Përvojat dhe kujtimet e fëmijërisë i japin formë seksualitetit tonë. Atë kohë mund të kemi mësuar se seksi është një gjë e ndaluar, e pistë dhe e turpshme. Shumë adoleshentëve nuk u lejohet ta njohin seksologjinë sikur të ishte tabu, veçanërisht për femrat. Për disa familje është me dobi të flitet pa siklet dhe hapur për seksin, duke respektuar kufijtë. Kur kalohet në adoleshencë trupat tanë në rritje, zakonisht përbëjnë një mister për ata që sapo hyjnë në maturitet. Mund të zbulohet se ajo që media dhe shumica e njerëzve e konsiderojnë si të bukur, i përket një kategorie të ngushtë. Ne mund të humbasim respektin për aromën dhe format tona trupore. Mund ta gjykojmë veten duke e krahasuar atë me të tjerët. Mund të ndodhë që të ndihemi të izoluar. Duhet kohë, ndonjëherë vite të tëra dhe përvoja pozitive që të heqim nga mendja këto ndjenja negative. Shumë prindër që kanë fëmijë të vegjël, kanë dëshirë t'i ndihmojnë ata që të rriten duke u ndjerë mirë me trupat dhe seksualitetin e tyre, edhe pse shpesh është e vështirë që ne të shikojmë përtej mënyrës se si jemi rritur vetë.

Përjetimi i kënaqësive seksuale

Gratë i përjetojnë kënaqësitë seksuale në shumë mënyra si fizike, emocionale, shpirtërore, si dhe në aspektin intelektual. Mund të ndiejnë kënaqësinë e një përkëdheljeje të butë, një kërcimi erotik ose një orgazme që të bën ujë në djersë. Tradicionalisht, përshkrimet e studiuesve meshkuj fokusohen në ndjesitë e organeve gjenitale dhe në fazat e eksitimit. Por erotika dhe kënaqësia janë shumë më tepër se kaq. Tingujt, pamjet, aromat dhe prekjet mund të ndezin ndjenjat seksuale, po ashtu si fantazitë, aroma e një trupi me të cilin je familjarizuar apo një bashkëbisedim që të bën për vete. Erotika mund të bëhet një burim pozitiv energjie. Shpeshherë femrat ndihen të pasigurta emocionalisht dhe fizikisht. Në disa raste femrat duke iu trembur shtatzënisë nuk ia lejojnë vetes një kënaqësi të plotë, pa pengesa psikologjike dhe pa kushtëzime fizike. Shpesh grave i duhet të punojmë me orë kaq të zgjatura sa nuk kanë as kohë dhe as energji të mjaftueshme për seks.

Lidhja e fortë seksuale

Marrëdhënia seksuale ndërtohet në një mënyrë të tillë që të dy partnerët të fitojnë kënaqësi dhe të lidhen më fort, dhe jo për të arritur me patjetër në orgazmën. Shumë gra nuk përjetojnë orgazëm gjatë aktit seksual. Ndonjëherë duke u përpjekur të arrijnë në orgazëm, mund të ndërgjegjësohen dhe të ftohen. Nga ana tjetër të lodhesh për të arritur orgazmën është eksituese. Nëse femra nuk është gati për të arritur orgazmën dhe mashkulli është shumë i eksituar kur fillon aktin seksual, ai mund të kalojë në orgazëm shumë shpejt. Prandaj është më mirë që të dy partnerët të ngadalësojnë lëvizjet derisa edhe femra të eksitohet më shumë. Eksperimentoni duke mbajtur trupin pa lëvizur për pak kohë kur të filloni një marrëdhënie, pastaj të dy bashkë filloni të lëvizni me ngadalë. Lëvizjet e ngadalta mund t'i ndihmojnë meshkujt që ta vonojnë ejakulacionin, gjë që mund ta bëjë aktin seksual më të këndshëm për të dy partnerët. Bashkëbisedimi, njohja e pikave të dobëta të partnerit, bashkëveprimi për të arritur një kënaqësi të dyfishtë do të ishin fillimi i një marrëdhënieje të fortë seksuale.

