Në një intervistë, mesfushori Torsten Frings ka folur për dëmtimin e tij, si dhe për taktikën që mund të ndjekë skuadra në finale kundër Spanjës.
Si ndiheni pas brinjës së thyer në ndeshjen kundër Austrisë?
Nuk kam më asnjë problem, aq sa edhe vetë u çudita sa mirë shkuan gjërat për mua në gjysmëfinale. Tani jam mjaft i karikuar për finalen.
Nëse do ishit trajner, do e kishit futur veten në fushë?
Po, padyshim që do e kisha bërë një gjë të tillë. Unë e tregova në ndeshjen kundër turqve që isha në një formë mjaft të mirë. Prandaj, dua që edhe në finale të jem në fushë nga minuta e parë.
A keni folur për këtë me trajnerin Joakim Lëv?
Jo, por mendoj se do jem në formacion në finale.
Lëv ju ka lavdëruar për mirëkuptimin që treguat, që në gjysmëfinale nuk ishit në formacion...
Në fillim isha pak i zhgënjyer. Por pasi e mendova gjatë e me qetësi, e kuptova që vendimi i trajnerit ishte i duhuri. Dhe këtë ia thashë edhe Lëvit.
A nuk keni frikë se në finale ndonjë lojtar spanjoll mund t’ju godasë në brinjën e dëmtuar?
Jo, aspak, pasi edhe kundër Turqisë ishte një ndeshje tepër e fortë. Përveç kësaj, besoj edhe te ‘fair play’ i spanjollëve.
Çfarë prisni tjetër prej tyre?
Spanjollët kanë një skuadër mjaft të fortë teknikisht dhe janë shumë të sigurt në qarkullimin e topit. Por ata nuk e pëlqejnë shumë kur luhet me agresivitet kundër tyre. Dhe këtë ne duhet ta bëjmë që nga fillimi.
A do ishit për të njëjtën taktikë si kundër Portugalisë?
Këtë gjë e vendos trajneri. E rëndësishme është që të jesh i gatshëm për çfarëdolloj situate që mund të krijohet gjatë lojës. Dhe kjo gjë na ka shkuar mirë gjatë këtij turneu. Trajneri ka dhënë përgjigjen e duhur me ndryshimin e sistemit. Nëse do të luash në një nivel kaq të lartë, atëherë duhet të jesh i aftë të luash me sisteme të ndryshme. Ne jemi në gjendje ta bëjmë këtë.
Të hënën, ju do festoni me tifozët në Berlin. Ç’do të thotë kjo?
Festa që bëmë para dy vjetësh në Berlin me tifozët tanë ishte fantastike dhe për këtë i gëzohem shumë ditës së hënë. Por edhe pse festuam bukur, na mungoi diçka në Botërorin e 2006-ës. Kësaj radhe nuk duam të qëndrojmë në podium me bluzat ku shkruhet “Faleminderit”. Të hënën duam t’i tregojmë tifozëve tanë kupën dhe për këtë, secili prej nesh do të japë gjithçka në fushë.

Balak lufton kundër vendit të dytë
Nëntë herë ka dalë gjithsej në vendin e dytë gjatë karrierës së tij kapiteni i Gjermanisë, Mikael Balak. Vetëm në këtë sezon, mesfushori 31-vjeçar ka dalë tri herë i dyti me ekipin ku luan, Çelsin. Prandaj, kjo finale do të jetë një motiv më tepër për mesfushorin e Kombëtares gjermane, për të fituar titullin e tij të parë ndërkombëtar. “Është një ndjesi tepër e veçantë të jesh në finale. Por para se të shkojmë atje, duhet të përmirësohemi akoma”, është shprehur kapiteni i përfaqësueses së Gjermanisë, Balak. Në vitin 2002, ai ka zhvilluar një sezon të shkëlqyer. Asokohe, bashkë me skuadrën e tij të Bajer Leverkusenit u shpall nënkampion i Gjermanisë, nënkampion i Evropës dhe në Botërorin e Koresë së Jugut u shpall me ekipin kombëtar gjerman nënkampion i botës. Kjo është një arsye më shumë për liderin e përfaqësueses.



