"Marrëveshja e xhentëllmenëve" tashmë është bërë një marrëveshje zyrtare. Yamaha dhe FIAT i do të bashkëpunojnë në dy vitet e ardhshme. Kështu, skuderia e Valentino Rosit më në fund ka arritur të gjejë sponsorin kryesor për sezonin e ardhshëm, pas largimit të "Camel" it. Shifra që firma italiane automobilistike duhet të japë për skuderinë japoneze Yamaha, është rreth 7.5 milionë euro për çdo sezon. Në këtë mënyrë, motorët M1 do të mbulohen nga ngjyra e kuqe dhe nga stema e shoqërisë FIAT. Ditën e hënë pritet një konferencë për shtyp, ku do të prezantohet marrëveshja, e cila u zyrtarizua dje mes Yamahas dhe FIAT it. Një ide të tillë e ka pasur Lapo Elkan që në vitin 2004, por vetëm në fillim të vitit 2007 është arritur të konkretizohet. Në këtë mënyrë, FIAT i hedh një hap drejt motoçiklizmit dhe drejt kategorisë më të madhe të saj Moto Gp. Skuderia që kanë zgjedhur italianët, është nga më të mira dhe për më shumë ka si pilot ish shtatë herë kampionin e botës në këtë sport, Valentino Rosin. Në këtë mënyrë, "Doktori" mund ta ndiejë skuadrën e tij më italiane, pas disa inxhinierëve bashkëkombas që ka dhe pas qendrës së Yamahas në Monza. FIAT i e bën këtë pilot akoma më të motivuar për të rimarrë titullin kampion, pasi e humbi në sezonin e kaluar kundrejt amerikanit të Hondës zyrtare, Niki Heiden.
Deri tani ishte folur për një marrëveshje verbale, megjithatë dje është vendosur firma mbi kontratë. Gjithsesi, në prag të prezantimit zyrtar pritet të përfundojnë marrëveshjen edhe për disa detaje të vogla. Sipas zërave që qarkullojnë, kompania FIAT duhet t'i paguajë skuderisë japoneze rreth 7.5 milionë euro në sezon. Në të njëjtën kohë thuhet se Valentino Rosi nuk do të përfitojë asgjë nga kjo marrëveshje e arritur midis dy firmave, megjithatë ai ndihet shumë mirë pas firmosje së kontratës. Ky lloj sponsorizimi është një stimulim reciprok që është përpjekur të bëjë Lapo Elkan dhe FIAT i në vetvete është i kënaqur. "Pasi kemi arritur në këtë pikë, mund të them se edhe paraqitja e re e motorit Yamaha M1 do të jetë blu në pjesën e sipërme dhe e bardhë në pjesën e poshtme, ku do të vendoset dhe stema e FIAT it me ngjyrë të kuqe. Sipas specialistëve, ky lloj kombinimi ngjyrash do t'i turbullojë disi kundërshtarët. Duke parë një pengesë e tillë nga ana vizuale dhe me një Valentino Rosi akoma më shumë të karikuar se në të shkuarën, spektakli do të jetë akoma më i madh..."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------