Pas gati një viti, Luan Krasniqi të shtunën (sot) do të kthehet në ringun profesionist. Kundërshtari i tij i kategorisë së rëndë do të jetë amerikani Brian Minto në duelin që do të zhvillohet në Shtutgart të Gjermanisë. Minto, me një bilanc impresiv prej 27 fitoresh (16 me nokaut) dhe një humbje që e ka pësuar me vendim të përgjysmuar të gjyqtarëve para tre vjetësh, paraqitet të jetë një sfidë e madhe në kthim për shqiptarin. Palestra Hans Martin Schlayer nuk është e panjohur për Krasniqin. Ai aty është paraqitur në katër duele të fituara, duke fituar edhe takimin e fundit me David Bosticen, më 29 prill të vitit të kaluar.
Luan Krasniqi, nëpërmjet linjës telefonike nga Shtutgarti, i ka shfaqur bindjet e tij për duelin, kundërshtarin dhe vazhdimin e luftës për titullin e botës të versionit ËBO, që është qëllimi i tij kryesor.
Kryqëzimi i dorezave të shtunën (sot) në mbrëmje ndërmjet kosovarit me shtetësi gjermane dhe amerikanit është i vlefshëm për titullin e kampionit në versionin ËBO Interkontinental (Ëorld Boxing International). Para së gjithash, titulli është i rëndësishëm se hap rrugën e sfidimit të titullit të botës të vetë këtij versioni, pasi shënon ngritje në rang-listën e kësaj federate dhe e fut fituesin në rrethin e ngushtë të sfiduesve të obliguar të këtij titulli. Ish kampioni i Europës dhe sfiduesi i titullit të botës në versionin ËBO, nga Juniku i Kosovës, nuk e vlerëson të lehtë përballjen me amerikanin.
"Të gjithë thonë se është një kundërshtar i lehtë, por Minto nuk është fare kundërshtar i lehtë. Nuk është punë e lehtë dueli i së shtunës, ndonëse jam i përgatitur maksimalisht, pasi kam zhvilluar stërvitje të vazhdueshme edhe me sparing partnerë, të rëndësishëm për këtë sfidë,"- tha Krasniqi.
Për titujt e versionit ËBO kjo federatë zhvillon duele për t'u ofruar mundësinë boksierëve që të sfidojnë pastaj vetë titullin botëror të këtij versioni. Po a është edhe dueli i së shtunës një një shans që i jepet Krasniqit për të sfiduar më pas titullin botëror? Vetë Krasniqi nuk jep asgjë konkrete lidhur me këtë, megjithatë ai mendon se mundësitë e tij si boksier për të sfiduar këtë titull pas duelit të së shtunës janë më të mëdha.
"Para së gjithash, mendoj më shumë për duelin e së shtunës. Faktin nëse pas këtij dueli do të më jepet shansi për të sfiduar titullin e botës e di më mirë menaxheri im. Në bazë të rrjedhave të deritashme, kampioni i versionit ËBO, Shanon Briggs, e ka braktisur titullin dhe në radhë është Sulltan Ibrahimov. Në rast fitoreje, mendoj se më hapet rruga për ta sfiduar edhe një herë titullin ËBO. Por, e thashë edhe më lart, që më parë më duhet të mendoj për Minton dhe duelin e së shtunës (sot),"- tha boksieri 35 vjeçar Luan Krasniqi. Ndërsa vetë Minto, në deklaratat për media në takimin e tyre zyrtar pak ditë më parë në Shtutgart, kishte thënë se vetëm me nokaut mund të shpresojë në fitore ndaj Krasniqit, megjithatë duhen pritur 12 raundet e parashikuara nga ky duel për të shpallur në fund fituesin.
Çfarë është titulli ËBO Interkontinental?
Titulli ËBO Interkontinenal, për të cilin do të luftojnë Krasniqi dhe Minto, herën e fundit ka qenë pronë e rusit Aleksandër Dimitrenko (24 fitore), i cili e ka mbrojtur pesë herë. Dimitrenko dhe Krasniqi kanë të njëtin menaxher e pikërisht Klaus Peter Kohl. Meqenëse mbrojtja e titullit nga Dimitrenko nuk është shfaqur me interes, ai ka hequr dorë nga titulli. Ukrainasi do të paraqitet në paraduel të luftës së Krasniqit, kundër Danny Batchelder.
Dueli për titullin ËBO të kategorisë së rëndë ndërmjet kampionit aktual Shanon Briggs (48 fitore, prej të cilave 42 me nokaut, 4 humbje, 1 barazim), dhe sfiduesit të parë, Sulltan Ibrahimov (20 fitore, 1 barazim) ishte parashikuar të mbahej më 10 mars në Nju Jork, por ishte anuluar për shkak të një sëmundjeje të Brigsit, sipas versionit zyrtar të dhënë nga ËBO s. Ndonëse zyrtarisht nga ËBO ja nuk është caktuar asnjë datë e re, në media është njoftuar për mundësinë që boksierët të ndeshen më 2 qershor në Moskë.

