Italia, kampione e botës në fuqi, dhe Anglia, "gjigantja" e futbollit europian, do të luajnë sot dy takime vendimtare për eliminatoret e Euro 2008-s dhe për fatet e trajnerëve respektivë. "Axurrët" e Roberto Donadonit do të presin Skocinë, e cila kryeson grupin B, pas fitores 2-1 ndaj Gjerogjisë. Ndërsa "luanët" e Stiv Meklarenit shkojnë për një tripikësh të sigurt në Andora. Përfaqësueset e tjera që nuk mund të gabojnë, janë Holanda, kryesusese e grupit G, Greqia, kampione e Europës në fuqi, dhe Serbia që të shtunën u mund në Kazakistan. Donadoni është treguar i ashpër me shtypin italian që e kishin kritikuar atë dhe skuadrën, duke u shprehur kështu gjatë një konferencë për shtyp: "Nuk i kuptoj këto gjyqe të parakohshme. Lëreni skuadrën të luajë dhe t'ju tregoj se çfarë është në gjendje të bëjë. Nëse nuk ia del, atëherë mund t'i nisni kritikat. Të shtunën fitoi Skocia dhe të gjithë reaguat sikur të kishim humbur ne. Besoj te fitorja e futbollistëve që kam në dispozicion." Italia ndodhet në vendin e katërt me shtatë pikë nga katër ndeshje, dy pikë larg Ukrainës. Skocia dhe Franca krysojnë me nga 12 pikë, por që të dyja kanë nga një ndeshje më shumë. Barazimi i Anglisë 0-0 të shtunën në Izrael, kompletoi ndeshjen e pestë radhazi pa fitore, tri nga të cilat të vlefshme për fazën eliminatore të kampionatit europian. Anglia ka shënuar vetëm një gol në këto takime dhe kësisoj po përballet me ecurinë më negative të 26 viteve të fundit. Media angleze dhe tifozët në përgjithësi kanë sulmuar ashpër trajnerin. Pavarësisht nga vlera Andorës, një fitore 5-0 si ajo që Anglia arriti në ndeshjen e luajtur në shtator të 2006-s ndaj amatorëve, do të shërbente për të ngritur sado pak moralin e një përfaqësueseje pretendente, por që po rrezikon seriozisht eliminimin. Ndërkohë, Holanda që u ndal në barazim 0-0 ndaj Rumanisë, vazhdon të kryesojë grupin G me tri pikë avantazh ndaj Bullgarisë dhe Rumanisë, por nuk i falet një tjetër hap fals ndaj Sllovenisë, duke qenë se të besuarit e Marko van Bastenit kanë luajtur një ndeshje më shumë se kundërshtarët ballkanas. Fituesja e kampionatit të fundit europian, Greqia, duhet të fitojë në Maltë për të harruar dhimbjen e humbjes së thellë 4-1 ndaj Turqisë, që është shkëputur e vetme në krye të grupit C. Turqit e Terimit do të presë Norvegjinë. Duke mbetur te Ballkani, Serbia, që vjen pas disfatës së turpshme në Kazakistan, do të presë Portugalinë, e cila të shtunën mundi 4-0 Belgjikën. Skuadrat e Klementes dhe Skolarit ndajnë vendin e tretë në grupin A.
Ergi Lubani

Euro 2008
Eliminatoret
Dje
Grupi A
(17:00) Azerbajxhan Finlandë
(20:30) Serbi Portugali
(20:30) Poloni Armeni

Grupi B
(17:00) Ukrainë Lituani
(18:00) Gjeorgji Ish.Faroe
(20:50) Itali Skoci

Grupi C
(18:00) Hungari Moldavi
(19:30) Maltë Greqi
(20:00) Turqi Norvegji

Grupi D
(17:25) Çeki Qipro
(20:30) Irlandë Sllovaki
(21:00) Uells San Marino

Grupi E
(19:00) Izrael Estoni
(21:00) Andora Angli

Grupi F
(19:30) Lihtenshtein Letoni
(20:45) Irlanda Veriut Suedi
(22:00) Spanjë Islandë

Grupi G
(17:00) Bullgari Shqipëri
(17:30) Rumani Luksemburg
(20:45) Slloveni Holandë

