BOMBA E TYMOSUR” GREKE E VASIL BOLLANOS NUK QËLLOI "JANULLATOSËT" NË TIRANË, POR PAVARËSINË NË KOSOVË!
BAROMETRI DIPLOMATIK

Prof.Dr.Mehdi HYSENI

* Lind pyetja: - Cili shtet në botë, së pari e ka zgjidhur çështjen minoritare, e pastaj të shumicës dërrmuese, ashtu siç po veprojnë në praktikë garniturat politike “moderniste” zyrtare në Tiranë, në Prishtinë dhe në Shkup? – Deri më sot, nuk ekziston asnjë shtet në botë, që të ketë vepruar dhe, për tepër, të jetë bërë shtet në saje të aplikimit “tezës minoritare”, për shkak se, si në kuptimin doktrinar, ashtu edhe në praktik të filozofisë politike dhe demokratike, kjo tezë është shtruar gabimisht dhe mbrapsht, kur është fjala për aplikimin e drejtë të saj, sepse është në kolizion flagrant me njohjen dhe me realizimin e së drejtës historike dhe të vetëvendosjes së popujve indigjenë në trojet e tyre, sikundër që është populli shqiptar në territorin e tyre natyral të Shqipërisë Etnike në Ballkan.

Ky është problemi, të cilin e kanë kuptuar thellësisht dhe gjerësisht shtypësit dhe agresorët kolonialistë serbomëdhenj dhe grekomëdhenj, me në krye Anastas Janullatosin, Artemije Radosavleviqin, Vasil Bollanin, etj., të cilët qe më se një dekadë janë duke e ”zbërthyer” për mrekulli, ashtu si po iu konvenon interesave të minoriteteve koloniste serbe dhe greke në Shqipërinë Etnike.

Edhe më konkretisht ndërrimi i tezës së theksuar në dëm të drejtës historike dhe legjitime të kombit shqiptar nuk ka asnjë bazë qoftë logjike, politike apo juridike, por është një nga format më të egra revanshiste dhe vandaliste të politikës, të propagandës dhe të praktikës kolonialiste dhe hegjoministe të serbomëdhnejeve dhe grekomëdhenjve, që përbën konstantën e vazhdimësisë historike të strategjisë së shfarosjes së shqiptarëve si komb dhe si shtet në Ballkan. Në këtë kontekst, shtrohet dhe, gjithmonë duhet të shtrohet pyetja e pashmangshme pse serbomëdhenjtë dhe grekomëdhenjt racistë të tipit, Slobodan Milosheviq, Boris Tadiq, Vojislav Koshtunica, Kosta Simitis,Vasil Bollana, Nikollas Zervas...,e qindra të tjerë të mos i urrejnë shqiptarët dhe, të mos ua mohojnë dhe kontestojnë të drejtat e tyre historike dhe legjitime në trojet e tyre etnike-ilirike-shqiptare, kur historikisht është e njohur se “Populli shqiptar nuk u përzie as me grekë, as me romakë, as me gotë, as me ostrogotë, as me vizigotë, as me hunë, as me avarë, as me hungarezë,as me turq, as me bullgarë, as me normanë, as me venecianë,as me malazezë, as me grekët e rinj. Nuk u përzie me askë, por i pat në meni të gjithë, sidomos sllavët dhe grekët, të cilët u orvatën më së tepërmi për t’i shkombëtarizuar dhe asimiluar shqiptarët dhe, për t’ua grabitur tokat e tyre atërore ilirike-shqiptare.”(Të drejtat e Shqipërisë Etnike, “Albin”, Tiranë, 2001,f.173.

Pra, ruajtja e racës, e gjuhës, e kulturës, e emrit dhe identitetit kombëtar dhe shtetëror, si dhe lufta e pareshtur shekullore për mbrojtjen dhe për rikthimin e trojeve të tyre, të grabitura me dhunë dhe me gjenocidë nga amalgama serbo-greke sllave e fqinjëve ballkanikë, është një nga faktorët thelbësorë pse grekët dhe serbët kanë tentuar me shekuj t’i zhdukin shqiptarët nga faqja e Ballkanit. Për më tepër, grekomëdhenjtë hegjemonë, së bashku me Vasil Bollanin dhe me janullatosat e tjerë (të njohur dhe të panjohur), “kanë arsye të plotë”, të pretendojnë dhe të veprojnë në shkëputjen e Shqipërisë Jugore në emër të “pavarësisë” së “Vorio-Epirit grek”, sepse dihet, meritën më të madhe për krijimin e shtetit “të pavarur të Greqisë më 1829, pa dyshim e kanë vetë shqiptarët, sepse jo vetëm shumica e krerëve të ushtrive greke, por edhe të gjithë fatosat e pavarësisë helenike kanë qenë shqiptarë, si Boçari,, Zhavella, Kanari, Miauli, Kullurioti, Sakturi...,etj,etj., që ishin nga Suli, Hydra e Specja dhe nga viset e tejra të Shqipërisë.” (Të Drejtat e Shqipërisë Etnike, Po aty, f.173).

Kjo është e vërteta, që përnjëmend, grekomëdhenjve ua terrtisë sytë dhe ua mjegullon mendjen e keqe, por politika,as shkenca shqiptare, në asnjë mënyrë dhe, me asnjë çmim nuk duhet ta heshtin dhe ta injorojnë këtë të vërtetë për hir të interesave komplentare të biznesit të tyre plaçkitës dhe karrierist me grekomëdhenjtë dhe me serbomëdhenjtë, me qëllim të arritjes së ndonjë kompromisi politik në kurriz të shqiptarëve dhe të territorit indigjen të Shqipërisë Etnike, sikurse që është rasti më drastik dhe i pajustifikueshëm (si mbi bazën historike, ashtu edhe mbi atë politike dhe juridike) i njohjes së Republikës së Malit të Zi në qershor të vitit 2006 nga e qeverisë së Republikës së Shqipërisë.

Mjaft më me mashtrime, me hipokrizi politike dhe me teoretizime spekuluese analitike diletante dhe kuazishkencore në adresë të patriotizimit, të reformimit, të integrimit, të pluralizimit dhe të demokratizimit të Shqipërisë, nevojitet aksion konkret dhe imediat në mbrojtjen e sovranitetit shtetëror dhe kombëtar të Republikës së Shqipërisë, si dhe në zgjidhjen e problemeve të brendshme dhe të çështjes koloniale të shqiptarëve në Ballkan.

