Milani, gjashtë herë kampion Europe, do të presë në ndeshjen e parë në "San Siro" Bajernin e Mynihut, katër herë kampion Europe. Trajneri i Milanit, Karlo Ançeloti, tha: "Bajerni është gjithmonë një skuadër e vështirë falë traditës që ka. Aktualisht po kalojnë një moment të mirë. Mendoj se është një sfidë e balancuar. Një ekip që eliminon Realin, duhet marrë gjithmonë në konsideratë."


Ndeshja e parë: 03-04 / Prill / 2007
Ndeshja kthyese: 10-11 / Prill / 2007
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Nese Milani fiton ne kampionat, humori i tij eshte teper i mire, por nese kuqezinjte triumfojne ne Champions League, atehere Silvio Berluskoni arrin ne “qiellin e shtate”. Padroni i “Djallit” eshte teper krenar per ate qe ekipi i tij po ben ne kete sezon, qe nisin ne menyren me te keqe, mes penalizimit te fillim vitit, pas “Calciopoli”﷓t dhe fatit te keq, i karakterizuar nga shtyllat. Berluskoni ka qene i pranishem ne tribune, duke ndjekur skuadren e tij te zemres, perkrah administratorit te deleguar kuqezi, Galianit, dhe Ronaldos, yllit te ri milanist. Ne fund te ndeshjes ndaj Selltikut, qe u mbyll me kualifikimin e Milanit, fale golit ne kohen shtese te Kakase, padroni kuqezi u duk shume i lumtur dhe teper i kenaqur me kete kualifikim, qe vjen per te pesten here radhazi ne kete kompeticion. Silvio u ndal ne komentimin e takimit dhe ne rreshtimin taktik te skuadres, duke luajtur rolin e nje trajneri: “Sinqerisht, do te kisha preferuar qe te shihja nje Milan me dy sulmues, por nuk mendoj se eshte momenti per te bere keto tip konsideratash, duke pare se kualifikimi ishte ai qe na sherbente dhe e arritem”, deklaroi Berluskoni, duke vazhduar. “Te gjithe luajten shume mire dhe rezultati final ishte mese i merituar. Tashme, duke pare ecurine e disa skuadrave dhe duke besuar te mentaliteti i Milanit ne Europe, i kemi te gjitha shanset per te shkuar deri ne fund dhe per te ngritur kete Kupe. Milani gjithmone tenton dhe nuk dorezohet asnjehere. Jemi e vetmja skuader ne vitet e fundit kemi arritur gjithmone ne cerekfinale. Duke pare se kane dale jashte Interi, Barcelona dhe Real Madridi, mendoj se Milani eshte skuadra me e mire ne kete faze. Shpresoj qe djemte te vazhdojne keshtu, sepse nese besojne edhe ata, atehere gjithcka behet me e lehte. Ronaldinjo te Milani? Nese ai vendos qe te largohet nga Barcelona, atehere ne jemi ne rradhe te pare per ta blere. Jua siguroj kete! Sigurisht, edhe keshtu si jemi, mund te bejme gjera te medha”.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Është vetëm një gjë që Milani kërkon në dy muajt e gjysmë të këtij sezoni: që të mund të luajë në mënyrë të barabartë me të tjerët, pa "stërkëmbëshat" e mungesës së fatit që kanë ndikuar rëndë në rendiment. Dhe duke u lutur mijëra herë, drejtuesit kuqezinj kanë nisur të binden që periudha e zezë është lënë pas shpine. Ndonjë sinjal: 11-metërshi i padhënë në Sëlltik për "oritjen" e Maldinit në rikthimin e çerekfinales së parë (i kujtoni gabimet e shumta të gjyqtarëve në dëm të Milanit në fazën e parë të sezonit?); lirimi i motrës së Oliveirës (që më në fund mund të luajë i qetë); shërimi i disa lojtarëve të rëndësishëm si Nesta, Kalaxe e Serzhinjo (lista e të dëmtuarve nga gushti deri më sot është e pambarimtë, tani vetëm Maldini është në infermieri). Pra, lojtarët duhet të ulin kokën dhe të vrapojnë, ndërsa Ançeloti duhet të gjejë mënyrën më të mirë për të drejtuar organikën sërish të plotë.
ZGJIDHJE - Muaji prill parashikon një program të "ethshëm": në hipotezën më të mirë (ose më saktë me kualifikimin në gjysmëfinale të Championsit), nga 31 marsi deri më 2 maj, kuqezinjtë do të zbresin në fushë 10 herë në 33 ditë. Një ritëm i rrezikshëm: si të zgjidhet problemi? Përgjigjja është në një fjalë të vetme: rotacion. "Turn-overi" i lojtarëve nuk ka qenë asnjëherë një fiksim i Ançelotit, por pikërisht nga fillimi i këtij sezoni, tekniku i kishte besuar rotacionit që e kishte nderuar: 7 fitore dhe 4 barazime në 11 ndeshjet e para. Por, pastaj për shkak të dëmtimeve, por edhe mungesës së zgjedhjeve të vlefshme në disa role, Ançeloti shpesh u ka besuar lojtarëve të njëjtë. Në 2007-ën, duke konsideruar vetëm kampionatin e Championsin, Milani luajti 11 takime për një total prej 1020 minutash (rikthimi me Sëlltikun përfundoi me shtesë). Përveç 11 titullarëve, thuajse të gjithë fiks, vetëm tre lojtarë kanë luajtur në fushë të paktën 340 minuta, një e treta e totalit: Ambrozini, Broki e Kafu. Rënia në pjesën e dytë të derbit të së dielës shpjegohet edhe kështu. Luajtën gjithnjë të njëjtët, me Bonerën (958'), Pirlo (939'), Jankulovski (930') dhe Kaka (930'), me rrezik të fortë lodhjeje. Por tani gjendja është ndryshe dhe Ançeloti mund të shfrytëzojë të gjithë organikën, me përjashtim të Maldinit.
