Ndoshta Leo Mesi dëshironte t'i bënte një dhuratë idhullit të tij duke i thënë: "Forca Diego, mos u dorëzo." Nuk e dimë nëse ka televizor në klinikën e Maradonës në Buenos Aires, por besojmë se po. Do të ishte shumë e bukur nëse "mjekët" do t'i tregonin "El Pibe D'Oros" atë që bëri Mesi ndaj Getafes. Duke fërkuar sytë, për të parë nëse është zgjuar apo në ëndërr, Diego do të shihte kopjen e golit që ka shënuar ndaj Anglisë, në Meksikë më 22 qershor të 1986-s. Dita e "Mano de Dios-Dora e Zotit", dita e "mrekullisë më të madhe". Pasi kishte shënuar golin e famshëm me dorë, pak minuta më vonë Maradona filloi një slalom nga mesi i fushës, duke dribluar gjashtë futbollistë anglezë (përfshi portierin) për ta përcjellë topin në rrjetën e boshatisur. Të mërkurën në mbrëmje, "Kamp Nou" përjetoi të njëjtën skenë. Ndeshja nuk ishte aq prestigjioze, por vepra e artit ishte identike në fitoren 5-2 që Barcelona arriti ndaj Getafes në gjysmëfinalen e Kupës së Mbretit.
"SHOW" - Mesi u nis nga e djathta e gjysmëfushës së tij dhe nga një pozicion statik, ashtu sikurse Diego. Kaloi menjëherë dy kundërshtarë dhe shpërtheu drejt portës. Në mesfushë fitoi një duel shpejtësie dhe pasi shmangu dy mbrojtës në hyrje të zonës, u gjet përpara portierit. Edhe në këtë rast imitimi ishte perfekt. Finte nga e djathta e tij dhe një goditje e saktë që dërgoi topin në rrjetë. Këtu ndodh edhe ndryshimi i vetëm. Maradona shënoi me majën e këmbës së majtë, ndërsa Mesi, duke qenë se u gjend në pozicion më të prirët, zgjodhi pjesën e brendshme të këmbës së djathtë. Për një "mëngjërash" është akoma dhe më e vështirë. Historia do të thotë që më 18 prill 2007 Barcelona mundi Getafen me një mrekulli të Mesit dhe ndoshta do të mbeten në mendjen e të gjithëve fytyrat e shokëve të Barcelonës. Disa thjesht nuk e besonin, të tjerët shkuan ta përgëzonin duke mbajtur duart në kokë. Ajo që historia nuk mundet të shpjegojë, është ngjashmëria e "shpikjes" së Leo Mesit me "magjinë" e paharrueshme të Diego Armando Maradonës. Në ato çaste nuk ke kohë për të menduar, ndiqet vetëm instinkti. Por brenda Mesit instinktet i sugjeronin se mund të bënte atëherë që më parë kishte bërë vetëm më i madhi. Dhe vendosi ta provojë... Ky gol ndoshta ka qenë fundi i "dinastisë" Dinjo dhe fillimi i "epokës" Mesi. Pasardhësi i zgjedhur nga vetë Mardona, të cilit dje Leo i bëri dhuratë "ilaçin" më të mirë të mundshëm.
BARÇA - Reagimet në skuadrën katalanase kanë qenë nga më entuziastet dhe një kampion bote si Xhianluka Zambrota vazhdon të duartrokasë: "Eshtë goli më i bukur që kam parë ndodnjëherë. Kur u futëm në dhomat e zhveshjes, pas pushimit e pashë Leon pathuajse të trembur nga ajo që kishte bërë. E trembi publiku, i gjithë në këmbë duke brohoritur emrin e tij. Drejtori teknik, Begirishtain, shkon më tej: "Maradona duhet të më falë, por goli i Mesit ishte më i bukur se i tiji." Goli i Maradonës, qoftë nga rëndësia, qoftë nga fakti që e bëri i pari, do të mbetet i paharrueshëm, por që dje Mesi ka bërë një hap të sigurt për të qenë një tjetër "D10S"...!
Ergi LUBANI

Mesi: Goli, për Diegon
"Ishte një gol për Diegon. Shpresoj të shërohet sa më shpejt." Leo Mesi nuk ndihet ende si Maradona, por dëshiron t'ia kushtojë atij golin e mrekullueshëm ndaj Getafes. "Jam shumë i lumtur, por edhe i qetë. Ndoshta goli ishte i ngjashëm me atë të shënuar nga Diego, por tani duhet të shohim përpara, - tha argjentinasi. - Nuk kisha ndër mend të shkoja deri në portë. Pashë Etonë dhe doja t'ia pasoja topin, por m'u krijua hapësira dhe provova ta shfrytëzoja. Mendova të godisja që në fillim, por i druhesha ndërhyrjes së mbrojtësit. Falënderoj Zotin për atë që bëra, por ju lutem mos më krahasoni me Maradonën."

