Shumi: Tifozët do të marrin atë që na kërkojnë



 Majkëll Shumaker do të vendosë muajin e ardhshëm nëse do të vazhdojë apo do të tërhiqet nga Formula 1, sipas drejtorit teknik të Ferrarit, Ros Braun. Megjithatë, në prag të garës së Imolas, shtatë herë kampioni i botës ka folur për shanset që ka ai dhe skuadra e tij për të luftuar në këtë sezon për titullin.
Mund ta pranoni se ju është shtuar shumë optimizmi pas vendit të dytë që arritët në Bahrein. Sa i sigurt jeni aktualisht se mund të mbyllni diferencën që keni me Renault në, me McLaren in apo me Hondën?
Pa dyshim që ne jemi shumë më mirë sesa dukemi nga pamja e jashtme. Ne e kemi potencialin, por duhet të përpiqemi ta tregojmë sa më shumë. Gjatë këtyre pushimeve kemi punuar shumë për të përmirësuar gjendjen e makinës sonë. Në Imola do të paraqesim disa pjesë të reja të makinës.
Si është morali i skuadrës suaj aktualisht?
Të gjithë shpresojmë. Javën e kaluar gjithçka shkoi sipas planeve dhe në sportin tonë kjo është diçka shumë pozitive. Të gjithë në këtë skuadër po japin maksimumin, pasi kërkojnë medoemos të rikthehen te fitorja. Fillimi i garave europiane na sinjalizon edhe fillimin e një fushate të re që duhet të marrim për të fituar titullin kampion.
Aksidenti që shkaktuat në Australi, u kritikua shumë dhe specialistët mendonin se ishte i rrezikshëm për shëndetin tuaj. Mos mendoni se po merrni përsipër më shumë rreziqe se ç'duhet?
E kam vënë re se të gjithë kanë menduar se bëra një gabim të rrezikshëm dhe ajo që më vjen më shumë për të qeshur, është se disa persona mendojnë se jam trembur. Unë do të vazhdoj të pilotoj në këtë mënyrë, pasi dua të rikthehem te fitorja. Në sportin tonë gjithmonë duhet të sulmosh dhe duhet të marrësh parasysh disa rreziqe.
Le të rikthehemi te pyetjet që kanë të bëjnë me të ardhmen tuaj. Sa ndikon fitimi i titullit kampion te vendimi që do të merrni?
Nuk mendoj se e gjithë kjo çështje për të marrë një vendim, ka lidhje me titullin kampion. Unë gjithmonë ju kam bërë të ditur se do të vendos vetëm në sezonin e verës. Mos mendoni se do të ndryshoj mendjen kur më bëni kaq shpesh këtë pyetje. Aktualisht kam vendosur të kem kohën e mjaftueshme për të marrë një vendim kaq të rëndësishëm.
Tashmë po afrohet gara e San Marinos, e cila është edhe gara e "shtëpisë" për Ferrarin. Mendoni se do të plotësoni dëshirën e tifozërisë suaj apo ndoshta ata kërkojnë më shumë se ç'duhet për momentin?
Mbështetja e tifozërisë në momente të tilla është gjithmonë e nevojshme. Nuk ka asgjë më të bukur sesa të dëgjosh tifozërinë, e cila është e pranishme nëpër tribuna. Pa dyshim që do të mundohemi t'u japim atë që meritojnë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kampioni i botës në fuqi ka bërë të ditur se në Imola do të kënaqej edhe me një podium

 Alonso: I trembem ende Shumit...


