Maqedoni / Futbolli përplot dallavere

Shkup - Inspektorati Shtetëror i Punës (ISHP) ka bërë inspektimin e punës në 12 klubet e futbollit që garojnë në Ligën e Parë të Maqedonisë. Në njoftimin nga ky institucion bëhet e ditur se shumica e klubeve funksionojnë me parregullsi të shumta në zbatimin e Ligjeve. Është për t’u habitur fakti se disa klube funksionojnë pa pasur të regjistruar asnjë futbollist dhe ansjë punëtor. Në mënyrë të tillë funksionojnë KF Bregallnica nga Shtipi dhe KF Vëllazërimi.
Kërçovarët nuk kanë të punësuar asnjë punëtor dhe nuk kanë nënshkruar kontratë me asnjë nga 23 futbollistët. Në klub gjithashtu nuk janë paguar rroga dhe kontributet tjera.
Te Renova janë të regjistruar vetëm nëntë persona prej tyre shtatë futbollist, kryetari i klubit dhe trajneri, ndërsa 13 futbollistët tjerë kanë statusin e amatorëve. Rrogat dhe kontributet janë paguar deri në tetor 2006.
Shkëndija ’79 ka të nënshkruar marrëveshje profesionale vetëm me tre futbollistë, prej tyre, dy janë me marrëveshje për bursë, kurse sekretari gjeneral është i punësuar në marrëveshje pune. Statusin e amatorëve e kanë 19 futbollistët tjerë. Trajneri, i cili është shtetas i Shqipërisë, ka të nënshkruar kontratë profesionale por nuk e ka të rregulluar statusin si shtetas i huaj në Maqedoni. Rroga dhe kontribute thuhet në këtë njoftim, nuk janë paguar nga janari i viti 2006.
KF Bashkimi nga Kumanova, i regjistruar si shoqëri qytetare, ka tetë të punësuar prej tyre dy futbollistë. Rroga dhe kontribute nuk janë paguar që nga marsi i viti 2005.
Në mesin e të gjithë klubeve më i organizuar shihet KF Rabotniçki, i cili ka të regjistruar 26 punëtor prej tyre 14 futbollistë, ndërsa rroga dhe kontribute nuk ka paguar nga muaji tetor 2006. Vardari ka të punësuar 10 punëtor, ndërsa rroga dhe kontribute nuk ka paguar nga muaji janar 2006. Maqedonia Gj.P. ka të regjistruar 13 futbollistë me kontratë profesionale dhe pesë të tjerë me kontratë për bursë.
ISHP ka marrë vendim që të marrë masa ndëshkuese kundër të gjitha klubeve për parregullsitë e zbuluara, ndërsa për mospagesën e rrogave dhe kontributeve ka njoftuar Fondin për Shëndetësi dhe Sigurim Invalidor (FSHSI) si dhe Drejtorinë e të Hyrave Publike (DHP).
 

Besa e Pejës, e rrezikuar nga “menaxherët”..

Kryesia e Klubit të futbollit Besa, në takimin e mbajtur më 9 janar të këtij viti, ka shqyrtuar rrjedhën e afatit kalimtar si dhe përgatitjet për sezonin pranveror 2007 dhe ka vlerësuar se Besa në këtë afat kalimtar është jashtëzakonisht e rrezikuar nga tendencat e “menaxherëve” dhe nga klubet e Shqipërisë të cilët duke mos respektuar aktet normative të UEFA-s e FIFA-s por edhe marrëveshjen mes dy federatave të futbollit të Kosovës dhe asaj të Shqipërisë, kontaktojnë dhe angazhojnë lojtarët e Besës dhe klubeve tjera të Kosovës.
Kryesia ripohon se të gjithë lojtarët e Besës kanë kontrata të vlefshme me klubin deri në përfundim të sezonit 2006/2007, dhe asnjë lojtar nuk e ka hedhur në listë për kalim, dhe për asnjë lojtar nuk do të bisedojë dhe nuk do të japë pëlqimin për të kaluar në radhët e klubeve tjera.
Vendimi mbështetet tek objektivat e klubit të përcaktuar që në fillim të kampionatit për të mbrojtur titullin e kampionit dhe për të fituar edhe kupën e Kosovës.
U bëjmë thirrje menaxherëve, klubeve të Shqipërisë, zyrtarëve të Federatës së Futbollit të Kosovës, dhe sidomos Federatës Shqiptare të Futbollit që të respektojnë rregullativat e UEFA-s dhe të FIFA-s për kalimin e lojtarëve nga një klub në një klub tjetër, sepse ata duhet ta ndihmojnë e jo ta shkatërrojnë futbollin e Kosovës në situatën në të cilën gjendet i papranuar nga mekanizmat ndërkombëtarë”, thuhet ndër të tjera në kumtesën e Kryesisë së Kubit të futbollit Besa të Pejës.
 