SPRINT - Dje në mëngjes në Milanelo, skuadra e ndarë në tri grupe bëri analizat e Milan-Lab-it. "Rezultatet janë të shkëlqyera, - shpjegon Daniele Tonjaçini, përgatitës atletik i kuqezinjve. - Tani s'ka shumë për të bërë, me përjashtim të punës në aspektin e formës dhe pastaj ushtrime për ruajtjen e gjendjes. Drejtimi i organikës ishte i mirë, asnjë s'është në veçanti i lodhur dhe rënia në pjesën e dytë në derbi erdhi si pasojë e kohës shtesë të luajtur katër ditë më parë me skocezët. Prilli do të jetë një muaj i tmerrshëm, sepse për Milanin do të jenë vendimtare të gjitha ndeshjet. Por rikthimi i të dëmtuarve do të jetë i çmuar, sepse ata janë më të freskët në aspektin psiko-fizik dhe mund të japin diçka më shumë."
Komenti është e qartë: asnjë s'ndihet i nënvlerësuar, të gjithë do të luajnë e do të jenë të vlefshëm.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Daniel Van Byjten, i cili ka qenë heroi i Bajernit të Mynihut në ndeshjen e parë çerekfinale të zhvilluar në "San Siro", duke shënuar dy herë, e ka vendosur Bajernin në pozicion tepër komod në ndeshjen e kthimit.
Golat Van Byjten ka zhvlerësuar golin e minutës së 40-të me autor Andrea Pirlon, duke shënuar golin e barazimit të parë 12 minuta nga përfundimi i takimit dhe më pas ka bërë të njëjtën gjë, por në sekondat e fundit, pasi Kaka kishte shënuar golin e dytë të Milanit nga pika e bardhë. "Gjëja më e rëndësishme ishte që shënova për skuadrën, - tha Van Byjten. - Ishte një rezultat i rëndësishëm për skuadrën, i cili na ka vendosur në pozitë të mirë për raundin tjetër".
Hitcfeld Skuadra vendëse dominoi takimin në pjesën e parë, por mbrojtësi belg ka deklaruar se Hitcfeldi ka kërkuar që djemtë e tij të jenë më aktivë edhe në sulm, kjo pas përfundimit të pjesës së parë të lojës: "Në përfundim të pjesës së parë, Hitcfeldi na kërkoi të sulmonim më shumë, pasi në 45 minutat e para nuk kishim ndonjë qarkullim topi për t'u nënvizuar. Ai na tha që të luanim më mirë, të diktonim lojën dhe të tregonim se kishim ardhur për të shënuar gola. Ai na tha se po të arrinim një rezultat kundër kësaj skuadre, do të ishte një hap i madh për të ardhmen dhe në pjesën e dytë u shfaqëm më mirë, dy golat e reflektojnë këtë gjë".
Vetëbesimi Kur Kaka shënoi golin e dytë të avantazhit vetëm gjashtë minuta nga përfundimi i takimit, kauza e Bajernit dukej se kishte humbur, por belgu Van Byjten dhe shokët e tij nuk u dorëzuan menjëherë. "E dinim që nuk na kishte mbetur shumë kohë kur ata dolën përsëri në avantazh me anë të penalltisë, por vendosëm të përgjigjeshim, - tha Van Byjten. - Ishim shumë poshtë moralisht pas asaj penalltie, por gjithashtu jemi profesionistë dhe dimë që në futboll gjithçka është e mundur dhe kështu treguam vetëbesim, duke barazuar. Shënuam në sekondën e fundit nga një goditje e lirë dhe me atë gol treguam se duhet të luash deri në minutën e fundit.
"Bajerni ka reputacion të mirë në shënimin e golave në minutat e fundit, kemi shënuar disa dhe sot bëmë të njëjtën gjë duke barazuar kundër Milanit. Në ndeshje me rëndësi kaq të madhe, duhet të besosh dhe faktikisht goli i sekondës së fundit do të jetë një ndihmë e madhe për ne, nëse do të arrijmë gjysmëfinalet. Ai gol është tepër i rëndësishëm". Sigurisht që Bajerni ka avantazhin e golit në fushën kundërshtare, por Van Byjten preferon të mos mendojë ende për gjysmëfinalen. "Nuk mendoj se ne jemi favoritë, - shtoi ai. - Me siguri Milani do të luajë më mirë jashtë Milanos, por ata duhet të fitojnë, ndërsa neve na mjafton një barazim pa gola".
 




