Të paktën 54 persona janë vrarë dhe mbi 140 janë plagaosur në dy sulme me bomba në makinë në qendër të Bagdadit.

Njoftimet thonë se shpërthimet ndodhën në mënyrë silmutane. Njëri ndodhi në një makinë të parkuar, dhe një tjetër në një makinë që u vozit nga një sulmues vetëvrasës.

Një zëdhënës i policisë tha se dukej se bombat kishin si synim një patrullë policie dhe një turmë irakianësh të mbledhur për të aplikuar për punë ditore.

Të shtëna me armë mund të dëgjoheshin menjëherë pas sulmeve.

Nuk është e qartë nëse ato kishin të bënin me policinë apo kryengritësit që koordinonin sulmet.

Sheshi është pranë disa ministrive dhe një ure që kalon mbi lumin Tigër dhe lidh me Zonën e Gjelbër të fortifikuar, ku janë parlamenti irakian dhe ambasadat amerikane dhe britanike.
 




____________
Kaltersia Shqiptare