 Tashmë Formula 1 është rikthyer në vendlindjen e saj, në Europë. Pikërisht në këtë kontinent ka lindur edhe një nga fenomenët aktualë dhe një nga protagonistët e këtij sezoni, Fernando Alonso. Kampioni më i ri i të gjitha kohëve në Formulën 1 e ka filluar këtë sezon ashtu siç kishte përfunduar sezonin e kaluar, përpara të gjithëve. Pas sukseseve që ka arritur në Bahrein dhe në Australi, ai ka arritur një vend të dytë në Malajzi, që e rendisin si kundërshtarin numër 1 të Ferrarit dhe të Majkëll Shumakerit edhe në Imola. Fernando Alonso është krye të klasifikimit për pilotë dhe ka një avantazh të konsiderueshëm ndaj ndjekësve. Nga ana tjetër, në këtë pistë skuderia Ferrari është në kërkim të fitores së parë në këtë sezon, e cila mund ta rifusë këtë skuadër në luftën për titullin kampion.
Fernando, tashmë është afruar gara e Imolas. Mund të themi se gara e sezonit të kaluar ishte nga më të mirat e të gjithë karrierës suaj?
Nuk besoj. Unë kam zhvilluar një garë shumë të mirë në këtë pistë edhe në sezonin 2002 apo 2003, por në atë kohë nuk bija shumë në sy, pasi nuk luftoja për fitore. Gjithmonë ndodh kështu kur ke një makinë, e cila nuk është kompetitive dhe që nuk të jep mundësi të renditesh më mirë se në vendin e shtatë.
Megjithatë, në sezonin e kaluar arritët ta mbanit mjaft mirë prapa Majkëll Shumakerin dhe si rrjedhojë u bëtë një personazh i rëndësishëm i mediave. Nga njëra anë, ju po mbanit me shpirt nëpër dhëmbë vendin e parë, ndërkohë që nga pas ju ndiqte një Shumaker "i çmendur".
Mund të them se isha disi me fat, pasi në këtë pistë nuk mund të parakalohet, për këtë arsye nuk m'u desh ndonjë sforcim i madh për ta mbajtur Shumakerin prapa.
Pas fitores së tretë radhazi që arritët në sezonin e kaluar, filluat të mendonit se ishte viti juaj?
Jo, atë mbrëmje hipa në avion dhe po kthehesha në shtëpi duke menduar, tashmë Ferrari është rikthyer dhe fitoret e mia morën fund. Nuk mund të mendoja gjë tjetër, pasi Majkëlli u nis nga vendi i 13 të dhe e mbaroi garën vetëm me të qindat e sekondit prapa meje. Pra mendoja me shumë siguri se ata kishin mundur të zgjidhnin problemet e tyre dhe do të riktheheshin te fitoret. Me fjalë të tjera, dua të them se u largova nga Imola më shumë i shqetësuar sesa i gëzuar.
Në të vërtetë, ju kishit bërë një vlerësim të gabuar. Besoni se Ferrari tashmë mund të zgjidhë problemet e tij dhe të rikthehet?
Këtë sezon ata e kanë filluar shumë mirë dhe mund t'ju kujtoj garën e Bahreinit, ku ne i mundëm me shumë pak diferencë. Megjithatë, dua të them se kur Ferrari do të garojë në pista të favorshme si ajo e Sakhirit dhe nëse do të ketë gomat e mira, Majkëll Shumaker do të rikthehet te fitorja. Motivacionet e tij janë shumë të forta edhe tani. Për mua ai vazhdon të jetë një nga pretendentët kryesorë për fitimin e titullit kampion në këtë sezon. Për më shumë, të mundësh Majkëllin është shumë më bukur sesa të mundësh një rival tjetër. Ai njihet në të gjithë globin. Edhe në Kinë apo në Afrikë të shkosh, nëse përmend emrin e Majkëll Shumakerit, ata e njohin se kush është.
