Përzgjedhësi i kombëtares së Spanjës, Luis Aragones, ka pranuar se ai nuk do ta kishte përzgjedhur Italinë si kundërshtar për çerekfinalen e kampionatit evropian.

“Të gjithë e dinë se kjo kombëtare është kampione e botës. Është kundërshtar i vështirë. Në këtë nivel, të gjithë kundërshtarët janë të vështirë, por Italia ka një përvojë të madhe dhe din të nxjerrë rezultat të mirë edhe pa shfaqur lojë të mirë”, ka thënë Aragones.

“Ai është ekipi që më së pakti dëshiroja ta kisha kundërshtar. Por në këtë turne çdokush mund ta mposht gjithkënd, andaj nuk do të vuajmë shumë”, ka shtuar spanjolli.

Në ndeshjet përgatitore Italia u mposht nga Spanja me rezultat minimal 1-0, por Aragones nuk beson se kjo do t’u japë përparësi të zgjedhurve të tij.
 

Spanja ka ekipin më të fortë në dekada dhe do të kërkojë të përsërisë suksesin e gjeneratës 1964, të cilët fituan titullin e parë dhe deri më tani të vetmin të Evropës. Si ekipi me më së tepërmi ndeshje të zhvilluara në histori të kampionateve evropiane, Spanja do të ndiejë se ka ardhur momenti i saj.

Si janë paraqitur në kualifikime për Euro 2008?

Një fillim i dobët mbeti pas tyre, kur Spanja mposhti Suedinë 3-0 në shtëpi në ndeshjen e parafundit kualifikuese për të siguruar pjesëmarrjen në garë. Spanja e përfundoi vitin 2006 si ekip në krizë, pas humbjes së papritur 3-2 nga Irlanda Veriore në Belfast e përcjellë nga humbja 2-0 në Suedi, pas së cilës mbetën me vetëm tri pikë nga tri ndeshjet e para në Grupin F. Rezultatet u përmirësuan më 2007 kur barazimi 1-1 me Islandën ishte i vetmi dëshpërim në serinë prej tetë fitoreve nga nëntë ndeshje. Ekipi i Luis Aragones shfaqi cilësitë e veta duke mposhtur Danimarkën 3-1 dhe fituar 3-0 ndaj Suedisë. Fitorja 1-0 ndaj Irlandës veriore në ndeshjen e fundit kualifikuese u siguroi atyre pozitën e parë në grup, por Aragones kishte thënë se "Spanja është kualifikuar për shumë vite me radhë në gara të rëndësishme, andaj ky nuk është sukses, por vetëm një detyrë e realizuar".

Spanja është kualifikuar për Kampionatin botëror 2006 pas play-off-it, duke përfunduar pas Serbisë dhe Malit të Zi në rrethin kualifikues, edhe pse kishte rekord prej asnjë humbjeje në dhjetë ndeshje - pesë fitore dhe pesë barazime. Edhe Serbia nuk kishte asnjë humbje, por ata fituan gjashtë nga dhjetë ndeshjet e tyre. Gjatë garës në Gjermani, Spanja shkëlqeu në fazën e grupeve me fitoret ndaj Ukrainës (4-0), Tunizisë (3-1) dhe Arabisë Saudite (1-0). Por suksesi i tyre nuk zgjati shumë, pasi u mposhtën 3-1 në rrethin e dytë nga Franca. Të dy, Fernando Torres dhe David Villa shënuan nga tri gola në katër ndeshje, sa zhvilloi Spanja në Botërorin 2006.

Si janë paraqitur në Euro 2004?
Spanja siguroi pjesëmarrjen për 2004 në play-off, pasi përfundoi në pozitën e dytë pas Greqisë në rrethin kualifikues. Ata tejkaluan Norvegjinë për të siguruan pjesëmarrjen në garën e zhvilluar në Portugali, por qëndrimi i tyre ishte minimal prej tri ndeshjeve pasi dështuan të kalojnë fazën e grupeve. Edhe pse humbi vetëm një nga tetë ndeshjet, Spanja lëshoi pikë të vlefshme kundër Ukrainës (2-2) dhe Irlandës Veriore (0-0), e po ashtu u mposht 1-0 në shtëpi nga Greqia. Mirëpo, Spanja u tregua shumë e fortë për Norvegjinë në play-off, duke fituar 2-1 në shtëpi dhe 3-0 në udhëtim. Megjithatë, në fillim të garës, Spanja u mposht 1-0 nga Rusia e më pas barazoi 1-1 me Greqinë për të humbur takimin e fundit të fazës së grupeve me Portugalinë duke u eliminuar nga gara.

Cila është paraqitja e tyre më e mirë në kampionate evropiane?

Suksesi më i madh i Spanjës në kampionate evropiane erdhi më 21 qershor 1964, kur ata fituan garën në Madrid duke mposhtur në finale Bashkimin Sovjetik 2-1. Spanjollët në rrethin kualifikues kishin mposhtur Rumaninë, Irlandën Veriore dhe Republikën e Irlandës para se të fitonin përballë Hungarisë (2-1) në gjysmëfinale.

Faktet kryesore

Deri në fund të kualifikimeve për Euro 2008, Spanja ka qenë e përfshirë në më së tepërmi ndeshje nga një shtet i vetëm gjatë garës, me gjithsej 122 takime prej fitores së tyre 4-2 si mysafir kundër Polonisë në Euro 1960. Danimarka ishte e dyta më 120, ndërsa Holanda dhe Franca të bashkuara në pozitën e tretë me 117 ndeshje.

