Thua Stamboll dhe mendon për Felipe Masën, por gjithnjë nëse e ka parasysh "Librin e artë" të Formulës 1. Piloti brazilian i Ferrarit ka arritur dy "pole positon" dhe dy fitore në dy edicionet e fundit të Çmimit të Madh të Turqisë. Suksesi i parë ishte i paharrueshëm, sepse ishte fitorja e parë për Masën në karrierë. Ferraristi nuk harron, përkundrazi: "Bëhet për një pistë shumë speciale për mua. Kësisoj, mendoj se nuk ka asnjëherë dy pa tre nga pas!".

LUFTA ME KIMIN - Mjafton kjo, për të kuptuar se objektivi i brazilianit nuk është që ta mbyllë garën edhe një herë tjetër pas shpinës së Raikonenit, siç ndodhi në Spanjë. "Nuk ka nevojë të fantazosh shumë, për të kuptuar se cilat janë synimet e mia për fundjavën e ardhshme, - shtoi Masa. - Dua të arrij fitoren e tretë radhazi në Turqi. Vitin e kaluar arrita të fitoj, edhe pse pas xhiros së parë e gjeta veten në vendin e tretë, në një pistë ku nuk bëhen shumë parakalime. Për momentin, Kimi Raikonen është rivali im kryesor në luftën për titull. Gjithsesi, ky është një rivalitet që i bën mirë Ferrarit. Në Spanjë u pajtova me vendin e dytë, ndërsa të dielën do të garoj për të fituar.

MOTORI DHE KAMBIO - Pista e Stambollit nuk e lodh shumë motorin dhe për F2008-n e Masës do të jetë gara e dytë me propulsorin përpara, ndërsa kambioja e re do të bëjë provën e parë, nga katër të parashikuarat. "Nuk duhet të përbëjë ndonjë problem, duke qenë se rregullorja e Formulës 1 i parashikon ndryshimet teknike gjatë harkut të kampionatit, - tha Masa. - Mendoj se kemi një "paketë" të shkëlqyer për F2008-n. Në Stamboll garohet në anën e kundërt të akrepave të orës, por ka disa kthesa të shpejta dhe disa të tjera për t'u marrë me një shpejtësi mesatare, ndërsa sektori i fundit është shumë i ngadaltë dhe paraqit vështirësi. Kësisoj, kemi nevojë për shumë ngarkesë aerodinamike."

TEMPERATURAT - "Eshtë e rëndësishme të gjejmë balancën e veturës, -përfundon braziliani, - që do të thotë të arrijmë ekuilibrin e duhur gjatë provave të lira, për të qenë të gatshëm për fundjavën. Në kthesat e gjata gomat mund të konsumohen, sidomos ato të përparmet, por, duke qenë se Bridgestone është furnizuesi i vetëm, atëherë të gjithë do të kenë mundësi të garojnë në kushte të barabarta." Gara e Turqisë do të zhvillohet më shpejt se zakonisht, dhe kjo do t'u ofrojë kushte më të mira klimaterike pilotëve dhe skuderive.


Kovalainen, gati për në Stamboll

Nga Stambolli vjen lajmi se komisioni mjekësor i Formulës 1 ia ka hapur dritën jeshile Heki Kovalainenin për të garuar në Çmimin e Madh të Turqisë. Ndërkohë, McLareni ka bërë të ditur shkaqet e incidentit të pilotit finlandez në pistën e Spanjës, dy javë më parë. Sipas versionit të Norbet Hogut, problemi ka ardhur nga disku i gomës së përparme nga e majta, i cili është thyer si pasojë e një defekti në prodhim. Përgjegjësi i Mercedesit sqaron: "Proceset e fabrikimit të pjesëve për në Formulën 1 janë shumë të komplikuara dhe kërkojnë impenjim maksimal. Ndoshta në realizimin e diskut diçka nuk ka shkuar ashtu siç duhet". Disqet e McLarenit janë të firmës japoneze "Enkei". Gjithsesi, Kovalainen është shumë pranë rikthimit dhe dje pohoi: "Jam në 100% të formës fizike dhe logjikisht jam i kënaqur që mjekët më dhanë leje për të gatuar. Unë ndihem shumë mirë dhe do të ishte absurde të qëndroja në shtëpi.



 

Përfundoi gara e Formula 1 në Stamboll duke kurorëzuar kampion Felipe Masën.

Ka përfunduar gara e ethshme e Formula 1 e zhvilluar në Stamboll. Përfundon gara e Stambollit me kurorëzimin e çmimit të parë me Ferrarin.

Felipe Masa me Ferrarin e tij ka fituar vendin e parë në garat e makinave në Stamboll. Ndërsa i dyti në këtë garë pas tij është Luis Hamilton Mecklaren. Vendin e tretë e ka zënë Raikonen.
 




