Familjariteti ka sjellë respekt të ndërsjelltë mes dy skuadrave finaliste të Kupës UEFA. Të dyja klubet kanë thurur lëvdata për njëra-tjetrën dhe janë të vetëdijshme se kjo do të jetë një finale më emocionale se finalet e viteve të kaluara. "Espanjoli është gjithmonë një kundërshtar që të hap shumë probleme, - tha trajneri i Seviljas, Huande Ramos, i cili i drejtoi katalansit për një kohë të shkurtër në sezonin 2002 2003. Skuadra të tilla, që nuk janë favorite, janë shumë të fokusuara, arrijnë finalen dhe krijojnë probleme". Mbrojtësi i krahut, Daniel Alvesh, e pranon se Espanjoli do të tregojë rezistencë më të madhe se Midëllsbrou në sezonin e kaluar. "Do të na pëlqente të ndesheshim kundër një skuadre që nuk na njeh mirë, sepse ne kemi karakteristikat tona, stilin tonë të lojës dhe është më vështirë të ndeshesh me Espanjolin, sepse ata na njohin në mënyrë perfekt, - tha braziliani. - Por kjo është rruga që kemi nisur dhe do ta çojmë deri në fund. Espanjoli shënon shumë, kështu që duhet të jemi tepër të kujdesshëm".
Sulmi - Forca goditëse e Espanjolit është parë edhe në humbjen e tyre 4-3 ndaj Realit të Madridit. Katalanasit kaluan në disavantazh 2-0 më, pas 3-1. Valter Pandiani shënoi një tregolësh në hapësirën e 19 minutave. Por vendimi i trajnerit Ernesto Valverde, për të lënë pushim disa lojtarë për finalen e "Hampden Park", ka ndikuar disi, pasi madrilenët në minutat e fundit shënuan golin e fitores. "Nuk e kuptoj se çfarë ndodhi, për pak sa nuk më ranë edhe këto pak flokë që më kanë mbetur në kokë, - tha Pandiani. - Shënoj tre gola kundër Realit në "Bernabeu" dhe dal nga fusha si humbës. Është e pabesueshme". Pandiani është golashënuesi më i mirë në Kupën UEFA me 11 gola, ndërkohë që Espanjoli, që e mundi Verderin në gjysmëfinale, ka shënuar gjithesej 32 gola deri tani. Por me një Frederik Kanute të rinuar, sulmuesin brazilian Luis Fabiano, rusin Aleksandër Kerzhakov dhe uruguajanin Ernesto Çevanton, gjithashtu edhe Sevilja ka një sulm që të detyron respekt.
Talenti - "Sevilja luan prej gjashtë vitesh në La Liga dhe çdo verë ata janë përmirësuar, duke blerë lojtarë me cilësi, si dhe duke zhvilluar talente të reja, - tha mbrojtësi i Espanjolit, David Garsia. - Mbi të gjitha, në dy vitet e fundit ata janë bërë një skuadër me shumë forcë sulmuese". Ashtu si Espanjoli, Sevilja ka lënë pushim disa lojtarë të formacionit të parë për ndeshjen e kampionatit, por arritën të fitojnë 2-1 në shtëpinë e Rekreativos. Pasi kanë siguruar një vend në finalen e Kupës së Mbretit, mbetet ende e mundur që ata të fitojnë tre trofe këtë sezon, gjithashtu kanë mundësi që të jenë klubi i dytë që e fiton Kupën UEFA për dy vite radhazi. "Jemi krenarë e të lumtur që kemi mundësinë të arrijmë tre trofe, megjithatë, shpresojmë të fitojmë ndonjërin prej tyre, - tha Ramos. - Objektivi ynë ishte të arrinim sa më larg që të mundeshim në të gjitha kompeticionet. Edhe nëse do të dështonim, do të ndiheshim tepër krenarë për kaq sa kemi arritur".
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Nëse Sevilja do të arrijë ta ngrejë trofeun për herë të dytë radhazi, në dëm të patriotëve të Espanjol, atyre menjëherë do t'u kujtohet ajo natë e ftohtë në Donetck, pasi ka qenë momenti më përcaktues. Ndeshje, ku luhej se cila skuadër do të arrinte 1/8-at. Portieri i Seviljas, Andres Palop, vrapoi në portën tjetër, kur kishin mbetur edhe katër minuta për t'u luajtur. Goditje nga këndi për Seviljen. Pas krosimit të Daniel Alvesh, Palop e gjeti rrugën e rrjetës me kokë. Barazimi dramatik heshti të gjithë "Olympiyskiy stadium", që "ziente" nga tifozët entuziastë të Shakhjtarit. Sevilja u fut në kohën shtesë me një frymë