Fituesi i garës së Malajzisë, Fenrando Alonso, vazhdon të thotë se McLaren i ka akoma shumë punë për të bërë me makinën, pasi avantazhi i tyre në këtë garë ishte thjesht relativ. Një ditë pas fitores së parë me skuadrën nga Uokingu, kampioni i botës në fuqi ka deklaruar se gara do të kishte pasur një fund krejtësisht të ndryshëm nëse ai dhe Hamiltoni nuk do të bënin atë nisje të mirë. Edhe pse të dyja makinat McLaren u renditën në vendin e parë dhe të dytë në këtë garë, Alonso mendon se makina e tij ka një disavantazh të vogël kundrejt Ferrarit. "Për të qenë sa më të sinqertë, dua të shtoj se na duhet akoma punë për të pasur një makinë kompetitive. Nëse Masa do të nisej mirë dhe do të mbante vendin e parë, për ne do të ishte shumë e vështirë vazhdimësia e garës. Pra nuk duhet të mendojmë se tani jemi më mirë, por ndoshta i jemi afruar më shumë se në garën e Australisë. Bëmë një përmirësim të makinës në testimet që zhvilluam përpara garës së Malajzisë dhe tashmë jemi shumë pranë tyre. Jam i sigurt se skuadra jonë do të vazhdojë me programet e saj të përmirësimit të makinës derisa të arrijmë 100% të potencialit tonë." Për sa i përket diferencës që kishte Raikoneni në Australi, e cila nuk ekzistonte në garën e Malajzisë, Alonso mendon se nuk ka ndonjë faktor të veçantë. "Gara e Australisë gjithmonë ka qenë disi e çuditshme në krahasim me të tjerat. Në të shkuarën, Ferrari është paraqitur gjithmonë mirë atje dhe ka pasur një avantazh kundrejt të tjerëve. Mendoj se në garën e parë mësuam shumë nga mënyra se si funksionojnë gomat dhe atë sekret që mësuam, do ta përdorim në të gjitha garat e këtij kampionati. Gjithashtu e kemi përmirësuar ndjeshëm makinën, edhe pse të themi të drejtën mbetëm disi të befasuar nga ky rezultat në Malajzi," ka vazhduar piloti spanjoll i McLaren it. Formula 1 tashmë i drejtohet Bahreinit, ku këtë fundjavë do të zhvillohet gara e radhës. Pikërisht në atë pistë, Ferrari është paraqitur më mirë se të gjithë gjatë testimeve dimërore. Duke u nisur nga këto rezultate, Alonso ka deklaruar se tani pret Çmimin e Madh të Spanjës që do të zhvillohet më 13 maj, për të menduar për fitoren e dytë të këtij sezoni. "Nuk do të ketë ndonjë ndryshim të madh në makinat tona nga Malajzia në Bahrein, pasi mbeten vetëm 4 ditë. Për këtë arsye mund të them se edhe atje do të jemi kompetitivë. Megjithatë, në këtë pistë Ferrari ka qenë më e shpejtë se të gjitha skuadrat e tjera gjatë testimeve, për këtë arsye do të jetë shumë e vështirë që t'i mundim sërish. Besoj se do të jetë një fundjavë e vështirë për ne, megjithëse për momentin komandojmë të dyja klasifikimet e përgjithshme, për pilotë dhe konstruktorë. Për këtë arsye na duhet vetëm të mbrohemi atje," ka përfunduar Alonso.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kimi Raikonen ka ndryshuar programin e tij të pushimeve. Ai nuk ka shkuar në parkun argëtues Ferrari në Abu Dhabi, ku ndodhet për pushime dhe presidenti Montezemolo, ai së bashku me bashkëshorten e tij Xheni, mikun e tij pilot Toni Vilander dhe përgatitësin atletik, Mark Arnal, janë rikthyer në Zvicër. "Pas asaj saune Malajzeze ndieja një dëshirë për pak ajër të freskët, e kisha të nevojshme të bëja edhe ndonjë xhiro me biçikletë në ato male," thotë finlandezi.
Mbrojtja: Tashmë atij i duhet të rikthehet si më parë, pas kësaj gare ku nuk pati mundësinë të tregojë të gjithë potencialin e tij. Problemet që pati motori i tij në xhirot e fundit të garës së Melburnit, e detyruan të mos nxirrte maksimumin nga makina F2007. Kështu që u detyrua të paraqitej në prova dhe më pas në garë me disa xhiro më pak të motorit të tij.
Pikërisht në ato momente të vështira të garës së Malajzisë, Raikoneni tregoi edhe një herë se di të jetë i durueshëm. Nuk është më ai pilot që i prishte makinat, ashtu siç e cilësonin në kohën kur garonte për McLaren in, sidomos në vitet e fundit. Ato 6 pikë që ai mori në garën e Sepangut me vendin e tretë, u arritën me një sforco të madhe, por këtë të diel duket se do të jetë një gjë tjetër. Dueli i tij duket se do të jetë me Fernando Alonson për fitimin e garës. Sigurisht, Kimi nuk është si Shumi që qëndronte deri në orët e vona të mbrëmjes në mbledhje me inxhinierët, por a është vallë kjo një shenjë dalluese diskriminuese midis një kampioni dhe një piloti të mirë?
Kundërsulmi: Duke parë se makina e tij ishte në vështirësi dhe ndoshta rrezikonte të mos e përfundonte atë garë, Kimi nuk u shqetësua aspak për fitoren e Alonsos. "Nuk u ndjeva aspak mirë në atë garë, pasi jam mësuar të jap gjithmonë maksimumin dhe të fitoj garat, ka vazhduar finlandezi. Ishte njësoj si një skuadër futbolli të dalë në fushën e lojës për të mbajtur një rezultat 0 0. Megjithatë, këtë të diel do të kem sërish një makinë 100% dhe padyshim do t'i kem të gjitha mundësitë për të fituar garën, ashtu si në Australi." Pikërisht në garën e parë të këtij sezoni ai arriti të nisej i pari dhe të mbante kryesimin e garës deri në fund. Një gjë të tillë nuk arriti ta bëjë Felipe Masa në garën e Malajzisë për shumë arsye. Në këtë mënyrë ai ka ngjallur dyshimet për aftësitë bindëse që tregoi në garën e fundit të vitit të kaluar në Brazil. Edhe ato paraqitje të mira që ai bëri gjatë testimeve dimërore, piloti brazilian i Ferrarit nuk i tregon.
Gabimi: Edhe pse në garën e parë të Melburnit ai nuk arriti të përfitojë, për shkak të problemeve me makinën, as në Malajzi ai nuk mundi të tregojë synimet e tij të vërteta për këtë sezon, për më shumë u parakalua edhe nga Ljuis Hamilton. "Parakalimet janë një art shumë i rrezikshëm, mund të bëhesh hero, por mund të dalësh dhe dështak," tha menjëherë pas garës Ron Denis. Tashmë Masa gjendet me të vërtetë në një periudhë të vështirë, atij i duhet të bëjë një kthesë të madhe dhe të tregojë se është në gjendje të fitojë. Ai nuk duhet të fitojë gara si në Turqi apo Brazil të vitit të kaluar, por duhet të tregohet një pilot që arrin të bëjë parakalime dhe di të luajë me strategjitë e skuadrës.
Hierarkia: Nëntë pikë disavantazh në dy gara nuk janë pak, por mund të sjellin më pas vështirësi për hierarkinë brenda skuadrës Ferrari. Edhe në kohën kur garonte Majkëll Shumaker, drejtuesit e Ferrarit thonin se nuk ka pilot numri 1 dhe pilot numër 2. Braziliani nuk duhet t'i lejojë më vetes të humbasë terren. Mundësia e radhës është padyshim gara e Bahreinit këtë fundjavë, kur përpara një muaji gjatë testimeve dimërore i la të gjithë prapa, duke përfshirë këtu edhe Kimin.
Endi TUFA

