Mbas barazimit me Sllovenet ,do te luajme ne Bullgari.Ne kete ndeshje rikthehet Curri dhe ndoshta edhe Haxhi i demtuar.Ishalla me fitore !
 

kur nuk kena mujt me mposht sllovenin ne shqipni besa veshtir do e kena ne bullgrai debatik curi asht fort lojtar i mir dhe kena shpresa me bo dicka
 

a na gjeni link bre shqipe ku mund me e kqyr sportin
 

Sipas programit, kuqezinjtë tanë do të zhvillojnë po sot, në orën 17:00, një stërvitje në stadiumin e Sllavias, ndërsa nesër, në orën 19.00, kombëtarja do të zhvillojë një stërvitje në stadiumin "Vasil Levski", ku do të luhet edhe ndeshja zyrtare, ditën e mërkurë. Nesër në orën 10.00 pritet të zhvillohet analiza e tri ndeshjeve të fundit me Bullgarinë (përmes kasetave respektive), përfshirë dhe ndeshjen e fundit zyrtare të kuqezinjve tanë me Slloveninë, atë të datës 24.03.2007. Në orën 13.00 të kësaj dite është planifikuar një konferencë shtypi e trajnerit. Po të martën, në orën 19.00, do të zhvillohet stërvitje në stadiumin ku do të luhet ndeshja. Delegacioni shqiptar do të kryesohet nga presidenti i FSHF-së, Armand Duka dhe në të bëjnë pjesë edhe dy anëtarë të Komitetit Ekzekutiv, Tahir Kastrati dhe Arben Dervishaj. Nuk do të mungojë as sekretari i përgjithshëm, Roland Mici.

Ndeshjet zyrtare Shqipëri-Bullgari

09.10.1946 Shqipëri Bullgari 3 1
15.06.1947 Bullgari Shqipëri 2 0
17.11.1949 Bullgari-Shqipëri 0 0
05.06.1950 Shqipëri-Bullgari 2 1
19.10.1980 Bullgari-Shqipëri 2 1
14.10.1981 Shqipëri-Bullgari 0 2
06.09.1995 Shqipëri-Bullgari 1 1
07.10.1995 Bullgari-Shqipëri 3 0
 




____________
\"Mos shikoni kishat as xhamijat se feja e shqiptarit eshte shqiptaria.\"

dmth humje e sigurt ne Sofje !? Sa inat qe nuk bem dhe ne njehere ekip te forte...
 

Në stadiumin "Vasil Levski", sipas drejtuesve të Federatës Bullgare të Futbollit priten të jenë rreth 15.000 tifozë, në një stadium me kapacitet rreth 44.000 vendesh. Bileta e zakonshme është 15 leva, ose ndryshe e konvertuar me 7.5 euro. Pra është një biletë mjaft e lirë për të tërhequr tifozët, që gjithsesi priten të jenë të paktë.


Leskaj, ish-ministri tifoz në Sofje
Dje është përhapur një lajm që ka krijuar mjaft çudi dhe ilaritet në kampin kuqezi. Sot, midis tifozëve VIP shqiptarë, pritet të jetë edhe ish ministri i MTKRS se, Bujar Leskaj. Ai i ka kërkuar sekretarit të FSHF-së, Roland Mici, nuk dihet se nëpërmjet kujt, një biletë për ndeshjen. Nuk dihet nëse ai do ta ketë marrë me vete "gozhdën". Edhe kjo nuk ka mbetur pa u komentuar në kampin kuqezi në Bullgari. Madje, kishte nga ata që me shaka thonin: Ministri i ri, Pango, si duket paska thënë: "Do të vazhdoj rrugën e paraardhësit tim," çka ndryshe mund të përkthehet "do të iki edhe unë si Leskaj". Me sa duket Leskaj ka rënë në dashuri me kuqezinjtë, pasi ka dalë në foto me ta, ndoshta ka rënë në "dashuri" edhe me Dukën, tani që nuk është më ministër. Ndoshta vjen edhe për t'i shtrënguar dorën për betejën e lënë në mes prej tij...


Topi dhe Gjana, politikanët tifozë në Sofje
Në prag të takimit Bullgari-Shqipëri, mësum se kuqezinjtë do t'i ndjekin edhe dy politikanë sportdashës të vendit tonë. Sipas burimeve pranë ambasadës sonë në Bullgari, pritet që të vijë sot për të ndjekur takimin nënkryetari i Partisë Demokratike, Bamir Topi. Ambasada Shqiptare në Bullgari po merr të gjitha masat për të pritur politikanin shqiptar, i cili njihet si një sportdashës i njohur i futbollit. Ndërkohë, takimin e kombëtares do ta ndjekë edhe ministri i Bujqësisë, Jemin Gjana, i cili ndodhet në Sofje për arsye pune.


