Me një dygolësh të Zllatan Ibrahimoviçit, Interi ka mundur Askolin dhe e ka çuar në 18 pikë epërsinë ndaj Romës së vendit të dytë, që barazoi 0-0 në Firence. Milani mundi Atalantën në "San Siro" falë një goli të Masimo Ambrozinit. Ndërkohë, Kievo arriti të fitonte në fushën e Kaljarit, Rexhina në atë të Katanias (në fushën asnjanëse të Riminit për të qenë më të saktë) dhe Torino në atë të Mesinës. Arritën të marrin nga tri pikë edhe Udinezja e Parma. Ndërsa në ndeshjen e së shtunës në mbrëmje, Sampdoria dhe Palermo e mbyllën takimin me një barazim 1-1.
"Ibra-kadabra" Kur e para ndeshet me të fundit të renditjes, zor se rezultati nuk do të dalë në favor të më të fortit. Dhe kjo gjë u vërtetuar edhe në rastin në fjalë. Interi arriti të fitonte me rezultatin 2 1 në Askoli, edhe pse nuk luajti një ndeshje të madhe. Fitoren zikaltërve arriti t'ua dhuronte në pjesën e dytë dyshja Ibrahimoviç Adriano, me të parin në rolin e "dorës" (dy gola) dhe të dytin në atë të "mendjes" (dy asiste). Askoli arriti të merrte një penallti në minutat e fundit të lojës, të cilin e shndërroi në gol Bonani. Plot tetë lojtarë morën kartonë të verdhë, katër për çdo skuadër: mes zikaltërve u ndëshkuan kapiteni Havier Zaneti, braziliani Maikoni, Zllatan Ibrahimoviç dhe Dejan Stankoviç.
Roma, me mendjen në Champions Dje të krijohej me të vërtetë përshtypja se skuadra e Luçiano Spaletit mendon më shumë për sfidën ndaj Mançester Junajtidit në çerekfinalet e Ligës së Kampioneve sesa për kampionatin. Sepse verdhekuqtë lanë sërish pikë rrugës në Firence dhe i bënë të mundur Interit që ta thellonte edhe më shumë diferencën ndaj tyre, që tani është fiksuar në 18 pikë. Edhe pse Fiorentina mbeti me dhjetë lojtarë që në minutën e 33-të të takimit, për shkak të ndëshkimit të mbrojtësit Daineli me karton të kuq (dy kartonë të verdhë), Françesko Toti me shokë nuk ditën të përfitonin nga kjo situatë, edhe pse patën shumë raste të pastra për të shënuar.
Milani, mori rastesh të humbura Milani arriti dje fitoren e shtatë radhazi në "San Siro", duke mundur 1 0 Atalantën falë një goli me kokë të Masimo Ambrozinit në minutat e fundit të pjesës së parë. Rezultati për kuqezinjtë mund të kishte qenë shumë më i thellë, por Ronaldo, Kakaja dhe mbi të gjitha Oliveira shpërdoruan jashtëzakonisht shumë raste për shënim në pjesën e parë të derbit lombard. Në pjesën e dytë, brazilianët Ronaldo dhe Oliveira u zëvendësuan nga Klarens Sedorf dhe Alberto Xhilardino. Por në pjesën e dytë, gjithashtu, skuadra e Ançelotit rrezikoi të barazohej, sepse Atalanta luajti deri në minutën e fundit, duke ushtruar një trysni mbytëse për mesfushën e kuqezinjve.
Sokol KONDI

Renditja
1.Inter 76 24 4 0 61 23
2.Roma 58 17 7 4 55 22
3.Palermo 47 13 8 8 43 34
4.Lacio 46 14 7 6 44 21
5.Milan 43 14 9 5 38 24
6.Empoli 42 11 9 7 27 24
7.Fiorentina 37 15 7 6 45 24
8.Sampdoria 35 9 8 11 35 35
9.Udineze 35 9 8 11 34 37
10.Atalanta 32 7 11 10 40 40
11.Katania 32 8 8 13 36 54
12.Torino 31 8 7 13 24 39
13.Livorno 29 6 11 11 27 43
14.Kievo 27 6 9 13 31 39
15.Siena 27 5 13 10 24 32
16.Kaljari 27 12 11 21 32
17.Rexhina 25 9 9 10 38 40
18.Mesina 24 5 9 14 28 46
19.Parma 22 4 10 14 24 46
20.Askoli 19 3 10 15 21 41

Seria A, java e 30 të
Të dielën, 1 prill
Atalanta - Fiorentina (15:00)
Kaljari - Mesina
Kievo - Sampdoria
Empoli - Askoli
Inter - Parma
Livorno - Katania
Rexhina - Siena
Roma - Milan
Torino - Palermo
Udineze - Lacio

Golashënuesit
18 gola: Toti (Roma)
15 gola: Toni (Fiorentina), Bianki (Rexhina), Ibrahimoviç (Inter).
13 gola: Mutu (Fiorentina)
12 gola: Spinezi (Katania), Roki (Lacio), Lukareli (Livorno), Rigano (Mesina)
11 gola: Kualjarela (Sampdoria),
10 gola: Doni (Atalanta), Budan (Parma), Iakuinta (Udineze).

Askoli Inter 1 2
Shënues: Bonani 90' (11-m)/ Ibrahimoviç 65', 73'
Askoli: Elefteropulos; Nastaze, Koralo, Lombardi; Vastola (Perruli 68'), Foljo, Boudianski, Peshe (Bonani 77'); Fini; Paoluçi (Melara 60'), Bjelanoviç. Tr: Soneti.
Inter: Hulio Sezar; Maikon, Kordoba, Samuel, Maksuell (Krespo 65'); Burdiso, Zaneti, Stankoviç; Figo; Ibrahimoviç (Solari 76'), Kruz (Adriano 52'). Tr: Mançini.
Gjyqtar: Rozeti.
Kartonë të verdhë: Koralo, Zaneti, Maikon, Foljo, Ibrahimoviç, Lombardi, Nastaze, Samuel.

Milan Atalanta 1 0
Shënues: Ambrozini 39'
Milan: Dida; Odo, Simiç, Bonera, Jankulovski (Favali 76'); Gatuzo, Ambrozini, Broki; Kaka; Ronaldo (Xhilardino 83'), Oliveira (Sedorf 70'). Tr: Ançeloti.
Atalanta: Kalderoni; Rivalta, Talamonti, Loria, Belini; Ferreira Pinto (Tisone 59'), Donati (Sise 74'), Bernardini, Miljaçio; Doni; Defendi. Tr: Kolantuono.
Gjyqtar: Sakani.
Kartonë të verdhë: Bernardini, Miljaçio, Ambrozini, Bonera, Doni.

Kaljari Kievo 0 2
Shënues: Brigi 50', Bogdani 55'
Kaljari: Fortin; Pizano, Lopez, Bianko, Del Groso; Biondini (Pepe 56'), Koluçi (Budel 46'), Konti, D'agostino (Lanxhela 70'); Suazo, Kapone. Tr: Xhiampaolo
Kievo: Skuici; Moro, Mandeli, Mantovani, Lana; Brigi, Italiano, Markolini; Semioli, Bodgani (Kocolino 73'), Pelisier (Kosovski 86'). Tr: Del Neri.
Gjyqtar: Roki.
Kartonë të verdhë: Semioli, Markolini.