Veber: Mos e kritikoni Masën për atë gabim
Edhe pse i janë bërë shumë kritika Felipe Masës pas asaj paraqitjeje jo të mirë në garën e Malajzisë, ka ende disa persona që e mbështesin. Këtë herë ka qenë menaxheri i 7 herë kampionit të botës, Majkëll Shumakerit, Vili Veber, i cili ka thënë: "Unë e njoh shumë mirë Felipen. Ndoshta për momentin ka humbur ritmin e tij. Ai është padyshim një ndër pilotët më të fortë të asaj skuadre dhe padyshim në garën e Bahreinit do të rikthehet te fitorja. Nuk duhet ta hedhim poshtë Masën për atë gabim," ka përfunduar gjermani.

Todt reagon pas fjalëve për kalimin e Braunit te Honda
Menjëherë pas fjalëve të fundit të shtypit anglez, sipas së cilave Ros Braun mund të shkonte te skuadra Honda si drejtor teknik, Zhan Todt, drejtori i përgjithshëm i Ferrarit, ka reaguar. "E vërteta është se Brauni u tërhoq pasi dëshironte të ishte më i lirë dhe të merrej me veten. Marrëveshja që kemi bërë me të, është se nëse do të dëshironte të rikthehej sërish në Formulën 1, bisedimet e para do t'i bëjë me ne. Ndoshta ai nuk do të jetë më pjesë e garave, por në ndonjë pozicion tjetër, megjithatë ne do të diskutojmë me të çdo pozicion që ai do të kërkojë," ka përfunduar Zhan Todt.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pas fitores dyshe në garën e Malajzisë, Fernando Alonso dhe Ljuis Hamilton janë nisur menjëherë për në Bahrein, ku këtë fundjavë do të zhvillohet gara. Gara e Bahreinit është një tjetër sfidë e vështirë për makinat dhe për pilotët, pasi kushtet klimaterike janë pothuajse të njëjta me ato të Malajzisë.
Fernando Alonso: "Pas fitores së parë që arrita me skuadrën McLaren në Malajzi, pres me padurim të rikthehem në pistë këtë fundjavë në Bahrein. Në skuadrën tonë qarkullon një atmosferë pozitive dhe optimiste edhe për këtë garë. Të gjithë po japin maksimumin e tyre për t'u paraqitur sa më mirë në Sakhir. Ashtu si në Malajzi, edhe në Bahrein zhvillon gjithmonë gara të bukura dhe spektakolare. Pista është e gjerë dhe ka shumë mundësi parakalimi, por duke parë që pista ndodhet në mesin e shkretëtirës, disa nga pjesët e saj janë të rrëshqitshme dhe për këtë arsye duhet kujdes. Kemi zhvilluar testime të mira në këtë pistë gjatë sezonit dimëror dhe gomat Bridgestone janë paraqitur shumë mirë. Që nga ajo kohë, makina është përmirësuar ndjeshëm dhe padyshim që edhe paraqitja jonë do të jetë më e mirë.
Ljuis Hamilton: "E kam filluar këtë sezon të Formulës 1 me dy vende në podium në dy garat e para, rezultate që nuk më shkonin nëpër mend në fillim të kampionatit. Së bashku me skuadrën po vazhdoj të punoj shumë për të vazhduar me këtë ritëm rezultatesh. Pa dyshim unë jam i vetëdijshëm që në këtë sport gjëra të tilla nuk zgjasin për shumë kohë, pasi garat vështirësohen. Bahreini ashtu si edhe Malajzia do të jetë një tjetër garë impenjuese dhe unë do të provoj një eksperiencë të re. Jam duke menduar për këtë garë, por e di që do të jetë shumë e vështirë," ka përfunduar piloti britanik i skuadrës McLaren Mercedes.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Massa perseri ne pole