____________
\"Mos shikoni kishat as xhamijat se feja e shqiptarit eshte shqiptaria.\"

Mbrojtësi i Bajernit të Mynihut, Uilli Sanjol, pritet të humbasë pjesën e mbetur të këtij sezoni pas një dëmtimi në gju në barazimin e së martës kundër Milanit në çerekfinalen e Ligës së Kampioneve. "Mjeku më tha se problemi qëndron me meniskun e jashtëm, - tha mbrojtësi i Francës për gazetarët, pasi është detyruar të largohet nga fusha me dhimbje. - Kjo do të thotë që nuk do luaj për gjashtë deri në shtatë javë. Por ky është futbolli. Ndodhin gjëra edhe më të këqija". Dëmtimi i Sanjolit ka qenë i vetmi aspekt negativ për Bajernin pas takimit të "San Siros".

Bastet
Pas dy ndeshjesh ndryshojnë kuotat
Pas fitores 3 0 jashtë fushe kundër PSV Eindhovenit, "bookmakers"-at e kompanisë Uilliam Hill kanë vendosur një probalitet 11 4 për fitoren e trofeut të Ligës së Kampioneve nga Liverpuli. Tashmë pritet të luhet dhe ndeshja e kthimit, e cila më shumë do të jetë një formalitet dhe më pas Liverpuli do të ketë arritur gjysmëfinalen. Ndërkohë, PSV-ja ka probalitetin 200-1 për të fituar këtë kompeticion.

11 4 Liverpul
3 1 Çelsi
100 30 Mançester Junajtid
13 2 Bajern Mynih
9 1 Valencia
11 1 Roma
12 1 Milan
200 1 PSV Eindhoven
 




____________
\"Mos shikoni kishat as xhamijat se feja e shqiptarit eshte shqiptaria.\"

I nxirë në fytyrë, i zemëruar dhe i zhgënjyer. Kështu, presidenti Silvio Berluskoni, i ulur në një karrige në dhomat e zhveshjes së "San Siros", i mërzitur për barazimin e Bajernit të Mynihut në momentin e fundit për kualifikimin në gjysmëfinale të Ligës së Kampioneve, që tashmë largohet. Nuk e kishte imagjinuar një mbrëmje kaq të keqe, ndërsa shkonte në stadium një orë para ndeshjes dhe as që e kishte menduar gjatë lojës, pse Milani binte aksion pas aksioni: kishte shënuar me Pirlon dhe mund t'i mbyllte llogaritë menjëherë. Ndërsa Van Byjtenin, Berluskoni do ta ëndërrojë për shumë kohë, ndoshta më shumë sesa në periudhën e fundit teksa ka ëndërruar Pier Ferdinando Kazinin apo Romano Prodin. Në politikë, në një mënyrë apo në një tjetër, gjërat rregullohen me një marrëveshje mes një shtrëngimi duarsh para telekamerave. Ndërsa në "San Siro" ishte e vështirë ta mbaje "anijen" të palëkundur: përqindjet e kualifikimit janë në rënie.
"NO COMENT" - Shumë i inatosur, Berluskoni nuk kërkon të lëshojë asnjë deklaratë. Vetëm Ançeloti të bën të ditur që "presidenti ndien keqardhje për një rezultat që nuk pasqyron ecurinë e ndeshjes." Për të shmangur paragjykimet, duhet diçka më e fortë. Ishte ora 23:40 kur presidenti hipën në makinë dhe largon mikrofonët e televizioneve: i tendosur, nervoz dhe dukshëm i mërzitur. Ndoshta ka menduar atë që i tha skuadrës menjëherë pas fitores në kohë shtesë kundër Sëlltikut: "Një formacion si Milani, në pesë minutat e fundit, duhet t'ia fshehë topin kundërshtarit dhe të mos rrezikojë gjë." Ose ndoshta reflekton mbi atë që u ka komunikuar lojtarëve dhe Ançelotit, kur në hotelin e Romës që priste kuqezinjtë mbajti një leksion të shpejtë e "të përulur" taktik (kështu e cilësoi vetë). Diçka nuk funksionoi.
GALIANI I ZHGËNJYER - Mbetet fakti që heshtja presidenciale flet më shumë se diskutimet. Inatosja e Berluskonit, si pasojë e zhgënjimit, por falë edhe një pakënaqësie të përgjithshme që nis nga fillimi i sezonit, do të lërë shenjë. Pa dyshim, para se të flitet për të ardhmen, duhet pritur rikthimi nga Mynihu, por diçka ka filluar të lëvizë. Vështirësitë e hasura nga Milani kundër Bajernit lindin nga një merkato e bllokuar për shkak të penalizimit dhe të dëmtimeve: Berluskoni mbi të gjithë këtë, edhe kur analizon gjendjen, nuk e harron asnjëherë.
Ndër të tjera, presidenti nuk mund të lejojë të shohë një tjetër sezon gri drejt Milanit të tij, sepse ai kërkon të qëndrojë gjithnjë mbi pod, kërkon "vitrinën" dhe "dritat" e përmbysjes. Atëherë duhen pritur lajme të ndryshme për të ardhmen, ndoshta edhe një trajner ndryshe nga Ançeloti, pavarësisht nga siguritë e vetë Berluskonit dhe të Galianit. Administratori i deleguar kuqezi nuk e fsheh zhgënjimin e tij: "Është një rezultat që nuk pasqyron vlerat në fushë. Milani është shumë më i fortë se Bajerni dhe goli i Xhilardinos ishte i rregullt. Për fat të keq janë gjëra që ndodhin në futboll, këtë biseduam edhe me Berluskonin. Tani na duhet një mrekulli në Mynih dhe mund t'ia dalim. Bajerni nuk goditi asnjëherë në portë dhe dy golat e tyre lindën nga përplasje të topit me shpatull ose ndoshta nga një faull. E meritonim të fitonim."
 




