Ndeshja e parë: 03-04 / Prill / 2007
Ndeshja kthyese: 10-11 / Prill / 2007
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

2 fitore te sigurta per Chelsea  
 

Çelsi - Valencia 1-1
Shënues: Drogba 53' / D.Silva 30'
Çelsi: 1 P.Çeh, 19 L.Diarra, 6 R.Karvalho, 26 Xh.Terri, 3 E.Kol, 12 Xh.O.Mikel (10-Xh.Kol 75'), 13 M.Balak, 8 F.Lampard, 21 S.Kalu (24-Sh.Rajt-Filips 75'), 11 D.Drogba, 7 A.Shevçenko. Tr: Mourinjo
Valencia: 1 S.Kanizares, 2 Migel, 4 R.Ajala, 4 E.Moreti, 3 A.Del Horno, 15 Hoakuin (16-H.Viana 87'), 6 D.Albelda, 20 R.Albiol, 14 Visente (10-Angulo 58'), 21 D.Silva, 7 D.Vila. Tr: Flores
Gjqytar: Frenk De Bleker (Belgjikë)
Kartonë të verdhë: Drogba, Diarra, D.Silva, Albelda, Ajala
Shikues: 48.000

Çerekfinalja mes Çelsit dhe Valencias mbetet ende e pavendosur pas barazimit 1-1, në "Stemford Bridxh". Valencia mori kryesimin në minutën e 30-të më anë të David Silvas, por sulmuesi i Bregut të Fildishtë, Didier Drogba ka arritur të zhvlerësojë golin e spanjollëve, duke realizur në pjesën e dytë pas një harkimi të Eshli Kol. Të besuarit e Hose Mourinjos do të kenë nëvojë për një gol më shumë nëse duan të eleminojnë Valencian dhe të ndeshen me fituesit e çiftit Liverpul-PSV Eindhoven në gjysëmfinale.
Të dyja skuadrat i janë afruar shumë golit në pjesën e parë. Valencia me anë të David Vilës, ndërkohë që një goditje e Eshli Kolit ka krijuar një rast të pastër për Dider Drogbanë, por në këtë rast topi i gjatë ka qenë i paaritshëm për sulmuesin afrikan. Salomon Kalu ka qenë shumë pranë shënimit të golit të parë në minutën e dhjetë, kur goditja e tij nga hyrja e zonës së rreptësisë ka "qethur" traversën e portës së Kanizaresit. Andrei Shevçenko ka qenë protagonsit i një momenti kur Çelsi mund të pretendojë për penalltinë të paakorduar. Silva ka patur rastin për të shënuar që në minutën e 20-të, kur ka përfituar nga kthimi i topit në këmbët e tij pas goditjes së Hoakin, por për fatin e mirë të Petr Çehut, topi ka kaluar në të djathtë të portës. Mbas një goditje të Lampardit ka qenë David Silva ai që ka shtangur të pranishmit në "Stemford Bridxh". Mesfushori ka shënuar një gol të mrekullueshëm nga krahu i majtë, nga jashtë zone. Çeh nuk ka patur asnjë shans për të devijuar topin e goditur nga spanjolli. Çelsi ka kërkuar një kundërpërgjigje të shpejtë me anë të një godite të lirë të ekzekutuar nga Drogba, e cila ka qenë tepër e fortë, por ka përfunduar drejtpërdrejt në duart e portierit Santiago Kanizares. Lampard dhe Mikael Balak kanë goditur me kokë dy herë portën e Kanizares, por pa rezultuar të rrezikshëm. Drogba ka shpëtuar edhe një herë tjetër Çelsin nga katastrofa, pas një topi të gjatë të mbrojtësit të majtë Eshli Kol. Afrikani e ka gjetur mbrojtjen e Valencias të papërgatitur dhe ka goditur topin me kokë pasi ai kishte prekur vetëm njëherë tokën, duke kaluar Kanizaresin me një trajektore parabël. Ky është goli i tij i 30-të këtë sezon. Lampard ka goditur edhe njëherë tjetër në kërkim të golit të fitores, por edhe këtë herë pa rezultat. Valencia është ndjerë e qetë dhe i ka lënë "blutë" të sulmojnë. Në minutën e 74-t, Hose Mourinjo ka futur në fushë dy lojtarë të rrezikshëm, duke përforcuar repartin sulmues. Xho Kol shënoi rikthimin pas katër muajsh mungesë, ndërsa ka patur vend edhe për Shon-Rajt Filipsit. Gjithsesi, Çelsi tregoi se nuk kishte forcën e duhur për të gjetur golin e fitores. Në "Mestaja" nuk do të jetë e pamundur për të besuarit e Mourinjos, por sigurisht do të jetë shumë më e vështirë sesa mbrëmë në Londër. Duket se presidenti, Roman Abramoviç, nuk ka ndërmend të falë gabime të tjera.
 