Burhan Emurllahi bashkohet në stërvitjet e Vardarit

Kapiteni “kuqezi”, Burhan Emurllahi ka thënë se largimin nga Shkëndija ’79 e bënë me keqardhje, por kjo është jeta e futbollistëve profesionistë të cilët jetojnë nga futbolli

Kapiteni i Shkëndija’79, Burhan Emurllahi nga dita e martë, vazhdon karrierën në klubin e Vardarit të Shkupit. “Të gjitha dilemat janë hequr, unë sot filloj punën me klubin tim të ri, ekipin e Vardarit të Shkupit. Ky është vendim definitiv dhe kthim prapa më nuk ka”, tha Burhan Emurllahi. Kapiteni “kuqezi” ka thënë se këtë e bënë me keqardhje, por kjo është jeta e futbollistëve profesionistë të cilët jetojnë nga futbolli. “Unë vërtet shprehi keqardhje të madhe që po largohem nga klubi ku jam afirmuar dhe kam arritur suksese të mëdha, sidomos shpreh keqardhje për shoqatën e tifozëve “Ballistët”, por patjetër të mendoj edhe për karrierën time të mëtejme”, tha Burhan Emurllahi. Në ekipin e Shkëndijës akoma nuk kanë vendosur se do të japin pëlqimin për kalimin e kapitenit të tyre në ekipin e Vardarit, mirëpo ai është i vendosur në qëllimet e veta se Shkëndija është vetëm ish-klub i zemrës së tij. Duhet të potencojmë edhe njëherë se nga klubi i Shkëndija’79 gjatë këtij kampionati 2006/07 janë larguar edhe Agim Ibraimi, Artim Pollozhani, Vullnet Emini, Agron Memedi dhe shtohet edhe emri i Burhan Emurllahit.
 

FFK / Përfundon afati kalimtar i futbollistave

Edhe zyrtarisht në orën 16:00, ka skaduar koha e paraparë e afatit dimëror për futbollistët kosovar. Gjithsej janë 26 kërkesa të futbollistëve të cilët kanë shprehur dëshirë për ndërrim të mjedisit. Dy skuadrat debutuese Hysi dhe Shqiponja K.S, janë klubet që kanë sjellur më së shumti përforcime. Faruk Statovci, Ardian Shehu, Driton Vokshi, Alban Bekteshi dhe Fadil Ademi, janë freskimet e reja në skuadrën e Hysit. Hysi që përforcimet e bëra tashme nuk do të lufton vetëm për ekzistencë, por synon katërshen e madhe. “Përforcimet që kemi sjellur dhe fondin që kemi në dispozicion na mundësojnë të luftojmë për katërshen e madhe”, është shprehur ditë më parë , Adil Vokrri trajner i Hysit. Ndërkohë skuadra tjetër debutuese Shqiponja K.S, për betejën pranveror do të mund të llogarisë edhe në: Artan Hajdarin, Filip Kocin, Driton Dreshajn, Astrit Hysenin dhe Enis Velia. Këto përforcime në radhët e Shqiponjës tregojnë se drejtuesit e kësaj skuadre kanë ambicie të larta. Ndërkohë kampioni vjeshtor Prishtina, radhët e veta i ka përforcuar vetëm një sulmues. Ertan Hasani nga Slloga Jugomagnat nga Shkupi, do të jetë pjesë e “bardhekalterve”. Kurse kampioni në fuqi, Besa e Pejës, ka rikthyer portierin Valmir Bytyçin, se fundit ish-portier i Shqiponja K.S. Trepça ’89, që është njëra nga skuadrat që synon titullin e kampionit ka huazuar nga Prishtina, sulmuesin e njohur Malsor Gjonbalajn. Një tjetër skuadër që ka forcuar radhët e veta në afatin dimëror është edhe Flamurtari i Prishtinës. “Kuqezinjtë” e Prishtinës, kanë angazhuar mesfushorin e Besianës, Bekim Isufin si dhe kanë huazuar nga Prishtina, Eduard Berishën. Ndërkaq Zeqir Hasi ish-futbollist i Drenicës dhe Bujar Seferi nga Fushë Kosova, në pjesën e dytë të garave do t’i bartin ngjyrat e KEK-ut. Tashmë është zyrtarizuar edhe kalimi i Ismet Ramushit në skuadrën e Vëllaznimit. Të kujtojmë se Ramushi në stinorin vjeshtor ishte anëtar i Trepçës ’89. Edhe 2 Korriku, e ka menduar për edicionin pranveror, kështu Valon Mjekiqi, Kastriot Gashi dhe Agron Breznica, janë anëtar të rinj të skuadrës së Fushë Kosovës, skuadër kjo që synon të inkuadrohet në elitën e futbollit. Arbëria është një tjetër skuadër që ka freskuar radhët e veta. Kastriot Leci i Kosovës së Prishtinës, do të jetë pjesë e skuadrës së Arbërisë. Ndërkaq lojtarët e papërcaktuar ende janë: Naser Prapashtica, Agron Bajgora, Burim Hashani, Muhamet Dragusha dhe Bashkim Arifi.
 