Mjaft më me shterimin e energjisë politike dhe ekonomike, të fokusuar në plan të parë për “rehatimin” dhe për sigurimin e “gjumit të ëmbël” të minoritetit serbo-grek, derisa, pikësëpari, të mos zgjidhet problemi i gjithanshëm i shumicës dërrmuese si në Shqipëri, ashtu edhe në Kosovë, në Çamëri, në Iliridë dhe në Anamoravë. Pra, së pari, nevojitet dhe, është kërkesë urgjente e kohës, që të zgjidhim problemin kombëtar shqiptar në Ballkan, e pastaj, kuptohet vetiu, do të vinte në “redn dite” edhe zgjidhja e “problemit” të minoriteteve koloniste serbo-greke sllave në hapësirat e Shqipërisë Etnike, në përputhje me standardet dhe me ligjet ndërkombëtare, por pa prekur dhe, pa cenuar në asnjë formë të drejtën historike dhe legjitime të kombit shqiptar, as të Shqipërisë Etnike. Këtë objektiv strategjik me karakter afatgjatë të mbrojtjes dhe të avancimit të interesave prioritare kombëtare dhe shtetërore gjithëshqiptare, patjetër, duhet ta ketë parasysh si politika e brendshme, ashtu edhe e jashtme e Shqipërisë.

Pse, dhe deri kur qeveria shqiptare do t’i lejojë përzierjen direkte dhe indirekte Greqisë në çështje të brendshme të Shqipërisë, e cila qe 18 vjet radhazi, duke shfrytëzuar “shërbimet e vullnetit të mirë” të kryepeshkopit të saj Anastas Janullatos (i cili është turpi dhe fatkeqësia më e madhe e Shqipërisë) dhe të kyreliderëve ekstremistët dhe terroristët e minoritetit të saj grek në Shqipëri, po zhvillon aktivitetin e saj intensiv të përbashkët dhe të bashkërenduar në të gjitha frontet, që sa më shpejt ta helenizojë dhe ta ricopëtojë Shqipërinë Jugore, duke e quajtur “Vorio-Epir” të Greqisë.

Derisa në krye të Kishës Ortodokse Shqiptare ndodhet peshkopi grek, Anastas Janullatos, kuptohet se, edhe përzierja e politikës greke në punë të brendshme të Shqipërisë, do të jetë përditë më efikase dhe më e suksesshme në zhvillimin e veprimtarisë së saj subveresive në komprometimin, në kontestimin dhe në mohimin e legalitetit të brendshëm dhe ndërkombëtar të shtet shqiptar, edhe pse shteti shqiptar ka kontinuitetin historik dhe legjimitetin ndërkombëtar

Deklarata e kryebashkiakut grek të Himarës shqiptare, Vasil Bollano se “ "Omonia dhe komuniteti grek ne Shqiperi nuk kerkojne me tepër për Vorio Epirin se c'kerkon Shqiperia per Kosoven"(www.balkanweb.com, 23.04.2007), është edhe një “bombë terroriste” më tepër e lëvizjes grekomadhe “OMONIA” dhe e Vasil Bollanos në “bombardimin” e identitetit kombëtar, territorial, shtetëror dhe sovran të Shqipërisë së vitit 1912, përkatësisht të Shqipërisë Etnike.

Para së gjithash, hedhja në eter e një kërkese të tillë antishqiptare pasqyron faktin se pa asnjë pengesë dhe, në mënyrë koherente dhe efektive funksionin aksi i frontit orotodoks sllav: Athinë-Beograd-Moskë kundër interesave jetike të kombit shqiptar dhe të Shqipërisë Etnike në Ballkan. Mirëpo, këtë rrezik vdekjeprurës, nuk po e shohin politikanët, shkencëtarët dhe analistët modenristë dhe kosmopolitë, të cilët fatin e shqiptarëve dhe të Shqipërisë Etnike e kanë hedhur në pazar, vetëm për të qëndruar vetë sa më gjatë në funksionet e ndryshme të pushtetit shtetëror, në emër të demokracisë dhe të pluralizmit të importuar, që ka për qëllim vënien në gjumë të shqiptarëve

Këtë rrezik me pasoja katastrofike jo vetëm për Shqipërinë, por edhe për mbarë Ballkanin nuk janë duke e parë vetëm klikat dhe grupet politike zyrtare shqiptare, të fronëzuara në Tiranë, në Prishtinë dhe në Shkup, për shkak se ndjehen të kënaqura me statusin e tyre karrierist dhe materialist në kurriz të shoqërisë shqiptare dhe të shtetit shqiptar. Gjithashtu, ndërgjegjen e tyre kombëtare “e kanë të pastër”, sepse me veprimet e tyre konkrete anishqiptare kanë provuar para “mentorëve” të tyre të huaj, se janë në “rrugën e drejtë” të

Brenda 18-vjeçarit të shkuar (1990-2007), Shqipëria është shndërruar në një “poligon stërvitës” të harangave të shërbimeve sekrete policore të nëndheshme dhe të mbidheshme greko-serbe etj., të cilat pa asnjë vështirësi kanë penetruar në të gjitha poret e politikës dhe të pushtetit shtetëror të Shqipërisë. Si rrjedhim i krijimit të një vakuumi të këtillë anarkik dhe absurd me pasoja të rënda për interesat vitale të politikës kombëtare dhe shtetërore të Shqipërisë, pse Vasil Bollano, të mos kërkojë greqizimin e Shqipërisë Jugore, kur atij nga politika antishqiptare e Tiranës, i është dhënë “fermani” të jetë kryebashkiak i Himarës shqiptare.