____________
\"Mos shikoni kishat as xhamijat se feja e shqiptarit eshte shqiptaria.\"

Gjërat sa vijnë e qartësohen: Hoze Mourinjos i ka ardhur në majë të hundës te Çelsi dhe po përgatitet për t'u larguar. Në anën tjetër, mendohet se tashmë marrëdhëniet e tij me pronarin rus janë prishur dhe janë të parikuperueshme, dhe ka ardhur koha që këtë verë ai të largohet për të kërkuar fatin gjetkë në këtë kontinent". Nuk është aspak surprizë, pasi trajneri portugez është kapur nga paparacët në Angli, duke blerë një Porshe Kajen me timon nga krahu i majtë.
Madrid Natyrisht, në Angli timoni është në krah të djathtë dhe për të marrë një makinë me timon nga krahu i majtë, duhet ta porosisësh prej disa kohësh dhe të presësh shumë. Është e qartë që trajneri portugez e ka kryer me një qëllim këtë porosi, në mënyrë që ta përdorë makinën në ndonjë shtet tjetër, ku timoni është në krahun tjetër. 44-vjeçari Mourinjo, i cili ka fituar dy sezone radhazi Premier Ligën dhe që është në garë për të tretin, përveç Ligës së Kampioneve dhe Kupës së Anglisë duket se në kohët e fundit ka humbur nga ai shpirt konkurrues dhe i fitores që e karakterizonte që nga mbërritja e tij në Angli.
 