Udineze Livorno 4 0
Shënues: Di Natale 34', 69, Asamoah 37', Barreto 84' (11-m)
Udineze: De Sanktis; Zapotokni, Koda, Zapata; Pinzi, Sivok (De Martino 72'), D'Agostino, Muntari, Dosena; Asamoah (Sikueira 85'), Di Natale (Barreto 79'). Tr: Malezani.
Livorno: Amelia; Grandoni, Rezaei, Galante; Baleri (Pfertzel 75'), Morrone, Pasoni, Kopola (Vidigal 55'), A.Filipini; Fiore; K.Lukareli (Paulinjo 72'). Tr: Arrigoni.
Gjyqtar: Çeli.
Kartonë të verdhë: Pinzi, D'Agostino, Zapotokni, Rezaei, Pfertzel.

Parma Siena 1 0
Shënues: Gasbarroni 17'
Parma: Buçi; Koli, Kouto, Kontini, Kastelini; Desena (Muslimoviç 86'), Çigarini (Grela 74'), Parraviçini; Rosi, Gasbarroni; Budan (Morfeo 68'). Tr: Ranieri.
Siena: Maninger; Bertoto, Portanova, Rinaudo, Molinaro; Antonini (Koca 83'), Kodrea, Vergasola; Eremenko, Lokateli (Kieza 52'); Makarone (Korvia 74'). Tr: Bereta.
Gjyqtar: Taljavento.
Kartonë të verdhë: Koli, Vergasola, Desena, Rosi.
Karton i kuq: Kodrea

Mesina Torino 0 3
Shënues: Muci 26', Rozina 76' (11-m), Stelone 85'
Mesina: Paoleti; Lavekia, Zanki, Zoro, Parizi (Pestrin 63'); Alvarez, Kandela, D'Aversa (Iliev 46'), Mazielo; Rigano, Di Napoli (Flokari 63'). Tr: Kavazin.
Torino: Abiati; Komoto, Bovo, Brevi, Balestri; Galo, Ardito (De Ashentis 66'); Lazetiç, Muci (Barone 59'), Rozina (Stelone 83'); Abruskato. Tr: De Biazi.
Gjyqtar: Bertini.
Kartonë të verdhë: Zanki, Barone.

Fiorentina Roma 0 0
Fiorentina: Frei; Ujfalushi, Daineli, Gamberini, Paskual; Pacienca, Liverani (Potenca 81'), Montolivo; Jorgensen (Blazi 36'), Toni (Rexhinaldo 84'), Mutu. Tr: Prandeli.
Roma: Doni; Panuçi, Ferrari, Mekses, Toneto; De Rosi, Pizarro; Tadei (Vilhelmson 76'), Perrotta (Vuçiniç 81'), Mansini (Tavano 70'); Toti. Tr: Spaleti.
Gjyqtar: Paparesta.
Kartonë të verdhë: Mekses, Mutu, De Rosi.
Karton i kuq: Daineli.

