Për të siguruar vizitën e Presidentit amerikan, Xhorxh Bush, do të vihen në dispozicion 15 mijë forca. Janë 10 800 pjesëtarë të Policisë së Shtetit, pjesëtarë të Shërbimit Informativ Shtetëror, të Forcave Speciale RENEA, ato të Forcave Komando të Ushtrisë, por edhe të shërbimit sekret amerikan të CIA-s, ato që do të bëjnë të mundur normalitetin e një vizite me të vërtetë historike më 10 qershor. Të parët që kanë dhënë informacion për vizitën e Bushit kanë qenë mediat e huaja si “BIRN”, “People's Daily Online” të cilët nëpërmjet faqes në internet njoftojnë se shteti amerikan ka nisur përgatitjet që tani për këtë vizitë. Ndërkohë burime nga kryeministra shqiptarë kanë thënë dje për gazetën “Tirana Observer”, se të gjitha strukturat e shtetit shqiptar janë të përfshira në një organizim të përsosur. Të njëjtat burime shtojnë se, në krye të këtij shtabi është emëruar zëvendëskryeministri Gazmed Oketa, i cili do të drejtojë gjithçka që ka të bëjë me organizimin.

Snajpera dhe bllokimi i rrugëve
Përpos një plani masash, ajo që bie në sy është jo vetëm numri i forcave, por dhe specialiteti që do përdoren. Kështu është planifikuar që gati në të gjithë godinat e larta të Tiranës të ketë snajpera për çdo eventualitet. Më parë do të jetë bërë edhe bllokimi i të gjitha rrugëve që nga Rinasi e deri në Pallatin e Brigadave, por edhe në disa rrugë të tjera afër qendrës. Në planin e masave është shënuar që do të mbyllen edhe të gjitha dyqanet dhe lokalet, ku do të jenë bllokuar rrugët në mënyrë që lëvizja aty të jetë shumë e kufizuar. Ndoshta për nga përmasat kjo vizitë pritet të krahasohet me atë që zhvilloi ish-sekretari amerikan i Shtetit James Becker në vitin 1991. Por, natyrisht e zhvendosur në kohë ajo ka një rëndësi tjetër. Rëndësia shtohet edhe më shumë për faktin se Xhorxh Bush është i pari president amerikan që viziton Shqipërinë në të gjithë historinë.

Gjashtë orët e Bushit në Tiranë
Ndonëse ende nuk kemi një agjendë të saktë deri tani, burimet flasin se Presidenti amerikan do të qëndrojë në Tiranë për gjashtë orë rresht. Mendohet se ai do të vijë në kryeqytetin shqiptar rreth orës 10:00 dhe do të largohet në orën 16:00. Më parë Bush do të ketë zhvilluar takime në Çeki, Gjermani, Poloni dhe më pas në Itali. Pas Tiranës do të shkojë në Sofje. Të dhënat flasin se, Bush do të vijë në Tiranë nga Roma ku do të ketë një takim me Papën. Ai do të pritet në Rinas nga politikanët e rangut të lartë, ku spikaten Presidenti Moisiu dhe kryeministri Berisha. Por edhe krerë të tjerë të shtetit, si dhe kreu i opozitës, Edi Rama.

Takimet
Më pas Bush pritet të shkojë në Pallatin e Brigadave dhe në Kryeministri, ku do ketë takime të veçanta me krerët e këtyre dy institucioneve. Mendohet të zhvillohet dhe një vizitë në Parlament, por një gjë e tillë ende nuk është saktësuar. Protokolli ende nuk është plotësuar por janë duke u zhvilluar takime edhe me përfaqësues të ambasadës amerikane në Tiranë. Ambasadorja Marcie Ries ka një eveniment të veçantë me këtë takim. Ajo pas vizitës së Bush do të shkojë me bashkëshortin e saj në Bagdad me mision diplomatik. Por, ditët në vazhdim pritet të jetë e angazhuar me organizimin e kësaj vizite. Pritet që me presidentin Bush të jetë edhe bashkëshortja e tij zonja e parë Laura Bush. Ajo do të jetë në të gjitha takimet e presidentit.

Masat e marra

Në këtë operacion do të marrin pjesë 15 mijë forca.

Sipas të dhënave, në Tiranë do të ketë snajper në të gjitha godinat e larta.

Policia ditën e diel do të bëjë bllokimin e të gjitha rrugëve.

Sipas policisë, do mbyllen të gjitha dyqanet dhe lokalet në rrugën ku do kalojë Presidenti Xhorxh Bush.

Në këtë operacion do të përfshihen të gjitha strukturat e SHISH në bashkëpunim me Policinë e Shtetit.

Në Tiranë do të mbërrijnë agjentë të CIA-s dhe marinsave për të siguruar vizitën e Bushit.

Në sigurinë e Presidentit amerikan do të përshihen edhe policë privatë.

Forcat e RENEA-s, Forcat Komando, Forcat Delta-Forcë dhe Forcat e Ndërhyrjes së Shpejtë do të jenë në gatishmëri gjatë vizitës 6-orëshe të Presidentit Bush.

Garda e Republikës do të ketë në mbikëqyrje të veçantë të gjitha institucionet e shtetit.

Policia do të nisë kontrolle të rrepta në aeroportin e Rinasit.

Kronologjia

Ora 10:00
Mbërritja në Tiranë
Të dielën e 10 qershorit, Presidenti i Shteteve të Bashkuara të Amerikës, Xhorxh Bush do të mbërrijë në Shqipëri. Aeroplani “Air Force I” do të zbres në pistën e aeroportit “Nën Tereza” në orën 10 :00. Sipas protokollit, ministri i Jashtëm dhe një sërë zyrtarësh të tjerë të lartë të vendit do ta presin atë.

Ora 10:15
Takimi zyrtarë
Pas uljes në tokën shqiptare, i pari që do të takojë Presidentin Bush është ministri i Jashtëm, Lulëzim Basha si dhe personalitete të tjerë të lartë. Ndërkohë që, sipas protokollit, ceremonia do të shoqërohet me interpretimin e himneve kombëtare të dy vendeve nga banda frymore.

Ora 10:30
Takimi i parë
Pas mbërritjes në kryeqytet, në agjendën e Presidentit Bush është planifikuar takimi me homologun e tij, Presidentin Shqiptar Alfred Moisiu. Ky takim do të zgjasë rreth 30 minuta. Më pas Presidenti Bush do të drejtohet nga qyteti bregdetar i Durrësit.  

11:00
Takimi me Berishën
Presidenti Bush do të zhvillojë dhe një takim privat me kryeministrin Berisha. Në ambientet e kryeministrisë prej javësh ka nisur puna për përgatitjen e dhomës ku do të akomodohet Presidenti i Shteteve të Bashkuara të Amerikës.

12: 00
Ceremonia
Vizita historike e Presidentit amerikan pritet që të ketë dhe një ndryshim të protokollit zyrtar. Zyrtarë të Drejtorisë së Protokollit janë duke përgatitur dhe efektet e veçanta që do të shoqërojnë vizitën e Bush si dhe listën e vendeve ku Bush do të ndalet në Tiranë.  

Ora 13:00
Porti i Durrësit
Në agjendën e Presidentit amerikan është parashikuar dhe vizita e tij në portin e Durrësit, ku kompanitë amerikane kanë bërë një nga investimet më të mëdha në vend. Ceremonia e parashikuar pritet të zgjas rreth një orë.

Ora: 13:30
Takimi, “A3”
Në Durrës pritet të zhvillohet dhe takimi me kryeministrat e tre vendeve që janë anëtarë të “Kartës së Adriatikut A3”. Në takim do të jenë kryeministri Sali Berisha, si dhe kryeministrat e Kroacisë dhe Maqedonisë.

Ora 16:00
Largimi
Rreth orës 16 pritet të përfundojë vizita zyrtare e Peridentit Bush. Nën masa të rrepta sigurie, nisja e tij drejt Bullgarisë do të bëhet përsëri nga Aeroporti i Rinasit. Ndërkohë që forca të shumta policore do të shoqërojnë eskortën gjigante
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shtepia e Bardhe ka njoftuar zyrtarisht dje ne mbremje, sipas ores shqiptare, viziten e Presidentit Amerikan Xhorxh W.Bush ne Shqiperi. Ne nje tur europian, Presidenti Amerikan ka vendosur te kaloje kufijte e vendit dikur me hermetik ne Bote, njerit prej shteteve ku amerikanet nuk qene te mirepritur, duke u bere keshtu i pari drejtues politik i vendit me te fuqishem te botes qe viziton Shqiperine. Jashte euforise normale te nje vizite si kjo, padyshim e rendesishme politikisht per cdo vend te botes, jashte frazave standard qe shkruhen ne nje rast te tille, nuk ka se si te mos theksohen se paku disa gjera.