Kartoni i Nderim Nexhipit vlen 1 milion euro

Paraqitjet e mira në fanellën e Rabotniçki k., kanë bërë që udhëheqësia e klubit futbollistit shqiptar t’i ofrojë kontratë të re, e cila i skadon në verën e këtij viti. Ndërkohë, Hanoveri dhe Borusia Dortmund shprehin interesim për Nderim Nexhipi

Bujar KURTAJ

Udhëheqja e kampionit aktual Rabotniçki K., së shpejti pritet të ulet dhe t’i ofrojë kontratë të re njërit ndër futbollistët më të mirë të tyre, Nderim Nexhipi, të cilit kontrata i skadon në verë të këtij viti. E gjithë kjo erdhi pasi që në adresë të futbollistit shqiptar janë duke arritur oferta mjaft tërheqëse nga Bundesliga gjermane. “Udhëheqësia e klubit dëshiron që të vazhdojë kontratën. Këto ditë pritet të realizojmë takimin dhe do të shoh se çfarë kushte do të më ofrojnë. Nëse më ofrojnë kushte të mira dhe nëse nuk gjej ndonjë klub në Evropë atëherë do të vazhdojë kontratën, në të kundërtën do të jem i detyruar të kërkoj klub tjetër”, tha në bisedën tonë telefonike Nderim Nexhipi.
Pas Hanoverit, klubit të njohur gjerman që ka shprehur interesim për Nexhipin, interesim ka shprehur edhe ekipi Borusia Dortmund. Trajneri i Dortmundit është Jurgen Reber, i cili në kohën kur Nderim Nexhipi ka qenë anëtar i Herta Berlin ka qenë trajner dhe duke i ditur kualitetet e tij, ka dëshirë që ta sjellë në “Ëestafalen”.
Kontaktet e këtyre dy klubeve të njohura gjermane po shkojnë nëpërmjet klubit të Rabotniçki K., e jo me futbollistin shqiptar. Ndërkohë, nga klubi “romantik” kanë bërë të ditur se ai klub i cili dëshiron ta angazhojë futbollistin shqiptar duhet të paguajë 1 milion euro.
 

Minas Osmani nga Milano në Renovë

Skuadra xhepçishtase, KF Renova kishte paralajmëruar se do t’i fillojë këtë javë përforcimet. Të enjten në zyrat e klubit Minas Osmani nënshkroi marrëveshjen e re