Rekordet

Deri më fund të kualifikimeve për Euro 2008, Spanja është paraqitur në të gjitha 13 garat kualifikuese për kampionate evropiane dhe ka zhvilluar 122 ndeshje. Prej tyre kanë fituar 72, barazuar 24 dhe humbur 26 me 260 gola të shënuara dhe 108 të pranuara.

Skuadra Portierë
1 Iker Casillas
13 Andrés Palop
23 Pepe Reina

Mbrojtës
2 Raúl Albiol
3 Fernando Navarro
4 Carlos Marchena
5 Carles Puyol
11 Joan Capdevila
15 Sergio Ramos
18 Álvaro Arbeloa
20 Juanito

Mesfushorë
6 Andrés Iniesta
8 Xavi Hernández
10 Cesc Fàbregas
12 Santi Cazorla
14 Xabi Alonso
19 Marcos Senna
22 Rubén de la Red

Sulmues
7 David Villa
9 Fernando Torres
16 Sergio García
17 Daniel Güiza
21 David Silva
 

Pas suksesit në Kampionatin botëror 2008, Italia synon të konfirmohet si ekipi më i fortë duke fituar edhe Euro 2008. Grupi i futbollistëve ka mbetur pothuajse i njëjtë, me të vetmin ndryshim në postin e selektorit - Roberto Donadoni.

Si është paraqitur në kualifikime për Euro 2008?

Duke zëvendësuar Marcello Lippin pas suksesit të Italisë në Kampionatin botëror 2006, selektori Roberto Donadoni nuk pati fillimin më të mirë në kualifikime, mirëpo ekipi i tij bëri mjaft për të kaluar si fitues i Grupit B. Barazimi 1-1 në shtëpi kundër Lituanisë në ndeshjen e parë në Napoli ishte shokues, por ndoshta jo edhe aq dëshpërim i madh sa edhe humbja 2-1 nga Franca në takimin e dytë kualifikues, kur ekipi i Raymond Domenech u hakmor për humbjen në penallti në finale të Kampionatit botëror. Por, në fund doli që kjo ishte humbja e vetme e Azzurëve pasi dy golat e Luca Tonit sollën fitoren 2-0 në shtëpi kundër Skocisë në mars 2007. Italia fitoi nëntë nga dhjetë ndeshjet e fundit kualifikuese, por barazoi pa gola në shtëpi kundër Francës. Ata siguruan kualifikimin për vete, por edhe për Francën duke mposhtur Skocinë 2-1 në Glasgow falë një tjetër goli të Tonit dhe mbrojtësit Christian Panucci. Fitorja 3-1 përballë Ishujve Faro në ndeshjen e fundit i dërgoi ata në krye të grupit.

Si është paraqitur në Kampionatin botëror 2006?

Italia fitoi grupin e saj kualifikues në Kampionatin botëror 2006 me shtatë fitore dhe dy barazime, nga gjithsejtë 10 takime. Ata shënuan 17 gola dhe pranuan tetë. Humbja e vetme që pësuan ishte kundër Sllovenisë në ndeshjen e tretë. Italia siguroi triumfin e katërt në Kampionatin botëror, duke qenë e pamposhtur në shtatë ndeshjet gjatë garës në Gjermani. Pas ndeshjeve në grup kundër Ganës (2-0), SHBA-së (1-1) dhe Republikës çeke (2-0), ata kaluan në gjysmëfinale me fitoret kundër Australisë (1-0) dhe Ukrainës (3-0). Fitorja ndaj nikoqirit Gjermanisë (2- 0) u përcoll nga triumfi 5-3 në penallti në ndeshjen e fundit kundër Francës, pasi takimi në Berlin gjatë kohës së rregullt përfundoi 1-1.

Si është paraqitur në Euro 2004?

Italia fitoi grupin e saj kualifikues me katër pikë më tepër se Uellsi, pasi fitoi pesë dhe barazoi dy nga tetë ndeshjet e fushatës. Por, pjesëmarrja e saj në Euro 2004 zgjati vetëm tri ndeshje, pasi përfundoi në pozitën e tretë të grupit pas Suedisë dhe Danimarkës, edhe pse ishte e pamposhtur. Pavarësisht nga barazimet kundër Danimarkës (0-0), Suedisë (1-1) dhe fitores 2-1 ndaj Bullgarisë në takimin e fundit të fazës së grupeve, Azzurët nuk vazhduan garën për shkak se golaverazhi i tyre ishte më i dobët për dallim me dy rivalët nordikë, të cilët po ashtu përfunduan me nga pesë pikë. Bullgaria mbeti në fund të grupit, pa asnjë pikë nga tri ndeshjet e grupit.

Cila ishte paraqitje e saj më e mirë në kampionatet evropiane?

Italia fitoi Kampionatin evropian 1968, duke mposhtur në përsëritjen e finales me Jugosllavinë 2-0, pasi ekipet barazuan në takimin e parë 1-1 në Stadio Olimpico të Romës. Italia siguroi përsëritjen e finales kur goli i Angelo Domenghinit në minutën e 80-të anuloi shënimin e Dragan Dzajiçit në minutën e 39-të. Nikoqiri i garës nuk gaboi në takimin tjetër që u zhvillua dy ditë më vonë, duke siguruar fitoren 2-0 me golat në pjesën e parë nga Luigi Riva (12) dhe Pietro Anastasi (31).

