Që prej vitesh biologët e dinë se, nëse disa qeliza izolohen, për shembull ato të lëkurës, dhe kultivohen në mënyrë artificiale në një terren, ato riprodhohen për breza të ndryshëm, por me një ritëm gradualisht më të ngadalshëm. Pas rreth 50 cikleve riprodhuese, qelizat shumëzohen në mënyrë gjithnjë e më të lodhura, derisa kultura shuhet. Ashtu siç edhe mund të pritet, qelizat embrionale shumëzohen për një kohë më të gjatë, ndërsa ato të një të rrituri zakonisht kanë një ritëm më të shpejtë plakjeje. Kultivimi i qelizave invitro ka sjellë një varg informacionesh të dobishme për të sqaruar shkaqet e plakjes. Është vënë re, për shembull, që pengesa më e madhe ndaj shumëzimit të qelizave përbëhet nga radikalet e lira dhe që ato të shtohen, domosdoshmërisht dora-dorës qelizat kryejnë detyrën e tyre edhe kur i nënshtrohen një stresi të tepruar ushqimi ose alkooli të tepruar. Tek kafshët është dalluar një raport mjaft i përcaktuar midis sasisë së ushqimit që merret dhe gjatësisë së jetës: nëse dieta zvogëlohet në 1/3 e vetë, mbijetesa e tyre shtohet në një mënyrë të ndjeshme, megjithatë nuk e dimë nëse ato janë të lumtura që kanë qenë në dietë në një mënyrë kaq drastike. Tek qeniet njerëzore, edhe pa arritur këto teprime (të zvogëlosh në mënyrë drastike dietën e njerëzve jo obezë) është gjithsesi e dukshme që një sasi e tepruar ushqimi shkurton jetën. Nuk bëhet fjalë gjithsesi të ndjekësh dieta që çojnë në uri, por që të ulësh peshën tënde sa më shpejt që të jetë e mundur, sidomos kur metabolizmi fillon të ngadalësohet dhe kilet shtohen, pra, duke nisur nga mosha 30-40 vjeç. Të jesh mbi peshë nuk është vetëm një problem estetik. Shpresa për jetëgjatësi e një personi obez, është në fakt më e vogël se sa e një personi me peshë ideale. Këtu numërohen një varg arsyesh: nga ato kardiovaskulare (sëmundje zemre, tension i lartë, arterioskleroza) në ato të kockave (deformim i skeletit, hernie diskale, thyerje) në forma të arteriosklerozës trunore.
 

Sipas mjekëve quhesh obez (i ngjallur), kur pesha jote e kalon 15% të peshës ideale të organizmit. Për të llogaritur peshën tënde ideale, mund të bësh këtë llogari: Në qoftë se T është trupi yt në cm, pesha ideale Pi është:
Burra: Pi=T-100-(T-150)/4
Gratë: Pi=T-100-(T-150)/2
Për shembull, pesha ideale e një burri me gjatësi 180 cm është e barabartë me: 180-100-(180-150)/4=180-100-7.5=72.5 kg
Pra, nëse jeni obez ose me një peshë më të madhe se zakonshmja, është e rëndësishme të humbasësh kilet e tepërta, por është e nevojshme të praktikosh një dietë "të duhur" për trurin, pa yndyrna dhe sidomos acide yndyrore "të këqija". Në të vërtetë, yndyrnat jo vetëm favorizojnë arteriosklerozën, duke ngushtuar diametrin e enëve të gjakut që çojnë oksigjen në tru, por mund të shtojnë edhe rrezikun e sëmundjeve degjeneruese, siç është sëmundja e Alzhaimerit. Mjekët kanë vënë re se tek njerëzit që është praktikuar një dietë pa yndyrna, rreziku për t'u sëmurur me këtë sëmundje është më i vogël.
 

Vitamina Nevoja të përditshme Burime ushqimore
Vitamina të tretshme në yndyrna
Vitamina A
5000 UI
Qumështi, veza, sallata
Vitamina D 400 UI Qumështi, veza, toni, salmoni
Vitamina E 30 UI Fruta pylli, vaji i ullirit, fleta e sallatës
Vitamina K 65-80 mcg Sallata, mishi,vaji i peshkut
Vitamina të tretshme në ujë
Tiamina (B1) 1.5 mg Drithërat, peshku,mishi i bardhë, pula
Riboflavina (B2) 1.7 mg Drithërat, qumështi, veza, sallata, mishi i bardhë
Vitamina B3 (niacina) 18 mg Drithërat, mishi i bardhë, veza
Piridosina (B6) 2 mg Drithërat, mishi, banania, zarzavatet
B12 3 mcg Peshku, mishi i bardhë, qumështi
Acidi folik 400 mcg Peshku, zarzavatet, sallata
Vitamina C 60 mg Agrumet, frutat e pyllit,zarzavatet
 

Pini shumë ujë, të paktën 6 gota në ditë. Mos përdorni fast-fudet. Zvogëloni sasinë e sheqerit. Përdorni më tepër ushqime të pasura me antioksidantë: fruta, fruta pylli, zarzavate, çaj. Hani ushqime të pasura me yndyrna Omega-3, ose siç quhen ndryshe yndyrna "të mira", që kanë përqendrim të lartë të Omega-3, të cilat janë: vaji i ullirit, vaji i linit, peshku (salmon, sardele, troftë, ton), arra etj. Pakësoni ato ushqime që janë të pasura me Omega-6, ose siç quhen ndryshe yndyrna "të këqija", që kanë përqendrim të lartë të Omega-6, ku hyjnë: mish qengji, gjalpi, djathëra të yndyrshme, qumësht i paskremuar, majoneza, margarina, vaji i lulediellit, vaji i misrit, patate të skuqura etj. Mos pini shumë kafe ose piheni me kafeinë. Pini më mirë verë të kuqe, 1 deri në 2 gota në ditë. Zvogëloni sasinë e kripës, hani pak spec djegës dhe piperna të yndyrshme.
 

Për të mbajtur trupin dhe mendjen të freskët, gjatë viteve të pleqërisë, duhet të ndiqni sa më shpejt që të jetë e mundur një stil jete të përshtatshëm për të ruajtur aftësitë e trupit, për të nxitur trurin dhe për të ruajtur funksionet e mendjes. Pasi truri është plastik: për të mirë dhe për të keq. Në qoftë se ai nuk stimulohet, mund ta humbasësh. Me pak fjalë, rrëgjohen fuqitë dhe aftësitë e tij. Që në moshë të mesme, kur jemi ende të shëndoshë, nuk mendojmë se pleqëria nuk ka lidhje me ne. Prandaj duhet të filloni të merreni me gjimnastikën tuaj fizike dhe mendore. Kujtesa është një dritare për shëndetin e trurit tonë. Kur fillon të marrë goditje le ta mbajmë të gjallë trurin duke i stimuluar aftësitë njohëse të tij. Stresi ka rrjedhoja shumë negative mbi trurin. Le të përpiqemi të jemi të qetë, pa kërkuar "maksimalen" ndaj trupit dhe mendjes sonë.