Ka ende atë shprehje entuziaste në fytyrë, si pas garës së Katarit, duket se ende nuk i besohet ajo që ka ndodhur. "Ishte një ëndërr që u realizua," përsërit vazhdimisht Stoneri. Duket qartë që australiani nuk është mësuar të jetë në qendër të vëmendjes dhe aq më shumë me komplimentet që kanë filluar t'i bëjnë sa herë e shohin. "Përpara garës së Katarit mendoja për Beilisin, i cili e kishte mbyllur erën me motorët 900cc, me një fitore me Ducatin, ndërsa unë tani jam piloti i parë që fitoj me motorët e ri 800cc po me Ducati. Që në fillim të garës e kuptova se kisha një mundësi shumë të mirë, sepse motori ishte i shpejtë dhe gomat Bridgestone po shkonin mirë. Ishte një ditë fantastike, e pabesueshme, por që u shpagua e gjithë ajo punë e madhe që kishim bërë deri në prag të kampionatit."
Ishte një fitore që mund të themi se ju lejoi edhe të "hakmerreni".
Në moshën 14 vjeçare, kur u largova nga Australia për të garuar në Angli, ishin të shumtë ata që më thonin se nuk do t'ia dilja mbanë, ndërsa unë gjithmonë kam pasur shumë besim te vetja. Kjo fitore në Katar vlen edhe për të treguar disi aftësitë e mia. Eshtë e vërtetë që për të fituar, më ndihmoi shpejtësia e Ducatit, por tregova në të njëjtën kohë se isha gjakftohtë.
Pilotuat aq mirë, sa edhe Valentino Rosi ju përgëzoi.
E di dhe të them të drejtën m'u bë qejfi shumë, sepse ishte një përgëzim i sinqertë. Për mua është diçka shumë e madhe që të vlerësohem nga një kampion si Valentino.
Si i keni kaluar këto 10 ditë pas fitores së parë në Moto Gp?
Si gjithmonë. Nuk kam bërë asgjë të veçantë, asnjë festë speciale. Qëndrova në shtëpinë time në Montekarlo, ashtu si gjithmonë kur kam gara në Europë.
Drejtori teknik, Filipo Preciozi, ka thënë se ju jeni një pilot i denjë për Ducatin, pasi ju përshtatet edhe mënyra e pilotimit.
Me Ducatin ndihem mirë, ashtu si edhe me inxhinierët. Edhe ata ndihen mirë me mua dhe tashmë jemi bërë si një familje. Mentaliteti i Ducatit ka lidhje me pasionin, ashtu si mentaliteti i australianëve. Motori GP7 kërkon një stil disi të veçantë që quhet "dirt trak" (pistë e pistë). Ky është një specialitet i pilotëve australianë. Aty mësohet kontrolli i motorit, por dhe se si të përballesh me australianë të tjerë.
Preciozi ka thënë gjithashtu se Kapirosi ka ngulmuar shumë për ardhjen tuaj te Ducati.
Vërtet? Nuk e dija... Lorisi gjithmonë është sjellë mirë me mua, më ka dhënë këshilla shumë të vlefshme në pilotimin e Ducatit. Eshtë me të vërtetë një shok shumë i mirë skuadre.
Çfarë pret nga kjo garë?
Në këtë pistë, Lorisi ka fituar në vitin 2006, që do të thotë se motori ynë paraqitet mirë. Gjithsesi, dua të them se pilotët europianë kanë më shumë avantazhe në Jerez, sepse e njohin mirë. Për mua këtu është e kundërta, asnjëherë nuk jam paraqitur mirë.
 