Faktet kryesore

Italia është kualifikuar për katër garat e fundit të kampionateve evropiane. Rekordet Deri në fund të fushatës kualifikuese për Euro 2008, Italia ka marrë pjesë në 12 kampionate evropiane dhe ka zhvilluar 111 ndeshje. Prej tyre ka fituar 59, barazuar 35 dhe humbur 17 nga ato përballje me 175 gola të shënuara dhe 77 të pranuara.

Skuadra

Portierë

1 Gianluigi Buffon
14 Marco Amelia
17 Morgan De Sanctis

Mbrojtës

2 Christian Panucci
3 Fabio Grosso
4 Giorgio Chiellini
5 Alessandro Gamberini
6 Andrea Barzagli
19 Gianluca Zambrotta
23 Marco Materazzi

Mesfushorë

8 Gennaro Gattuso
10 Daniele De Rossi
13 Massimo Ambrosini
16 Mauro Camoranesi
20 Simone Perrotta
21 Andrea Pirlo
22 Alberto Aquilani

Sulmues

7 Alessandro Del Piero
9 Luca Toni
11 Antonio Di Natale
12 Marco Borriello
15 Fabio Quagliarella
18 Antonio Cassano
 

“Unë mendoj ndryshe nga Zapatero. Ai thotë që Spanja do të fitojë 3-2, por unë i përgjigjem se do të fitojë Italia me rezultatin 1-0. Një rezultat që atyre, nuk u pëlqen shumë”. Përgjigja e Fabio Kanavaros ka ardhur menjëherë pas deklaratës së bërë nga kryeministri spanjoll, Zapatero.

“Ata kanë më shumë individualitet, por ne kemi më shumë sens grupi. Jemi më shumë skuadër dhe kjo është arma jonë e fitores”- tha ai. Ndërkohë pas kualifikimit për në çerekfinalet e Euro 2008 gjatë stërvitjeve të të kaltërve ka shumë entuziazëm.

Në stadium, duke përfituar nga pamja e tij e hapur janë parë qindra tifozë italianë, që duartrokasin për të gjithë, por në mënyrë të veçantë për Gigi Buffon dhe Luca Tonin.

E reja e fundit është që Fabio Cannavaro ka bërë një xhiro nëpër stadium pa mbrojtësen e kaviljes, nën vëzhgimin e profesor Ferrettit që e ka operuar. Italianët që luajtën kundër Francës po bëjnë stërvitje të shpeshta me top nën drejtimin e trajnerit Donadoni.

Canavaro, ka gjetur mundësinë të japë edhe një koment rreth jetës në Spanjë, por duke deklaruar prerë se zemra e tij është me Italinë.

“Që të them të vërtetën në Madrid jetohet mirë, ka shumë pastërti dhe siguri. Por edhe spanjollët kanë problemet e tyre. Për mua mbetet më mirë Italia, që është vendi më i bukur në botë”. Kështu Cannavaro, mbrojtës i Real Madridit komenton debatin social mes vendeve.
 

Pragndeshja mes Spanjës dhe Italisë ka bërë që në kompanitë e basteve të vendosen kuota nga më të çuditshmet. Duke parë atë që ka ndodhur në përballjen e fundit zyrtare mes këtyre dy skuadrave, në çerekfinale të kampionatit botëror në vitin 1994, kompanitë spanjolle nuk përjashtojnë një tjetër përplasje si ajo mes Mauro Tasotit dhe Luis Enrikes. Goditja me kokë e italianit i theu hundën sulmuesit spanjoll. Një gjë e tillë i kushtoi 6 ndeshje pezullim Tasotit, megjithatë Italia mundi ta fitojë atë ndeshje dhe të shkonte deri në finale. Nëse një moment i tillë përsëritet, në Spanjë e kuotojnë 20 me 1.
Një tjetër bast i çuditshëm është ai për një gol të shënuar në fundin e ndeshjes, ashtu si Roberto Baxhio realizoi në minutën e 87-të duke i dhënë fitoren Italisë. Goli i Italisë pas minutës së 85-të kuotohet 8. Një tripletë e David Vijës, ka një koeficient 50 me 1, ndërsa mundësia që ndeshja të vendoset me penallti është e lartë. Sipas kompanive spanjolle, nëse luan një euro, fiton gjashtë. Ndërsa në Angli “çmenden” për Luka Tonin. Sulmuesi italian nuk ka shënuar ende asnjë gol dhe bastet për të janë vërtetë të çuditshme. Përshembull nëse gjuan më shumë në portë apo jashtë, kuotohet me koeficientin 2 dhe 3.2. Nëse goli i Tonit vjen pas tre gjuajtjesh ose më shumë në portë, koeficienti është 1.9, ndërsa 1.8 më pak se tre. Një krahasim i bëhet edhe atyre që do të gjuajnë më shumë në hapësirën e portës. Në këtë rast, Luka Toni kuotohet i treti me koeficientin 3.2, ndërsa si Fernando Torres ashtu dhe David Vija, kuotohen me 2.5.
 




____________
Direktoria , Galeria


Piracy is a crime! So, am I a criminal?

