Kapiteni pranon: Do ta mbyll karrierën këtu. Ndërsa Moxhi mbështet: Bën pjesë në historinë tonë  

Numrat dhe eurot e kapitenit
9.5 - milionë euro fiton në vit Alesandro Del Piero, sipas një hetimi të fundit të bërë nga "France Football".
4.2 - milionë euro është rroga vjetore e fituar nga Del Piero nga Juventusi. 100 mijë eurot e tjera merren nga çmime për rendimentin në harkun e një sezoni.
5.2 - milionë euro fiton Del Piero në vit me kontratat publicitare. Sponsorët e tij kryesorë janë Adidasi, Uliveto, Luxottica, Dolce&Gabbana, Ibm dhe EA Sports.
5 - është vendi i Del Pieros në renditjen e futbollistëve më të paguar në botë. I pari është Bekhami (25 milionë në vit), i ndjekur nga Ronaldo (19.6), Zidane (13) dhe Vieri (12).

Në momentet më kulmore të karrierës së tij, Alesandro Del Piero është shndërruar në një simbol për Juventusin. Të gjitha krahasimet i shkojnë për shtat, pasi është kthyer në një legjendë, sepse ndodhet shumë afër kuotës së 200 golave në historinë e klubit me fanellën bardhezi si golashënues. "Dua të jem ai që jam, Alesandro Del Piero, pa ndryshuar gjë, as edhe një presje", - thotë kapiteni bardhezi. Në 2008-ën i skadon kontrata me Juventusin, por vetëm disa muaj më parë flitej për Anglinë (Arsenali) ose Japoninë. "Do të qëndroj këtu." Është në humor të mirë Alesandro Del Piero dy ditë pas ndeshjes Itali-Gjermani dhe nuk ka sesi të ndodhë ndryshe. Sulmuesi bardhezi ngjitet nga dera e shërbimit në qendrën sportive "Sisport", pas grumbullimit të shkurtër me kombëtaren, dhe përgjigjet "këtu" në apelin e Fabio Kapelos. Një grup fëmijësh qarkullojnë nga një makinë te tjetra, nga Bufoni te Del Piero, në kërkim të autografëve. 32 vjeç në nëntor të këtij viti, me 13 sezone të kaluara po me bardhezinjtë që 19 vjeç, ajo që "e shqetëson" më shumë për momentin është kontrata, e cila i skadon në qershor të 2008-s, tre muaj para 34-vjetorit të lindjes. Pastaj? "Mendoj për të nesërmen, Championsin, botërorin, për të tjerat ka kohë", - ia pret shkurt kapiteni juventin.
JUVENTUSI - "Për mua është gjithnjë një sfidë, çdo sezon është ndryshe nga të tjerët. Nëse kërkon të qëndrosh në krye, duhet të jesh gjithnjë në lojë, në diskutim nuk duhet të jesh asnjëherë. Stoli? Rotacioni është rregull te Juventusi, na presin shumë përkushtime, përfshirë dhe botërorin. Dhe është e drejtë kështu, nëse duam të jemi një skuadër e fortë gjithnjë kundër çdo kundërshtari." Kjo është filozofia dhe sekreti i Alesandros. Nuk ka ndryshuar "muzika" në 2006-ën, në krahasim me vitin e parë të Kapelos: sërish shumë qëndrime në stol, shumë nisje nga "bokset" për kapitenin, por gjithnjë vendimtar vetëm në pjesën e dytë kur ka hyrë gjatë lojës. Ale ka luajtur mes kampionatit, Championsit dhe Kupës së Italisë 16 ndeshje si titullar, 18 herë e ka nisur lojën nga stoli, 17 gola të shënuar.
"BLIC" MOXHI - Shënues dhe vendimtar me bardhezinjtë, "Pinturikioja" është kthyer protagonist edhe me "axurrët", gola dhe pasime në Itali-Gjermani, grumbullimi për botërorin thuajse i sigurt, me apo pa Totin. Luçiano Moxhi ka vizituar skuadrën dhe pas një bisede të gjatë me Kapelon, qëndroi për pak kohë me kapitenin jashtë fushës. Lavde, rënie shpatullash dhe batuta. Ju kërkoi t'i rinovoni kontratën me bardhezinjtë përjetë deri më 2010-ën? "Kush? Del Piero? Tashmë bën pjesë në historinë e Juves, do të qëndrojë me ne deri në fund të kontratës, në 2008-ën do të jetë 34 vjeç, pra përjetësisht, - shpjegon Moxhi. - Nuk është më koha në futboll e simbolëve ose e "flamujve", gjithçka ka ndryshuar shumë shpejt. Del Piero është "flamuri" i fundit, - vazhdon drejtori i përgjithshëm bardhezi, - është simboli i Juves, ka qenë gjithnjë protagonist në triumfin e Ligës së Kampioneve dhe Kupës Interkontinentale që 22 vjeç. Ka kaluar një dëmtim të rëndë, është sjellë gjithnjë si profesionist dhe kampion, brenda dhe jashtë fushës. Me mua i ka gjithnjë dyert të hapura." Më shumë Moxhi nuk mund të thotë. Duhet të kujdeset për momentin për fatin e "triadës" dhe jo për të ardhmen e Del Piero me shokë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------