Megjithatë, duhet theksuar se ju aktualisht keni 28 pikë më shumë se një vit më parë dhe në Imola ndoshta shkëputeni më shumë.
Nuk do të jetë e lehtë të fitojmë atje. Gjëja më e rëndësishme për ne është që të ngjitemi në podiumin e të gjitha garave të mbetura. Me fjalë të tjera, të ndjekim të njëjtën strategji si një vit më parë. Duhet të jemi shumë të kujdesshëm dhe të mos bëjmë asnjë gabim. Jo gjithmonë mund të arrish të marrësh 10 pikë, ndonjëherë të mjaftojnë edhe 8 apo 6.
Fillimi i këtij sezoni ngjan si një fotokopje e sezonit të kaluar. Si në 2005 n, edhe tani McLaren i duket se po përmirësohet dhe po bëhet më agresiv. Pikërisht në Imola, përpara se të tërhiqej, Kimi po dominonte. Mendoni se mund të përsëritet diçka e tillë?
Po, jam i sigurt se avantazhi që kemi aktualisht, shumë shpejt do të reduktohet, ashtu siç ndodhi në sezonin e kaluar. Objektivi ynë është të shfrytëzojmë çdo mundësi që na jepet. Pra të arrijmë të fitojmë atëherë kur na jepet mundësia dhe të marrim ato pikë që mundemi në garat e tjetra. Ne do të mundohemi të japim gjithmonë maksimumin tonë që edhe rivalët tanë të shkojnë drejt limiteve.
Jeni i sigurt se skuderitë e tjera kanë dhënë shenja të dukshme përmirësimi?
Strategjia e McLaren it për raste të tilla është gjithmonë perfekte, megjithatë edhe në skuderinë tonë po punohet shumë.
Pas fitores në Australi, ku Xhankarlo Fizikela u rendit i pesti, mendoni se në skuderinë tuaj kanë filluar distancimet?
Aspak. Skuadra na vë në dispozicion si mua, ashtu edhe Xhankarlos, makina të njëjta. Ndonjëherë do të jem unë prapa tij, por ndonjëherë do të jetë edhe ai prapa meje. Gjithçka varet nga provat që zhvillojmë ditën e premte dhe se si i modifikojmë makinat tona.
Ju gëzoni një popullaritet të madh në Spanjë. Mendoni se e keni fituar të gjithë këtë jo vetëm prej aftësive tuaja, por edhe për shkak të tipit disi të veçantë?
Mendoj se po, pasi edhe firmat e ndryshme më kërkojnë për reklama. Mund të them se njerëzit interesohen edhe për ushqimin tim. Çdo ditë flitet për mua në vendin tim dhe jo vetëm për arritjet si sportist.
Mendoni se në këtë mënyrë rrezikoni Majkëll Shumakerin, i cili merret shumë pak me veten?
Unë mund të them vetëm se publiku spanjoll flet shumë për mua, por nuk e di nëse flet për mirë apo për keq. Ju e dini se ka shumë tifozë të Raikonenit në vendin tim? Megjithatë, një pjesë më e madhe më mbështet dhe kërkon të më shohë çdo ditë në televizion.
E mendoni ndonjëherë se jeni bërë një personazh i tipit të Totit apo Bekhamit? Një personazh universal?
Po por... unë nuk jam i bukur si ata
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Inxhinierët kanë bërë modifikime në të gjithë sektorët e makinës, për të harruar sa më shpejt paraqitjet e tyre të dobta