____________
\"Mos shikoni kishat as xhamijat se feja e shqiptarit eshte shqiptaria.\"

Bajerni ka dalë nga "San Siro" me rezultatin që dëshironte, 2-2, i arritur në sekondat e fundit. "Heroi" për bavarezët quhet Van Byjten, i cili në të 93-tën barazoi duke i favorizuar gjermanët për takimin e kthimit në fushën e tyre. Mbrojtësi belg kishte qenë ai që barazoi edhe golin e parë të kuqezinjve me anë të Andrea Pirlos. I dyshimtë ishte 11-metërshi i dhënë në favor të Milanit, me të cilin Kaka kaloi kuqezinjtë në avantazhin e përkohshëm.
Shkolla përballë - Karlo Ançeloti nuk ndikohet nga sygjerimet e Bersluskonit dhe zgjedh një Milan me një sulmues të vetëm, Xhilardinon, dhe dyshen Kaka-Sedorf në mbështetje të tij. Në mesfushë u aktivizuan njëkohësisht Ambrozini, Pirlo dhe Gatuzo ndaj një Bajerni që u paraqit me një 4-4-2 që mirëfilltë dhe, siç ishte parashikuar, Rensingu zëvendësoi Kahnin, ndërsa Otl, Van Bomelin. Dyshja sulmuese ishte Podolski-Makai.
Faktori Odo - Taktikisht makineria gjermane e Bajernit i mbyll të gjitha hapësirat, duke luajtur me dy futbollistë në secilin krah. Goditja e Sanjolit pas 43 sekondash vjen si fryt i një mbipozicioni me Salihamidxhiçin. Gjithsesi, Milani përgjigjet pak çaste më vonë dhe Sedorfi nuk arrin vetëm për pak centimetra krosimin e rrezikshëm të Jankulovskit. Milani është ai që bën lojën, por Bajerni mbrohet me kujdes derisa në të 36-ën vjen rasti më i mirë për kuqezinjtë. Odo merr fundoren dhe pas topit të gjatë të marrë nga Nesta, kroson për Xhilardinon. Goditja me kokë e sulmuesit italian u ndal nga një ndërhyrje e mrekullueshme e portierit Rensing. Në të 40-ën zgjohet Kaka, ndaj të cilit Luçio ndërhyn në mënyrë shumë të dyshimtë në zonën bavareze, por gjyqtari rus akordoi vetëm një goditje këndi, nga ku lindi edhe goli i parë për Milanin. Odo lëshon një top të gjatë për Pirlon, i cili godet me kokë dhe me një trajektore parabël e përcjell topin në rrjetën e Bajernit. Me avantazhin e kuqezinjve u mbyll pjesa e parë.
Van Byjten - Avantazhi ishte i merituar për Milanin dhe pas vetëm nëntë minutash lojë nga pjesa e dytë, Kaka shpërdoron një rast të pastër duke mos arritur të devijojë një krosim perfekt të Jankulovskit. Bajerni fillon të reagojë dhe ndeshja futet në një fazë të qetë përpara stuhisë finale. Hitcfeld largon Sanjolin, Podolskin dhe Makain, dhe në vend të tyre aktivizon Lelin, Pizarron dhe Santa Kruzin. Ançeloti përgjigjet me Inzagin në vend të Xhilardinos. "SuperPipos" i mungojnë topat e Kakasë, të markuar mirë, dhe Sedorfit, shumë të lodhur që më vonë do t'ia lërë vendin Gurkufit, ashtu si Jankulovski Kaladzes. Dhe befas shfaqet fytyra tjetër e Milanit, ajo e një skuadre në krizë që mund të kapitullojë në çdo moment. Goli i barazimit për Bajernin vjen si pasojë e një episodi sporadik, në të cilin Odo nuk markoi si duhet Van Byjten që i vetëm, pesë metra larg portës, e pati të lehtë të mposhtte Didën. Përgjigjja e Milanit është e menjëhershme dhe në një aksion të ngjashëm me pjesën e parë, Luçio ndërhyn ndaj Kakasë. Këtë herë nuk ka faull, por gjyqtari nga Rusia ndien se ka diçka për të kompensuar dhe akordon 11-metërshin për Milanin. Vetë Kaka shënoi nga pika e bardhë duke regjistruar golin e tij të shtatë në këtë edicion të Championsit, më shumë se kushdo tjetër. Por pikërisht në sekondën e fundit, Van Byjten ndodhet sërish në momentin dhe në vendin e duhur, dhe lëshon një diagole të denjë për qendërsulmuesin më të mirë, duke e dërguar topin në hapësirën që Dida kishte lënë bosh në shtyllën e tij.
Ergi LUBANI

Milan - Bajern 2-2
Shënues: Pirlo 40', Kaka 84' (pen) / Van Byjten 78', 93'
Milan: 1 Dida, 44 M.Odo, 13 A.Nesta, 3 P.Maldini, 18 M.Jankulovski (4 K.Kaladze 87'), 8 Xh.Gatuzo, 21 A.Pirlo, 23 M.Ambrozini, 22 Kaka, 10 K.Sedorf (20 J.Gurkuf 85'), 11 A.Xhilardino (9 F.Inzagi 71'). Tr: Ançeloti
Bajern M: 22 M.Rensing, 2 U.Sanjol, (30 K.Lel 68'), 3 Luçio, 5 Van Byjten, 21 F.Lahm, 20 H.Salihamidxhiç, 39 A.Otl, 23 O.Hargrivs, 31 B.Shvainstaiger, 10 R.Makai (24 R.Santa Kruz 86'), 11 L.Podolski (14 K.Pizaro 68'). Tr: Hitcfeld
Gjyqtarë: Yuri Baskakov (Russia)
Kartonë të verdhë: Xhilardino, Salihamidxhiç, Van Byjten
Shikues: 68.000
 




