Trajneri i kombëtares, Oto Bariç, më në fund ka zhvilluar konferencën e parë për shtyp në tokën shqiptare para një ndeshjeje zyrtare të kuqezinjve. Bariçi është paraqitur para gazetarëve shqiptarë të mbledhur në hotel "Adriatik". Si gjithnjë me tuta, trajneri i kombëtares shqiptare ka folur për të gjitha problemet që shqetësojnë kuqezinjtë në këtë moment. Bariçi në fillim ka folur rreth ekipit tonë, problemeve që shqetësojnë skuadrën dhe dëmtimeve, sidomos të Lorik Canës, i cili duket se do të jetë në fushën e lojës. Gjithsesi, Bariçi në konferencën e tij të parë për shtyp në tokën shqiptare ka hapur letrat dhe ka pohuar se pas barazimit me Bjellorusinë ekipit tonë i është hapur "oreksi" dhe se kërkon të mos dalë i humbur nga fusha e lojës.
Bariç, i lumtur në tokën shqiptare
Në fillim të fjalës së tij, trajneri i kombëtares ka falënderuar që të gjithë të pranishmit për pjesëmarrjen në konferencën për shtyp. Trajneri kroat është shprehur para kamerave se ekipi i tij nuk kërkon vetëm që të paraqitet mirë sot në fushën e lojës. Kuqezinjtë do të kërkojnë që të fitojnë pa asnjë mëdyshje në "Qemal Stafa", duke treguar edhe një herë lojën e mirë në Bjellorusi.
"Jam shumë i lumtur që ndodhem në Shqipëri midis jush. Besoj të gjithë dinë se sa e rëndësishme është ndeshja me Rumaninë për të gjithë ne. Nga ana objektive ekipi rumun është më i mirë se ne. Por pas këtij rezultati të mirë në Bjellorusi "oreksi" na është shtuar dhe nesër (sot) do të japim gjithçka për të mos u mundur. Rumunët kanë një shtet më të madh se yni. Jemi një vend i vogël, por jemi shumë krenarë. Jemi stërvitur seriozisht. Kemi atmosferë shumë të mirë në ekip, por kemi probleme taktike dhe të lojtarëve. Zemra që tregoi ekipi në pjesën e dytë në Minsk më jep shumë shpresa dhe, në qoftë se do të realizojmë detyrat që kemi, besoj se edhe ne do të jemi shumë të kënaqur," është shprehur dje Bariçi në konferencën për shtyp.
Trajneri: Problem mbetet Lorik Cana
Edhe pse të gjithë sigurojnë që do të jetë në fushën e lojës, Lorik Cana mbetet ngërçi i kuqezinjve. Jo vetëm Bariçi është i shqetësuar, por edhe pjesa tjetër e skuadrës nuk është e qetë për mungesën e Canës. "Kemi dy-tre lojtarë të dëmtuar. Kemi probleme të vogla me Canën, plus disa dëmtime shumë të vogla. Masazhatorët dhe fizioterapisti po punon që lojtarët të jenë të gatshëm për ndeshjen. Do të kemi probleme, duke marrë parasysh që Altin Lala, por edhe Ervin Skela dhe Adrian Aliaj nuk kanë hyrë në fazën e ndeshjeve. Do të ketë një ndryshim në formacion dhe shpresoj në freskinë e Skelës. Në lojë do të jemi shumë potentë. Në momentin që do të shoh se një apo dy lojtarë nuk japin dot të më shumë, do të bëj ndryshime. Për mua është një mangësi një gjë e tillë. Por them se lojtarët do të japin gjithçka në fushë. Kemi probleme. Që sot do të bëjmë një ndryshim të vogël taktik në stërvitje. Mënyra e lojës kundër Rumanisë do të jetë ndryshe. Rumania është një ekip shumë i mirë. Gjithsesi, shpresoj që mbrojtja të jetë në një ditë më të mirë se me Bjellorusinë," ka vazhduar më tej kroati për takimin në fjalë.
Aliaj jashtë, mbetet enigmë porta
Trajneri i kuqezinjve ka konfirmuar dje përfundimisht se Adrian Aliaj nuk do të luajë që nga minuta e parë në ndeshjen me Rumaninë. Sipas tij, Aliaj nuk është në gjendje për të luajtur nga minuta e parë dhe se vlonjati do të zëvendësohet nga një tjetër lojtar që nuk mund të zbulohet për momentin. Sipas informacioneve, lojtari më i kuotuar është kosovari Debatik Curri. Gjithsesi, edhe Nevil Dede ka mundësi të luajë nga minuta e parë. "Aliaj nuk do të luajë në këtë ndeshje. Mos më pyesni se cili do të luajë. Ndërsa për Likën do ta shihni nesër mbrëma." Gjithsesi, duket se rokada Lika Beqaj është shumë afër, ndonëse asnjë nuk e ka konfirmuar dje në grumbullimin kuqezi.
E ardhmja e kombëtares, prisni në mars
Bariçi ka folur edhe për të ardhmen e ekipit. Sipas tij, skuadra do të jetë e plotë vetëm pas disa ndeshjeve. Me pak fat, në mars, sipas Bariçit, ekipi do të ketë fytyrën e vërtetë. "Për të formuar ekipin duhet kohë. Të paktën 5 6 ndeshje do të më duhen për të ndërtuar skuadrën. Ekipin më të mirë do ta shihni vetëm në atë moment. Pres një progres në pranverë. Barazimi do të ishte një rezultat i mirë. Do të ishim të një niveli me Bullgarinë dhe Rumaninë. Por të mos harrojmë që nuk jemi favoritë të grupit."
Rumania, skuadër shumë e fortë
Në fund të konferencës për shtyp Bariçi ka folur edhe për kundërshtarët tanë të 6 shtatorit, të cilët, sipas tij, janë shumë të fortë. Bariçi ka shtuar se Rumania është një ekip shumë i fortë dhe ka lojtarë shumë të mirë në skuadër. "Rumania është një ekip që ka luajtur bashkë prej kohësh. Marika është një sulmues shumë i fortë dhe Mutu shumë i lëvizshëm dhe është shpirti i kësaj skuadre. Rosu dhe Çivu janë lojtarë shumë të mirë. Kemi një avtantazh të vogël që mbrojtësi i qendrës Tamash ka dalë me karton të kuq. Në një ekip si Rumania mos u mundoni të gjeni ndonjë lojtar të dobët," ka përfunduar Bariçi.
Olsi AVDIAJ

