Qeveria greke ka miratuar një projekt ligj i cili përmban përmirësime serioze në ligjin aktual për legalizimin e emigrantëve. Ligji i ri i i legalizimeve 3386 është miratuar nga Parlamneti grek më 2005 dhe ndryshoi rrënjësisht ligjin 2910 të vititit 2001. Por, që nga data e miratimit ligji 3386 është kundërshtuar nga shumë organizata emigrantësh dhe sindikata greke. Kjo për faktin se ligji ishte tepër i ashpër dhe linte jashtë procesit të legalizimit shumë emigrantë. Qeveria në atë kohë hapi edhe një periudhë debati për ligjin, por shumë nga kërkesat nuk u përfshinë menjëherë në ligj. Me ndryshimet e reja të propozuara dje, specialistët e Ministrisë së Brëndshme treguan se nuk I kanë hedhur poshtë shënimet e mbajtura që nga periudhe e debatit për hartimin e ligjit. Në mënyrë të vazhdueshme ligji që nga dita e miratimit ka patur ndryshime dhe në të janë përfshirë pothuajse të gjitha vërejtjet dhe propozimet e bëra nga organizatat e migrantëve, avokati i popullitpor edhe sindikatat greke.
Ndryshimet e propozuara
Sipas projektligjit qeveria greke do t’u japë edhe një shans të ri emigrantëve të paligjshëm për t’u legalizuar. Kështu afati për të dorëzuar dokumentat e nevojshme për legalizimin shtyhet deri në 30 Prill 2007. Kjo është shtyrja e katërt që i bëhet afatit të legalizimeve që kur është miratuar ligji 3386/2005. Projektligji i cili pritet të miratohet edhe nga Parlamenti grek u jep mundësinë e legalizimit deri në 30 Prill të gjithë atyre që do të vërtetojnë se jetojnë në Greqi para 31 Dhjetorit 2004. Një gjë e tillë tani mund të bëhet edhe me dëftesën e shkollës së fëmijëve të tyre që ndiqnin shkollat greke. Ministri i Brëndshëm grek, Prokopi Pavlopulos, deklaroi se ky vendim shpreh vullnetin serioz që në Greqi të mos mbetet asnjë emigrant i palegalizuar. Nga ana tjetër, ligji i ri do të sjellë masa lehtësuese për të gjithë ata që kanë pengesa në rinovimin e lejeve të qëndrimit. Kjo kategori ka marrë lejet e qëndrimit, por për mos grumbullimin e numrit të nevojshëm të ensimave (ditë pune të siguruara) ka hasur vështirësi të ndryshme për shkak se një numër punëdhënësish nuk pranojnë që të paguajnë sigurimin për ta. Tani e tutje kjo
kategori do të mund ti blejë vetë numrin e ditëve të punës që u duhen për tu legalizuar.
Dhe për ta do të duhen vetëm 20% e sasisë së ditëve të punës që parashikon ligji për tu legalizuar. Të gjithë ata që do të aplikojnë për lejen afatgjatë të qëndrimit nuk do të jenë të detyruar të japin provim përpara Komisionit Shtetëror për të treguar se njohin gjuhën dhe kulturën greke. Por sipas projekt ligjit ata do të jenë të detyruar që të ndjekin 125 oret për mësimin e gjuhën dhe kulturën greke. Dokumenti që do të merret në fund të këtij kursi do të jetë i vlefshëm për marrjen e Lejes afatgjatë të qëndrimit. Ndryshim rrënjesor pëson gjithashtu edhe neni i ligjit ekzistues për bashkimin familjar. Sipas ligjit 3386 një emigrant që kërkon të bëjë bashkim familjar do t’i duhej që të deklarante si të ardhura vetjake shumën prej 12 mijë euro. Kështu që një emigranti në Greqi të bëjë bashkim familjar do t’i duhej të deklaronte të ardhura vjetore personale 7 500 euro plus 20% të kësaj shume për bashkëshorten plus 15% për çdo fëmijë. Në projektligjin e ri kjo shfuqizohet dhe nuk është më kusht për bashkimin familjar. Gjithashtu projektligji parshikon heqjen e pagesës për legalizimin e të gjithë të miturve pavarësisht nga mosha, ndërkohë që ligji aktual përjashtonte nga pagesa vetëm fëmijet deri në moshën 14 vjeç.

Nenet e reja të projektligjit

Afati për të dorëzuar dokumentat e nevojshme për egalizimin shtyhet deri në 30 Prill 2007
U jepet mundësia e legalizimit deri në 30 Prill të gjithë atyre që do të vërtetojnë se jetojnë në Greqi para 31 Dhjetorit 2004
Emigranti do të mund t’i blejë vetë numrin e ditëve të punës që i duhen për tu legalizuar
Të gjithë ata që do të aplikojnë për lejen afatgjatë të qëndrimit nuk do të jenë të detyruar të japin provim përpara Komisionit Shtetëror për të treguar se njohin gjuhën dhe kulturën greke
Do të jenë të detyruar që të ndjekin 125 oret për mësimin e gjuhës dhe kulturën greke
Llogaria prej 12 mijë eurosh nuk është më kusht për bashkimin familjar
Parshikohet heqja e pagesës për leglalizimin e të gjithë të miturve pavarësisht nga mosha
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------