____________
\"Mos shikoni kishat as xhamijat se feja e shqiptarit eshte shqiptaria.\"

Zoti Juri Baskakov arriti t'i zemërojë të gjithë. "Simbol" i skandalit nga njëra anë me 11-metërshin e dhënë për Kakanë, nga ana tjetër ai i mohuar po brazilianit dhe para së gjithash goli i anuluar ndaj Xhilardinos për një pozicion jashtë loje, pastaj i dalë i paqenë me shumë dyshime të mëdha për t'u finalizuar më pas në gol. Paolo Maldini është shumë i inatosur: "Goli i Albertos ishte i rregullt, nuk duhej dhënë karton i verdhë ndaj tij, sepse javës tjetër është i pezulluar. Mungesa e tij në Mynih është një goditje e dyfishtë që na i vështirëson gjërat në prag të ndeshjes së kthimit, sepse kemi pak sulmues, tani vetëm Inzagi e Oliveira."
Në fund të ndeshjes, Silvio Berluskoni ka qenë shumë i inatosur ndaj skuadrës në dhomat e zhveshjes, por Marek Jankulovski mohon të ketë pasur shfryrje presidenciale: "Nuk na tha gjë, - konfirmoi mbrojtësi çek, - ekziston keqardhja nga ana e të gjithëve, sepse kjo ndeshje duhej të ishte fituar dhe barazimi 2-2 është një rezultat negativ për ne. Kemi luajtur një ndeshje shumë të mirë, pastaj në fund nuk kishim më forcë dhe paguam me atë rezultat të papritur." Megjithatë, Jankulovski beson për ndeshjen e kthimit: "Nëse luajmë në Mynih si në 75 minutat e para të mbrëmjes së "San Siros", mund të fitojmë. Na mungoi pak edhe fati, në pjesën e parë kishim mundësi të mbyllnim ndeshjen, por nuk ia arritëm. Në pjesën e dytë, Bajerni doli në lojën e tij dhe në dy krosime i pësuam golat. Ndoshta për shkak të lodhjes sonë, por edhe të fatit jo të mirë që në fund na ndëshkon gjithnjë." I këtij mendimi është edhe Klarens Sedorf që shton: "Ne në Champions kemi mendësi fituesi, por të martën diçka nuk shkoi në minutat e fundit. Duhej t'i kishim mbyllur llogaritë më parë, por shpresojmë se në ndeshjen e kthimit mund të bëjmë diçka."

Kaka: Mund t'ia dalim në Mynih
Mesfushori i Milanit, Rikardo Kaka, autor i golit me 11-metërsh që i dha epërsinë Milanit ndaj Bajernit të Mynihut për çerekfinalen e parë të Championsit, rezultat që u barazua nga Van Byjten në fund (2-2), është optimist që skuadra kuqezi mund të kualifikohet në gjysmëfinale në Mynih në ndeshjen e kthimit: "Na vjen keq për golat e pësuar, - konmentoi braziliani, - por jemi mësuar me këto trysni. Ajo e Mynihut do të jetë një sfidë për historinë, por mund t'ia dalim."

Dinjo, menaxheri sërish në Milano
Marrëveshje mes Joan Laportës dhe Roberto De Asisit, menaxherit të Ronaldinjos, i arritur disa ditë më parë për qëndrimin e sulmuesit 27-vjeçar te Barcelona, duhet të kalojë bankoprovën e parë. Në të vërtetë, menaxheri brazilian do të jetë sërish në Milano dhe këto vajtje-ardhje në "frekuencën" milaniste po shqetësojnë shumë gripin e drejtuesve të katalanasve, pavarësisht se Ariedo Braida, drejtori i përgjithshëm i Milanit, është shprehur i dorëzuar mbi këtë çështje.
 




____________
\"Mos shikoni kishat as xhamijat se feja e shqiptarit eshte shqiptaria.\"

Më në fund, një gjë "ala" Ronaldo. Del jashtë nga kutia e kujtimeve në mbrëmjen e Pashkëve, mbrëmjen e "rishenjtërimit" futbollistik për një kampion, që dalë nga dalë po përpiqet të ringjallë talentin e padiskutueshëm të shfaqur kohët e fundit. Një, dy tre hapa të dyfishtë radhazi për të "dehur" Pratalin dhe liruar hapësirën për të majtën e tmerrshme që përfundon nën traversë: më në fund, një gjë prej Ronaldoje. Katër gola me kuqezinjtë, por ndoshta i pari si "Fenomen": pas goditjes me kokë dhe asaj rrëshqanazi në Sienë, pas goditjes së papritur nga jashtë zone në derbi, të shtunën kundër Empolit erdhi një nga aksionet klasike të Ronaldos, me publikun që e ndoqi dhe thuajse e drejtoi drejt portës, duke pritur driblimin dhe golin sikundër në opera pritet zëri i tenorit. "Jam i kënaqur për paraqitjen, - pohon "Fenomeni", - u zbavitëm, luajtëm një futboll të bukur duke e merituar fitoren. Më vjen keq që nuk do të jem të mërkurën në Mynih. do të doja ta ndihmoja skuadrën duke luajtur, por mendja ime dhe tifozllëku im do të jenë për shokët. Jam i sigurt që do të luaj në Champions me Milanin pas pak muajsh. Kjo skuadër ka mundësi të paraqitet më mirë edhe kur ka shumë ndeshje të ngjeshura. Jemi të gjithë në formë, edhe Dida do të jetë vendimtar në momentet e rëndësishme. Ai është shumë i qetë dhe para së gjithash është një portier i madh. Shënova një gola "ala" Mansini (i Romës)? Gola të tillë kam shënuar disa disa vite para tij... Por nuk kam qenë unë që e kam shpikur këtë lëvizje..."
ÇFARË KAPITENI - Ai i zgjedhur nga Ronaldo, është një mënyrë e bukur për të nisur ndeshjen shtesë për vendin e katërt me Empolin. Në kësi rastesh i besohet më shumë drejtimit të përvojës, Gatuzo, si një kapiten i mirë, tregon bashkimin e grupit: "Ishin shumë të rëndësishme këto tri pikë, - rrëfen Gatuzo. - Kualifikimi në Champions është mënyra e vetme për të tërhequr kampionët që luajnë gjetkë dhe për të mbajtur tanët." Si gjithnjë, Rino tregoi se ç'do të thotë të jesh kapiten: "Por shiriti i kapitenit nuk më ndryshon si njeri. Unë di të luaj vetëm në këtë mënyrë, cilësia ime kryesore është agonizmi dhe përpiqem ta shfaq në fushë."
SURPRIZA - Në fushë Milani shfaq edhe gjëra të tjera. Topi ecën më shpejt, loja është më e qartë, sulmuesit shërbehen në hapësira. Ndeshja s'është në diskutim as kur Saudati barazon. Milani i Pashkëve bën surprizën më të bukur, duke u kthyer një skuadër e bindur në forcat e saj. Dhe mund të jetë një sinjal i rëndësishëm edhe goli (i 13-ti sezonal, i 10-ti në kampionat) për Alberto Xhilardinon, të cilit i duhej një kënaqësi për të mbyllur momentin e vështirë dhe për të bërë paqe me publikun: "Unë përpiqem të luaj gjithnjë për skuadrën, vërshëllimat nuk më pëlqejnë, por tifozët e vërtetë të Milanit më duartrokasin dhe më duan shumë. Tani më vjen keq si Ronaldoja, sepse nuk mund të luaj në Mynih: unë atë vërshëllimë të gjyqtarit nuk e dëgjova vërtet. Por jam i sigurt që shokët e mi do të shkojnë në gjysmëfinale."
Dhe mbi çështjet jashtë futbollit që i përkasin, Albertoja është po ashtu i qetë: "Në Itali ndonjëherë nuk ka respekt për jetën private, por jam i bindur se e vërteta do të dalë." E vërteta e Adriano Galiani u përket vlerave teknike të Milanit: "Ne jemi më të fortë se Bajerni, prej muajsh po luajmë mirë dhe në kampionat vendi i katërt është më afër. Tani nuk mund të ndalojmë: më 18 prill, pas dy ndeshjeve jashtë në Mesinë e Askoli, dhe atë ndaj Bajernit në Champions, do të dimë më shumë për sezonin tonë." Një sezon që mund të jetë shumë i bukur.
 

