Kandidatët për Presidentin e ardhshëm të SHBA-së nuk janë vetëm oratorë, politikanë dhe diplomatë të zotë. Ata kanë edhe aftësi të tjera që me siguri nuk do të përmenden gjatë debateve televizive. Amerika ka talent, ai është asi nën mëngë për 14 konkurrentët republikanë dhe demokratë. Hillary Rodham Clinton është kampionia e fjalëkryqeve, Mitt Romney mund të ishte bërë këngëtar, Rudy Giuliani është dëgjues i mirë.
Kandidatët demokratë
Senatori i Delauerit, Joe Biden u përgjigj: “Të skicoj shtëpi”. Senatorja e Nju Jorkut, Hillary Rodham Clinton u përgjigj se i pëlqenin jashtëzakonisht shumë lojërat e vështira. Senatori i Konektikatit, Chris Dodd u përgjigj: “Të flas rrjedhshëm spanjisht. E kam perfeksionuar ndërsa qëndroja në Republikën Dominikane si një vullnetar me Trupat Paqeruajtës”. Ish-senatori i Karolinës së Veriut, John Edwards u përgjigj se ishte i zoti në basketboll, vdiste të bënte kosha duke u hedhur. Përfaqësuesi i Ohios, Dennis Kucinich thotë: “Godas po kaq mirë si me dorën e djathtë, si me të majtën”. Senatori nga Illinois, Barack Obama thotë: “Jam shumë i zoti të luaj poker”. Guvernatori i Meksikës së Re, Bill Richardson thotë se është i zoti në kuize.
Kandidatët republikanë
Senatori i Kansasit, Sam Brownback thotë: “Shitjet në ankand. Kalërimi i demit (kur ishte në kolegj)”. Ish-kryetari i bashkisë së Nju Jorkut, Rudy Giuliani thotë se është mjaft i zoti të dëgjojë. Ish-guvernatori i Arkansasit, Mike Huckabee thotë se është i aftë të imitojë zërin e dhjetëra personaliteteve. Republikani i Kalifornisë, Duncan Hunter thotë: “Të bëj këllëfë prej lëkure për armët e gjahut”. Senatori i Arizonës, John McCain thotë: “Jam shef i shkëlqyer dhe pjek mish në skarë”. Ish-guvernatori nga Masaçutetsh, Mitt Romney thotë: “Këndoj shumë mirë. Republikani nga Kolorado, Tom Tancredo thotë: “Pas 30 viteve në politikë, nuk kam asnjë talent që nuk e kam përdorur”.
 




____________