Kombëtarja U-21, sot miqësore me Maqedoninë
Përveç kombëtares shqiptare që zhvillon sot takimin eliminator me Bullgarinë, po sot do të zhvillojnë një takim miqësor edhe kuqezinjtë e vegjël, që drejtohen nga trajneri Artan Bushati. Sot në orën 14:00 ekipi U-21 do të ketë përballë Maqedoninë, në një takim që do të luhet në Manastir. Miqësorja e sotme shihet si një test i rëndësishëm për Shpresat, duke patur parasysh se në muajin qershor fillojnë edhe kualifikueset për në Europianin e vitit 2009. Ndeshjen e parë eliminatore, kombëtarja U-21 do ta zhvillojë në transfertë me Italinë.
J.M.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Në janar të këtij viti, trajneri prizrenas, Shukri Gorani, ka marrë
drejtimin e skuadrës së Belasica Petriçit. Nëpërmjet një bisede
telefonike, ai ka folur për takimin Bullgari-Shqipëri,
që luhet sot në ora 17.00 në Sofje. Gorani e ka vlerësuar takimin si të vështirë, duke treguar se bullgarët janë paraqitur ambiciozë për këtë ndeshje dhe se vendasit kanë shprehur shumë interesim për ish futbollistët e kampionatit të tyre, Alban Bushi dhe Altin Haxhi. "Do të jetë një ndeshje e vështirë, sepse Bullgaria po përgatitet shumë për këtë lojë dhe ka lojtarë me përvojë e me kualitet. Ekipi bullgar është paraqitur shumë ambicioz për këtë ndeshje. Por, mediat vendore u kanë dhënë shumë hapësirë deklaratave të Bushit dhe të Haxhit, të cilët njihen si ish futbollistë të Liteksit, dhe futbollistëve të tjerë, si Lala e Cana, për të cilët kanë një respekt të veçantë," - tha Gorani.
Tekniku mendon se kualitetet e ekipeve janë të përafërta dhe dallimin e vetëm mund ta bëjë sulmuesi i Tottenham Hotspur, Dimitar Berbatov, prej të cilit pritet më së shumti në opinionin bullgar.
"Përparësia kryesore e Bullgarisë është se po luajnë në fushën e tyre, por kualiteti i dy skuadrave është i përafërt. Dallimi i vetëm mund të jetë Berbatov, prej të cilit edhe pritet shumë. Stoiçkov e ka humbur përkrahjen e tifozëve dhe për këtë thuhet se pak bileta janë shitur," - shton më tej Shukri Gorani.
Sipas këtij të fundit, 15 minutat e parë të ndeshjes do të jenë vendimtare për rrjedhën e saj, ku një mbrojtje e mirë e shqiptarëve do të ishte gjysma e punës së kryer për pjesën e mbetur të ndeshjes. "Shqipëria ka shanse, nëse nuk pëson gol, sepse pres që bullgarët, sidomos nëpërmjet Berbatovit, të mbështetur nga lojtarët e tjerë, si Stilian Petrov, i kthyer, të sulmojnë me agresivitet që në aksionin e parë. Nuk e di sa mund të jetë e qëndrueshme ndaj kësaj mbrojtja shqiptare dhe a ka ndonjë mungesë. Ekipi shqiptar, ndonëse nuk shënoi fitore kundër Sllovenisë, ka treguar një lojë shumë stabile, prandaj fitimi i një pike apo më tepër nuk do të ishte fare befasi për mua," - përfundoi trajneri i Belasica Petriçit, prizrenasi Shukri Gorani.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shqipëria e fituar në Bullgari, një barazim historik për kombëtaren tonë. Themi kështu, sepse pas ndeshjes me Slloveninë askush nuk shpresonte se kuqezinjtë do të nxirrnin një ndeshje pozitive. Nëse barazimi pa gola me sllovenët u kritikua, barazimi pa gola me bullgarët meriton nota të larta vlerësimi. Pak rëndësi se kush ishin protagonistët, trajneri Bariç, apo taktika e tij, në fushë u panë lojtarë me ego, të motivuar dhe me dëshirën për të marrë më të mirën dhe ndoshta edhe mund ta kishim arritur, nëse anësori nuk do të anulonte dy pozicione jashtë loje në pjesën e dytë, ku morali ynë ishte më i lartë se i vendësve. Ndoshta kemi pasur edhe pak fat, pasi një shtyllë, një traversë dhe një pritje e Beqajt mund të kishin përfunduar në portë, po të mos harrojmë që dënimi që na bëri anësori nuk mund t'i kompensojë këto raste, një dënim që shpesh i bëhet Shqipërisë, pa harruar që Bushi në fund mund të kishte gjetur trekëndëshin dhe pastaj le të thonin fituam me fat. Vërtet kuqezinjtë nuk pretendojnë të luajnë në Europian, por në shumë ndeshje na hahet haku, gjë që nuk është normale. Shpesh gjyqtarët na kanë ndëshkuar me idenë e një kombëtareje të vogël dhe pa pretendime, por kjo e fundit me Bullgarinë i tejkaloi parashikimet. Sidoqoftë, Shqipëria doli krenare nga Sofja, duke i dhënë leksion Stoiçkovit, i cili si lojtar mund të na ketë mundur, por si trajner ta harrojë. Dhe në fund të fundit e meritonim një pikë, sepse luajtëm shumë mirë, sidomos