Nëse në Himarë nuk ka shqiptarë, por vetëm grekë, atëherë, shovinisti grekomadh, Vasil Bollano (sipas detyrës që ia kanë besuar “kryedishepujt” politikë shqiptarë të qeverisë dhe të parlamentit të Tiranës, duke u bazuar në votën e lirë demokratike) ka të drejtë të pyet, ku janë shqiptarët dhe, pse ata kanë ikur nga Himara shqiptare, e jo në emër minoritetit grek dhe të “OMONISë” famëkeqe subversive, ( e cila qe 18 vjet rresht po zhvillon luftë speciale të ftohtë dhe të nxehtë për greqizimin dhe për pushimin kolonial të Shqipërisë së Jugut) të kërkojë “pavarësimin e Vorio-Epirit”, ashtu siç po e kërkon Beogradi zyrtar “pavarësimin” e Kosovës , që me ndihmën e Rusisë, ta rikthejë në sovranitetin kolonial 100-vjeçar të Serbisë së Madhe. Mirëpo, politika zyrtare e Tiranës dhe e Prishtinës, duhet të ridefinojnë strategjinë e veprimit të tyre kombëtar dhe shtetëror, në vend të “përkëdheljes” së ambicieve dhe të veprimeve shkatërrimtare të kryeliderëve (siçjanë Vasil Bollani, Sanda Rashkoviq-Iviq, Artemije Radosavleviq dhe Anasatas Janullatos, “turpi i nderit” të politikanëve nudistë të Tiranës) të minoritetit grek dhe serb, duhet t’i vënë dhe, t’i mbrojnë me çdo kusht dhe me të gjitha mjetet legale interesat e përgjithshme kombëtare dhe shtetërore të shqiptarëve dhe të Shqipërisë, pavarësisht nga kufijtë ekzistues artificialë të 1912-së.


Prof. Dr. Mehdi HYSENI
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Deklaratat e diplomatit në Ersekë: Por nuk më takon mua të them nëse janë të sakta

Kokosis: Bollano ka të drejtë

Vorio-Epiri, ambasadori grek mbron Kryebashkiakun e Himarës


Ambasadori i Greqisë në Tiranë, Konstandinos Kokosis, ka mbështetur dje deklaratat e kryebashkiakut të Himarës, Vasil Bollano, sipas të cilave "ajo që kërkohet nga Omonia për Vorio-Epirin nuk është aspak më shumë se ajo që duan shqiptarët për Kosovën". Diplomati grek jo vetëm që nuk e ka kontestuar idenë e Bollanos, por nga qyteti i Ersekës ka lëshuar edhe një deklaratë surprizë lidhur me këtë çështje. Ai nuk është shprehur kundër mendimit të Bollanos, duke e konsideruar këtë një mendim të drejtë.

Megjithëse është shprehur se nuk donte të jepte shumë sqarime dhe komente, ambasadori grek ka thënë: "Nuk besoj se jam në gjendje të flas për zotin Bollano. Imagjinoj dhe besoj se ato që ai thotë janë të drejta, por në rast se janë edhe të sakta, kjo nuk është një çështje që më takon mua, apo më përket si diplomat për ta gjykuar dhe komentuar". Ndërsa nuk ka preferuar të zgjatet në këtë pikë. Edhe pse e ka quajtur të drejtë mendimin e hedhur nga kryebashkiaku i Himarës, Kokosis ka thënë se ky është një mendim personal, ndërsa deri më tani nga ana e qeverisë greke nuk ka asnjë reagim zyrtar lidhur me këtë çështje.

Vetëm një javë më parë kryetari i rizgjedhur i Bashkisë së Himarës ka gjetur mundësinë të ribëhet protagonist i përplasjeve të ashpra nacionaliste. Gjatë emisionit të përjavshëm "Exclusive" në "Top Channel", Vasil Bollano është shprehur për pavarësinë e Vorio-Epirit, siç njihet në Greqi pjesa jugore e Shqipërisë. Ai edhe më parë kishte lëshuar deklarata për statusin e minoritetit që i duhet dhënë Himarës, por kësaj radhe qëndrimet e tij u përshkallëzuan në një mënyrë drastike, duke arritur deri aty sa të vendosë paralele me kërkesat e shqiptarëve të Kosovës. Sipas Bollanos, "kjo gjë do të ishte në të mirë të Ballkanit dhe të pakicave greke në Shqipëri".

Por kësaj radhe deklaratat e kryebashkiakut problematik shkaktuan një reaksion mjaft të ashpër jo vetëm në opinionin publik shqiptar, por edhe në politikën vendase, e cila shpesh herë i ka kaluar në heshtje shkeljet e ligjit, kur ato bëhen nga persona që kanë lidhje me Greqinë, apo që mbështeten nga politika e Athinës. Kësaj radhe, me përjashtim të qeverisë, e cila vazhdon të heshtë në mënyrë të pakuptimtë, spektri politik shqiptar i dënoi me forcë qëndrimet e Bollanos, duke kërkuar madje edhe vënien e tij përpara përgjegjësisë ligjore.

E ndërsa kishte nisur të fashitej zhurma e krijuar nga këto zhvillime dhe dukej se deklaratat e Bollanos do të arkivoheshin sërish në sirtarët ku shkeljet e tij ligjore të padënuara janë bërë tashmë një stivë e lartë, vjen në mbështetje të tij një zë grek. Ambasadori Kokosis, i cili edhe pse ka shprehur dyshim për saktësinë e deklaratave të kryebashkiakut të Himarës, i ka cilësuar ato si të drejta, çka duket se do të shërbejë si një lloj benzine në prushin që kish nisur të fikej.

Deklarata e Kokosis është bërë publike pas një takimi që ai ka mbajtur në qytetin e Ersekës me kryetarin e bashkisë, Adriatik Braçe. Në këtë bashki qeveria greke ka akorduar një investim prej 22 milionë eurosh për përmirësimin e sistemit të trotuareve dhe të ndriçimit të rrugëve të qytetit. Ndërsa ka firmosur edhe marrëveshjen për projektin në fjalë, Kokosis ka deklaruar se ky investim i qeverisë greke nuk është i pari për zonën e Kolonjës, ndërsa sipas tij këtë vit do të jepen 10 mijë viza pune për shtetasit shqiptarë.