Miqësore
Dje
Kinë Uzbekistan x-x

Brazil Ganë x-x

Sot
(12:00) Venezuelë Zelanda e Re
(20:00) Gjermani Danimarkë
(21:00) Francë Austri
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pavarësisht se ndeshja me Skocinë është delikate për kualifikimin e Italisë në Euro 2008, Roberto Donadoni parapëlqen të besojë te rendimenti i "çirakëve" sesa te gjenialiteti i kampionëve të mëdhenj. Një rast i ngjashëm edhe më parë në historinë e komisarëve teknikë, që ka shumë precedentë: nga "stafeta" Rivera-Macola, te diskutimet për Baxhion, deri te Del Piero, ndaj të cilit është parapëlqyer Di Natale. Me Kasanon e nënvlerësuar, pritet edhe Françesko Toti.
Një gjë e tillë ndodhet shpesh në "ADN" e trajnerëve italianë, jo se është vërejtur shumë herë se cili është talenti që bën ndryshimin, duke parapëlqyer që në vend të magjive, të marrë rrugë dhe konkretizim në rezultat. Nuk ka rëndësi pastaj për të mos qenë në gjendje të kuptosh që fantazistët më të padiskutueshëm dhe të diskutueshëm, duhet të shërbejnë. Në prag të një përballjeje delikate dhe absolutisht për të fituar hapësirën ndaj fantazisë, në kombëtaren kampione të botës nuk ka më "egoizëm." Vetëm Di Natale, për më shumë i nxjerrë në krah të majtë, do të ketë detyrën të "shpikë", me Del Pieron i detyruar ta shikojë ndoshta fillimin e ndeshjes nga stoli, kur në të vërtetë duhej të ishte rasti për të luajtur që në fillim dhe ndoshta pas sulmuesit të vetëm Luka Toni.
Por jo, ai rol i është dhënë Perrotës nga Donadoni, i besueshëm, shumë i denjë dhe efikas për të mbështetur Totin te Roma e Spaletit, por jo aq i aftë sa të ketë klasin e "Pinturikios", që kampionati i Serisë B e ka shndërruar në një formë të shkëlqyer.
Diskutimet e zakonshme do të thoshte dikush, por çështja e gjenialitetit të kampionëve të mëdhenj është në indet e kësaj kombëtareje të futbollit. Ka qenë një temë diskutimi edhe rreth Riverës e Macolës, është trajtuar si argument i rëndësishëm edhe për një lojtar jo dosido si Baxhio, është nënvlerësuar Kasano, ndërsa vazhdohet të "shënjestrohet" një Toti që ka bërë të ditur se kërkon të rikthehet në kombëtare vetëm në shtator. Është e drejtë të pritet kapiteni i Romës, por është e pamundur të zëvendësohet me lojtarë të kalibrit të tij. Nuk do të jetë kështu për "sakianin" Donadoni që ndodhet në "fije të perit" në prag të ndeshjes në Bari, e cila mund ta shpëtojë nga kritikat e shumta, ndoshta duke përdorur për ndeshjen me Skocinë të njëjtin kriter që Lipi zbatoi në gjysmëfinalen e botërorit gjerman, atë kurajë që e lejoi të luajë me katër sulmues në kohën shtesë me Gjermaninë, për atë fitore që u dha "axurrëve" ndërgjegjen se janë më të fortët.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Krenaria e grekëve është "plagosur" nga humbja e turpshme me Turqinë dhe kampionët në fuqi të Europës do të mundohem të "shërojnë" veten duke fituar ndaj modestëve të Maltës. Greqia u fut në këtë grup si favorite për të kapur vendin e parë, por humbja e parë i ka shuar disi këto shpresa. Turqia kryeson grupin me 12 pikë nga katër takimet e para, Greqia ka nëntë pikë, e ndjekur nga Bosnja me shtatë, Norvegjia me gjashtë, Malta me katër, Hungaria me tre, ndërsa Moldavia mbyll grupin me dy pikë. Greqia është në gjendje të dëshpëruar në këto momente dhe do të kërkojë me çdo kusht një fitore ndaj Maltës. Megjithatë, pritet dhe një dënim nga UEFA për sendet e hedhura nga shkallët e stadiumit në drejtim të lojtarëve turq. "Ky është momenti ku duhet ta tregojmë veten të fortë. Nuk ka asnjë arsye për të humbur kaq thellë dhe për t'u rikthyer aty ku ishim, duhet që medoemos të fitojmë ndaj Maltës", - tha mesfushori i Greqisë, Janakopulos. Mbrojtësi Trajano Dellas tha se kritikat për moshën e madhe mesatare të skuadrës nuk duhen thënë akoma. "Do të fitojmë kundër Maltës, duhet të mbetemi të bashkuar dhe do të kualifikohemi", - tha Dellasi. I vetmi problem për grekët është dëmtimi i sulmuesit Janis Amanitidhis, i cili ka pësuar tërheqje muskulare. Megjithatë, Rehageli pritet të rikthejë skuadrën aty ku ishte, pasi ka lënë jashtë Angleos Haristeas për sulmuesin Fanis Gekas, i cili po kalon formë pozitive dhe duke e zëvendësuar mbrojtësin Takis Fisas me Lukas Vintran.
Rezultatet e mira - Malta nuk mund të ketë ndonjë shpresë për t'u kualifikuar, por rezultatet e tyre të fundit duhet të jenë paralajmëruese për grekët. Nën drejtimin e trajnerit çek, Dushan Fitzel, Malta duket se ka bërë disa hapa para, duke fituar 2-1 kundër Hungarisë në tetorin e kaluar dhe duke marrë një barazim 1-1 kundër Moldavisë. Duke e përshkruar Greqinë si një nga skuadrat e tjera që ka më shumë shans për të kaluar në Euro 2008, trajneri Fitzel tha: "Turqia, Greqia dhe Norvegjia janë skuadrat më të forta në këtë grup. Asnjëherë nuk është e lehtë për një vend të vogël si Malta të ndeshet kundër skuadrash të tilla, ku çdo ndeshje nis 0-0 dhe çdo gjë mund të ndodhë".