E para, vizita e Presidentit Bush duhet lexuar si nje vizite kortezie e Presidentit Amerikan ne nje vend i cili me shume se sa nje here ka deshmuar ndjenjat e tij proamerikane. Duhet lexuar si vizita ne nje vend ish-komunist ku propaganda antiamerikane e kohes ne asnje rast nuk e zbehu pasionin e popullit per demokracine me te madhe dhe me te vjeter te botes moderne. Qe nga 12 qershori i vitit 1991, kur gjate vizites se Sekretarit Amerikan te Shtetit Bejker Shqiperia demostroi nje pritje madheshtore, ndjenjat proamerikane kane mbetur te patjetersuara. Madje, duke e renditur Shqiperine ne te gjitha sondazhet si vendin me proamerikan te kontinentit.

E dyta, vizita e Presidentit Amerikan duhet pare si nje falenderim per rolin e Shqiperise ne luften kunder terrorizmit, per angazhimin e saj ne Irak e Afganistan dhe per pozicionin e palekundur qe ajo ka mbajtur ne kete drejtim, pavaresisht ngjyrimit politik te mazhorancave. Madje, ne keto vite, qendrimi ndaj luftes kunder terrorizmit, rezulton konsensusi i vetem i pakontestuar i forcave politike shqiptare. Ajo duhet pare njeherazi, si nje falenderim i perseritur, tashme ne vend, per qendrimin e Shqiperise ndaj luftes se Kosoves dhe gjithcka ndodhi ne vitin 1999.

Ne kete kendveshtrim, vizita e Presidentit amerikan duhet pare edhe si nje kontribut i plote i gjithe politikes shqiptare dhe ajo padyshim qe duhet ta pershendese e gjitha bashke.

Se treti, vizita e Presidentit Bush, duhet pare edhe si vizita e drejtuesit te nje vendi, i cili gjate historise sone shpesh tragjike, ka luajtur nje rol jetik. Duke nisur qe nga qendrimi i Presidentit Uillson ne Konferencen e Paqes ne Paris, i cili kundershtoi hapur copetimin dhe zhdukjen e Shqiperise nga harta e Ballkanit, tek Presidenti Bush (Babai) qe deklaroi se vijen e kuqe te mosprekjes se Kosoves ne krishtlindjet e vitit 1992 e deri tek ndihma madhore qe SHBA dha ne krye te nje koalicioni te perbotshem per parandalimin e tragjedise kosovare dhe shndrimin e saj ne nje vend te lire dhe padyshim me te drejte vetvendosje.

Vizita e Presidentit Bush eshte vizita e munguar ose e pritur, e nje personaliteti boteror, po aq sa vizita e nje modeli politik, qe shqiptaret edhe pse nuk e kane realizuar dot kurre, e kane admiruar dhe enderruar gjithmone. E modelit te nje demokracie te thelle, e ardhmja e vetme e nje populli qe kaq shume ka vuajtur nga mungesa e saj.
 




____________
Direktoria , Galeria


Piracy is a crime! So, am I a criminal?

Pensionet. Ushtarakët i shkruajnë letër George W. Bush, në prag të vizitës së tij në Shqipëri

Letra: "Qeveria po diskriminon ekonomikisht ushtarakët!"

Problem i pensioneve të ushtarakëve shqiptarë, përplasjet shumëvjeçare me qeverinë, deri në Vendimin e formës së prerë të Gjykatës Kushtetuese në favor të ushtarakëve, e sfida e qeverisë aktuale ndaj zbatimit të këtij vendimi, bëhet prezent tek kreu i Shtëpisë së Bardhë, Xhorxh W. Bush, pak ditë para vizitës së tij zyrtare në vendin tonë. Në letrën "Mbi dhunimin e të drejtave ligjore për pension të oficerëve të liruar për nevoja të hreformës në Shqipëri", kreut të Shtëpisë së Bardhë, pas informimit për problemin, i kërkohet angazhimi i tij në zgjidhjen e problemit, në vizitën e shumëpritur në Shqipëri.

Letra

Sipas konfirmimeve zyrtare për gazetën pranë Shoqatës Kombëtare të Ushtarakëve në Rezervë të Shqipërisë, letra dërguar presidentit Xhorxh Bush, është nënshkruar nga Zyhdi Kroj, Kolonel në pension e President Nderi i kësaj shoqate. Njëkohësisht, për dijeni, kjo letër u është dërguar dhe Marcie Ries, Ambasadore e SHBA në Republikën e Shqipërisë, zotit J. D. Scheffer, Sekretar i Përgjithshëm i NATO-s, si dhe Ambasadorëve të vendeve anëtare të NATO-s në Bruksel.

"Duke parë që qeveritë që kanë zëvendësuar njëra-tjetrën gjatë 17 viteve të fundit, jo vetëm nuk kanë bërë asgjë për trajtimin ekonomik të ushtarakëve në rezervë, një prej kushteve të anëtarësimit të vendit tonë në NATO, por përkundër, kanë diskriminuar dhe vazhdojnë të diskriminojnë këtë shtresë të shoqërisë duke u mohuar të drejtat e tyre të ligjshme, ne menduam që krahas sensibilizimit të opinionit vendas, atij ndërkombëtar, organizmit ushtarak Euro-Atlantik, të informojnë dhe Presidentin Amerikan, Bush, në prag të vizitës së tij të shumëpritur në vendin tonë",- shton Kroj.

Sipas tij, neglizhenca e qeverisë aktuale për të zbatuar dhe Vendimin e fundit të Gjykatës Kushtetuese, shpallur më 26.05.2007, tregon se nga qeveria mungon dëshira dhe vullneti për të zbatuar ligjin. Nëpërmjet letrës drejtuar Bush, ushtarakët shqiptarë shpresojnë se në takimet e tij me krerët e shtetit shqiptar, të preket dhe problem i tyre.

Shqetësimet

Dosja e pensioneve të ushtarakëve shqiptarë, para se të shtrohej së fundi si problem tek kreu i Shtëpisë së Bardhë, me anë të letrës së mësipërme, ka kohë që është dorëzuar dhe në selinë e NATO-s në Bruksel. Në një seminar të para tre javëve, për Politikat e Mbrojtjes për vendet që synojnë anëtarësimin në NATO, organizuar në vendin tonë nga CIOR-i, organizatorët e këtij aktiviteti, koloneli gjerman, Peter Eitze, President i COIR-it për vendet e Partneritetit për Paqe, dhe Derek Cheef, Sekretar i Përgjithshëm i CIOR-it, janë njohur me hollësi për shqetësimin e kolegëve shqiptarë, duke premtuar angazhimin për zgjidhje.
Njëkohësisht, duke e vlerësuar paraprakisht si absurde neglizhencën e qeverisë për zbatimin e Vendimit të Gjykatës Kushtetuese, në ikje, morën me vete dosjen përkatëse me të gjitha materialet e përkthyera në anglisht.

"Jo zyrtarisht, kemi mësuar se një nga arsyet e vizitës së Bush në vendin tonë, është dhe mundësia e një anëtarësimi sa më të shpejtë të Shqipërisë në NATO, një dëshirë e shumëpritur kjo e të gjithë shqiptarëve, veçanërisht e ushtarakëve në rezervë dhe e atyre aktivë. Nga kolegët tanë të strukturave Euro-Atlantike, kemi informacion se qeveritë shqiptare kanë informuar për zgjidhjen e pensioneve të ushtarakëve sipas praktikave bashkëkohore por, në fakt, e vërteta është ndryshe. Ndaj, letra dërguar Bush, ka për qëllim njohjen e tij realisht me problemin",- shtojnë për gazetën, burimet pranë kryesisë së Shoqatës së Ushtarakëve.

"Ligji i pensioneve të oficerëve i vitit 2005, megjithëse u vlerësua pozitivisht dhe u rekomandua për zbatim nga Ambasadorët e NATO-s në Bruksel, në nëntor 2005, qeveria shqiptare e ndryshoi, çka çoi në përgjysmimin e pensionit për oficerët e liruar. Për këtë shkelje, Gjykata Kushtetuese e Shqipërisë ka marrë një vendim të formës së prerë, në favor të oficerëve të liruar, por qeveria shqiptare nuk ka vullnet për ta zbatuar, gjë e cila ka çuar në rritjen e pakënaqësisë e po krijon premisa për protesta masive",- shkruhet mes të tjerave në letër.

Duke i prezantuar Presidentit Amerikan problemin, "…me këtë qëndrim e mentalitet të qeverisë shqiptare ndaj oficerëve të liruar për nevoja të hreformës, ajo tregon se është kundër standardeve të shtetit ligjor që propagandon, e ka mungesë vullneti për plotësimin e kritereve për anëtarësim në strukturat Euro-Atlantike...", letra përfundon: "Duke Ju kërkuar ndjesë për shqetësimin e shprehur, kërkojmë mirëkuptim dhe angazhimin tuaj në ndihmë të zgjidhjes së problemit!".


