Turqia shënoi tri fitore të paharrueshme për historinë e futbollit, për vetë mënyrën e arritjes së tyre. Në të tria ndeshjet, djemtë e Fatih Terimit rikuperuan disavantazhin ndaj kundërshtarit, duke dalë në fund fitimtarë. Në përballjen me Zvicrën, ata e mbyllën pjesën e parë të lojës në disavantazh me një gol, e megjithatë rikuperuan gjithçka në pjesën e dytë, duke e përfunduar takimin me rezultatin 2-1 në favor të tyre. Ndeshja e tretë e grupit ishte kundër Çekisë dhe në fakt, gjërat nuk nisën shumë mirë për Kombëtaren turke. Në minutën e 62-të të lojës, çekët shënuan golin e dytë dhe kryesonin me rezultatin 2-0, mirëpo turqit përsëri nuk u dorëzuan. Është e pabesueshme, por ndeshja përfundoi në favorin e skuadrës së Fatih Terimit, pikërisht 3-2, me dy gola të shënuar vetëm në çastet e fundit të lojës. Një fitore heroike që vlejti sa një biletë për në çerekfinalet e kompeticionit. Ndërkohë që në këtë raund, atyre iu desh të përballeshin me Kroacinë, e cila kishte treguar një formë të shkëlqyer, duke i fituar të tria ndeshjet e grupit, përfshirë edhe atë ndaj Gjermanisë. Por sërish turqit zhvilluan një ndeshje heroike. Koha e rregullt përfundoi në barazim pa gola, ndërkohë që Kroacia arriti të kalojë në avantazh në minutën e 119-të të takimit. Në ato çaste, të gjithë ishin të bindur se kroatët e siguruan kualifikimin për në gjysmëfinale. Vetëm se kjo nuk zgjati shumë. Mesfushori Samih Senturk barazoi gjithçka në minutën e 121-të, duke bërë kështu që gjithçka të vendosej nga penalltitë. Aty, ku turqit arritën të fitojnë me rezultatin 3-1.
Gjysmëfinalja
Kjo është hera e parë që Turqia merr pjesë në gjysmëfinalet e kampionatit evropian. Në të kaluarën, ajo ka arritur të sigurojë vetëm një biletë për në gjysmëfinalet e Kupës së Botës 2002, ku u mundën nga Brazili.
 




____________
Direktoria , Galeria


Piracy is a crime! So, am I a criminal?

Një ditë përpara kësaj sfide, zëvendëstrajneri i Gjermanisë, Hansi Flik, ka folur për faqen zyrtare të Federatës Gjermane.
Si do e vlerësonit skuadrën turke, e cila ka disa lojtarë të dëmtuar dhe të pezulluar?
Të them të drejtën nuk dua ta dëgjoj më këtë, se kush është i dëmtuar apo i pezulluar te skuadra turke. Ne këtu po flasim për ndeshjen gjysmëfinale të kampionatit evropian. Kush ka arritur deri këtu meriton respekt. Dhe ne nuk do të nënvlerësojmë asnjë.
Çfarë prisni nga Turqia?
Skuadra turke luan me një shpirt të madh gare dhe lufton deri në momentin e fundit, gjë që është parë edhe në ndeshjet e tyre të fundit. Por edhe tek ne çdo futbollist do të luftojë deri në fund, për t’i treguar tifozëve se duam të shkojmë me çdo kusht në finale.
Trajneri turk, Fatih Terim, cilësohet si një motivues i madh...
Është e vërtetë. E kemi parë se si Fatih Terim e ka motivuar skuadrën e tij. Në fakt, kjo është edhe detyra e trajnerit. Por unë e kam thënë disa herë se edhe Joakim Lëv gjen gjithnjë fjalët e duhura për t’i karikuar lojtarët në sfida të tilla.
Kundër Portugalisë luajtët me një rreshtim 4-2-3-1. Çfarë taktike do të ndiqni kundër Turqisë?
Rreshtimin 4-2-3-1 nuk e shoh si shumë mbrojtës, dhe kjo u vu re mjaft mirë në ndeshjen me portugezët. Dy mesfushorët anësorë, Lukas Podolski dhe Bastian Shvajnshtaiger, kanë krijuar shumë presion te mbrojtja kundërshtare. Gjithsesi, e rëndësishme është që ne të bëjmë lojën tonë, pak rëndësi ka rreshtimi.
 




