Kampionati botëror i motoçiklizmit ka ndryshuar shumë. Nuk janë emrat e pilotëve ata që kanë ndryshuar, pasi 90% e tyre janë të njëjtët me sezonin e kaluar, pjesa tjetër që ka ndryshuar pa dyshim që nuk ndikon shumë. Nëse do të fillojmë të flasim për ndryshimet, do ta nisim nga kjo pistë që asnjëherë nuk ka pasur "nderin" për të hapur këtë kampionat.
Shkretëtira: Organizatorët e kësaj gare janë shumë optimistë për këtë ndryshim që ka ndodhur. Këtë gjë e tregon mjaft mirë fakti që ata kanë shtuar këtë javë një tribunë të re dhe dy ekrane të mëdha, ku tifozët mund të ndjekin vazhdimësinë e garës, edhe pse janë të pranishëm në pistë. Me sa duket po përpiqen të tërheqin sa më shumë publikun dhe të imitojnë pistën e Jerezit, ku në fillim të sezonit të kaluar, organizatorët nuk kishin vende për të plotësuar publikun, i cili kërkonte të ishte i pranishëm në pistë. Megjithatë në Katar janë sheikët që udhëheqin dhe që në të njëjtën kohë paguajnë para. "Megjithatë është edhe dielli dhe një pistë shumë e bukur dhe impenjative," shton Valentino Rosi. Vlen për t'u theksuar se shkretëtira nuk gjendet vetëm jashtë kësaj piste, por edhe brenda në rrugën e bokseve. Aty nuk gjenden tifozë që të kërkojnë në çdo moment autografe dhe fotografë që shkrepin në çdo hap të pilotit aparatët e tyre.
Motorët: Në këtë sezon të gjithë do të zbulojnë motorët e rinj 800cc. Ky motor është krijuar për të rritur më shumë sigurinëm, pra për të qenë më pak të shpejtë se paraardhësit e tyre 1000cc. Një ditë më parë, përgjegjësi i elektronikës për Yamahan, Masao Furusva, ka deklaruar: "Gjatë testimeve pamë se këta motorë ishin më të shpejtë se paraardhësit e tyre." Me sa duket, masat që kishte marrë FIM i (Federata Ndërkombëtare e Automobilizmit) dështuan. Megjithatë nuk duket se gjithçka është kështu, për këtë mjafton të dëgjosh Valentinon. "Jam i sigurt se këto goma, me pjesët e reja elektronike, do të na lejonin të ishim akoma më të shpejtë me motorët e vjetër." Me sa duket, është bërë një lëvizje e ekuilibruar.
Karburanti: Rosi duket se ka më shumë dyshime në konsumin e karburantit të këtyre motorëve. "Nuk e di se çfarë do të ndodhë, pasi jemi me të vërtetë drejt limiteve të serbatorit. Në këtë sezon ai është zvogëluar, nga 22 litërsh në 21." Përkrah tij është Niki Heiden, i cili e merr me të qeshur. "Mendoj se Honda ka punuar shumë për të mos pasur probleme në këtë sektor." Optimist për këtë gjë duket edhe italiani i Ducatit, Loris Kapirosi. "Në fillim nuk e kishim menduar kështu, megjithatë mund të them se jemi drejt limiteve."
Gomat: Pikëpyetja më e madhe pa dyshim që ka lidhje me gomat. Me rregulloren e re që ka ndryshuar, pilotët do të kenë në dispozicion 31 goma për të përdorur gjatë tri ditëve të fundjavës së garës, 14 goma të parme dhe 17 të pasme, ndërkohë që gomat e shiut janë të përjashtuara nga ky numërim (në sezonin 2006 nuk kishte limit për këtë gjë). "Më pëlqen ky ndryshim, thotë Kapirosi. janë përzier letrat dhe mund të them se për herë të parë kemi mundësi të kemi avantazh ndaj atyre që përdorin gomat Michelin." Lorisi dhe Melandri nuk po arrijnë të gjejnë një tip gomash Bridgestone, të cilat të japin xhiro të shpejta menjëherë. Për këtë arsye mendohet që do të përdorin në prova goma, të cilat janë testuar më parë. "Me gomat e përdorura, ne fitojmë 2 të dhjetat dhe ndoshta me këtë kohë përmirëson edhe vendin e renditjes në nisje."
Praktike: Rosi është munduar të shpjegojë strategjinë bazë në lidhje me rregulloren e re. "Kemi në dispozicion 3 goma të pasme në 5 ditë të ndryshme. Vetëm një tip përdoret në raste ekstreme kur temperaturat janë shumë të larta, ndërsa tipet e tjera kanë karakteristika të ngjashme. E bukura e këtij ndryshimi në rregullore është fakti se kemi disa tipe gomash që përdoren në kushte të ndryshme klimaterike. Një ndryshim i duhur, megjithatë për mua do të ishte mirë sikur të përdorej vetëm një firmë gomash, vetëm Michelini."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------