Spanja çmendet me magjinë e "pleshtit"
Shtypi: Ka ardhur "Mesia"!
Spanja, dhe jo vetëm, është e gjitha në këmbët e "pleshtit", një 20-vjeçar që po bën të rikthehen kujtimet e të madhit Diego Armando Maradona. Mesi imitoi golin e shënuar nga "legjenda" në kampionatin botëror të vitit 1986 dhe ndihmoi Barcelonën të fitonte 5-2 ndaj Getafes për gjysmëfinalet e Kupës së Mbretit. 24 orë më vonë i gjithë shtypi spanjoll përulet përpara tij. "El pie de Dos - Këmba e Zotit" ishte titullin i katalanases "El Mundo Deportivo". Edhe nga rivalët historikë të Barcelonës, madrilenët e "Marca"-s, vijojnë krahasimet e bujshme: "Ishte goli i Maradonës, - shkruhej në faqen e parë të kësaj gazete. - Diego Armando Mesi përsëriti mrekullinë pas 20 vitesh, 10 muajsh dhe 26 ditësh." Kori vazhdon me "El Mundo": "Po, ai është Maradona" dhe me "Katalunjën": "Nga cili planet ke ardhur?" Akoma më i bujshëm është krahasimi që përdor "AS", duke u bazuar te një lojë fjalësh: "Erdhi "Mesia"!" - dhe më pas vazhdon. - Nëse futbolli është si besim fetar dhe nëse Maradona është si Zoti, atëherë Mesi është Jezu Krishti."

Trajneri: Ndoshta goli ishte edhe më i bukur, por krahasimet me Diegon janë të dëmshme
Rajkard: Ishte një "vepër arti"
Trajneri i Barcelonës, Frenk Rajkard, ka qenë nga ata që mbeti i hipnotizuar gjatë golit të shënuar nga Lionel Mesi në fitoren 5-2 që skuadra e tij arriti për Kupën e Mbretit. Karahasimet me golin e shënuar nga Mardona në "Meksikë 1986" e kanë shtyrë trajnerin holandez ta quajë golin e Mesit "një vepër arti". "Të dy golat janë të ngjashëm, por mendoj se Mesi ka vepruar pak më shpejt dhe për këtë m'u duk më i bukur - tha Rajkardi. - Mesi është një talent i jashtëzakoshëm dhe bën gjëra të mrekullueshme, por nuk duhet të bëjmë krahasime me Maradonën. Vetë Mesi nuk e do diçka të tillë. Leo është gjithmonë i përqendruar tek ajo që bën në fushën e lojës. Duhet ta lëmë të rritet i qetë."
Getafe - Barcelona është pranë arritjes së finales në Kupën e Mbretit, por Frenk Rajkard i fton futbollistët e tij të tregohen të kujdesshëm. Pavarësisht nga fitorja 5-2, sfida nuk është mbyllur ende. "Nuk e kemi arritur ende finalen, edhe pse kemi një avantazh prej tre golash, - tha trajneri i Barçës. - Duhet ta përgatisim me shumë kujdes ndeshjen e kthimit. Getafe nuk u dorëzua për asnjë moment dhe shënoi dy gola që i japin një shpresë, sado të vakët. I përgëzoj për faktin që nuk hoqën dorë në asnjë moment."
Kthehet "Dinjo" - Ndërkohë, Barcelona ka rigjetur shërbimet e fantazistit Ronaldinjo, i cili u la pushim nga Rajkardi për dy ndeshjet e luajtura ndaj Majorkës dhe Getafes. Kjo zgjedhje u bë në bazë të një programi që do t'i japë "Dinjos" mundësinë të luajë në 100% të formës së tij, në gjashtë ndeshjet e mbetura të kampionatit. Barcelona kryeson Primera Divizionin me katër pikë avantazh ndaj Seviljes ndjekëse dhe pesë pikë mbi Realin e vendit të tretë.
Ergi LUBANI

Shuster: Duhet ta ndalim, qoftë edhe me karton!
Trajneri i Getafes, Bernd Shuster, duket se është i vetmi që nuk e ka shijuar "mrekullinë" e Leo Mesit. Në konferencën për shtyp, menjëherë pas humbjes 5-2 që skuadra e tij pësoi në "Kamp Nou" për gjysmëfinalet e Kupës së Mbretit, trajneri gjerman kritikoi ashpër futbollistët e tij: "Ishte një gol i bukur, por nuk më lejohet ta shoh me sytë e një spektatori apo një dashamirësi. Duhej ta kishim ndalur, në mesfushë ose në hyrje të zonës, në çdo mënyrë, qoftë edhe me karton të verdhë. Nuk mund të lejosh një futbollist me të tilla aftësi të bëjë çfarë të dojë. U treguam zemërgjerë." Në lidhje me fatet e kualifikimit, Shusteri e pranon se skuadra e tij ka pak mundësi për të arritur finalen e parë historike në Kupën e Mbretit: "Duhet të fitojmë 3-0 ndaj Barcelonës. Pavarësisht se besoj te forca e skuadrës dhe tifozëve tanë në "Colosium", më duket një mision i pamundur. Duhet të jemi realistë dhe të përgëzojmë skuadrën për arritjen e gjysmëfinales. Çdo surprizë e paparashikueshme do të ishte një "mrekulli" për të gjithë Getafen."



Link



Link

 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Gol i mbrekullueshem por nuk mund te krahasohet me ate te Maradones pasi nuk kan te njejten rendesi.
 




____________
\"Mos shikoni kishat as xhamijat se feja e shqiptarit eshte shqiptaria.\"