Ditën e diel do të zhvillohet për të 21 n herë Çmimi i Madh i Hungarisë. Kjo pistë ndodhet në kalendarin e Formulës 1 që nga viti 1986 dhe që atëherë gara është zhvilluar në pistën e Hungaroringut. Pista ka qenë e gjatë 4.041 metra, ndërsa aktualisht është 4,381. Fituesi i parë i këtij Çmimit të Madh ka qenë Nelson Pike me makinën Williams, ndërsa i fundit ka qenë Kimi Raikonen me McLaren, në sezonin e kaluar. Gjithsej janë 11 pilotë që e kanë fituar këtë garë, të gjithë përveç Raikonenit, Butsenit dhe Barrikelos janë shpallur më pas kampion bote. Për sa i përket numrit të fitoreve, është Majkëll Shumaker ai që ka më shumë, katër të tilla, i ndjekur nga Sena me 3 dhe nga Pike, Hill, Villnëv dhe Hakinen me nga 2 fitore. Për sa u përket sukseseve që kanë pasur skuderitë, është Williams i që mban rekordin me 7 fitore. Ai lë prapa McLaren in me 6 dhe Ferrarin me 5.
Pikërisht në këtë pistë, në vitin 2003, Fernando Alonso ka arritur fitoren e parë në karrierën e tij si pilot i Formulës 1. Së bashku me këtë fitore, ai ka vendosur rekordin e fituesit më të ri të një gare. Fitoren e parë në karrierë në këtë pistë e ka arritur edhe Demon Hill në vitin 1993 me Williams in, ndërsa Butseni ka regjistruar fitoren e tij të fundit në karrierë, pikërisht në Hungaroring po me skuderinë Williams në vitin 1990. Për sa u përket "pole position" eve, është Majkëll Shumaker ai që mban rekordin, me 7 të tilla (Në 1994, '96, '97, '00, '01, '04 dhe '05). Prapa tij renditet Airton Sena me 3 "pole" dhe Patreze me Hakinenin me nga dy. Edhe për konstruktorë është Ferrari që ka regjistruar më shumë "pole", 7 të tillë. Prapa skuadrës nga Maranelo renditet Williams i me 6 dhe McLaren i me 4. Në Hungaroring, Patreze ka regjistruar polin e 8 të dhe të fundit në karrierë në vitin 1992, me Williams, ndërsa Butseni ka regjistruar të parin dhe të vetmin në vitin 1990 me Williams-in. Edhe në xhirot më të shpejta gjatë garës, është Majkëll Shumaker ai që mban rekordin me 4 të tilla (në vitet 1994, 1998, 2002 dhe 2004). Prapa tij renditet Pike, Prost, Mansell, Hakinen dhe Hill me nga dy. Për sa u përket konstruktorëve, është Williams-i që kryeson renditjen me 9 xhiro të shpejta. Prapa tij gjendet McLaren i me 5 dhe Ferrari me 4. Në vitin 1996, Demon Hill ka regjistruar xhiron e tij të 19 të dhe të fundit më të shpejtë në karrierën e tij, të njëjtën gjë ka bërë edhe Hakineni në vitin 2001 me McLaren. Ndërsa në vitin 1991, belgu Beltran Gashot ka regjistruar xhiron e parë dhe të fundit të shpejtë në karrierën e tij, me një makinë Jordan.
Për sa u përket podiumeve, është Airton Sena ai që dominon së bashku me Majkëll Shumakerin me nga 7 të tillë. Piloti brazilian i ka arritur këto pode në 7 vite radhazi (1986, '87, '88, '89, '90, 91 dhe '92). Prapa tyre renditet britaniku Demon Hill me 5 podiume së bashku me Devid Kulthardin. Për sa u përket skuadrave, është Williams i që ka marrë më shumë podiume, 16, e ndjekur nga McLaren i dhe Ferrari me nga 13.

Williams: Në 2007 n, me Vurzin dhe Rosbergun
Në një kohë kur pritet nëse BMW ja do të mbajë Robert Kubikën si pilot kolaudator apo do ta kalojë si pilot zyrtar, është një tjetër pilot, i cili që dje ka inaguruar sezonin e ardhshëm. Bëhet fjalë për Aleksandër Vurzin. Ai do të garojë në sezonin e ardhshëm me skuderinë Williams, e cila nga 2007 ta do të përdorë motorët Toyota. Përkrah tij do të jetë i riu Niko Rosberg dhe si rrjedhojë nuk do të jetë më australiani Mark Veber. 32 vjeçari Vurz cilësohet si një pilot me eksperiencë. Ai ka disa vite që punon si kolaudatori i skuderisë McLaren. Menjëherë ka reaguar Mark Veber, i cili pas këtij lajmi u ka kërkuar drejtuesve të skuderisë dy javë për të reflektuar. Kjo kërkesë e australianit ka lënë në mes zyrtarizimin e kontratës me Vurzin, një gjest që ka irrituar shumë Frenk Uilliamsin.
Gjithsesi, për Veberin tashmë mbeten vetëm dy rrugë, ose të kalojë te Renault ja për të zëvendësuar Fernando Alonson, ose të kalojë te Red Bull i, për të lënë edhe një vit si kolaudator Heiki Kovalainenin.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Alonso: Vini bast për mua, do të fitoj!