Atmosfera është nga më entuziazmueset në kampion “axurr”, ashtu siç dallohet qartë edhe gjendja emocionale në konferencën e djeshme për shtyp e trajnerit të përfaqësueses italiane. “Ndihem shumë i qetë në prag të kësaj sfide. Nuk ka aspak nevojë për të krijuar tension mbi një takim të tillë, pasi ashtu si unë edhe lojtarët e mi e dinë mirë se, ditën e nesërme (sot), duhet të zhvillojmë një ndeshje perfekte për të kërkuar suksesin ndaj spanjollëve. Ashtu siç e kemi parë të gjithë deri tani, Luis Aragones ka ndërtuar një skuadër të shkëlqyer dhe mbi të gjitha shumë të fortë. Lojtarët e saj janë shumë të shpejtë me lëvizjet e tyre dhe mund të vënë fare thjeshtë në vështirësi cilëndo skuadër. Shumë prej talenteve spanjolle, luajnë në disa prej klubeve më të mëdha në botë, por në të vërtetë, ndryshe nga rezultatet që ata kanë arritur të sigurojnë me klubet e tyre, nuk kanë arritur t’i përsëritin me kombëtaren. Në këtë mënyrë, kjo është një mundësi më shumë për të kërkuar me çdo kusht fitoren, pasi nuk duhet të harrojmë se Spanja, nuk e arrin prej kohësh një gjysmëfinale të këtij kompeticioni. Spanjollët janë të uritur për sukses, por e njëjta ndjenjë duhet të na shoqërojë edhe ne, për t’u konfirmuar më të mirët. Formacioni? Ashtu si ndaj Francës, nuk do të deklaroj asgjë, pavarësisht se mund t’iu konfirmoj se Aleberto Akuilani do të zbresë në fushë që nga minuta e parë. Për të zbuluar të tjerët, duhet të prisni fillimin e ndeshjes”, shprehet tekniku i italianëve, Roberto Donadoni.
Sulmi
Roberto Donadoni deklaron se e vetmja risi në skuadrën që do të zbresë në fushë kundër Spanjës sot në mbrëmje të stadiumin e Vienës, do të jetë romanisti, Alberto Akuilani. Në këtë mënyrë, fantazisti i verdhekuqve do të zëvendësojë të skualifikuarin, Andrea Pirlo. Pjesa tjetër e mesfushës duhet të plotësohet nga Perrota e De Rosi. Sulmi, vazhdon të jetë tabuja e Italisë. Në tri sfidat në grupe, Donadoni nuk i ka besuar dy ndeshje radhazi një sulmuesi, me përjashtim të Luka Tonit, pika e referimit. Në sfidën e parë ndaj Holandës, në krah të Tonit, ishin Di Natale e Kamoranezi. Ndaj Rumanisë, Aleks Del Piero e përsëri Kamoranezi, ndërkohë që ndaj Francës, Kasano e Perrota.


Xhixhi Bufon
“Çdo kundërshtar duhet të na mundë dy herë, pasi ne jemi një skuadër që nuk dorëzohemi deri në fund. Shumë thonë që Spanja është favorite ndaj nesh, por gjithsesi, për ta vërtetuar një gjë të tillë duhet të presim 90 minutat e sfidës së nesërme (sot). Është e vërtetë që ata kanë një skuadër të fortë, mbi të gjitha dy sulmuesit, Vila e Torres, por nëse ne respektojmë skuadrën e tyre dhe i frikësohemi, edhe Spanja duhet të ndjejë të njëjtën gjë nëse kërkon të na mundë”, deklaron Xhixhi Bufon.

Del Piero
Alesandro Del Piero pret me padurim përballjen ndërmjet Italisë dhe Spanjës. “Sigurisht që do të jetë një ndeshje shumë e kujdesshme nga të dyja skuadrat, pasi kundër njëri-tjetrit do të jenë përballë disa prej futbollistëve më të mëdhenj në botë. Nga ana tjetër, si ne, ashtu edhe spanjollët zhvillojmë një futboll të ngjashëm, zotërim të madh topi dhe shpejtësi nga krahët. Gjithsesi, vetëm pasi të zbresim në fushë, do ta kuptojmë më qartë një gjë të tillë. Unë në formacion? Pyetni Donadonin”.

Zinedin Zidan
Zinedin Zidane do të jetë të dielën në stadiumin ‘Happel’ të Vjenës për të parë ndeshjen Itali-Spanjë. Lajmin e ka bërë të ditur zëdhënësi i sponsorit të tij ‘Adidas’, Gregor Almassy. Ish-fenomeni francez do të ulet në tribunë dhe nuk ka nevojë të jesh magjistar për të kuptuar se për cilën skuadër do të bëjë tifozllëk, duke qenë se në fushë mund të jetë Materaci. Pavarësisht një karriere të suksesshme, “Zizu” është i famshëm mbi të gjitha për goditjen me kokë që i dha Materacit në Botëror.

Miroslav Klose
“Luka më dërgoi një sms. Më tha se kishte probleme me mikun e tij më të mirë, topin”. Miroslav Klose, sulmuesi i Gjermanisë dhe shok skuadre te Bajerni i Mynihut i Luka Tonit, shpjegon vështirësitë që sulmuesi i të kaltërve po has në Euro 2008. “Pas fitores sonë ndaj Portugalisë, - tregon Klose, - kemi komunikuar nëpërmjet sms-ve. Më tha se kishte probleme me mikun e tij më të mirë. E pyeta se cili ishte ky mik dhe ai m’u përgjigj: Topi. Miku i tij më i mirë nuk bën atë çfarë do ai”.