PBDNJ u distancua nga përfaqësuesi i saj


Qëndrimet antiligjore të kryebashkiakut të Himarës, kësaj radhe kanë vendosur kundër tij edhe vetë forcën politike të cilën ai përfaqëson. PBDNJ mori një pozicion të ndryshëm nga herët e tjera, duke u distancuar menjëherë nga deklaratat e tij. Nëpërmjet Leonard Solis, sekretarit të Përgjithshëm të saj, PBDNJ bëri të ditur se "deklaratave të Bollanos nuk u duhej kushtuar rëndësi", duke i cilësuar ato shashka pa rrezik. Ky qëndrim krijon kështu një precedent në marrëdhëniet midis PBDNJ-së dhe përfaqësuesit të saj në krye të Bashkisë së Himarës.



Reagimet ndaj Bollanos



LSI

Sekretari ndërkombëtar i LSI-së, Edmond Haxhinasto, i ka konsideruar deklaratat e Bollanos si shprehje të një nacionalizmi arkaik, që shkon kundër frymës integruese evropiane të Shqipërisë


Sabri Godo

Kërkoi nga Kryeministri largimin nga detyra të kryebashkiakut të Himarës. Sipas tij, banorët e Himarës s‘e meritojnë një kryebashkiak që ka rënë pre e qarqeve të errëta greke


PDI

Partia që përfaqëson interesat e popullsisë çame, ka deklaruar dje se "çamët nuk kërkojnë autonomi në Greqi, por vetëm standarde evropiane të të drejtave themelore të njeriut"
 




____________
\"Mos shikoni kishat as xhamijat se feja e shqiptarit eshte shqiptaria.\"

Sabri Godo kërkon nga kryeministri shkarkimin nga detyra të bashkiakut të PBDNJ-së


Kushtetuta sanksionon se “tërësia territoriale e Shqipërisë nuk mund të vihet asnjëherë në diskutim”

Deklaratat e Kryetarit të Bashkisë së Himarës, Vasil Bollano, i cili ka bërë të qartë se Omonia nuk kërkon për “Vorio Epirin” më shumë se pavarësi, kanë hapur debat në Tiranë, ku është kërkuar shkarkimi i tij nga Kryeministri Berisha. Republikani Sabri Godo i ka cilësuar deklaratat e tij manifestim që kërcënon tërësinë territoriale të vendit, çka sipas tij është në shkelje të rëndë të Kushtetutës. Duke iu referuar frymës së Kushtetutës por dhe neneve të veçanta të “goditura” nga deklarata e Bollanos, Godo thotë se është në detyrën e qeverisë që të mbrojë atë dhe të shkarkojë këtë zyrtar.

Shkelja e Kushtetutës

Deklarata e kreut të Bashkisë së Himarës, Vasil Bollano është cilësuar dje si një goditje e rëndë që i bëhet Kushtetutës. Në deklarimin haptazi të qëndrimit të Omonias, sipas të cilit kjo e fundit kërkon pavarësi për “Vorio Epirin”, Bollano jo vetëm është në kundërshtim me frymën Kushtetuese, por dhe në kundërshtim me nene të veçanta të saj. Pikërisht në nenin 1, pika dy të Kushtetutës theksohet qartë se “tërësia territoriale e Shqipërisë nuk mund të vihet asnjëherë në diskutim”. Për të vijuar më pas në nenin 3 të Kushtetutës ku “pavarësia e shtetit dhe tërësia e territorit të tij, dinjiteti i njeriut, të drejtat dhe liritë e tij, drejtësia shoqërore, rendi kushtetues, pluralizmi, identiteti kombëtar dhe trashëgimia kombëtare, bashkëjetesa fetare, si dhe bashkëjetesa dhe mirëkuptimi i shqiptarëve me pakicat janë baza e këtij shteti, i cili ka për detyrë t'i respektojë dhe t'i mbrojë”. Duke iu referuar këtyre neneve, Godo thotë se edhe në katër vitet e shkuara, i njëjti person ka shfaqur të njëjtat tendenca dhe shkarkimi i tij duhet të ishte bërë jo sot, por kohë më parë. “Qeveria shqiptare ka përgjegjësinë të mbrojë tërësinë territoriale të Shqipërisë. Kemi të bëjmë një veprim që e vë nën kërcënim tërësinë territoriale, prandaj them se është drejtpërdrejtë në kundërshtim me frymën dhe detyrimet kushtetuese. Ia kam sugjeruar qartë këtë gjashtë muaj më parë Kryeministri Berisha, sepse nuk është e para herë që ky njeri shfaq tendencat e tij”, u shpreh Godo. Ai ka shkuar më larg duke e cilësuar gabim mbështetjen që i është dhënë dhe më parë për t’u zgjedhur.

Deklarata

Kryetari i Bashkisë së Himarës ka godiur rëndë në emisionin “Exlusive” të Top Channel Integritetin territorial të Shqipërisë, duke vendosur paralele mes Kosovës dhe konceptit të “Vorio Epirit” emër me të cilin vetëm nacionalistët grekë thërrasin territore të jugut të vendit, në kohën kur gjithë historianët theksojnë se ky territor historikisht ka qenë shqiptar. Bollano është shprehur se “Vorio Epiri” meriton po atë zgjidhje që shqiptarët kërkojnë për Kosovën, duke aluduar për një ndarje territoriale nga bregu jugor i Vjosës, pra një republikë të pavarur. “Nuk e di nëse është kërkesë e shtetit grek, por di që Omonia e ka kërkuar vazhdimisht atë. Ne nuk duam më shumë se ç’kërkon Shqipëria për Kosovën. Kjo është në të mirë të Ballkanit dhe të pakicave greke në Shqipëri”, është shprehur Bollano. Ndërkaq i pyetur nga “Metropol” Solis nuk ka pranuar të komentojë deklaratën Bollanos, duke e argumentuar me faktin se nuk e ka dëgjuar. Gjithsesi faktet janë tërësisht kundër Bollanos, i cili në emër të minoritetit dhe për shkak të lirive të plota që i janë dhënë kësaj kategorie, abuzon me deklarata antishqiptare dhe pse qeveris një popullsi shqiptare. Në të githa raportet ndërkombëtrae bëhet e ditur se minoriteti grek në Shqipëri nuk përbën më shumë se 2 për qind të popullsisë. Ndaj dhe nuk mund të ketë hipoteza të tilla si të Bollanos.