në fazën mbrojtëse. Dy ndeshje radhazi të interpretuara mirë në fazën mbrojtëse. Por nëse me Slloveninë nuk u ngacmuam shumë nga sulmi mik dhe si të thuash e shihnim thjesht një ditë të mbarë për mbrojtjen tonë, ndeshja me Bullgarinë tregoi se reparti difensiv nuk çahej kollaj, ku edhe Bogdani vinte shpesh në fazën mbrojtëse. Një mesfushë e qëndrueshme, ku spikatën Berisha me Canën dhe një sulm që mbajti në panik mbrojtjen bullgare. Nëse sulmi do të kishte pak më shumë besim te vetja dhe të kishte tentuar disi më shpesh, nuk do të ishte aspak çudi që ne të kishim marrë edhe tri pikë. Dy ndeshje, asnjë gol, por që e dyta kompenson të parën, kështu që duhet parë çfarë do të bëjë kombëtarja në të ardhmen. Fushata e marsit e kuqezinjve solli risi, me lojtarë të tjerë, me taktika të tjera, por hapet një kapitull i ri, korrigjimi i shënjestrës, pasi goli është ai që të jep krahë në një ndeshje. Trajneri Bariç gjithsesi e justifikoi mungesën dhe si të thuash me këtë barazim "zgjat" kontratën dhe largon "sëmundjen". Ishte edhe merita e tij në këtë ndeshje që vendosi shumë mirë ekipin në fushë, duke bërë zëvendësimet e duhura dhe në kohën e duhur. Por si shkoi ndeshja me bullgarët?
Një pjesë e parë e intepretuar mirë nga tanët, e filluar me një temp të lartë, duke thënë që në minutat e para se Shqipëria nuk do të ishte tabelë qitjeje nga bullgarët. Vërtet një mbrojtje e ngjeshur, por inkursionet e Berishës dhe të Bogdanit mbanin në panik mbrojtjen bullgare. Ekipi bullgar ndoshta nuk e priste këtë lojë të kuqezinjve dhe u gjend disi i papërgatitur dhe kjo u duk edhe te nervozizmi i tyre, madje edhe në lojën pa top. Kemi pasur nga një rast të pastër për secilën skuadër, por duhet thënë se fati më shumë qe në anën tonë kur topi goditi shtyllën. Në mesin e kësaj pjese vendësit balancojnë lojën dhe fillojnë e dalin më shpesh para, por pa krijuar situata të rrezikshme goli. Ndërkohë, edhe tanët kundërsulmojnë dhe në dy raste mund të kishim rrezikuar. Gjithsesi, një pjesë e parë e mbyllur në barazim pa gola, ku Shqipëria tregoi se luan më mirë kur përballë janë kundërshtarë më të fortë. Edhe vendosja taktike ishte e mirë, ku mbrojtjes herë pas here i vinin në ndihmë të gjithë lojtarët, duke bërë dublimet e nevojshme gati për çdo rast. Në fundin e kësaj pjese u vu re edhe mërzia e trajnerit Stoiçkov, i cili ndoshta e kishte menduar më të lehtë kundërshtarin. Në pjesën e dytë bullgarët futen më të sigurt në vetvete, duke besuar se goli do të vijë dhe shqiptarët do të dorëzohen. Për këtë, trajneri i tyre fut në lojë dy lojtarë të freskët, duke i dhënë përparësi mesfushës dhe sulmit. As futja në lojë e sulmuesit Bozhinov nuk dha rezultat, paçka se ai së bashku me Berbatovin ishin rreziku numër një. Minutat kalonin dhe trajneri Bariç përforcon mesin e fushës, duke futur një tjetër shkatërrues, siç është Bulku. Dhe zëvendësimet i dhanë të drejtë trajnerit kroat, pasi edhe Kapllani me Bushin më vonë u hapën jo pak punë bullgarëve. E vërtet është që ishim edhe pak me fat, pasi traversa e Berbatovit mund të na kishte ndëshkuar, pa harruar priten spektakolare të portierit tonë. Por të mos harrojmë, nëse bullgarët sulmuan dhe nuk u doli goli, tanëve u anuluan dy aksione për pozicion jashtë loje, por që lojtarët dilnin vetëm me portierin bullgar. Nëse do të kishte një ligj kompensimi, me siguri që peshorja do të anonte në krahun tonë. Gjithsesi, në fundin e ndeshjes tifozët shqiptarë qëndronin jo pak në ankth, pasi historia ka treguar se në jo pak raste kemi humbur në minutat e fundit. Por kuqezinjtë kësaj radhe nuk zhgënjejnë dhe mbajnë barazimin, rezultat që u shkon shumë për shtat atyre.
Kombëtarja, me dy ndeshjet e marsit, tregoi se ka forcë, ka ego, ka dëshirë, duhet vetëm edhe pak fat dhe vendime të drejta të gjyqtarëve ndaj nesh dhe jo siç ndodhi në ndeshjen e fundit. Edhe tifozi shqiptar më optimist pas hedhjes shortit në grupe nuk besonte te kualifikimi, por të paktën po tregojmë se ne nuk jemi ekip që thyhemi kollaj, por prodhojmë lojë dhe kemi lojtarë që bëjnë diferencën. Bullgaria e mori mësimin, me siguri të tjera ekipe do të marrin mësime më vonë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shtypi bullgar pas ndeshjes
sportni.bg
Turp! Një pikë drithëruese ndaj Shqipërisë
sportal.bg
Një barazim zhgënjyes me Shqipërinë