Luan Krasniqi
Datëlindja: 10.5.1971
Vendlindja: Junik, Kosovë
Rezidenca: Rottweil, Gjermani
Gjatësia: 192 cm
Bilanci: 29 fitore, 2 humbje, 1 barazim
Profesionist prej vitit 1997
Sukseset në ring: Kampion i Europës (EBU)
Renditja në ËBO: Vendi i 6-të
Renditja në versionet e tjera: IBF 15, ËBC nuk është i ranguar, ËBA nuk është ndër 15 të parët
Trajner: Torsten Schmitz
Menaxher: Klaus Peter Kohl

Brian Matthew Minto
Datëlindja: 27.1.1975
Vendlindja: SHBA
Rezidenca: Butler, SHBA
Gjatësia: 180 cm
Bilanci: 27 fitore (16 me nokaut), 1 humbje
Profesionist prej vitit 2002
Sukseset në profesionizëm: Kampion i shtetit Virgjinia në SHBA
Renditja në ËBO: Vendi i 15-të
Renditja në versionet e tjera: IBF nuk është ndër 15 të parët, ËBC 35, ËBA nuk është ndër 15 të parët
Trajner: Tommy Yankello
Menaxher: Pat Nelson
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

na ka nderu krasniqi tu e fitu ndeshjen. se gjen kund link me e kqyr ndeshjen do jesh i nderum po e qet dhe ketu me e kqyr dhe ne
 

Luan Krasniqi fitoi me pikë, por Minto megjithatë u përplas për dysheme në raundin e 12-të
Shtutgart, 18 mars 2007 (Kosovapress) Koha 09:48

 
Në Hanns-Martin-Schleyer-Halle të Shtutgartit para 7.000 shikuesve, boksieri kosovar me nënshtetësi gjermane, Luan Krasniqi të shtunën mbrëma ia ka dalur ta fitojë meçin ndaj amerikanit, Brian Minto i njohur me nofkën “Bisha”, pas plotë 12 raundeve interesante dhe përplot emocione, duke e fituar brezin Interkontinental në WBO.
 
Gjatë 11 raundeve Minto, edhe pse 12 cm më i shkurtë ishte më aktiv në ring, mirëpo goditjet e forta të Luanit bënë që ai të merr më tepër pikë nga ana e tre gjyqtarëve evropian (116:111, 116:111, 115:112).. Vendimtare për fitoren e 30-të në karrierë të Luanit ishte raundi i fundit, në të cilën amerikani 32- vjeçar u gjet në dysheme pas një seri goditjesh të forta nga Luani. Ai megjithatë me plot fat arriti të qëndroi në këmbë deri në fund të raundit për të humbur në mënyrë megjithatë të ndershme nga Krasniqi 36-vjeçar.
 
"Parashikimet e mia se do të kem një kundërshtarë të rrezikshëm dolën të vërteta. Por, bëra një luftë të planifikuar më parë, ndërsa në fund dhashë goditjen e duhur. Falënderoj të gjithë shqiptarët për përkrahjen që ma dhuruan edhe në këtë mbrëmje. Tash mbetet të shohim se çfarë do të sjellë e ardhmja në karrierën time. Shpresoj që sa më parë të fitoj të drejtën për të luftuar për titullin e kampionit të botës", tha pas meçit i lumtur për fitoren e 30-të në boksin profesionist, Luan  Krasniqi.