Për të marrë një vizë punësimi në Greqi, sipas informacionit në sitin e ambasadës janë vetëm pesë dokumente që duhen. Plotësimi i formularit është hapi i parë që bëhet sapo paraqitesh në ambasadën greke për një vizë të tillë. Pas dorëzimit të tij dhe kthimit të përgjigjes nga ambasada, qytetarët janë të detyruar të ndjekin dhe një sërë procedurat që mund të zgjasin nga 1 deri në katër muaj.
Dokumentet
Pasaporta është dokumenti i parë dhe më kryesori për të aplikuar për marrjen e vizës. Ndërsa dokumenti i dytë është një certifikata e lindjes. Ndërkohë që paraqitja e një dëshmie penaliteti është elementi tjetër nga ku mund të varet dhënia ose jo e vizës. Shteti grek ka paraqitur rregulla të rrepta për të eliminuar futjen e elementëve kriminalë nga kufijtë me fqinjët. Ndërkohë që dokumentet e tjera, të cilat aplikohen vetëm për vizat e punësimit sezonal, kanë të bëjnë me gjendjen shëndetësore të personit që aplikon për vizë. Zyrat e konsullatave greke në gjithë Shqipërinë kërkojnë që bashkë me dokumentet e sipërpërmendur, pasaportë, certifikatë lindjeje dhe dëshmi penaliteti, të kenë dhe një certifikatë shëndetësore të lëshuar nga autoritetet kompetente. Sipas njoftimit të ambasadës, ky dokumentacion është i nevojshëm për të parë nëse personat që do të hyjnë në Greqi nuk janë mbartës të ndonjë virusi, që në bazë të kritereve ndërkombëtare dhe të Organizatës Botërore të Shëndetësisë mund të përbëjë rrezik për shëndetin publik. Pika e pestë e dokumenteve që duhet të paraqiten në zyrat e konsullatave greke është dhe vërtetimi se personi që kërkon të punojë në Greqi duhet të ketë kryer shërbimin ushtarak.
Njoftimi për vizën
Pas bërjes së procedurave të mësipërm, rregulltat e njoftimit për marrjen e vizës ose thirrjen për intervistim janë të njëjta për të gjitha kategoritë e vizave. Lëshimi i vizës bëhet vetëm pas intervistimit personal të kërkuesit nga personeli kompetent i zyrës konsullore. Kërkesat pranohen nga e hëna deri te premten, pasi më parë është caktuar takimi. Të dhënët që duhet të japë personi që kërkon vizë janë: Emri dhe mbiemri, numri i pasaportës, data e lindjes, vendi i lindjes, shtetësia, numri i telefonit, si dhe lloji i vizës që do të marrë. Personat që kanë aplikuar mund të njoftohen menjëherë për datën e takimit me personelin e ambasadës, por ai mund të informohet gjithashtu nga listat që hartohen çdo javë dhe publikohen çdo të premte në median e shkruar.

DOKUMENTET PER VIZE PUNE

1. Pasaportë të vlefshme ose dokument tjetër kalimi i njohur nga vendi ynë, në përputhje me pikat e përmendura në tabelën e dokumenteve të udhëtimit, në bazë të së cilave lejohet kalimi i kufijve të jashtëm dhe që parashikohet pajisja me vizë.
2. Certifikatë lindjeje.
3. Dëshmi penaliteti.
4. Certifikatë shëndetësore të legalizuar nga autoritetet kompetente, nga ku vërtetohet se nuk janë mbartës të ndonjë virusi, që në bazë të kritereve ndërkombëtare dhe të Organizatës Botërore të Shëndetësisë mund të përbëjë rrezik për shëndetin publik.
5. Vërtetim i shlyerjes së detyrimit ushtarak.

