Fotografët shqiptarë mund të marrin pjesë në Festivalin I Ndërkombëtar të Fotografisë, një eveniment ky që do të zhvillohet për herë të parë në Egjipt. Ky aktivitet është një mundësi për fotografët, të cilët janë të interesuar për evenimente të reja dhe për të konkurruar me teknika moderne në peizazhe, udhëtim dhe portrete në gjininë e fotografisë, por dhe gjithashtu për të shijuar prezencën e tyre në Egjipt, një vend i civilizimit botëror. Festivali do të jetë një eksperiencë për të gjitha nivelet, amatorë dhe profesionistë. Pjesëmarrësit do të bashkohen dhe eksplorojnë botën e fotografisë nëpërmjet Workshopeve, seminareve, ekspozitave fotografike, por mbi të gjitha konkurrimit të madh, me anë të të cilit fotografët do të vlerësohen me çmime të rëndësishme dhe analiza profesionale e punëve do të bëhet nga artistë fotograf me famë botërore. Pjesëmarrja e fotografëve shqiptarë në këtë ekspozitë është mundësuar nga ftesa e ambasadës së Egjiptit në Tiranë drejtuar Ministrisë së Turizmit, Kulturës, Rinisë dhe Sporteve.
 




____________

Lot Dielli