E ka parë veten mjaft ngushtë para shqiptarëve. Nuk u ka besuar syve, kur ka vërshëlluar gjyqtari suedez për mbarimin e ndeshjes. gati është përlotur kur ka parë t'i ikin 2 pikë mjaft të vlefshme ndaj një ekipi pa pretendime për t'u kualifikuar për në finalet e Euro 2008. Kishte bërë të tjera plane, për të kapur kreun e grupit, por tani llogaritë i janë ngatërruar keq. Rumania, që "përgjonte", ka pasur të drejtë të gëzohet, të bëjë tifo për shqiptarët, madje, sipas burimeve të gazetarëve rumunë, të pranishëm dje në Sofje, edhe t'i ketë stimuluar me premoi kuqezinjtë e Bariçit që të ndalnin Bullgarinë. Pra, siç duket, shqiptarët nuk kanë luftuar vetëm për veten e tyre. Megjithatë, këto "prapaskena", natyrisht jozyrtare, nuk i hyjnë fare në sy trajnerit Hristo Stojçkov. Ai mundohet të dalë mbi trishtimin personal, mbi vërshëllimat e tifozëve në stadium, mbi kritikat e shtypit bullgar, teksa i jep meritat kundërshtarit, por nuk kritikon as lojtarët e tij. Kjo do të thotë ta kthesh dhimbjen në forcë, për të mos rënë në dekurajim. Sipas Stojçkovit, Bullgaria nuk e nëvlerësoi aspak kundërshtarin, por Shqipëria e meritoi barazimin. "Dua të them se nuk pati aspak nënvlerësim të kundërshtarit, siç mund të mendojë ndokush. E them me plot gojën se Shqipëria e meritoi barazimin. Madje, ata luajtën si të ishte një finale, nga e cila do të shkonin në finalet e Euro 2008. Pra, i komplimentoj kuqezinjtë e Bariçit dhe shpresoj të luajnë kështu ndaj të gjithë kundërshtarëve në grup. Sa na takon neve, dua të nënvizoj se asgjë nuk kemi humbur. Kemi akoma lojëra për të bërë. Nuk ka pse ta shikojmë si tragjedi këtë barazim, sidomos nuk bën që të kritikojmë lojtarët. Të gjithë dolën në fushë për të dhënë maksimumin. Do ta analizojmë me imtësi këtë ndeshje dhe do të nxjerrim përfundimet e nevojshme. Mendoj se kam zgjedhur grupin më të mirë të lojtarëve, i cili, siç e patë, rrezikoi në mjaft raste për gol. Patëm shumë shanse ndaj Shqipërisë, por për fat të keq nuk i realizuam. Në të tilla takime gjëja më e rëndësishme janë golat. Kritikave për përfshirjen e Stilian Petrovit u përgjigjem: Ai luajti mjaft mirë. I ndihmoi me sa mundi shokët e ekipit, sidomos në pjesën e dytë mori iniciativën. Pevi luajti shumë mirë në Qipro dhe isha i detyruar ta aktivizoja në këtë ndeshje, ndërsa Jankoviçi luan prej kohësh në radhët e kombëtares dhe gjithmonë ka qenë i aftë që t'i përgjigjet kërkesave të saj. Jam i kënaqur edhe nga lojtarët veteranë," - tha pas ndeshjes me Shqipërinë jo pak i mërzitur Hristo Stojçkov, trajneri i Bullgarisë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Arjan Beqaj: Portieri kuqezi ka zhvilluar një ndeshje shumë të mirë, duke qenë gjithmonë i vëmendshëm gjatë aksioneve të kundërshtarit. Qetësia e tij u ka dhënë më shumë siguri dhe mbrojtësve, të cilët ishin në një ditë shumë të mirë. Në dy rastet e shtyllave e ka ndihmuar edhe fati, por Beqaj bëri disa pritje mjaft të bukura në ndeshjen e djeshme. Një vlerësim maksimal ai ka marrë edhe nga trajneri Bariç.