LETËR

Drejtuar: Zotit George W. Bush, President i SHBA, Washington DC

Për dijeni: Znj.Marcie Ries, Ambasadore e SHBA, në Republikën e Shqipërisë, Tiranë

Zotit: J. D. Scheffer, Sekretar i Përgjithshëm i NATO-s, Bruksel

Ambasadorëve të vendeve anëtare të NATO-s, Bruksel

MBI DHUNIMIN E TË DREJTAVE LIGJORE PËR PENSION TË

OFICERËVE TË LIRUAR PËR NEVOJA TË REFORMËS NË SHQIPËRI

Zoti President,

Si oficer në pension dhe President Nderi i Shoqatës Kombëtare të Oficerëve në Rezervë të Shqipërisë (Anëtare Asociuese në Konfederatën Ndëraleate të Oficerëve në Rezervë- CIOR), me sytë dhe mendjen tek vizita juaj e pritshme në Shqipëri, duke e konsideruar atë historike e shpresëdhënëse për shqiptarët, shpreh kërkesën që gjatë takimit tuaj me drejtuesit më të lartë të shtetit shqiptar, t'u bëni atyre prezent shqetësimin e mijëra oficerëve të liruar për nevoja të reformës.

Ligji i pensioneve të oficerëve i vitit 2005, megjithëse u vlerësua pozitivisht dhe u rekomandua për zbatim nga Ambasadorët e NATO-s në Bruksel, në nëntor 2005, qeveria shqiptare e ndryshoi, çka çoi në përgjysmimin e pensionit për oficerët e liruar. Për këtë shkelje, Gjykata Kushtetuese e Shqipërisë ka marrë një vendim të formës së prerë, në favor të oficerëve të liruar, por qeveria shqiptare nuk ka vullnet për ta zbatuar, gjë e cila ka çuar në rritjen e pakënaqësisë e po krijon premise për protesta masive.

Me këtë qëndrim e mentalitet të qeverisë shqiptare ndaj oficerëve të liruar, për nevoja të reformës, ajo tregon se është kundër standardeve të shtetit ligjor që propagandon, e ka mungesë vullneti për plotësimin e kritereve për anëtarësim në strukturat Euro-Atlantike.

Duke ju kërkuar ndjesë për shqetësimin e shprehur, kërkojmë mirëkuptim dhe angazhimin tuaj në ndihmë të zgjidhjes së problemit.

Me konsideratat më të larta,

Zyhdi Kroj

Kolonel në pension

President Nderi i Shoqatës KURSH

Tiranë: 24.05.2007
 




____________
Direktoria , Galeria


Piracy is a crime! So, am I a criminal?

Kuvendi i jep te drejte, me nje akt te posacem, forcave ushtarake amerikane, qe do te vijne me 10 qershor ne Shqiperi me Presidentin Xhorxh Bush, te reagojne edhe me force ndaj cdolloj kercenimi apo rreziku. Kete vendim anetaret e Komisionit parlamentar te Ligjeve e moren vetem pasi Ministria e Mbrojtjes deklaron se nuk mund te garantoje plotesisht sigurine ne nivelin qe kerkohet, me mundesite ushtarake qe ka. Me shumice votash, Komisioni parlamentar i Ligjeve votoi aktin normativ te sjelle nga Ministria e Mbrojtjes per masat e sigurise gjate vizites se Bush ne Shqiperi. Si pozita ashtu edhe opozita, pranuan te gjitha pikat e aktit, pervec socialistit Bashkim Fino, i cili abstenoi, duke e quajtur nje akt diskriminues ndaj vendit tone. Fino ishte kunder nenit 3 te aktit normativ te ministrise, i cili parashikon: "Njesite e forcave ushtarake te SHBA-se lejohen te kryejne veprimet e pershtatshme ndaj cdolloj kercenimi apo rreziku, qe mund te cenoje sigurine e vizites, duke perdorur, nese eshte e nevojshme, edhe forcen, ne perputhje me intensitetin e rrezikut apo te kercenimit". "Eshte nje akt diskriminues. Ne nuk jemi ne vitin 1997. Jemi nje vend i qete dhe nuk ka asnje arsye qe te vijne ushtaret amerikane per te garantuar sigurine", tha Fino. Por perfaqesuesi i Ministrise se Mbrojtjes, Ndue Marku, u shpreh se prania e tyre eshte e nevojshme, ashtu si miratimi me urgjence i aktit normativ. Kjo sepse, sipas Markut, ne kete menyre i paraprihet ndonje sulmi ajror, si ai i 11 shtatorit ne Amerike. Marku u shpreh se miratimi i ketij akti eshte i nevojshem per garantimin e sigurise. Ndonese votoi pro aktit, rezerva pati edhe nenkryetari i Komisionit te Ligjeve, Fatmir Xhafaj. Nenkryetari pyeti nese masa te tilla i ploteson marreveshja e nenshkruar kohe me pare. "Jo, marreveshjet e nenshkruara deri me sot nuk parashikojne asnje nga pikat qe ka akti. Pasi ushtaret amerikane do te vijne per te siguruar sulme qe mund te jene si ato te 11 shtatorit", u pergjigj Marku. Sipas aktit normativ, qe i eshte percjelle sot me urgjence seances plenare, do te lejohet para 10 qershorit, hyrja qendrimi dhe levizja ne territorin e Shqiperise, te njesive te forcave ushtarake te SHBA si dhe mjeteve te tyre ushtarake per pjesemarrje ne operacionin e perbashket per masat e sigurise para dhe gjate vizites se Presidentit te SHBA-se ne Shqiperi. "Republika e Shqiperise, ne kuader te operacionit te perbashket per masat e sigurise, ve ne dispozicion hapesiren tokesore, detare dhe ajrore, perfshire portet dhe aeroportet, si dhe krijon lehtesite e nevojshme per kryerjen e ketij misioni", thuhet ne aktin normativ. Per sigurine e vizites se Presidentit Bush do te ofrojne bashkepunimin e tyre dhe do te jene ne gatishmeri pjesa me e madhe e ministrive si ajo e Mbrojtjes, e Jashtme, e Brendshme, ministria e Transportit, Financave si dhe Sherbimi Informativ Shteteror e strukturat ne varesi te tij.

Shkurt

Aksesi

Kuvendi do te lejoje sot, me nje akt te posacem, hyrjen dhe qendrimin ne Shqiperi te forcave ushtarake te Shteteve te Bashkuara te Amerikes dhe te mjeteve te tyre ushtarake, me rastin e vizites se Presidentit te SHBA-se, Xhorxh Bush, ne vendin tone. Forcat ushtarake do te vijne para dhe gjate vizites se Presidentit amerikan per operacionin e perbashket te sigurise.

Te drejtat

Pervec ardhjes dhe qendrimit ne Shqiperi, forcat ushtarake te SHBA, qe do te vijne me rastin e vizites se Presidentit Bush ne Shqiperi, do te kene edhe te drejte qe te nderhyjne, te kryejne veprime te pershtatshme ndaj cdolloj kercenimi apo rreziku qe mund te cenoje sigurine e vizites. Madje, ushtaret kane te drejte, sipas aktit qe do miratohet sot, te perdorin edhe forcen ne rast kercenimi.

Hapesira ajrore

Per te lejuar veprimtarine e forcave ushtarake amerikane gjate vizites se Presidentit Bush ne Shqiperi, vendi yne, ne kuader te operacionit te perbashket per masat e sigurise, ve ne dispozicion hapesiren tokesore, detare dhe ajrore. Perfshire ketu edhe portet, aeroportet si dhe merr persiper qe te krijoje hapesira tokesore, detare dhe ajrore per kryerjen e ketij misioni. Nje gje e tille eshte bere dhe ne vitin 1999, ne kohen e luftes ne Kosove, po me vendim Parlamenti.

Gatishmeria

Ministrite do te jene te gatshme te ofrojne ndihmen e tyre gjate vizites se Presidentit Bush ne Shqiperi. Ministria e Jashtme ajo e Mbrojtjes, e Brendshme, e Transportit, Financave, por edhe Sherbimi Informativ Shteteror dhe institucione te tjera ne varesi te tyre do jene te gatshme te ofrojne bashkepunim, sipas objektit te veprimtarise shteterore, ne perputhje me ligjet ne fuqi.

Emergjenca

Akti normativ per masat e sigurise, qe do te merren gjate vizites se Presidentit Bush me 10 qershor, u dorezua dje me urgjence ne Komisionin arlamentar te Ligjeve. Me konsensus te plote, anetaret e majte dhe te djathte te komisionit pranuan qe forcat ushtarake te kene te drejte te reagojne ndaj ndonje kercenimi te mundshem. Akti do votohet me urgjence ne seancen e sotme plenare.