____________
Direktoria , Galeria


Piracy is a crime! So, am I a criminal?

“Padyshim që jam shumë i lumtur për gjysmëfinalen kundër Turqisë. Sikundër e gjithë skuadra, edhe unë dua ta fitoj këtë sfidë dhe të kualifikohem për në finale. Në fakt, për mua nuk ka fort rëndësi se cila është favorite për këtë ndeshje. Por në rast se bëjmë të njëjtën paraqitje si ndaj Portugalisë, atëherë shanset tona janë vërtetë të mëdha”, u shpreh sulmuesi 23-vjeçar i Kombëtares së Gjermanisë, Podolski. “Vijën e kam takuar në një spot publicitar dhe me sa e kam parë, ai është një tip mjaft i qetë. Do kisha shumë dëshirë të isha unë në vend të parë në listën e golashënuesve, prandaj do jap gjithçka në fushë. E për më tepër, do ishte akoma më bukur një luftë në finale me Vijën”.
 




____________
Direktoria , Galeria


Piracy is a crime! So, am I a criminal?

Sonte në orën 20:45, në stadiumin Sent Jakon Park luajnë Gjermania dhe Turqia, në ndeshjen e parë gjysmëfinale të kampionatit evropian të futbollit.

Siç është paralajmëruar në Basel të Zvicrës pritet të vijnë më shumë se 100 mijë tifozë të të dy përfaqësueseve, ndërsa rreth gjysmë milioni pritet ta ndjekin ndeshjen në ekranin gjigant në Portën e Brandenburgut në Belin.

Kapiteni i kombëtares Gjermane, Michael Ballack deklaroi se shanset e të dy skuadrave janë 50:50 .

“ Turqia ka një skuadër serioze e cila arriti të përballet me kroatët ndaj të cilëve ne humbëm. Ne nuk e nënçmojmë asnjë ekip, por do të mundohemi të dominojmë në fushë”, deklaroi Balak.

Ndërkaq, trajneri i skuadrës së Turqisë deklaroi se përkundër problemeve me mungesën e lojtarëve shpresojmë të plasohemi në finale.

“Për ne, kjo është ndeshja më e rëndësishme në historinë e Kampionatit Evropian. Gjermania është mësuar duke luajtur në këtë turne. Ne kemi shumë probleme me futbollistët, ndërsa ata janë me kontingjent të plotë. Megjithatë, duhet të jeni të sigurt së lojtarët tanë nuk do të ndihen të kënaqur me faktin se arritën në gjysmëfinale. Pavarësisht nëse fitojmë apo humbasim, ne do të japim më të miren. I respektojme kundershtarët, por nuk i trembemi”.

Turqia do të ballafaqohet me probleme në këtë ndeshje pasiqë ka të suspenduar dhe lënduar disa lojtarë. Në këtë mënyrë skuadra ka në dispozicion vetëm 13 lojtarë. Shkaku i kësja situate trajneri Fatih Terim deklaroi se mendon ta fus në lojë si sulmues ose mbrojtës edhe portjerin e tretë Tolgan Zengin. (INA)
 