Martesa dhe intimiteti

E vërteta është se asnjë nuk dëshiron të jetë i vetëm. Edhe pse e bëjmë të madhe çështjen e "bërjes së gjërave si të duam" dhe këmbëngulim për të drejtat individuale, të gjithë dëshirojmë sigurinë dhe ngrohtësinë e një marrëdhënieje intime me dikë që çmendet pas nesh. Ne mund të themi se "duam të jemi vetëm" dhe dëshirojmë "pak hapësirë", por dëshira jonë më e fortë është ta ndajmë këtë hapësirë me dikë që na do. Edhe pse tërheqja seksuale është një pjesë e rëndësishme e dëshirës tonë për intimitet, këto dëshira për t'u lidhur fort me një person tjetër nuk janë vetëm për seks. Kjo dëshirë e zjarrtë për t'u njohur dhe vlerësuar nga dikush tjetër vjen nga mënyra si jemi projektuar që në fillim. Edhe pse martesa sulmohet keqas në ditët e sotme, ecja për në altar është ende diçka shumë e pëlqyer. Një anketim i fundit nxori se 96 për qind e studentëve duan të martohen apo tashmë janë të martuar.

Shkaktarët e divorceve

Pse ndodh atëherë që kaq shumë njerëz, të cilët dëshirojnë dhe kanë nevojë për të qenë pranë dikujt, përfundojnë të divorcuar, shpeshherë të mbushur me zemërim dhe zhgënjim? Shumica e atyre që martohen përpiqen të arrijnë një lidhje të fortë e të qëndrueshme të bazuar kryesisht tek ndjenjat (emocionet). Në shumicën e marrëdhënieve dashuria dhe pranimi vazhdojnë për aq kohë sa personi tjetër po plotëson një nivel të caktuar pritjeje. Nëse ndjenjat janë të ngrohta, burri dhe gruaja mund ta shijojnë shoqërinë e njëri-tjetrit, i shpërfillin karakteristikat e mërzitshme të partnerit, komunikojnë siç duhet dhe akoma shprehin afeksion (dashamirësi). Por kur ndjenjat ftohen, njëri ose të dy së bashku mësojnë se nuk kanë asnjë rezervë apo aftësi për të dashur një person me sa duket të papërsosur. Tashmë nevojat nuk plotësohen, gjë që shkakton lëndim, nxit vetëmbrojtje, dobëson komunikimin e mirë, shton keqkuptimet, provokon konflikt.

Problemet martesore

Që një marrëdhënie të funksionojë siç duhet, kërkohet bashkëpunim dhe të dy personat duhet të mohojnë shumë nga dëshirat e tyre personale. Egoizmin duhet të zëvendësojë vetëflijimi. Një person mund ta bëjë këtë fare mirë për njëfarë kohe në martesë, por pastaj durimi humbet. Vetëflijimi nuk është i natyrshëm, ndërsa egoizmi po. Në qoftë se do të jetonim në një botë ku njerëzit të ishin të përsosur, atëherë martesat tona do të gumëzhinin nga harmonia e plotë, ashtu si donte Perëndia të funksiononte që nga fillimi. Por ne nuk jetojmë në një botë të përsosur. Me sinqeritet të plotë mund të thuhet se të gjithë ne jemi të ndikuar nga prirja jonë drejt egoizmit dhe "mëkatit". Shpesh zgjedhim të bëjmë gjërat e gabuara, jo gjërat e duhura. Ne mund të jemi egoistë, të ulët, lëndues, të hidhët, arrogantë, jo të gatshëm për të falur dhe kështu me radhë. Nuk është çudi që burrat dhe gratë e kanë të vështirë të shkojnë mirë me njëri-tjetrin.
 




____________

Lot Dielli