Katania Rexhina 1 4
Shënues: Rosini 90'/ Amoruzo 58', Foxhia 62', Bianki 85' (11-m), Esteves 88'
Katania: Pantaneli; Silvestri (Sardo 77'), Sotil, Stovini, Vargas; Baioko, Eduzei, Kazerta; Koluçi (Milezi 14'), Spinezi, Korona (Rosini 65'). Tr: Marino.
Rexhina: Puxhioni; Mesto, Xhioza (Di Dio 57'), Aronika; Nardini, Tonjoci, Amerini, Modesto; Amoruzo (Esteves 88'), Foxhia (Misiroli 78'); Bianchi. Tr: Maxarri.
Gjyqtar: Xhirardi.
Kartonë të verdhë: Mesto, Foxhia, Baioko, Rosini.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Sprinti triumfues drejt titullit të 15-të (të 14-in e fitoi verën e shkuar në tryezë, pas skandalit "Calciopoli") i Interit, është ngadalësuar në Rexhio Kalabria. Zikaltrit nuk fitojnë dot për të pestën herë në kampionatin rekord në shtëpinë e një Rexhine luftarake dhe e aftë të mbrohet me rregull në momentet më të vështira. Në "Granilo", përfundon 0-0 dhe këtë herë është një pikë që u shkon përshtat të dyja skuadrave.
Pjesa e parë nuk shihet me sy dhe praktikisht e privuar nga rastet për gol. 45-së minuta pa nerv, si pasojë e loje të dobët të Interit, të cilit mund t'i falet, që mund të mos ketë ndonjëherë stimujt e duhur: në largësi prej 18-të pikësh nga Roma e dyta në renditje dhe me titullin virtualisht në "kasafortë", zikaltrit zbresin në fushë me një formacion pak të "kolauduar", për shkak edhe të pezullimit të Materacit, me Kordobën e Samuelin (i zëvendësuar më pas nga Burdizo) në zemër të mbrojtjes, duke i besuar Adrianos, Kruzit e Figos detyrën për të shënjestruar kundërshtarin. Megjithatë, pjesa e dytë ishte me ton më të lartë dhe me ndonjë rast për gol. Në fillim Adriano pas një pasimi të Kambiasos, pastaj Kruzi, i shërbyer bukur nga kapiten Zaneti, mund të shënonin. Por rasti më i mirë u takoi pikërisht kalabrezëve. Vetëm një ndërhyrje instiktive e portierit interist Hulio Sezar, pengoi rrotullimin e Di Dios për të zhbllokuar 0-0. Kësisoj, Interi i lejon vetes një pushim që s'ndryshon gjë: pikët në epërsi ndaj Romës janë 18-të, tifozët zikaltër mund të vazhdojnë të përgatitien për festën e titullit. Këtë herë i stërfituar në fushë.
Mançini: BUFONI? KEMI HULION - Asnjë mendim negativ për Roberto Mançinin pas barazimit në Rexhio Kalabria: "Nuk jam i shqetësuar, - thotë trajneri i Interit, - do të thoja se luajtëm mirë, edhe pse ishim disi të pasaktë. Na mungoi fitorja për pak dhe në fund, pavarësisht se luajtëm me sulmues të ndryshëm, ishim të lodhur."
Gjithsej 18-të pikë epërsi, festa e titullit është shtyrë për Interin, por vetëm për disa ditë. Meritë e Rexhinës, që i bllokoi zikaltrit në barazim dhe një "çudi" e kryesuesve që nuk arritën të thyejnë "Granilon", duke ndërprerë një seri ndeshjesh fituese. "Luajtëm mirë, - sqaroi Mançini, - rastet nuk munguan, por në disa rrethana ishte i zoti edhe portieri i tyre Kampanjolo me disa ndërhyrje vendimtare." Për të ardhmen, tri sulmuesit, mund të jenë një zgjidhje e qëndrueshme: "Në këtë ndeshje nuk arritëm të godisnim, ndaj përfshiva një tjetër, por në fund dukeshim të lodhur, - shtoi trajneri zikaltër. - Megjithatë, mund të flasim, edhe pse do të varet shumë nga ajo që do të ndodhë me Krespon. Unë shpresoj që mund të qëndrojë." Më pas trajneri përgëzon Luis Figon, tashmë gati për t'u larguar dhe autor i një prove të mirë. "Më vjen keq do të largohet, edhe sot (dje) luajti mirë."
Ndërsa fundi është i gjithi për polemikën e javës me drejtuesit e Juventusit. Mançini rithekson idenë e shprehur të premten në prag të ndeshjes me Rexhinën: "Besoj se nuk është e drejtë për ato që thonë për kampionatin e shkuar, duhet të merren me ata që punonin për ta më parë. Nuk është një përgjigje e prerë, besoj se s'është elegante të trukosh kampionatet... Hulio Sezari nuk i intereson më Juventusit? Ne jemi të kënaqur nga Hulio Sezari, me gjithë respektin për Bufonin, që është më i miri në Botë. Nuk e di nëse Hulio Sezari do ta rinovojë kontratën, janë gjëra të klubit."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Edhe Interi nganjëherë nuk fiton. Skuadra zikaltër, e cila pas disa javësh do të jetë zyrtarisht kampione e Italisë, u ndal nga një Rexhinë e hekurt në ndeshjen e luajtur në Kalabri. Pjesa e parë ishte për t'u harruar për të dyja skuadrat, të cilat zhgënjyen në aspektin e spektaklit, ndërsa në pjesën e dytë interistët e ngritën ritmin e lojës në përpjekje për të marrë tripikëshin. Por ishte Rexhina ajo që pati rastin më flagrant me Di Dion, i cili goditi nga fare pranë portës, por gëzimi i golit iu mohua nga një pritje e mrekullueshme e Hulio Sezarit.
Roma, me rezervat dhe mendjen në Old Traford, luajti e çliruar në fushën asnjëanëse të Leçes dhe e mundi 2-0 Katanian. Siçilianët nuk arritën të hakmerreshin për humbjen 7-0 që pësuan në fazën e parë dhe verdhekuqtë arritën t'ia dilnin mbanë falë golave të sulmuesve "të dorës së dytë" Tavano dhe Vuçiniç.
Fluturoi edhe Lacio e cila mposhti me rezultatin minimal Mesinën (1-0 me gol të Stendardos), duke arritur kështu fitoren e tetë radhazi. Bardhekaltrit konsolidojnë vendin e tretë dhe ëndrrën, gjithnjë e më konkrete, të kualifikimit për në Ligën e Kampioneve. Lacio tani ka 7 pikë më shumë se Palermo, që është e katërta në renditje, e cila edhe dje konfirmoi vështirësitë e dy muajve të fundit duke humbur në fushën e saj ndaj Kaljarit 3-1. Epërsia fillestare me anë të Breshiasn vetëm sa i krijoi një iluzion siçilianëve, të cilët më pas u shembën nga dygolëshi i Suazos dhe një gol i Pepes. Për të përfunduar, Fiorentina tregoi shenja se po kalon një formë të shkëlqyer, pasi ka dhjetë ndeshje që nuk humbet dhe dje i shënoi katër gola vdekjeprurës Askolit tashmë të dorëzuar, pavarësisht se Mutuja nxorri jashtë një 11-metërsh. Rexhinaldo, Montolivo, Toni dhe Kroldrup ishin autorët e katër golave për vjollcët.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Tani mund të mendojë vetëm për Mançesterin. Verdhekuqtë kthehen të fitojnë jashtë fushe pas më shumë se tri muajsh, duke fituar 2-0 ndaj Katanias në fushën asnjëanëse të Leçes. Një fitore e lehtë, që duhej në prag të ndeshjes së kthimit në çerekfinalen e Championsit ndaj Mançesterit në "Old Traford". Nuk është një rastësi, fatin e ndeshjes e vendosën dy sulmues të organikës së Spaletit: objekti "misterioz" Çiço Tavano dhe tashmë i rikthyeri në formë Mirko Vuçiniç. Goli i dytë radhazi në pak ditë për malazezin, pas atij në "Olimpiko" ndaj Mançesterit. Spaleti i dha jetë dje një rotacioni të gjerë, duke lënë në fillim në stol pesë titullarë dhe duke u besuar linjave të dyta, që ia dolën shumë mirë. E mirë prova e Ferrarit në krah të Meksesit, po ashtu edhe Pizarro. Vetëm në minutat finale, Spaleti i la hapësirë Mansinit, Panuçit e De Rosit. Tashmë verdhekuqtë janë gati për në "Old Traford".
Pas ndeshjes, Luçiano Spaleti komenton suksesin: "E kam lënë të luajë pak Tavanon, është faji im nëse nuk ka arritur të vërë mirë në dukje cilësitë e tij. Ai zhbllokoi rezultatin, duke treguar se mund të luajë në një skuadër të madhe. Fitorja jonë është shumë e rëndësishme, sepse kemi tri ndeshje në pak ditë dhe në këto momente kemi ndonjë lojtar të dëmtuar dhe ndër të tjera ekzistonte rreziku të detyroheshim të përdornim forca, që mund t'i kishim kursyer. Pastaj kishte kohë që s'fitonim jashtë fushe." Më pas, një vështrim nga merkatoja: "Jemi mirë, por mund të përmirësohemi edhe me ata që kemi të gatshëm, pa pasur nevojën të shpenzojmë shumë. Unë nuk kam kërkuar dhe nuk do t'i kërkoj asnjëherë klubit një lojtar që s'mund të blihet. Mund të luash futboll të bukur dhe të luftosh në nivele të tilla, edhe duke qenë të mirë në punë e stërvitje."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Prove karakteri, pjekurie, ajo qe i shkon pershtat nje kryesuesje, por duke i bere edhe nje nder "kusherinjve" te nderuar. Interi arrin te barazoje me veshtiresi ndaj Palermos ne San Siro, duke kthyer rezultatin me ane te Kruzit dhe Adrianos.
Në javën e 32-të të Serisë A, Roma dhe Milani, pasi përjetuan emocione krejt të kundërta në Champions, arritën dy suksese tepër të rëndësishme për renditjet dhe humoret përkatëse. U frenua Lacio, e cila u ndal nga Askoli i vendit të fundit pas 8 fitoresh radhazi në kampionat dhe tani ëndrra për të kapur kushërinjtë e Romës në vendin e dytë, thuajse është shuar. Vazhdon ringjitjen e saj Fiorentina, ndërkohë që u rrëzua Torino, e cila u befasua nga Atalanta. Barazime të paralajmëruara për Livornon, Rexhinën, Parmën dhe Katanian.
Roma Samp 4 0 - Skuadra e Spaletit rinisi vetëkorrigjimin pas turpërimit ndaj Mançesterit dhe e mposhti Sampin me një "poker" golash. Ishte kapiteni Toti ai që i mori verdhekuqtë për dore dhe i dëboi fantazmat e "Old Trafordit" falë dy golave të shkëlqyer. Ferrari dhe Panuçi e kompletuan revanshin.
Mesina Milan 1 3 - Samba kuqezi. Milani fluturoi me krahët e entuziazmit dhe pas suksesit në "Alianz Arena" u përsërit edhe në Mesinë. Kaka e hapi "vallëzimin", ndërsa Ronaldo e mbylli. Vulën e tretë e vendosi Favali. Golin e nderit për siçilianët e shënoi Mazielo.
Askoli Lacio 2 2 - Asnjë rekord për Delio Rosin. Ndaj Askolit të vendit të fundit nuk mbërriti as fitorja e nëntë radhazi dhe as suksesi i nëntë në transfertë. Bardhekaltrit u treguan mendhjemëdhenj dhe jo konkretë, dhe iu desh të barazonin dy herë golat e Sonçinit dhe Di Biaxhios. Roki dhe Himenez e shmangën shpërfytyrimin dhe i lanë të hapura dyert e Championsit.
Fiorentina Siena 1 0 - Vazhdon ringjitja madhështore e vjollcëve. Në derbin toskan ndaj një Siene të vendosur, skuadra e Prandelit vuajti shumë, por falë golit të Mutusë vazhdon të ëndërrojë Europën.
Torino Atalanta 1 2 - Një "Dem" vërtet i paqëndrueshëm. Torino ka humbur sërish mes pasigurive dhe pësoi një disfatë të rëndë përpara publikut të saj ndaj Atalantës shkëlqyese të Kolantuonos. Në fillimin e lojës, bergamaskët ishin të papërmbajtshëm: Belini dhe Zampanja përfituan nga mosmarrëveshjet e të kuqërremtëve dhe u krijuan një makth djemve të De Biazit. Goli i Abruskatos mbeti vetëm një iluzion.
Livorno Rexhina 1 1 - Barazim i paralajmëruar në stadiumin "Armando Piki" dhe që nuk u prit mirë nga tifozëria vendëse. Kapiteni Lukareli e kaloi në epërsi Livornon, por Rolando Bianki gjeti një mënyrë për të barazuar për Rexhinën dhe më pas nuk ndodhi më asgjë.
Parma Katania 1 1 - Katania është e gjallë. Skuadra e Marinos nuk bëri lëshime në "Tardini" dhe e luajti me thikën nëpër dhëmbë ndeshjen ndaj Parmës. Spinezit iu përgjigj Kouto, por ishin siçilianët ata që patën rastet më të mira për ta fituar ndeshjen.
Sokol KONDI