____________
\"Mos shikoni kishat as xhamijat se feja e shqiptarit eshte shqiptaria.\"

Janë dy nga lojtarët kyç të Turqisë së Fatih Terim në këtë kampionat evropian. Por fakti se që të dy kanë lindur dhe rritur në Gjermani ka ndezur një polemikë të madhe mes politikanëve të ndryshëm, mediave dhe Federatës Gjermane të Futbollit. "Kicker" në editorialin e ditës së djeshme ngre pikëpyetje të mëdha se si dy lojtarë kaq të talentuar që janë në kuptimin e plotë të fjalës gjermanë nuk janë shikuar më parë si potencial i nevojshëm i kombëtares gjermane. Hamit Altintop, lindur në Gelsenkirchen dhe Hakan Balta lindur në Berlin nga prindër turq, por edhe këta me pasaporta dhe nënshtetësi gjermane, patën zgjedhur të luajnë për kombëtaren turke të futbollit teksa panë se federata gjermane nuk ishte e interesuar për shërbimet e tyre. Disa vite pas debutimit të tyre me Turqinë, hapet edhe debati në Gjermani lidhur me profesionalizmin e njerëzve që punojnë në zgjedhjen e talenteve në këtë federatë për në ekipin kombëtar. Ndërkohë që tabloidi "Bild" shkon më tej, teksa nxjerr jashtë loje në një farë mënyre sulmuesin Mario Gomez edhe ky me dy nënshtetësi (gjermane dhe spanjolle) për shkak të lojës së tij të dobët, duke ngritur lart Altintop dhe balta. Ndërsa politikanë përgjithësisht radikalë e konservatorë e kanë lidhur mos-aktivizimin e dy turqve me Gjermaninë si një zgjedhje të tyre personale. "Edhe Lukas Podolski, Miroslav Klose dh Kevin Kuranyi janë me dy nënshtetësi, por ata zgjodhën të luanin për Gjermaninë me dëshirën e tyre pa iu nënshtruar një lloj detyrimi nga federata", citohet një politikan radikal i landit të Bavarisë. Ndërkohë që e përditshmja "Der Spiegel" ka publikuar një intervistë me Hamit Altintop, ku futbollisti ka shprehur haptazi dashurinë për Gjermaninë, por fatkeqësisht shumë vonë për t'i kërkuar që të mbrojë ngjyrat bardhezi, përderisa ai tashmë ka luajtur për Turqinë.

Turqia, pa 9 lojtarë

Të skualifikuar për kartonë:
Emre Asik, Volkan Demirel, Arda Turan, Tuncay Sanli
Të dëmtuar
Emre Gungor, i dëmtuar në pulpën e këmbës, mungon për gjithë evropianin.
Servet Çetin, i dëmtuar gjatë ndeshjeve të fundit në gju, nuk stërvitet fare me skuadrën.
Tumer Metin, i dëmtuar në sfidën e fundit në grup me Çekinë në "thembrën e Akilit".
Emre Belozoglu, i dëmtuar që prej ndeshjes së parë në tendinë dhe në gju. Nuk stërvitet me grupin.
Nihat Kahveci, probleme muskulore që prej ndeshjes së fundit ndaj Kroacisë.

Gjermani-Turqi

Sonte, ora 20:45
Përballjet
17    Ndeshje        17
11    Fitore              3
3    Humbje            11
3    Barazime       3
40    Golat             10

Stadiumi:
 "St Jacob-Park", Bazel
Gjyqtarë: Massimo Busacca (SVI)
Matthias Arnet dhe Stephane Cuhat (SVI)

Formacionet e mundshme
Gjermania: Lehmann, Friedrich, Mertesacker, Metzelder, Lahm, Schveinsteiger, Hitzlsperger, Borovski, Ballack, Podolski, Klose  
Pankina: Enke, Jansen, Fritz, Vestermann, Rolfes, Frings, Trochovski, Gomez, Neuville, Odonkor, Kuranyi
Turqia: Rustu, Balta, Zan, Sarioglu, Altintop, Topal, Aurelio, Karadeniz, Boral, Senturk, Kazim
Pankina: Tolga Zengin, Ayhan Akman, Erdinç

Kryeministri Erdogan, apel turqve: Mos festoni me armë
Kryeministri turk, Taip Erdogan ka lëshuar një apel për të gjithë popullin, duke bërë thirrje që të mos festojnë me armë nëse Turqia kualifikohet për në finale. "Asnjë fitore nuk vlen më shumë se jeta e një qenieje njerëzore", u shpreh shefi i qeverisë në apelin lexuar para parlamentarëve. Festa me armë është një gjë e zakontë në Turqi. Fitorja e së premtes ndaj Kroacisë i mori jetën një personi dhe plagosi 20 të tjerë, pikërisht nga plumbat e festës. Ndërsa në sfidën e sotme në Bazel të Zvicrës kanë mbërritur më shumë se 100 mijë tifozë gjermanë dhe turq.

Bazel, Gjermania refuzon stërvitjen në stadium
Kombëtarja gjermane ka refuzuar dje të stërvitet në fushën e stadiumit "St. Jakob-Park" të Bazelit një ditë para gjysmëfinales ndaj Turqisë. Edhe para takimit çerekfinal ndaj Portugalisë skuadra gjermane refuzoi stërvitjen në këtë impiant për arsye ende të paditura. Por sipas mediave gjermane, një gjë e tillë ka të bëjë me një ide supersticioze të trajnerit Joakim Loev. Tekniku ka pohuar se do ta bëjë të dituar vetëm në fund të kampionatin arsyen e vërtetë të mos pranimit të zhvillimit të seancave stërvitore në fushën ku më pas do të luajë takimin.
 