Perjashtimi

Vetem deputeti socialist, Bashkim Fino, abstenoi ndaj aktit per masat e sigurise me 10 qershor, diten kur Presidenti i SHBA Xhorxh Bush do te vizitoje Shqiperine. Socialisti refuzoi te votoje nje akt, qe, sipas tij, e diskriminon vendin tone te qete. Fino u shpreh se, per sa kohe Shqiperia eshte nje vend i qete e pa probleme, nuk ka pse te merren masa te tilla.
 




____________
Direktoria , Galeria


Piracy is a crime! So, am I a criminal?

Qeveria shqiptare ka vendour të shpenzojë rreth 950 mijë euro për ristrukturim të godinave të kryeministrisë, ministrisë së jashtme si dhe për disa subvencione me rastin e vizitës disaorëshe në Tiranë të presidentit amerikan Bush pas 10 ditësh.

Autoritetet po marrin masa të shumta për rritjen e sigurisë në vend dhe organizimin sa më të mirë të kësaj vizite historike.

Në faqen e internetit të Qeverisë nuk thuhet se këto shpenzime do të kryhen enkas për vizitën e presidentit amerikan, por mediat lokale po njoftojnë hollësi rreth mënyrës së shpenzimit të tyre.

Një pjesë e fondeve pritet të shpenzohen për dekorimin e Tiranës me flamuj shqiptarë dhe amerikanë dhe pankarta për t’i uruar mirëseardhjen delegacionit dhe zotit Bush.

Shpenzime të veçanta do të shkojnë për përmirësimin e pamjes së ambienteve dhe zyrave që do të vizitojë presidenti Bush, ashtu si dhe për drekën speciale që kryeministri do të shtrojë për mysafirin e rallë e për dhuratat e rastit.

Tirana e mobilizuar

10 ditë para vizitës, Tirana zyrtare është tërësisht e mobilizuar. Vizita me të drejtë quhet historike. Parlamenti pritet të miratojë me shpejtësi një akt të jashtëzakonshëm me anë të të cilit i hapet drita jeshile hyrjes në vend dhe veprimeve mbrojtëse të njësive speciale të ushtrisë amerikane që merren me sigurimin e presidentit Bush.

Në një njoftim të disa javëve më parë, ambasada amerikane në Tiranë kujdesej që vizita e presidentit Bush të interpretohej si një akt miqësie dhe mirënjohjeje për të gjithë popullin shqiptar, pa krijuar shtigje për parapëlqime politike për njerin apo tjetrin krah.

Por këtu është e qartë se Qeveria vetëndjehet fort e mbështetur nga kjo ngjarje, kurse elementë të opozitës me vështirësi e fshehin xhelozinë që kjo ngjarje e shënuar për Shqipërinë ndodh kur në pushtet janë kundërshtarët politikë.

BBC ka mbledhur disa prononcime në Tiranë nga zyrtarë, intelektualë dhe studentë në lidhje me vizitën e Bush, që vijojnë si më poshtë.

1. Aureli, student nga Tirana

Është ngjarje historike për popullin shqiptar. Shpresoj të kemi përfitime, por ndonjë përfitim shumë i madh nuk pretendohet.

2. Elvini, student nga Tirana

Eshtë ngjarje e madhe. Natyrisht që na nderon me ardhjen e tij. Ajo tregon përkrahjen për çështjen e Kosovës. Mirësetëvijë edhe herë tjetër.

3. Oltion, student nga Kuçova

Eshtë një ditë e veçantë për popullin shqiptar dhe për ne studentët. Shpresoj të jetë një gjë e madhe për të ardhmen e Shqipërisë për integrimin në NATO.

4. Dorina nga Media PR, Durrësi

Mbështetja amerikane është një "faleminderit" për gadishmirinë që kanë treguar shqiptarët si për shembull për të dërguar trupa në Irak. Unë kam punuar me amerikanët, komunikimi me ta është shumë i hapur dhe tolerant.

5. Sllavka, studente nga Durrësi

Pavarësisht se Shqipëria është një shtet i vogël, Shtetet e Bashkuara e kanë patur atë në qendër të vëmendjes. Vizita e Bushit e tregon këtë më së miri. Por ashtu edhe për Kosovën. Roli që SHBA-ja po luan për pavarësinë e saj është shumë i madh.

6. Ermira, studente nga Tirana

Shqiptarët e duan Amerikën. Unë personalisht kam dashur të shkojë në Amerikë, por nuk më kanë dhënë vizë. Kjo është ardhur keq. Justifikime të pavlera për mospajisjen me vizë na bëjnë të ndihemi të diskriminuar.

7. Gerald, student nga Durrësi

Shqiptarët e duan më shumë Amerikën sesa Evropën për ndihmën që ka dhënë.

8. Olsi, student nga Durrësi

Më pëlqejnë amerikanët se ata i kemi për ndihmë në aspektin ekonomik dhe aspektin e integrimit.

9. Ervin Hatibi, shkrimtar

Premtimi i Amerikës është kaq fort i ngulitur tek njerëzit sa nuk ka ndonjë lloj ideologjie që mund ta konkurojë këtë, pasqyerë bilancesh apo faktesh për ndihma që mund ta relativizojnë atë. Populli shqiptar shquhet nga pragmatizmi. Unë mendoj se është edhe një farë presioni popullor ndaj Evropës që të jetë më e hapur. Për pro-amerikanizmin pika e Kosovës në opinionin popullor është një pikë e fortë për këtë.

10. Arte Dade, Sekretare për Marrëdhëniet me Jashtë në PS

Vizita e Presidentit Bush në Tiranë është historike edhe për faktin se Shqipëria ndodhet në një moment delikat dhe historik. Ne shpresojmë që të realizohet ftesa për anëtarësim në Nato. Kjo vizitë do ta vërë Shqipërinë në fokus të opinionit botëror, por edhe të rajonit. Shqipëria është para momentit historik siç është përcaktimi i statusit përfundimtar të Kosovës. SHBA-ja ka qënë në pararojë të përpunimit të opsioneve dhe të formësimit të këtij shteti të ri që krijohet në rajonin tonë.
 




____________
Direktoria , Galeria


Piracy is a crime! So, am I a criminal?

Presidenti amerikan Xhorxh Ë.Bush rrëfen arsyet e vizitës së tij në Shqipëri, mendimi që ai ka për vendin tone si dhe qëndrimi i SHBA-së për Kosovën.

"Këshilla ime e vetme është: punoni sa më shumë për të arritur standardet që do t'i shtynte vendet anëtare të NATO-s të pranonin kërkesën e Shqipërisë"

Zoti President, fillimisht ju falënderoj për mundësinë që më dhatë mua dhe publikut shqiptar me këtë intervistë. Cila është arsyeja që kësaj rradhe përfshitë Shqipërinë në turin tuaj europian ?

Është një pyetje interesante. Në rradhë të parë dua të sigurohem që të gjithë shqipëtarët ta kuptojnë se Amerika e di që ju ekzistoni dhe gjendeni përballë zgjedhjesh të vështira për të forcuar shoqërinë tuaj të lirë. Unë vij si një dashamirës i lirive në një vend ku njerëzit i dinë të mirat e lirisë. E dyta, më kanë bërë përshtypje udhëheqësit juaj. Kam takuar liderët tuaj në kohë të ndryshme.

Ju kanë bërë përshtypje, në çfarë sensi?

Në sensin që janë të vendosur për të njëjtat ideale si edhe SHBA, besojnë në disa liri të caktuara. Njerëzve duhet t'u jepet mundësia të jetojnë në një shoqëri të lirë, dhe kështu mesazhi im është: ne e mirëpresim miqësinë tonë, jam shumë krenar për punën e madhe që keni bërë dhe jam veçanërisht mirënjohës që jam i pari President në fuqi që vizitoj Shqipërinë.

Vizitë historike! Shqipëria po shpreson të marrë një ftesë në samitin e ardhshëm për t'u anëtarësuar në NATO në vitin 2008. Sa realiste është kjo shpresë për Shqipërinë?

Mesazhi im për qeverinë shqiptare dhe popullin shqipëtar është ky: së pari faleminderit për interesin tuaj për t'u anëtarësuar në NATO. Sikurse u kam thënë edhe vendeve të tjera që janë në këtë fazë të procesit, ka një hartë të caktuar që duhet respektuar, ka një rrugë për t'u ndjekur, disa detyrime që duhet të përmbushen. Këshilla ime e vetme është: punoni sa më shumë për të arritur standartet që do t'i shtynte vendet anëtare të NATO-s të pranonin kërkesën e Shqipërisë.