Maltë - Greqi
Formacionet e mundshme:
Malta: Xh.Haber; B.Said, R.Brifa, I.Axopardi, K.Skikluna; Xh.Agius, M.Mifsud, K.Samut, Xh.Malia; A.Shembri, Xh.Pejs.
Greqia: A.Nikopolodhis; L.Vintra, S.Kyrgiakos, T.Dellas, J.Seitaridis; J.Karagunis, K.Katsuranis, S.Janakopulos, A.Basinas; F.Gekas, J.Samaras.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pas fitores fantastike kundër Greqisë, Turqia kërkon të jetë në gjendje të mirë përsëri për të arritur një rezultat pozitiv kundër Norvegjisë, që është cilësuar prej tyre si ndeshje shumë e fortë dhe e rëndësisë së lartë. Ndeshja në shtëpi do të luhet me dyer të mbyllura, në Frankfurt, pasi Turqia duhet të shlyejë ndeshjen e fundit të dënimit nga FIFA për trazira në ndeshjen paraeliminatore të botërorit kundër Zvicrës, në nëntor të 2005-s. Turqia udhëtoi drejt Gjermanisë pasi mundi Greqinë me rezultatin e thellë 4-1 dhe ka lëvizur me tri pikë në krye. Trajneri i Turqisë, Fatih Terim, do të ketë për këtë ndeshje edhe mesfushorin e Njukasëllit, Emre Belozoglu. "Do të jetë më e vështirë se ndeshja kundër Greqisë. Do të ketë ndryshime të pakta në formacion dhe në zgjedhjet taktike, - thanë gazetat turke. - Nuk mendoj se fitorja kundër Greqisë mund të ketë veçse anë pozitive. Kam paralajmëruar lojtarët dhe jam i kënaqur nga përgjigjja e tyre. Ata kanë filluar që dalë nga dalë të fokusohen në ndeshjen e radhës", - tha ai. Turqia ka luajtur jo mirë kundër skuadrave nordike në paraeliminatoret e fundit dhe Terimi është munduar të fusë në skuadër një mentalitet agresiv. Norvegjia do të ketë mungesën e mesfushorit të rëndësishëm Morten Gamst Pedersen, i cili është i pezulluar, pasi ka marrë një karton të kuq kundër Bosnjes. Ai do të zëvendësohet nga Kristian Grindhaim. Norvegjia, që mund të mos ketë pothuajse më shpresa për kualifikim, mund ta nisë ndeshjen edhe me Stefen Iversen në vend të Frode Johnsen, i cili zhgënjeu trajnerin në ndeshjen kundër Bosnjes. Pa Ole Gunar Solskjaerin të dëmtuar, Norvegjia ka probleme në sulm, ku nuk po gjendet një partner i duhur për Xhon Kerju, i cili shënoi golin e vetëm kundër Bosnjes, por shpërdoroi një numër të madh rastesh. Pas fitores së të shtunës, Turqia ka arritur të grumbullojë maksimumin e pikëve nga katër ndeshjet e para, e ndjekur nga Greqia me nëntë pikë, Bosnja me shtatë dhe Norvegjia me gjashtë. Lojtarët turq thanë se ata u frymëzuan në ndeshjen kundër Greqisë prej ofendimeve të tifozërisë dhe nga një parullë e varur në stadium, ku fyhej krijuesi i Turqisë moderne, Mustafa Kemal Ataturk.