____________
\"Mos shikoni kishat as xhamijat se feja e shqiptarit eshte shqiptaria.\"

Gjermania është gjysmëfinalistja e parë e EURO 2008. Këtë herë "zona turke" funksionoi për skuadrën e Joakim Lov teksa siglonte golin e fitores në minutën e 90-të me anë të mbrojtësit Filip Lahm. Duhet theksuar se përtej një Gjermani racionale dhe shfrytëzuese e çdo topi që i vihej në dispozicion ishte një Turqi më shumë se luftarake e cila ka zhvilluar padyshim një nga ndeshjet e saja më të bukura të këtij evropiani. Terim, i dënuar edhe nga dëmtimet e shumta dhe kualifikimet me kartonë ishte i detyruar të nxirrte në fushën e lojës nj skuadër emergjence por që jo vetëm solli një futboll të bukur por vendosi në dyshim disa herë finalisten e EURO 2008. ishin turqit që shënuan të parët me anë të Ugur Boral. Por edne pa kaluar 4 minuta Bastian Shvensteiger barazonte gjithçka. Në pjesën e dytë ndodhte e kundërta; Gjermania shënonte e para me anë të Klose dhe barazonte për turqit i përhershmi Senturk. Dhe vetëm atëherë kur mendoje se po shkohej në shtesë mbrojtësi Lahm siglonte golin e kualifikimit.

Gjermani-Turqi 3-2
Shënues: 22' U. Boral, 26'    Schveinsteiger, 79' Klose, 86' Senturk, 90' Lahm

Statistika
3    Goditje portë        10
4    Goditje jashtë        9  
46 %    Mbajtje topi            54 %
2    Goditje këndi        8
0    Jashtëloje        1
14    Faulla            16
0    K. të verdhë        1

Stadiumi: "St Jacob-Park", Bazel
Gjyqtarë: Massimo Busacca (SVI)
Gjermania (4-2-3-1): Lehmann, Friedrich, Mertesacker, Metzelder, Lahm, Hitzlsperger, Rolfes (Frings), Schveinsteiger, Ballack, Podolski, Klose (Jansen)
Turqia (4-1-4-1): Rustu, Sarioglu, Topal, Zan, Balta, Aurelio, Kazim-Richards (Metin), Altintop, Akman (Erdinc), Boral (Karadeniz), Senturk
Trajner: Fatih Terim
 




____________
\"Mos shikoni kishat as xhamijat se feja e shqiptarit eshte shqiptaria.\"

Ka kaluar gjithçka paqësisht në fund të ndeshjes mes Gjermanisë dhe Turqisë, e zhvilluar të mërkurën në mbrëmje në Bazel. Qyteti zvicerian u përfshi nga festa e tifozëve gjermanë, ndërsa policia nuk njoftoi incidente me fansat turq, që gjithashtu ishin të shumtë në numër. Atmosfera ka qenë vërtetë e ndezur, me tifozë që valëvisnin flamujt, kërcenin dhe këndonin për arritjen në finalen e Vjenës. Gjermania arriti të fitonte 3-2 me një gol të minutës së fundit dhe kjo e shtoi gëzimin e fansave gjermanë. Për një moment, tensioni kapi edhe tifozët në sheshe, pasi Turqia tentoi të përsëriste suksesin e minutave të fundit në tre ndeshjet e fundit.

Një festë e madhe për fitoren e Gjermanisë është zhvilluar edhe në rrugët e kryeqytetit Berlin, ku shumë tifozë qëndruan për shumë orë jashtë duke iu gëzuar arritjes në finale nga skuadra e tyre. Fansat kanë pranuar se fati ishte me ta në këtë ndeshje, teksa Turqia për pak realizoi mrekullinë e radhës. Policia nuk njoftoi asnjë shqetësim serioz në qytet edhe pse në Berlin jeton edhe një komunitet i madh turk. Gjithsesi, tifozët e Turqisë kanë mbetur të kënaqur nga ajo që dha skuadra e tyre në këtë Europian.