Seria A, java e 22-të
E luajtur
Katania - Palermo 1-2
Të mërkurën, 18 prill
Askoli - Milan (17:30)
Empoli - Atalanta
Lacio - Kievo
Livorno - Kaljari
Rexhina - Mesina
Inter - Roma
Udineze - Sampdoria
Parma - Fiorentina (20:30)
Siena - Torino (20:30)

Renditja
1.Inter 80 25 5 0 63 23
2.Roma 65 19 8 4 62 23
3.Lacio 56 17 8 6 54 26
4.Milan 50 16 10 5 45 27
5.Palermo 48 13 9 9 44 37
6.Empoli 46 12 10 9 33 31
7.Fiorentina 44 17 8 6 52 26
8.Atalanta 39 9 12 10 45 43
9.Sampdoria 39 10 9 12 37 40
10.Udineze 39 10 9 12 40 44
11.Kaljari 34 7 13 11 26 33
12.Livorno 33 7 12 12 32 46
13.Katania 33 8 9 15 38 61
14.Torino 32 8 8 15 25 42
15.Siena 31 6 14 11 27 35
16.Kievo 28 6 10 15 33 43
17.Rexhina 27 9 11 11 39 42
18.Parma 26 5 11 15 26 49
19.Mesina 24 5 9 17 29 52
20.Askoli 20 3 11 17 24 51

Golashënuesit
20 gola: Toti (Roma)
16 gola: Toni (Fiorentina), Lukareli (Livorno), Bianki (Rexhina)
15 gola: Ibrahimoviç (Inter), Roki (Lacio)
14 gola: Mutu (Fiorentina)
13 gola: Spinezi (Katania), Iakuinta (Udineze)
12 gola: Doni (Atalanta), Rigano (Mesina), Kualjarela (Sampdoria)
11 gola: Suazo (Kaljari)
10 gola: Saudati (Empoli), Krespo (Inter), Pandev (Lacio), Xhilardino (Milan), Budan (Parma), Di Natale (Udineze)

Mesina Milan 1 3
Shënues: Mazielo 93'/ Kaka 14', Favali 29', Ronaldo 86'
Mesina: Paoleti; Lavekia, Zanki, Iuliano (Morelo 88'), Xhialombardo; Alvarez, D'Aversa (Flokari 57'), De Vexe, Mazielo, Pestrin (Kordova 74'); Rigano. Tr: Xhiordano.
Milan: Dida; Kafu, Bonera, Kalaxe, Favali (Jankulovski 90'); Gatuzo, Pirlo (Ambrozini 87'), Gurkuf; Kaka; Xhilardino (Serzhinjo 78'), Ronaldo. Tr: Ançeloti.
Gjyqtar: Rozeti.
Kartonë të verdhë: Gurkuf, Rigano, De Vexe, Zanki, Alvarez, Lavekia, Pirlo, Serzhinjo.

Livorno Rexhina 1 1
Shënues: K.Lukareli 27'/ Bianki 31'
Livorno: Amelia, Grandoni, Pavan, Galante, Paskuale, Pfertzel (Bergvold 11'), Kopola (Fiore 77'), Pasoni (Morrone 62'), Filipini, Paulinjo, K.Lukareli. Tr: Orsi.
Rexhina: Kampanjolo, Lanzaro, Aronika, A.Lukareli, Mesto (Gaxi 74'), Vixhiani, Amerini, Tedesko, Modesto (Nardini 56'), Bianki, Amoruzo (Misiroli 61'). Tr: Maxarri.
Gjyqtar: Sakani.
Kartonë të verdhë: Vixhiani, Kopola, Paskuale.

Roma Sampdoria 4 0
Shënues: Toti 21', 66', Ferrari 71', Panuçi 87'
Roma: Doni; Panuçi, Ferrari, Mekses, Kivu; De Rosi, Pizarro (Vuçiniç 85'); Mansini, Perrota (Fati 83'), Tavano (Vilhelmson 59'); Toti. Tr: Spaleti.
Sampdoria: Berti; Maxhio, Falkone, Akardi, K.Zenoni (Pieri 73'); Volpi; Palombo, Delvekio (Ziegler 68'), Parola, Françeskini (Baxani 46'); Kualjarela. Tr: Novelino.
Gjyqtar: Morganti.
Kartonë të verdhë: De Rosi, Akardi.

Fiorentina - Siena 1 0
Shënues: Mutu 43'
Fiorentina: Frei, Potenca, Gamberini, Daineli, Paskual, Liverani (Kroldrup 70'), Pacienca, Montolivo (Blazi 82'), Rexhinaldo (Jorgensen 55'), Mutu, Toni. Tr: Prandeli.
Siena: Maninger, Negro, Gastaldelo, Portanova, Molinaro, Alberto (Koca 58'), Vergasola, Kodrea (Galopa 65'), Antonini (Rosi 87'), Kieza, Korvia. Tr: Bereta.
Gjyqtar: Farina.
Kartonë të verdhë: Kodrea, Gastaldelo, Pacienca, Gamberini, Rosi.

Torino Atalanta 1 2
Shënues: Abruskato 70'/ Belini 1', Zampanja 8'
Torino: Abiati; Komoto (Martineli 84'), O.Brevi, Çiofi (Abruskato 43'), Balestri; Galo, Ardito; Rozina, Barone, Lazetiç (Oguro 57'); Stelone. Tr: De Biazi.
Atalanta: Kalderoni; Adriano, Talamonti, Karrocieri, Belini; Ferreira Pinto (M.Defendi 82'), Miljaçio, Donati, Tisone; K.Doni (Rivalta 43'); Zampanja (Ventola 62'). Tr: Kolantuono.
Gjyqtar: Gava.
Kartonë të verdhë: Lazetiç, K.Doni, Komoto, Galo.
Karton i kuq: Adriano.

Parma Katania 1 1
Shënues: Kuouto 31'/ Spinezi 20'
Parma: Buçi; Koli, Kouto, Kontini, Kastelini; Muslimoviç, Parraviçini (Bolanjo 75'), Çigarini, Boketi (Kutuzov 64'); Rosi, Budan (Paponi 45'). Tr: Ranieri.
Katania: Pantaneli; Luçenti, Stovini, Sezar, Vargas; Izko, Eduzei, Kazerta; Milezi (Bizo 55'), Spinezi, Korona (Mineli 75'). Tr: Marino.
Gjyqtar: Airoldi.
Kartonë të verdhë: Kontini, Luçenti, Stovini.