Nga Bujar KURTAJ

Futbollisti i Milanos nga Kumanova, Minas Osmani (i lindur me 22 shkurt 1985), dhe anëtar standard i reprezentacionit të Maqedonisë U-21, nga e enjtja zyrtarisht është futbollist i ri në klubin e futbollit Renova. Edhe kryetari i klubit Ekrem Sadiku ka bërë të ditur se klubi ka arritur një marrëveshje me Osmanin. “Me kënaqësi të madhe deklaroj se arritëm marrëveshje me futbollistin cilësor Minas Osmanin dhe ai me fillimin e përgatitjeve do t’i bashkëngjitet ekipit tonë”.
Pas vënjes së firmës për xhepçishtasit, futbollisti Osmani tha: “Jam i lumtur që bëhem anëtar i një klubi siç është Renova. Dëshiroj të luaj në ekip që ka pretendime të larta. Do të mundohem të jap makimumin”, ja thënë Minas Osmani.
Futbollisti Minas Osmani është i pari i cili ka përforcuar skuadrën nga Xhepçishti në mini afatin kalimtar për futbollist. Sipas fjalëve të kryetarit Ekrem Sadiku gjatë ditës së sotme dhe të nesërme do të dihen edhe emrat e tjerë që priten të vijnë në klub: “Jemi në bisedime edhe me disa futbollistë të tjerë, por kur të zyrtarizohen kalimet e tyre në radhët tona, do të publikojmë dhe emrat e tyre”, tha Sadiku.
Që nga e enjtja ishte paralajmëruar se futbollisti Amir Aliju do të jetë lojtari i tretë i cili lirohet nga obligimet e klubit pas Goce Petrevskit dhe Nermin Fatiqit. Këtë e konfirmoi edhe drejtori i ekipit Renova, Lirim Saiti i cili tha se prej sot nga obligimet e mëtutjeshme të ekipit është liruar Amir Aliju”.
Ky futbollist 25 vjeçar karrierën sportive e ka filluar në ekipin e Flamurtarit nga Sedllarca e epërme, ndërsa më pas ka qene futbollist i Shkëndijës, në kohën kur trajner ishte Bilbil Sokoli dhe pastaj Burhan Beadini. Aliju një kohë të gjatë ka qenë edhe lojtar standard në ekipin Drita nga Bogovina. Amir Aliju ka disa oferta, por ende nuk ka vendosur për cilin klub do të përcaktohet.
Skuadra e Renovës, siç edhe kemi paralajmëruar më herët, me përgatitjet për sezonin pranveror do të fillon me 17 janar.
 

Sullah Sherifi / KF Gjilani si duket ka kaluar krizën financiare

Skuadra e KF Gjilani si duket sipas të gjitha gjasave nuk ka krizë; ajo këtë e ka kaluar falë disa njërzëve të vullnetit të mirë për ta ndihuar sportit gjilanas, e në veçanti Klubin e Futbollit Gjilani, anëtare e Superligës së Kosovës.
Gjilani qysh në fillim të kampionatit ishte në një krizë se as që është menduar se do të munde ti fillon garat. Mirëpo prap në ndihmë dolën disa kompani dhe nuk e lejuan të tërhiqet nga garat.

Donatorët

Kryetrajneri gjilanas, Sallah Sherifi ka deklaruar se klubi gjilanas si duket e ka thyer krizën e thellë finansiare dhe se gjithçka është duke shkuar mirë dhe pret tani vetëm riogranizimin e klubit.
“Gjilanasit gjithmonë janë treguar njerëz të vullnetit të mirë për sport, e në veçanti për futbollin. Klubit i kanë dalë në ndihmë disa donatorë dhe presim ti ndalin në ndihmë edhe disa të tjerë, kështu që skuadra të ketë një burim të sigurtë finansimi dhe në garat e stinorit pranveror të mendojmë vetëm për ndeshje”, ka deklaruar Sallah Sherifi, kryetrajner i Gjilanit.

20 Janari...

“Kemi mbajtur disa mbledhje, unë edhe zyrtarisht ia kam ftuar të gjithë futbollistët që data 20 janari do të jetë datë e grumbullimit të parë të futbollistëve për stinorin pranveror”, thotë ai.
Ndërsa sa i përket skuadres së Gjilanit, e cila gjatë afatit kalimtar (dimëror), nuk ka angazhuar asnjë futbollistë, Sherifi thotë: “Gjilani me këta futbollistë që ka në dispozicion do të mund të arrijë që të mbetet në ligë, mirëpo pretendimet tona janë më të larta, sepse kemi potencial dhe këtë e meritojmë”.

Një Gjilan më ndryshe

Kreytrajneri Sherifi thotë se me kthimin e disa futbolistëve të cilët në stinorin vjeshtor kanë qenë të lënduar dhe nuk kanë pasur mundësi që të japin kontributin e tyre, këtë herë ata këtë do ta bëjnë, sepse i kanë sajuar të gjitha lëndimet. “Në skuadër është rithyer dy futbollistët tanë Fidan Bajrami nga 2 Korriku i Prishtinës dhe mendojmë që ta kthejmë në skuadër edhe Armend Kastratin nga Flamurtari. Atëherë me të gjithë këta futbollistë si dhe me përgatitjet që do të bëjnë në vazhdim, skuadra e Gjilanit do ti prish shumë kujtë llogaritë sikurse gjatë stinorit të vjeshtës”, përfundon kryetrajneri Sallah Sherifi.
 

