Këtë fundjavë zhvillohet Çmimi i Madh i Francës në Manji Kur  

Formula 1 rikthen sfidën Francë-Itali

Endi Tufa


 Kur Zhan Todt kërkon të rigjejë kompetitivitetin e Ferrarit, ka ndër mend rikthimin e kësaj skuderie në nivelet më të larta si dikur. Për këtë çështje ai ka shpjeguar: "Ferrari ka qenë gjithmonë një makinë kompetitive dhe që fitonte kudo, vetëm vitin e kaluar nuk arriti të ishte e tillë, pasi ndikuan disa faktorë. Duhet të kuptojnë të gjithë se ne as nuk mund të fitojmë dhe as nuk mund të humbasim vetëm... Në këtë sezon, që në garën e Bahreinit, kishim në vijë të parë nisjen me të dyja makinat Ferrari, në vendin e parë dhe të dytë. Në fund të asaj gare e humbëm fitoren vetëm për gjysmë sekondi. Më pas bëmë disa gabime dhe i paguam shtrenjtë. Megjithatë, nuk duhet të harrojmë se nga gara e Imolas dhe më pas arritëm të ishim aty me kryesuesit e garës duke luftuar për fitoren. Në këto gara kemi marrë vetëm dy pikë më pak sesa kryesuesit e klasifikimeve të përgjithshme. Me pak fjalë, dua të them se që nga ajo kohë, Ferrari, në një mënyrë apo në një tjetër, nuk ka pasur probleme dhe nuk i ka munguar kompetitiviteti. Shpresojmë të vazhdojmë të mbajmë në vazhdimësi këtë ritëm për të rikuperuar disavantazhin që kemi ndaj Alonsos në klasifikimin përgjithshëm për pilotë dhe ndaj Renault së në klasifikimin për konstruktorë," ka thënë drejtori i përgjithshëm i Ferrarit, Zhan Todt. Të dielën e kaluar u zhvillua finalja e kampionatit botëror "Gjermani 2006", ku finalistet ishin Franca dhe Italia. Ishte një nga veprimtaritë më të mëdha sportive dhe është shumë shpejt për ta lënë mënjanë këtë bisedë.
Zoti Todt, shumë pranë është një tjetër sfidë Francë Itali, të dielën e ardhshme.
Me të vërtetë, do ta riluajnë atë ndeshje?
Ju mund të bëni shaka të tilla, por këtë të diel dueli Renault Ferrari mund personifikojë një tjetër përballje Francë Itali, apo jo?
Dakord, por ne kemi disa muaj që po e sfidojmë njëri tjetrin. Kjo nuk është një gjë e re, përkundrazi, besoj se do të vazhdojë të zgjasë edhe për shumë muaj të tjerë.
Ju jeni një francez që drejtoni një skuadër italiane, ndërsa Briatore një italian që drejton skuadrën franceze. Si mendoni se do të shkojë ky duel?
Unë jam një punonjës i Ferrarit dhe të gjithë e dinë se cili është objektivi im.
Atëherë do të fitojë edhe një herë Italia?
Përgjigjen e kësaj pyetjeje do t'jua them ditën e diel rreth orës 16.00.
Mekanikët e Maranelos kanë shumë dëshirë të thërrasin edhe një herë "ata që nuk kërcejnë, janë francezë", ashtu si thërrisnin në stadium tifozët e Italisë në ndeshjen finale.
Të presim të dielën.

Briatore do ta vendosë të ardhmen në Francë
Menaxheri i përgjithshëm i skuderisë Renault, Flavio Briatore, ka bërë të ditur se do të marrë një vendim përfundimtar për të ardhmen e tij këtë fundjavë, gjatë Çmimit të Madh të Francës. Kontrata aktuale që ka Briatore me skuderinë Renault, skadon në fund të këtij sezoni, megjithatë francezët kërkojnë që ai të qëndrojë. Gjatë një deklarate për median franceze, presidenti i Renault së, Alen Dasas, ka deklaruar: "Ne i kemi bërë Briatores propozimin tonë dhe tashmë presim përgjigjen përfundimtare. Ndoshta në Manji Kur ai do të japë një përgjigje," ka përfunduar Dasasi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Piloti gjerman i Ferrarit e ka fituar shtatë herë Çmimin e Madh të Francës dhe për më shumë në 2002 shin këtu u shpall kampion

 Shumi: Manji Kuri është një pistë "mike", por...

