Presidenti Bush dhe kryeministri britanik, Tony Bler, kanë mbrojtur në fjalime të ndryshme politikat respektive rreth Irakut si dhe konfrontimit të asaj që ata e shohin si kërcënim global nga terrorizmi.

Në një fjalim në Londër tre vjet pas pushtimit nën udhëheqjen amerikane të Irakut, zoti Bler tha se veprimet ushtarake kanë qenë me rëndësi jetike për sigurinë e Irakut dhe gjithë botës.

Zoti Bler gjithashtu bëri thirrje për një betejë globale me vlera dhe ide, duke thënë se ekstremizmi islamik nuk do të mposhtet përderisa ai nuk konfrontohet direkt.

Ndërsa në Uashington, Presidenti Bush mohoi se Iraku ishte në prak të një lufte civile dhe premtoi se trupat amerikane do të mbeten atje edhe pasi të ketë përfunduar mandati i tij si president.
 




____________
Galeria Shqiptare Direktoria Shqiptare Kërko në Google