Ferrari, gati mrekullia për Imolan




 1 Krah i harkuar aerodinamik
2 Shtesë e krahut aerodinamik, si e Toyotës
3 Krah të jashtëm në formë trekëndëshi
4 Devijues i dyfishtë ajri
5 Unazë rreth diskut prej karboni
6 Kofano motori, përmirëson nxjerrjen e gazrave
7 Pinë vertikale, stabilizon pjesën e pasme

Gara e San Marinos është krejtësisht e veçantë për Ferrarin, duke parë që është edhe gara e "shtëpisë" për këtë skuderi. Në tri garat e para, kjo skuderi nuk ka mundur të shkëlqejë apo të tregojë se është vërtet pretendente për titullin e këtij sezoni, por në këtë pistë ata duhet të shfaqen ndryshe.
"Kokëkuqja" ka treguar se ka një potencial shumë të madh, por për momentin këtë gjë e ka vetëm në letër, pasi diferenca me skuderinë Renault vazhdon të jetë shumë e madhe. Megjithatë, në gara të tilla duhet të qëndrosh gjithmonë me këmbë në tokë dhe asnjëherë nuk duhet të mendosh se ke fituar, pasi përmbysjet ndodhin shumë shpejt. Aq më shumë në momente të tilla, kur edhe rregullorja ka ndryshuar. Aktualisht një gabim i vogël të kushton shumë. Tashmë dihet që një motor skuderitë duhet ta përdorin për dy gara radhazi.
Motori: Ferrari është në grupin e Hondës, BMW së, Mercedes it dhe Cosworthit, një grup ky që ka pasur probleme me besueshmërinë e motorit në këtë sezon. Ndërkohë, skuderia Renault ka qenë shumë larg këtyre skuadrave, për sa i përket besueshmërisë dhe fuqisë. Për garën e Imolas, motorët e skuderisë Ferrari kanë pësuar një ndryshim, i cili do t'u lejojë atyre një shfrytëzim në maksimum të xhirove.
Aerodinamika: Eshtë një tjetër sektor shumë i rëndësishëm i Formulës 1. Edhe këtu inxhinierët e Ferrarit kanë bërë ndërhyrje të dukshme dhe i kanë testuar në Barcelonë dhe në Valelunga, megjithatë duhen parë edhe skuderitë e tjera se çfarë kanë arritur të bëjnë në prag të garës së Imolas. Edhe këtu Renault ja është në një formë të shkëlqyer. Gjithsesi, ndryshimet e reja te makina Ferrari 248, janë të shumta si në pjesën e përparme, ashtu edhe në të pasmen. Në "hundën" e makinës janë kopjuar disa devijues ajrit të tipit të Toyotës. Krahë të tillë në formë trekëndëshi janë vendosur edhe në krahët e amortizatorëve, një model ky që është përdorur edhe në vitin 1998. Me fjalë të tjera, duhet thënë se janë shtuar disa mikro-krahë aerodinamikë, të cilët do të bëjnë të mundur devijimin e ajrit. Ky devijim do të shtojë ftohjen e sistemit të frenimit dhe të motorit në përgjithësi. Disa prej këtyre krahëve janë diskutuar shumë dhe nga disa drejtues skuderish janë kontestuar, pasi, sipas tyre, krahët kanë qenë të lëvizshëm dhe gjëra të tilla nuk i lejon rregullorja teknike.
Amortizatorët: Ndryshime kanë pësuar edhe sistemet e frenimit apo të amortizimit. Në Valelunga dhe në Barcelonë janë provuar disa tipe të ndryshme të amortizatorëve të pasëm. Ato kanë qenë më të ashpër dhe i lejojnë pilotit të shfrytëzojnë më shumë gjeneratën e re të gomave Bridgestone. Përveç tyre janë ndryshuar edhe disa pjesë së pasme të kofanos së motorit. Ky ndryshim është bërë për të pasur një shkarkesë më të mirë të gazrave që dalin nga motori. Sipas inxhinierëve, këto ndryshime do t'i sjellin Ferrarit përmirësime të ndjeshme në shumë sektorë, si në shpejtësi, ashtu edhe në qëndrueshmëri.

Alonso: Rekordet e Shumit janë të pathyeshme
Fernando Alonso mendon se rekordet që ka arritur Majkëll Shumaker në Formulën 1, nuk do të thyhen asnjëherë. Piloti gjerman i Ferrarit ka arritur të fitojë 5 tituj kampionë radhazi, por në sezonin e kaluar ai u ndal nga i riu spanjoll Fernando Alonso. Megjithatë, Shumakeri ka arritur të thyejë edhe rekordin e legjendës së Formulës 1, Huan Manuel Fanxhio, i cili kishte fituar 6 tituj kampionë. Një tjetër rekord që mban "baroni i kuq" është ai i numrit të podiumeve. Deri tani ai është ngjitur 143 herë, ka kryesuar 128 gara, ka regjistruar 69 xhiro të shpejta dhe ka arritur të fitojë 13 gara brenda një sezoni. Nga ana tjetër, kampioni i botës në fuqi, Fernando Alonso, i ka sqaruar të gjithë se nuk ka ndër mend të qëndrojë në këtë sport derisa të thyejë rekordet e Majkëllit. "Nuk besoj se do të arrij një moshë të madhe në Formulën 1, ka bërë të ditur spanjolli i skuderisë Renault, për gazetën gjermane "Bild". Rekordet e arritura nga Majkëlli janë të pathyeshme, megjithatë duhet theksuar se gjendja e Formulës 1 ka ndryshuar shumë. Gjithsesi, Shumi ka arritur diçka që askush nuk mund ta arrijë më, për këtë arsye mendoj se do të jetë shumë e vështirë për këdo që të arrijë t'i thyejë ndonjë nga rekordet. Sido që të jetë, unë e përsëris edhe një herë se nuk synoj asnjë rekord.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shtatë herë kampioni i botës ka thyer të vetmin rekord që i kishte mbetur, atë të "poleve". Në Imola bën 66