Endi Tufa


 Në pistën ku ka fituar shtatë herë dhe aty ku në vitin 2002 ka fituar titullin kampion, Majkëll Shumaker kërkon edhe në këtë sezon që të fitojë, ashtu si në Indianapolis. Nëse me të vërtetë ndodh një gjë e tillë, atëherë Renault ja dhe Michelini do të kenë shumë probleme psikologjike për vazhdimësinë e sezonit, sepse kjo garë zhvillohet në Manji Kur të Francës, në "shtëpinë" e këtyre dy firmave.
"Edhe pse kam arritur të paraqitem shumë mirë këtu, mund të them se Manji Kuri është disi i çuditshëm. Inxhinierët mund të gabojnë shumë thjesht në konfigurimin e makinës," ka shpjeguar Majkëll Shumaker.
- Në mënyrë të veçantë janë gomat ato që duhen zgjedhur me saktësi, apo jo?
- Pa dyshim që gomat mund të bëjnë diferencën në një pistë të tillë. Makina jonë 248F1 mund të jetë shumë kompetitive nëse do të arrijnë inxhinierët ta konfigurojnë 100% për këtë pistë.
Mendoni se mund të ndodhë një gjë e tillë pas testimeve të fundit që keni zhvilluar në Jerez?
Shpresoj. Në Jerez kemi arritur rezultate të mira edhe për sa u përket disa ndryshimeve të reja në makinë. Edhe këtë fundjavë do të mundohemi të përgatitemi maksimalisht, ashtu siç bëmë në Indianapolis përpara dy javësh, ku fituam, por të njëjtën gjë kemi bërë edhe në pista të tjera, ku nuk kemi fituar. Formula 1 është një sport shumë i vështirë. Megjithatë, shpeshherë kemi kuptuar se nëse ke goma të mira, mund të fitosh në këtë sport. Por përveç gomave duhet të jetë edhe konfigurimi i saktë i makinës. Që në provat zyrtare do të kuptojmë se si do të shkojnë gjërat në garë.
Thoni të vërtetën, kur morët vesh se edhe Williams i me Toyotën kaluan me Bridgestonin, prisnit ndonjë përmirësim më të madh të këtyre gomave?
Sigurisht, prisja një përmirësim më të shpejtë dhe më të madh. Por duke parë rezultatet aktuale, mund të themi se nuk ka ndodhur kështu, kjo gjë duket.
Do t'ju mungojë një personazh si Montoja?
Unë mendoj se nuk mund t'i kesh të gjithë miq në jetën tënde dhe për sa i përket Pablos, unë nuk isha një mik i tij. Si rrjedhojë nuk e ndiej që të jap ndonjë mendim për këtë çështje.
Si e ndoqët suksesin e Italisë në kampionatin botëror të futbollit?
Pasi pashë në stadium "finalen e vogël" Gjermani Portugali, e ndoqa në televizor finalen Itali Francë. Isha me bashkëshorten time dhe me fëmijët. Ishin dy ditë të mrekullueshme për mua si tifoz i futbollit. Titulli kampion i Italisë më gëzoi edhe mua, pasi mendova për festën që po bënin mekanikët e mi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Alonso: Do t'i fitoj të gjitha garat e mbetura