Të largohet Bollano

Deklarata e Sabri Godos

Kam kërkuar që gjashtë muaj më parë që Kryeministri ta pushojë këtë funksionar të administratës shtetërore, i cili manifeston tendencat për të vënë nën kërcënim tërësinë territotriale të Shqipërisë. Është një veprim anti-Kushtetues ikëtij zotërisë, që shpallet bëtorësisht dhe më duket se nuk kemi arsye ta lëmë të flasë duke krijuar situata politike të pakëndshme. E keqa është se këtu i bëhet jehonë individëve në grupimeve të ndryshme në Greqi dhe duket si një gjë e koordinuar për të krijuar ndërlikime në marrëdhëniet Shqipëri-Greqisë. Shteti ynë dhe politika duhet ta kuptojë se duke heshtur dhe iu toleruar këta njerëz që vijnë nga zërat e 100 viteve më parë, krijojmë një situatë të vështirë. Në të vërtetë acarojmë marrëdhëniet. Duhet të themi qartë se jemi për marrëdhëniet të mira, se nuk kemi pretendime ale as për Çamërinë as për asgjë tjetër dhe këto gjëra i kemi vënë në heshtje, respektojmë kufirin dhe kërkojmë që të njëjtën gjë të bëjë dhe pala tjetër. Këtë politikë duhet ta bëjmë të qartë dhe të mos lejojmë të hyjnë zëra të habitshëm që vijnë nga megali-idea.

Edmond Haxhinasto

LSI denoncon abuzimin

Në emër të LSI-së dënoj me forcë qëndrimet e Kryetarit të Bashkisë së Himarës, Vasil Bollano. Këto qëndrime janë një përpjekje e dështuar për të vendosur paralelizma sado të largët midis Kosovës martire të gjenocidit dhe Shqipërisë së Jugut. Janë përpjekje e dështuara për të shërbyer si kundrapeshë problematike pikërisht në momentet përcaktuese të Statusit të Kosovës, pavarësisë së saj. Gjithashtu janë përpjekje të dështuara për ngacmimin e ndjeshmërive në marrëdhëniet shumëplanëshe e tepër të rëndësishme midis Shqipërisë e Greqisë. Qëndrimet provokatore e dashakeqe të Bollanos si individ, nuk do të meritonin vëmendjen më të vogël si shprehje e një nacionalizmi arkaik e të mykur që shkon kundër frymes integruese evropiane të Shqipërisë dhe gjithë rajonit. Por ai është përfaqësues i një force politike dhe mban një pozicion publik, të fituar edhe me votat e mazhorancës aktuale. Qëndrimet e tij janë përçarëse dhe fyese edhe për vetë komunitetin e Bashkisë ku drejton ai. Kërkojmë nga forca politike dhe mazhoranca që të distancohen prej tij.
 




____________
\"Mos shikoni kishat as xhamijat se feja e shqiptarit eshte shqiptaria.\"

Mimoza Dervishi

Deklarata e turpshme, djallëzore, arkaike, antishqiptare e një kryetari bashkie shqiptare, që paguhet nga shteti shqiptar dhe taksapaguesit e këtij shteti, i quajtur Bollano, duhej sot të kish ngritur në këmbë vetë shtetin, opinionin politik të çdo krahu, opinionin shoqëror, intelektual, civil, mediatik, si dhe këdo brenda dhe jashtë kufijve të Shqipërisë, që ende ka në deje gjak shqiptari. Në vitin 2007, në mes të Evropës që kërkon të bashkojë kufijtë, të Ballkanit që po kuron plagët e reja, por kryesisht të vjetrat, ato të ndarjeve shoviniste dhe që ka paguar paq për copëtimin, një ekstremist greko-nacionalist i veshur me pushtet shqiptar kërkon në mënyrën më të hapur që Shqipëria të ndahet në pjesë. Ai flet për një shtet imagjinar, që kurrë nuk ka ekzistuar dhe kurrë nuk është provuar, përveçse në mendjet e sëmura të ekstremistëve perversë grekë dhe të të shiturve perversë shqiptarë.

Të parët nuk janë pak, madje janë kudo deri në lobingje amerikane, që helmin e tyre e lëshojnë ngado përmes një rruge që kanë ndjekur tash sa dhjetëra vjet, parasë. Të dytët nuk janë pak gjithashtu, ata nuk e kanë emrin veç "bollano", por që prej 10 vitesh e më shumë quhen edhe socialistë, edhe demokratë, ose me fjalën popullore: politikanë. Disa të shitur e të blerë me para greke të mjaftueshme për t‘u kthyer në pasunarë dhe për t‘u mbyllur gojën në këmbim. Të tjerë të shitur për një copëz pushtet që gabimisht, tërësisht në mënyrë kompleksuale, mendojnë se u vjen e u ikën prej grekëve. Të gjithë një tufë antishqiptarësh, antipatriotësh, që kurrë nuk e panë atdheun si gjënë kryesore të jetës së tyre, si gjënë më të shtrenjtë se veten, më të shtrenjtë se familjen. Këta janë fytyrat e vërteta të baballarëve dhe bijve të kombit, që kurrë nuk e çojnë në mend që para se t‘i thonë vetes politikanë, duhet t‘i thonë patriotë; që kur betohen para flamurit ta ndiejnë me shpirt dhe zemër; që kur interesat e kombit preken, të lënë çdo mëri vetjake a partiake dhe të bëhen një. Që kur një i marrosur antishqiptar i dhjamur me para greke, plus atyre të taksapaguesve shqiptarë, si Bollano, lëshon deklarata të rrezikshme antikombëtare, të mblidhen të dënojnë një punonjës të shtetit që këta politikanë udhëheqin. Ose të paktën, të distancohen nga kjo deklaratë dhe të lëshojnë alarmin e kombit në rrezik.