1- Felipe Massa          - Ferrari                         1:32.652                                
2 - Lewis Hamilton      - McLaren-Mercedes        1:32.935                                
3 - Kimi Räikkönen     -  Ferrari                        1:33.131                                
4 - Fernando Alonso    -  McLaren-Mercedes     1:33.19                                
5 - Nick Heidfeld         -  BMW                          1:33.404                                
6 - Robert Kubica      - BMW                           1:33.710                                
7 - Giancarlo Fisichella - Renault                       1:34.056                                
8 - Mark Webber      - Red Bull-Renault          1:34.106                                
9 -  Jarno Trulli          - Toyota                        1:34.154                                
10 - Nico Rosberg        - Williams-Toyota            1:34.399
 

Qielli duket disi i zymtë, për shkak të pluhurit të rërës që ngrihet në shkretëtirë, dje për pak çaste filloi edhe shiu. Në momentin e parë që Kimi Raikonen u paraqit në bokset e pistës, vërshuan menjëherë blicat e aparatëve të fotografëve, por ai nuk befasohet. Nga ana tjetër, Fernando Alonso paraqitet i qeshur, por nuk kryqëzohet në rrugën e bokseve me finlandezin, ndërkohë që me Masën ai takohet dhe vjen një shtrëngim dore. "Që fëmijë ka qenë i tillë, shumë i mbyllur dhe bënte gjithmonë atë që i pëlqente, për pjesën tjetër nuk e vriste shumë mendjen," tregon babai i Raikonenit. Megjithatë, këtë fundjavë ai ka një tjetër shans për të fituar me Ferrarin dhe pa dyshim që nuk do ta hedhë poshtë. Një shenjë të madhe durimi ai tregoi në garën e një jave më parë në Malajzi, ku e kursente makinën në të gjitha xhirot për të shmangur ndonjë problem me motorin. Megjithëse zhvilloi një garë në mbrojtje, arriti sërish të ngjitet në podium pas fitores në garën e parë në Australi. Diferenca e tij me kryesuesin e klasifikimit për pilotë tashmë është vetëm 2 pikë. Gara e Sepangut për finlandezin ishte një histori më vete, pasi Ferrari i tij ishte i transformuar në krahasim me garën e parë të Melburnit. Ndoshta kjo ishte dhe arsyeja kryesore që ai ishte më i ngadaltë në garë dhe në prova, në krahasim me shokun e skuadrës.
Gabimi: Po felipe Masa pse nuk arriti ta parakalonte BMW në e Nik Haidfeldit dhe të rikuperonte pozicione pas atij gabimi që bëri në tentativë për të parakaluar Hamiltonin? Masa thotë: "Në këtë fillim kampionati më mungon diçka. Në garën e parë të Australisë u nisa nga fundi, në Malajzi bëra një nisje të ngadaltë, e cila kompromentoi më pas të gjithë garën. Parakalimet në pista të tilla janë edhe të rrezikshme, por unë kam për detyrë ta provoj. Dikush ka thënë se ndikoi ai amortizator në pjesën e poshtme të makinës që nuk na lejuan ta përdornim, por unë ju siguroj që ai modifikim nuk ka ndikuar fare. Në Bahrein mund t'ia dal mbanë, pasi edhe në testimet dimërore kam qenë më i shpejti. Ferrari është i shpejtë, skuadra është e mirë dhe të mos harrojmë se mbeten edhe 15 gara." Me sa duket Masa ka vendosur të mos dorëzohet dhe bën mirë. Për momentin Ferrari nuk duhet të vendosë hierarki mes pilotëve, pasi ata janë problemi i fundit. Pa dyshim ata nuk kanë faj për problemet e kambios që pati Masa në garën e Melburnit, as për problemet e motorit të Raikonenit që në garën e parë.
Hakmarrja: Kimi Raikonen ka thënë: "Në këtë pistë nuk do të jemi më të detyruar të bëjmë gjëra që nuk na pëlqejnë, ashtu si në Sepang. Për këtë arsye mendoj se gjithçka duhet të shkojë mirë që do të thotë se pres ta mbyllim këtë fundjavë me fitore." Deri tani, te Ferrari, Kimi nuk ka zhvilluar asnjë garë ashtu siç do të kishte pasur dëshirë. Në Australi, kur kishin mbetur edhe 12 xhiro nga fundi, iu desh të ulte ritmin. Në Malajzi, motori i tij kishte 1000 xhiro/minutë më pak. Pra të gjitha këto tregojnë qartë se Raikoneni nuk ka mundur të japë maksimumin, ashtu siç ka bërë gjithmonë. Megjithatë, Sakhiri mund ta ndihmojë, është një pistë e shpejtë dhe ka disa kthesa të forta. Në tërësi në pistën e Bahreinit janë 3 pjesë të drejta të gjata. Alonso nga ana tjetër kërkon të niset në një prej dy linjave të para për të marrë kryesimin e garës deri në kthesën e parë, por Raikoneni nuk ka ndër mend të befasohet. Gjithashtu edhe Masa po tregon një dëshirë të "çmendur" për të fituar. Këtyre tre protagonistëve pa dyshim dikush duhet t'u thotë se kampionati nuk përfundon këtu
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ljuis: Shembulli im është Majkëll Shumaker
Menjëherë pas këtyre tri garave të mrekullueshme që ka zhvilluar, Hamiltoni është pyetur se cilin shembull është duke ndjekur. Debutuesi i McLaren it ka deklararuar se i referohet ish shtatë herë kampionit të botës, Majkëll Shumakerit. "Vitin e kaluar jam takuar me Majkëllin dhe ai më tha diçka që nuk kam për ta harruar kurrë. "Po ecja në rrugën e bokseve në garën e Turqisë në kategorinë GP2, kur ai më ndaloi dhe më tha: "Ishe i mrekullueshëm, ajo që bëre, ishte një garë prej kampioni." Më pas Hamiltonin e kanë pyetur nëse ish piloti gjerman është një model që ai po ndjek: "Sigurisht dhe jo vetëm si pilot. Ambiciet e tij dhe vendosmëria më kanë befasuar. Ai ka dhënë gjithmonë maksimumin, 100% shin e tij, edhe në sekondat e fundit përpara se të largohej," ka përfunduar Hamiltoni.


