Përballja Turqi-Çeki zhvilluar më 15 qershor 2008 është ndeshja më e bukur e kampionateve evropianë. Lajmi është bërë i ditur nga uebsajti i UEFA-s, i cili ka publikuar listën e 10 ndeshjeve më të bukura të luajtura nga 1960, vit i Kampionatit të Parë evropian dhe deri në takimet e fundit të EURO 2008.  

1) Turqi-Çeki 3-2
Nd në grupe, EURO 2008
Turqit kthejnë gjithçka nga 2 me 0, në 3 me 2, në vetëm 15 minutat e fundit të takimit. Arda Turan dhe një dopietë e Nihat i dha çerekfinalet skuadrës së "perandorit" Fatih Terim.

2) Holandë-Çeki 2-3
Nd në grupe, EURO 2004
Pavel Nedved udhëhoqi Çekikë drejt një rezultati të paparashikueshëm. Pasi u gjendën vetëm në 19 minutat e para të takimit ën disavantazh 2 me 0, çekët kthyen gjithçka duke kaluar grupin e duke vazhduar aventurën në çerekfinalet e evropianit.

3) Francë-Itali 2-1
Finale e EURO 2000
Pas golit të shënuar nga Delvecchio, Italia u mundua veçse të administronte avantazhin. Ndërsa vetëm disa minuta para fundit të ndeshjes Viltord çonte gjithçka në baraspeshë. Pas 13 minutash lojë nga shtesa e parë Trezege realizonte "golden gol", i cili iu dha francezëve kupën e evropianit.

4) Itali-Holandë 0-0
(3-1 me pen)
Gjysmëfinale, EURO 2000
Italia fiton një ndeshje dramatike nga pika e bardhë e 11-metërshave teksa ka luajtur për gati 88 minuta me 10 lojtarë pas daljes me karton të kuq të mbrojtësit, Zambrota.

5) Jugosllavi-Spanjë 3-4
Nd në grupe, EURO 2000
Spanja i falet Gaixka Mendietës, i cili vetëm në minutat e fundit siglonte golin e barazimit (3-3). Më pas teksa të gjithë mendonin se takimi do shkonte në shtesë dhe penallti, Alfonso Perez siglonte edhe golin e 4-t, i cili i jepte Spanjës mundësinë të vazhdonte aventurën në çerekfinale.

6) Gjermani-Angli 1-1
(6-5 me pen)
Gjysmëfinale, EURO 1996
Pas golave të Alan Shearer dhe Stefan Kuntz skuadrat shkonin drejt 11-metërshave. Për anglezët gabonte Darren Anderton ndërsa për gjermanët Andreas Moller shënonte penalltinë finale.

7) Francë-Portugali 3-2
Gjysmëfinale, EURO 1984
Dy gola të Jean-François Domergue dhe një i Mishel Platini vetëm 6 minuta para fundit të takimit solli largimin e Portugalisë dhe finalen e parë të Francës në një kampionat evropian. Për portugezët shënuan Rui Jordao dhe Fernando Chalana.

8- Danimarkë-Belgjikë 3-2
Nd në grupe, EURO 1984
Golat e Jan Ceulemans dhe Frankie Vercauteren i jepnin Belgjikës avantazhin e dyfishtë në 39 minuta lojë. Por që aty nisi ngjitja e danezëve. Penalltia e Frank Arnesen në minutën e 41 dhe dy golat e Kenneth Brylle Larsen dhe Preben Elkjaer i dhanë fitoren Danimarkës.

9) Jugosllavi-Gjermani 2-4
Gjysmëfinale, EURO 1976
Jugosllavia fitonte 2 me 0 deri në gjysmën e pjesës së dytë, por pas futjes në lojë të Dieter Muller, gjithçka ndryshoi. Në fillim Muller barazoi rezultatin 2 me 2, duke e çuar ndeshje në shtesë dhe më pas shënoi edhe një gol tjetër, duke sigluar një tripletë.

10) Francë-Jugosllavi 4-5
Gjysmëfinale, EURO 1960
Ajo mbahet ende si ndeshja me më shumë gola në një kampionat evropian. Francezët shënonin me anë të Vincent 12', Heutte 43', 62' e Visnieski 53'. Ndërsa jugosllavët përgjigjeshin me Galiç 11', Zanetiç 55, Knez 75' dhe Jerkoviç 78', 79'.
 




____________
\"Mos shikoni kishat as xhamijat se feja e shqiptarit eshte shqiptaria.\"