____________
\"Mos shikoni kishat as xhamijat se feja e shqiptarit eshte shqiptaria.\"

Fitoi Felipe Masa në Çmimin e tretë të Madh radhazi në Turqi. Një rezultat ky që ishte lehtësisht i parashikueshëm. Megjithatë braziliani ia doli mbanë pas një gare të lëvizur, për shkak të zgjedhjes së McLaren, për të përdorur një taktikë me tre dhe jo dy pushime për Ljuis Hemiltonin. Megjithatë, as kjo nuk i mjaftoi anglezit për të fituar. Megjithatë, kjo i dha një të shkundur garës, duke dhuruar edhe një parakalim shumë të bukur, me anë të të cilit Ljuisi mori kryesimin në gjysmë të garës, duke ia kaluar pikërisht Masës.

NISJA ‑ Në nisje, Felipe u shkëput mirë nga vendi i parë, i ndjekur pikërisht nga Hemilton, (që fitoi një pozicion), dhe nga BMW e Robert Kubikës, (që fitoi dy pozicione, duke kaluar nga vendi i pesë në të tretin). Raikonen ndërkaq u nis keq, duke humbur dy vende: u detyrua të frenonte në kthesën e parë për të shmangur Kovalainenin para tij dhe u parakalua nga Alonso me Renault, të cilin Kimi e hoqi qafe lehtësisht më pas. Ndër të tjera, me gjithë freninimin, ferraristi preku edhe bashkëatdhetarin e McLaren në kthesën e parë, që pësoi një çarje të njërës gomë, duke u detyruar që të rikthehet në bokse për ndërrimin e saj, lëvizje që e ktheu në garë nga vendi i fundit.

GOMAT ‑ Çelsi në duelin për kreun ishin pikërisht gomat. Ferrari parapëlqeu gomat e buta, duke përshkuar me këto fazën e parë dhe të dytë të garës. McLaren e Hemiltonit u nis me gomat Bridgestone të forta në tri fazat e para të garës, sepse të butat i përdori vetëm në fazën përfundimtare. Që gjatë provave, ishte parë se Ferrarit i ecte shumë mirë me gomat më të buta, ndryshe nga njëvendëshet kundërshtare. E, në fakt, pikërisht në fund, Hemilton hasi në vështirësi.

PIKET ‑ Pas krahëve të fytyrave tashmë të njohura të podiumit gjejmë Kubikën të katërtin e më pas, në zonën e pikëve, Hajdfeldin me BMW, Alonson me Renault, Veberin me Red Bull dhe Rozbergun e Williams. Në vendin e dhjetë u rendit Jarno Truli me një Toyota, që u duk disi në vështirësi. Shumë keq Xhankarlo Fizikela, që doli jashtë piste, që në kthesën e parë, pasi i hipi përsipër makinës Williams të Nakazhimës. Piloti roman akuzoi në fund Burdenë se i kishte prerë shumë keq rrugën, ndërsa francezi e mohoi këtë. Në renditjen e Botërorit kryeson gjithmonë Raikonen me 35 pikë, ndjekur nga Hemilton e Masa me nga 28 pikë.

G.Puto

Çmimi i Madh i Turqisë

Renditja e garës

1.F.MasaFerrari1h26'49"451

2.L.HamiltonMcLaren+3"779

3.K.RaikonenFerrari+4"271

4.R.KubikaBMW+21"945

5.N.HeidfeldBMW+38"741

6.F.AlonsoRenault+53"724

7.M.VeberRed Bull+1'04"229

8.N.RozbergWilliams+1'11"406

9.D.KultardRed Bull+1'15"270

10.J.TruliToyota+1'16"344

11.Xh.BatonHonda+1 xhiro

12.H.KovalainenMcLaren+1 xhiro

13.T.GlokToyota+1 xhiro

14.R.BarrikeloHonda+1 xhiro

15.N.Pike Jr.Renault+1 xhiro

16.A.SutilForce India+1 xhiro

17.S.VetelToro Rosso+1 xhiro

18.S.BurdisToro Rosso(i tërhequr)

19.K.NakaxhimaWilliams(i tërhequr)

20.Xh.FizikelaForce India(i tërhequr)

F.MASA ‑ NOTA 10

Besoi që prej ditës së enjte, sepse pas dy "pole position" radhazi në Turqi siguroi edhe të tretën. Kështu që, rregulla e "nuk ka dy pa tre" hyri në fuqi edhe për podiumin më të lartë. Djaloshi ka ende vështirësi për të pranuar rolin e pilotit mbështetës dhe herë pas here zgjohet, sidomos në pistat që i do shumë. Stambolli është dukshëm më e pëlqyera për të dhe Masa u tregua i fortë gjatë gjithë fundjavës, duke mos rënë në kurthin e së dielës, përgatitur nga McLaren, me Hemiltonin që do të përdorte strategjinë e tre pushimeve në bokse.