Gjyqtarë portugezë për takimin e sotëm
Olegario Benquerença nga Portugalia do të jetë gjyqtari i ndeshjes Shqipëri Rumani, e cila do të luhet sot në orën 20.00 në stadiumin kombëtar "Qemal Stafa". Edhe dy ndihmësit e Benquerenças janë portugezë. Bëhet fjalë për Jose Ramalho dhe Joao Ferreira dos Santos po nga Portugalia.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kuqezinjtë i bëjnë nder Rumanisë

 Gabimet, ato që ndëshkuan kombëtaren
Shqipëri - Rumani 0-2

Shënues: Dika 64', Mutu 74' (p).
Shqipëria: Beqaj, Dallku, Curri, Beqiri, Lala (Muka 77'), Cana, Haxhi, Hasi, Skela (Aliaj 64'), Bogdani (Kastrati 62'), Tare. Trajner: O.Bariç.
Rumania: Lobont, Çivu, Kontra, Rat, Gionea, F.Petre, Kodrea, Dika, Marika (Ganea 77'), Rosu (Kosis 90'), Mutu (Nikolita 86'). Trajner: V.Piturka.
Gjyqtarë: O. Benquerenca, H. Ramalho, H. Ferrera dos Santos (Portugali).
Kartonë të verdhë: Tare, Bogdani, Hasi, Curri, Beqiri, Cana, Rosu.