Armend Dallku: Me përjashtim të ndonjë gabimi të vogël në pasim, mbrojtësi i krahut të djathtë ka bërë një punë mjaft të mirë në fazën mbrojtëse, por gjithashtu është përpjekur të shtyjë drejt sulmit. Dallku ka treguar rritje në ndeshjet e fundit dhe dje është konfirmuar si një nga lojtarët me gjendjen më të mirë fizike në skuadrën tonë. Gradualisht por fiton pjekuri.

Nevil Dede: Edhe qendërmbrojtësi i Tiranës luajti një ndeshje shumë të mirë në Bullgari. Ai e ka mbuluar gjatë gjithë kohës rreptë kundërshtarin, duke mos lënë hapësira për goditjen e portës së Beqajt, sidomos nga Berbatov. Eksperienca e tij ka triumfuar në takimin e djeshëm, kur edhe gjatë goditjeve standarde, mbrojtja ka arritur ta spastrojë zonën.

Elvin Beqiri: Ashtu si Dede, edhe Beqiri ka qenë në një ditë të mirë, duke zhvilluar një 90-minutësh të kënaqshëm loje. Edhe ai i ka qenë mjaft i vëmendshëm gjatë gjithë kohës, duke i mbyllur si duhet hapësirat në qendër të mbrojtjes. Reparti ku ai bën pjesë nuk bëri asnjë gabim në ndeshjen e djeshme dhe për këtë mbrojtësi shkodran ka meritën e tij.

Debatik Curri: Pjesa e parë ishte mjaft e mirë për mesfushorin kuqezi, i cili dje luajti në krah të majtë të mbrojtjes. Në pjesën e dytë pati vështirësi, pasi lojtari bullgar i krahut të djathtë, i aktivizuar në fillim të 45 minutave të dyta, ishte më i rrezikshëm. Gjithsesi, Curri i kreu mirë detyrat e tij, në një rol jo të të zakonshëm për të.

Altin Haxhi: Gjatë 45 minutave të para, gjirokastriti ka shfaqur klasin e tij, duke kombinuar mirë me Duron. Gjuajtja e tij nga distanca në pjesën e parë ishte vërtet e rrezikshme, ndërkohë që në pjesën e dytë ia la vendin Kapllanit, pasi u dëmtua. Niveli i lojës, për aq kohë sa luajti, ishte mjaft i pëlqyeshëm për Haxhin.

Altin Lala: Kapiteni i kombëtares shqiptare luajti mjaft mirë në takimin e djeshëm. Madje, edhe në aspektin fizik Lala ishte në lartësinë e duhur, duke qenë një pikë e fortë e skuadrës tonë në mesfushë, ku bashkë me Canën thyen shumë aksione të bullgarëve dhe e ndihmuan skuadrën të kundërsulmojë.

Lorik Cana: Cana është një nga lojtarët më të rëndësishëm të skuadrës kuqezi dhe këtë e tregoi shumë qartë në takimin e djeshëm. Ai kreu një volum të madh loje, por duhen veçuar disa ndërhyrje të sakta brenda zonës tonë, kur ai shmangu rrezikun. Edhe Cana, si të gjithë të tjerët, ka luajtur më mirë se në ndeshjen me Slloveninë.