Ljuis Hamilton ka filluar të regjistrojë emrin e tij në historinë e Formulës 1, pas një tjetër paraqitjeje të mrekullueshme që bëri në Bahrein. Piloti 22 vjeçar e ka përfunduar garën e djeshme në vendin e 2 të, duke regjistruar podin e tretë në tri garat e para. Asnjë debutues në Formulën 1 nuk e ka arritur diçka të tillë më parë, as Majkëll Shumaker apo Airton Sena. Në garën e parë të Melburnit, Hamiltoni u rendit në vendin e tretë, në Malajzi në vendin e dytë dhe në Bahrein po në vendin e dytë. "Jam shumë i kënaqur nga rezultati i kësaj gare dhe nga rezultatet që kam arritur në këto tri gara të para. Duket qartë se tani e kemi ngushtuar shumë diferencën me Ferrarin dhe po vazhdojmë ta ngushtojmë akoma më shumë për garën e Spanjës," ka thënë Hamiltoni pas Çmimit të Madh të Bahreinit. Britaniku i ri i McLaren it ka vazhduar paraqitjen e tij befasuese edhe në garën e shkretëtirës në Shakhir. Pasi u kualifikua në vendin e dytë në provat zyrtare, përpara shokut të tij të skuadrës, Fernando Alonso, dhe Kimi Raikonenit, ai e mbajti këtë pozicion deri në fundin e garës. "Në pjesën e parë të garës ndoshta kisha mundësi ta kapja Felipen, por makina kishte probleme me balancimin. Pas "pit stopit" të dytë gjithçka u zgjidh dhe unë e ngushtova shumë diferencën me të. Ndoshta mund ta parakaloja nëse do të kishte pasur edhe disa xhiro të tjera," ka përfunduar Hamiltoni.
Ndërkohë që shoku i tij i skuadrës, Fernando Alonso, ka mbetur i zhgëngjyer nga gara e Bahreinit dhe nga vendi i 5 të që arriti. Spanjolli u nis mirë në start duke i marrë vendin e tretë Raikonenit, por më pas iu desh të përballej me sulmet e finlandezit në fillim dhe më pas me ato të Haidfeldit. Në përfundim të garës ai i kishte humbur duelet me të dy këta pilotë. "Nuk arrita të isha kompetitiv në këtë garë, ritmi im filloi të ulej dhe një pozicion në podium po bëhej gjithmonë e më i vështirë. Makina kishte probleme me gomat dhe me rrëshqitjen nëpër kthesa. Në këto kushte e kisha shumë të vështirë të luftoja për një pozicion më të mirë.