Le të kalojmë tek pika më e nxehtë, Kosova. Në fillim të javës ju morët një telefonatë nga Presidenti rus Vladimir Putin. Ratë dakort për të ridiskutuar të ardhmen e Kosovës, përsëri. Shqipëtarët janë të shqetësuar për këtë. A prisni të bëni ndonjë kompromis të mundshëm me rusët që mund të prekë planin "Ahtisari" ashtu siç është tani?

Le të qartësojmë atë që thashë.

Se të gjithë shqiptarët janë të shqetësuar për këtë.

Po janë të shqetësuar, sigurisht, por është një çështje e vështirë. Por nuk duhet të shqetësohem për pozicionin tim. Unë e kam bërë të qartë se mbështes planin e Ahtisarit dhe këto janë udhëzimet që i kam dhënë Sekretares së Shtetit Rais. Ajo është shumë dakort me mua. Këto do të jenë udhëzime që do t'u japim Kombeve të Bashkuara. Unë nuk di si mund të komentohet telefonata ime me Vladimir Putin, por siç i thashë edhe atij në telefon "shiko, ne shpresojmë të evitojmë një konflikt të madh në rajon". Por ne besojmë se plani i Ahtisarit është rruga e duhur për të ecur përpara. Dhe ky është pozicioni i SHBA-së.

Në rast se Rusia përdor veton e saj muajin e ardhshëm në Këshillin e Sigurimit, a kanë SHBA një plan"B" për Kosovën?

Plani "A" është që të mundohemi që plani "A" të funksionojë.

Dhe nëse plani "A" nuk funksionon ?

E di çfarë ti po më kerkon, të hamendësoj, meqë ra fjala kjo ndodh edhe me shtypin amerikan. Ata thonë: "Nëse diçka nuk ndodh", puna ime është që pikësëpari kjo të ndodhë. Ne po mundohemi të bindim të gjithë anëtarët e Këshillit të Sigurimit të Kombeve të Bashkuara që të mbështesin planin e Ahtisarit dhe po parashtrojmë shpjegimet tona se pse ky plan është i arsyeshëm dhe si ky plan do të vendoste paqen. Gjithashtu ne shpresojmë që komuniteti europian dhe NATO do të vazhdojnë të bashkëpunojnë me Serbinë që të ndihmojnë edhe ata të ecim perpara. T'ju japë edhe atyre një mundësi që të jenë pjesëmarrës në disa struktura europiane. Dhe në rastin e NATO-s, një mundësi për t'u anëtarësuar në NATO, me SHBA si partner.

Më lejoni të jem i sinqertë. Të jemi të ndershëm, në rajon është shumë e lehtë të gjesh një qeveri pro-amerikane, por nuk është po kaq e lehtë të gjesh opinion publik pro amerikan. A kane SHBA ndonjë strategji që ta ndryshoje këtë trend, në mënyrë që politika amerikane të jetë më efikase në planin afatgjatë?

Pikë së pari, njerëzit më pyesin për popullaritetin, qoftë brenda, qoftë jashtë kufinjve. Një lider s`mund të marrë vendime duke u përpjekur të fitojë popullaritet. Vendimet merren për hir të së drejtës. Unë kam marrë vendime, për të mirën e SHBA-së ndonjëherë ato ma rrisin popullaritetin, ndonjëherë bën efektin e kundërt. Popullariteti shkon e vjen, por disa parime duhet të jenë të qëndrueshme. Unë besoj se SHBA duhet të përballet me tiraninë, sëmundjet dhe urinë. Besoj se SHBA duhet të sigurojnë territorin e saj nga sulmet e tjera. Dhe unë do të ndërmarr veprimet e nevojshme për këtë. Shpresoj që të tjerët ta kuptojnë pse. Dua që njerëzit ta kuptojnë arsyen e vendimit. Dua që njerëzit ta respektojnë vendin tim dhe të pëlqejnë amerikanët, dhe shumica i pëlqejnë amerikanët. Ndonjëherë e pëlqejnë presidentin amerikan, ndonjëherë nuk e pëlqejnë. Por popullariteti është ..... unë do të bëja pyetjen "a do të vazhdoje të merrje vendime mbi parime të forta?"dhe përgjigjja është: absolutisht po.

Dhe më lejoni t'ju bëj një pyetje fëminore. Është hera juaj e parë në Shqipëri dhe çdokush pyet veten, çfarë i shkon në mendje Presidentit Bush kur dëgjon fjalën Shqipëri?

Një bregdet i bukur, histori interesante, njerëz musliman që mund të jetojnë në paqe, kjo më vjen në mendje. Mezi pres të vij. Të them të drejtën, mendova edhe për kohët e errëta të komunizmit, kur shoqëria ishte një shoqëri e mbyllur. Kam takuar shumë shqipëtarë që janë të gëzuar që jetojnë në një shoqëri të lirë. Mezi pres të vij në vendin tuaj. Kam dëgjuar gjëra shumë të mira për të dhe do të jetë një udhëtim interesant për mua dhe për Laurën.
 




____________
Direktoria , Galeria


Piracy is a crime! So, am I a criminal?

Shqipëria po përgatitet këto ditë për vizitën e Presidentit Bush më 10 qershor. Presidenti do të shkojë në Shqipëri në kuadër të turneut në Evropë, ku do të marrë pjesë në takimin e udhëheqësve të 8 vendeve më të industrializuara në Gjermani. Në Shqipëri, vizita është këto ditë në qendër të vëmendjes së politikanëve, të cilët shpresojnë që ajo të kontribuojë për konsolidimin e imazhit të vendit në këto momente kur Shqipëria pret anëtarësim në NATO vitin e ardhshëm dhe kur çështja e Kosovës ka hyrë sot në fazën përfundimtare të përcaktimit të statusit të saj. Për të folur për domethënien e kësaj vizite, Zëri i Amerikës i mori këtë intervistë shkrimtarit të shquar shqiptar Ismail Kadare.

Zoti Kadare, që kur u njoftua vizita, në Shqipëri është folur shumë për të, është nga ato rastet e ralla që bashkon politikën shqiptare. Por unë doja të dija mendimin tuaj, në veprat tuaja, ndonëse artistike, ju keni trajtuar gjerësisht aspekte të marrëdhënieve të Shqipërisë me fuqi të mëdha, që nga perandoria otomane, Bashkimi Sovjetik, e deri tek Kina. Si e shihni ju sot afrimin e Shqipërisë me Shtetet e Bashkuara?

Natyrisht, shprehja më e shpeshtë që po përdoret këto ditë dhe me të drejtë, kjo vizitë quhet historike. Ngaqë shprehja përdoret shpesh, nuk na duket kaq e fortë, po të kishim një tjetër më të fortë, natyrisht atë do të përdornim. Vizita është më se historike, vizita më e madhe që ka ndodhur ndonjëherë në vendin tonë. Shqipëria i ka njohur raportet me shtetet e mëdhenj, me shefat e mëdhenj, si të thuash, për fatin e keq të saj. Pa dashur të zgjatem në histori, meqënëse ju e përmendët perandoninë otomane, le të kujtojmë që Mehmeti i Dytë, perandori i otomanëve, që pasi rrëzoi Kostandinopojën, domethënë rrëzoi gjysmën e qytetërimit të atëhershëm, erdhi në Shqipëri që të përgatitej për të sulmuar Evropën, ta bënte rafsh. Pas kësaj, Shqipëria për fat të keq u rrëzua bashkë me gjysmën e parë të qytetërimit evropian. Në jetën e saj të mëvonshme si shtet, Shqipëria ka njohur shumë miqësira, raporte, miqësira përgjithësisht të mbrapshta, me sovjetikë, me kinezë, me shefat e tyre. Por për një orientim të gabuar që ka patur, të gjitha këto kanë qënë ndesh me interesat e saj dhe bilanci i historisë shqiptare është përgjithësisht negativ, për shkak të tyre. Ka disa vite, e dinë të gjithë, që kjo gjendje u përmbys për fatin e mirë të kombit shqiptar dhe vizita e presidentit amerikan, do të shënojë kulmin e kësaj gjendje të re. Prandaj edhe një herë e përsëris, është një vizitë mëse historike, është ngjarja më e madhe, që ka ndodhur në historinë e kombit shqiptar.

Në qoftë se i hedhim një vështrim marrëdhënieve më moderne, atyre të 15 viteve të fundit midis Shqipërisë dhe Amerikës, janë disa momente interesante, si marrëdhëniet e ngushta të krijuara menjëhere pas rënies së komunizmit, më pas ndodhi ajo që shqiptarët e quajnë, shpëtimi i Kosovës nga regjimi i Millosheviçit, për të ardhur më tej tek lufta kundër terrorizmit. Çfarë është në qendër të kësaj miqësie midis një vendi të vogël dhe shtetit më të fuqishëm demokratik?