Klodian Duro: Futbollisti i Tiranës u aktivizua në qendër dje nga trajneri Bariç, ku luajti mjaft mirë. Ashtu si në ndeshjen me Slloveninë, ai u shfaq si një nga lojtarët më kërcënues në portën kundërshtare, sidomos gjatë pjesës së parë, kur ndërmori dhe disa aksione personale. Në një moment u vu përballë portierit bullgar, por anësori sinjalizoi një pozicion jashtë loje, pasi në aksion merrte pjesë edhe Bogdani.

Besart Berisha: Aktivizimi i këtij futbollisti në krah të djathtë të mesfushës ishte një gjejtje e trajnerit Bariç, sepse kur skuadra jonë kundërsulmonte, shpesh ai dilte i lirë në atë pozicion. Ai e tërhoqi skuadrën drejt sulmit dhe shumë herë ishte i saktë në pasim.

Erion Bogdani: Sulmuesi ynë shtatlartë luajti i vetëm përpara fillimisht dhe natyrisht që e kishte të vështirë ta godiste portën bullgare, por ai i bëri mirë detyrat e tij. Bogdani ishte nën mbulimin e rreptë të mbrojtësve bullgarë, megjithatë ai fitoi shumë dyluftime, duke e tërhequr ekipin përpara dhe duke i dhënë frymëmarrje lojës.

Edmond Kapllani: Kapllani luajti në krahun e majtë, duke zënë vendin e Haxhit në pjesën e dytë, ndërkohë që provoi ta rrezikonte portën bullgare në ndonjë rast. I kotë pretendimi për 11-metërsh.

Ervin Bulku: I futur nga trajneri Bariç në vend të Duros, Bulku kishte më tepër detyra mbrojtëse, gjë të cilën ai e bëri mirë për aq minuta sa luajti.