Endi Tufa


 Në prag të garës së Francës, Fernando Alonso u është përgjigjur disa pyetjeve. "Unë nuk mendoj për hakmarrje, ajo që ndodhi në Indianapolis u harrua shumë shpejt. Kur përfundon një garë, e harron shpejt dhe mendon për të ardhshmen. Në Amerikë fituan ata dhe ndoshta në Francë do të fitojmë ne. Renault ja është shumë e shpejtë dhe ka një potencial të madh," ka thënë kampioni i botës.
Domethënë, nuk i trembeni Shumakerit?
Duhet të shfrytëzoj në maksimum të gjitha shanset që më jepen dhe këtë fundjavë e shoh të vështirë për Ferrarin. Sigurisht që edhe ata kanë një besueshmëri të lartë për makinat e tyre, ashtu si ne, por nuk duhet të harrojmë se janë të detyruar të rikuperojnë. Me fjalë të tjera mund të them se nuk kam ndër mend t'i frikësohem askujt. Unë dua të fitoj sa më shumë gara dhe do ta filloj që nga kjo e Manji Kurit. Nuk do të përdor motorin e ri që testuam në Jerez, por atë të mesmin që përdori Fizikela në garën e Indianapolisit.
Si ju duk ekzaltimi i Xhankarlos pas fitores së Italisë ndaj Francës në finalen e kampionatit botëror?
Italianët janë gjithmonë shumë entuziastë kur fitojnë. Në fillim e përgëzova dhe më pas e përqafova duke i thënë "Ju lumtë".
Po për idhullin tuaj Zidan, çfarë mendoni tani?
Më erdhi shumë keq për atë gjest që bëri, megjithatë ai vazhdon të mbetet lojtari im i preferuar. Nëse ai arriti të bënte atë gjest, sigurisht që diçka kishte ndodhur më parë. Ngjarje të tilla ndodhin shpesh në futboll, por do të ishte më mirë që me kokë lojtarët të godisnin topin, jo kundërshtarin.
Miku juaj De La Roza do të zëvendësojë që në këtë garë Montojën, jeni i kënaqur?
E kuptova shumë mirë atë që bëri Montoja. Ai nuk ndihej në skuadrën dhe në kategorinë e duhur dhe u detyrua të tërhiqej. Jam i kënaqur për Pedron, të cilit iu dha kjo mundësi, e meritonte.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Në provat e djeshme zyrtare të Çmimit të Madh të Francës, të dy pilotët e Ferrarit do të nisen nga vija e parë  

Ferrari Shumi nuk njohin kundërshtarë...

Endi Tufa


 Majkëll Shumakeri ka mbetur shumë i entuziazmuar pas "pole position" it që ka arritur dje në Manji Kur të Francës ku sot do të zhvillohet Çmimi i Madh. Ky rezultat për të dhe Ferrarin ka ardhur pas problemeve që patën nëmëngjes, ku makina e gjermanit mori flakë. "Jemi shumë të kënaqur dhe shpresojmë që të bëjmë një gatë të mirë, ka thënë menjëherë pas provave zyrtare të djeshme, Majkëll Shumakeri Zjarri në makinën time? Ndoshta erdhi për shkak të temperaturave të larta. Pas disa probleme të vogla që patëm në mëngjesin e djeshëm, gjërat u rregulluan dhe inxhinierët bën një punë të mrekullueshme." Në fund të deklaratave të tij, Majkëll Shumakeri ka folur edhe për shokun e tij të skuadrës, Felipe Masën i cili sot do të niset nga vija e parë, përkrah tij. "Më bëhet shumë qejfi që edhe në këtë garë do ta kem në krah Felipen." Tashmë shpresat po bëhen gjithmonëë e më të mëdha, pasi Majkëll Shumakeri nuk ka si synim të fitojë garën e sotme, por të rikuperoj ato pikë që ka ndaj Fernando Alonsos. "Jemi shumë të kënaqur me rezultatin e provave por synimi ynë është që të arrijmë një rezultat të mirë në garë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Majkëll Shumaker i ka çuar në katër fitoret në këtë sezon dhe në tetë ato në Çmimin e Madh të Francës  

