Raikoneni, "thembra e Akilit" për Ferrarin e 2007

Kimi Raikonen ende nuk e ka provuar makinën e re Ferrari F2007, megjithatë Ferrarit i kanë shkuar që tani disa këshilla në lidhje me mënyrën e pilotimit që ka piloti finlandez. Këto fjalë kanë ardhur pikërisht nga dikush, i cili e njeh mjaft mirë Raikonenin. Bëhet fjalë për zviceranin Mario Ilian, i cili prej shumë vitesh ndërton motorët Mercedes që përdor skuderia McLaren në Formulën 1. Në gazetën sportive gjermane "Bild", Ilieni ka akuzuar pilotin e ri që ka marrë skuderia nga Maranelo, se nuk di ta kursejë makinën dhe e çon gjithmonë drejt limiteve. "Ferrari duhet të ndërtojë një tank për Kimi Raikonenin nëse do të fitojë titullin kampion me të," - ka këshilluar Ilieni inxhinierët e Ferrarit. Duket qartë se nuk kursehet aspak në lidhje me deklaratat akuzuese ndaj ish pilotit të skuderisë McLaren Mercedes. "Kimi kërkon ta sforcojë gjithmonë makinën, pjesa tjetër nuk i intereson aspak. Të gjithë pilotët e tjerë e trajtojnë makinën më mirë se ai. Askush nuk i mban pedalet gjithmonë në fund, xhiro pas xhiroje, dhe askush nuk hipën mbi bordurat e kthesave aq ashpër." Sipas Mario Ilienit, ka qenë stili agresiv i pilotimit të Kimi Raikonenit që ka sjellë aq shumë probleme në sezonet e kaluara për makinën McLaren Mercedes. Për sa i përket blerjes së re të skuderisë nga Uokingu, Fernando Alonsos, Ilieni thotë ai e piloton më qetë makinën atëherë kur duhet. "Për mendimin tim, mënyra e pilotimit që bën Alonso e ka çuar drejt këtyre sukseseve," - ka përfunduar deklaratën e tij inxhinieri zviceran.
Sauber: Kimit nuk i interesojnë pjesët teknike të makinës
"Ferrari duhet të "luftojë" për besueshmërinë e makinës në sezonin 2007, tani që ka marrë Kimi Raikonen," - ka thënë Piter Sauber. Ky i fundit ka qenë personi që në vitin 2001 i dha mundësinë finlandezit të debutonte në Formulën 1. Aktualisht, Raikoneni është 27 vjeçar dhe pasi garoi për 5 vjet me radhë me skuderinë McLaren Mercedes, vendosi të kalonte te Ferrari si zëvendësuesi i Majkëll Shumakerit. "Zhan Todt e di shumë mirë se cila është pika delikate e Raikonenit, sidomos nga këndvështrimi teknik," - ka vazhduar Sauber një ditë pas prezantimit të makinës së re në Valencia të skuderisë BMW Sauber. Më pas ai ka shtuar: "Kimi është një pilot, i cili nuk interesohet shumë për teknikën e makinës, por në ditët e sotme përmirësimi i makinave gjatë sezonit është shumë i rëndësishëm. Gjithsesi, unë dua të them se ai është një mbështetje e madhe për shokun e skuadrës, Felipe Masën." Ka qenë pikërisht Piter Sauber ai që i ka dhënë mundësinë edhe Felipe Masës të debutojë në Formulën 1, një vit pasi kishte marrë Kimi Raikonenin.

Endi Tufa
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kampioni i botës në fuqi, Fernando Alonso, ka debutuar dje me makinën e re McLaren me numrin 1. Rreth orës 10.00 të paradites së djeshme, spanjolli ka dalë nga garazhet e McLaren it në pistën e Valencias, për të provuar makinën e re MP4 22. Pas disa xhirosh është parë që makina McLaren me numrin 1 ka ndaluar në pistë duke nxjerrë tym dhe duke derdhur vajin e motorit. Të pranishëm në pistë kanë qenë edhe pilotët e skuderisë BMW Sauber. Ndërsa në pistën tjetër spanjolle, në atë të Jerezit, është testuar makina e re Renault me pilotin italian Xhankarlo Fizikela. Entoni Davidson ka testuar gjithashtu makinën Super Auguri.