Birhof: Do jetë një mbrëmje e paharrueshme

Dy ditë përpara finales së madhe të Vjenës, menaxheri i Kombëtares gjermane, Oliver Birhof, i ka premtuar tifozëve të zjarrtë fitimin e titullit kampion. “Të gjithë ata tifozë gjermanë që e kanë mbështetur skuadrën nga Gjermania, por edhe nga stadiumet, gjatë gjithë këtij turneu duhet të marrin tani shpërblimin e tyre, - theksoi Birhof. - Ne kemi përjetuar çdo ditë festimet e tifozëve tanë nga Gjermania. Prandaj, ditën e hënë kemi mundësinë më të mirë për t’i falënderuar ata. Shpresoj se do përjetojmë vërtetë një ditë të paharrueshme me qindra mijëra tifozë”. Për menaxherin e ekipit përfaqësues nuk ka shumë rëndësi se si do dalë finalja me Spanjën, pasi, sipas Birhofit, skuadra e Lëvit është fituesja e madhe: “Po të mendosh se ku u nisëm përpara katër vjetësh, do vësh re që kemi bërë një punë mjaft të madhe. Skuadra ka arritur në vitet e fundit dy herë vendin e tretë në kampionatin botëror të Gjermanisë dhe në Kupën e Federatave, ndërkohë që tani ndodhemi në finalen e evropianit. Përveç kësaj, kemi luajtur edhe një fazë eliminatore të mirë”.


Modifikuar për herë të fundit nga alb-boy në 28 Qershor 2008 09:26, Modifikuar 1 herë gjithsej




____________
\"Mos shikoni kishat as xhamijat se feja e shqiptarit eshte shqiptaria.\"

Pas kualifikimit për në finalen e Evropianit, ku do të përballen me Gjermaninë, media e shikon si të sigurt triumfin e iberikëve.
“Ne jemi më të mirët”, ka shkruar e përditshmja “Marca” në faqen e parë. Ndërkohë “El Mundo Deportivo” e ka hapur me “Spanja mrekullon Evropën”.
Në fakt, përgëzimet e Spanjës kanë ardhur edhe për mënyrën se si po arrin të fitojë, duke dhuruar emocione dhe spektakël në fushën e lojës. “Kjo skuadër nuk është më ‘një rosak i shëmtuar’. Dështimi është zhdukur nga futbolli spanjoll. Tashmë, ata janë më të mirët, sepse fitojnë. Gjithsesi, mbi të gjitha, ata e kanë shndërruar futbollin në art”, ka shkruar e përditshmja spanjolle “AS”. Përfaqësuesja spanjolle është skuadra që ka dhuruar një futboll mjaft të saktë taktikisht, me pasa të shpejta, përdorim topi dhe me një mesfushë tepër teknike. Edhe e përditshmja “Que” është shprehur më e bindur te suksesi i skuadrës së Spanjës në ndeshjen finale. “Shikoni Kombëtaren e Gjermanisë dhe më pas atë të Spanjës. Ne jemi një makinë, e cila nuk do të prishet dhe do të triumfojë me meritë deri në fund. Kjo Spanjë ka shumë për të dhënë në botën e futbollit dhe do të marrë po aq suksese prej saj. Një kombëtare që ka kënaqur jo vetëm tifozët, por të gjithë sportdashësit. Spanja nuk ka rivalë”.

Ksabi Alonso: Gjermanët, jo favoritë

Mesfushori spanjoll, Ksabi Alonso, nuk beson se skuadra e tij mund të konsiderohet favorite në përballjen me Gjermaninë në finalen e Euro 2008. Por, në të njëjtën kohë, edhe gjermanët nuk duhet të ndihen të tillë. “Nuk mendoj se ka ndonjë favorit të qartë. Të dyja janë skuadra të forta, kështu që gjithçka mund të ndodhë në finale. Gjermania është një skuadër me shumë eksperiencë. Dy vjet më parë, ata zhvilluan ndeshje shumë të mira në Kupën e Botës. Edhe pse ndryshuan trajnerin, kanë vijuar me të njëjtën linjë loje”, deklaroi lojtari i Liverpulit, i cili konsideroi si kërcënuesit kryesorë në finalen e Vjenës Miroslav Klosen, Bastian Shvajnshtaiger, Mikael Balak dhe Lukas Podolskin. Vetë Alonso ndihet i kënaqur me minutat e pakta të luajtura në turneun e Austrisë dhe Zvicrës, por dënon idenë e Luis Aragonesit për të pasur “njëmbëdhjetë lojtarë të devotshëm në fushë”, gjë që do të kushtonte një tension që mund të pengonte “furinë e kuqe” të fitonte trofeun e parë që prej 1964. “Nuk e di se si funksionoi 44 vjet më parë, por në këtë një muaj që po qëndroj me grupin, them se është një skuadër fantastike”.