Denis: Gomat e buta na hoqën fitoren
Sipas drejtorit të përgjithshëm të McLaren it, Ron Denis, rezultatet e dobëta të gomave të buta i kanë kushtuar fitoren pilotit të tij në Shakhir. "Në mesin e garës, kur u përdorën sërish gomat e buta, ne humbëm edhe garën. Strategjia jonë ishte më e mirë, ne qëndruam më shumë se Ferrari në pistë në "pit stopin" e dytë. Me gomat e forta, në fundin e garës, makinat tona po jepnin rezultate më të mira, gjë që nuk e prisnim, por kështu e ka ky sport," ka thënë Denis.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Felipe Masa ka hedhur menjëherë pas shpine atë garë të dobët në Malajzi dhe i rikthehet fitores në Bahrein. Braziliani i Ferrarit, pasi ka marrë "polin" e dytë radhazi një ditë më parë, ka arritur fitoren e parë për këtë sezon në 2007 n. Ai e ka komanduar garën që nga starti dhe deri në fund, duke u mbrojtur mjaft mirë në xhirot e fundit kundrejt Hamiltonit. Në këtë mënyrë, Masa ka regjistruar fitoren e tretë në karrierën e tij në Formulën 1. "Ishte një ditë perfekte, nga fillimi deri në përfundimin e garës. Më mungoi diçka në dy garat e para, por në Bahrein nuk pata asnjë problem. Tashmë kemi një periudhë pushimi, megjithëse do të rikthehemi shumë shpejt në punë për të përmirësuar makinën," ka thënë Masa menjëherë pas fitores së djeshme në Bahrein. Pas asaj gare të dobët në Malajzi, brazilianit i duhej të kundërpërgjigjej menjëherë dhe këtë gjë e bëri vetëm pas një jave në Shakhir. Ai u nis i pari dhe arriti ta mbante atë pozicion që nga starti deri në fund, duke udhëhequr garën disi i shkëputur nga Hamiltoni i cili në xhirot e fundit iu afrua ndjeshëm.
Ndërkohë, Kimi Raikonen e përfundoi këtë garë në vendin e tretë. Sipas finlandezit, makinës së tij i duhet të përmirësohet akoma më shumë për të qëndruar përpara McLaren it. Për të, vendi i tretë në garën e Bahreinit ka qenë zhgënjyes, edhe pse me ato pikë të marra barazohet me pikë në krye të klasifikimit të përgjithshëm për pilotë me Fernando Alonson dhe Ljuis Hamiltonin. Gjithsesi, ai kërkon që inxhinierët e Ferrarit t'i rikthehen menjëherë punës, që të vazhdojnë të mbajnë avantazhin e tyre përpara McLaren it. "Kjo fundjavë ka qenë disi e vështirë për mua. Pa dyshim, në testimet e ardhshme do të arrijmë të gjejmë diçka tjetër, e cila do të më japë mundësinë të rikthehem në krye të garave. Diferenca jonë me McLaren in, në krahasim me garën e Melburnit, është ngushtuar shumë dhe për këtë arsye kërkoj një përmirësim të makinës. Jam i bindur se në skuadrën tonë të gjithë i kanë mundësitë për ta përmirësuar makinën," ka thënë finlandezi. Për Raikonenin ky është fillimi më i mirë i një kampionati botëror të Formulës 1, pasi në tri garat e para ai ka grumbulluar 22 pikë dhe ndodhet në krye të klasifikimit për pilotë së bashku me Alonson dhe Hamiltonin. "Pa dyshim që kam grumbulluar më shumë pikë se në kampionatin e kaluar, por do të më pëlqente që pas tri garave të kisha 30 pikë. Për momentin jemi në një pozicion të mirë, por na duhet të përmirësohemi akoma më shumë. Edhe të tjerët po i përmirësojnë makinat e tyre, që do të thotë se ky është një kampionat i vështirë.


Ekleston: Masa, pretendenti kryesor për titullin
Për momentin janë tre pilotë që ndodhen në krye të klasifikimit, që me sa duket do të luftojnë për titullin kampion. Megjithatë, pronari i Formulës 1, Berni Ekleston, vazhdon të thotë se Felipe Masa është ndër pretendentët kryesorë për fitimin e titullit kampion në këtë sezon. Fillimi i këtij sezoni për Masën nuk ka qenë aq i mirë, sidomos pas atij gabimi që bëri braziliani në garën e Malajzisë, por gjithçka duket se është harruar pas fitores së Masës në Bahrein. "Dua t'ju kujtoj edhe një herë atë që kam thënë gjatë testimeve dimërore. Masa është i fortë, i shpejtë dhe shumë më i mirë nga ç'e mendojnë njerëzit, ka thënë 76 vjeçari Berni Ekleston. Jam shumë i kënaqur nga këto tri gara të para, pasi po zhvillohet një kampionat i bukur. Kemi humbur teleshikuesit gjermanë në këtë sezon, pasi nuk është më Shumakeri, por ata përbëjnë vetëm 17% të shikuesve të këtyre garave."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Në garën e tretë të këtij sezoni, skuadra BMW ka arritur të paraqitet shumë mirë, duke renditur pilotët e saj në vendin e katërt dhe të gjashtë. Nik Haidfeld ka mundur të përmirësojë pozicionin e 5 të, nga ku u nis duke parakaluar Fernando Alonson gjatë garës, duke marrë 5 pikë shumë të rëndësishme, të njëjtën shifër pikësh që ka marrë edhe në dy garat përpara Bahreinit. Ndërkohë, Robert Kubika e ka përfunduar këtë garë në vendin e gjashtë, krejtësisht i vetëm dhe i pangacmuar nga askush në pozicionin ku ndodhej. Me këtë pozicion ai ka mundur të grumbullojë pikët e tij të para për këtë sezon. Hera e fundit që kjo skuadër kishte arritur të merrte 8 pikë, ka qenë Çmimi i Madh i Australisë në sezonin 2006.
Nik Haidfeld
Ndihem me të vërtetë shumë mitë. Për momentin kam një makinë perfekte dhe skuadra po manovron shumë saktë me strategjitë e saj. Përpara garës nuk mendoja se do të arrija ta parakaloja Fernandon, por pas "pit stopit" të parë pashë që isha më i shpejtë se ai. Gjithsesi, në pjesët e gjata të drejta ndoshta Fernando ishte më i shpejtë se unë, megjithatë po prisja ndonjë gabim të tijin, të cilin e bëri në kthesën e 13 të, dhe e parakalova. Për skuadrën është shumë e rëndësishme që të dyja makinat e përfunduan këtë garë në zonën e pikëve. Në këtë pistë ishim më mirë se në Malajzi, edhe pse nuk patëm shumë kohë që ta përmirësonim makinën. Pa dyshim që konfigurimi aerodinamik ishte perfekt.
Robert Kubika
Mund të them se kjo ishte një fundjavë shumë pozitive për skuadrën. Në këtë garë kam marrë pikët e para për këtë sezon, për këtë arsye jam shumë i kënaqur nga rezultati i garës. Në momentin kur makina kishte pak karburant, kisha probleme me ngjeshjen e makinës në asfalt, në këto kushte humbisja shumë në kthesat e shpejta dhe në momentin e frenimit. Tashmë nuk na mbetet gjë tjetër, vetëm të shohim përpara për të përmirësuar makinën për garën e ardhshme në Barcelonë
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kampionëve të botës së skuadrës Renault nuk u ka mbetur gjë tjetër veçse t'u rikthehet punës për të përmirësuar makinën e tyre për garën e ardhshme në Spanjë. Edhe në Bahrein francezët kanë zhgëngjyer duke u larguar me një pikë që ka fituar Xhankarlo Fizikela me vendin e tetë që mori në këtë garë. Edhe për shokun e tij të skuadrës, Heiki Kovalainen, ka qenë një fundjavë zhgënjyese, pasi u rendit në vendin e 9 të. Shefi i skuadrës Renault, Flavio Briatore, ka deklaruar se skuadra e tij tashmë ka rreth 4 javë në dispozicion për të përmirësuar makinën për garën e ardhshme të Spanjës. "Për momentin nuk kemi mundësi më të madhe, na mbetet të luftojmë për vendet e fundit në zonën e pikëve. Nuk prisnim që gjendja jonë të përmirësohej kaq shpejt në këto tri garat e para. Të dy pilotët tanë kanë bërë një punë të mirë në këtë garë, por makina ka pasur shumë probleme. Na duhet të punojmë vërtet shumë për garën e ardhshme, por këtë herë jemi të favorizuar se kemi 4 javë në dispozicion," ka përfunduar italiani Flavio Briatore.