Shumi, mbreti i rekordeve, "mposht" edhe Senën


 Majkëll Shumakeri ka arritur ditën e shtunë të thyejë edhe rekordin e vetëm që nuk mbante emrin e tij, atë të "pole position" eve. Gjermani i Ferrarit ka marrë dje në pistën Imolasa "polin" e tij të 66 të në karrierë, duke e kaluar rekordin që mbante më parë Ariton Sena me 65 "pole". Përveç këtij fakti, ky vend i parë në prova do t'i japë gjermanit edhe më shumë shanse për ta fituar këtë garë, pasi ajo është më shumë e rëndësishme sesa tabela e rekordeve. "Padyshim që edhe ky rekord është shumë i rëndësishëm. Megjithatë, do të më pëlqente më shumë ta fitoja garën, dhe më pas të mendoja për rekordet pasi, për momentin, ende nuk jam i kënaqur 100%. Gjithsesi, edhe ky "pole" mund të konsiderohet një arritje shumë e madhe këtu në Imola, ku unë, së bashku me skuderinë time jemi përballë tifozërisë sonë," - ka thënë ish-kampioni i botës, Majkëll Shumaker. Vlen për t'u theksuar se, për ironi të fatit, gjermani i Ferrarit ka arritur të thyejë rekordin e legjendës Sena, pikërisht në pistën e San Marinos, ku përpara 12 vitesh ai ka humbur jetën në një aksident. Për Ferrarin kjo mund të cilësohet si gara e "shtëpisë". Në vijën e parë të nisjes, përkrah Majkëll Shumakerit është renditur edhe piloti britanik i skuderisë Honda, Xhenson Baton, i ndjekur nga shoku i tij i skuadrës, Rubens Barrikelo, dhe nga Felipe Masa. Kampioni i botës në fuqi, Fernando Alonso, do të niset nga vendi i pestë. Ky është një tjetër fakt që e bën edhe më optimist Majkëll Shumakerin për garën e sotme. Aktualisht, diferenca e pilotit gjerman të Ferrarit dhe kampionit të botës në fuqi është 17 pikë në klasifikimin e përgjithëm për pilotë. Për Majkëll Shumakerin gara e San Marinos do të jetë vendi ku ai dhe skuadra e tij do të bëjnë kthesën e madhe, e cila do t'i fusë ata në luftën për titullin kampion. "Me këtë makinë e kemi marrë "polin" edhe në Bahrein. Për këtë arsye, mendojmë se ka ardhur momenti për të fituar. Kemi punuar shumë për këtë garë dhe makina duket kompetitive. Të shohim se si do të shkojnë gjërat edhe në garë, pasi gjithmonë Alonso ka pasur një strategji të mirë," ka përfunduar shtatë herë kampioni i botës, Majkëll Shumakeri.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Alonso ka pohuar se asnjëherë nuk ka pasur mbështetjen e askujt, ndërkohë që Briatore befasohet nga këto deklarata    