Aragonesi pret një fund të bukur

Trajneri i Spanjës, Luis Aragones, ishte në qiellin e shtatë pas fitores dhe performancës fantastike të lojtarëve të tij, të cilët dominuan gjithë ndeshjes, duke fituar thellë 3-0 ndaj Rusisë. Më i lumtur nga të gjithë, pas asaj fitoreje, u duk 69-vjeçari Luis Aragones, i cili e përkufizoi si një “sukses të jashtëzakonshëm” kalimin e skuadrës së tij në finale. “Filluam të luajmë në atë stil loje që ekipit rus i pëlqen, me pasime të gjata, por kur filluam të mbajmë topin, u treguam më të suksesshëm, si në mbrojtje edhe në sulm. Shënuam tre gola në një gjysmëfinale, ku është tepër e vështirë të marrësh këtë rezultat, - theksoi kreu i pankinës spanjolle. - Dëmtimi i Vilës na e zbehu paksa gëzimin e asaj ndeshjeje fantastike. Megjithatë, gjithçka qe e përkryer, shifrat, lojtarët dhe presingu që i bëmë kundërshtarit. Nuk jam tip i hapur, por e pranoj që në këtë moment ndihem i lumtur për veten, lojtarët, fansat dhe familjen time. Nuk mund të gjej fjalë për të përshkruar saktë atë që ndodh brenda meje. Me atë që kanë treguar, djemtë e mi e meritojnë të shpallen kampionë, edhe pse përballë kemi një kundërshtar të fortë”.
 




____________
\"Mos shikoni kishat as xhamijat se feja e shqiptarit eshte shqiptaria.\"

Trajneri i Kombetares gjermane, Hoakim Lev, ishte vertet i lumtur nje dite pas fitores 3-2 kunder Turqise, ne gjysmefinalen e Kampionatit Evropian. Tani, kur i ka mbetur vetem nje hap ta mbyllur me sukses fushaten, ai e ka lene pushim skuadren e tij per 24 ore, per te nisur me pas pergatitjet e fundit per finalen e madhe te se dieles ne "Ernst Happel Stadion" te Vjenes. "Te dyja skuadrat, si Gjermania ashtu dhe Turqia, kane shfaqur nje deshire te madhe per te shkuar ne finalen e Evropianit, ndaj kjo i beri qe te luanin fuqishem", analizon trajneri 48-vjecar. "Ndeshja nuk eci ashtu sic e kishim shpresuar ne, sepse turqit paten nje ritem te mire loje dhe luajten nje futboll vertet te bukur dhe, hera-heres, superiore ndaj nesh. Me vjen mire qe kjo menyre loje ka mbijetuar. Tani jemi ne finale dhe ndaj nesh nuk ka me presion". Por, tensioni ka perfshire tifozet anembane Evropes, te cilet presin ne finalen e se dieles triumfin e nje skuadre, qe ka treguar nje forme te mire ne pjesen e fundit te Kampionatit evropian. "Sigurisht, nuk jemi treguar shpesh koherente, sic do te kishim dashur, por kemi pare edhe se si skuadra shume te forta, si Portugalia, Kroacia apo Holanda, nuk kane fituar dot ne momentet vendimtare. E rendesishme eshte se ne jemi ne finale, dhe se tani duhet ta mbyllim sa me mire ate qe ndertuam gjate ketyre ndeshjeve". Levit nuk i intereson aspak nese skuadra, qe do te ndaje finalen e madhe eshte Spanja apo Rusia. "Te dyja jane skuadra qe kane zhvilluar nje futboll te bukur. Skuadra ruse eshte me e zhdervjellet dhe tmerresisht e shpejte, teknikisht dhe fizikisht shume e forte, dhe eshte ne gjendje te befasoje cdo mbrojtje me kundersulmet e saj. Spanja eshte nje skuader e klasit boteror me lojtare si Injesta, Ksavi, Torres apo Vija". Megjithate, Hoakim Lev, eshte trajneri i pare i Gjermanise, pas Jup Devalit (1980), qe arrin nje finale qe ne tentativen e pare. "Per mua, arritja ne finalet e nje kampionati evropian eshte nje finale e mrekullueshme. Ne cilesite e bashke-trajnerit u perballa me Brazilin, ne Kupen e Konfederatave dhe ne gjysmefinalet e Boterorit 2006 kunder Italise, por nuk arrita te shkoj ne finale. Tani kam mundur te arrij dicka krejtesisht te vecante. Nese humb apo fitoj, fakti qe kam arritur deri ketu, eshte nje ndjesi qe me pelqen".
 