Turqi - Norvegji
Formacionet e mundshme:
Turqia: V.Demirel, I.Toraman, E.Ashik, V.Jaman, S.Cetin, M.Aurelio, Emre, S.Sarioglu, T.Metin, Tunkai, H.Shukur
Norvegjia: T.Myhre, E.Hagen, B.Hangeland, J.Storbek, Xh.A.Rise, M.Andresen, K.Heshtad, F.Shtromstad, K.Grindhaim, Xh.Kerju, S.Iversen
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Anglia do të përballet me Andorën sot në një ndeshje ku tripikëshi është thuajse i sigurt, por që s'mund të jetë i mjaftueshëm për të larguar presionin dhe kritikat nga trajneri Stiv Meklaren. Barazimi i "luanëve", 0-0 të shtunën në Izrael, kompletoi ndeshjen e pestë radhazi pa fitore, tri nga të cilat të vlefshme për fazën eliminatore të kampionatit europian. Anglia ka shënuar vetëm një gol në këto takime dhe kësisoj po përballet me ecurinë më negative të 26 viteve të fundit. Media angleze dhe tifozët në përgjithësi nuk kanë përdorur doreza për sulmet, kryesisht ndaj trajnerit. Për fatin e mirë të këtij të fundit ka edhe ndeshje si ajo ndaj Andorës, ku edhe po të duash, nuk mund të humbasësh...!
Takimi që do të luhet në stadiumin "Olimpik" të Barcelonës, është i 23-ti për Andorën në eliminatoret e kampionatit europian, 22 prej të cilëve i ka humbur. Pavarësisht nga vlera reale e kundërshtarit, një fitore 5-0 si ajo që Anglia arriti në ndeshjen e luajtur në shtator 2006 ndaj kundërshtarve amatorë, do të shërbente për të ngritur sado pak moralin e një përfaqësueseje pretendente, por që po rrezikon seriozisht eliminimin. Ka të ngjarë që Meklareni të bëjë disa ndryshime në formacion, ku Eshli Kol rikthehet pas skualifikimit dhe do të luajë në krahun e majtë të mbrojtjes. Në të djathtë do të jetë talenti Riçards. Në sulm, përkrah Uejn Runit, do të aktivizohet Xhermenin Defo, i cili ka shënuar dy herë në ndeshjen e fundit ndaj Andorës. Në krahun e majtë të mesfushës, Araon Lenon, do t'i lërë vendin Stjuart Douingut. Xhon Terri, Rio Ferdinand, Frenk Lampard dhe Sitven Xherrard, si gjithmonë janë të paprekshëm. Nga ana tjetër, Andora është një kundërshtar që ka arritur rekordin e saj në eliminatoret e kampionatit të fundit botëror, duke grumbulluar pesë pikë, por në këtë sezon ka pësuar vetëm humbje. Deri tani ekipi i Pirenejve ka shënuar vetëm një gol dhe ka pësuar plot 14 në katër humbjet "tenisitike" që ka pësuar. Kjo, pasi përveç disfatës 5-0 në "Old Traford", Andora është mundur 7-0 nga Kroacia. Trajneri David Rodrigo, i cili e drejton skuadrën që nga vitit 1999 (i dyti në Europë për nga kohëzgjatja), do të ketë edhe probleme në formacion, për shkak të dëmtimeve dhe skualifikimeve. Mbrojtësi veteran Tksema dhe sulmuesi Juli Sançez janë të dëmtuar, ndërsa Lima, Silva dhe Sivra janë të skualifikuar. Andora është e fundit në grupin E. Grup, i cili kryesohet nga Kroacia me dy pikë avantazh ndaj Rusisë dhe pesë ndaj Anglisë.


Andora - Angli
Formacionet e mundshme:
Andora: Koldo, J.Ajala, J.Fernandez, O.Soneje, T.Lima, J.Eskura, M.Pujol, J.Ruiz, M.Vieira, M.Bernaus, H.K.Toskano
Anglia: P.Robinson, M.Riçards, R.Ferdinand, Xh.Teri, E.Kol, S.Xherrard, O.Hargrivs, F.Lampard, S.Douning, U.Runi, Xh.Defo
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------