Askoli Lacio 2 2
Shënues: Sonçin 70', Di Biaxhio 75' (11-m)/ Roki 73', Himenez 84'
Askoli: Elefteropulos, Nastaze, Koralo, Lombardi, Foljo, Guberti, Di Biaxhio, Boudianski, Peshe (Vastola 87'), Sonçin (Fini 84'), Bjelanoviç (Paoluçi 77'). Tr: Soneti.
Lacio: Peruci, Beleri, Stendardo, Sivilja, Zauri, Mudingai, Ledezma, Manfredini (Himenez 56'), Mauri (Inzagi 72'), Pandev (Soneto 90'), Roki. Tr: Rosi.
Gjyqtar: Brigi.
Kartonë të verdhë: Foljo, Mudingai, Ledezma, Sivilja, Sonçin, Bjelanoviç.
Karton i kuq: Stendardo.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Në ditën kur pritej që Interi të fitonte ndaj Romës në "San Siro" dhe të shpallej matematikisht kampion Italie përballë publikut të tij, ndodhi e papritura. Ashtu sikurse kishin premtuar, Toti me shokë ua prishën festën zikaltërve, duke arritur të korrin një fitore 3-1 në transfertë. Djemtë e Mançinit nuk kishin zbritur në fushë të motivuar dhe të vendosur si zakonisht, dhe në pjesën e parë ritmi i tyre la për të dëshiruar. Ishin verdhekuqtë ata që e merrnin më shpesh nismën dhe që kishin një supremaci të lehtë në zotërimin e topit. Dhe ishin pikërisht kryeqytetasit ata që i shkuan të parët pranë golit: pas një goditjeje të Totit jashtë zone, Hulio Sezar priti, por pa arritur ta ndalte topin, i cili u end në zonë derisa e goditi sërish Perrota dhe vetëm koka e Maikonit e devijoi në goditje nga këndi. Më pas Stankoviçi goditi traun me një goditje nga larg dhe me të njëjtën monedhë iu përgjigj edhe Mansini nga krahu tjetër. Por forma më e mirë që treguan romanistët, u kurorëzua një minutë përpara përfundimit të pjesës së parë, kur Perrota, vetëm një hap larg vijës së portës së boshatisur, dërgoi në rrjetë një top pas një aksioni model të frymëzuar nga De Rosi. Pjesa e dytë nisi me më vrull nga ana e milanezëve dhe në minutën e 52-të gjyqtari Trefoloni dha një penallti të dyshimtë për zikaltrit, e cila u shndërrua në gol nga Materaci. Por kur pritej që të mbërrinte goditja fatale e shumëpritur nga publiku dhe Morati, ndodhi befasia. Një goditje dënimi e Totit, e devijuar nga Figo, e kaloi sërish Romën në epërsi dhe në minutat e mbetura, në vend që zikaltrit të reagonin, morën edhe një tjetër shuplakë vdekjeprurëse të nënshkruar nga Kaseti, e cila ua shuajti përfundimisht shpresat. Gjithsesi, titulli për Interin mund të jetë shtyrë vetëm një javë, sepse me një fitore të mundshme të dielën në Sienë, Adriano dhe miqtë e tij mund të shpallen njëlloj matematikisht kampionë Italie për të 15-tën herë.
Në takimet e tjera spikat fitorja 5-2 e Milanit ndaj Askolit të vendit të fundit. Kuqezinjtë e kanë thelluar me katër pikë diferencën ndaj Palermos, duke ruajtur pozitat e tyre në vend të katërt, që është edhe bileta e fundit që çon në Championsin e ardhshëm. Lacio e vendit të tretë nuk mundi të shkojë më larg se një barazim pa gola ndaj Kievos, në një ndeshje shumë nervoze dhe me kartonë. Edhe Empoli çudibërës fitoi ndaj Atalantës 2-0, duke vazhduar t'i mbajë gjallë shpresat për një vend në Kupën UEFA. Në luftën për shpëtim, Rexhina mundi Mesinën në derbin e jugut, duke e zhytur këtë të fundit edhe më thellë në renditje dhe njëkohësisht duke marrë tri pikë të çmuara në kuadër të qëndrimit në kategori.
Sokol KONDI

Askoli Milan 2 5
Shënues: Di Biaxhio 32' (11-m), Guberti 41'/ Xhilardino 3', 26', Kaka 25' (11-m), 35, Sedorf 75'
Askoli: Elefteropulos, Koralo, Foljo, Lombardi, Melara, Di Biaxhio (Fini 46'), Guberti, Peshe, Boudianski, Paoluçi (Delvekio 72'), Sonçin (Perruli 46'). Tr: Soneti.
Milan: Kalac, Bonera, Jankulovski, Nesta, Odo, Ambrozini, Kaka (Gatuzo 46'), Pirlo, Sedorf, Xhilardino (Grimi 78'), Ronaldo (Oliveira 67').
Gjyqtar: Airoldi.
Kartonë të verdhë: Melara, Elefteropulos, Koralo, Lombardi, Foljo, Gatuzo, Bonera.

Empoli Atalanta 2 0
Shënues: Saudati 35', Almiron 54'
Empoli: Basi, Adani, Lukini (Tosto 65'), Raxhi, Almiron, Bushe, Moro, Pratali, Vanuki, Poci, Saudati (Mateini 57'). Tr: Kanji.
Atalanta: Kalderoni, Belini, Loria, Talamonti, Ariati, Bernardini (Tisone 65'), Bombardini (Rivalta 46'), Donati, Miljaçio, Defendi, Ventola (Vieri 71'). Tr: Kolantuono.
Gjyqtar: Herberg.
Kartonë të verdhë: Belini (2).
Karton i kuq: Belini.

Inter Roma 1 3
Shënues: Materaci 52' (11-m)/ Perrota 44', Toti 89', Kaseti 90'
Inter: Hulio Sezar, Maikon, Kordoba, Materaci, Groso (Dakurt 61'), H.Zaneti, Kambiaso (Rekoba 90'), Figo, Stankoviç, Adriano (Kruz 61'), Ibrahimoviç. Tr: Mançini.
Roma: Doni, Kivu, Ferrari, Mekses, Panuçi, De Rosi, Mansini (Vuçiniç 78'), Perrota, Pizarro, Vilhelmson (Kaseti 74'), Toti (Toneto 89'). Tr: Spaleti.
Gjyqtar: Trefoloni.
Kartonë të verdhë: Figo, Zaneti, Stankoviç, Materaci, Kambiaso, Mansini, Pizarro, Mekses, Doni.

Lacio Kievo 0 0
Lacio: Peruci, Sivilja, Behrami, Boneto, Himenez (Beleri 46'), Ledezma, Manfredini (Tare 84'), Mudingai, Zauri, Pandev (Makinua 62'), Roki. Tr: Rosi.
Kievo: Skuici, Malago, Mandeli, Mantovani, Markeze (Del Mare 67'), Italiano, Lusiano, Samarko, Semioli (Bogdani 60'), Obina (Troiano 46'). Pelisier. Tr: Del Neri.
Gjyqtar: Bergonzi.
Kartonë të verdhë: Zauri (2), Behrami (2), Obina, Markeze, Lusiano, Skuici.
Kartonë të kuq: Behrami, Zauri, Samarko.

Livorno Kaljari 2 1
Shënues: Lukareli 5', Knezeviç 67'/ Suazo 62' (11-m)
Livorno: Amelia, Sezar (Pfertzel 72'), Galante (Knezeviç 60'), Grandoni, Paskuale, Pavan, Filipini, Fiore (Kopola 83'), Morrone, Pasoni, Lukareli. Tr: Orsi.
Kaljari: Kimenti, Agostini (Markini 46'), Bianko, Del Groso, Ferri, Lopez, Biondini (Budel 46'), Konti, D'agostino (Kapone 79'), Pepe, Suazo. Tr: Xhiampaolo.
Gjyqtar: Gava.
Kartonë të verdhë: Morrone, Galante, Sezar, Pavan, Bianko, Ferri, Markini.