Bajerni i Mynihut është goditur nga disa dëmtime të lehta në ditët e fundit, por bavarezët janë të bindur se mund ta përfundojnë punën e mirë të nisur në "San Siro", duke eliminuar Milanin. Ata synojnë të vazhdojnë më tej në gjysmëfinalet e Ligës së Kampioneve, ku mungojnë që nga viti 2001. Qendërmbrojtësi Daniel van Byjten shënoi dy gola, njërin në kohën shtesë, duke u dhënë kampionëve të Gjermanisë barazimin e vyer 2-2 në ndeshjen e parë të luajtur javën e kaluar në Itali. Ky rezultat e favorizon Bajernin për ndeshjen e kthimit. Gjithsesi, trajneri Otmar Hitcfeld nuk do të ketë shërbimet e argjentinasit Martin Demikelis, autori i golit të barazimit në fitoren 2-1, të shtunën në Hanover. Gjithashtu edhe Bastain Shvainstaiger, Ouen Hargrivs, Luçio dhe Hasan Salihamidxhiç do ta nisin ndeshjen si titullarë, por vuajnë nga dëmtime të lehta që i kanë kushtuar mungesën në dy seancat e fundit stërvitore. Ndërkohë nuk do të jetë Uilli Sanjol. Mbrojtësi francez ka humbur pjesën e mbetur të sezonit pas dëmtimit të pësuar në Milano. Do të rikthehen nga skualifikimi portieri-kapiten, Oliver Kahn, dhe mesfushori holandez, Mark Van Bomel. Bajerni u eliminua nga Milani në 1/8-t e finaleve të edicionit të kaluar të Ligës së Kampioneve, me rezultatin e përgjithshëm 5-2, por Hitcfeldi mendon se historia nuk do të përsëritet. "Jam optimist, - tha trajneri që e drejtoi Bajernin në vitin 2001 drejt fitores së Ligës së Kampioneve. - Fitorja ndaj Hanoverit ishte një lajm i mirë për ndeshjen me Milanin. Për sa kohë skuadra është në formë, mund të arrijë çdo rezultat." Ndërkohë, edhe morali i Milanit pati një ngritje pas fitores 3-1 ndaj Empolit, që u dha mundësinë kuqezinjve të ngjiten në vendin e pestë të Serisë A, me një pikë dhe një ndeshje më pak se Palermo e vendit të katërt, "bileta" e fundit për të marrë pjesë në sezonin e ardhshëm të Championsit. "Skuadra po fillon të japë më të mirën dhe besoj se diçka të tillë do ta bëjë edhe të mërkurën në Mynih, - tha trajneri Karlo Ançeloti, që ka udhëhequr Milanin drejt gjysmëfinales në tri nga katër edicionet e fundit të Championsit. - Mendoj se jam realist kur them se mund të kualifikohemi. E njoh Milani dhe Bajernin. Jemi në gjendje t'i krijojmë probleme kundërshtarit. Na mjafton të luajmë si në ndeshjen e parë." Milani nuk do të ketë shërbimet e Alberto Xhilardinos të skualifikuar dhe për këtë pesha e sulmit do të bjerë mbi Filipo Inzagin. "SuperPipo", që i ka shënuar Bajernit pesë gola gjatë karrierës së tij, do ta nisë ndeshjen i mbështetur nga Kaka dhe Klarens Sedorf. Pavarësisht nga ecuria pozitive e viteve të fundit në Champions, gjashtë herë kampionët e Europës kanë lënë për të dëshiruar në paraqitjet jashtë fushe në këtë edicion të Ligës së Kampioneve. Milani ka fituar me Andërlehtin, është mundur nga AEK-u dhe ka barazuar pa gola me Sëlltikun dhe Lilën.
Ergi LUBANI