Çmimi i Madh i Bahreinit
1. F.Masa Ferrari
2. L.Hamilton McLaren
3. K.Raikonen Ferrari
4. N.Haidfeld BMW
5. F.Alonso McLaren
6. R.Kubika BMW
7. J.Truli Toyota
8. Xh.Fizikela Renault

Pilotët
1. F.Alonso 22 p
2. K.Raikonen 22
3. L.Hamilton 22
4. F.Masa 17
5. N.Haidfeld 15
6. Xh.Fizikela 8
7. J.Truli 4
8. R.Kubika 3
9. N.Rosberg 2
10. H.Kovalainen 1
11. R.Shumaker 1

Konstruktorët
1. McLaren 44 p
2. Ferrari 39
3. BMW 18
4. Renault 9
5. Toyota 5
6. Williams 2
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

"Kjo ishte mënyra më e mirë për të hedhur pas shpine të gjitha kritikat që më bënë pas garës së Malajzisë." Pas këtyre fjalëve, Felipe Masa duket se e ka mbyllur shumë i kënaqur këtë fundjavë në Bahrein dhe këtë gjë e tregojnë edhe lotët që i janë parë pas garës. Pa dyshim kanë qenë lotë gëzimi që i kanë rrjedhur pas fitores së tretë që ka arritur në Bahrein. Menjëherë pas tij në këtë garë ka qenë Ljuis Hamilton, i cili e "turpëroi" një garë më parë. Këtë herë britaniku nuk mundi ta vinte nën presion Masën, edhe pse ky i fundit as në xhirot e fundit kur Hamiltoni po i afrohej, nuk u tremb aspak. Edhe Zhan Todt, menjëherë pas kalimit të finishit, nëpërmjet radios i ka thënë: "Bravo, pilotove si kampion".
Si u ndjetë kur dëgjuat ato fjalë?
Ishte shumë i emocionuar, por jo vetëm për veten, për të gjithë skuadrën. Makina e re Ferrari nuk ka asnjë lidhje me makinën e sezonit të kaluar.
Po emocionet pas fitores?
Provova disa ndjenja fantastike, pas atyre dy garave jo të mira në Australi dhe më pas në Malajzi. Jam shumë i kënaqur dhe dua të falënderoj në mënyrë të veçantë skuadrën, pasi më ka ofruar një makinë kompetitive. Edhe strategjia jonë në këtë garë ka qenë shumë e mirë. Tashmë na duhet t'i rikthehemi punës që të vazhdojmë të mbajmë makinën në nivelet më të larta.
Cili ishte momenti më delikat pas nisjes?
Në të vërtetë, në këtë garë që në fillim po mendoja për nisjen, pasi ishte mënyra e vetme për të hedhur poshtë kritikat që më bënë. Ishte shumë e rëndësishme të fitoja për të rihapur kampionatin. Tashmë kemi disa javë pushim dhe më në fund do të flasin mirë për mua.
Tri gara, tre fitues të ndryshëm, është një kampionat i hapur?
Mjafton t'i hedhësh një sy klasifikimit për të kuptuar se na pret një kampionat shumë i bukur, por na duhet të punojmë pa pushim. Në këtë periudhë të gjatë pushimesh do të kemi kohë për të testuar makinën tonë përpara garës së Spanjës. Duhet të përmirësojmë makinën në të gjithë sektorët, pasi edhe në garën e kaluar McLaren i na tregoi se është shumë pranë nesh.
Ju asnjëherë nuk mundët të shkëputeshit.
Në pjesën e parë të garës makina rrëshqiste nga pak nëpër kthesa dhe për këtë arsye nuk u shkëpusja dot. Më pas, gjatë "pit stopit" të parë, modifikuam pak pjesën e përparme për të pasur një balancim më të mirë të makinës. Pas këtij modifikimi, unë u shkëputa me rreth 10 sekonda nga ndjekësit. Më pas, kur po afrohej fundi i garës, vendosa të ulja disi ritmin. Për këtë arsye e ula ritmin, pasi kisha mundësi të isha edhe shumë më i shpejtë në ato xhiro të fundit.
Arritët të regjistronit xhiron më të shpejtë me gomat e forta, ishin më të mira?
Po, por në 1 ose 2 xhiro jepnin kohë të shpejta, më pas sillnin probleme se rrëshqisnin.
Mund ta konsideroni këtë fitore si më të rëndësishmen e karrierës suaj?
Jo, ajo më e rëndësishmja ka qenë ajo që arrita në Brazil. Ishte dhe më e vështirë, pasi luftova shumë deri në xhiron e fundit.
Kjo fitore ndryshon ndopak në hierarkinë brenda skuadrës?
Çdo rezultat është i rëndësishëm për mua, Kimin dhe skuadrën. Besoj se nuk do të merret asnjë vendim i tillë deri në momentin kur kampionati mund të konsiderohet i mbyllur. Për momentin duhet të përmirësojmë sa më shumë makinën. Zgjidhja më e mirë do të ishte që dueli për titullin kampion të ishte brenda skuadrës. Duhet të punojmë për këtë objektiv, do të jetë e vështirë, por jo e pamundur.
Kujt i frikësoheni në luftën për titullin?
Duke parë se sa të ngjeshura janë pozicionet në luftën Ferrari McLaren, është shumë e vështirë të ndash ndonjërin.
Kujt ia dedikon këtë fitore?
Të fejuarës sime Rafaela, e cila është treguar shumë e durueshme me mua në këtë fundjavë të vështirë.
 