Rexhina Mesina 3 1
Shënues: Bianki 12,, Amoruzo 54', 71' (11-m)/ Rigano 27' (11-m)
Rexhina: Kampanjolo, Aronika, Lanzaro, Lukareli, Mesto, Modesto, Amerini, Foxhia (Tonjoci 77'), Tedesko, Amoruzo (Nardini 87'), Bianki (Vixhiani 60'). Tr: Maxarri.
Mesina: Paoleti, Kandela, Xhialombardo, Iuliano, Morelo, Zanki, Alvarez (Lavekia 73'), Mazielo (Parizi 67'), Pestrin, Bakaioko (Flokari 67'), Rigano. Tr: Xhiordano.
Gjyqtar: Ricoli.
Kartonë të verdhë: Modesto, Iuliano, Rigano, Pestrin, Kandela, Parizi.
Karton i kuq: Morelo.

Udineze Sampdoria 1 0
Shënues: Iakuinta 53' (11-m)
Udineze: De Sanktis, Dosena, Mota, Natali, Zapata, Zapotokni, D'agostino (Sivok 79'), Muntari, Pinzi, Di Natale (Barreto 65'), Iakuinta (Gian 86'). Tr: Malezani.
Sampdoria: Berti, Akardi, Falkone, Maxhio, Pieri, Zenoni (Romeo 67'), Koman (Françeskini 46'), Parola, Volpi, Baxani (Palombo 73'), Kualjarela. Tr: Novelino.
Gjyqtar: Damato.
Kartonë të verdhë: Dosena, Zapotokni, Muntari, Natali, Kualjarela, Parola, Akardi.

Renditja

1.Inter 81 25 6 1 66 28
2.Roma 68 20 8 4 65 24
3.Lacio 57 17 9 6 54 26
4.Milan 53 17 10 5 50 29
5.Palermo 49 13 10 9 46 39
6.Empoli 49 13 10 9 35 31
7.Fiorentina 44 17 8 6 52 26
8.Udineze 42 11 9 12 41 44
9.Atalanta 39 9 12 11 45 45
10.Sampdoria 39 10 9 13 37 41
11.Livorno 36 8 12 12 34 47
12.Kaljari 34 7 13 12 27 35
13.Katania 33 8 9 15 38 61
14.Torino 32 8 8 15 25 42
15.Siena 31 6 14 11 27 35
16.Rexhina 30 10 11 11 42 43
17.Kievo 29 6 11 15 33 43
18.Parma 26 5 11 15 26 49
19.Mesina 24 5 9 18 30 55
20.Askoli 20 3 11 18 26 56

Seria A, java e 33 të

Të shtunën, 21 prill

Sampdoria Mesina (18:00)
Milan Kaljari (20:30)

Të dielën, 22 prill

Atalanta Roma (15:00)
Empoli Torino
Lacio Fiorentina
Siena Inter
Kievo Livorno
Katania Askoli
Rexhina Udineze
Palermo Parma (20:30)
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Mjerë ata që nuk fitonin asnjëherë, sepse një ditë do të jenë kampionë të Italisë. Ishte e shkruar dhe siç gjithnjë ndodh, atëherë kur nuk e pret. Ora 16:51 minuta e 42 sekonda e 22 prillit 2007: Interi për të 15-ën herë në historinë e tij është më në fund kampion i Italisë. Më në fund titulli fitohet në fushë, larg tribunave gjigante të "San Siros". Interi mund Sienën 2-1 me një dygolësh të një prej lojtarëve të tij simbolë, Materaci, i lindur mbrojtës, por që shndërrohet shpesh në hero sa herë i jepet rasti. Ai, një nga të vuajturit e 5 majit 2002, njëri që në finalen e Botërorit të Gjermanisë mori nëpër këmbë Francën, ndërsa Zidane e godiste me kokë në gjoks, ai që dje shënoi dy gola. Goli i Negros nuk mjaftoi për t'ua prishur festën zikaltërve. Një fitore e ardhur edhe përmes humbjes së Romës në Bergamo ndaj Atalantës, që me gola të Donit e Zampanjës ka gjunjëzuar skuadrën e Spaletit.
FITOI SKUADRA MË E FORTË - Titull i stërmerituar, le ta pranojmë. Për atë që u pa në fushë (rekord fitoresh dhe spektakël i dhuruar nga Ibrahimoviç me shokë), për mënyrën sesi ky objektiv u ndërtua (besimi i trajnerit Mançini dhe organikës yjore), por para së gjithash për mënyrën e vuajtjes. Titulli është i Interit, Masimo Morati është i Interit. Dhe ajo shfryrje ndaj vuajtjeve, në Sienë shpërtheu dhe festa ka filluar nga ana e padronit zikaltër, që do të thotë gjithçka: Roma po humbiste në Bergamo, por duhej edhe jë minutë nga fundi i ndeshjes. Morati qëndroi ashtu, i palëvizur, derisa dëgjoi vërshëllimën e fundit në "Atletti d'Azurri". Ka pritur 17 vite si tifoz dhe 13 si president, ndaj çfarë rëndësie do të kishte një minutë më shumë a më pak? Atëherë festa nisi dhe Morati, më shumë se të tjerët, e meritoi. Është një titull i vërtetë që pason atë të bërë "pis" në tryezë nga "Calciopoli" dhe nga një botë mashtruesish, që vlen shumë, pavarësisht nga pezullimi i Milanit dhe i Juves (në Serinë B kjo e fundit). Një titull që do të thotë shumë, sepse ajo zikaltër ishte skuadra më e fortë: për t'u bërë "i bukur" në Europë, u detyrua t'i thotë lamtumirë Europës, duke vuajtur deri në fund, sepse Roma ishte larguar ndjeshëm si ndjekëse. Interi shtrëngoi dhëmbët, shmangu frikën, uli tonet... dhe fitoi. 5 maji nuk ekziston më, historia do të rinisë nga 22 prilli dhe nga Marko Materaci, kampion i botës në një skuadër me kampionë të mëdhenj. Dygolëshi i titullit është i gjithi i tiji: një këmbëngulje në zonë dhe një 11-metërsh që vlen thuajse sa ai i fituar më 9 korrik 2006. "Matriski" është efekti special zikaltër.
FITON MANÇINI, ANTIPATIKU! - Është edhe titulli i Roberto Mançinit: asnjë si ai, e thonë numrat. Asnjë nuk ka rezistuar sa ai, e thonë faktet. Morati e ka mbështetur dhe është rishpërblyer. Është titulli i Ibrahimoviçit, prestigjiozit: "magjistarit" të futbollit në një tokë të uritur dhe të mjerë njëkohësisht nga fitoret e munguara. Kombinim i përsosur. Është titulli i një tifozërie të vuajtur, shpesh të zemëruar nga zhgënjimet. Nga Milano e futbollit thuhet që ajo zikaltër është "spondi" më borgjez: nëse nuk fitohet, vuan më me elegancë, por që të dëmton njëlloj.
Erion ABULE

SIENA INTER 1 2
Shënues: Negro 21'/ Materaci 18', 60'
SIENA: Maninger, Negro, Rinaudo, Gastaldelo, Rosi, Alberto (Frik 66'), Galopa (Antonini 76'), Vergasola, Eremenko, Korvia, Kieza (Koca 80'). Tr: Bereta.
INTER: Hulio Sezar, Maikon, Kordoba, Materaci, Burdizo (Maksuell 51'), Zaneti, Kambiaso, Stankoviç, Solari (Rekoba 62'), Ibrahimoviç (Dakurt 70'), Kruz. Tr: Mançini.
Gjyqtar: Airoldi.
Kartonë të verdhë: Burdizo, Materaci, Maninger.

