Fernando Alonso duket qartë që kërkon të "hakmerret". Pasi është mundur nga Majkëll Shumaker dhe Ferrari në garën e "shtëpisë" së Renault së dhe të Michelinit, kampioni i botës në fuqi kërkon me çdo kusht të fitojë në garën e kësaj fundjave në Hokenhaim. Kjo është për më shumë gara e "shtëpisë" për Majkëll Shumakerin. "Fitorja në Gjermani do të ishte akoma më pozitive për mua, pasi do ta godiste Majkëllin nga ana psikologjike," ka deklaruar Alonso në prag të garës së 13 të të këtij sezoni. "Ndihem shumë optimist. Në fazën e parë të këtij sezoni kemi qenë shumë të fortë dhe tashmë na mbetet ta përfundojmë siç duhet këtë sezon. Renault ja është gati dhe unë jam gati. Besoj se sezoni 2006 do të përfundojë në të njëjtën mënyrë që filloi," ka shtuar piloti spanjoll.
Nga ana tjetër, Majkëll Shumaker në prag të kësaj gare ka bërë të ditur se për përmbysjen e rezultatit nuk duhet ndonjë mrekulli. "Shpirti ynë luftarak është zgjuar, duam titullin kampion. Eshtë e vërtetë që më duhet të rikuperoj 17 pikë, por në Formulën 1 gjërat ndryshojnë shumë shpejt. Në të njëjtën kohë duhet të vëmë kundërshtarët nën presion dhe të fitojmë terren duke fituar garat. Nëse do t'ia dalim mbanë, sigurisht që gjërat do të ndryshojnë. Ndoshta mund ta rihapim çështjen e kampionatit edhe më shpejt dhe ta bëjmë këtë sezon edhe më interesant."
Për sa i përket garës, Majkëlli kërkon të zhvillojë të paktën provat e lira të ditës së premte, për të bërë një premtim për tifozët që do ta presin në Hokenhaim. "Për një gjë jam i sigurt 100%, dua të largohem nga Hokenhaimi si fitues, ashtu siç ndodhi në Amerikë dhe në Francë."
Dje tifozët e Nyrbyrgringut dhe të Hokenhaimit në një zë kanë deklaruar që të paktën të respektohen kontratat aktuale që kanë këto pista me Berni Eklestonin. Ka kohë që FIA dhe pronari i Formulës 1 po kërkojnë që Gjermania të zhvillojë vetëm një garë duke filluar që nga sezoni 2007. Organizatorët e këtyre dy garave, në këtë fundjavë do të fillojnë diskutimet për të ardhmen.





 

Per momentin FERRARI eshte dominant!
Alonso do ta ket veshtir nga pozicioni i startit shtate te bej ndonje befasi.
 