Mendoj se është një dukuri jo fort e shpeshtë, por një dukuri shumë prekëse do të thosha, kur një shtet i vogël dhe një shtet i madh diçka i bashkon. Këtu gjithë njerëzit kanë në majë të gjuhës, në këto raste interesat, por nuk më duket se ka pasur ndonjë interes, as nga njëra palë as nga tjetra. Dihet që me rënien e komunizmit në mënyrë të vetvetijshme, populli shqiptar, pa qënë i organizuar nga ndonjë propogandë, nga ndonjë administratë për këtë gjë, shfaqi një dashuri të madhe, një shpresë të madhe për Shtetet e Bashkuara të Amerikës. I mësuar gjatë gjysmë shekulli, që ky shtet i madh demokratik të ishte nën kamzhikun e propogandës komuniste, populli shqiptar me intuitën e tij, dhe ishte nga gjërat më të mira që ka pasur në këtë intuitë, e kuptoi se ka qënë krejtësisht e kundërta. Ai orientimi i gabuar që u kthye në orientimin e duhur, domethënë ky kthimi i Shqipërisë drejt qytetërimit perendimor, që i kishte humbur, kjo gjë u shoqërua nga një dashuri tepër e sinqertë për shtetin më të madh perendimor. Ka gati 100 vjet që Shqipëria po kërkon t’i kthehet kontinentit që e ka humbur dhe ky kthim vërtetë ka qënë tepër i vështirë, derisa është kaq i gjatë dhe është interesante të kujtojmë që Shqipëria e humbi Evropën në kohën që Evropa po themelonte, po lindte Amerikën. Shikoni pra sa e vjetër është kjo dramë. Lidhja e Shqipërisë me Shtetet e Bashkuara është një lidhje e thellë, nuk është një lidhje thjesht konjukturale dhe politike. Për Shqipërinë Shtetet e Bashkuara nuk janë vetëm shteti më i madh demokratik i botës, ushtria e të cilit, siç thatë ju, ndërhyri, kryesoi në ndërhyrjen e aleancës së Natos në Kosovë për lirinë e popullit shqiptar. Shtetet e Bashkuara janë për kombin shqiptar kështjella kryesore e qytetërimit perendimor, do të shtoja e qytetërimit të rrezikuar perendimor. Prandaj duke shpallur miqësinë ndaj shtetit amerikan, Shqipëria shpall përkatësinë e saj në këtë qytetërim. Me aq forcë sa ka, me forcën e saj modeste ajo renditet në mbrojtjen e këtij qytetërimi.

Shembulli më i mirë, i asaj që thatë ju “me aq forcë sa ka”, është mbështetja që Shqipëria po i jep sot luftës kundër terrorizmit që kanë filluar Shtetet e Bashkuara. Në këtë kuadër, edhe ju, një nga intelektualët më të njohur shqiptarë në botë, në fillim të kësaj lufte keni shkruar pro saj, në Francë, në një kohë që Evropa ishte dhe është skeptike. Sa ka ndikuar ky qëndrim i Shqipërisë, për marrëdhëniet e sotme shqiptaro-amerikane?

Unë mendoj se sigurisht ka ndikuar sepse ju thashë, ne nuk propozuam shumë regjimente në këtë luftë, nuk kishim ndonjë teknikë të madhe ushtarake, por përkushtimin tonë dhe me sa duket në këtë luftë lot një rol ana morale. Domethënë këto janë gjëra të reja që po ndodhin në këto vitet e fundit, sikurse edhe lufta e Kosovës ka qënë një luftë e rallë me motive morale në historinë e botës. Prandaj janë gjëra të reja, për fat të mirë me vlerë të madhe, që po ndodhin dhe prandaj përkushtimi shqiptar në këtë luftë është prekës vërtetë. Prekës për aleatët tanë, prekës për ndërgjegjen tonë. Dhe ne pa çarë kokën për ironitë e tërthorta, pa komplekse, Shqipëria pra është bashkuar në këtë front sepse kjo aleancë perëndimore, ky qytetërim perendimor, është familja natyrale e shqiptarëve dhe ata mbrojnë në këtë rast familjen e tyre, aq sa janë, pavarësisht se janë të vegjël. Ne e dimë që jashtë këtij qytetërimi Shqipëria nuk ka jetë, prandaj kjo renditje është e natyrshme dhe e sinqertë.

Shqipërisë mbështetja nga perëndimi nuk i ka munguar edhe më parë, megjithatë, shpesh, si rezultat i luftës së brendshme, madje edhe në këto momente që ne po flasim, Shqipëria vazhdon të jetë e tejkonsumuar nga politika e brendshme, duket se vendi ka humbur disa shanse. Sa dëmtohet Shqipëria, imazhi i saj, nga problemet e brendshme, nga fakti që gjithmonë thërret të huajt për ndihmë për të dalë nga kriza?

Kjo është e vërtetë, imazhi që ne kemi përpara botës dhe këtë e dimë të gjithë, nuk ka nevojë për ta argumentuar. Do të thosha se ky imazh i keq, që është një fatkeqësi për ne, që jemi të detyruar të jetojmë siç jetohet me një sëmundje, që e kap nganjëherë njeriun, e kap edhe një popull, të jetojmë ca kohë me këtë sëmundje duke shpresuar që do të kalojë. Ky imazh i keq përpara se të krijohet nga gangsterët apo prostitutat, sepse është gjetur një alibi si të thuash, se këta na prishin punë, mendoj se e krijon tjetër gjë, mendoj se e krijon niveli i ulët i politikës shqiptare, ajo që thatë ju, ky konsumizëm politik i lodhshëm dhe aspak i këndshëm për veshin tonë, pa le pastaj për veshin e të huajve. Makina e politikës shqiptare është e ndryshkur, e prapambetur, punon shtrak e shtruk, ngaqë është e prishur nga urrejtja. Maksima e njohur, që çdo popull ka atë qeverisje që meriton, mendoj se në Shqipëri po kthehet në të kundërtën. Ky popull ka pikërisht atë qeverisje që nuk e meriton. Shqipëria meriton më shumë. Vizita e presidentit amerikan mendoj e vërteton ndër të tjera edhe këtë gjë, se Shqipëria meriton më tepër.

Zoti Kadare, të kthehemi edhe një herë tek vizita e Presidentit Bush. Ndonëse po bëhet në Shqipëri, vizita ndodh në një moment kur Kosova është shumë pranë zgjidhjes së statusit të saj. Në këtë kuptim, çfarë ndikimi do të ketë kjo vizitë?

Mendoj se vizita do të ketë ndikim për të dhënë mesazhin që Ballkani është i rëndësishëm për Evropën, por nuk duhet harruar që Shqipëria është e rëndësishme për Ballkanin. Prandaj ka një lidhje logjike midis paqes dhe stabilitetit në Evropë, me stabilitetin e këtij gadishulli dhe stabiliteti i këtij gadishulli nuk mund të kuptohet pa Shqipërinë, se Shqipëria është një vend i rëndësishëm. Është bërë prej vitesh një propogandë që Shqipëria është një vend i vogël, një vend i parëndësishëm. Kanë dashur me këtë gjë madje të sugjestionojnë edhe vetë shqiptarët që t’i krijojnë një kompleks, domethënë kompleksin e vogëlsisë që është një nga më të këqinjtë e më të rrezikshmit për një popull. Prandaj kjo vizitë, nga kjo anë, është shumë e rëndësishme dhe ne duhet të jemi jashtëzakonisht të ndërgjegjshëm për këtë gjë, sepse një popull duhet të kuptojë kur i troket e keqja në port. Por një popull gjithashtu, po aq ka rëndësi të kuptojë kur i troket e mira. Ne duhet të presim me dashuri dhe brohoritje presidentin amerikan dhe kjo është e natyrshme por ndërkaq s’duhet të harrojmë se bashkë me to ne duhet të kuptojmë përse ai vjen, pra atë që thatë ju. Ai është mysafiri i kombit shqiptar, më i madhi mysafir që ka ardhur tek ne deri më sot. Me fjalë të tjera ai është mysafiri i lirisë sonë dhe i shpresës sonë.
 




____________
Direktoria , Galeria


Piracy is a crime! So, am I a criminal?