Alonso Briatore, fillon përçarja

 Mesa duket, Alonso nuk ka mbetur i kënaqur nga tri garat e para, ku sërish nuk ka mundur t'i fitojë të trija. Një tjetër arsye që mund të ketë sjellë problemet e kampionit të botës me skuderinë e tij dhe me menaxherin Flavio Briatore ka qenë fakti se inxhinierët e Renault i kanë dhënë një garë përpara Fizikelës motorin e evoluar, ndërkohë që Alonso do ta marrë një garë prapa.
Drithërimat: Majkëll Shumakeri dhe Ferrari duket se kanë arritur të bëjnë kthesën e tyre të këtij sezoni dhe, mesa duket, nga ky fakt Fernando Alonso është trembur. Si rrjedhojë, ai mendon se skuderia e tij ka filluar të ndihmojë shokun e skuadrës Xhankarlo Fizikelën. Menjëherë pas provave të lira, që janë zhvilluar ditën e premte, kanë filluar edhe sulmet e kampionit të botës në fuqi. "Nuk më pëlqen që të hapë polemika, por dua të them se në këto 4 apo 5 vitet e fundit nuk kam pasur asnjë ndihmë. Shembuj të tillë mund të marr shumë, sidomos nga episodet e disa testimeve. Si rrjedhojë, nuk pres që në këtë sezon drejtuesit apo inxhinierët e skuderisë të kenë një sjellje tjetër ndaj meje." Duket shumë i qartë mesazhi që ka dërguar, nëpërmjet mediave, Fernando Alonso. Në të vërtetë, një sulm të tillë nuk e ka pritur as Flavio Briatore, i cili përpara se të përgjigjej ka marrë më shumë informacione nga mediat spanjolle, të cilat i kanë publikuar këto pakënaqësi.
Habia: "Nuk i kuptoj këto gjëra që ka deklaruar Fernano. Ai nuk duhet të harrojë në asnjë moment se sa gara dhe sa podiume ka arritur në sezonin 2005. Pra, me fjalë të tij, e pyes ndonjëherë veten nëse ka fituar ndonjë gjë me makinën tonë, apo jo? Nuk arrij t'i kuptoj të gjitha këto fjalë. Unë kam qenë i pari që kam besuar tek ai, kur të tjerët nuk e njihnin," ka thënë Flavio Briatore. Më pas, menaxheri i përgjithshëm i Renault ka bërë edhe batutën e rastit: "Ndoshta e ka fjalën për skuadrën e vitit të ardhshëm. Atje do ta paguajnë më shumë, por padyshim, nuk do të ketë të njëjtat reklama që bën aktualisht me makinat tona." Në fund ka folur edhe piloti tjetër i skuderisë Renault, Xhankarlo Fizikela, i cili duket se ka shumë dyshime në lidhje me kalimin e Majkëll Shumakerit te skuderia franceze. "Nuk do të kisha asnjë problem që të punoja me Majkëllin dhe nuk kam frikë të përballem me një kampion si ai, por nuk besoj se do të vijë."
Gara: Problemet e ndryshme të pilotëve dhe merkato e kanë turbulluar disi garën e San Marinos. Megjithatë, të dy pilotët e skuderisë Renault përsërisin edhe një herë se Ferrari në këtë pistë është pretendentja kyresore. "Padyshim që në këtë garë do t'i kemi ata si rivalët kryesorë, ka pohuar Xhankarlo Fizikela. Në Imola Ferrari duket shumë në formë, ashtu si në Bahrein. Tashmë na duhet ne që të tregohemi sa më të zotë për t'i mundur.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Raikoneni: Do të më pëlqente të punoja me Shumin



 Vazhdojnë të përsëriten gjtihmonë e më shumë zërat, sipas të cilave Kimi Raikonen do të jetë piloti i Ferrarit në sezonin e kaluar. Për këtë çështje ka folur edhe vetë piloti finlandes, në prag të garës së Imolas. "Unë te Ferrari? Janë thjesht fjalë! Nuk dua të krijoj probleme me kolegët e mi të skuderive të tjera; megjithatë, me Shumakerin do të punoja shumë mirë. Edhe një dyshe pilotësh me Valentino Rosin do të më pëlqente, pasi ai është i fortë dhe argëtues." Duket qartë që "Njeriu i akullt" nuk zhbilancohet nga ato që shkruhen nëpër gazeta. Ai duket se është shumë i përqendruar te puna që po bën me skuadrën e tij, si dhe shpreson të rikthehet shumë shpejt te fitorja. Sapo ka mbërritur në Itali, atij i kanë thënë se ka shumë tifozë që e duan në këtë vend. "Më vjen mirë që kam shumë tifozë këtu. Ndoshta, sepse kam punuar dikur me Sauberin, e cila në atë kohë përdorte motorët Ferrari."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shtatë herë kampioni i botës dhe Ferrari kanë arritur të rikthehen te fitorja pas 13 garave të dobta

 Shumi: Alonso, "hasta la vista baby..."