Numri i ri i konsullatës greke: 0900 44 44 004

Tashmë qytetarët që do të kontaktojnë me zyrën konsullore të ambasadës greke për të marrë përgjigjen e vizës, duhet të telefonojnë në numrin e ri 0900 44 44 004. Në një njoftim të bërë dje zyra e shtypit të ambasadës greke në Tiranë bëhet e ditur se, të gjithë qytetarët që kanë aplikuar për vizë duhet të kontaktojnë me ketë numër për të caktuar takim dhe jo me numrin e mëparshëm. Ky numër i ri i zyrës konsullore hyn në fuqi ditën e premte, më datë 18 maj. Ky numër do të jetë në shërbim të qytetarëve nga e hëna deri ditën e premte, nga ora 08:00 deri në 20:00 të mbrëmjes. Gjithashtu ambasada sqaron se ky numër mund të kontaktohet vetëm nga rrjetet telefonike AMC dhe “Vodafon”. Ndërkohë që brenda shtatë ditëve, sipas njoftimit të ambasadës, ky numër mund të kontaktohet edhe nga rrjeti “Albtelekom”. Kontaktet telefonike janë e vetmja mënyrë ekskluzive që ambasada greke përdor për caktimin e takimeve me qëllim marrjen e vizës nga ana e zyrës konsullore të ambasadës së Greqisë në Tiranë.

Procedurat ligjore për të aplikuar në konsullatat greke

Kriteret për të marrë vizë për studime dhe biznes

Aplikimi për vizë studimi ose biznesi në konsullatat greke në gjithë vendin kërkon më tepër dokumente, por më pak kohë se sa vizat e emigrimit. Janë shtatë dokumente që kërkon për të marrë një vizë për arsye studimi dhe 10 dokumente për të marrë një vizë për biznes. Në të dyja rastet, ajo që ka më tepër rëndësi edhe nëse dokumentet janë ligjërisht në rregull, është pjesa e intervistës me zyrtarët e konsullatës, e cila mund të jetë dhe negative nëse zyrtari nuk bindet.
Dokumentet për vizë biznesi
Njerëzit që janë të interesuar të shkojnë në Greqi për emigrim duhet të paraqesin/plotësojnë në konsullatë formularin së bashku me një fotografi. Gjithashtu duhet të paraqesin pasaportën ose një dokument tjetër të njohur nga shteti grek. Ndërkohë që procedurat e tjera tregtare kanë të bëjnë me statusin e firmës që ai përfaqëson, vërtetimet e shlyerjes së tatimeve. Të gjitha këto dokumente duhet të jenë të legalizuara nga Ministria e Punëve të Jashtëme të Shqipërisë. Për punonjësit e firmave duhet të paraqiten dokumente ku vërtetohen marrëdhëniet e punës me firmën. Gjithashtu duhet dhe një ftesë nga një firmë greke, ku përfaqësuesi i saj ligjor deklaron me përgjegjësi së merr përsipër mbulimin e shpenzimeve të qëndrimit, të kthimit në Shqipëri dhe të trajtimit shëndetësor të personit të ftuar. Fotokopje të dokumentit të identifikimit të personit që dërgon ftesën të legalizuar nga komisariati kompetent policor. Në rast të deklaratës së rreme, atëherë mbi të rëndojnë pasojat e ligjit përkatës.
Vizat për studime
Përveç dokumenteve identifikues për studentët që duan të studiojnë jashtë shtetit duhet të paraqesin dhe një listë të të ardhurve të tyre ekonomike. Kjo kërkesë është bërë për të parë nëse studenti mund t’i përballojë shpenzimet në shtetin grek.
Gjithashtu personat që janë të interesuar të studiojnë në Greqi duhet të paraqesin një vërtetim nga institucioni arsimor në Greqi, i cili e pranon të regjistrohet në të. Në rast se institucioni arsimor është privat, vërtetimi duhet të jetë i legalizuar nga autoriteti kompetent përkatës i prefekturës. Në rregulloren e zyrave të konsullatës greke bëhet e qartë se intervista është procesi më i rëndësishëm i fazave të aplikimit. “Zyra konsullore mund të refuzojë dhënien e vizës edhe në rastin kur i interesuari disponon të gjitha dokumentet e sipërpërmendura dhe sidomos në rast dyshimi për origjinalitetin e certifikatave të paraqitura dhe në rastet kur nga intervista nuk krijohet bindja për sinqeritetin e qëllimeve të të interesuarit”, thuhet në rregulloren e Ambasadës Greke.

