Njeriu rekord i Formulës 1 është tërhequr, megjithatë edhe pa Majkëll Shumakerin ka disa rekorde, të cilat mund të përmirësohen. Kampionati i 58 të i Formulës 1 fillon këtë fundjavë në Melburn me Çmimin e Madh të Australisë. Kampioni në fuqi, Fernando Alonso, mund të përmirësojë disa rekorde të gjermanit.
Në krye: Nëse do të arrinte të fitonte garën e Australisë, garë të cilën e ka fituar edhe më 2006 n, spanjolli do të ngjitej në krye të klasifikimit për të 37 n garë radhazi. Fernando Alonso e mban këtë pozicion që nga gara e Malajzisë së vitit 2005, ndërsa Majkëll Shumaker ka një rekord prej 37 garash në krye të klasifikimit të përgjithshëm, të cilin e mban nga gara e Amerikës në sezonin 2000 deri në garën e Japonisë në vitin 2002.
Debutues: Gjithmonë në garën e Australisë do të debutojnë në Formulën 1 Ljuis Hamilton si piloti i McLaren it dhe Heiki Kovalainen si piloti i Renault së. Secili nga këta dy pilotë mund ta fitojë këtë garë, ashtu siç ka bërë vetëm Nino Farina në Çmimin e Madh të Anglisë në vitin 1950, që ishte dhe gara e parë e historisë së Formulës 1. Gjithashtu Xhon Parsons ka fituar që në vitin e debutimit në vitin 1950 garën e Indianapolisit dhe Xhankarlo Gebeti në garën e Francës në vitin 1961.
Rekordet më të vjetra: Të shtunën fillon sulmi ndaj një rekordi që mbahet prej 15 vitesh. Bëhet fjalë për rekordin e "pole positione" ve brenda një sezoni. Ky rekord vazhdon të mbahet nga Najgëll Mansell, i cili në vitin 1992 dominoi provat zyrtare duke marrë vendin e parë në 14 gara me Williams Renault. Më pas është edhe rekrodi i "pole positione" ve radhazi. Ky rekord mbahet nga braziliani Airton Sena, i cili ka 8 "pole" radhazi, nga gara e Spanjës në vitin 1988 deri në garën e Amerikës në vitin 1989. Pas këtyre vjen rekordi i xhirove më të shpejta të garës. Ky rekord mbahet nga Majkëll Shumaker me 10 xhiro të tilla në vitin 2004, i ndjekur nga Kimi Raikonen me po të njëjtat shifra, pra 10 gara me xhiro të shpejta në sezonin 2005. Por rekordi i xhirove të shpejta njëra pas tjetrës mbahet nga Alberto Askari me 7 të tilla, nga gara e Belgjikës në vitin 1952 deri në garën e Argjentinës në vitin 1953.
Fitore: Përballja me Majkëll Shumakerin këtë herë është e pashmagshme. Gjermani pothuajse ka monopolizuar klasifikimin e fitoreve brenda një sezoni. Majkëlli në sezonin 2004 ka fituar 13 gara, por edhe në 2002 shin regjistroi 11 fitore. Në vitin 1995, 2000 dhe 2001, gjermani kishte arritur deri në 9 fitore, të njëjtën shifër që kishte arritur edhe Najgëll Mansell në vitin 1992. Por më pas paraqitja më e mirë brenda një sezoni ka qenë ajo e Majkëll Shumakerit. Ndërsa për sa u përket rekordeve të fitoreve radhazi, këtë e mban Majkëll Shumaker së bashku Alberto Askarin. Të dy kanë nga 7 fitore radhazi, gjermani i ka arritur nga Çmimi i Madh i Europës në vitin 2004 deri në garën e Hungarisë po të këtij sezoni, ndërsa Alberto Askari i ka arritur nga Gara e Belgjikës në vitin 1952 deri në garën e Argjentinës në vitin 1953.
Pikët: Rekordin e pikëve brenda një sezoni e mban Majkëll Shumaker me 148 pikë në sezonin 2004, për sa u përket pikëve mesatare për gara, mbahet po nga ish piloti gjerman i Ferrarit me 8.47 në vitin 2002.
Vendet e para për italianët: Xhankarlo Fizikela në këtë sezon ka shansin të bëhet piloti italian, i cili ka marrë më shumë pikë në një kampionat botëror të Formulës 1. Romani i skuderisë Renault e fillon këtë sezon me 246 pikë të grumbulluara, me 35 pikë diferencë nga rekordi që mbahet nga Rikardo Patreze që nga viti 1977 deri në vitin 1993. Ai ka fituar gjithsej 281.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------