"Kundërshtari kryesor dhe më i fortë nuk do të jetë kampioni i botës, Fernando Alonso, por shoku im i skuadrës, Felipe Masa," ka thënë Kimi Raikonen në një intervistë për të përditshmen gjermane "Bild". Duket si një frazë që fton në një sfidë për sezonin e ardhshëm pilotin spanjoll dhe shokun e ri të skuadrës, Masa, i cili fitoi gjithashtu edhe garën e fundit të këtij sezoni, atë të Brazilit.
Rivalitet: Janë dy pilotë, të cilët do ta fillojnë sezonin e ri si të barabartë, por me synim titullin kampion. Për Ferrarin do të jetë një sezon krejtësisht i ndryshëm, pasi nuk do të jetë më Majkëll Shumaker. Ashtu si Masa, i cili e ka mbyllur mjaft mirë këtë vit të parë me "kokëkuqen", edhe Raikonen kërkon një sukses të padiskutueshëm në 2007 n. Ish skuderia e tij, McLaren, nuk është aspak e penduar që e ka lënë të lirë finlandezin, pasi në vend të tij kanë marrë kampionin e botës, Fernando Alonson.
E shkurara: Menjëherë sapo ka përfunduar ky sezon, finlandezi është munduar të ngacmojë rivalët e sezonit të ardhshëm. Për McLaren in ai ka thënë: "Që nga sezoni i ardhshëm, makinat Mercedes McLaren do t'i shoh vetëm nëpër pasqyra." Ndërsa nga ana tjetër, skuderia anglo gjermane ka pohuar se nuk ka qenë në lartësinë e duhur në këto sezonet e fundit. "Kanë qenë disa faktorë që kanë ndikuar, të cilat kanë sjellë këto rezultate për mua në 5 vite me McLaren in, pra vetëm 9 fitore. Megjithatë, mund të them se shpeshherë makina nuk ka qenë konstante."
Optimizmi: Ai duket se është shumë i sigurt, edhe pse skuderia e re është krejtësisht e ndryshme nga ajo e mëparshmja. Që në momentin kur zyrtarizoi kalimin te skuadra nga Maranelo, Raikoneni deklaroi: "Kisha kohë që mendoja për një kalim te Ferrari dhe jam i sigurt se kjo skuadër është shumë argëtuese. Jam i sigurt se do të kem mundësi të fitoj titullin kampion." Por kur është folur për paraardhësin e tij, i cili kishte fituar shtatë tituj kampionë, ai ka deklaruar se nuk i interesonte. "Me makinën dhe skuadrën e duhur mund të thyesh të gjitha rekordet. Mund të them se ato vende të para në statistika që mban Majkëlli, nuk janë të pathyeshme. Pa dyshim do të më pëlqente shumë të isha unë ai që i thyen ato rekorde. Ndoshta kjo kontratë që kam firmosur me Ferrarin, do të jetë e fundit, pasi nuk do të firmos me ndonjë skuderi tjetër.
Makina: Ai ka kërkuar edhe një ndihmesë nga Majkëlli, i cili për të ardhmen do të jetë asistenti i Zhan Todtit. "Do të tregohesha budalla nëse nuk do t'i kërkoja Majkëllit mbështetje dhe këshilla. Do të jetë me të vërtetë shumë mirë që të më ndihmojë ai në këtë vit të parë, ku unë do të mundohem të ambientohem sa më shpejt. Nëse ai do të bëjë testime për mua, kjo më duket një budallallëk," ka përfunduar Raikoneni.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kimi do e arrine nje gje te tille vetem nese punon me perkushtim!!
E te bie rezultate konstante se nuk eshte vetem makina ajo e cila ja bie titullin e kampionit!
E sa per Alonson besoj se edhe vitin e ardhshem do te maten te gjithe me te.
Sa perfiton nga kalimi ne Mclaren, ngelet te shihet??
 