tjetër dhe zëvendësuesi Ernesto Cevanton shënoi golin e fitores. Pas fitores, Palop u mundua ta kalojë me modesti golin shpëtimtar. "Vendosa të shkoja në portën tjetër dhe ta provoja, - tha portieri 33-vjeçar. - Çdo mbrojtës kishte nga një lojtar kundërshtar për të markuar, ndërsa unë u mbeta i vetëm. Vetëm sa kopjova lëvizjet që bëjnë shokët e mi në stërvitje". Sevilja, që pësoi një humbje surprizë në fazën e grupeve ndaj holandezëve të AZ Alkmarit, u testua edhe njëherë në çerekfinale ndaj Totenhemit. Spanjolëlt fituan 2-1 në ndeshjen e parë, si dhe në ndeshjen e kthimit shënuan dy gola, duke krijuar përshtypjen se çdo gjë kishte përfunduar. Megjithatë, anglezët u përgjigjën duke shënuar dy të tjerë. Kjo nuk mjaftoi për anglezët dhe në gjysmëfinale ata u vendosën përballë patriotëve të Osasunës. Në ndeshjen e parë në "Pamplona" u mundën 1-0, nga një gol i vetëm i Roberto Soldados. Në "Sançez Pizjhuan" gjërat ndryshuan, në sajë të Luis Fabianos dhe Renatos.
Ecuria befasishme - Rruga e Espanjolit drejt finales së parë europiane, që nga koha kur ata u mundën ndaj Bajer Leverkusenit më 1988-n, ka qenë më shumë impresionuese sesa surprizuese. Katalanasit tërhoqën vëmendjen në fitoren 2-0 kundër Ajaksit dhe që nga ajo kohë nuk janë mundur në 14 ndeshje radhazi. Gjithashtu, ata kanë në dispozicion golashënuesin më të mirë, Valter Pandianin, 11 golat e të cilit e kanë drejtuar Espanjolin drejt finales së parë që nga 1988-a. Livorno, Makabi Haifa dhe Benfika kanë qenë "viktimat" deri në gjysmëfinale. Aty ata u përballën me Verderin. Në ndeshjen e parë në Barcelonë golat, me autor Moises Hurtado, Pandiani dhe Ferran Korominas, i dhanë espanjolit një avantazh 3-0. Në ndeshjen e kthimit ata kanë fituar përsëri dhe arritën të prekin finalen. Verderi u fut mes tetë më të mirave të UEFA-s, pasi arriti vendin e tretë në grupin e Ligës së Kampioneve. Që nga viti 2000, kur u lejua që skuadrat e vendit të tretë në grup do të luanin në Kupën UEFA, tre prej tyre kanë ngritur trofeun: Gallatasaraj më 2000, Fejnordi më 2002 dhe CSKA-ja e Moskës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dominim spanjoll. Të skualifikuar nga Kupa e Kampioneve Primera Division mund të krenohet me trofeun e “vogël” evropian, kupë e cila do të gjejë padronin pikërisht sonte pas 90 minutash në stadiumin “Hampden Park” të Glasgout. Sevilja do të mundohet të mbrojë atë që fitoi edhe vitin e kaluar përballë Midlesborout, ndërsa Espanjoli do të bëjë realitet një ëndërr që i shpëtoi nga duart 19 vjet më parë. Në finalen e Kupës UEFA 1987-1988 kjo skuadër u mund nga Bajer Leverkusen pas gjuajtjeve të penalltive me rezultatin 3-2. Dy ndeshjet vajtje-ardhje kishin përfunduar 3-0 si në Spanjë dhe Gjermani. Në atë skuadër luante edhe trajneri i tanishëm i kësaj skuadre Ernesto Valverde. Ndërkohë mbrojtësi i Espanjolit, David Garsia, pohon se finalja do të shërbejë si një vitrinë e mirë për të treguar cilësinë e futbollit spanjoll. Ekspertët panë tre ekipe anglezë në katër më të mirët e Ligës së Kampioneve, si një superioritet i futbollit britanik, por në Kupën UEFA të gjithë janë duke parë fuqinë e futbollit iberik, ku në finale janë dy ekipe spanjolle. “Ne shpesh dëshirojmë të themi se Liga spanjolle është më e fuqishmja dhe fakti që kemi një finale të Kupës UEFA të gjithën spanjolle, kur në gjysmëfinale mbërritën tri të tilla është një provë e tillë”, ka thënë Garsia për uefa.com. Espanjoli ndodhet në mesin e tabelës në Primera Divizion, por ka shkëlqyer në Evropë, duke shënuar 32 gola në 14 ndeshje. Ndërsa në kampion tjetër portieri Andres Palop, duke folur për uefa.com, vlerësoi se Espanjoli është një kundërshtar i frikshëm.