Alomeroviq, Jançevski largohen nga Bashkimi?!

Të hënën udhëheqësia e klubit kumanovar ka mbajtur takimin e shumëpritur me lojtarët, i cili disa herë u anulua. Pos asaj që lojtarët është dashur t’i marrin rrogat e ngelura, udhëheqësia e klubit është dashur të vendosë se cilët futbollistë do të largohen dhe cilët do të jenë përforcimet e reja. Sipas burimeve tona, nga klubi kanë kërkuar të largohen dy futbollistët më të mirë në pjesën e parë të sezonit, sulmuesi Boban Jançevski i cili është në testime në një klub evropian dhe Kemal Alomeroviq. Nga ana tjetër nga klubi më herët është larguar dhe Jeton Qerimi, i cili më tani është futbollist i Milanos po ashtu nga Kumanova. Sa u përket futbollistëve tjerë të cilët kanë kërkuar të largohen dhe janë në shënjestër të disa klubeve, do të vendosë udhëheqësia e klubit.
Ndërkohë, grumbullimin e parë trajneri kosovar Hysni Maxhuni do ta ketë më 20 janar, ndërsa më 4 ose 5 shkurt ekspedita do të shpërngulet në Banjat e Negorcit. Sipas asaj që kuptuam është se në ekipin kumanovar pritet të vijnë dy futbollist nga Kosova dhe dy nga Serbia.
 

Arben Zhjeçi / Titulli do të mbetet në kryeqytet

Kapiteni i Prishtinës, lidhur më fillimin e përgatitjeve për edicionin pranveror shprehet se skuadra do të jetë e gatshme për fillimin garave. “Dihet se faza e parë e përgatitjeve është faza më e vështirë për futbollistët. Ne do t’i qasemi seriozisht punës dhe se do të kryejmë më përpikëri planin e trajnerit që ka nisur nga dita e parë kur ka ardhur në Prishtinë”, - ka thënë Zhjeçi. “Ne do të jemi të gatshëm për fillimin e pjesës së dytë të garave dhe kam bindjen se edhe në pjesën e dytë do të vazhdojmë më lojë ofensive, jo sikurse ekipet tjera që praktikojnë lojën në mbrojtje, por ne vetëm do të sulmojmë dhe krahas kësaj rezultatet nuk do të mungojnë”. Zhjeçi thotë se synimet e klubit do të realizohen. “Ambiciet tona dihen, titulli i kampionit. Trepça është përforcuar, Besës i kanë ikur disa lojtarë, megjithatë janë tri-katër skuadra që do të luftojnë për titullin e kampionit, kështu që sa më shumë të këtë ekipe të mira kampionati do të jetë më interesante. Besoj se titulli i kampionit do të jetë në kryeqytet”, - ka thënë në fund Arben Zhjeçi kapiten i Prishtinës
 