Sepse kombi shqiptar është i kërcënuar dhe deklarata e një kryetari bashkie brenda territorit të Shqipërisë, që më parë falet në Athinë se në Tiranë, nuk është as rastësi, as e papritur. Në fakt, ajo gjen në befasi vetëm pjesën e civilizuar të dy shoqërive greke dhe shqiptare, civilizim që në këtë mijëvjeçar të ri s‘ka lidhje me arkaizmat e shekujve dhe aq më pak i sheh ato të arritshme apo të domosdoshme. Për sa i përket pastaj rrjedhe logjike të ngjarjeve të fundit në Shqipëri dhe raporteve të saj me Greqinë, kjo deklaratë është vetëm një rrjedhojë e natyrshme që herët a vonë do shpërthente. Si mund të shkojnë dëm gjithë ato pensione për ortodoksë e myslimanë shqiptarë (të kulluar shqiptarë), që kanë vite e vite që dalin nga buxheti i Athinës? Ka më shumë se dhjetë vjet që shteti shqiptar, demokrat, socialist, e prapë demokrat, është në dijeni të kësaj metode dhe politike të frikshme që një shtet fqinj aplikon ndaj nesh dhe kurrë nuk ka ngritur të paktën pyetjen: Pse? Për mos shkuar më tej te një studim i hollësishëm, se kush paguhet nga Athina, pse paguhet dhe çfarë do kërkohet në këmbim të kësaj pagese. Politikanët shqiptarë, kur vjen fjala për Greqinë, përpiqen të bëjnë diplomatin, por harrojnë se ka kufij kudo, diplomatikë, politikë, njerëzorë dhe sigurisht kufij gjeografikë. Të cilët, nëse njëra palë i shkel apo tenton dhe përgatit terrenin t‘i shkelë nesër, të gjitha bastet janë "off" dhe diplomacia nuk pi më ujë.

Politikanët tanë, këta inferiorë të pakufi, me indiferencën e tyre janë palë në agresion, janë palë në tradhti kombëtare, madje janë pikërisht ata që lejojnë jo vetëm deklarata të rrezikshme të lulëzojnë nga goja e punonjësve të shtetit shqiptar, por madje i japin krahë strategjisë dhe teknikave që mund të na çojnë nesër në një Kosovë të re. Dhe le të ndalemi vetëm një sekondë te Kosova, meqë dhe Bollano ka guximin dhe paturpësinë ta përmendë. Ai tha se është e njëjta gjë, se ata, "autonomët grekë", nuk po kërkojnë gjë tjetër, veçse atë që kërkon Shqipëria për Kosovën. Në fakt, ka vetëm një ngjashmëri në këtë mes. Atë që po kërkon Greqia, përmes bulonave dhe bollanove, është pikërisht ajo që u realizua gati një shekull më parë, ndarja e një pjese tërësisht shqiptare nga trungu i Shqipërisë. Atëherë ne nuk kishim shtet, të varfër, të dobët, kur fatet na i vendosnin të tjerët, dhe lamë Kosovën të quhej pjesë e Jugosllavisë. Sot, pas 100 vjetësh, më në fund, pas gjakut të derdhur nga mijëra martirë që ruajtën gjuhën dhe zakonet nën dhunë, që mbajtën flamurin nën gji ditë e natë, më në fund historia po vë pikat mbi "i".

Për shkak të gjeopolitikës dhe për shkak të një paradoksi që askush nuk di ta shpjegojë, Kosovës do t‘i jepet pavarësia shpejt, me kusht jo bashkimin me Shqipërinë. Normalja do ishte që Prishtina të ishte një Berlin i dytë, që shteti amë të bashkohej me gjymtyrën e grabitur. Por ja që bota e re ka kushte dhe të dyja palët shqiptare kanë thënë "Po" për një të mirë të madhe, pavarësinë e shumëdëshiruar të kosovarëve. Dhe meqë kjo është dhe dëshira e vetë shqiptarëve në Kosovë, le të bëhet më e mira për ta dhe le të jemi dy shtete shqiptare në Ballkan, sado ridikjuloze të duket kjo. Por të krahasosh përpjekjet dhe dëshirën për pavarësi të Kosovës së vrarë e sakatuar nga serbët, të një pjese të trungut tonë kombëtar që ende s‘e di ku i ka varret e bijve që luftuan për këtë ditë, me fantazitë e çmendura shoviniste të disa grekëve me para, që qëndrojnë në politikë në Athinë, Tiranë, Sarandë apo Uashington, është jashtë çdo logjike dhe sensi normal. Bollanos jo vetëm nuk i dridhet qerpiku të deklarojë agresion ndaj shtetit shqiptar, por paturpësisht fyen Kosovën, duke na fyer të gjithëve, duke na lënduar të gjithëve, duke hapur plagë të vjetra të një kombi të paaftë për të mbrojtur kufijtë e tij dje, por akoma më të paaftë për të mbrojtur veten e tij sot.

Figura si ai dhe të tjerë duhet së pari të hasin në pengesa elektorale dhe në bashkimin politik shqiptar pa dallim ngjyre, që lloji i tij sot mos të mbante postet që mban në shtetin shqiptar. E nëse PS-ja dhe PD-ja do kishin parë përtej hundës së tyre, Bollano do ishte thjesht një i paguar i grekëve, një qen që leh kot, sa për të justifikuar pensionin nga Athina, që sigurisht mund ta ketë më të majmë se pleqtë e Palasës, Dhërmiut, Korçës, Sarandës, Peqinit, e dreqi e di se kujt cope tjetër shqiptare. Por sot ai është kryetar bashkie në administratën e shtetit shqiptar, flet në emër të këtij shteti dhe kur ky shtet nuk reagon, kjo do të thotë që jo vetëm i jep të drejtë, por edhe është i dorëzuar para çdo plani të afërm a largët që dëmton rëndë interesat tona kombëtare. Dhe nuk ka si të jetë ndryshe, kur janë këta politikanë drejtues të kombit, që heshtin dhe vetëm heshtin jo vetëm për incidente private në dukje sporadike, ku shqiptarët ose theren ose u këndohen këngë me zorrët që do t‘u bëhen litarë, por edhe kur ndodhin çudira të tilla si hapja e shkollave greke mu në mes të Shqipërisë së Jugut apo Juglindjes. Territore që kurrë nuk kanë qenë greke dhe kurrë s‘kanë për të qenë. Politikanët heshtin kur Greqia në emër të hyrjes në Evropë kërkon të blejë paturpësisht kësaj here jo vetëm me dhrahmi, por me pasaporta autonomie më shumë se gjysmë milioni shqiptarë. Ne të gjithë heshtim të shokuar kur Greqia doli kundërshtarja më e devotshme e pavarësisë së Kosovës. Ne të gjithë e dimë se vota e saj, jo vetëm për Kosovën, por edhe për vetë Shqipërinë e dëshiruar për t‘u angazhuar në organizmat ndërkombëtarë, është një votë kundër qysh në mëngjes. Ne të gjithë heshtim për pronat e ligjshme të çamëve dhe kur politikanët kanë frikë se mos zemërojnë Athinën. Nën hijen e të qenit gjoja diplomat, ata të gjithë kanë harruar detyrën kryesore ndaj atdheut, kanë flakur tutje çdo ndjenjë patriotike, që Zoti e di në e kanë pasur ndonjëherë.

