Pema është një organizëm i gjallë që strehon, ushqen, ngroh dhe mbron të gjitha krijesat e gjalla. Ajo madje i bën hije edhe atyre që tundin sëpatën për ta prerë. Me siguri në botë ka me qindra e mijëra pemë madhështore dhe të mrekullueshme, por këto janë disi më të veçanta. Vendin e parë e mban pema e baobabit. Pema e bukës së majmunit mund të rritet deri në 30 metra dhe të ketë një gjerësi prej 11 metrash. Karakteristika: trung i fryrë për të ruajtur ujin. Pema kombëtare e Madagaskarit ruan më shumë se 120 mijë litra ujë. Kampioni më i madh gjendet në rrugën "Baobab", pranë Morondavës, Madagaskar. Në Ifaty, disa pemë të tilla marrin formën e shisheve, kafkave dhe çajnikëve. Në mjaft vende ato përdoren për tualete, madje dhe burgje. Vendin e dytë e mban pisha "Bristlecone", Metuselahu dhe Prometeu, pemët më të vjetra në botë. Emri Metuselah është vënë sipas personazhit biblik që jetoi 969 vjet. Ajo është 4838 vjeç dhe konsiderohet organizmi më i vjetër në botë, pas numërimit të unazave. Për fat të keq, pema e Prometeut ishte dhe më e vjetër, kishte 5000 unaza, të cilat iu numëruan pasi ishte prerë. Pema "Banyan" është pema ku Robinson Kruzo ndërtoi shtëpinë e tij. Forma e saj gjigande është e pagabueshme. Ngjan me një çadër madhështore me rrënjë ajrore që dalin nga degët në tokë. Dokumentacionet tregojnë se është mbjellë në vitin 288 para Krishtit. Selvia e Montezumës është 58 metra e lartë me diametër 11.3 metra. Në vitin 1994 krenaria meksikane rrezikoi. Kishte degë të thara dhe gjethe të verdha. Diagnoza e doktorëve ishte se po vdiste nga etja. Receta? Më shumë ujë. Edhe pse duket sikur janë më shumë se një pemë, pema që mban vendin e pestë quhet "Plep i egër". Të gjitha janë identike, pra pjesë e një organizmi të vetëm të gjallë me një sistem të madh rrënjësh. Disa degë janë 130 vite të vjetra dhe zënë 107 akra tokë. Pema që mban vendin e gjashtë është pema më e famshme në Francë, Chêne-Chapelle e Allouville-Bellefosse, ajo është një ndërtesë dhe një monument fetar njëkohësisht, pra tre në një. Pema e shtatë është ndër speciet më të larta në botë. Sekuoja gjigande që mban rekordin e species është 115 metra e lartë. Vendndodhja mbahet sekrete, në mënyrë që turistët mos t'i dëmtojnë rrënjët, por ndodhet diku në Kaliforni. Vendin e tetë e mban e njëjta specie. Ajo është 83,3 metra dhe peshon më shumë se 6 mijë tonë. Vendin e nëntë e mban pema e Cirkut. Fermeri i bizeleve, Axel Erlandson formoi pemë, i priste, i përkulte, i transplantonte në forma fantastike dhe i quajti pemët e Cirkut. Ai e mbajti sekret dhe refuzoi ta zbulojë metodën e rritjes së tyre deri në vdekje. Pema që mban vendin e dhjetë nuk është dhe aq e madhe, por përfshihet në këtë listë për statusin ikonik dhe të izoluar, me sfondin në Oqeanin Paqësor.
 




____________

Lot Dielli