Alban Bushi: Edhe pse luajti pak minuta, Bushi u shfaq menjëherë i rrezikshëm brenda zonës kundërshtare, duke provuar të shënonte nga një pozicion i prirët.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Zhurma dhe entuziazmi në mjedisin kuqezi të "Kampinkit Hotel", dalëngadalë, me kalimin e kohës midis mbrëmjes të së mërkurës dhe të enjtes, nisi të fashitej. "Zogjtë e shqipes", individualisht apo në grupe, nisën fluturimin në foletë e tyre. Të parët që përgatitën valixhet për të udhëtuar drejt klubeve ishte "lobi" gjermano francez. Avioni i tyre do të nisej i pari nga Sofja, kështu që ata, pasi u përshëndetën me shokët dhe drejtuesit e ekipit, menduan që më mirë të qëndronin zgjuar, pasi në orën 4 të mëngjesit të të enjtes duhet të ishin në aeroportin bullgar. Me Canën, Berishën, Rustemin preferuan të rrinë në barin e hotelit edhe kosovarët Dallku me Currin, ndërkohë që Lala dhe Kapllani kërkuan t'i mbyllin sytë edhe për pak kohë.
Në orën 8 të mëngjesit të ditës së djeshme, gjithnjë sipas orës lokale, holli i recepsionit të hotelit luksoz të kombëtares përsëri u bë i zhurmshëm nga kuqezinjtë. Ishte koha për t'i dhënë lamtumirën kryeqytetit bullgar. Por ndarjet nuk do të mungonin edhe këtu. Do të ishte trajneri Bariç i pari, që fillimisht do të ulej me ndihmësin e tij, Shpëtim Duro, për t'i dhënë disa porosi e më pas të ndahej me drejtuesit e FSHF së dhe të gjithë futbollistët e pranishëm. Ai do të fluturonte drejt Vjenës në mesditë. Edvin Murati, i cili privatisht ishte midis kuqezinjve edhe gjatë ndeshjes, do të pronotonte një taksi për të udhëtuar drejt Selanikut. "Lobi" grek me Strakoshën, Bushin, Haxhin dhe Beqajn do të nxitonin të ndaheshin, pasi avioni i tyre drejt Athinës, do të nisej më shpejt sesa ai i delegacionit kuqezi. "Italiani" Bogdani do të udhëtonte më vonë, por ai kishte kohë që e kishte harruar ndeshjen me Bullgarinë. Shqetësim për të tani ishte Sampdoria, ekip me të cilin do të ndeshej të dielën Kievoja e tij. Ndarja e fundit e "zogjve" kuqezinj do të ishte në aeroportin e Sofjes. Salihi do të dilte nga një dalje tjetër dhe do të hipte në një avion, i cili do të nisej gati njëkohësisht me çarterin e kombëtares, por në drejtim të Vjenës. Grupi i përgjysmuar i kuqezinjve, ku kishin mbetur vetëm Duro, Dede, Bulku, Hidi, Pisha dhe Hyka, që tani kishte më tepër zyrtarë të futbollit dhe gazetarë, do të mbushte çarterin, që në orën 11.20 do të niste udhëtimin drejt Shqipërisë. Me të mbërritur në aeroportin "Nënë Tereza" të Tiranës, delegacioni i copëzuar i kuqezinjve do të binte pre e medias vizive shqiptare që kishte pushtuar aeroportin. "Aventura" bullgare e kuqezinjve tanë këtu ka përfunduar...
Surprizat, "gomë shpëtimi" për trajnerët e kombëtares
Bota e futbollit njeh rezultate të pritshme, por edhe rezultate, që krahasuar me staturën e rivalëve, nga media konderohen si ndeshje mitike midis "Goliathit dhe Davidit", apo shkurt si surpriza. Në këtë rang performance do ta konsideroja personalisht edhe barazimin historik të arritur nga kombëtarja jonë të mërkurën në Sofje ndaj Bullgarisë. Kjo për disa arsye. Jo vetëm se një barazim i tillë arrihet ndaj fqinjëve tanë ballkanikë për herë të parë në fushën bullgare, duke i dhënë këtij rezultati përmasa historike. Por edhe për faktin se pas një periudhe prej më se gjysmëshekulli, kuqezinjtë tanë arrijnë të paktën të mos dalin të mundur nga ballafaqimet me bullgarët, ku fitorja jonë e fundit daton më 25 shtatorin e largët të vitit 1950, ndërkohë që në 6 ndeshjet e zhvilluara në këtë hark kohor kombëtarja jonë kujton vetëm barazimin 1 1 të Tiranës në vitin 1996, ndërkohë që ka humbur 6 takime të tjera me një bilanc negativ 13 5.
Pa u ndalur edhe në argumente të tjera për të imponuar perceptimin tim, do të thoja se të tilla rezultate, të ashtuquajtura surprizë, nuk i kanë munguar futbollit shqiptar as në të shkuarën e afërt, por as edhe në atë të largët. Ndoshta si pikënisje mund të merret barazimi 0 0 më 1969 në Tiranë me ish Gjermaninë Perëndimore, fitoren 2 0 po në Tiranë më 1984 ndaj Belgjikës, ku për të mos i përmendur të gjitha me radhë, mund të mbyllen me fitoren 3 1 në Shkodër më 2001 me Rusinë, fitoren 2 1 në Tiranë më 2005 ndaj Greqisë, e shpallur veç pak muaj më pare si kampione e Europës. Sidoqoftë, këto, por edhe të tjera si këto, janë pjesë e historisë modeste të futbollit tonë dhe pika reference dhe krenarie për çdo tifoz shqiptar.