Edmond Miha / Prioritet, talente nga shkolla e futbolli

Shkëndija’79 të hënën filloi përgatitjet për sezonin pranveror me ambicie shumë të mëdha. Kjo u vërejt në ditën e parë të stërvitjeve ku vërehej një optimizëm pozitiv prej stafit udhëheqës e deri te vet futbollistët. Shefi i stafit teknik Edmond Miha ishte tepër i kënaqur me atë që kanë punuar kryesia dhe drejtori sportiv në fazën parapërgatitore. Në ditën e parë të stërvitjeve ai tha se është dashur të fillojnë më herët dhe se për at e rëndësishme është se që kryesia ka punuar për të bërë një seleksionim akoma më të mirë për sa i përket skuadrës: “Ne kemi thënë gjithmonë se duam që të marrim disa lojtarë cilësor të cilët do të kontribuojnë dhe do të afrohen pranë Shkëndijës për të pasur një rezultat pozitiv”, deklaroi Miha.
Tekniku “kuqezi” edhe njëherë është shprehur se të gjithë futbollistët gjatë pushimit që kanë pasur kanë punuar me një program stërvitor për punë individuale me të vetmin qëllim që të ketë një gjendje pozitive për fazën që tani ka filluar.
Gjatë kësaj periudhe kur është edhe afati kalimtar i dimrit skuadra e Shkëndija’79 deri më tani është përforcuar me Dejan Dimitrovskin, Ace Toleskin, Elfat Bjaramin, Mite Maxhunarov, Blerim Ferati dhe Buranedin Musai Megjithatë tekniku kuqezi thotë se me siguri këto nuk do të jenë të fundit: ”Sa i përket skuadrës tonë përforcimet që kemi marrë dhe presim akoma të tjerë, sepse si kryesia ashtu edhe drejtori sportiv kanë interesim sa i përket lojtarëve profesionist. Shpresojmë që deri në përmbyllje të afatit kalimtar do të kemi akoma përforcime të reja”, shtoi më tej trajneri i Shkëndija ’79.
Por, si në sezonin vjeshtor ashtë edhe tani prioritet i shefit të stafit teknik do të jenë talentet që dalin nga shkolla e futbollit Shkëndija’79. ”Ajo që është më e rëndësishme dhe që del nga filozofia ime është që të mbështetemi në lojtarët e ri. Pra, mentaliteti dhe filozofia ime si trajner profesionist dëshiroj që të përkrahi lojtarët e ri të talentuar dhe të krijoj një kontribut dhe një bazë për skuadrën e Shkëndijës”, përfundoi Edmond Miha.
 

Agim Ademi / Kriza në klube nuk ka ndryshuar

Njëra ndër skuadrat e elitës së futbollit të Kosovës, Kosova e Prishtinës, e cila ka kohë që gjendet në një krize të thellë mbase e njëjta gjendje do të përcjell këtë skuadër edhe në pjesën e dytë të garave. “Kosovarët” e Prishtinës, të cilët stinorin vjeshtor e përfunduan në pozitën e fundit pas shijuar asnjë fitore në edicionin pranveror po thuaj se më të njëjtin fond do të rinisin garat. Sipas drejtuesve të klubit përgatitjet për betejën pranveror do të nisin më 20 janar. “Kriza e cila ishte në stinorin vjeshtor vazhdon të mbetet e njëjta. Nuk ka ndryshuar asgjë nga stinorin vjeshtor”, - është shprehur Agim Ademi kryetar i klubit. “Megjithatë skuadra do të nis më 20 janar përgatitjet për garat pranveror. Fondi i lojtarëve po thuaj se është i njëjtë duke llogaritur se kemi rikthyer në skuadër ish tre futbollistët tonë Agim Maliqin, Kiden dhe Lutën”. Lidhur më fillimin e përgatitjeve Ademi thotë se “fillimisht stërvitjet do t’i zhvillojmë në ndonjë salle, e më pas ndoshta disa ditë të përgatitjeve do t’i zhvillojmë në Pogradec”, - ka thënë Ademi. Ndërkaq lidhur më postin e kryetrajnerit të klubit Ademi pohon se shpejti do të vendoset për timonierin e klubit. “Sot do të mbajmë një mbledhje ku edhe do të vendoset për postin e kryetrajnerit të klubit. Se a do të vazhdon punën e tij edhe më tutje Mehmet Fetahu-Meksa, apo do të ketë trajner të ri në klube kjo do të përcaktohet në mbledhjen e sotëm”, - ka vënë në pah Ademi. Kosova e Prishtinës, që ka mbledhur vetëm dy pikë në renditjen tabelore dhe pa stadium të vetin do ta këtë shumë vështirë të shpëton nga më e keqja. “Ne do të vazhdojmë garat në Superlige. Se cilat do të jenë rezultatet mbetet të shihet gjatë garave kampionale. Ndeshjet sigurisht se do t’i zhvillojmë në stadiumin e Flamurtarit ose nëse do të këtë renovime të terrenit afër Fakultetit të Mjekësisë”, - ka thënë në fund Agim Ademi kryetar i klubit.
 