Bajern Mynih - Milan (2-2) (20:45)
Bajern M: Kahn, Lel, Luçio, Van Byjten, Lahm, Salihamidxhiç, Van Bomel, Hargrivs, Shvainstaiger, Makai, Podolski. Tr: O.Hitcfeld
Milan: Dida, Odo, Nesta, Maldini, Jankulovski, Gatuzo, Pirlo, Ambrozini, Sedorf, Kaka, Inzagi. Tr: K.Ançeloti
Gjyqtar: M.Mehuto Gonzales (Spanjë)

Gjendja disiplinore
Të skualifikuar: A.Xhilardino (Milan)
Nuk luajnë në gjysmëfinale nëse ndëshkohen me të verdhë: M.Demikelis, A.Otl, Luçio (Bajern) / P.Maldini (Milan)

Shifra dhe fakte
Bilanci: 9 ndeshje
Fitore Bajern: 1
Barazime: 3
Fitore Milan: 5

01.05.68 Milan - Bajern M 2-0
08.05.68 Bajern M - Milan 0-0
04.04.90 Milan - Bajern M 1-0
18.04.90 Bajern M - Milan 2-1
02.10.02 Bajern M - Milan 1-2
23.10.02 Milan - Bajern M 2-1
21.02.06 Bajern M - Milan 1-1
08.03.06 Milan - Bajern M 4-1
03.04.07 Milan - Bajern M 2-2

Pjesëmarrje në gjysmëfinalet e Kupave të Europës:
Bajern M: 19 herë
Milan: 17 herë

- Bajerni nuk humbet prej 11 ndeshjesh në fushën e tij për Ligën e Kampioneve dhe ka shënuar 26 gola në këto takime.
- Bajerni ka fituar vetëm tri nga dhjetë përballjet e mëparshme me skuadrat italiane në Mynih.
- Milani ka pësuar vetëm tre gola në nëntë ndeshjet e fundit të luajtura jashtë fushe për Ligën e Kampioneve.
- Milani ka fituar dy dhe ka barazuar dy, duke mos humbur asnjë nga katër ndeshjet e fundit që ka luajtur në Gjermani. Kuqezinjtë kanë shënuar në të katra ndeshjet.

Ançeloti: Superiorë ndaj Bajernit
"Do të luajmë në sulm, pavarësisht nga futbollistët që do të zbresin në fushën e lojës." Ka optimizëm te Milani në prag të ndeshjes çerekfinale për Ligën e Kampioneve ndaj Bajernit dhe kjo duket në fjalët e trajnerit Karlo Ançeloti. "Mendoj se Milani ka disa armë për ta mposhtur kundërshtarin. Si për shembull shpejtësia e lojës, por edhe teknika superiore. Mendoj se në këto aspekte kemi disa gjëra më shumë se Bajerni, - tha trajneri përpara se t'i hipte avionit për në Mynih. - Shqetësimi i vetëm që kam, është në lidhje me Inzagin. Pipo nuk është në maksimum dhe do ta vendosim aktivizimin e tij vetëm pak orë përpara ndeshjes." Pa Ronaldon dhe të skualifikuarin Xhilardino, në minutat e fundit, kuqezinjtë kanë humbur edhe shërbimet e Brokit, i cili qëndroi në Milano për shkak të temperaturës së lartë. "Kjo ndeshje është shumë e rëndësishme për ne dhe e dimë që mund të bëjmë diçka të mirë, - vazhdoi Ançeloti. - Si në çdo ndeshje me eliminim të drejtpërdrejtë ka tension, por nuk mungon edhe optimizmi. Nuk duhet të kushtëzohemi nga fakti se po luajmë jashtë fushe, por të imponojmë atë që dimë të bëjmë. Në ndeshje të tilla, Milani gjithmonë ka bërë mirë, pavarësisht se kundërshtari është i një niveli të lartë. Jemi stërvitur si duhet dhe nuk jam në gjendje ta parashikoj rezultatin, por jam shumë optimist për kualifikimin." Një koment shkon edhe për gjyqtarin Mehuto Gonzales: "Na ka drejtuar në finalen e hidhur ndaj Liverpulit dhe me sa di unë, gjendjet në qendër të një polemike në Spanjë, por është një gjyqtar ekspert dhe besoj se do të bëjë një punë të mirë."
E.LUBANI

Otmar Hitcfeld: Jemi në formë
Trajneri i Bajernit të Mynihut, Otmar Hitcfeld, paralajmëron futbollistët e tij për ndeshjen e sotme çerekfinale ndaj Milanit: "Ndaj Hanoverit fituam dhe kjo ishte e rëndësishme për të vazhduar serinë e rezultateve pozitive dhe për të shpresuar te titulli në Bundesligë, por nëse duam të kualifikohemi ndaj Milanit, duhet të luajmë të paktën 50% më mirë sesa bëmë të shtunën." Bajerni barazoi 2-2 në ndeshjen e parë në "San Siro" dhe kjo e favorizon për 90-minutëshin e kthimit. "Ndaj Hanoverit lamë pushim pesë-gjashtë titullarë dhe për këtë besoj se do të jetë një Bajern në formën e tij optimale në "Allianz Arena", pavarësisht se jemi goditur në minutat e fundit me disa dëmtime të lehta. Shvainstaiger do të ishte një humbje e madhe për ne, por mjekët më kanë garantuar se ka shanse të mëdha për të qenë në fushë. Jam optimist. Fitorja ndaj Hanoverit ishte një lajm i mirë për ndeshjen me Milanin. Për sa kohë skuadra është në formë, mund të arrijë çdo rezultat." Ndërkohë, për bavarezët rikthehen pas skualifikimit Oliver Kahn dhe Mark van Bomel. Ky i fundit flet qartë: "Kemi 51% për t'u kualifikuar. Nëse do të luanim poker, sigurisht që kjo dorë do të ishte e jona. Do të jetë si një finale, por mundësia për të vazhduar më tej, është një prioritet në sezonin tonë dhe s'mund të heqim dorë kaq lehtë." Më pas, mesfushori holandez përfundon: "Dy golat e shënuar në "San Siro" na kanë dhënë një avantazh që konsiderueshëm, por Milani është një skuadër që mund të mundë këdo dhe për këtë duhet të bëjmë kujdes. Duhet një Bajern si ai që eliminoi Realin." Mungesat e sigurta për bavarezët që synojnë të arrijnë gjysmëfinalet e Championsit për herë të parë që nga viti 2001, do të jenë ato të të dëmtuarve Uilli Sanjol dhe Martin Demikelis.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Do jete interesant, nga vete fakti se asnjehere deri me tash Bayern nuk ka mund ta mposht Milanon!!!!!!!
 