"Radiografia"
2'- Dallku jep sinjalin e parë në portën rumune, por gjuajtja e tij përfundon jashtë.
4'- Bogdani kërkon të gjejë golin me kokë, por portieri Lobont kundërpërgjigjet, duke pritur "sferën".
8'- Kontra kërkon Mutun nga e djathta e sulmit, sulmuesi i Fiorentinës nuk arrin të ulë si duhet topin dhe i jep mundësi Haxhit ta spastrojë zonën.
10'- Mutu fut një gjuajtje kros në zonë, e cila çuditërisht përfundon në rrjetë, por më parë gjyqtari anësor kishte sinjalizuar për pozicion jashtë loje. Shpëtojmë për mrekulli.
17'- Dallku nga e djathta fut një top të rrezikshëm në zonë, Tare gjuan me kokë, por vetëm sa e devijon atë, duke mos e goditur drejt portës. Sulmi i kuqezinjve vazhdon, Cana bllokohet në momentin e gjuajtjes, ndërkohë që Haxhi me një të majtë potente nga 35 metra, gjuan jashtë.
25'- Tare arrin të fitojë me shumë vështirësi një goditje këndi. Kroson Haxhi, topi kthehet me kokë nga Bogdani, gjirokastriti kroson sërish, por këtë herë shumë larg portës.
30'- Haxhi kroson saktë për Taren nga goditja e dënimit, mbrojtësi rumun Marika me kokë për pak sa nuk shkakton autogol.
35'- Mutu lirohet mirë brenda zonës, godet fort, por Beqaj është i gatshëm për të rrokur topin dhe njëkohësisht për t'i dhënë qetësi skuadrës.
37'- Tare kroson nga e majta për Bogdanin, mbrojtja rumune zihet në vështirësi dhe e largon topin në goditje këndi. Kroson Skela dhe Lobont grushton me vështirësi.
42'- Haxhi shkakton faull jashtë zone. Kroson Petre, por Dika me kokë gjuan jashtë.
43'- Beqaj pret bukur një gjuajtje në formë harku të Kodreas, duke shpëtuar portën në minutat e fundit të pjesës së parë.
44'- Kundërsulm i kuqezinjve me anë të Tares, që pengohet në hyrje të zonës. Goditjen e dënimit e ekzekuton Hasi, Tare me kokë gjuan jashtë.
45'- Çivu provon me një gjuajtje të fortë në zonë nga goditja e dënimit, por Beqiri me kokë nuk e lejon topin të shkojë drejt portës. Pas këtij momenti vjen edhe sinjalizimi i gjyqtarit për përfundimin e pjesës së parë.
47'- Skela depërton bukur brenda zonë, por nuk arrin të godasë dhe i jep mundësi Lobontit të rrëmbejë topin.
52'- Curri dhe Tare japin shkëndija në drejtim të sulmit dhe në fund mundin të fitojnë vetëm një goditje këndi. Kroson si gjithmonë Skela dhe portieri rumun grushton sa të jetë e mundur.
54'- Mutu kërkon të gjejë golin nga jashtë zone, por fiton vetëm një goditje këndi pas devijimit të Beqajt.
60'- Rosu kërkon të befasojë Beqajn me një gjuajtje prirtaz me portën, por "sfera" përfundon jashtë.
64'- Kastrati çuditërisht kthen topin mbrapa, mbrojtja jonë zihet në befasi, ndërkohë që Dika i vetëm përballë Beqajt nuk e ka të vështirë të shënojë golin e parë. 1-0 për rumunët.
70'- Hasi kërkon Taren brenda zonës nga goditja e dënimit, mbrojtja rumune kthehet në një gardh të vërtetë.
74'- Curri shkakton faull ndaj Petres dhe për gjyqtarin kemi të bëjmë me 11-metrësh. Ekzekuton Adrian Mutu dhe sërish gol. 2-0 për rumunët.
76'- Haxhi kroson në të majtë të sulmit, Kastrati me kokë është i pafuqishëm dhe Lobont pret.
80'- Mutu shmang Hasin dhe fut një top të rrezikshëm në zonë, por Beqiri e largon në goditje këndi.
84'- Dika i pambuluar kroson në qendër të mbrojtjes, Ganea nuk shënon çuditërisht.
90'- Cana i lodhur nuk arrin të godas topin drejt portës dhe duket se tanët prej disa minutash i kanë humbur shpresat për të bërë diçka të mirë në këtë takim. Pas tri minutash shtesë, gjyqtari portugez i jep fund krejt takimit.