Nuk e  pash garen    se isha ne plazh , ama mu be qefi qe fitoj perseri Schumi  

Alonso mire do ishte tani qe te vinte bast per Schumin    

Alonso: Vë bast për Rosin, por jo për Shumin

Endi Tufa


 "Do të vendosja 100 euro bast që Rosi mund të fitojë titullin kampion në këtë sezon, ndërsa për Majkëll Shumakerin nuk do ta bëja një gjë të tillë. E përsëris se edhe për këtë garë, objektivi im do të jetë fitorja," ka thënë kampioni i botës, Fernando Alonso. Edhe pse makina e tij nuk po arrin të paraqitet mirë në provat e lira dhe zyrtare, Alonso ka besim për këtë garë. Diferencën prej 1.5 sekondash nga Ferrari spanjolli e ka shpjeguar: "Kur filluam të xhironim në pistë, kishte rënë shi dhe asfalti nuk ishte i tharë. Sigurisht, nëse do të kishim zhvilluar më shumë xhiro, do të kishim regjistruar një kohë më të shpejtë. Stacionet meteorologjike thonë se nuk do të bjerë më shi, përkundrazi, do të jetë nxehtë sot në garë. Nëse ndodh kështu, ne do të jemi më të avantazhuar." Alonso më pas ka shtuar se kjo vonesë e tij në xhirot e shpejta, nuk ka ardhur si rrjedhojë e mungesës së amortizatorit të ri, i cili ulte dridhjet e makinës. "Ai nuk ka ndikuar, megjithatë nuk ka shumë diferencë. Atë nuk e kishim as në testimet e fundit që zhvilluam në Jerez." Atëherë duket se ka një problem tjetër te makinat Renault, edhe pse Alonso përpiqet të justifikojë. "Për momentin nuk jam i shqetësuar. Sigurisht, nuk mund të jem akoma aq optimist sa isha përpara kësaj fundjave, por edhe i shqetësuar nuk jam. Diferenca ime me Shumin është ende e madhe. Nëse do të kisha 4 apo 8 pikë avantazh ndaj tij, atëherë do të filloja të frikësohesha. Diferenca jonë vazhdon të jetë 17 pikë dhe unë ndihem akoma i qetë." Gjithsesi, Alonso pranon: "Nuk kemi më potencialin e dominuesve si në fillim të kampionatit, duhet të përmirësohemi ende, sepse Ferrari na ka kaluar. Duket qartë se ata e përmirësojnë makinën më shpejt se ne. Megjithatë, nuk mund të akuzoj askënd në skuadrën time, sepse e di që të gjithë po japin maksimumin."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Majkëll Shumaker dhe Felipe Masa kanë arritur dje në Hokenhaim të Gjermanisë një tjetër fitore dyshe

 Rikthehen "jashtëtokësorët" e Formulës 1

Endi Tufa


 Fitorja e pestë dhe e dyta dyshe në këtë sezon për skuderinë e Ferrarit është arritur dje në Hokenhaim të Gjermanisë. Në këtë pistë, skuderia nga Maranelo ka regjistruar fitoren e saj të 19 të, duke e çuar në total 188 numrin e fitoreve në 735 gara të zhvilluara. Për Majkëll Shumakerin, kjo ka qenë fitorja e 89 të në 244 gara të zhvilluara dhe e katërta në këtë pistë. Në përfundim të kësaj gare, shtatë herë kampioni i botës, Majkëll Shumaker, ka deklaruar: "Ishte e mrekullueshme dhe nuk po arrij të gjej fjalët e duhura për ta përshkruar këtë rezultat. Motori, gomat dhe makina ishin të kombinuara në mënyrë perfekte. Punuam shumë gjatë testimeve të javës së kaluar në pistën franceze të Pol Rikardit dhe në garën e Hokenhaimit erdhën rezultatet. Dua të përgëzoj me këtë rast edhe Felipe Masën, i cili zhvilloi një garë me të vërtetë të bukur. Ishte shumë e rëndësishme për ne që të rikuperonim sa më shumë pikë ndaj rivalëve që kemi në luftën për titullin kampion. Nuk kemi pasur asnjë problem gjatë gjithë kësaj fundjave. Tashmë lufta për titujt kampion është e hapur. Kanë mbetur ende edhe 6 gara dhe ne do të kemi mundësi t'i vëmë akoma më shumë nën presion ata që kemi përpara në klasifikim. Kam shumë besim te vetja dhe te skuadra për garat e ardhshme, i pres me padurim," ka përfunduar Majkëll Shumaker. Ndërkohë, shoku i tij i skuadrës, Felipe Masa, u rendit i dyti në garën e Hokenhaimit. Në përfundim të saj, ai tha: "E kemi bërë punën tonë më mirë nga ç'e kishim menduar në prag të kësaj gare. Që ditën e shtunë, gjatë provave zyrtare, vura re se ishim shumë në formë dhe se gjithçka funksiononte në mënyrë perfekte. E kisha parashikuar këtë fitore. Gjithçka shkoi mirë, nga nisja te "pit stopet". Tashmë është e rëndësishme të vazhdojmë të mbajmë këto ritme dhe të rikuperojmë në klasifikim. Shpresoj të përsërisim edhe në Budapest këtë rezultat." Mjaft i kënaqur për këtë fitore është shprehur edhe drejtori teknik i Ferrarit, Ros Braun. "Eshtë e vështirë të mendosh për një rezultat më të mirë. Makinat tona ishin perfekte së bashku me gomat Bridgestone. Gjithçka funksionoi sipas parashikimeve. Kur pamë Kimin të futej aq shpejt në bokse, menduam se gjithçka do të shkonte shumë mirë për ne. Në garat e fundit kemi ndryshuar disa gjëra në makinë dhe ky është fryt i një pune të madhe që bëhet në skuderinë tonë," ka përfunduar Brauni.