Endi Tufa


 Mes fjalëve të fundit që qarkullojnë për merkaton dhe amortizatorin e veçantë të Renault së, Fernando Alonso kërkon të rikthehet te suksesi për të vazhduar rrugën drejt titullit kampion. Në të vërtetë, kjo rrugë i është vështirësuar ndjeshëm spanjollit, ndoshta më shumë nga ç'e kishte menduar. Gjithsesi, ai ndodhet në krye të klasifikimit të përgjithshëm për pilotë që prej 500 ditëve. Në Hungaroring, Alonso ka arritur të fitojë garën e parë në karrierë në Formulën 1. Bëhet fjalë për vitin 2003. Në sezonin e kaluar ai është renditur shumë prapa, megjithatë mbetet optimist.
Seria: "Nëse ndokush do të vërë bast se cili do ta fitojë titullin, le të vërë paratë për mua," thotë kampioni i botës, edhe pse pranon se deri në fund të këtij sezoni duelet do të jenë shumë të nxehta. "Na duhet të luftojmë. Do të jetë një luftë shumë e ashpër dhe unë mund të them se në tri garat e ardhshme mund të kemi të njëjtat vështirësi që kemi pasur në garat e kaluara. Pas garës së Hokenhaimit nuk na u dha mundësia të reagonim. Me këtë dua të them se edhe gara e Hungarisë do të jetë e vështirë për ne, ashtu siç do të jetë edhe ajo e Turqisë, pasi midis këtyre dy garave nuk lejohet të zhvillohen testime. Edhe për garën e Monzës nuk mund të jem shumë optimist, pasi bëhet fjalë për pistën e Ferrarit dhe ata arrijnë të përshtaten shumë mirë me të. Gjithsesi, në tri garat e fundit që mbeten, kam shumë besim. Për këtë arsye them shpeshherë se duhet të vini bast për mua," ka thënë Fernando Alonso.
Gomat: Natyrisht që Fernando nuk e fsheh faktin që dueli me Majkëll Shumakerin dhe Ferrarin është shumë i vështirë. Në mënyrë të veçantë, në këto tri garat e fundit, gomat Bridgestone kanë bërë diferencën. "Sigurisht, nëse Majkëlli arrin t'i fitojë të gjitha garat, do të fitojë edhe titullin. Megjithatë, për këtë gjë as ai vetë nuk është i sigurt. Të gjithë jemi duke dhënë maksimumin, unë, Renault ja, Ferrari dhe Shumi. Për këtë arsye them se edhe garat e ardhshme do të kenë si faktor kryesor gomat. Ferrari dhe Renault ja tashmë kanë arritur limitet e përmirësimit të makinës. Eshtë e vështirë për të dyja skuadrat që të bëjnë më shumë. Ne jemi në duart e Michelinit." Duket se amortizatori i veçantë i "hundës" së Renault së nuk do të ndikojë aq shumë sa po përflitet. Këtë gjë e pranon dhe vetë kampioni i botës. "Në garën e Gjermanisë nuk e përdorëm këtë amortizator, megjithatë edhe me të nuk do të kishim zgjidhur problemet me gomat e pasme. Ndonjëherë e vë re ndryshimin e atij amortizatori dhe ndonjëherë jo. Ai sillet ndryshe në pista të ndryshme. Gjithsesi, në Hungaroring unë do të futem për të fituar, pjesa tjetër nuk më intereson," ka vazhduar Fernando Alonso.
Aleati: Edhe shoku i tij i skuadrës, Xhankarlo Fizikela, e mendon si ai. "Kemi ardhur në Hungaroring për të fituar. Në dy garat e fundit kemi pasur disa probleme dhe nuk punuam mjaftueshëm sa për të rregulluar gjërat. Pra nuk arritëm të grumbullonim pikët e nevojshme për të qenë të sigurt në kampionat. Gjithsesi, ne kemi një makinë të mirë dhe jemi optimistë. Në garën e Hungaroringut do të montojmë goma të ndryshme nga ato që përdorëm në Hokenhaim. Shpresojmë të mos kemi të njëjtat probleme që patëm atje." Për sa i përket amortizatorit të ri, "mass damper" it, Fizikela dyshon që mund të sjellë ndonjë avantazh. "Makina jonë është ndërtuar mirë që në fillim të këtij sezoni. Ky lloj amortizatori nuk ndikon aspak në problemet që kemi me gomat, gjithsesi, është mirë që ta kemi," ka përfunduar piloti italian i Renault së, Xhankarlo Fizikela.

Briatore: FIA po na sulmon
"FIA duhet të kryejë vetëm rolin e saj prej arbitri, jo të ndikojë në kampionat. Gjërat po shkojnë shumë keq dhe këtë gjë mediat e kanë kuptuar prej kohësh. Po ndodh e njëjta gjë që ka ndodhur përpara disa vitesh. Federata Ndërkombëtare e Automobilizmit është duke bërë një lojë shumë të fortë kundër ndesh," thotë me tone shumë të ashpra menaxheri i përgjithshëm i skuderisë Renault. Gjithçka ka filluar pas ndalimit të përdorimit të amortizatorit "mass damper". Në të vërtetë, këtë amortizator e kanë përdorur disa makina së bashku me Renault në në sezonin 2005, por pas garës së Manji Kurit të këtij sezoni, FIA ka vendosur ta ndalojë përdorimin e tij.
"Gjithçka më duket shumë qesharake. Eshtë e pabesueshme se si mund të ndryshojnë tërësisht gjërat në mes të sezonit. Nuk më duket diçka korrekte. Me siguri është ndonjë skuadër, e cila ka ngritur zërin dhe është ankuar, sepse përndryshe nuk do të kishte ndodhur asgjë. Gjithsesi, në garën e nesërme të Hungarisë makinat e mia nuk do ta përdorin "mass damper" in, nuk dua të vazhdoj të përflitem nga federata," ka përfunduar deklaratën e tij Flavio Briatore.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------