KEDA PËR NIKI HEIDEN
* Lindur: 30 korrik 1981, Ouensburi, Kentaki
* Pseudonimi: Djali i Kentakit (Kentucky Kid)
* Motori: Honda RC211V
* Gara: 64. Fitore 3
* Amerikani i fundit që fitoi në klasin mbretëreshë, ishte Keni Roberts "i ri" në vitin 2000.
* Amerikanët dominuan klasin 500cc nga 1970-1990, duke fituar 13 nga 16 titujt botërorë.
* Heideni ishte 51 pikë para Rosit pas fitoren në Laguna Seka në korrik.
* Heideni nuk mori pikë vetëm në Portugali, ku u rrëzua nga shoku i skuadrës, Pedroza.
* Heideni ka hipur në pod në 10 herë nga 17 gara në këtë sezon.
* U bë kampioni më i ri në Superbike në 2002-shin, duke fituar nëntë nga 16 gara.
* Heideni ishte shok skuadre me Rosin në 2003-shin, te Honda.



Amerikani Niki Heiden përfitoi nga një gabim i rrallë i pesë herë kampionit, Valentino Rosi, për të fituar titullin e parë kampion në MotoGP, në një garë dramatike në Valencia që mbylli edhe sezonin.
Rosi që shkonte në garën e fundit me një avantazh prej tetë pikësh në renditje, humbi kontrollin e rrotës së parë në xhiron e pestë dhe rrëshqiti në zhavor, duke mos arritur më pas të rikuperonte pozicionet e humbura. Italiani e mbylli garën i 13-ti, por titullin e fitoi Heideni me vendin e tretë, pas Troi Beilisit dhe Loris Kapirosit. Rosi u tregua mjaft sportiv, duke i dhënë dorën Heidenit në xhiron e përshëndetjes. Amerikani 25-vjeçar u shpreh i përlotur pas garës: "Ndihem shumë krenar. Nuk u dorëzuam kurrë, edhe pse ishim prapa".

FITORJA
Heideni mori pikë në çdo garë, përveç Portugalisë, duke fituar dy gara dhe 10 podiume nga 17 gara gjithsej. Rosi fitoi pesë gara, por nuk mori pikë në tri. Amerikani e mbylli kampionatin pesë pikë para Rosit në renditje, kurse Kapirosi i mori vendin e tretë Marko Melandrit me një pikë më tepër. Rosi e filloi garën si favorit për të fituar titullin e gjashtë, pasi fitoi edhe "pole position" në Valencia. Por italiani bëri një nisje jo të mirë dhe përfundoi i shtati në xhiron e parë. Dani Pedroza depërtoi në vendin e dytë dhe e la shokun e ekipit, Heidenin, që ta parakalonte dhe pastaj u përqendrua që të mbante larg Rosin.

SEKONDAT E HUMBURA
Por shanset e Rosit për të fituar titullin e gjashtë radhazi u shuan kur i rrëshqiti rrota e parë e Yamaha-s dhe motori doli nga pista. Italiani arriti të hynte sërish në garë, por humbi 25 sekonda nga kryesuesit dhe kaloi në vendin e 19-të. Heideni qëndroi i qetë pas dyshes së Ducati-t, Beilis dhe Kapirosi, ndërsa Rosi arriti të ngjitej deri në vendin e 13-të, por që nuk mjaftoi për ta privuar Heidenin nga titulli kampion. Troi Beilis, 37-vjeçar, fitoi kampionatin Superbike sivjet dhe erdhi në këtë garë si zëvendësues i Sete Xhibernaut. "Ishte një fundjavë si në përralla. E pabesueshme, fitova në Superbike, erdha dhe fitova edhe këtu", - u shpreh Beilisi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Valentino Rosi ka menduar ta shpjegojë me filozofi gabimin që bëri në Valencia, i cili i kushtoi titullin kampion. "Ky ka qenë gabimi im më i madh që kam bërë në një nisje," thotë "Doktori". Më pas, për gazetarët e pranishëm në pistë ai ka shtuar: "E dija që duhej të bëja një nisje të mirë, por ndodhi e kundërta, gabova që në fillim dhe humba disi përqendrimin. U gjenda në mes të grupit të pilotëve dhe nuk ndihesha mirë. Më pas erdhi ajo rrëshqitje e motorit, e cila ishte krejtësisht për fajin tim. E përsëris edhe një herë, gabimi im e kishte fillimin që te nisja. Po të isha nisur mirë, me siguri edhe gjërat do të shkonin ndryshe. Një ditë më parë, në provat zyrtare isha në gjendje të mirë, por në ditën e garës gjërat ndryshuan disi. Kur pësojmë ndryshime të tilla, kemi vështirësi. Çfarë mendova kur dola nga pista? Humba gjithçka. Pjesën tjetër më mirë të mos jua them që ta shkruani nëpër gazeta. Në dy garat e fundit kemi pasur disi probleme me gomat, në kuptimin që në krahasim me provat, në garë gjërat ndryshojnë shumë. Më vjen keq që gjërat shkuan kështu, nuk e kisha provuar ndonjëherë," ka përfunduar Rosi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------