Dikur ishte Nano që patriotizmin e këmbeu me buzukë, qejfe dhe hargalisje haremi. Sot është Berisha më i frenuar në këtë drejtim, por i shfrenuar për pushtet, që akoma ka paranojën se në 1997-ën e hoqën grekët nga pushteti, që akoma rron me frikën se ata po të duan ia bëjnë prapë. Ka harruar se, si dje dhe sot, ai ia bën vetes. Antishqiptarizmin e djeshëm, të fshehur nën fuçi nafte kur furnizonte Millosheviçin, e ka kthyer në një antishqiptarizëm të ri, të hapur fare, inferior, që i shtohet paaftësisë dhe dhunës me të cilën bën ligjet dhe shtetin nga brenda. Dhe kjo e dyta, ashtu si dikur, do ta çojë në të njëjtin fund të pashmangshëm, pa qenë nevoja për Athinën, ashtu sikur nuk ka qenë kurrë. Të befason reagimi i opozitës së quajtur ndryshe, me një lider të ri, që duhet të reagonte menjëherë, qoftë edhe si koleg i Bollanos në administratën e shtetit shqiptar. Të befason dhe trishton pa masë reagimi zero i atyre politikanëve të ashtuquajtur të rinj, që nuk lënë debat e ekran televizioni pa na u shfaqur, ndonjëri duke gagaçuar e duke propaganduar politika të reja, që nuk lënë vend pa na tundur diplomën e Perëndimit, jo atë realen e shkollës, por atë medaljen e trimërisë dhe patriotizmit se lanë Perëndimin për atdheun. Aq shumë patriotë janë! Disa prej tyre në fakt e kanë provuar se e lanë vërtet Perëndimin për t‘u pasuruar brenda një viti aq marramendës, sa në Perëndim nuk do ta kishin arritur as në ëndrrën më të çmendur. Dhe paçka se nuk pret gjë nga këta rrjepës të atdheut, qoftë për hir të hipokrizisë që i shoqëron në çdo hap, sot duhet të ngriheshin dhe protestonin, sepse atdheut që "duan" kaq shumë i preken interesat.

Shoqëria civile duhet të jetë e gjitha në aksion sot, ashtu sikur ka qenë sa herë që politika nuk është gjëkundi. Dhe me aksion nuk e kam fjalën te djegiet bastarde të flamujve grekë, që është një huq i bartur nga Athina, por e kam fjalën për shfaqjen e civilizimit të vërtetë që rrënjët i ka te patriotizmi dhe jo tek interesat e ngushta politike të momentit. Deri tani, në të vërtetë, sa herë na shqetësojnë fqinjët, sa herë na therin vëllezërit, sa herë na poshtërojnë fëmijët nëpër shkolla, sa herë na këndojnë këngë barbarësh, kemi dëgjuar veç Sabri Godon dhe Pëllumb Xhufin, si dhe partinë e këtij të fundit, LSI-në, të protestojnë dhe reagojnë siç u ka hije jo vetëm politikanëve, por shqiptarëve në radhë të parë. Secilin prej tyre unë e votoj për President menjëherë dhe kjo nuk ka lidhje me valën që ka përfshirë politikën shqiptare të momentit. Nuk është as nacionalizëm ekstrem i llojit grek, është thjesht patriotizëm normal, që as nuk shitet, as nuk blihet.
 




____________
\"Mos shikoni kishat as xhamijat se feja e shqiptarit eshte shqiptaria.\"

Debate gjatë interpelancës me kreun e Bashkisë për Vorio Epirin dhe prishjen e ndërtimeve


Nuk do të heqin dorë nga kërkesa e tyre për ta përballur kryetarin e bashkisë me opinionin e Këshillit Bashkiak, për deklaratat e tij që i konsiderojnë "krejt antikombëtare". Duket shumë i vendosur për këtë, njëri nga nismëtarët e kërkesës për interpelancë me kryebashkiakun e Himarës, Vasil Bollano. Ndonëse është mbështetur nga PAD dhe figuron si këshilltar i kësaj force politike, Irakli Gjiçali njihet më shumë në qytetin bregdetar si një intelektual i pavarur. Së bashku me 6 kolegë të tjerë, të forcave të ndryshme politike, nga të dy krahët e politikës janë përpjekur t‘i kërkojnë llogari kryebashkiakut për qëndrimet e tij lidhur me të ashtuquajturin Vorio Epir, por mazhoranca dhe kryetarja e këshillit, një tjetër Bollano, kësaj radhe me emrin Silva, nuk i ka lejuar, duke ju mohuar një të drejtë më se normale. Në një intervistë ekskluzive për "Shqip", Gjiçali tregon se si është zhvilluar "beteja" për të drejtën e tyre dhe si do të vazhdojnë ta kërkojnë këtë të drejtë. Ai nuk ka nguruar të shprehë hapur qëndrimin e nismëtarëve të kësaj interpelance, kundër deklarimeve, "që nuk dihet se ku e kanë origjinën" të Bollanos, për të cilat thotë se shteti duhet të ndërhyjë, pasi janë shkelur ligji dhe Kushtetuta.


Zoti Gjiçali, si është zhvilluar mbledhja e fundit e Këshillit Bashkiak të Himarës dhe çfarë problemesh janë hasur aty?


Mbledhja e këshillit bashkiak ishte njoftuar që prej një jave dhe në rendin e ditës së ishte parashikuar diskutimi i projektbuxhetit për vitin 2007, si dhe struktura e administratës së Bashkisë. Ndërkohë, ne, një grup këshilltarësh nga të gjitha forcat e spektrit politik, i bëmë një kërkesë më shkrim kryetares së këshillit, për të ndryshuar rendin e ditës, duke vënë në krye të tij diskutimin mbi qëndrimin dhe deklaratat e bëra në media nga kryetari i bashkisë, për Vorio Epirin.