____________
\"Mos shikoni kishat as xhamijat se feja e shqiptarit eshte shqiptaria.\"

Beteja për titullin në Euro 2008 do të luftohet kryesisht në mesfushë, ku do të duelojnë Mikael Balak dhe Çesk Fabregas, ku forca e kapitenit të Gjermanisë do të vihet përballë krijimtarisë artistike të spanjollit në finalen e sotme. Nëse Balak dhe njerëzit e tij, Torsten Frings e Tomas Hicëlshperger, arrijnë të mbizotërojnë dhe të vendosin kontrollin, atëherë pritet të shikojmë një triumf gjerman në "Ernst Hapel Shtadion".

Ama, nëse Fabregasi, Ksavi dhe Andres Iniesta me shokë arrijnë të çajnë dhe të lundrojnë përreth kundërshtarit kokëfortë, atëherë do të marrë fund agjërimi 44 vjeçar i Spanjës për një kupë të rëndësishme.

Fabregasi është përdorur duke e nisur nga stoli, në shumicën e ndeshjeve të Spanjës, drejt finales. Por, impakti i tij në lojë, si zëvendësues i David Vilas në fitoren 3 0 të së enjtes kundër Rusisë, bëri që të gjithë ta konsiderojnë si një titullar të sigurt për ndeshjen e sotme. Në ndryshim nga ai, Balak nuk luajti shumë mirë në fitoren 3 2 të Gjermanisë ndaj Turqisë, por vetëbesimi i tij dhe dëshira për të bërë autokritikë pas mungesës në finalen e Botërorit 2002, mund ta nxisin që të dhurojë një paraqitje për t'u mbajtur mend.

Trajneri i tij, Joakim Lëv, është i bindur se mendësia e skuadrës së tij është ajo që duhet. "Kemi një mendësi prej fituesi dhe këtë do ta tregojmë në fushë sonte", - tha ai, në lidhje me përpjekjet e Gjermanisë për të fituar të katërtin titull evropian në historinë e saj. Spanja, që mbërrin në të parën finale që prej vitit 1984 dhe që kërkon të fitojë të dytën kupë pas asaj të fituar në Euro 1964 në shtëpi, e di mirë se do t'i duhet të djersijë shumë. Por, iberikët kanë shumë vetëbesim tani që e kanë prishur atë traditë të keqe të eliminimit në fazën çerekfinale.

"Gjermania mbetet Gjermani dhe ata duken se mund të fitojnë ndaj cilitdo kundërshtar", - tha dje trajneri Luis Aragones. "Por, çdo skuadër e ka shumë të vështirë kundër nesh, sidomos kur ne kapimritmin tonë të veçantë". Secila prej skuadrave pritet të luajë me nga një sulmues të vetëm: Fernando Torres për Spanjën dhe Miroslav Kloze, që ka shënuar dy gola në dy ndeshjet e fundit për Gjermaninë - duke u dhënë, në këtë mënyrë, shumë përgjegjësi mesfushorëve.

Dyshja e krahëve për gjermanët, Bastian Shvajnshtajger dhe Lukas Podolski, me pesë gola të shënuar midis tyre, është shfaqur tepër e rrezikshme në të dyja aspektet: atë të shërbyesit dhe atë të shënuesit. Dhoma motorike e Spanjës është gjithashtu në një formë të shkëlqyer, sidomos pas të enjtes, kur Vila u dëmtua dhe la fushën e lojës, me pesë lojtarë e mbytën fare skuadrën ruse.