K.RAIKONEN ‑ NOTA 6,5

Sa më shumë që ta ngresh, aq më shumë ai hidhet poshtë. Kapërceu problemin në kambio, që e bllokoi në bokse të premten mbrëma, por Kimi, më pas, nuk bëri asgjë për të ndryshuar rrjedhën e garës. Edhe në Turqi pati probleme me "binjakun e keq", atë që dukej se kishte mbetur në Bahrein, duke u zëvendësuar në Barcelonë me "binjakun e mirë", për të arritur fitoren e dytë. E kotë ishte në fund përpjekja, për t'i rrëmbyer vendin Hemiltonit. Për të ruajtur qetësinë në krye të renditjes, atij i duhet më tepër vazhdimësi në aspektin e përqendrimit.

L.HAMILTON ‑ NOTA 8,5

Pasi kuptoi se letrat më të mira i kishte në dorë Ferrari, ai u përpoq të bënte bllof me një tresh. Me tre pushime në bokse, për të hapur lojën e për ta bërë ndeshjen më të paparashikueshme. Në kurthin e ngritur ra vetëm një makinë e kuqe, ajo më e rëndësishmja. Shenjë që operacioni pati sukses. Raikonen është më pranë tani në renditje, pikët që i ndajnë janë vetëm shtatë dhe Botërori mbetet kështu shumë i hapur për Ljuisin. Vendi i dytë në Stamboll vlen sa një fitore.
 




____________
Direktoria , Galeria


Piracy is a crime! So, am I a criminal?

"Do të kërkoj pasaportën e këtij vendi!", bëri shaka Masa, pas fitores së tretë radhazi në Stamboll, duke shprehur gjithë mirënjohjen e tij për pistën turke. Një vend që është absolutisht magjik për të.

BETEJE E ASHPER ‑ "Ishte një garë tepër e vështirë", tregoi braziliani në fund. "Hemilton ushtroi shumë trysni ndaj meje që prej fillimit. Madje, ai arriti edhe të më parakalonte e në ato çaste pyetëm veten duke shpresuar që ai të kishte një pushim më tepër në bokse. Në fakt, kështu ndodhi dhe, pas kësaj, arrita të kthehesha në vendin tim dhe të fitoja. Sinqerisht ishte shumë e vështirë të zgjidhje midis gomave në dispozicion: diferenca midis të butave dhe të fortave ishte vërtet e vogël dhe gjatë provave Ljuisi u tregua i shpejtë me gomat e forta. Nuk e mohoj që patëm disa dyshime, duke menduar edhe se ishte e gabuar të përdornim gomat e buta. Ama na eci mirë kështu".

ZHGENJIM PERGJYSME ‑ Gara e Raikonenit u vendos kryesisht në nisje. Atëherë kur preku me krahun e përparmë Kovalainenit: pilotit të McLaren iu ça goma, por edhe ai pësoi ndoshta dëmtime në makinë. "Nuk mund të lumturohem për atë nisje", u shpreh Kimi. "Eshtë për të ardhur keq, por gjëra që ndodhin. Nuk di se si do të më kishte shkuar pa atë prekje të Heikit. Ishte një fundjavë e vështirë, por duheshin pikë. Mbërrita i treti, kështu që synimin e përmbusha. Ama, gjatë provave, nuk arrita ndonjë kohë të jashtëzakonshme dhe që të premten kishim patur disa probleme. Megjithatë, në përgjithësi, vendi i tretë më shkon për shtat. Do të përpiqemi të kërkojmë shpagim në dy garat e ardhshme (Montekarlo dhe Kanada), që, një vit më parë, ishin një dështim i plotë për ne".

G.PUTO

Hemilton: Të fortë, por jo mjaftueshëm

Ljuis Hemilton u detyrua të kënaqej me vendin e dytë në Turqi, pas krahëve të Ferrarit të Felipe Masës. Një renditje që e kënaq anglezin, por jo deri në fund. "Mirë është edhe kështu, por ndihem vetëm pjesërisht i zhgënjyer që nuk e ruajta deri në fund vendin e parë", pranoi Hemilton. "Teknikët tanë kanë bërë sidoqoftë një punë të jashtëzakonshme. Gara shkoi ashtu si duhej, e ndoshta humba pak kohë në mesin saj". Vështirë të vendosej për strategjinë për t'u përdorur në garë: për Hemiltonin, skuderia vendosi për tre pushimet. Një zgjedhje e rrezikshme, si ajo e gomave për t'u përdorur. "Unë fillova të ecja fort pas pushimit të parë, sepse e dija strategjinë time. Jam i kënaqur, më shumë se gjatë provave", vijoi anglezi. "Tre pit stope? Kishim menduar të përdornim një strategji të veçantë, duke parë edhe përvojën e vitit të kaluar. Ishim të fortë, por jo aq sa duhej për të fituar. Megjithatë dhamë më të mirën tonë, unë dhe gjithë skuadra".
 




____________
Direktoria , Galeria


Piracy is a crime! So, am I a criminal?

Dhe ai ka ngel pa u ber Turk  
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death