 Majkëll Shumaker ka mundur të triumfojë në "shtëpinë " e Ferrarit, në Çmimin e Madh të San Marinos. Kjo ka qenë fitorja e parë e ish kampionit të botës pas 13 garash. Gjithashtu ka qenë fitorja e 85 të në karrierë dhe e shtata në pistën e Imolas. Megjithatë, kampioni i botës në fuqi, Fernando Alonso, vazhdon të ruajë kryesimin në klasifikimin e përgjithshëm për pilotë. Në të vërtetë, spanjolli i skuderisë Renault i ka qëndruar shumë pranë Shumakerit në 30 xhirot e fundit. Vetëm tri të dhjetat i ndanin ata gjatë gjithë kohës. Gjithsesi, në fund të garës ka qenë një gabim i Alonsos, i cili e ka hapur distancën mes tyre në 2 sekonda. "Ishte diçka e mrekullueshme, nuk di se çfarë t'ju them më shumë," ka thënë menjëherë pas garës Majkëll Shumaker. "Të gjithë kishin punuar shumë për këtë garë dhe rezultatet e tregojnë qartë këtë gjë," ka shtuar piloti gjerman, i cili një garë më parë, në Australi, shkaktoi një incident dhe nuk arriti ta përfundojë garën. Në vendin e tretë në Imola është renditur piloti kolumbian i skuderisë McLaren Mercedes, Huan Pablo Montoja. Ndërkohë, prapa tij u rendit piloti tjetër i Ferrarit, Felipe Masa, dhe Kimi Raikonen. Të pakta kanë qenë ndryshimet në renditjen e përgjithshme për pilotë pas kësaj gare. Fernando Alonso vazhdon të mbajë kreun, pasi ka grumbulluar 36 pikë nga këto 4 gara të para. Ndërkohë, Majkëll Shumaker është ngjitur në vendin e dytë me 21 pikë, përpara pilotit finlandez të McLaren it, Kimi Raikonen, i cili ka 18 pikë. Edhe në klasifikimin e përgjithshëm për konstruktorë, skuderia Renault vazhdon të mbajë kryesimin me 51 pikë, e ndjekur nga McLaren i me 33 dhe nga Ferrari me 30.
Një garë të mirë ka zhvilluar edhe piloti tjetër i Ferrarit, Felipe Masa, i cili arriti të mbante në fund të garës pozicionin e nisjes. "Ishte një garë shumë e vështirë, megjithatë duhet të pranojmë se gjithçka shkoi mirë për Ferrarin në fund. Do të më pëlqente shumë të kisha arritur një vend në podium, megjithatë edhe kështu jam i kënaqur, pasi arrita të marr disa pikë të vlefshme për skuadrën time," ka thënë piloti brazilian i Ferrarit, Felipe Masa.

Todt: Kisha kohë që nuk i provoja këto emocione
Mjaft i kënaqur për këtë fitore ka qenë edhe drejtori i përgjithshëm i Ferrarit, Zhan Todt. Francezi, në përfundim të kësaj gare, ka deklaruar: "U emocionova shumë kur u ngjita sërish në podium dhe pashë Majkëll Shumakerin atje. Kishte kohë që nuk festonim në atë mënyrë një fitore. Megjithatë, duhet theksuar se ky rezultat ka ardhur pas një pune shumë të madhe që kishin bërë të gjithë në skuderinë Ferrari. Për këtë arsye dua të falënderoj në mënyrë të veçantë partnerët tanë, Bridgeston in dhe Shell in. Të them të drejtën, kjo fitore na jep më shumë kurajo për garat e ardhshme," ka përfunduar Zhan Todt.

Braun: Një mrekulli përpara tifozërisë...
Po aq i kënaqur ka qenë edhe drejtori teknik i Ferrarit, Ros Braun. Në përfundim të garës së djeshme, britaniku ka deklaruar: "Pa dyshim që jemi të gjithë shumë të kënaqur nga ky rezultat. Të fitosh përpara tifozërisë tënde, është diçka shumë e veçantë. Gara në përgjithësi ishte e vështirë, megjithatë vlen për t'u përmendur se të gjithë në skuadër kishin bërë një punë të mrekullueshme. Në xhirot e fundit, Majkëlli pilotoi në mënyrë perfekte dhe arriti të mbajë mjaft mirë Alonson prapa. Si përfundim dua të falënderoj në mënyrë të veçantë Bridgestonin dhe Shell in për ndihmesën e madhe që na kanë dhënë në këtë periudhë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pas garës së Imolas, Ferrari duket se ka konfirmuar rikthimin e formës së tij më të mirë në këtë sezon  