____________

Linjat telefonike të drejtuesve të Ferrarit kanë qenë shumë të zëna pas garës së Bahreinit. Si fillim ka qenë presidenti Luka di Montezemolo, i cili ka marrë përgëzimet e para nga kryeministri Romano Prodi, i cili ndodhet në Tokio për një vizitë zyrtare triditore. "Fitoi Ferrari, që do të thotë se gjithçka po shkon shumë mirë..." u ka thënë gazetarëve japonezë kryeministri italian, duke shkëmbyer me ta batuta. Më pas numri 1 i skuadrës, Montezemolo, ia ka përcjellë urimet e tij drejtorit të përgjithshëm Zhan Todt dhe brazilianit Felipe Masa. Me pilotin brazilian dhe Masën ka folur edhe Majkëll Shumaker.


Alonso: Një garë e hidhur, por jam i pari
Objektivi i tij minimal përpara garës ishte një vend në podium, por në fund iu desh të kënaqej me vendin e pestë. Nuk ka përfunduar me kaq gara e Fernando Alonsos, i cili u parakalua edhe nga Nik Haidfeld. Një ditë pas garës, dy herë kampioni i botës nuk e fsheh zhgënjimin: "Nuk ishte një ditë e mirë për mua. Jam disi i zhgënjyer nga kjo garë, pasi nuk munda të zija një vend në pod, që ishte objektivi im përpara garës. Megjithatë, nga ana tjetër nuk e mendoja që pas tri garash do të ndanim kreun e renditjes me Ferrarin, pasi më dukeshin shumë përpara nesh," ka thënë Alonso. Fernando e tregon qartë që në këtë garë u tradhëtua nga McLaren i i tij. "Strategjia ishte e mirë, por makina nuk ishte kompetitive. Nuk kisha shumë besim dhe nuk ishte e shpejtë. Kisha probleme me aderentën dhe për asnjë moment nuk gjeja ritmin e duhur. Nuk mund të merrja një rezultat më të mirë, por në fund të fundit janë 4 pikë ato që fitova." Spanjolli më pas ka shtuar se edhe nëse do të nisej nga vija e parë, do të ndodhte e njëjta gjë. "Nuk do të kishte ndryshuar asgjë. Me këtë makinë që kisha, nuk mund të jepja ndonjë gjë më shumë dhe padyshim nuk do të mundja Ferrarin, i cili kishte bërë një punë më të mirë se ne. Pas 6 7 xhirosh e kuptova që do ta kisha shumë të vështirë. Nuk po mbaja dot ritmin e makinave Ferrari dhe as të Hamiltonit, i cili zhvilloi një garë shumë të mirë," ka përfunduar kampioni i botës në fuqi, i cili aktualisht ndodhet në krye të klasifikimit për pilotë bashkë me Raikonenin dhe Hamiltonin.
 