____________
http://img77.imageshack.us/img77/89...82326909gx2.png

Bajern M - Milan 0-2 (2-2)
Shënues: Sedorf 27', Inzagi 31'
Bajern M: 1 O.Kahn, 20 H.Salihamidxhiç, 3 Luçio, 5 D.Van Bujten, 21 F.Lahm, 39 A.Otl (24 R.Santa Kruz 46'), 17 M.Van Bomel, 23 O.Hargrivs, 30 K.Lel (18 A.Gërlitz 77'), 10 R.Makai (14 K.Pizarro 61'), 11 L.Podolski. Tr: O.Hitcfeld
Milan: 1 Dida, 44 M.Odo, 13 A.Nesta, 3 P.Maldini, 18 M.Jankulovski, 8 Xh.Gatuzo (2 Kafu 87'), 21 A.Pirlo, 23 M.Ambrozini, 10 K.Sedorf (20 J.Gurkuf 80'), 22 Kaka, 9 F.Inzagi (27 Serzhinjo 70'). Tr: Ançeloti
Gjyqtar: M.Mehuto Gonzales (Spanjë)
Kartonë të verdhë: Van Bomel, Salihamidxhiç
Shikues: 66.000


Për vitin e tretë me radhë Milani fiton të drejtën për të luajtur në gjysmëfinalet e Ligës së Kampioneve. Në Mynih ishte një natë "magjike", ku kuqezinjtë i dhanë leksion Bajernit duke e heshtur "Allianz Arenën". Maldini dhe shokët e tij e komanduan takimin në 45 minutat e para me dy gola "vrastarë" në harkun e katër minutave, me anë të Klarens Sedorfit dhe Filipo Inzagit. Për të dy ishte një lloj "hakmarrjeje". Holandezi ishte autor i pasimit të parë për "SuperPipon" në rastin e golit të dytë, teksa sulmuesi italian shënoi golin e tij të 40-të në Champions.
Kujdesi - Filipo Inzagi në sulm duket si një kartolinë e vjetër, por kur e sheh sulmuesin kuqezi reaktiv si në ditët më të mira, e kupton menjëherë se asgjë nuk ka ndyshuar dhe se Ançeloti ka bërë mirë në zgjedhjen e formacionit. Në minutën e 10-të, Inzagi nuk ndalon si duhet një top të Maldinit, i vetëm përballë Oliver Kahnit, por ky ishte vetëm sinjali i parë. Gjithsesi, fillimi i ndjeshes ishte më i mirë për Bajernin, pavarësisht nga mungesa e Bastian Shvainstaigerit. Masimo Odo shpëtoi portën e miqve nga goditja e Lelit dhe pak më vonë Podolski nuk mundi ta shtyjë topin në rrjetë në mes të rrëmujës.
Sasi dhe cilësi - Milani dalë nga dalë e ngre lojën e tij, derisa në të 27-tën, Sedorfi gjen hapësirën e duhur në hyrje të zonës bavareze dhe mposht Kahnin me një diagonale të saktë. Goli hedh në tapet Bajernin që katër minuta më vonë praktikisht del nga Championsi. Një aksion i gjithi në vertikal, në minutën e 31-të, u jep djemve të Ançeloti golin e dytë. Kaka për te Sedorf, i cili shërben me finte për te Filipo Inzagi. Anësori e konsideron si të rregull pozicion e numrit 9, i cili nuk fal i vetëm përballë Kahnit. Ky ishte goli i gjashtë për Inzagin në ndeshjet e luajtura ndaj kampionëve të Gjermanisë. Në fundin e pjesës së parë, Milani pati mundësinë të shënonte edhe golin e tretë, por Kaka dhe Inzagi nuk kombinuan si duhet të vetëm përballë Luçios.
Kontrolli - Në pjesën e dytë, Hitcfeld përgjigjet me aktivizimin e Santa Kruzit në vend të Otlit, por teorikisht gjërat nuk ndryshojnë. Bajerni përpiqet të bëjë lojën, por has një pengesë të pakalueshme te Pirlo, Gatuzo dhe Ambrozini, për të mos folur për duelet Maldini-Podolski apo Nesta-Makai, ku në të gjitha situatat ishin fitues mbrojtësit nga Italia. Për të qenë realist, edhe në 45 minutat e dyta ishte Milani ai që pati rastin më të mirë, kur Kahn priti tentativën e Kakasë, pasi më parë braziliani kishte kaluar dy mbrojtës njëherësh. Aktivizimet e Pizarros dhe Gëtlitzit nuk i japin Bajernit shtysën e duhur dhe Dida e mbyll mbëmjen e tij fantastike duke pritur goditjen e Van Byjtenit në minutën e 90-të. Braziliani këtë herë e "bllokoi" makthin e mbrojtësit belg që me dy golat në "San Siro" trembi kuqezinjtë. Milani dje tregoi me shumë klas dhe fitoi me meritë të drejtën për të qenë gjysmëfinalist, ku e pret Mançesteri.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------