Të dhënat statistikore të ndeshjes
Shqipëria Rumania
0 Gola 2
4 Gjuajtje gjithsejt 5
1 Gjuajtje në portë 4
3 Gjuajtje jashtë 1
20 Goditje dënimi 15
5 Goditje këndi 6
55% Zotërimi i topit 45%


Deklarojnë pas ndeshjes
Bariç: Shpresoja te një barazim, por...
Trajneri i kombtëtares sonë, Oto Bariç, në fillim të fjalës së tij pas ndeshjes tha se e kishte parashikuar mjaft të vështirë ndeshjen me Rumaninë, por besonte tek një barazim, nëse kuqezinjtë do të luanin me shpirt gare dhe nuk do të bënin gabime. "Si fillim dua të them që Rumania e meritoi fitoren. Natyrisht, këtu meritë kishim edhe ne me gabimet që bëmë, duke u dhuruar dy gola kundërshtarëve. Isha munduar që të forcoja mbrojtjen, duke e ditur se rumunët do të sulmonin gjatë gjithë kohës dhe deri në momentin e golit të parë u paraqitëm si të barabrtë. Madje, nëse nuk do të ishin bërë ato dy gabime, që rezultuan gola në portën tonë, ndeshja do të dilte në barazim, gjë tek e cila besoja para lojës. Gjithsesi, këto gabime që u vunë re në këto dy ndeshje, kombëtarja shqiptare i ka bërë edhe më përpara. Pra, na del përpara një punë kolosale, sepse duhet korrigjuar diçka, pasi kemi ndeshje të tjera që na presin. E dija që përpara ndeshjes që Rumania qëndronte më lart se ne si ekip, por isha munduar të operoja me lojtarët që kisha në dispozicion për të luajtur kundrasulmin. Duke qenë se lojtarët e mesfushës nuk e kishin kondicionin e duhur fizik, pasi nuk janë aktivizuar ende me ekipet e tyre, e kisha tërhequr paksa në këtë repart edhe Bogdanin. Kështu që Tare mbeti i vetëm mes mbrojtësve kundërshtarë. Sa u takon gabimeve, më vjen keq që i ndodhi Kastratit, sepse kishte ndeshjen e parë zyrtare me kombëtaren. Kur nxora Bogdanin nga loja, shpresova se Kastrati do t'i jepte freski sulmit tonë, por fatkeqësisht ai bëri një gabim, i cili e ndryshoi rrjedhën e lojës në favor të miqve. Më kënaqi deri diku reagimi i skuadrës në Bjellorusi, por sonte jam i zhgënjyer, sepse dy herë gabuam dhe të dy herët u ndëshkuam me gol. Për sa i takon shpirtit të garës, nuk mund të kritikoj asnjërin futbollist, sepse të gjithë dhanë maksimumin. Sikurse e thashë edhe më lart, përpara na pret një punë kolosale. Do të mundohem të punopj me këta futbollistë që kemi aktualisht, për t'i bërë më të mirë, sikurse do të mundohem të gjej lojtarë të rinj të vlefshëm."

Piturka: Ishte një fitore e rëndësishme
Trajneri i Rumanisë, Piturka, në konferencën e shtypit pas ndeshjes u shpreh mjaft i kënaqur me rezultatin. Ai theksoi se kjo ishte një ndeshje mjaft e rëndësishme për Rumaninë, pas atij gjysmëhapi gabim në ndeshjen paraardhëse me Bullgarinë. "Së pari dua të shpreh habinë se përse gazetarët rumunë nuk qenkan në konferencën për shtyp, sepse para ndeshjes ishin shumë kritikë. Megjithatë, dua të shtoj se të dyja skuadrat dhanë maksimumin, por fituam ne, sepse shfrytëzuam gabimet e vendasve. Deri në momentin e golit të parë isha shumë në akth, sepse po e shikjoja që ndeshja mund të përfundonte në barazim. Por, goli i parë i çliroi futbollistët e mi, ndërsa ngarkoi psikologjikisht kundërshtarët, të cilët gabuan edhe një herë tjetër, duke shkaktuar një penallti, të cilën Mutu e ktheu në gol. Kjo fitore na bën shumë punë, sepse na mban në pozita pretenduese në grup. Tani duhet të mendojmë për ndeshjet e ardhshme, të cilat janë po aq të vështira sa kjo me Shqipërinë. Me këtë rast dua të përgëzoj edhe Shqipërinë, sepse ka një ekip të mirë, që mund të ecë përpara, nëse paraqitet si sonte ndaj nesh, pjesën më të madhe të lojës," - nënvizoi trajneri i Rumanisë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

a do fitojme ndonje ndeshje ne apo jo. Ngelme tere kohen duke humbur
 




____________
Galeria Shqiptare Direktoria Shqiptare Kërko në Google

E lalo erdhi koha e fitores:

E hengri Holanda do fitojme;  2:1
 

mos enderoni kot
 




____________
Une-me-buk--e--Ti-me-gur-Ti--njeri-nuk-behesh-kurr

Me humbjen 2 me 0 duhet te jemi te kenaqur  
Hollanda kam ekip shume te mire dhe eshte shume larg nesh . Ne na duhet ndonje San Marino  qe te fitojme  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

E ka pranuar edhe vetëm Marko Van Basteni. Shqipëria ka dominuar në fushën e lojës, duke u bërë në mënyrë të çuditshme skuadra protagoniste në fushën e lojës. Më së shumti, media holandeze ka kritikuar ashpër skuadrën e Van Bastenit, e cila të mërkurën ka treguar se nuk është akoma një superfuqi, si emri i saj. "Pas një loje të mirë në Bullgari, skuadra e Holandës duket se kundër Shqipërisë ka qenë shumë euforike. Me të vërtetë ka fituar, por me shumë vështirësi dhe duke u vjedhur fitoren shqiptarëve. Skuadra portokalli nuk ka bërë një aksion për të qenë në pjesën e dytë. Armend Dallku, në pjesën e dytë, ka qenë shumë afër një supergoli. Duke konsideruar se De Jong dhe Boulahrouz kanë prekur topin me dorë, por gjyqtari nuk ka dhënë penallti, realisht Holanda ka rrezikuar shumë," shkruan gazeta "De Telegraf".
Nga ana tjetër, Bariçi nuk ka lënë gjë pa thënë për gjyqtarin izraelit. Sipas tij, ai është treguar racist në fushën e lojës, pasi ka mbajtur anën e Holandës, sepse është një skuadër shumë e madhe. Dhe me të vërtetë, në pjesën e dytë, skuadra holandeze ka luajtur e terrorizuar. Holanda realisht ka luajtur një pjesë të parë shumë të mirë dhe një të dytë prej skuadre shumë të vogël.
Van der Sar: Patëm frikë
Pavarësisht se Holanda siguroi tri pikët, portieri Edvin Van der Sar është i inatosur me shokët e skuadrës, pasi ata nuk patën një performancë të mirë, ashtu siç bënë të shtunën në Sofje ndaj Bullgarisë, kur morën një barazim 1 1. "Ne totalisht nuk luajtëm mirë. Ndeshja me Shqipërinë dha përshtypjen se ne nuk jemi të aftë që të luajmë dy ndeshje të mira radhazi, por ky është futbolli," është shprehur portieri i portokallinjve 24 orë pas përfundimit të takimit me Shqipërinë. "Në ndeshjen me Bullgarinë ne vuajtëm shumë dhe ishim si të ngrirë. E njëjta gjë u përsërit edhe në 20 minutat e fundit të takimit me Shqipërinë. Pasi pësuam gol, skuadrën e mbështolli frika, sepse i druheshim golit të barazimit dhe një barazim tjetër do të ishte shaktërrues për ne," shton më tej portieri holandez. "Gardiani" i Mançester Junajtit është i bindur se minutat e fundit të takimit me Shqipërinë provojnë se nuk ka më ndeshje të lehta në futbollin ndërkombëtar. "Fuqitë e mëdha të futbollit botëror kanë pasur probleme me të ashtuquajturat skuadra të vogla. Nuk e di ekzaktësisht arsyen e këtij fakti, por tashmë është realitet se nuk ka më "shëtitje" kur ndeshesh me skuadra si e tipit të Shqipërisë. Pas përfundimit të takimit me Shqipërinë fakti më kryesor ishtë se ne nuk luajtëm mirë," përfundon deklarimin e tij për median holandeze portieri i "tulipanëve" Ervin Van der Sar.