Autoritetet greke të Qiprios rrëzojnë murin ndarës të Nikozisë

09-03-2007
    

Qipriotët grekë rrëzuan murin që për dekada të tëra ka ndarë kryeqytetin e fundit të përçarë të Evropës.

Buldozerët të enjten në mbrëmje në qendër të pjesës së vjetër të kryeqytetit të Qipros, Nicosia, për të shembur murin që ndante zonën greke nga pjesa e kontrolluar nga turqit. Punimet e panjoftuara filluan gjatë natës. Prej mëse një viti, kur pala turke ndërtoi një urë që u jepte mundësi trupave të saj të patrullonin një rrugë pranë murit, të dyja palët kanë pasur mosmarrëveshje për rihapjen e pikëkalimit.

Ministri i Jashtëm Grek i Qipros, Jorgo Lilikas, i cili bëri një vizitë në këtë pikëkalim, tha për shtypin se trupat turke duhet të largohen nga zona: "Qeveria ka vendosur të sheshojë murin mbrojtës nga ana jonë. Kjo ishte e vetmja pikë mbrojtjeje që kishim në qytet, prandaj presim që pas këtij vendimi të njëanshëm të qeverisë, të merret vendimi për tërheqjen e ushtrisë turke nga zona, në mënyrë që pikëkalimi të hapet për qytetarët," tha ministri Lilikas.

Fjalëve të tij u bëri jehonë Presidenti grek i Qipros Tasos Papadhopullos, i cili tha se kalimi i njerëzve në pjesën veriore të pushtuar të qytetit nuk do të fillonte para forcat e armatosura të tërhiqen nga zona: "Sapo ata të bien dakord për të tërhequr trupat e tyre, ne do të heqim brenda disa orësh kontrollin e pikëkalimit, prandaj tani presim të shohim nëse trupat turke do të tërhiqen, dhe nëse kalimi do të hapet apo jo," tha Presidenti Papadhopullos.

Pesë pikëkalime të tjera janë hapur që nga prilli 2003, duke u dhënë mundësi qipriotëve grekë dhe turq të vizitojnë anën tjetër për herë të parë në 3 dekada. Që nga ajo kohë, të dyja palët janë angazhuar në bisedime me Forcën Paqeruajtëse të Kombeve të Bashkuara në Qipro lidhur me masat që duheshin marrë për të hapur rrugën.

Zëdhënësi i Kombeve të Bashkuara Brian Kelli i tha Zërit të Amerikës se shpreson që hapi i marrë nga pala greke e Qipros do të çonte në hapjen e pikëkalimit: "Shembja e murit gjatë natës së mbrëmshme është një hap shumë i mirë në përpjekjet si për hapjen e pikëkalimit, ashtu edhe për krijimin e një atmosfere pozitive ku mund të gjendet një zgjidhje e përbashkët. Ne në Kombet e Bashkuara kemi bërë përgatitjet dhe jemi të gatshëm që, sapo palët të kenë rënë dakord mbi mënyrën se si do të vazhdojë procesi, të angazhohemi për sigurinë në zonë me mbështetjen financiare të Bashkimit Evropian," tha zoti Kelli.

Muajin e kaluar ushtria turke hoqi një urë këmbësorësh në anën e saj të rrugës Ledra, e cila lejonte kalimin e patrullave ushtarake. Në atë kohë, zyrtarët turq të Qipros thanë se prisnin që qipriotët grekë të përgjigjeshin ndaj këtij gjesti, duke shembur një mur mbrojtës në anën e tyre të rrugës Ledra.