1. Ndërprerje të qarkullit të makinave në disa akse rrugorë për disa orë me radhë
2. Në çdo ndërtesë të lartë do të jetë një person me snajper
3. Të gjithë punonjësit e policisë si dhe Gardës, ushtrisë, SHISH, do të jenë në punë dhe asnjë nuk do të jetë pushim
4. Lokalet, dyqanet që ndodhen afër godinave që do të vizitohen nga presidenti amerikan Bush do të mbyllen për disa orë
5. Punonjësit e Policisë Rrugore si dhe ato të rendit do të jenë në çdo cep të rrugës
6. Policia shqiptare do të bashkëpunoj edhe me agjent të sigurisë amerikane
7. Punonjësit e SHISH janë në vëzhgim të pa ndërprerë
8. Në institucionet shtetërore do të shtohet numri i policëve të objekteve
9. Policë privatë do të jenë në gatishmëri ditën e ardhjes në Shqipëri të presidentit Bush
10. Forcat Komando, Delta Forcë që kanë qenë me mision jashtë Shqipërisë do të jenë në gatishmëri në vendet e caktuara
 




____________

Lot Dielli

Shqiptarët mendojnë se vizita e presidentit Bush në Shqipëri do të ketë impakt pozitiv në disa çështje që lidhen me Shqipërinë dhe Kosovën. Kështu, shumica e shqiptarëve mendojnë se kjo vizitë do të ketë ndikimin e saj në zgjidhjen e statusit të Kosovës dhe po ashtu, shumica e tyre mendojnë se SHBA-të do të njohin pavarësinë e Kosovës, pavarësisht vetos në Këshillin e Sigurimit të OKB-së. Të dhënat kanë dalë nga një sondazh që ka organizuar prej disa ditësh Zyra për Mbrojtjen e Qytetarëve, në të cilin janë intervistuar afro 1300 qytetarë në Tiranë, Durrës, Shkodër, Vlorë. Shqiptarët janë të bindur gjithashtu se vizita e presidentit amerikan do të ketë ndikim të rëndësishëm në integrimin e Shqipërisë në NATO.

“Nëpërmjet këtij sondazhi të parë në llojin e tij, Zyra për Mbrojtjen e Qytetarëve ka mundur të grupojë dhe analizojë një sërë perceptimesh dhe opinionesh të ndryshme, të cilat hedhin dritë mbi frymën politike apo tendencat kombëtare të shqiptarëve për disa nga çështjet më të rëndësishme politike, por në veçanti mbi qëndrimin popullor mbi marrëdhëniet shqiptaro-amerikane”, - thanë drejtuesit e CAO-s. “Në këtë anketim, - deklaroi Kreshnik Spahiu, - vihet re se shqiptarët në mënyrë masive shpresojnë në një mbështetje të fuqishme të diplomacisë amerikane për të fituar statusin e Kosovës. 61.7 % e të intervistuarve gjykojnë se vizita e presidentit Bush do të ndikojë shumë në zgjidhjen e statusit të Kosovës, 24 % gjykojnë se kjo do të ndikojë disi, 7.8 % , pak dhe vetëm 6.2% aspak".

Po sipas këtyre opinioneve, rezulton se 67 % e shqiptarëve besojnë se SHBA-të do ta njohin pavarësinë e Kosovës edhe në rast të një vetoje kundër në Këshillin e Sigurimit të Rusisë për këtë çështje, 11.6% besojnë pak se SHBA-të nuk do të bëjnë një njohje të Kosovës në këtë rast dhe 21.4% nuk kanë një ide të qartë për këtë dilemë.

Anëtarësimi në NATO

Për sa i përket synimeve të Shqipërisë dhe mundësisë për të marrë ftesën në Samitin e ardhshëm të Bukureshtit për anëtarësim në NATO, 74 për qind e qytetarëve vlerësojnë se vizita e presidentit Bush do të ndikojë fuqimisht që Shqipëria të anëtarësohet në këtë aleancë, 8.8% nuk besojnë që kjo vizitë do ndikojë dhe 16.9% nuk janë të sigurt për këtë çështje.

“Nga ana tjetër, Zyra për Mbrojtjen e Qytetarëve, - shtoi Kreshnik Spahiu, - vëren se një përqindje e caktuar e publikut nuk e katë qartë se çfarë përfaqëson NATO. 12% deklarojnë se NATO është organizatë amerikane dhe 28% e tyre mendojnë që NATO është organizatë evropiane”.

Ndikimi i vizitës

Në anketimin e zhvilluar nga ekspertët dhe sociologët e ZMQ-së me qytetarët rezulton se ka një diversitet opinionesh në lidhje me ndikimet që do të ketë vizita e presidentit Bush në marrëdhëniet shqiptaro-amerikane. 11% mendojnë se ato do të ndikojnë në marrëdhëniet diplomatike, 12% në ato ushtarake, 12% në ato ekonomike, 2% kulturore, 0% në ato sportive, 11% politike po që ka dhe një 6% që gjykon ose mendon se kjo vizitë mund të ndikojë edhe në lëvizjen e lirë, pra në liberalizimin e vizave amerikane për shqiptarët.

Zyra për Mbrojtjen e Qytetarëve ka konceptuar nëpërmjet këtij vëzhgimi se ka një pritshmëri në rritje të shqiptarëve për SHBA-të në raport me vendet e tjera evropiane, në referencë të përfaqësimit dhe mbrojtjes së interesave kombëtare që SHBA-të krahasuar me këto vende i bëjnë çështjeve dhe sfidave shqiptare. Për këto arsye, një nga gjetjet më të rëndësishme të këtij vëzhgimi janë opinionet në lidhje me perceptimin e qytetarëve, se cili shtet është avokati më i mirë i interesave shqiptare. Në krye të listës janë SHBA-të, për të cilën 61% e qytetarëve kanë bindjen se është mbrojtësi më i mirë i interesave të kombit shqiptar, afro 10% shprehen pro Italisë, 8.5% për Turqinë, 8.5 % pro NATO-s me nga 1.5% Franca dhe Britania e Madhe, 0.7% Greqi dhe Gjermani dhe asnjë i anketuar nuk shprehet për Rusinë dhe rolin e saj.

Ndërkohë, afro 59% perceptojnë se pjesëmarrja e trupave ushtarake shqiptare në Irak ndikon shumë pozitivisht në marrëdhënet me SHBA-të, 8.5 % vlerësojnë se kjo nuk ndikon aspak, 25% disi dhe afro 7% mendojnë se kjo ndikon pak.

Zyra për Mbrojtjen e Qytetarëve nënvizon edhe njëherë se ka një pritshmëri në dukje më të madhe për SHBA-të, krahasuar me çdo diplomaci evropiane, për mbështetjen që Shqipëria mund të marrë në zgjidhjen e shumë çështjeve shqiptare, si dhe ka një besim të qartë që SHBA-të do të përdorin të gjitha mjetet në zotërim të tyre në marrëdhëniet ndërkombëtare për të njohur pavarësinë e Kosovës.

SHBA, avokatët më të mirë të interesave shqiptare

Zyra për Mbrojtjen e Qytetarëve ka konceptuar nëpërmjet këtij vëzhgimi se ka një pritshmëri në rritje të shqiptarëve për SHBA-të në raport me vendet e tjera evropiane në referencë të përfaqësimit dhe mbrojtjes së interesave kombëtare që SHBA-të krahasuar me këto vende i bëjnë çështjeve dhe sfidave shqiptare. Për këto arsye, një nga gjetjet më të rëndësishme të këtij vëzhgimi janë opinionet në lidhje me perceptimin e qytetarëve, se cili shtet është avokati më i mirë i interesave shqiptare. Në krye të listës janë SHBA-të, për të cilën 61% e qytetarëve kanë bindjen se është mbrojtësi më i mirë i interesave të kombit shqiptar, afro 10% shprehen pro Italisë, 8.5% për Turqinë, 8.5 % pro NATO-s me nga 1.5% Franca dhe Britania e Madhe, 0.7% Greqi dhe Gjermani dhe asnjë i anketuar nuk shprehet për Rusinë dhe rolin e saj.

Qytetarët: Do të donim ta shihnim në shesh

Zyra për Mbrojtjen e Qytetarëve nëpërmjet këtij anketimi vëren se afro 30% e qytetarëve do të kishin dëshiruar ta ndiqnin vizitën e presidentit Bush në rrugë apo në sheshe, por kjo dëshirë shprehet e kushtëzuar nga mundësitë për ta relizuar, 56 % e tyre deklarohen se do ta ndjekin nëpërmjet medias dhe mjeteve të tjera të informacionit si mundësia më e mirë për të vëzhguar çdo detaj të kësaj vizite, por ndërkohë që 13.8 % shprehen se nuk do ta ndjekin këtë vizitë. Ndërkohë, afro 59% perceptojnë se pjesëmarrja e trupave ushtarake shqiptare në Irak ndikon shumë pozitivisht në marrëdhënet me SHBA-të, 8.5 % vlerësojnë se kjo nuk ndikon aspak, 25% disi dhe afro 7% mendojnë se kjo ndikon pak. Ndërsa një përqindje e caktuar e publikut nuk e ka të qartë se çfarë përfaqëson NATO. 12% deklarojnë se NATO është organizatë amerikane dhe 28% e tyre mendojnë që NATO është organizatë evropiane.
 