Iker Kasijas
Kapiteni i Kombëtares spanjolle, Iker Kasijas, paralajmëron shokët e tij të kenë kujdes: “Italia është favorite, sepse vetë historia e tyre e futbollit e tregon këtë. Ne duhet të vazhdojmë të luajmë me të njëjtën mënyrë me të cilën kemi mbërritur deri në këtë fazë të Evropianit. Duhet të bëjmë kujdes me lojën nga krahët, pasi kjo është një ndër pikat kryesore të lojës së ekipit të Roberto Donadonit, për të shfrytëzuar shtatlartësinë e Tonit. I druhem atij, ngaqë deri tani s’ka shënuar”.
 




____________
\"Mos shikoni kishat as xhamijat se feja e shqiptarit eshte shqiptaria.\"

Gigi Buffon nuk ka dyshime: Italia nuk humbet me Spanjën që prej 88 vjetësh dhe kjo nuk do të ndodhë me Euro 2008.

Tashmë ai flet si kapiten, në prag të sfidës me spanjollët e Luis Aragones. Ai duket i karikuar, i vendosur dhe flet në emër të gjithë Italisë për ndeshjen që do të ndryshojë historinë.

Ai shpreh hapur forcën e skuadrës spanjolle dhe vlerëson lojën e ekipit kundërshtar, duke mos i ngrënë asnjë aftësi në lojën e tyre. Por këtë radhë, sipas portierit vlen historia.

Ai përmend të papriturat e këtij kamionati, duke kujtuar rastin e Rusisë dhe Gjermanisë. Nëse Gjermania që u nis lehtësisht në disfavor kundër Cristiano Ronaldo me shokë dhe arriti të kualifikohej në çerekfinale, përse Italia, jo.

77% e bastexhinjve nuk kanë dyshime, të kaltërit do të fitojnë ndaj të kuqve. Dhe Buffon është i kësaj ideje.

“Spanja nuk na mund prej 88 vjetësh në n jë ndeshje zyrtare. Kjo do të ndodhë, por jo sot. Sepse kur del në fushë, ka shumë rëndësi historia dhe historia e futbollit është kjo, është historia e Italisë”- sqaron ai.

Buffon nuk e fsheh frikën përballjes. Dhe sipas tij, të kesh frikë përpara ndeshjes është një gjë e rëndësishme dhe madje edhe e shëndetshme. “Por edhe ata kanë frikë nga ne. Kur hyn dhe sheh përpara Italinë, Brazilin, Gjermaninë, beh, ndonjë efeket ju siguroj që edhe ka.

Ata kanë pasur një fillm në evropian shumë ndryshe nga ne, dhe në këtë pikpamje janë favoritë”- thotë ai.

Ai kujton fitoren me Francën, duke theksuar se të njëjtën armë do të përdorin sërish.

Për një nga portierët më të mirë në botë ndeshja do të jetë një super sfidë, në të gjitha kuptimet.

Ia njeh aftësisë edhe Villa dhe Torres. Për të parin thotë që është shumë i shpejtë, ndërsa i dyti shumë efikas, por nuk do të bëjë asnjë hamendësim, sepse në këtë moment ka shumë nervozizëm për të hedhur sytë nga të tjerët.

Në mënyrë modeste ai pranon se është një nga të 11-ët e skuadrës. “Nuk ka një shën Buffon, është vetëm shën Italia”- përfundon ai.

"Zhvishem nudo nëse Marko luan e shënon ndaj Spanjës"

E më në fund ajo që deri tani ka qëndruar në hije, në një cep të stadiumit, ka ndezur sfidën më të rëndësishme të Italisë. Belen Rodriguez, e fejuara e sulmuesit të "axurrëve", Marko Borrielo ka pohuar se do të zhvishet nudo nëse sonte i fejuari i saj jo vetëm do luaj, por edhe do shënojë një gol për Italinë. "Nëse Marko luan dhe arrin të shënojë një gol, atëherë do të zhvishem nudo", ka pohuar modelja amerikano-latine. Një bast goxha i madh e me kuotacion të lartë, duke parë se parashikimet flasin për një Luka Toni të "inatosur" me veten, i cili më shumë se kurrë kërkon të shënojë në këtë evropian. Dhe duke qenë se Borrielo është zëvendësuesi ideal i Tonit në Italinë e Donadonit, ka pak gjasa që ai të luajë në një ndeshje kaq të rëndësishme, e lere pastaj që edhe të shënojë një gol. Gjithsesi Belen ka dashur në një farë mënyre të kthejë vëmendjen e Donadonit dhe italianëve edhe nga i fejuari i saj, Borrielo, futbollist ky ndër më të mirët e Serisë A në sezonin 2007-2008. Gjithsesi në fund Belen ka precizuar se premtimi i saj ishte edhe një lloj motivi më shumë që të bëhej sa më shumë tifo për Italinë në ndeshjen ndaj Spanjës. Para saj në takimin ndaj Rumanisë një premtim "nudoje" e pati bërë edhe Elena Santareli, por Italia nuk fitoi ndaj rumunëve dhe...