____________
\"Mos shikoni kishat as xhamijat se feja e shqiptarit eshte shqiptaria.\"

Rosi thyen tabunë, rikthehet te fitorja


Pesë herë kampioni i botës, Valentino Rosi, ka përfunduar serinë e "rekordit negativ" pa fitore, duke dominuar rivalët e tij në Çmimin e Madh të Jerezit ditën e diel. Italiani arriti në kuotën e 85 fitoreve në karrierë dhe të shtatën në këtë pistë. Edhe këtë herë ai tregoi autoritetin e tij në pistë, duke e kaluar mjaft i qetë vijën e finishit dhe aspak i shqetësuar nga piloti vendës i Hondës, Daniel Pedroza. Kjo është fitorja e parë e Valentino Rosit që pas garës së Malajzisë në shtatorin e kaluar. Në këtë mënyrë mbyllet dhe seria e pesë garave pa fitore e "Doktorit", një rekord negativ për të që nuk e shihte që nga debutimit i tij në vitin 2000, ku fitoi garën e Doningtonit në Angli. Tashmë ai ndodhet në krye të klasifikimit të përgjithshëm për pilotë me 45 pikë, me një avantazh prej 9 pikësh ndaj australianit të Ducatit, Kejzi Stoner, dhe Daniel Pedrozës. Shoku i skuadrës së Valentinos, Kolin Eduards, e përfundoi garën e djeshme në vendin e tretë, duke lënë prapa spanjollin Toni Elias dhe Kejzi Stonerin, ky i fundit fituesi i garës së parë të këtij sezoni, përpara dy javësh në Katar.
Kampioni i botës në fuqi i klasit Moto Gp, Niki Heiden, bëri një nisje të mirë nga rreshti i katërt, por nuk arriti të mbante një ritëm të lartë dhe e përfundoi garën në vendin e shtatë, prapa Karlos Çekës. "Ishte një garë e mrekullueshme, tha menjëherë pas garës Valentino Rosi për mediat spanjolle. Jam shumë i kënaqur nga motori, pasi me sa duket i bëmë ndryshimet e duhura në testimet (warm up) përpara garës. Në fillim kisha një betejë të bukur me Pedrozën, ai është një pilot i mirë dhe duelet me të më pëlqejnë." Rosi e filloi këtë garë nga vendi i dytë, prapa Pedrozës, megjithatë italiani i Yamahas që pas fillimit të garës vendosi autoritetin e tij në pistë dhe filloi të shkëputej.
Shoku i skuadrës së Valentinos, Kolin Eduards, e përfundoi garën në vendin e tretë, ndërkohë që Heideni, i cili u nis nga vendi i 11 të, edhe në garë tregoi se kishte probleme me Hondën e tij. Një tjetër amerikan u paraqit mjaft mirë në garën e djeshme, ishte Xhon Hopkins me Suzuki, i cili që në fillim të garës filloi të regjistronte kohë të shpejta, pasi u nis nga vendi i pestë. Në duelet e tij me Heidenin, ai u rrëzua dhe doli jashtë gare në xhiron e 16 të. Me kalimin e xhirove, edhe Stoneri filloi të rriste ritmin, duke parakaluar në fillim Karos Çekën dhe më pas Niki Heidenin. Kur kishin mbetur dhe shtatë xhiro nga përfundimi i garës, kampioni i botës u parakalua edhe nga Çeka.
"Rosi ishte superior ndaj të gjithëve në garën e sotme, ka thënë në përfundim të garës së Jerezit 21 vjeçari spanjoll, Daniel Pedroza. Ai më parakaloi që në xhiron e parë dhe më pas u shkëput, gjithsesi jam i kënaqur që arrita të zija një vend në podium. I gjithë publiku dukej i kënaqur nga kjo garë, ashtu si edhe unë."
Endi TUFA


250cc
Lorenco vazhdon dominimin edhe në Jerez
Kampioni i botës në fuqi për klasin 250cc, Horge Lorenco, vazhdon dominimin e tij në këtë kategori, duke arritur një tjetër fitore në Spanjë. 19 vjeçari, i cili fitoi garën e parë të këtij sezoni në Katar, shpallet spanjolli i parë i klasit 250ccm, i cili arrin të fitojë garën e tij të "shtëpisë" për të dytin vit radhazi. Menjëherë pas tij renditet Alvaro Bautista dhe Andrea Doviciozo. Lorenco e filloi nga "poli" këtë garë, por e humbi shumë shpejt kryesimin, pasi u parakalua nga Doviciozo që në xhiron e parë, për t'u parakaluar më pas nga Hektor Barbera dhe Alvaro Bautista. Barbera luftoi për fitore në këtë garë deri në xhiron e 16 të, kur doli jashtë piste, por Doviciozo, Lorenco dhe Bautista vazhduan duelet e tyre për vendin e parë, duke ndryshuar shpeshherë pozicionet. Në xhiron e fundit, kampioni i botës në fuqi tregoi aftësitë e tij të vërteta duke i parakaluar rivalët dhe duke regjistruar fitoren e dytë për këtë sezon.