DOKUMENTET PER VIZE STUDimi

1. Kërkesë e plotësuar dhe e firmosur si edhe një fotografi e kohëve të fundit. Formulari i jepet falas të interesuarit gjatë paraqitjes në Zyrën Konsullore.
2. Pasaportë e vlefshme ose dokument tjetër udhëtimi i njohur nga Greqia me anën e të cilëve lejohet kalimi i kufijve të jashtëm dhe kërkojnë pajisjen me vizë.
3. Vërtetim i institucionit arsimor, i cili e pranon të regjistrohet në të. Në rast se institucioni arsimor është privat, vërtetimi duhet të jetë i legalizuar nga autoriteti kompetent përkatës i prefekturës.
4. Vërtetim për disponimin e mjeteve financiare për përballimin e shpenzimeve për studimet dhe jetesën në Greqi.
5. Certifikatë lindjeje.
6. Dëshmi penaliteti.
7. Certifikatë shëndetësore e legalizuar nga autoritetet kompetente, nga e cila të rezultojë se i interesuari nuk vuan nga ndonjë sëmundje, e cila në bazë të kritereve ndërkombëtare dhe Organizatës Botërore të Shëndetësisë, mund të përbëjë rrezik për shëndetin publik.
• Të gjitha dokumentet e lëshuara nga autoritetet shqiptare duhet të jenë të legalizuara nga Ministria e Jashtme e Republikës së Shqipërisë.
• Të gjitha dokumentet e kërkuara duhet t’i paraqesë vetë i interesuari ditën e intervistës.
• Zyra konsullore mund të refuzojë dhënien e vizës edhe në rastin kur i interesuari disponon të gjitha dokumentet e sipërpërmendura dhe sidomos në rast dyshimi për origjinalitetin e certifikatave të paraqitura dhe në rastet kur nga intervista nuk krijohet bindja për sinqeritetin e qëllimeve të të interesuarit.

DOKUMENTAT PER VIZE-SCHENGEN, BIZNESi

1. Kërkesë e plotësuar dhe e firmosur si edhe një fotografi e kohëve të fundit. Formulari i jepet falas të interesuarit gjatë paraqitjes në Zyrën Konsullore.
2. Pasaportë e vlefshme ose dokument tjetër udhëtimi i njohur nga Greqia me anën e të cilëve lejohet kalimi i kufijve të jashtëm dhe kërkojnë pajisjen me vizë.
3. Certifikate lindjeje.
4. Kopje të statutit të firmës, i regjistrimit të saj te Dhoma përkatëse e Tregtisë, vërtetim për shlyerje të detyrimeve tek Autoritetet Tatimore, të gjitha këto të përkthyera dhe të legalizuara nga Ministria e Jashtme e Shqipërisë.
5. Për punonjësit e firmave, dokument ku vërtetohen marrëdhëniet e punës, siç janë: kontratë pune e përkthyer dhe e noterizuar, librezë e sigurimeve shoqërore, etj.
6. Ftesë nga një firmë greke ku përfaqësuesi i saj ligjor deklaron me përgjegjësi se merr përsipër mbulimin e shpenzimeve të qëndrimit, të kthimit në Shqipëri dhe të trajtimit shëndetësor të personit të ftuar. Fotokopje të dokumentit të identifikimit të personit që dërgon ftesën, të legalizuar nga komisariati kompetent policor. Në rast të deklaratës së rreme, atëherë mbi të rëndojnë pasojat e ligjit përkatës.
7. Vërtetim nga Dhoma e Tregtisë së Greqisë në lidhje me aktivitetin dhe identitetin e firmës greke.
8. Të dhëna që tregojnë ekzistencën e bashkëpunimit ndërmjet dy firmave, (fatura, fletë porosie, deklaratë doganore)
9. Për shoferët e transporteve ndërkombëtarë (T.I.R) duhet edhe leja ndërkombëtare e qarkullimit, regjistrimi i tyre në ANALTIR, të dhënat dhe fotografi të kamionit.
10. Certifikatë e Sigurimit të Jetës dhe Shëndetit në Udhëtim, kohëzgjatja e së cilës do të jetë sa edhe kohëzgjatja e vizës së kërkuar.
• Të gjitha dokumentet shqiptare duhet të jenë të legalizuara nga Ministria e Jashtme e Republikës së Shqipërisë.
• Të gjitha dokumentet e kërkuara duhet t’i paraqesë vetë i interesuari ditën e intervistës.
• Zyra konsullore mund të refuzojë dhënien e vizës edhe në rastin kur i interesuari disponon të gjitha dokumentet e sipërpërmendura dhe sidomos në rast dyshimi për origjinalitetin e certifikatave të paraqitura dhe në rastet kur nga intervista nuk krijohet bindja për sinqeritetin e qëllimeve të të interesuarit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pse akoma ka nga ta qe duan te emigrojne ne Greqi