Todt: Një rezultat i ëndërruar
Po kaq e bukur ka qenë dhe për Zhan Todtin fitorja në Hokenhaim. Drejtori i përgjithshëm i Ferrarit menjëherë pas saj ka deklaruar: "Ishte një rezultat që e kishim ëndërruar. Gara kaloi pa probleme, makina, pilotët dhe gomat ishin perfekt. Nuk do ta harroj shpejt këtë ditë, pasi kam parë në podium tre pilotët e mi të preferuar. Nga e hëna do të fillojmë të mendojmë për garën e radhës në Budapest. Gjithmonë e kishim thënë, derisa matematika të na lejonte të pretendonim për titullin, ne do të luftonim. Gjatë gjithë kësaj periudhe kemi menduar për objektivat tanë."

Ekleston: Hokenhaimi nuk do të jetë në 2007 n
Në një gazetë gjermane të ditës së diel, Berni Ekleston ka deklaruar se Hokenhaimi nuk do të organizojë një Çmim të Madh në sezonin e ardhshëm. "Kemi shumë kërkesa nga shtete të ndryshme që duan të organizojnë gara dhe nuk mund t'ua lejojmë më luksin disa vendeve të tjera të zhvillojnë dy gara," ka deklaruar Eklestoni në faqet e gazetës "Bild am Sonntag". Vitin e ardhshëm do të jetë vetëm Nyrbyrgringu pista që do të organizojë një Çmim të Madh në Gjermani, ndërsa Hokenhaimi mund të rikthehet më 2008 n. Gjithsesi, gjërat do të zyrtarizohen brenda muajit shtator.


 
Pilotët e skuderisë franceze kanë bërë të ditur se e kishin të pamundur të luftonin "kokëkuqen" në Hokenhaim

Renault: Ferrari po bëhet i frikshëm



 Ka shkuar ashtu siç ishte parashikuar për Renault në gara e Gjermanisë. Pilotët e saj nuk kanë mundur të bënin asgjë kundrejt Ferrarit këtë fundjavë në Hokenhaim. Kampioni i botës, Fernando Alonso, është renditur në vendin e pestë, ndërkohë që shoku i tij i skuadrës, Xhankarlo Fizikela, në vendin e gjashtë. Në përfundim të kësaj gare, spanjolli ka deklaruar: "Nuk kemi arritur të ishim kompetitivë gjatë gjithë kësaj fundjave, megjithatë dhashë maksimumin. Bëra një nisje të mirë dhe arrita të kaloja të dyja makinat Honda, por kisha shumë probleme me gomat dhe nuk po mbaja një ritëm të lartë. Makina sillej më mirë në sektorin e dytë dhe të tretë, për këtë arsye përpiqesha të mbaja atë pozicion në fund të garës, kur bëra edhe një gabim. Në këtë garë nuk kishim potencialin e duhur për të mbajtur ritmin e Ferrarit. Tashmë na duhet të mendojmë dhe të punojmë shumë për garën e ardhshme të Hungarisë," ka përfunduar Alonso. Ndërsa, Xhankarlo Fizikela, piloti italian i skuderisë Renault, ka deklaruar: "Kishim shumë probleme me gomat. Edhe pse kishin kaluar vetëm pak xhiro nga fillimi i garës, makina filloi të bëhej shumë e vështirë për t'u pilotuar. Na duhet të punojmë shumë dhe të gjejmë se ku e kishim problemin. Duhet të mendojmë për një rezultat më të mirë në Budapest," ka përfunduar Fizikela.