____________
Direktoria , Galeria


Piracy is a crime! So, am I a criminal?

TIRANË- Dy civilë të huaj shtrëngojnë ndër duar hartat e aeroportit "Nënë Tereza" në Rinas. Brenda pak minutash, lëvizin sa në një cep të aeroportit në tjetrin, por nuk tërheqin asfare vëmendjen e njerëzve të shumtë në holl. Në fakt, më shumë sesa dy civilët që studiojnë në detaje gent-planin e aeroportit, në qendër të vëmendjes së njerëzve që vijnë e ikin nga Shqipëria duket se është një grumbull i madh agjentësh të huaj, të shoqëruar edhe nga forca të shumta të policisë shqiptare. Nuk ka cep të aeroportit që nuk ndodhet nën mbikëqyrje të plotë. E ndërsa në aeroportine vetëm të vendit vazhdojnë "punimet" për pritjen e presidentit amerikan , Xhorxh W. Bush, pak metra më tej është instaluar një zonë e vërtetë ushtarake. Pasi lë pas krahëve një tabelë të madhe, me anën e së cilës i urohet mirëseardhja në anglisht e shqip presidentit amerikan, aeroporti civil merr nuanca ushtarake. Një hapësirë e madhe është rrethuar me tela me gjemba, ndërkohë që një tabelë e vogël të paralajmëron se hyrja është rreptësisht e ndaluar.

Rrethimi me gjemba, brenda së cilit janë ngritur çadra të mëdha jeshile të lënë përshtypjen se sapo ke shkelur në një zonë ushtarake dhe pse nga aeroporti civil "Nën Tereza" ke lënë vetëm pjesën e parkimit. Brenda kampit amerikan, më shumë se 30 vetë, të gjithë me rroba civile punojnë pa u ngutur për heqjen nga ambalazhet të disa pajisjeve tepër të mëdha. Pothuajse e gjithë hapësira e rrethuar me gjemba është e mbushur me radarë, ndërkohë që shumica e aparaturave janë ende të pahapura. Prej dy ditësh, trupat e specializuara amerikane i janë përveshur punës për të instaluar të gjitha aparaturat e nevojshme, për të garantuar sigurinë e Presidentit të tyre. Siguria e aeroportit të Rinasit është njëndër pikat më delikate të vizitës së Presidentit Xhorxh Bush, ndaj dhe burime të policisë pohojnë aeroporti "Nënë Tereza" ndodhet tashmë në duart e amerikanëve. Kontrolli do të vazhdojë deri në momentin që avioni presidencial "AirForce 1" do të ngrihet nga pista e Rinasit, çka do të shënojë edhe vizitën historike të presidentit amerikan në Tiranë. Por instalimi iradarëve, kamerave dhe aparaturave përgjuese si dhe kontrolli i plotë mbi aeroportin e Rinasit, nuk janë masat e vetme të ndërmarra në kuadër tëvizitës së presidentit Bush.

Vetëm pak ditë më parë, në Tiranë kanë mbërritur mbi 100 agjentë të CIA-s, ndërkohë që dhe shteti shqiptar ka nxjerrë një sërë urdhëresash në kuadër të bashkëpunimit me forcat amerikanë për të garantuar sigurinë e udhëtimit të Presidentit Bush në Tiranë. Përveç amerikanëve, asnjë person tjetër nuk do të jetë i armatosur gjatë shtatë orëve që Xhorxh W. Bush do të qëndrojë në Tiranë. Duket se masat e sigurisë, të ndërmarra në kuadër të vizitës zyrtare do të jetë ekstreme për forcat shqiptare. Burime të policisë bëjnë të ditur se asnjë prej agjentëve apo punonjësve të policisë së shtetit nuk do të jenë të armatosur në një rreze prej 100 metrash nga vendndodhja e Presidentit Bush. Megjithëse do të jenë në gatishmëri të lartë, asnjë prej efektivave të forcave shqiptare nuk do t'iu lejohet të jenë të pajisur me armë, apo të qëndrojnë në vijën e parë të sigurisë. Në bazë të kësaj urdhërese, duket se masat që po marrin Forcat e Armatosura shqiptare, në bashkëpunim dhe me forcat amerikane për të siguruar mbarëvajtjen e vizitës së Presidentit Bush, nuk kanë prekur vetëm Gardën e Republikës. Ndërkohë që na ndajnë pak ditë nga vizita e Bushit dhe në pikat më delikate ku ai është parashikuar të shkelë bëhen përgatitjet për siguri ekstreme, e vetmja zonë ku nuk të zë syri forca amerikane është rruga nacionale Rinas –Tiranë. Megjithëse ende nuk është bërë publik protokolli i lëvizjes së presidentit Xhorxh W. Bush, duket se me të zbritur nga avioni presidencial, ai do të fluturojë drejtTiranës me një tjetër helikopter, ku pista e ndalimit ka shumë gjasa të jetë stadiumi "Qemal Stafa".

Drejtori i Përgjithshëm, Prençi, kalon në gatishmëri të lartë të gjithë policinë

Vizita e Bush, policia në gatishmëri të lartë

TIRANË- Kur na ndajnë vetëm 4 ditë nga vizita e presidentit të SHBA-ve, një urdhëresë e firmosur nga drejtori i Përgjithshëm i Policisë së Shtetit ka kaluar në gatishmëri të lartë të gjithë efektivat. Në kuadër të vizitës së presidentit amerikan. Xhorxh Bush, urdhri i firmosur nga Ahmet Prençi u ka mbërritur të gjithë drejtuesve të policisë në Tiranë dhe në rrethe për ndryshimin e nivelit të gatishmërisë. Urdhëresa bën fjalë për përforcimin e masave të sigurisë dhe rritjen e orëve të shërbimit për të gjithë efektivat e policisë, gjendje kjo që do të vazhdojë deri në momentin që Bush do të largohet nga Shqipëria. Po kështu, krerët e drejtorive të policisë janë urdhëruar të marrin një sërë masash për të siguruar rendin dhe qetësinë deri në fund të javës.

Burime nga Ministria e Brendshme bëjnë me dije se është urdhëruar mbajtja nën kontroll të rreptë e personave me precedentë penalë apo që përbëjnë rrezik për sigurinë si dhe ngritja e postblloqeve në çdo rrugë nacionale të vendit. Por duket se drejtorive të policisë të cilat mbulojnë dhe zonat kufitare u bie barra më e rëndë e zbatimit të urdhëresës së lëshuar nga drejtuesit e policisë së shtetit. Gjatë gjithë kësaj jave urdhërohet një ruajtje e rreptë e territorit të kufirit të Shqipërisë me qëllim parandalimin e depërtimit të çdo elementi të dyshimtë që mund të kërcënojë sigurinë e vizitës së presidentit amerikan. Po kështu urdhërohet edhe përforcimi i kontrollit nëpër pikat doganore, jo vetëm për personat që dalin nga Shqipëria, por më së shumti për ata që kthehen në vendin e tyre.
 
Burime zyrtare të policisë bëjnë të ditur se urdhëresa bën pjesë në planin e masave që po ndërmerr Policia e Shtetit në kuadër të vizitës së presidentit Xhorxh Ë. Bush. Sipas të njëjtave burime, këto masa konsiderohen normale për shkak të rëndësisë që ka vizita e kreut të SHBA-ve. L.Çela

FONDI

Qeveria, 1 milion euro buxhet për vizitën e Bush

Përveç miratimit të amendamentit që lejon hyrjen në Shqipëri të mbi 500 trupave të ushtrisë amerikane, qeveria shqiptareka miratuar edhe një buxhet për përballimin e shpenzimeve financiare me rastin e vizitës së presidentit amerikan, Xhorxh Bush në Tiranë. Shuma totale e këtyre shpenzimeve arrin shifrën e mbi 1 miliardë e 100 milionë lekëve të vjetra, apo rreth 1 milionë euro.

Në këtë vendim parashikohen 50 milionë lekë të reja për shpenzime operative të drejtorisë së Shërbimeve Qeveritare, 3 milionë lekë të reja për shpenzimet e Ministrisë së Jashtme dhe rreth 4 milionë të tjera për Ministrinë e Kulturës. Konkretisht, për drekën zyrtare që do të shtrohet nga kryeministri Berisha në ambientet e vilës 30 janë planifikuar mbi 17 milionë lekë të reja për investime, dekorime dhe përgatitjen e ceremonisë. Për rregullime në ambientet e kryeministrisë me rastin e vizitës së Bushit janë planifikuar 35 milionë lekë të reja investime. Për dekorimet e rrugëve, shesheve etj., do të shpenzohen mbi 50 milionë lekë të reja. L.Ç
 




____________
Direktoria , Galeria


Piracy is a crime! So, am I a criminal?