ATALANTA ROMA 2 1
Shënues: Doni 37', Zampanja 45'/ Perrota 64'
Atalanta: Kalderoni, Rivalta, Talamonti, Karrocieri, Adriano, Ferreira Pinto, Miljaçio, Donati, Ariati, K.Doni, Zampanja (Vieri 61'). Tr: Kolantuono.
Roma: Doni, Panuçi (Kaseti 66'), Ferrari, Kivu, Toneto, De Rosi, Perrota, Vilhelmson (Rosi 75'), Tadei, Tavano, Vuçiniç. Tr: Spaleti.
Gjyqtar: Rozeti.
Kartonë të verdhë: Talamonti, Doni, Toneto, Panuçi, Kaseti.
Karton i kuq: Ferrari.

KIEVO LIVORNO 2 1
Shënues: Pelizier 55', E.Bogdani 77'/ K.Lukareli 17'
KIEVO: Skuici, Luτiano, Mandeli, Mantovani, Lana, Semioli (Bogdani 67'), Samarko, Italiano (Troiano 75'), Brigi (Malago 25'), Pelizier, Obina. Tr: Del Neri.
LIVORNO: Amelia, Grandoni, Pavan, Rezaei (Kufur 40'), Paskuale, Filipini, Kopola (Baleri 67'), Pasoni, Sezar (Pfertzel 58'), Fiore, K.Lukareli. Tr: Orsi.
Gjyqtar: De Marko.
Kartonë të verdhë: Rezaei, Samarko, Sesar, Kopola, Pfertzel, K.Lukareli, Mandeli.

EMPOLI TORINO 0 0
EMPOLI: Bazi, Raxhi, Vanili, Pratali (Marxorati 61'), Lukini (Askoli 75'), Almiron, Moro, Bushe, Vanuki, Poci, Saudati (Marianini 70'). Tr: Kanji.
TORINO: Abiati, Komoto, Brevi, Franτeskini, Balestri, Lazetiτ, Barone (Muci 86'), De Ashentis, Koko (Martineli 59'), Rozina, Abruskato (Stelone 46').Tr: De Biazi.
Gjyqtar: Dondarini.
Kartonë të verdhë: Barone, Pratali, Moro, Stelone.

Lacio Fiorentina 0 1
Shënues: Mutu 71'
LACIO: Peruci, Beleri (De Silvestri 78'), Diakite, Sivilja, Boneto, Mutareli, Ledezma, Manfredini, Himenez (Pandev 74'), Makinua (Tare 83'), Roki.Tr: D.Rosi.
FIORENTINA: Frei, Potenca, Gamberini, Daineli, Paskual, Pacienca, Liverani (Blazi 76'), Montolivo, Jorgensen, Mutu (Rexhinaldo 80'), Toni (Pacini 63'). Tr: Prandeli.
Gjyqtar: Sakani.
Kartonë të verdhë: Montolivo, Toni, Mutareli, Roki, Pacini, Rexhinaldo.

REXHINA UDINEZE 1 1
Shënues: Amoruzo 85'(pen)/ MUntari 26'
REXHINA: Kampanjolo, Lanzaro, A.Lukareli, Aronika, Mesto (Foxhia 39'), Amerini (Tonjoci 50'), Vixhiani (Gazi 72'), Tedesko, Modesto, Amoruzo, Bianki. Tr: Maxarri.
UDINEZE: De Sanktis, Zapotoτni, Natali, Zapata, Mota, Pinxi, D'Agostino, Muntari (Sivok 76'), Dosena, Iakuinta, Di Natale (Bareto 75'). Tr: Malezani.
Gjyqtar: Taljavento.
Kartonë të verdhë: A.Lukareli, Muntari, Gazi, Pinxi, Sivok.

Renditja
1.Inter 84 26 6 1 68 29
2.Roma 68 20 8 5 66 26
3.Lacio 57 17 9 7 54 27
4.Milan 56 18 10 5 53 30
5.Empoli 50 13 11 9 35 31
6.Palermo 49 13 10 9 46 39
7.Fiorentina 47 18 8 7 53 28
8.Udineze 43 11 10 12 42 45
9.Atalanta 42 10 12 11 47 46
10.Sampdoria 42 11 9 13 40 42
11.Livorno 36 8 12 13 35 49
12.Siena 34 7 14 12 29 37
13.Kaljari 34 7 13 13 28 38
14.Torino 33 8 9 16 25 43
15.Katania 33 8 9 15 38 61
16.Kievo 33 7 11 15 35 44
17.Rexhina 31 10 12 11 43 44
18.Parma 29 6 11 15 28 49
19.Mesina 24 5 9 19 31 58
20.Askoli 20 3 11 18 26 56

Golashënuesit
21 gola: Toti (Roma).
18 gola: Lukareli (Livorno).
17 gola: Bianki (Rexhina).
16 gola: Toni (Fiorentina).
15 gola: Mutu (Fiorentina), Ibrahimoviτ (Inter), Roki (Lacio).
14 gola: Rigano (Mesina), Iakuinta (Udineze).
13 gola: Doni (Atalanta), Suazo (Kaljari), Spinezi (Katania).
12 gola: Xhilardino (Milan), Amoruzo (Rexhina), Kualjarela (Sampdoria).
11 gola: Saudati (Empoli).
 

Zikaltrit në kor gjatë festës
Materaci: Ky titull, për interistët
Kanë djersitur, janë munduar, kanë luftuar shumë beteja, kanë derdhur në fushë lotë, gjak, dhimbje dhe gëzim që u shndërrua në hare në Sienë. Janë lojtarët triumfuesit e vërtetë të një titulli të fituar në fushë pas një pritjeje të gjatë prej 18 vitesh. Dhe kështu që festimet janë mëse legjitime për ata që e ruajtën titullin, të cilin do ta mbajnë të qëndisur mbi fanella edhe në sezonin e ardhshëm. Marko Materaci është një prej njerëzve simbol të këtij Interi që është shpallur kampion Italie: "Dua t'ua kushtoj këtë fitore të gjithë interistëve, të cilët më kanë mbështetur gjithnjë, - deklaroi ai pas ndeshjes, - por edhe gruas sime, fëmijëve dhe familjes sime." Nuk kishte si të mos e komentonte këtë fitore edhe kapiteni Havier Zaneti: "E meriton familja interiste, Morati e meritonte këtë gëzim, - shtoi ai. - U kushtohet të gjithë interistëve, Faketit, Priskos, Benito Lorencit dhe nga ana ime gruas dhe familjes sime". Ai vijoi më tej: "Ishim të gjithë të karikuar, skuadra nuk meritonte të humbiste ndaj Romës, - përfundoi ai. - E kemi merituar të gjithë këtë titull. Ndihem një lider pozitiv, duhet të festojmë të gjithë së bashku."
Një prej lojtarëve më të rëndësishëm të kësaj skuadre ka qenë Hulio Kruz, një "ushtar" vendimtar dhe luksoz: "Ndihem i kënaqur që luajta titullar, edhe pse kur fitohet, fitojmë të gjithë së bashku, jo vetëm ata që luajnë", - tha ai. Së fundmi, më përcaktuesi nga të gjithë, Zllatan Ibrahimoviç, e konsideron veten si "hajmalia" fituese e skuadrave ku luan: "Kam fituar me Ajaksin, me Juven dhe tani me Interin, theksoi ai. Arritëm shumë rekorde. Sikurse kam thënë, atje ku shkoj, fitoj dhe dua të fitoj. Mendësia ime është të fitoj. Nuk ndihem i kënaqur kur humbas."