Briatore shtyn vendimin për të ardhmen
Një zëdhënës për shtyp i skuderisë Renault ka deklaruar dje në Hokenhaim, se Flavio Briatore nuk ka ndër mend të bëjë të ditur vendimin për të ardhmen në këtë fundjavë. "Nuk kemi një plan të tillë," ka thënë zëdhënësi për shtyp i skuderisë Renault, Bradlei Lord. Kontrata e menaxherit të përgjithshëm të Renault së skadon në fund të këtij sezoni dhe deri tani ai nuk ka bërë të ditur ndonjë mundësi për ta shtyrë atë.

Raikonen: Kisha probleme me makinën
Kimi Raikonen e filloi garën e djeshme nga "poli" dhe e përfundoi në vendin e tretë. Një rezultat i kënaqshëm ky për skuderinë McLaren dhe për pilotin finlandez. Menjëherë pas përfundimit të garës, ai ka deklaruar: "Në përfundim të garës vura re se makina kishte disa probleme, sepse po humbiste shpejtësinë. Një problem të tillë e kishim gjatë gjithë garës. Megjithatë, dua të përmend se ndoshta edhe strategjia nuk ishte e duhura. Ndoshta nuk e llogaritëm mirë karburantin që kisha në serbator. Me fjalë të tjera, edhe në këtë garë isha i pafat," ka përfunduar Kimi Raikonen.

Çmimi i Madh i Gjermanisë

1. M.Shumaker Ferrari
2. F.Masa Ferrari
3. K.Raikonen McLaren
4. Xh.Baton Honda
5. F.Alonso Renault
6. Xh.Fizikela Renault
7. J.Truli Toyota
8. K.Klin RedBull

Pilotët

1. F.Alonso 100 p
2. M.Shumaker 89
3. F.Masa 50
4. Xh.Fizikela 49
5. K.Raikonen 49
6. H.P.Montoja 26
7. Xh.Baton 21
8. R.Barrikelo 16
9. R.Shumaker 13
10. N.Haidfeld 13
11. D.Kulthard 10
12. J.Truli 10
13. Zh.Villnëv 7
14. M.Veber 6
15. N.Rosberg 4
16. P. de la Roza 2
17. K.Klin 2
18. V.Liuci 1

Konstruktorët

1. Renault 149 p
2. Ferrari 139
3. McLaren 77
4. Honda 37
5. Toyota 23
6. BMW 20
7. RedBull 12
8. Williams 10
9. Toro Rosso 1
 

Shtatë herë kampioni i botës mund të shpallet kampion, pavarësisht nga rezultati i Alonsos