Gjithashtu, ne kërkonim që kryetari i bashkisë të sqaronte pozicionin e tij lidhur me veprimet e Policisë Ndërtimore për prishjen e ndërtimeve pa leje në zonën e bregdetit. Kjo pasi përveç Jalës ishin parashikuar prishje edhe në Livadhja, në Himarë, dhe në disa vende të tjera. Por ato janë pezulluar dhe zyrtarisht nuk e dimë arsyen, ndërsa në qytet thuhet se ka qenë ndërhyrja e Bollanos që disave u janë prishur ndërtimet, ndërsa disa të tjerëve jo. Për këto çështje në kërkonim sqarime nga kryetari i bashkisë.


Sa këshilltarë e kishin firmosur këtë kërkesë dhe cilave forca politike u përkisnin?


Ne ishim katër këshilltarë që kishim firmosur, por që ishin prononcuar në mbështetje të kërkesës ishin shtatë, sepse tre këshilltarë të tjerë nuk ishin prezent për arsye objektive në mbledhje. Njëri prej tyre ishte në spital dhe dy të tjerë ndodheshin me shërbim jashtë shtetit. Por që të tre ishin prononcuar nëpërmjet telefonit në mbështetje të kërkesës sonë.

Për sa i përket përfaqësimit politik, në mbështetje të kërkesës kishte këshilltarë nga PD-ja, nga PS-ja edhe nga forca të tjera politike si nga e djathta ashtu dhe nga e majta.


Më pas si ka vazhduar mbledhja e këshillit?


Ne ja paraqitëm kërkesën kryetares Silva Bollano, duke kërkuar që ta lexojmë atë dhe pastaj të hidhej në votë. Por kryetarja nuk e ka pranuar këtë gjë dhe na ka thënë se nuk mund ta lexonim kërkesën. Në këtë kohë është krijuar një rrëmujë në Këshillin Bashkiak dhe këshilltarë të tjerë na shanë dhe na fyen rëndë, por ne u përpoqëm të mos binim pre e provokimeve dhe i kërkuam sërish kryetares që të lexonim kërkesën tonë. Madje, për të arritur një lloj konsensusi, i kërkuam që ta lexonte ajo vetë, por edhe kësaj radhe zonja Bollano nuk pranoi. Ajo tha se çështja që ne kërkonim do të diskutohej, do të lihej për në fund të rendit të ditës. Në këto kushte, ne u detyruam të braktisnim sallën e mbledhjes.


A ishte në sallë kryetari i bashkisë dhe a reagoi ai gjatë kohës që ju po debatonit me kryetaren e këshillit?


Bollano nuk u prononcua fare. Ai ishte në sallë dhe nuk foli fare për çështjen që ne kërkonim të diskutohej, me gjithë insistimin tonë se kjo ishte një nga çështjet më të rëndësishme me të cilat duhej të njihej Këshilli i Bashkisë.


Cili ishte qëndrimi i grupit që kishte kërkuar interpelancën ndaj deklaratave të zotit Bollano?


Ne jemi kundër këtyre deklaratave dhe ndaj kërkonim diskutimin në Këshillin Bashkiak të këtyre qëndrimeve krejt antikombëtare. Në asnjë mënyrë ne nuk mund të pajtohemi me qëndrime dhe me deklarata të tilla bombastike që kushedi se ku i kanë rrënjët dhe origjinën dhe për të cilat mendojmë se shteti duhet të ndërhyjë, pasi janë shkelur ligjet dhe Kushtetuta e Shqipërisë. Madje edhe vetë betimi që ka bërë Bollano si kryetar bashkie bie në kundërshtim me deklaratat e tij.

Sigurisht synimi ynë nuk ishte thjesht të dëgjonim se çfarë do të thoshte zoti Bollano, por në të njëjtën kohë të shprehnim publikisht edhe mendimet tona që i kundërvihen këtyre qëndrimeve. Kjo do të kishte vlerë, sepse një pjesë e mirë e këshilltarëve, madje edhe nga ajo që mund të quhet mazhorancë në këshill do të shkëputeshin dhe do të distancoheshin nga këto deklarata. Por kryetarja së bashku me 4-5 anëtarë të tjerë, që bëjnë gjithmonë potere aty në këshill, nuk e lejuan realizimin e kërkesës sonë.

Çfarë rruge do të ndiqni më tej për të realizuar kërkesën tuaj, për të realizuar interpelancën dhe për të bërë të njohura qëndrimet tuaja?

Jemi duke diskutuar, dhe për momentin ende nuk kemi përcaktuar se si do të përshkallëzohet aksioni ynë politik, pasi, nga sa kemi mundur të informohemi, mazhoranca në këshill do të përpiqet që ta shtyjë sa më shumë afatin e mbledhjes së ardhshme, për të mos ta bërë kurrë atë interpelancë. Sigurisht ata do të përpiqen të shfrytëzojnë shumicën e votave të këshillit si dhe faktin që kanë në dorë edhe kryetarin edhe nënkryetarin e këshillit.

Ne, nga ana jonë, do të kërkojmë me insistim që edhe mbledhja e ardhshme, por edhe interpelanca të bëhet sa më shpejt.
 




____________
\"Mos shikoni kishat as xhamijat se feja e shqiptarit eshte shqiptaria.\"

Ju ngjat jeta......
Po mir por deri kure.........kur do tja kallim ...KKKKUUUURRRR
 

mos ki dert bre shqype se qe dita jo ka me ardh i tash po nji kta rust nuk dun me na dhan pamvarsin se jan aleata me shakun
 

Kush do tja dije per Bollanon  apo per nenen e Bollanos  
 

Po bre vllazen se munet me e shkrujt n'akull ket bollen POR
 ---   A KA HALA AVNI RUSTEMA N'SHQYPNI ---
duhet me i tregu shkjajve e sidomos atyne qi marrin pensionet e tyne
se qeni ta kallte nanen e duhet KY PLERE TE VARET PER B--ET
E KALIT TE SKNDERBEUT NE QENDER TE TIRANES