Shtatë herë kampioni i botës, Majkëll Shumaker, ka bërë të ditur për herë të parë që nga koha kur dha dorëheqjen nga Formula 1, se sporti ku ai bënte pjesë, ndryshon shumë shpejt dhe për rrjedhojë e ka të pamundur të rikthehet si pilot. "Gjërat në Formulën 1 ndryshojnë shumë shpejt dhe shpesh, e kam fjalën këtu për pjesën teknike të këtij sporti. Kur largohesh nga Formula 1, do të thotë se je menduar mirë dhe se ka qenë një vendim i drejtë," ka deklaruar dje ish piloti i Ferrarit, Majkëll Shumaker, për një gazetë gjermane. Piloti 37 vjeçar u tërhoq menjëherë pas Çmimit të Madh të Brazilit, që ishte dhe gara e fundit e këtij viti. Ajo ishte gara e tij e 249-të në karrierë në 16 vite, që kishte marrë pjesë në Formulën 1 si pilot. Në fillim Majkëlli kishte deklaruar se do të tërhiqej, por duke marrë si shembull Niki Laudën apo Mika Hakinenin që nënkuptonte një rikthim të mundshëm të tijin. Tashmë ai ka deklaruar zyrtarisht se do t'i përkushtohet më shumë familjes dhe jetës së tij të re. Autobiografia e Shumit, e cila ka si titull thjesht "Majkëll Shumaker", do t'i japë mundësinë të gjithë të pasionuarve të Formulës 1 dhe fansave personalë, që të dinë gjithçka në lidhje me pilotin nga Kerpeni i Gjermanisë. Autorja, Sabin Kehm, një mikeshë e ngushtë e Majkëll Shumakerit, do t'i ndihmojë të gjithë me këtë libër duke publikuar edhe pjesë nga jeta private e pilotit, të cilat gjatë këtyre 16 viteve të karrierës si pilot nuk janë publikuar.
Paraqitja e Shumit në kartodromin breshian
Dy ditë më parë, Majkëll Shumaker është parë në një kartodrom duke garuar me një makinë Kart, në Lonato, një provincë e Breshias. Ish piloti i Ferrarit kishte kohë që kërkohej për të xhiruar në këtë pistë, por vetëm ditën e martë ka zbritur në pisët ku ka zhvilluar tri xhiro. Një ditë më pas, të mërkurën, gjermani ka xhiruar në pistë gjatë gjithë ditës, edhe pse binte shi. Skuadra breshiane nuk ka dashur ta kushtëzojë për asgjë Majkëllin, duke treguar edhe një herë se e gjithë kjo veprimtari është organizuar thjesht për argëtim.
Ish shtatë herë kampioni i botës në Formulën 1 është parë në këtë pistë disi i shëndoshur dhe me mjekër. Ai shkoi në atë pistë me një Maserati ngjyrë gri dhe menjëherë pas hyrjes së tij u mbyllën dyert e kartodromit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pas festimeve që ka bërë skuderia McLaren Mercedes në Shtutgart, ku i është dhënë edhe lamtumira, Kimi Raikonen filloi pushimet e tij.
Të enjten e kaluar, i shoqëruar nga 5 miq, Kimi shëtiti disa bare në qytetin Oulu. Në fund ai shkoi në një "PUB" me një cigare kubaneze në duar, duke u thënë klientëve që e njihnin se ishte i vëllai i pilotit të ri të Ferrarit. Një ditë më pas, ai kaloi në një lokal tjetër "karakoke". Aty ai këndoi disa nga këngët e tij të preferuara, të cilat kryesisht ishin të zhanrit "rap" finlandez. Duke kaluar nga kënga në këngë, Kimit filloi t'i dridhej dhe zëri më pas, pasi edhe alkooli bënte të vetën. Për mediat vendëse, kjo ishte një ngjarje tashmë normale për Kimi Raikonenin. Ata shkruanin gjithashtu se pijet e preferuara të tij janë birra dhe vodka.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

nga halli e ka dhe ky  
 




____________
Galeria Shqiptare Direktoria Shqiptare Kërko në Google