 Shumi: Më mjaftojnë fitoret e mia

Endi Tufa


 "Tani mund ta fitoj titullin vetëm, më mjaftojnë vetëm fitoret e mia!" Këtë frazë e ka përsëritur disa herë Majkëll Shumaker pas fitores së fundjavës së kaluar në Hokenhaim. Kishte shumë kohë që nuk e shihnim të ekzaltohej në atë mënyrë. Brohoriste dhe përshëndeste të gjithë turmën që e shoqëroi në tribunat e pistës dhe skuadrën. Nga radio e skuderisë ku ai komunikon gjatë gjithë garës me drejtuesit, është dëgjuar një frazë: "Kampionati është rikthyer në duart tona." Edhe pse zëri nuk ishte shumë i qartë, mesazhi tregonte gjithçka. "Gara e ishte e mrekullueshme, kanë qenë fjalët e parë të Majkëll Shumakerit pas garës së Hokenhaimit. Kjo ka qenë fitorja ime e 70 të me Ferrarin dhe më bëhet shumë qejfi që e arrita përpara publikut të "shtëpisë" sime. Përveç këtij fakti dua të them se jam shumë i kënaqur, gjithashtu që mund ta reduktoj akoma më shumë diferencën me Fernando Alonson."
E kishit menduar se do të rikuperonit kaq shpejt?
Shpresoja. Të them të drejtën, mendoja që përveç Masës të dilte edhe dikush tjetër, i cili të linte prapa Alonson. Kështu ndodhi, në një pikë të garës më thanë se ishte edhe jashtë zonës së pikëve. Gjithsesi, nëse do të pretendoja një gjë të tillë, do të ishte shumë.
Edhe këtë herë u panë dy Ferrari njëra pas tjetrës që kalonin vijën e finishit si në kohët e arta.
Me të vërtetë kjo ishte një fundjavë e mrekullueshme. Që pas testimeve që zhvilluam në Kastelet të Francës, kuptuam se ishim në një formë shumë të mirë. Më në fund kemi një paketë që funksionon shumë mirë. Në ndryshim nga gara e Manji Kurit, në Hokenhaim më bëri shumë përshtypje diferenca që kishim me makinat e tjera. Në Francë beteja jonë ishte më e drejtpërdrejtë, pasi edhe Alonso e përfundoi garën në vendin e dytë.
Ndërsa në Hokenhaim...
Ishim shumë më të shpejtë. Për asnjë moment nuk patëm ndonjë problem që të na shqetësonte. Që nga "pit stopi" i parë dhe më pas, unë me Masën e kontrolluam lehtësisht garën. Vetëm duhet të kishim kujdes te papastërtitë që ishin futur në pistë, sidomos në fundin e pjesës së drejtë. Duhej të kishim kujdes, sepse që të dy kishim zgjedhur goma të buta. I zgjodhi i pari Felipe, i cili duhet përmendur se po bën një punë të mrekullueshme.
Diferenca me Alonson tashmë ka shkuar në 11 pikë. Nuk ju duket diçka e mrekullueshme po të mendoni se pas garës së Kanadasë kishit 25 pikë diferencë?
Nuk e kisha imagjinuar ndonjëherë të arrija të fitoja në tri gara radhazi. Nëpërmjet radios, inxhinieri im më tha se nëse do të arrij të fitoj edhe gjashtë garat e mbetura nga ky sezon, do të shpallem kampion bote, pavarësisht nga rezultati që mund të arrijë Alonso. Sigurisht, që të mendoj se mund t'i fitoj të gjitha garat e mbetura, më duket disi e ekzagjeruar, por thjesht ideja më pëlqen dhe më entuziazmon. Jam i sigurt se kampionati mund të vendoset pas dy apo tri garave. Po me kaq siguri mund të them se do të fitoj më shumë se dy pikë për garë ndaj Alonsos.
Kur keni fituar këtu, në vitet 1995, 2002 dhe 2004, më pas jeni shpallur kampion bote.
Nëse duhet ta marr si një urim këtë gjë, më bëhet shumë qejfi. E diela ka qenë një ditë feste për mua dhe për të gjithë tifozët që kishin ardhur për të më mbështetur nëpër tribunat e pistës. Edhe në Itali është festuar, pasi ky vend, që pas fitimit të titullit kampion në futboll, po vazhdon të korrë suksese në të gjitha sportet. Kur kam zhvilluar xhiron e përshëndetjes në Hokenhaim, u ndjeva me të vërtetë shumë i emocionuar.
Në garën e Hokenhaimit të këtij viti ka pasur një rënie të madhe të tifozëve. Sipas organizatorëve, në tri ditët e garës kanë qenë të pranishëm 118 mijë, kundrejt 140 apo 150 mijë që kanë qenë vitet e shkuara. Si mendoni?
Një gjë të tillë e vura re edhe unë, gjithsesi për më shumë besoj se do t'ju sqarojë Eklestoni.

Vili Veber (menaxheri i Majkëllit)
Unë jam me të vërtetë menaxheri i tij, por mbi të gjitha jam edhe mik i Majkëllit. Nëse ai do të fitonte në këtë sezon titullin e tetë kampion, atëherë do t'i këshilloja të largohej nga ky sport. Do të ishte pikërisht ky momenti i duhur.

Majkëll Shumaker
Më ka befasuar avantazhi që kisha ndaj Renault së. Në Francë dueli ynë ishte më i ekuilibruar, ndërsa këtu jo. Tani jam i bindur se në këto gara të mbetura, do të arrij t'i fitoj Alonsos më shumë se dy pikë për garë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

E po me te vertete eshte bere shume interesante gara!
Shpresoj se Shumi edhe garen e ardhshme ne kete fundjav ta fitoj!!!!
FORCA FERRARI!!! GO SHUMI!!!!!
 

Forza Schumi
 




____________
Galeria Shqiptare Direktoria Shqiptare Kërko në Google

Te gjithe me Schumin jemi ne  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------