. Dhe kështu që festimet janë mëse legjitime për ata që e ruajtën titullin, të cilin do ta mbajnë të qëndisur mbi fanella edhe në sezonin e ardhshëm. Marko Materaci është një prej njerëzve simbol të këtij Interi që është shpallur kampion Italie: "Dua t'ua kushtoj këtë fitore të gjithë interistëve, të cilët më kanë mbështetur gjithnjë, - deklaroi ai pas ndeshjes, - por edhe gruas sime, fëmijëve dhe familjes sime." Nuk kishte si të mos e komentonte këtë fitore edhe kapiteni Havier Zaneti: "E meriton familja interiste, Morati e meritonte këtë gëzim, - shtoi ai. - U kushtohet të gjithë interistëve, Faketit, Priskos, Benito Lorencit dhe nga ana ime gruas dhe familjes sime". Ai vijoi më tej: "Ishim të gjithë të karikuar, skuadra nuk meritonte të humbiste ndaj Romës, - përfundoi ai. - E kemi merituar të gjithë këtë titull. Ndihem një lider pozitiv, duhet të festojmë të gjithë së bashku."
Një prej lojtarëve më të rëndësishëm të kësaj skuadre ka qenë Hulio Kruz, një "ushtar" vendimtar dhe luksoz: "Ndihem i kënaqur që luajta titullar, edhe pse kur fitohet, fitojmë të gjithë së bashku, jo vetëm ata që luajnë", - tha ai. Së fundmi, më përcaktuesi nga të gjithë, Zllatan Ibrahimoviç, e konsideron veten si "hajmalia" fituese e skuadrave ku luan: "Kam fituar me Ajaksin, me Juven dhe tani me Interin, theksoi ai. Arritëm shumë rekorde. Sikurse kam thënë, atje ku shkoj, fitoj dhe dua të fitoj. Mendësia ime është të fitoj. Nuk ndihem i kënaqur kur humbas."
 

"Më në fund". Ka qenë kjo fjala e parë e cituar nga Masimo Morati për gazetarët pas fitimit të titullit në Sienë. Presidenti i Interit ishte rrethuar nga tifozët që festonin për një triumf që kishte 18 vite që mungonte: "Ç'mund të them, - shtoi më pas ai, - ndihemi të kënaqur, më vjen mirë për publikun." Më pas ai ia kushtoi një miku, i cili nuk është më: "Faketit", - tha Morati përpara se të hynte në dhomat e zhveshjes bashkë me skuadrën.
Në dhomat e zhveshjes së zikaltërve në Sienë kishte shumë këndime, ulërima, kore dhe festime për titullin numër 15. Ishte i pranishëm edhe Masimo Morati, tifozi i parë i Interit që më në fund mundi të shijojë një moment të jashtëzakonshëm. Edhe një tjetër herë mendja shkoi te Xhiaçinto Faketi, i cili ndërroi jetë disa muaj më parë: "Kampionati i kushtohet atij, - shpjegoi Morati, - ka shenjat e mirësisë dhe ndershmërisë së tij." Morati mbante të veshur një fanellë zikaltër me numrin 15. "Kësaj here e vendosa, sepse ndaj Romës nuk e kisha veshur dhe na shkoi keq", - tha ai. Më pas theksoi se nuk ishte organizuar asgjë për festën: "Mendoj se kjo ishte festa më e mirë që mund të bëhej, pasi sikurse thotë Mançini, kur është e papritur, është më e bukur. Në mbrëmje? Nuk kemi organizuar asgjë, sikurse edhe herën e kaluar. Njerëzit zbaviten ashtu siç munden. Do të jetë gjithçka spontane edhe kur të rikthehemi në Milano." "
"Është një emocion tepër i madh", - kanë qenë këto fjalët e Roberto Mançinit fill pas fitimit të titullit të 15-të. "Besoj se skuadra luajti një kampionat të jashtëzakonshëm, - vijoi trajneri zikaltër. - Djemtë u treguan të mrekullueshëm. Ndihem shumë i kënaqur për të gjithë interistët. Ua kushtoj atyre këtë titull, pa asnjë dallim. Më pas ia kushtoj edhe familjes sime, por mbi të gjithë interistëve nëpër botë."
 

Një titull me duar poshtë, asnjëherë në diskutim, i fituar me një superioritet të madh. "Tringjyrëshi" i 15-të i zikaltërve është bazë e rekordeve, siç ndodhi më 1989-ën me Trapatonin në stol, nga 17 fitoret radhazi, fitoret jashtë fushe, deri te pikët. Etapat më domethënëse ishin fitoret 3-2 në Firence, 1-0 në "Olimpiko" me Romën dhe 2-1 në Palermo, përfshirë dhe fitoren e dyfishtë në derbi para triumfit final.
Nga një rekord në tjetrin, duke pritur vetëm ditën për të ulëritur nga kënaqësia, për një titull që mungonte prej 18 vitesh. Vërtet, ishte dhe ai i fituar vitin e shkuar në tryezë, por nuk pati asnjë festë, asnjë triumf, vetëm një "emër" të ftohtë që do të qëndrojë i shkruar në "librin e artë." Tifozët zikaltër prisnin të shpërthenin, për të mundur të festonin për një fitore që ka rëndësi dhe ajo erdhi në mënyrën më të bukur dhe entuziazmuese. Si më 1989-ën, kur skuadra e Trapatonit arriti në kuotën e 58 pikëve. Tani është ajo e Roberto Mançinit që nuk dihet ende ku do të ndalojë.
Më shumë se një ecuri ishte një marsh triumfues, një simfoni që nuk pati asnjë pengesë në kampionat. Filloi në fushën e Firences dhe vazhdoi me javët pasardhëse mes sukseseve të rëndësishme (si ai ndaj Romës në "Olimpiko") dhe barazimeve të papritura. Nga ai barazim 0-0 në Udine, ku po fillonin proceset (për shkak të vështirësive në Europë), ndryshoi gjithçka. Interi u bë një makinë fitoresh, që e mori gjithnjë e me shumë bindje pas suksesit të pabesueshëm 4-3 në derbin e fazës së parë. Mbizotëroi për rreth 60 minuta dhe pastaj me një vuajtje të papërshkrueshme në kohën shtesë, festoi në fund me kënaqësi të madhe. Ajo ishte përmbysja, ndërgjegjësimi se ishte vërtet më i forti, ajo që ndoshta i ka munguar në vitet e fundit.
Një fitore pas tjetrës, nga Palermo sërish në "Olimpiko" kundër Lacios, për të thyer tabunë dhe kujtimin e një pasditeje në mënyrë sportive dramatike, nga 3-1 ndaj Fiorentinës, deri te 5-2 me Katanian. Llogaria ndalon në kuotën 17 për një rekord të paparë ndonjëherë, që në mënyrë të vështirë do të thuhet në vitet e ardhshme. Ndërkohë, rivalët më të rëndësishëm humbasin pikë të rëndësishme dhe janë vite dritë larg nga zikaltrit që tashmë e shohin gjithnjë e më afër objektivin. Për të ndaluar serinë e rekordeve, është edhe një herë Udinezja, e vetmja rivale italiane që doli e pathyeshme nga sfida e dyfishtë me "armatën" e Mançinit. Dikush pret rënien, një krizë që u ka ndodhur të gjitha skuadrave në të shkuarën, por s'është kështu. Madje Interi rifillon të fitojë, formalizon edhe një herë supremacinë në derbin e kthimit, frenon disi në prill (me humbjen e vetme me Romën), pastaj nënshkruan titullin e 15-të në histori në ndeshjen me Sienën. Tani ka kohë vetëm për triumf. Me sheshin "Duomo" dhe "San Siron" pastaj, që shndërrohen në teatër të festës zikaltër. Një festë e pritur për 18 vite rresht.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------