Tregu i zi, 1000 € bileta Spanjë-Itali
Një biletë për çerekfinalen Spanjë-Itali, që do të luhet sot në "Ernst-Happel Stadion" të Vjenës (52 mijë vende), ka shkuar deri 1000 euro. Gazeta italiane "Gazzeta dello Sport" shkruan se për dy bileta nga më të lirat, dy tifozëve italianë për ta parë në stadium këtë takim iu ofruan në tregun e zi me çmimin e 2000  €.

Spanjë-Itali, numrat dhe statistikat e 27 përballjeve

Suksesi i fundit italian: Fitorja e fundit është ajo e botërorit të 1994-ës në Boston. "Axurrët" fitonin 2-1 dhe kalonin në gjysmëfinale.
Precedenti 22 qershor: Nga 27 sfidat e luajtur është edhe një e cila daton 78 vjet më parë më 22 qershor 1930. Spanja fitonte 3-2 në Bolonja ndaj italianëve.
Italia kërkon gjysmëfinalet e 4-t: Pas gjysmëfinales së 1968 të fituar ndaj BS, 1988 ndaj Gjermanisë, dhe në EURO 2000 ndaj Holandës, Italia kërkon gjysmëfinalet e katërt në 13 evropianë.
Spanja kërkon gjysmëfinalen e 3-të: Pas gjysmëfinales së 1964 në dëm të Francës dhe asaj të 1984 ndaj Danimarkës, spanjollët kërkojnë gjysmëfinalen e tretë.
Italia, sa shumë barazime: Me barazimin ndaj Rumanisë, Italia është ngjitur në krye të skuadrave evropiane përsa u përket barazimeve në evropianë, plot 26 të tillë.
EURO 2008, rekord për Spanjën: Me tre fitore në ndeshjet në grup Spanja vendos një rekord, teksa asnjëherë kjo skuadër nuk kishte bërë tri fitore radhazi në fazën e kampionateve evropianë.
Spanja, OK prej 19 ndeshjesh: Spanja nuk humbet një ndeshje miqësore dhe zyrtare prej 19 takimesh radhazi ku ka sigluar 17 fitore e 2 barazime. Humbja e fundit e iberikëve daton 15 nëntor 2006 në miqësoren me Rumaninë, 0-1.

"Tmerri" e portierit të Spanjës, Kasijas quhet...
Për portierin e Spanjës, Iker Kasijas Luka Tonin është "axurri" për të pasur frikë. "Italia është favorite përsa i përket historisë, pasi ka arritur më shumë finale, ka fituar më shumë dhe sepse Spanja ka fituar vetëm një Evropian, dhe kjo kohë më parë. Duhet të jemi të kujdesshëm nga topat standardë, pasi Toni është shtatlartë. Nëse arrijmë ta bllokojmë atëherë do të jemi në rrugën e mbarë për t'i dhënë fund mallkimit në çerekfinale", ka thënë Kasijas. Spanja do të ketë mbështetjen e mbretit Huan Karlos dhe mbretëreshës Sofia në ndeshjen kundër Italisë.

Miroslav Klose: Toni humbi bastin me mua
Bast i humbur. Sulmuesi i Gjermanisë ka pohuar në një konferencë për shtyp se ka fituar tashmë një bast me kolegun e tij tek Bajerni i Mynihut, italianin Luka Toni. Klose ka pohuar se kishte vënë bast se kush do të shënonte për skuadrën përkatëse kombëtare më parë në EURO 2008. Klose shënoi golin e dytë për Gjermaninë në ndeshjen me Portugalinë. "Toni më tha se në këto momente ishte 'zënë' me mikun e tij më të ngushtë, topin dhe se ende nuk po arrinte të zhbollkohej", ka pohuar sulmuesi gjerman, Miroslav Klose në konferencën për shtyp.
 




____________
\"Mos shikoni kishat as xhamijat se feja e shqiptarit eshte shqiptaria.\"

Një ditë pas eleminimit të skuadrës nga kampionati, Roberto Donadoni sqaron gjithë thashethemet e thëna andej këndej për dorëheqjen e tij. “Të jap dorëheqjen? Nuk më shkon aspak ndër mendje”.

Këtë ka thënë Donadoni një ditë pas eleminimit të Italisë nga evropiani i futbollit duke shtuar se është i qetë, në pritje të vendimit të federatës për të ardhmen e tij.

“Nuk jam budalla dhe nuk kërkoj alibi. Do të ishte tepër e thjeshtë të fshihesha e të kërkoja falje”- ka shtuar më tej ai. Sipas tij, loja e skuadrës ka qenë e mirë dhe të gjithë luajtën deri në pikën e fundit të djersës. “Nëse do të flasim për rezultatin është tjetër gjë, por sjellja e skuadrës, ajo po. Unë e cilësoj të jashtëzakonshme”- shtoi më tej ai.

Gjatë mëngjesit ka folur me presidentin Abete, me të cilin shton se ka një marrëdhënie njerëzore, që i pëlqen. Por, vetëm kaq. Ai pranon se respekton atë që duhet të vendosë dhe nuk i pëlqen të bëjë reklama për askënd, e në këtë rast, edhe për veten.

“Ajo që unë kam bërë është në sytë e të gjithëve, nuk kërkoj mbështetje të asnjë tipi”- thotë Donadoni. I pyetur për një rikthim të mundshëm të Lippit në kombëtaren italiane, ai është përgjigjur se ka dëgjuar të shkruhet prej ditësh. Por nuk ka dashur të bëjë asnjë koment.