Qiproja u nda pas pushtimit turk të vitit 1974, që pasoi një grusht shteti të frymëzuar nga Greqia. Kombet e Bashkuara vazhdojnë të punojnë me të dyja palët për t’i gjetur një zgjidhje ndarjes 33-vjeçare të ishullit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Qipriotët grekë kanë shembur një segment të murit që ndan kryeqytetin e ishullit, Nikosia. Linja e gjelbër, ka ndarë grekët nga turqit e ishullit që nga 1974-a, kur trupat turke pushtuan pjesën veriore. Puna në rrugën Ledra, filloi në orët e natës, kur errësira kishte rënë dhe nuk u dha asnjë paralajmërim për aksionin e menduar më parë. Gjithsesi, autoritetet greko-qipriote, thanë se trupat turke duhet të tërhiqen para se njerëzit të fillojnë të kalojnë lirisht në të dyja anët e qytetit të ndarë. Rruga Ledra, një zonë e mbushur me dyqane, do të jetë pika e gjashtë e kalimit në të dyja anët e qytetit. Lëvizja gjithsesi është mirëpritur nga Kryeministri turko-qipriot, Ferdi Sabit Soyer, i cili e quajti atë "një zhvillim pozitiv". Shefi i misionit të Kombeve të Bashkuara, Majkëll Myller, gjithashtu e përgëzoi iniciativën, duke e cilësuar atë një kontribut pozitiv me një domethënie të madhe. Rruga u bllokua për kalimtarët në mënyrë që të lejoheshin mjetet e rënda që të shembnin murin. Një turmë e vogël njerëzish, qëndruan në vëzhgim të aksionit dhe nuk i kursyen duartrokitjet dhe as lotët kur prishja e murit filloi. "Kjo është një dëshmi e vullnetit të mirë nga ana jonë, për të kontribuar pozitivisht për hapjen e rrugës Ledra", tha zëdhënësi i qeverisë, Kristodoulos Pashardes. Zona ka qenë në fakt një rrugë e zhurmshme në qendër të lagjes tregtare të Nikosias, por për më shumë se 40 vjet ajo ka qenë e bllokuar nga mure të larta dhe një platformë vrojtimi për tërë rripin e demilitarizuar që ndante veriun nga jugu. Në dhjetor, autoritetet turko-qipriote çmontuan një urë kalimtarësh të polemizuar në rrugën Ledra, urë kjo që ishte ndërtuar në vitin 2005. Kjo zemëroi greko-qipriotët, sipas të cilëve kjo kapërcente kufijtë e zonës së sigurt të OKB-së që ndan të dyja pjesët e ishullit. Zona e gjelbër, ose ndryshe e sigurt, monitorohet nga trupat e Kombeve të Bashkuara dhe është e rrethuar me tela me gjemba dhe gjenden aty disa godina, në dritaret e të cilave vihen re thasët me rërë. Qipro, u copëtua pas pushtimit turk në vitin 1974, që pasoi një grusht shteti të greko-qipriotëve, të mbështetur nga junta ushtarake që sundonte asokohe në Greqi. Korrespondentët thonë se tani do të duhet akoma edhe disa kohë që rruga të hapet plotësisht. Në fakt, grekët dhe turqit e Qipros, kanë pasur mundësi të kapërcejnë vijën e gjelbër që i ka mbajtur ata të ndarë që nga 2003-shi, por muri në rrugën Ledra, ka qenë një emblemë e fuqishme e historisë së dhunshme të ishullit mesdhetar dhe ndarjes së tij. Gjithsesi, Turqia nuk pritet të bëjë ndonjë lëshim në Qipro, veçanërisht para zgjedhjeve parlamentare dhe presidenciale të këtij viti, por ndërkohë, Bashkimi Evropian e ka përshëndetur shembjen e murit si një vendim kurajoz. "Hapja kaq e shumëpritur e pikës së kalimit është një hap i madh simbolik përpara drejt afrimit të komuniteteve në Nikosia. Kjo do të inkurajonte përpjekjet e nevojshme që synojnë të arrijnë një marrëveshje të dyanshme për problemin e Qipros", tha komisioneri për zgjerimin në Bashkimin Evropian, Olli Rehn. Problemi i Qipros, në fakt, po pengon aspiratën e Turqisë për anëtarësim në BE dhe është gjithashtu edhe një burim tensioni me Greqinë fqinje, rivalin historik të saj. Kryeministri grek, Kostas Karamanlis, e ka mirëpritur gjithashtu vendimin. "Ne shpresojmë që edhe ana tjetër të reagojë", tha ai para gazetarëve, në Bruksel. Edhe Britania e Madhe, koloni e të cilës ka qenë ishulli i Qipros dikur, tha se shpresonte se lëvizja do të çonte drejt negociatave të reja për paqe. Greko-qipriotët votuan kundër një plani të Kombeve të Bashkuara për ribashkimin, pak para anëtarësimit në BE në 2004-ën. Të dyja anët kanë qenë nën presion nga komuniteti ndërkombëtar përgjatë dy vjetëve të shkuara, në mënyrë që të arrihej një akord paqeje.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------