Rruga e Espanjolit

Gjysmëfinale
Espanjol-Verder Bremen 3-0
Verder Bremen-Espanjol 2-1
Çerekfinale
Espanjol-Benfika 3-2
Benfika-Espanjol 0-0
1/16 e finaleve
Makabi Haifa-Espanjol 0-0
Espanjol-Makabi Haifa 4-0
1/32 e finaleve
Livorno-Espanjol 1-2
Espanjol-Livorno 2-0

Rruga e Seviljes

Gjysmëfinale
Osasuna-Sevilja 1-0
Sevilja-Osasuna 2-0
Çerekfinale
Sevilja-Totenham 2-1
Totenham-Sevilja 2-2
1/16 e finaleve
Sevilje-Shakhtar 2-2
Shakhtar-Sevilje 2-3
1/32 e finaleve
Steaua-Sevilje 0-2
Sevilje-Steaua 1-0

Espanjol-Sevilje

“Hampden Park”, Glasgou
Sot, ora 20:45

Gjyqtar: Masimo Busaka (ZVI)

Espanjol: Kameni, Hurtado, Jarke, Velasko, Sa, De la Penja, Zabaleta, Rufete, Kosta, Pandiani, Tamudo
Pankina: Ribas (p), Garcia, Lakruz, Torrejon, Martinez, Ito, Kamara, Jonatas, Riera, Soriano, Pedraza
Trajner: Ernesto Valverde

Sevilje: Palop, Navarro, Eskude, Oçio, Alves, Poulsen, Mareska, Renato, Adriano, Kanoute, Shevanton

Pankina: Kobenjo (p), Dragutinoviç, Kastedo, Puerta, Valente, Marti, Navas, Sales, Alfaro, Luis Fabiano
Trajner: Juan de la Cruz Ramos

Fakte

Real Madrid është e vetmja skuadër, e cila deri tani ka mundur të mbrojë me dinjitet edhe për një vit tjetër trofeun e Kupës UEFA. Madrilenët pasi e fitonin në 1985 e përsërisnin edhe në 1986 ndaj Midlesbrough në finale. Të njëjtën gjë dëshiron të bëjë edhe Sevilja sonte, pasi ka fituar Kupën UEFA vitin e kaluar.

Kjo është finalja e tretë absolute në gjithë historinë e Seviljes në Kupat e Evropës. Vitin e kaluar kjo skuadër u përball në finalen e këtij kompeticioni me Midlesbrough, ndërsa më pas fitoi Superkupën Evropiane ndaj Barcelonës me rezultatin 3-0.