Shumi gjunjëzon francezët me armë italiane

Endi Tufa


 Piloti gjerman i Ferrarit, Majkëll Shumaker, ka arritur një tjetër rekord në fundjavën e kaluar në Çmimin e Madh të Francës. Ai e ka fituar për të tetën herë këtë garë, duke u shpallur piloti i vetëm që arrin një shifër të tillë në një pistë. Majkëll Shumaker e ka dominuar të gjithë fundjavën, që nga prova zyrtare ku mori "pole position" in dhe deri ditën e diel, ku e filloi garën i pari dhe e mbajti këtë pozicion deri në fund. Tashmë diferenca e tij me Fernando Alonson, i cili u rendit në vendin e dytë në garën e djeshme, ka shkuar në 17 pikë. Nuk duhet të harrojmë se kanë mbetur edhe 7 gara deri në fund të këtij sezoni. Kampioni i botës në fuqi, Alonso, u rendit në vendin e dytë falë strategjisë së Briatores, duke lënë në vendin e tretë pilotin tjetër të Ferrarit, Felipe Masën.
Kjo ka qenë fitorja e 88 të në karrierë për Majkëll Shumakerin, e katërta e këtij sezoni dhe e 8 ta në Manji Kur. Kështu, pas humbjes së Francës në finalen e kampionatit botëror të futbollit kundrejt Italisë, vjen një tjetër përballje e "gjelave", të cilët sërish munden. Në të vërtetë, Majkëll Shumaker është një pilot gjerman, por piloton në një skuderi italiane si Ferrari, e cila arriti të dominojë në Manji Kur në "shtëpinë" e Renault së.
Në përfundim të garës, shtatë herë kampioni i botës, Majkëll Shumaker, ka deklaruar: "Bëmë një nisje shumë të mirë dhe më pas dominuam garën deri në fund. Të them të vërtetën, nuk isha i sigurt se do të arrinim ta fitonim këtë garë, por në fund gjithçka shkoi në favorin tonë. Për këtë arsye jemi shumë të kënaqur. Më vjen keq vetëm për Felipen, i cili nuk arriti ta mbyllte garën në vendin e dytë, ashtu siç e meritonte, ka deklaruar piloti gjerman, i cili më pas ka shtuar. Çdo pikë e fituar është një hap përpara për luftën për titullin kampion si për pilotë, ashtu edhe për konstruktorë. Këtë fundjavë morëm disa pikë shumë të rëndësishme për ne. Duhet të theksoj se "pit stopi" i dytë në këtë garë ishte më i rëndësishmi, pasi aty i ndërruam për herë të parë gomat. Pikërisht nga ai moment fillova të besoja edhe më shumë te fitorja. Qëndresa e Masës? Kur e shihja nëpër pasqyra, më bënte të ndihesha edhe më i sigurt. Në përfundim të kësaj fundjave mund të them vetëm se arritëm një rezultat të mrekullueshëm. Shpresoj të mbajmë këto ritme edhe në garat e ardhshme. Jam i sigurt se në vazhdimësi do të kemi beteja të tjera më të ashpra. Që tani ka filluar një luftë teknologjie. Për këtë fundjavë, problemi kryesor ishte motori. Nuk duhej të ndodhte asnjë defekt. Për këtë arsye, në përfundim dua të falënderoj në mënyrë të veçantë të gjithë inxhinierët dhe mekanikët për këtë punë të mrekullueshme që kanë bërë. Ferrari është me të vërtetë një skuadër e madhe," ka thënë në fund të konferencës për shtyp Majkëll Shumaker.

Vëllezërit Shumaker: Në F1 nuk përdorin doping
Vëllezërit Shumaker kanë përgënjeshtruar thashethemet e ditëve të fundit, sipas të cilave edhe pilotët e Formulës 1 marrin doping. Në të vërtetë, kjo çështje ka pushtuar ndjeshëm Turin e Francës, nga i cili janë përjashtuar disa çiklistë. "Gjëra të tilla nuk përdoren në sportin tonë" ka thënë Majkëll Shumaker për një gazetë gjermane. Thashethemet e ditëve të fundit kishin përmendur emrin e Fernando Alonsos si një përdorues dopingu. Vëllai i Majkëllit, Ralf Shumaker, ka deklaruar: "Unë kam bërë analiza në këtë sezon ashtu si të gjithë pilotët e tjerë dhe askush nuk ka dalë pozitiv."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Alonso minimizon "dështimin" në Manji Kur