“Që nga koha që jam këtu, kanë vendosur të mos lexoj kritika, as negativet, as ato pozitive”.
 




____________
\"Mos shikoni kishat as xhamijat se feja e shqiptarit eshte shqiptaria.\"

Pas 88 vjetësh, fati më në fund i ka buzëqeshur Spanjës, që nuk shijonte kënaqësi ndaj italianëve prej vitit të largët 1920. Çerekfinalja e fundit ka prishur tendencën, që shihte skuadrat pikëplota në grupe, të pafuqishme për të vazhduar përpara. Iberikët e drejtuar nga Aragones e kanë kapërcyer këtë “ngërç” dhe tashmë në gjysmëfinale do të rigjejnë kundërshtarin e mposhtur në grup, Rusinë.
Fillimi
Aragones ka konfirmuar formacionin e tij fitimtar të dy ndeshjeve të para, ndërsa të rejat e Donadonit në krahasim me ekipin anti-Francë kanë qenë Akuliani e Ambrozini për të pezulluarit Pirlo e Gatuzo në mesfushë. Emocionet e vetme të pjesës së parë kanë ardhur thjesht përmes lojës së fortë, të cilës i kanë dhënë jetë dy skuadrat. Një Spanjë shumë më tepër kërkuese, që ka dominuar dukshëm të paktën në prodhimin e lojës dhe të qarkullimit të topit, por jo për gola. Italia është mjaftuar vetëm për t’u vendosur mirë prapa. Taktikë kjo, që i ka detyruar spanjollët që të përpiqen të shohin portën, vetëm me goditje nga jashtë zonës. Gjithsesi vetëm në një rast ka sjellë panik të vërtetë, kur David Silva ka lëshuar një silurë ngjitur me shtyllën e djathtë të Bufonit, i cili tentativat e tjera i ka neutralizuar me mjeshtëri. Në krahun e italianëve, veprimet e Kasanos nuk kanë qenë të përputhshme me lojën e Tonit, teksa thuajse nuk është dukur as Perrota, me detyrën për t’i ndihmuar atje në sulm. Tjetër ritëm kanë prodhuar minutat pas intervalit, sidomos për meritë të të kaltërve, të cilët janë dukur me një marsh plus. Sidoqoftë, Toni ka vazhduar të grindet me veten, ndërkohë që nuk është se ka marrë edhe ndonjë mbështetje të madhe nga krahët. Iberikët kanë vazhduar të ngulmojnë në të njëjtën mënyrë, ndonëse pa ia dalë mbanë të mposhtin Bufon, i cili për pak sa nuk ka gabuar vetëm në një moment, kur në ndihmë i erdhi edhe shtylla. Kështu, të dy sulmet më prodhimtarë të Evropës gjatë sezonit të fundit, të paktën për një natë kanë mbetur thatë. Aq sa ka qenë e pashmangshme koha shtesë, ku pavarësisht një dominimi të Spanjës me goditje kërcënuese në portë, sërish goli e ka patur të vështirë të vijë. Atëherë, çdo gjë është përcaktuar nga 11 metrat, ku dy pritjet e Kasijas kanë rezultuar më vendimtare se një e Bufonit.


Spanjë-Itali 0-0  (4-2 pas penalltive)

Spanja (4-4-2): Kasijas, Kapdevija, Pujol, Marçena, Serxhio Ramos; Iniesta (59’ Kacorla), Sena, Ksavi (59’ Fabregas), D.Silva, Vija, Torres (80’ Guiza)
Trajner: Luis Aragones
Italia (4-3-1-2): Bufon; Groso, Kielini, Panuçi, Zambrota; De Rosi, Ambrozini, Akuilani (107’ Del Piero), Perrota (58’ Kamoranezi); Kasano (74’ Di Natale), Toni
Trajner: Roberto Donadoni
Gjyqtar: H. Fandel (Gjermani)
Karton i verdhë: Iniesta, Vija, Kacorla/Ambrozini
Penalltitë:
Vija +, Groso +; Kacorla +, De Rosi -; Sena +, Kamoranezi +; Guiza -, Di Natale -; Fabregas +

Flamur kuqezi në stadiumin e Vjenës
Që me shkelmimin e parë të topit në ndeshjen e mbrëmshme çerekfinale midis Spanjës dhe Italisë, në mesin e shkallëve të pjesës ballore të stadiumit të Vjenës është vënë re një flamur i Shqipërisë. Duke parë që skuadra me uniformë kuqezi në fushë ishte Spanja, ndokush mund të ketë menduar se ishte për të shfaqur mbështetjen ndaj spanjollëve... Por në fakt duket se ai flamur ishte vendosur nga një grup tifozësh shqiptarë, që ashtu si edhe në ndeshjen e mëparshme ndaj Francës, duket se kanë qenë dashamirës të Italisë. Kjo u vu re edhe gjatë pjesës së dytë, kur përkrah flamurit shqiptar, për disa çaste u vendosën edhe një italian dhe një i Kosovës.
 