125cc
Talmaksi i "vjedh" fitoren Pesekut
Hungarezi Gabor Talmaksi ka arritur një fitore dramatike në klasin 125cc në garën e Spanjës. Ai arriti të mundte çekun Lukas Pesek me të qindat e sekondit, edhe pse ky i fundit kishte marrë kryesimin e garës që në fillimin e saj. Në kthesën e fundi, Talmaksi doli mirë në pjesën e drejtë dhe falë fuqisë më të madhe të Aprilias së tij, kundrejt Derbit të Pesekut, arriti të kalojë i pari vijën e finishit. Kjo nuk ishte thjesht një fitore për të, sepse pas këtij rezultati hungarezi ka marrë dhe kryesimin e klasifikimit të përgjithshëm për pilotë në këtë kategori. Spanjolli Hektor Faubel, fituesi i garës së parë të këtij sezoni në Katar, u rendit i treti përpara bashkëkombasve të tij, Pol Espagaros dhe Serxho Gadeas. Në vendin e gjashtë ishte një tjetër spanjoll, Pablo Nieto. Fituesi i "pole position"-it një ditë më parë, Matia Pasini, u detyrua të nisej nga vendi i fundit, pasi Aprilia e tij pati një problem në motor në provat përpara garës.


Çmimi i Madh i Spanjës
Moto Gp
1. V.Rosi Yamaha
2. D.Pedroza Honda
3. K.Eduards Yamaha
4. T.Elias Honda
5. K.Stoner Ducati
6. K.Çeka Honda
7. N.Heiden Honda
8. M.Melandri Honda
9. K.Vermulen Suzuki
10. Sh.Nakano Honda
Pilotët
1. V.Rosi 45 pikë
2. K.Stoner 36
3. D.Pedroza 36
4. K.Eduards 26
5. M.Melandri 19
6. N.Heiden 17
7. K.Vermulen 16
8. T.Elias 15
9. Xh.Hopkins 13
10. A.Barros 12


250cc
1. H.Lorenco Aprilia
2. A.Bautista Aprilia
3. A.Doviciozo Honda
4. A.de Anxhelis Aprilia
5. A.Debon Aprilia
6. H.Aojama KTM
7. Sh.Aojama Honda
8. J.Takahashi Honda
9. E.Uest Aprilia
10. D.Heidolf Aprilia
Pilotët
1. H.Lorenco 50 pikë
2. A.de Anxhelis 33
3. A.Doviciozo 27
4. A.Bautista 20
5. J.Takahashi 17
6. H.Barbera 16
7. Sh.Aojama 15
8. T.Luti 13
9. A.Debon 11
10. H.Aojama 10

125cc
1. G.Talmaksi Aprilia
2. L.Pesek Derbi
3. H.Faubel Aprilia
4. P.Espargaro Aprilia
5. S.Gadea Aprilia
6. P.Nieto Aprilia
7. S.Korteze Aprilia
8. H.Olive Aprilia
9. M.Ranseder Derbi
10. L.Zaneti Aprilia
Pilotët
1. G.Talmaksi 45 pikë
2. H.Faubel 41
3. L.Pesek 36
4. P.Espargaro 22
5. P.Nieto 17
6. R.de Roza 13
7. H.Olive 13
8. S.Gadea 11
9. S.Korsi 11
10. T.Kojama 10
 




____________
\"Mos shikoni kishat as xhamijat se feja e shqiptarit eshte shqiptaria.\"

E mori qe tani kampionatin V.Rosi  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------