Prej së enjtes do të punohet nga dy herë në ditë

Shkëndija ’79 edhe në ditën e tretë të përgatitjeve është duke punuar me një seriozitet të madh vetëm e vetëm që të arrijë qëllimet e veta që të jetë sa më i përgatitur. Në seancën e parë për shkaqe mungoi Festim Ademi dhe Bilall Velija, i cili është i lënduar dhe mund të mungon disa ditë. Nga dita e sotme seancat stërvitore do të zhvillohen dy herë në ditë. Në ditën e parë do të punohet në ngritjen e peshave dhe në aerobik, ndërsa në seancën e pasdites punohet në teren të hapur. Njëri ndër lojtarët më me përvojë në ekipin “kuqezi” pa dyshim se është portieri Armend Elezi. Ai për fillimin e përgatitjeve deklaroi: “Kemi filluar ashtu siç e kishte planifikuar shefi i stafit teknik. Ajo që vërehet në seancat e para stërvitore është se të gjithë futbollistët kanë vullnet për punë dhe kjo është mjaft pozitive pasi nuk kemi ndonjë ngarkesë tjetër që mund të jetë pengesë”.
Në skuadrën e Shkëndijës siç kemi theksuar edhe më parë kanë ardhur tre futbollistë të rinj, Ace Toleski, Dejan Dimitrovski dhe Elfat Bajrami, por me gjasa reale që të mbeten në ekipin e Shkëndijës janë edhe Mite Maxhunarov dhe Blerimi Ferati.
“Ekipi i Shkëndija ‘79 është ekipi mjaft i organizuar dhe ka qëllime serioze. Është duke u punuar në mënyrë profesionale që është edhe më e rëndësishmja në këto momente. Unë personalisht dhe shokët e mi jemi të përkrahur mjaft mirë si nga udhëheqësia ashtu edhe nga stafi teknik dhe bashkëlojtarët”, deklaroi Ace Toleski.
Sa i përket Burhan Emurllahut i cili vazhdon me stërvitjet në ekipin e Vardarit, nga udhëheqësia e klubit tani për tani nuk ka asnjë reagim zyrtar pos asaj që është thënë edhe më parë se ai nuk ka leje për kalim te Vardari.
 

Boban Jançveski: Nuk kthehem më tek Bashkimi

Kalimi i Boban Jançevskit te Inter Baku i Azerbajxhanit ka dështuar edhe pse ai ishte ne prova te kjo skuadër në përgatitjet që kjo e fundit po zhvillon në Turqi. Arsyet e këtij dështimi nuk janë bërë të njohura. Pas këtij mosrealizimi të një marrëveshjeje, Jançveski është vënë caku i interesimeve nga skuadra të Bullgarisë dhe Greqisë. Ai gjithashtu ka mohuar zërat se mundë të kthehet në skuadrën e Bashkimit. “Nuk planifikoj më të luaj në Maqedoni. Do të aktivizohem diku jashtë. Edhe pse ka dështuar marrëveshja me Inter Baku, jam në bisedime me disa skuadra tjera”, tha Jançveski.
 

Nermin Fatiq dhe Zoran Miserdovski rikthehen në Kumanovë

Nermin Fatiq dhe Zoran Miserdovski do të rikthehen në ekipin e Bashkimit. Fatiq pas një sezoni e gjysmë në Renovë sërish do të kthehet në ekipin kumanovar, prej ku edhe shkoi në ekipin nga Xhepçishti. Ndërkohë Zoran Miserdovski i cili nuk u gjend mirë në ekipin e Rabotniçki K., nëse nuk gjen ndonjë klub jashtë kufijve me siguri se do të kthehet në ekipin e Bashkimit. Të dy pritet që të hënën t’i bashkëngjiten pjesës tjetër të ekipit.
 

Labinot Qosja lirohet nga obligimet e klubit

Skuadra e Xhepçishtit, Renova ka mbetur pa portierin e parë Labinot Qosen, i cili edhe nuk është paraqitur në seancat e para stërvitore. “Është e vërtetë se portieri Labinot Qosja është liruar nga obligimet e klubit”, tha kryetari Ekrem Sadiku. Për shkaqet për të cilat është liruar nga obligimet e mëtutjeshme të klubit, kryetarit Ekrem Sadiku tha: “Ai nuk është paraqitur në stërvitjet e para, kur filluan përgatitjet pa asnjë arsyetim, ndaj edhe ky është vendim i klubit që ai të lirohet nga obligimet e mëtutjeshme”. U munduam që të marrim edhe prononcimin e portierit Labinot Qosa, por ai ishte e pa kapshëm. Sipas informacioneve që kemi ai tani gjendet në Prishtinë, pasi vendimi i klubit është definitiv që ai të lirohet nga obligimet që ka pasur në KF Renov