Espanjol luan pas 19 vjetësh finalen e dytë në Kupën UEFA. Në 1987-1988 kjo skuadër u mund nga Bajer Leverkusen pas gjuajtjeve të penalltive (3-2). Dy ndeshjet vajtje-ardhje kishin përfunduar 3-0 si në Spanjë dhe Gjermani. Fakt është se trajneri i tanishëm i kësaj skuadre ka qenë dëshmitari i asaj dopio përballje teksa mbronte ngjyrat e Espanjolit si futbollist.
  
Italia është vendi që dominon Kupën UEFA me nëntë trofe të fituara deri tani. Pas saj vjen Gjermania dhe Anglia me nga 6 kupa.

Espanjol ka luajtur përballë një skuadre spanjolle në një kompeticion evropian vetëm një herë në 1998, në Kupën Intertoto ndaj Valencias. Espanjoli humbiste atëherë në fushën e vet 1-0, por fitonte në “Mestaja” 2-0, duke u kualifikuar.
 
Në 118 takime të luajtura përballë njëra-tjetrës Sevilja ka fituar 55, Espanjoli 42, dhe 21 ndeshje janë mbyllur në barazim.

Espanjoli është skuadra që ka shënuar më shumë gola gjatë këtij viti në Kupën UEFA me 32 gola.

Fituesit e Kupës UEFA

2005-2006:
Sevilja, (Spanjë)
2004-2005:
CSKA Moskë (Rusi)
2003-2004:
Valencia (Spanjë)
2002-2003:
Porto (Portugali)
2001-2002:
Fejenord (Holandë)
2000-2001:
Liverpul (Angli)
1999-2000:
Galatasaraj (Turqi)
1998-1999:
Parma (Itali)
1997-1998:
Inter (Itali)
1996-1997:
Shalke (Gjermani)
1995-1996:
Bajern (Gjermani)
1994-1995:
Parma (Itali)
1993-1994:
Inter (Itali)
1992-1993:
Juventus (Itali)
1991-1992:
Ajaks (Holandë)
1990-1991:
Inter (Itali)
1989-1990:
Juventus (Itali)
1988-1989:
Napoli (Itali)
1987-1988:
Leverkusen (Gjermani)
1986-1987:
Goteborg (Suedi)
1985-1986:
Real Madrid (Spanjë)
1984-1985:
Real Madrid (Spanjë)
1983-1984:
Totenham (Angli)
1982-1983:
Anderleht (Belgjikë)
1981-1982:
Goteborg (Suedi)
1980-1981:
Ipsuiç (Angli)
1979-1980:
Eintraht (Gjermani)
1978-1979:
Mynshengladbah (Gjermani)
1977-1978:
PSV Eindhoven (Holandë)
1976-1977:
Juventus (Itali)
1975-1976:
Liverpul (Angli)
1974-1975:
Mynshengladbah (Gjermani)
1973-1974:
Fejenord (Holandë)
1972-1973:
Liverpul (Angli)
1971-1972:
Totenhem (Angli)
 

