sarit.
- Erion, sfida e Amsterdamit po afron. Si e parashikoni ju ndeshjen ndaj Holandës?
- T'ju them që është e vështirë, kjo dihet tashmë. Të gjithë jemi në dijeni të potencialit të skuadrës holandeze dhe ata do të futen në fushë vetëm me një synim, fitoren. Do ta kemi shumë të vështirë, por besoj se do të bëjmë diçka të mirë ndaj tyre.
- Domethënë ju besoni realisht se kombëtarja jonë ka shanse për një rezultat pozitiv?
- Më shumë se shanse, do t'i quaja mundësi. Unë besoj se kemi mundësi për një lojë dinjitoze dhe më pas, pse jo, një rezultat pozitiv. Por duhet të qëndrojmë me këmbët në tokë. Ata janë shumë më të fortë se ne dhe sikur të mos mjaftonte kjo, ne kemi mungesa të rëndësishme në formacion, ku do të veçoja mungesën e Lorikut.
- A mund të zëvendësohet denjësisht nga të tjerë Cana?
- Loriku është thelbësor për ne. Eshtë një digë e vërtetë. Do të doja të ishte me ne, por shpresoj që zëvendësuesit ta kryejnë sa më mirë rolin e tij.
- Në Tiranë qarkullojnë fjalë se kombëtarja do të luajë me një sulmues të vetëm përpara. Mund të jeni ju ose Tare. Çfarë mendoni për këtë?
- Do të më vinte shumë keq po të mos luaja ndaj Holandës. Nuk jam i informuar për këtë që po më thoni, por ky është një vendim që i takon vetëm trajnerit. Për mua, kombëtarja duhet të luajë si në ndeshjen ndaj Danimarkës në Oslo, me dy sulmues dhe pas shpinës së pykave të jetë Skela.
- Pra, sipas jush, moduli më i mirë do të ishte ai i zakonshmi për këto ndeshjet e fundit, Bogdani-Tare, të mbështetur nga Skela...
- Unë jam për një lojë me dy sulmues. Gjithashtu, nuk duhet të luajmë si në ndeshjen kundër Rumanisë, në pritje. Nuk kemi çfarë të humbasim, duhet të kërkojmë të shtyjmë sa më shumë përpara.
- Bogdani te Siena po gjen pak hapësirë. Mos ka kushtëzuar kjo në formën tuaj fizike?
- Aspak, jam në gjendje shumë të mirë dhe i gatshëm për kombëtaren. Te Siena vendin në formacion do ta rimarr mjaft shpejt, sepse kam punuar dhe kam arritur formën time më të mirë. Këtë do ta demonstroj edhe me kombëtaren.
- Së fundi, një parashikim të vogël, a do të shënoni ndaj Holandës?
- Do të ishte fantastike. Do të përpiqem të bëj më të mirën, në radhë të parë për skuadrën, por nëse më jepet qoftë një mundësi, nuk do të gaboj e do ta çoj topin në rrejtë (qesh)
- Domethënë, po i shpallni sfidë Van der Sarit...
- Eshtë sfidë mes kombëtareve. Ne luajmë për të mbajtur lart emrin e Shqipërisë dhe këtë do të bëjmë duke u paraqitur sa më dinjitozë ndaj Holandës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------