F2007 ta, makina që ka ndryshuar më shumë
Ferrari është skuderia, e cila duket se ka bërë më shumë ndryshime në makinën e saj të re për sezonin 2007, sipas Piter Sauberit. Një nga ish bashkëpunëtorët e kësaj skuderie, dhe aktualisht këshilltari i skuderisë BMW Sauber, ka shtuar gjithashtu se makina e tij e re nuk ka ndryshuar shumë në krahasim me paraardhësen. "Ndryshimi më i madh në të gjitha makinat janë ngjyrat dhe emrat e sponsorëve, ka deklaruar 63 vjeçari për gazetën gjermane "Blick". Nuk kam parë ndonjë gjë të re te McLaren i apo te Toyota, ashtu si edhe te makina jonë." Ndërsa për F2007 n që është dhe makina e re e skuderisë nga Maranelo, ai ka shtuar: "Nga sa pashë, mund të them se në atë makinë janë bërë ndryshimet më të mëdha nga këndvështrimi aerodinamik."


Endi Tufa
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Qyteti i Valencias ka qenë në qendër të vëmendjes së Formulës 1 në këtë javë. Aty janë prezantuar dy nga skuderitë kryesore të këtij sporti. Bëhet fjalë për skuderinë McLaren-Mercedes dhe për BMW-Sauber. Në mënyrë të veçantë skuderia McLaren ka ngjallur më shumë interes, pasi i pranishëm ka qenë kampioni i botës, Fernando Alonso. Në rrugët e Valencias kanë qenë të pranishëm 200 mijë tifozë, të cilët kanë dalë për të marrë makinën e re McLaren MP4-22. Edhe pas kësaj shfaqjeje, pronari i Formulës 1, Berni Ekleston, duket se nuk ka ndër mend që t'i japë lejen për të organizuar një Çmim të Madh. Në "luftë" për të organizuar një garë të tillë, është edhe qyteti i Barcelonës. Gjithsesi, prezantimi i makinës së re McLaren dhe i kampionit të botës, Fernando Alonsos, me këtë skuderi, nuk sjell ndonjë avantazh për Valencian. "Këtij qyteti i duhet akoma shumë punë për të na bindur që t'i japin lejen për të organizuar një garë të tillë. Ne jemi ende në pritje dhe po shohim me kujdes se çfarë janë në gjendje të bëjnë organizatorët. Në garë për organizimin e një çmimi të madh është edhe Barcelona, megjithatë edhe ata ende nuk kanë bërë diçka që të na bindin për kërkesën. Ne na duhet të shohim shumë gjëra për të vendosur nëse ky është një vend i përshtatshëm për gara apo jo," - ka përfunduar anglezi Ekleston.


Shumi mund të rikthehet te Mercedes-i?!
Shtatë herë kampioni i botës, Majkëll Shumaker, i cili u tërhoq në fund të sezonit të kaluar, mund të rikthehet. Ditët e fundit kanë qarkulluar fjalë, sipas të cilave ai mund të shkojë te skuderia Mercedes-Benz. Menjëherë ka reaguar edhe drejtori i firmës automobilistike gjermane, Norbert Hag, i cili ka deklaruar se Shumakeri është i mirëpritur tek ata. "Nëse ai do të mendojë ndonjëherë të rikthehet aty ku e filloi karrierën, numrin tim të telefonit e ka," - ka përfunduar Hagu.

"Telefonica" ndërpret marrëdhëniet me Renault-në
Gjiganti i telekomunikacionit spanjoll, "Telefonica", nuk do të sponsorizojë më Renault-në në sezonin 2007. Kjo kompani, e cila e ka sponsorizuar skuderinë franceze që nga sezoni 2004, në këtë sezon është tërhequr. Këtë lajm e ka bërë të ditur vetë zëdhënësi për shtyp i "Telefonica"-s. Duket qartë se largimi i këtij sponsori ka të bëjë edhe me largimin e kampionit të botës, Fernando Alonso, nga skuderia Renault.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------