Që në vërshëllimën e parë kundër Rusisë, Spanja dukej më kërkuese se në sfilitjen kundër Italisë. Fabregas i shtoi një prekje klasi më tepër pasuesve të shpejtë të Spanjës, kur hyri në fushë. Ata do të përballen me detyrën për të çarë mbrojtjen gjermane, që është vërtet e fuqishme, por jo shumë e lëvizshme. Ndërkohë, kërcënimi ajror, i quajtur Kloze, përbën një sprovë tjetër për mbrojtësit spanjollë, që deri tani janë paraqitur mirë dhe me shumë autoritet.

Qendra meKarles Pujol, i cili ka qenë përherë i pariqë ka shmangur çdo rrezik të mundshëm, ndërsa portieri Iker Kasiljas vazhdon të përbëjë një siguri më shumë. Përballja e sotme është veçanërisht e bukur,pasi Spanja vlerësohet nga bastexhinjtë, si favoritja për të hedhur atë hap të fundit, që e ka bërë të jetë favorite përherë vetëm në letër.
 




____________
\"Mos shikoni kishat as xhamijat se feja e shqiptarit eshte shqiptaria.\"

Kapiteni i skuadrës, Mikael Balak, rrezikon të mos jetë i gatshëm për ndeshjen finale kundër Spanjës sot në mbrëmje. Sipas informacioneve të gazetës gjermane “Bild”, mesfushori 31-vjeçar i skuadrës së Çelsit ka probleme me pulpën dhe nuk do jetë në seancën e fundit stërvitore që do bëjë skuadra e Joakim Lëvit në stadiumin e Vjenës “Ernst Hapel”. Vendimi përfundimtar për aktivizimin e kapitenit Balak në finalen ndaj Spanjës do të merret vetëm në çastet e fundit, pak përpara ndeshjes, nga mjeku i skuadrës, Dr. Muler Volfhart. Edhe në Botërorin e 2002-it, kapiteni gjerman e ka humbur finalen ndaj Brazilit si pasojë e një kartoni të verdhë, marrë në gjysmëfinale ndaj Koresë së Jugut. Tani e gjithë Gjermania shpreson te aktivizimi i kapitenit Balak, i cili kishte marrë shumë përsipër për këtë Evropian.
 




____________
\"Mos shikoni kishat as xhamijat se feja e shqiptarit eshte shqiptaria.\"

Në prag të finales së Vjenës, ku mbrëmjen e sotme do të jenë përballë njëra-tjetrës dy finalistet e Evropianit të parë të organizuar pre tij, Mishel Platin
i është shumë i kënaqur nga organizimi, pasi sipas tij, emocionet dhe futbolli ofensiv kanë qenë kryefjala e Euro 2008. “Më ka entuziazmuar atmosfera e shkëlqyer që ka mbizotëruar në fushat e lojës, vlerat teknike të skuadrave, por gjithashtu edhe kolori i tifozerive të skuadrave pjesëmarrëse, të cilat e kanë bërë perfekt organizimin e këtij kompeticioni. Përveç tyre, “fair-play” që ka mbizotëruar në të gjitha sfidat deri në prag të kësaj finaleje kanë shfaqur qartë vlerat e vërteta të sportit, të cilat shpresojmë që të vlejnë si një shembull i mirë edhe për të gjitha kompeticionet evropiane e ndërkombëtare që do të pasojnë. Jam i sigurt se kjo është finalja më e drejtë që mund të prisnin në këtë Evropian. Duke qenë se Spanja e Gjermania kanë arritur deri këtu, atëherë si mund të theksojnë se këto dy formacione nuk e kanë merituar këtë finale. Ndonëse më vjen keq që një kompeticioni të tillë i ka ardhur fundi, besoj se mbrëmja e nesërme (sot) do të na rezervojë gola dhe surpriza të shumta, për ta mbyllur në mënyrën më të bukur të mundshme Euro 2008-në”, deklaron presidenti i UEFA-s, Platini.
 




____________
\"Mos shikoni kishat as xhamijat se feja e shqiptarit eshte shqiptaria.\"

Gjermanet nuk humbin lehte ne finale dhe kam frikie se do ta rrahin Spanjen
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Si do qe te perfundoj Spanja ishte ekimi me i mire i euro 2008 me diference te madhe nga te tjeret.
 

Pjesa e pare 1 me 0 per Spanjen Para Gjerman
 

Disa foto  


 




____________
\"Mos shikoni kishat as xhamijat se feja e shqiptarit eshte shqiptaria.\"

Vete i ke ber
 

Shume dobet  Balak sot
 

Ja can ballin spanjollet prandaj