Një moment gëzimi përshkroi gjithë sheshet e Turqisë, pasi Semih Senturk realizoi golin e barazimit në ndeshjen me Gjermaninë, por në fund tifozët turq janë detyruar të pranojnë verdiktin e fushës. Miliona fansë anembanë vendit kishin dalë në rrugë, duke shpresuar në fitoren e skuadrës së tyre dhe arritjen e një vendi në finale. Pavarësisht se një gjë e tillë nuk ndodhi, tifozët janë shprehur krenarë për paraqitjen e bërë nga skuadra e Fatih Terim. Në qendrën e Stambollit thirrje “Turqi, Turqi” vazhduan për orë të tëra. Ky ishte suksesi më i madh për turqit në një kampionat europian, ku ata ishin nga protagonistët kryesorë me përmbysjet e pabesueshme të rezultatit në tre ndeshje.
 




____________
\"Mos shikoni kishat as xhamijat se feja e shqiptarit eshte shqiptaria.\"

Por sërish ai ndihet shumë i lumtur për kualifikimin e skuadrës për në finalen e ditës së diel në Vjenë.
Si e përjetuat minutën e fundit të ndeshjes?
Me dëshirë do kisha dalë edhe unë përpara. Por duke parë atë që kanë treguar turqit në këtë kompeticion qëndrova në portë, duke paralajmëruar shokët e skuadrës.
Kishit shumë probleme, jo vetëm në mbulimin e lojtarit. Cilat shin arsyet?
Të gjitha skuadrat që kanë bërë gjashtë ditë pushim, kanë pasur probleme me gjetjen e ritmit. U vu re mjaft qartë që e kishim shumë të vështirë të hynim në lojën tonë. Pasi kaluan pesë minutat e para, e dinim që do të ishte një ndeshje tepër e vështirë. Goli i Shvajnshtaiger ishte mjaft i vlefshëm, pasi na riktheu sërish në lojë.
Erdhi si pa u menduar?
Kështu krijohet miti për Gjermaninë, që nga çdo situatë arrijnë të shënojnë.
A ishte një problem për ju, që kundër Turqisë ishit favoritët kryesorë?
Është shumë e vështirë për të thënë se pse nuk arritëm të futeshim në lojën tonë. Me sa duket, gjashtët ditët e pushimeve ishin shumë të gjata. Ne ishim ‘turqit’ më të mirë, pasi edhe ata vetë nuk e kishin menduar se pas golit të barazimit, ne do ktheheshim sërish.
Çfarë i bëri turqit kaq të fortë?
Ata ishin shumë të lëvizshëm në fushë dhe përveç kësaj, ishin edhe shumë të sigurt në mbajtjen e topit. Është shumë e vështirë të luash kundër tyre.
Lahm është zgjedhur si njeriu i ndeshjes. A është e drejtë kjo?
Skuadra është e rëndësishme. Por me golin e shënuar, ajo caktoi episodin e ndeshjes.
Në finale ju pret sërish një skuadër mjaft e fortë në qarkullimin e topit. A ju përshtatet ju një skuadër e tillë?
E shpresojmë një gjë të tillë. Ne kemi të gjithë shumë besim. Kjo është shumë e rëndësishme.
 




____________
\"Mos shikoni kishat as xhamijat se feja e shqiptarit eshte shqiptaria.\"

Franc Bekenbauer e ka komentuar kështu gjysmëfinalen: “Kjo ishte një betejë! Nuk ishte një gjysmëfinale e bukur, por 90 minuta luftë. Si fillim komplimente turqve:

Ata kanë luftuar me gjithçka që kishin mundësi deri në sekondat e fundit të ndeshjes dhe për pak mund t’ia kishin dalë mbanë. Po formacioni ynë? Ai po bëhet nga ndeshja në ndeshje akoma edhe më shumë enigmatik. Një ndeshje e mirë kundër Polonisë, një e dobët kundër Kroacisë, një ndeshje e orientuar vetëm në rezultat kundër Austrisë, një paraqitje e shkëlqyer kundër Portugalisë dhe tani një paraqitje e tillë kundër Turqisë. S’e di nëse sistemi 4-2-3-1 është i duhuri për skuadrën tonë, por s’ka rëndësi, Gjermania ndodhet në finale”.
 




____________
\"Mos shikoni kishat as xhamijat se feja e shqiptarit eshte shqiptaria.\"