Sevilja ka fituar Kupën UEFA për të dytin vit me radhë, duke barazuar rekordin e Realit të Madridit, e vetmja skuadër që e kishte fituar dy herë radhazi këtë veprimtari. "Andaluzianët" e drejtuar nga Huande Ramos kanë mundur Espanjolin në "derbin" spanjoll të luajtur në Gllasgou të Skocisë, vetëm pas penalltive. 120 minutat u mbyllën në barazim 2-2. Për katalanasit, që luajtën me dhjetë futbollistë që nga minuta e 68, rezultuan fatale gabimet e Luis Garsias, Honatas dhe Torrejonit, nga pika e bardhë.
Pjesa e parë e sfidës në "Hampden Park" u mbyll në barazim 1-1. Sevilja kaloi në avantazh në minutën e 18-të me anë të Adriano Korreiras. Mesfushori brazilian shënoi pas pasimit të marrë nga portieri Andres Palop, i cili nisi menjëherë një top të gjatë në të majtë dhe gjeti të papërgatitur mbrojtjen katalanase. Espanjoli, që e kishte nisur ndeshjen duke rrezikuar me Raul Tamudon, diti të reagojë menjëherë. Ivan De la Penja nuk pati fat në minutën e 26-të, ndërsa 120 sekonda më vonë Albert Reira shënoi golin e barazimit. Mesfushori i ardhur nga Bordoja e bëri gjithçka vetë... udhëhoqi topin për rreth 20 metra dhe pastaj lëshoi një të djathtë fatale për portierin Andres Palop. Goli i barazimit i dha krahë skuadrës së drejtuar nga Ernesto Valverde. Espanjoli i mbylli 45 minutat e para në sulm dhe Raul Tamudo u shfaq sërish i rrezikshëm në fundin e këtij fraksioni. Qarkullimi i topit anonte nga Sevilja, por zbritjet e katalanasve krijonin panik në prapavijën e "andaluzianëve".
"X" NE 90 MINUTA - Pjesa e dytë nisi ashtu si e para. Raul Tamudo vuri në provë reflekset e portierit Andres Palop për herë të tretë, katër minuta pas pushimit. Përgjigja e Seviljes erdhi me anë të Frederik Kanutesë, por ishte sërish Tamudo, ai që u shfaq i rrezikshëm. Edhe këtë herë portierit të Seviljes iu desh të bënte mrekullinë për të evituar kapitullimin e skuadrës së drejtuar nga Huande Ramos. Espanjoli ishte i papërmbajtshëm dhe Albert Reira i shkoi pranë goli të dytë personal. Goditja e mesfushorit francez u ndal në traversë, në minutën e 58-të. Pikërisht kur po krijoheshin premisat për golin e Espanjolit ndodhi episodi që do të vendoste jo pak në fatet e sfidës. Mesfushori, Moises Hurtado, mori kartonin e dytë të verdhë dhe i la katalanasit me dhjetë futbollistë. Trajnerit Valverde, i cili kishte guxuar të luante me tri sulmues duke aktivizuar Pandianin në vend të Rufetes, iu desh të bënte një hap prapa dhe të largonte Raul Tamudon. Ai u zëvendësua nga Lakruz. Vetëm në dhjetë minutat e fundit, Sevilja nisi të shfrytëzojë avantazhin numerik. Havi Navarro, Frederik Kanute dhe Hesus Navas patën mundësi për ta mbyllur finalen. Gjithsesi, fati dhe një ndrëhyrje vendimtare e portierit Iraioz vendosën se duhej koha shtesë për të përcaktuar fituesen e "kupës së vogël".
DY GOLA - Koha shtesë kishte vetëm një drejtim: Sevilja në sulm dhe Espanjoli në mbrojtje. Dani Alvesh dhe Hesus Navas filluan të merrnin rregullisht fundoren, duke hedhur topa të rrezikshëm në zonën e Espanjolit. Një situatë e tillë solli edhe golin e dytë për Seviljen. Në minutën e fundit të shtesës së parë, Navas, i aktivizuar në fillimin e 45 minutave të dyta në vend të Enco Mareskës, kroson për Frederik Kanuten. Sulmuesi francez u gjet në vendin e duhur në momentin e duhur, duke shënuar golin e fitores, me të djathtën, pesë metra larg portës kundërshtare. Në Gllasgou u krijua përshtypja se Sevilja do të vinte "kurorën" për të dytën herë me rradhë, por atëherë kur dukej më e pamundur, Espanjoli gjeti golin e barazimit dhe shtyu festën. Kampionët në fuqi po shpërdoronin një mori me raste, por mbetën të befasuar teksa Jonates mposhti Palopin me një goditje të saktë nga rreth 25 metra. 2-2 dhe gjithçka do të vendosej nga 11-metrat. Atje ku u ngjit në skenë Andres Palop. Numri 1 i Seviljes priti penalltitë e ekzekutuara nga Luis Garsia, Jonatas, dhe Torrejon, ndërsa për shokët e tij gaboi vetëm Dani Alvesh duke e shpënë topin mbi traversë. Për herë të pestë Kupa UEFA u fitua nga një skuadër spanjolle.