 Shumaker: Eksperienca më ndihmoi



 "Do të qëndroj nga fillimi deri në fund në krye të garës," kishte thënë Majkëll Shumaker pas "polit" që mori në provat zyrtare. Një shprehje, e cila tregoi qartë se sa e madhe ishte dëshira e tij për t'u rikthyer te një fitore, ashtu si në kohët e lavdishme të Ferrarit. Në të vërtetë kështu ndodhi, vetëm ndonjë problem teknik i makinës mund t'ia hiqte nga duart gjermanit vendin e parë. Në të vërtetë, makina e tij kishte një problem, por për fatin e tij të mirë mekanikët kanë arritur të zgjidhin gjithçka në mëngjesin e ditës së diel. Si rrjedhojë, Majkëll Shumaker arriti të rigjejë një emocion, i cili i kishte munguar prej shumë kohësh.
Mendoni se duhet të falënderoni pasqyrat?
Pikërisht kështu, edhe ato funksionuan shumë mirë. M'u desh t'i përdorja shpesh për të kontrolluar Alonson, i cili ishte gjithmonë në sulm.
Çfarë duhet të bësh në raste të tilla?
Nuk besoj se ka shumë pilotë me eksperiencën që kam unë. Për këtë arsye mund të them se qëndroj për shumë kohë në pozita të tilla, kushdo të jetë rivali që më sulmon. Eshtë shumë e rëndësishme të dish se cila është pika jote e fortë dhe pika e dobët. Gjithashtu duhet të zgjedhësh trajektoret ideale për të mos i dhënë mundësi pilotit që të ndjek.
Çfarë ju ndodhi në pjesën e dytë të garës, ku humbët menjëherë të gjithë avantazhin që kishit?
U krijua një gjendje shumë e vështirë, gomat mblidhnin shumë pisllëqe nga pista dhe rrëshkisnin. Një gjë e tillë na ndodhi edhe në provat e lira, edhe pse kohët tona ishin më të mirat. Megjithatë, ndoshta në garë na ndodhi diçka tjetër, sepse më duhej të sforcohesha për të arritur kohët e shpejta. Kjo ishte dhe arsyeja që Alonso m'u afrua për shumë pak xhiro.
Prisnit që ai të hynte përpara jush në "pit stop"?
Të them të drejtën, u befasova disi kur e pashë të futej në bokse. Gjithsesi, në ato momente isha më i ngadaltë dhe drejtuesit e tij vendosën të përdornin atë taktikë. Për fatin tim të mirë, në momentet kur ai hyri në bokse, fillova të isha më i shpejtë dhe si rrjedhojë arrita të dilja përpara tij nga "pit stopi".
Që në ato momente menduat për fitoren?
Fillova ta mendoja, pasi m'u kujtua menjëherë gara e vitit të kaluar, ku edhe unë nuk kisha mundur të parakaloja. Pra, me pak fjalë, ai do ta kishte të pamundur të më parakalonte deri në momentin që unë nuk do të bëja ndonjë gabim.
Mendoni se do të bëni një paraqitje të tillë edhe në garën e ardhshme?
Në testimet që zhvilluam në Barcelonë, morëm rezultate pozitive dhe duhet thënë se ato prova janë shumë të rëndësishme. Do të dëshiroja shumë të arrija një fitore edhe në garën e ardhshme në Gjermani.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Me vjen keq Shumi po ket radh nuk ke shansa as minimale te dalesh i pari!
 

Si nuk ka shance !!? Kur ne Imola tregoj edhe njehere se kush eshte me i miri   Megjithse Renaulti eshte akoma me i fuqishem se Ferrari.
Pra ne Imola kishim te benim me nje fitore te Schumit e jo te Ferrarit  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dakort qe Shumi asht i madh.
Mirpo gara qe vie nuk ishkon pershtati Ferrarit!

Ferrari ka edhe shume pune per te ber qe te arrij vitet e meparme kur ishte dominant!!!!


E Shumi ska fjal asht i padiskutueshem.
 

Gara tjeter ne mos gaboj eshte ne Gjermani dhe aty do kuptohet me shume se sa eshte ne gjendje Schumi dhe Ferrari qe ta marrin  kete vite kampionatit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Mendon se me kete gare do te vendoset se kush qo te behet kampion?

Per mendimin tim ne kete gar do te shihet se sa i forte esht Ferrari.

Por mos harro se gara e ardhshme i shkon per shtati Renaultit dhe Mclarenit.
 

Nuk mendoje qe ne kete gare do vendoset kampioni por  a eshte ne gjendje Ferrari dhe Schumi qe te pretendojne per titull  
Dhe jam me se i sigurt qe Schumi do jet  me i forte se vitin qe kaloj  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

a1  ke pasur plotsisht te drejt!

Me te vertet Ferrari e tregoi se si arrrihet deri te nje top auto brenda nje kohe shum te shkurt!!!

RESPEKT!!