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shqipëria edhe një herë tjetër ka dalë kryelartë përballë kundërshtarëve "big". Me një fjalë, ashtu si me Gjermaninë disa vite më parë, të mërkurën ndaj Holandës në stadiumin "Amsterdam Arena", kemi qenë dinjitozë për një pjesë loje, duke hedhur poshtë në këtë mënyrë të gjitha parashikimet për pësimin e një goleade. Një humbje 2-1 përballë "tulipanëve" është më se e pranueshme, por kur ajo vjen pas një gjykimi të dobët, sigurisht "djeg" paksa si shumë. Për Devi Mukën, mesfushorin e kombëtares shqiptare, skuadra bëri më të mirën e saj përballë një Holande "të blinduar" në të gjitha repartet. Vlonjati i mesfushës kuqezi, hyri në lojë në minutat shtesë të pjesës së parë, pas dëmtimit të Altin Lalës dhe në fund dha pasimin e golit nga ana e Debatik Currit. Në fakt, aksioni nisi nga këmbët e Haxhit, më pas Muka, pasi shmangu bukur mesfushorin kundërshtar, eci disa metra dhe në çastin final gjeti të lirë Currin. Përballë një gjiganti si Edvin Van de Sar, shqiptari nga Kosova nuk e pati aspak të vështirë ta dërgonte topin në rrjetë. Duke folur për "Sportin shqiptar", kapiteni i Tiranës, Devi Muka, shprehet: "Pas ndeshjes, të gjithë kishim të njëjtin mendim, se pavarësisht humbjes, dolëm kryelartë nga stadiumi "Arena". Ndryshe nga përballja me rumunët, këtë herë ndaj Holandës u treguam agresivë në pjesën e dytë, madje i kishim të gjitha mundësitë për të barazuar. Goli i pësuar në minutat e para ishte rrjedhojë e presionit shumë të madh të kundërshtarit, i cili duke pasur edhe mbështetjen e tifozerisë, arriti të na ndëshkonte. Pavarësisht këtij momenti, duhet thënë se ne nuk u dorëzuam për të pësuar shumë gola, ashtu siç kishte kohë që përflitej, por rezistuam mirë. Për sa i takon autogolit, ishte një moment që mund t'i ndodhë kujtdo dhe është parë shumë herë në takime të tilla,"- thotë numri 15 i kuqezinjve.
Duke parë disavantazhin 2-0 dhe gjithashtu dëmtimin e Altin Lalës, trajneri Oto Bariç e pa të arsyeshme të hidhte një forcë më sulmuese në fushë, siç ishte Devi Muka. Në të gjithë pjesën e dytë, vlonjati tregoi nivel të lartë përgatitjeje tekniko-taktike, ku përveçse fitoi dyluftimet, u tregua i përpiktë në pasimin e golit. Për këtë paraqitje, mesfushori 29-vjeçar do të deklaronte: "Në planin personal jam i kënaqur për çfarë dhashë në ato minuta që luajta, por për sa i takon rezultatit përfundimtar, ndiej vërtet zhgënjim. I kishim të gjitha mundësitë për të marrë barazimin përballë Holandës, ndërkohë që, përveç fatit, kishim kundër edhe gjyqtarin izraelit, i cili në tri raste për të akorduar penallti në favorin tonë, mbylli sytë. Ky është një fenomen që dihet tashmë, ku ekipet e vogla ndëshkohen nga ana e "bluzave të zeza". Në lidhje me rastin e golit, duhet thënë se lëvizja e Tares drejt qendrës bëri që Curri në krahun e djathtë të lirohej plotësisht, duke përfituar nga pasimi im. Tani nuk na mbetet gjë tjetër, veçse të mendojmë për ndeshjet e ardhshme eliminatore, ky synimi kryesor është të largohemi sa më shumë nga dy vendet e fundit,"- përfundon fjalët e tij mesfushori kuqezi, Devi Muka.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

he se na rafin paster ne tiran hollandezet neve
 




____________
Une-me-buk--e--Ti-me-gur-Ti--njeri-nuk-behesh-kurr