 Fernando Alonso nuk ka mundur të fitojë në Çmimin e Madh të Francës, pasi është renditur i dyti prapa Majkëll Shumakerit. Për pilotin spanjoll të skuderisë Renault, ky ka qenë rezultati më i mirë i mundshëm për këtë fundjavë. Ai është nisur nga vendi i tretë prapa Shumakerit dhe Masës, por në fundin e garës, falë strategjisë së Flavio Briatores, kampioni i botës në fuqi ka mundur të marrë një vend të dytë. Në përfundim të kësaj gare, ai ka deklaruar: "Në fillim të garës për pak sa nuk dola jashtë piste. Tentova disa herë të parakaloja Masën, por ishte e pamundur. Duke parë këtë gjendje, vendosa të prisja "pit stopet" për të parë se si do të funksiononte strategjia jonë. Në fundin e garës arrita të merrja vendin e dytë, ashtu siç e kishim planifikuar," ka thënë Alonso. Si shkoi makina? "Makina ishte në gjendje shumë të mirë. Në fundin e garës mund të rikuperoja disa sekonda, por ishte e kotë, Majkëlli ishte shkëputur shumë. Kishin mbetur edhe pak xhiro, për këtë arsye vendosa të mos rrezikoja. Për sa i përket fillimit të garës, dua të them se u nisa me shumë karburant për të zbatuar strategjinë e dy "pit stopeve", pikërisht për këtë arsye makina ime ishte aq e rëndë, në mënyrë të veçantë pas "pit stopit" të dytë. Strategjia ishte pothuajse perfekte. Edhe pas kësaj gare vazhdoj të jem në krye të klasifikimit, për këtë arsye jam i kënaqur," ka përfunduar Fernando Alonso.
Ndërkohë, piloti tjetër i skuderisë Renault, Xhankarlo Fizikela, është renditur vetëm në vendin e gjashtë në këtë garë. Në të vërtetë, ai kishte deklaruar se mund të zinte një vend në podium nëse nuk do të kishte pasur probleme teknike. Në përfundim të garës Fizikela ka deklaruar: "Kisha shumë vështirësi në këtë garë. Problemin kryesor e kisha me sistemin e frenimit dhe më duhej të mos mbaja një ritëm shumë të lartë, sepse ishte e rrezikshme. Duke parë se si po shkonte gara, vendosëm të bënim dy "pit stope" dhe jo tri. Mund të them se ishte një zgjedhje e mirë që dha rezultat. Jam i sigurt se nëse nuk do të kisha këto probleme, pa dyshim që do të kisha zënë një vend mes katër të parëve," ka thënë piloti italian. Cilat goma shkuan më mirë, Michelini apo Bridgestoni? "Bridgestoni shkoi shumë mirë, edhe pse nga Michelini pritej më shumë. Megjithatë, ne vazhdojmë të kemi shumë besim, nuk e humbasim për asnjë moment shpresën," ka përfunduar Fizikela.

Briatore: Michelini duhet të zgjohet nga gjumi
Flavio Briatore i ka filluar me akuza deklaratat e tij menjëherë pas Çmimit të Madh të Francës. "Mund të them se Alonso humbi shumë kohë ndaj Majkëllit dhe si rrjedhojë vendosëm të ndryshonim strategji. Pra kishim si objektiv vendin e dytë. Megjithatë, dua të them se të gjithë duhet të punojnë shumë, si inxhinierët dhe mekanikët e Renault së, ashtu edhe ata të Michelinit. Për të kuptuar diferencën mes gomave në garën e Francës, mjaftonte të shihje se si "fluturonin" dy makinat Toyota," ka thënë Briatore. Në përfundim menaxheri i përgjithshëm i Renault së ka shtuar: "Nëse do të kishim qenë vetëm prapa Majkëllit, gjithçka do të ishte e hapur," ka përfunduar Briatore.


Çmimi i Madh i Francës

1. M.Shumaker Ferrari
2. F.Alonso Renault
3. F.Masa Ferrari
4. R.Shumaker Toyota
5. K.Raikonen McLaren
6. Xh.Fizikela Renault
7. P. de la Roza McLaren
8. N.Haidfeld BMW Sauber

Pilotët

1. F.Alonso 96 p
2. M.Shumaker 79
3. Xh.Fizikela 46
4. K.Raikonen 43
5. F.Masa 42
6. H.P.Montoja 26
7. Xh.Baton 16
8. R.Barrikelo 16
9. R.Shumaker 13
10. N.Haidfeld 13
11. D.Kulthard 10
12. J.Truli 8
13. Zh.Villnëv 7
14. M.Veber 6
15. N.Rozberg 4
16. P. de la Roza 2
17. V.Liuci 1
18. K.Klin 1

Konstruktorët

1. Renault 142 p
2. Ferrari 121
3. McLaren 71
4. Honda 32
5. Toyota 21
6. BMW 20
7. RedBull 11
8. Williams 10
9. Toro Roszo 1
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Massa fiton ne pisten Magny-Cours

1      Felipe Massa        Ferrari        91:50.245  
2     Kimi Raikkonen     Ferrari     +17.90     
3     Jarno Trulli     Toyota     +28.20     6
4     Heikki Kovalainen     McLaren     +28.90     
5     Robert Kubica     BMW-Sauber     +30.50     
6     Mark Webber     Red Bull     +40.30     
7     Nelson Piquet Jr     Renault     +41.00     
8     Fernando Alonso     Renault     +43.30     
9     David Coulthard     Red Bull     +51.00     
10      Lewis Hamilton     McLaren     +54.50
 




____________
Direktoria , Galeria


Piracy is a crime! So, am I a criminal?