____________
\"Mos shikoni kishat as xhamijat se feja e shqiptarit eshte shqiptaria.\"

po te ishte ky trimi as per 188vjet nuk do kishin fituar  spanjollt


 
 




____________

Spanja e meriton kualifikim se luajti shume here me mire se Italianet.Nga 11 lojtaret qe ishin ne fushe vetem Buffon e meritonte fanelen te tjeret duhet ta dorezojne  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Penalltinë e fundit në ndeshjen Spanjë-Itali e gjuajti Sesk Fabregas, i cili zbulon edhe një fakt: “Nuk kam gjuajtur një penallti, qysh kur isha 15 vjeç”. “Killeri” i italianëve, i cili ende nuk i ka mbushur 21-vjeç, pohoi në shtypin spanjoll se nuk dëshironte të ishte në listën e lojtarëve që do të gjuanin penalltitë për Spanjën. “Trajneri, - rrëfen regjisori i Arsenalit në faqen e interntetit të së përditshmes spanjolle “As”, - dha emrat, dhe vetëm atëherë zbulova se unë do të isha i pesti në gjuajtjet e penalltive. Një dëshmi besimi, por edhe një përgjegjësi e madhe”. Fabregas gjuajti penalltinë decizive për spanjollët, atë 4-2 që çoi Spanjën në gjysmëfinale.
 




____________
Direktoria , Galeria


Piracy is a crime! So, am I a criminal?

Të hënën ose të martën, Donadoni mund të detyrohet të lërë kombëtaren e të kaltërve. Me shumë gjasa, në drejtimin e skuadrës do të kthehet sërish Lippi.

Abete, ka nisur tashmë konsultimet për një ndërrim të mundshëm.

Demetrio Albertini, zëvendëspresidenti federal ishte në federatë në mëngjes dhe pritet të jetë edhe nesër. Mësohet se janë planifikuar telefonata me presidenin e Ligës për t’i dhënë drejtim kësaj situate.

Të dielën në mbrëmje u tha se Donadoni nuk kishte faj për rezultatin e ndeshjes, por sot të njëjtët zëra kanë shtuar se do të respektojnë maksimalisht atë që do të vendosë Federata, e cila është autonome në këtë vendim. Vendimi, në fakt i mbetet Abates.

“Kam folur mirë për trajnerin, sepse institucionalisht flas mirë për ata që veshin bluzën e të kaltërve. Nuk duhet të mbroj dhe të sulmoj askënd”- ka sqaruar presidenti del Coni.

Konsultimet e nisura mësohet se janë në nivel “diplomatik”.

Donadoni nga ana e tij, duhet që të ketë kuptuar diçka. Në takimin me Abate që ishte të dielën në mëngjes, presidenti e sqaroi që vendimi do të merrej me gjakftohtësi në rast të eleminimit.

Në të njëjtën mënyrë duket se e ka kuptuar edhe Lippi, tani me pushime. Njoftimi për telefonatën është bërë. Shifrat për kontratën e re, stafi dhe në mënyrë të veçantë rikthimi i ish të kaltërve është i shpejtë. Këtë radhë bëhet fjalë në mënyrë të specifikuar për Tottin.
 




____________
Direktoria , Galeria


Piracy is a crime! So, am I a criminal?

Marçelo Lipi do të jetë trajneri i ri i Italisë, duke zëvendësuar në këtë mënyrë të shkarkuarin Roberto Donadoni. Brenda pak orësh, Federata Italiane ka marrë dy nga vendimet më të rëndësishme, duke larguar një trajner dhe duke rikthyer në krye të ekipit kombëtar atë që i shpalli të kaltërit kampionë të botës në vitin 2006. Ishte një lëvizje e pritshme, ndërsa vetë Lipi në fjalët e para pas komunikimit të vendimit ka deklaruar se ndjehet i lumtur dhe i motivuar për rikthimin në një detyrë që e përmbushi mjaft mirë dy vjet më parë në Gjermani. Marçelo Lipi e pati lënë Italinë pas 29 ndeshjesh, ku ai pati arritur 17 fitore, 10 barazime dhe vetëm dy humbje. Përpara kësaj, Federata Italiane pati njoftuar shkarkimin e Roberto Donadonit si teknik të kombëtares.

Lajmi kishte ditë që flitej, por tashmë është zyrtarizuar, pas një takimi mes presidentit të Federatës dhe trajnerit. Nëpërmjet një komunikate, Federata Italiane ka bërë të ditur prishjen e marëdhënieve kontraktuale me Donadonin, i cili nuk do të marrë as dëmshpërblimin që mendohej në bazë të kushteve të kontratës. Një klauzolë në kontratën e rinovuar deri në vitin 2010, parashikon se trajneri mund të shkarkohet edhe në mënyrë të njëanshme brenda 10 ditëve nga mbarimi i kampionatit europian. Donadoni ka qenë në selinë e Federatës në orën 13 dhe ka qëndruar aty për disa orë. Ai e mori drejtimin e kombëtares menjëherë pas përfundimit të kampionatit botëror të vitit 2006, kur Italia u shpall kampione. Arsyet e largimit të tij nga pankina e kaltër është dështimi në kampionatin europian. Italia nuk mundi të shkonte më shumë se në çerekfinale, ku u mund me penallti nga Spanja. Që kur mori drejtimin e Italisë, rezultatet dhe puna e Donadonit janë krahasuar gjithnjë me atë të paraardhësit të tij Marçelo Lipi.
 




____________
\"Mos shikoni kishat as xhamijat se feja e shqiptarit eshte shqiptaria.\"