____________

Pas përfundimit të kësaj gare, Kimi Raikonen rikthehet në krye të klasifikimit për pilotë, edhe pse është me pikë të barabarta me pilotët McLaren, Alonso dhe Hamilton. Në sezonet e kaluara, 22 pikë për të në tri garat e para, ishin të pamundura: "Po, fillimi i këtij kampionati është më i mirë se në të shkuarën, edhe pse do të më pëlqente të kisha 30 pikë. Jemi në një pozicion të mirë, por na duhet të përmirësohemi akoma më shumë, pasi ky duket se do të jetë një sezon shumë i vështirë," ka thënë finlandezi.
Duke parë ekuilibrat e tillë, gara e Bahreinit për të mund të konsiderohet një shans i humbur, për të kaluar Alonson në klasifikim. "Ndoshta në nisje bëra një gabim, në momentin kur duhet të shtypja butonin e startit, megjithatë në kthesën e parë isha shumë pranë Hamiltonit, edhe pse për faj të rrëshqitjes së pjesës së pasme m'u desh të hiqja këmbën nga gazi. Në këtë moment Alonso më kaloi, pasi frenoi më vonë. Në atë pikë, për ta parakaluar sërish duhej të prisja thjesht një gabim të tijin," shton Raikoneni, të cilit më pas iu desh të priste "pit stopin" për të dalë përpara Alonsos. "E dija që kisha pak më shumë se ai karburant, por për të qenë të sigurt, u detyruam të shkurtonim pak pjesën e dytë të garës. Por kjo gjë nuk më dha mundësinë për të luftuar me Hamiltonin për vendin e dytë." Po pse nuk arrin të parakalojë Ferrari, ashtu si në Malajzi? "Gomat nuk kanë më të njëjtën aderentë si në sezonet e kaluara, ndërkohë në Shakhir kishte erë që i komplikonte gjërat," përfundon Kimi.
 




____________

Në Bahrein do të zhvillohet gara e radhës në Formula 1, e treta e këtij sezoni. Ende nuk është krijuar ndonjë ide e qartë se çfarë botërori do të jetë, por janë marrë të dhënat e para. Hamilton dhe Raikonen mund të fitojnë kudo; BMW-ja po e ngushton diferencën me McLarenin dhe Ferrarin; Felipe Masa ka gabuar shumë, ndërsa Alonso po kënaqet me një vend në zonën e pikëve. Gjithsesi, Çmimi i Madh i Bahreinit do të shërbejë si "busull", për të kuptuar diçka më shumë...

RAIKONEN DHE HAMILTON - Kampioni dhe nënkampioni i botës e kanë nisur sfidën atje ku e lanë në vitin 2007. Kanë fituar secili një nga dy garat e para dhe përshtypja e parë ështe se edhe sivjet lufta për titull do të jetë një "çështje" ndërmjet tyre. Raikonen pati probleme në Australi, por bëri diferencën në Sepang. Ndërkohë, Hamiltoni e fitoi bindshëm garën e parë dhe nuk u ndihmua nga fati në Malajzi. Pavarësisht se Kovalainen dhe Masa konsiderohen si të barabartë në letër, Raikonen dhe Hamilton janë pilotët kryesorë të Ferrarit dhe McLarenit.

BMW - Por dy gjigantët e konstruktorëve duket se nuk janë më vetëm. BMW-ja ka bërë hapa gjigante dhe vendi i dytë i Robert Kubikës para dhjetë ditësh është shembulli më i mirë. Skuderia gjermane jo vetëm që po konfirmohet si forca e tretë e këtij botërori, por ka treguar se diferenca me Ferrarin dhe McLarenin është zvogëluar. Kubika dhe Heidfeld janë të shpejtë në garë e në prova dhe njëvendëshja e tyre ka fituar besueshmëri, çka i ka munguar në sezonet e kaluar. Nuk është çudi që sivjet BMW-ja të fitojnë ndonjë garë.

MASA - "Në Bahrein do të bëj kthesën. Asgjë nuk është kompromentuar dhe më kanë mbetur 160 pikë në dispozicion." Kjo ka qenë deklarata e Felipe Masës, pas dështimit në Sepang, ashtu siç kishte bërë edhe në garën e parë në Melburn. Braziliani ka gabuar shumë në këtë fillim sezoni dhe duket se është ndikuar nga largimi i Zhan Todit, "ëngjëlli" i tij mbrojtës te skuderia italiane. Një dështim tjetër do të ishte fatal për 26-vjeçarin. Gjatë javës së kaluar është shfaqur "fantazma" e Alonsos.

ALONSO - Shtypi spanjoll ka bërë të ditur se Fernando Alonso i ka filluar bisedimet për të kaluar te "kokëkuqja" sezonin e ardhshëm. Shefi i Renault, Flavio Briatore, e ka përgënjeshtruar gjithçka, por është pak e besueshme që në fund të vitit, dy herë kampioni i botës të pranojë të qëndrojë në një skuderi ku mund të kënaqet vetëm me një vend në zonën e pikëve. Ai është piloti i vetëm nga ata në qarkullim që ka mundur Majkëll Shumakerin; egoja e tij duket se është tepër e madhe për një Renault të tillë.

TE TJERET - Heki Kovalainen dhe Jarno Truli dolën respektivisht në vendin e tretë e të katërt, gjatë garës së fundit në Malajzi. Kjo u jep atyre përparësi për rolin e "surprizës" në Bahrein. Finlandezi ka pasur një fillim të shkëlqyer, duke shpërblyer besimin e McLarenit që i dhuroi vendin e Alonson. Nga ana e tij, piloti italian po e ngjit Toyotën në nivelet që presin drejtuesit e skuderisë japoneze. Toyota ka një buxhet të jashtëzakonshëm, por nuk e ka justifikuar asnjëherë në pistë gjatë viteve të fundit.
 




____________
\"Mos shikoni kishat as xhamijat se feja e shqiptarit eshte shqiptaria.\"

 




____________
Direktoria , Galeria


Piracy is a crime! So, am I a criminal?

Massa nuk feston me  as ne podium duket qe pretendon per titull kete vite  
Sa keq me vjen per ate Alonson  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------