Por, duke i parakaluar ato, befas nuk ka se si të mos vesh re, se këto vitet e fundit, këto të ashtuquajtura rezultate suprizë, kanë shërbyer edhe si "goma shpëtimi" për trajnerët e ekipit kombëtar. Kështu ka ndodhur me ish trajnerin e kombëtares, Astrit Hafizi, në vitin 1998. Mjaftoi fitorja 4 1 e kombëtares sonë në ndeshjen miqësore ndaj Antalia të Turqisë, që mendimi për ta shkarkuar atë në rast humbjeje të ndryshonte dhe Hafizi të vazhdonte edhe për disa kohë ushtrimin e detyrës së tij në krye të kuqezinjve. I njëjti skenar ka ndodhur edhe në vitin 2000 me ish trajnerin Medin Zhega. Edhe këtij, po një fitore 2 1 në një miqësore po ndaj Turqisë, do ta shpëtonte për disa kohë nga largimi i drejtimit të kombëtares.
Gati kësisoj, i turbullt, plot dyshime dhe aludime, ka qenë edhe peisazhi para ndeshjes së Sofjes për trajnerin e kombëtares, kroato austriakun Oto Bariç. Mungesa e tij në ndeshjen ndaj Sllovenisë, të shtunën e kaluar në Shkodër, i shtoi edhe më tepër zërat dhe dyshimet. Madje u arrit deri aty, sa që për një pjesë të medias, ndeshja e Bullgarisë do të ishte një precedent më tepër për ta larguar trajnerin Bariç. Dhe në tavolinë, në letër, humbja në Sofje ishte punë e mbaruar. Pritej vetëm ekzekutimi i këtij vendimi. Por verdikti i fushës së blertë të stadiumit "Vasil Levski" qe i ndryshëm. Kuqezinjtë në Sofje arritën një barazim historik, një rezultat surprizë, i cili veç kënaqësisë që u krijoi mbarë bashkëkombasve tanë, duket se i ka shpëtuar edhe stolin Oto "Maximales". Rikujtoni edhe një herë fjalët dhe përgëzimet e presidentit të FSHF së, Armando Duka, në adresë së trajnerit Bariç: "Bariçi luajti shkëlqyeshëm në këtë ndeshje. Unë e falënderoj atë".
"Duhet të besojmë te vetja"
Pas ndeshjes kam qëndruar duke biseduar edhe me mesfushorin e kombëtares sonë, Edvin Muratin, i cili në këtë ndeshje nuk ishte pjesë e planeve të trajnerit Bariç. Kemi folur për shkaqet e mungesës së tij, pastaj vetvetiu, natyrisht për ndeshjen. Edhe pse "Lusha", siç e thërrasin shkurt shokët, nuk ishte pjesë e ekipit, ai nuk e fshihte entuziazmin e këtij suksesi. "Kemi luajtur shumë mirë dhe e meritonim plotësisht barazimin. Që të gjithë futbollistët tanë janë treguar profesionistë të vërtetë, sidomos në zbatimin e detyrave taktike. Kemi një ekip me djem të talentuar, të cilët po të vazhdojnë kështu, jo vetëm do të rrisin më tepër vlerat dhe aftësitë e tyre, por premtojnë që të arrijnë rezultate më të mira edhe me kombëtaren," të thotë Murati, i cili nuk resht së rendituri vetëm gjërat e bukura të ndeshjes. Ne e ndërpresim dhe i kërkojmë që të na japë edhe ndonjë mendim se ku i ka të metat kjo kombëtare. "Po, na thotë ai, në radhë të parë, ju si media duhet të jeni më të ngrohtë, më të dashur dhe duhet t'i ndihmoni më tepër futbollistët dhe kombëtaren. Nuk them që të mos kritikoni, por është mirë që të mos merreni vetëm me gjërat negative të saj. Kurse për këta djemtë e rinj të kombëtares, do të thoja, se ata duhet të kenë më tepër besim në vetvete, në aftësitë e tyre. Ata duhet "ta vrasin" frikën, pavarësisht se ndaj cilit kundërshtar luajnë. Vetëm duke besuar te vetja, tek aftësitë e tua dhe të shokëve, mund ta arrish suksesin, mund ta arrish rezultatin", të thotë ndërmjet të tjerash, mesfushori kuqezi, Edvin Murati, i cili rikonfirmon edhe një herë qëndrimin e tij se pret rastin e përshtatshëm, që në këtë fundsezoni t'i japë lamtumirën karrierës së tij sportive dhe ekipit kombëtar.
+ + +
Ndërmjet shënimeve dhe mbresave të "aventurës" bullgare të kuqezinjve, kësaj here nuk dua të flas për ndeshjen. Atë e kanë parë të gjithë dhe kanë krijuar përshtypjet e tyre. Për anët pozitive, të metat, komentet dhe analizat do të flasin specialistët dhe gazetarët e ato, nuk do të mungojnë në vazhdim. Kësaj here zgjodha qëllimisht një copëz nga biseda me mesfushorin Murati. Jo thjesht për të evidentuar faktin se ai po përgatitet për t'i dhënë lamtumirën kombëtares. Në bisedë me të më tërhoqën vëmendjen fjalët: "Ata duhet "ta vrasin" frkën"! Përsëriteni me vete këtë fjali! A nuk ju duket sikur në Sofje kombëtarja jonë ka filluar "ta vrasë" frikën?
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

se ben nje gol keta
 




____________
Galeria Shqiptare Direktoria Shqiptare Kërko në Google

Lere plako se si duket kan harruar fare se si lozet futbolli!!!!!!!!!!!!!!!!!!!!!!!!!
 




____________
http://img77.imageshack.us/img77/89...82326909gx2.png

Barazimi me Bullgarin ishte arritje e madhe per kombetaren tone   E keqja qendron se tani ata do na rrahin ne Tirane.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Me kete trejnere qe ka nuk eshte aspak e befasueshme!!
 




____________
http://img77.imageshack.us/img77/89...82326909gx2.png