Çelsi është përballë të njëjtit fat si viktima e fundit, Interi, pasi spanjollët kanë arritur të marrin një barazim 1-1 në ndeshjen e parë çerekfinale me anglezët. Valencia është një skuadër e mrekullueshme kur luan në "Mestaja", ku ata kanë humbur vetëm një ndeshje në shtëpinë e tyre gjatë të gjithë sezonit, duke e ndërtuar suksesin mbi një stil pak sa "katenaço" në mbrojtje dhe duke përfituar nga kundërsulmi. Valencia u dha fund shpresave të Interit në raundin e parë duke barazuar 2-2 në Itali dhe kontrolloi lojën në "Mestaja" duke barazuar 0-0, ndeshje që përfundoi me një "sherr klasik" mes lojtarëve të të dyja skuadrave. Ashtu si Interi, i cili dështoi në përpjekjet e tij, tashmë Çelsi duhet të shkojë në Spanjë me mendimin për të shënuar të paktën një gol dhe të parandalojë ndonjë gol të Valencias. Ka qenë goli i David Silvas shkaktari i kësaj matematike që do të "torturojë" Çelsin në ndeshjen e kthimit të javës tjetër. "Blutë" kanë barazuar pas një gabimi të mbrojtjes së Valencias, ku Eshli Kol harkoi një top vertikal për Didië Drogbanë, i cili u gjend i vetëm para Kanizaresit. Por për fatin e tyre të keq, Çelsi nuk ka arritur të shënojë një tjetër gol që do t'ia lehtësonte detyrën në ndeshjen e kthimit. Mbrojtja e Valencias u është përgjigjur shumë mirë sulmueve të Çelsit pas barazimit, ndërkohë që ka rrezikuar disa herë me anë të David Vilës. Trajneri Kike Sançez Flores pret që në javën tjetër skuadra e tij të sulmojë më shumë, por pritet që Valencia të mos ndryshojë asnjë lojtar në formacion dhe as modelin e lojës. "Mendoj se do të luajmë në të njëjtën mënyrë si në ndeshjen e dytë kundër Interit, - tha ai për gazetarët. - Imagjinuam vetëm se nuk kishim shënuar në ndeshjen e parë dhe luajtëm në atë mënyrë. Mendoj se do të gabojmë nëse do të qëndrojmë në mbrojtje kundër një skuadre si Çelsi. Kështu që s'do ta bëjmë diçka të tillë". Anglezët duhet të jenë më të freskët javës që vjen, për të mundur mbrojtjen e Valencias dhe dëmtimi i Arjen Robenit do të jetë një minus i madh për "Blutë". Edhe pse Xho Kol, një tjetër lojtar sulmues i Çelsit, u rikthye pasi mungonte që nga muaji nëntor, është shumë larg formës së mirë fizike dhe ka luajtur ndaj Valencias vetëm 15 minuta. "Më vjen mirë, por kam nevojë për Xho Kolin e vërtetë, - tha trajneri Hoze Mourinjo. - Ai është një djalosh fantastik dhe luftoi shumë për t'u rikthyer te ne. Mendoj se do të vazhdojë ta bëjë. Kemi ende një muaj e gjysmë për të luftuar dhe do të kemi nevojë për të, për këtë ndihem i lumtur. Por duhet të jemi pragmatistë... ai nuk ishte gati për më shumë se 15 minuta". Koli nuk mendohet se do të zërë menjëherë një vend në formacion pas një mungese aq të gjatë, e cila e lë detyrën për të shënuar përsëri mbi shpatullat e Drogbasë dhe të Shevçenkos. Megjithatë, Mourinjo ka paralajmëruar Valencian të mos gëzohet para kohe. "Nëse do të isha në vendin e tyre, do të isha tepër i kujdesshëm, - tha ai. - Por nëse kemi një gjyqtar të mirë, i cili nuk do të ndikohet nga atmosfera, çfarë na mungon të marrim rezultatin që duam atje?" Mourinjo shtoi se nëse Çelsi do të eliminohet atë natë, ai do t'i çojë fëmijët e tij të shohin keç. "Nëse fitojmë, atëherë do të kemi arritur në gjysmëfinale, nëse humbasim, do të çoj fëmijët e mi të shohin ndeshje keçi më 24 prill".
 

Valencia ka besim se ky barazim 1-1 ndaj Çelsit do t'i ndihmojë ata të kualifikohen në gjysmëfinale. "Na ka lënë një shije të mirë, - tha mesfushori David Albelda për gazetarët. - Na ka vendosur në pozitë më të mirë për ndeshjen e kthimit. Para ndeshjes të gjithë kërkonim një rezultat të tillë. Kundër Interit barazuam në "San Siro" dhe arritëm të kualifikohemi pa pësuar gol në "Mestaja". Do të na duhet të zhvillojmë një tjetër ndeshje të madhe, në mënyrë që të avancojmë në gjysmëfinale", - shtoi ai. Ish-mbrojtësi i Çelsit, Asier del Horno, tha: "Arritëm rezultatin që kërkonim". David Silva ka kaluar Valencian në avantazh në minutën e 30-të, pas një goditjeje të mrekullueshme nga 25 metra. Por Çelsi ka barazuar në të 53-ën me anë të Didië Drogbasë, i cili ka shënuar golin e 30-të në këtë sezon. "Duhet të jesh i përqendruar për të luajtur në ndeshje të nivelit të tillë dhe i vetmi gabim që bëmë në 90 minuta, na kushtoi fitoren", - deklaroi Albelda. Ndërkohë që të kënaqur me rezultatin, lojtarët e Valencias kanë pranuar të gjithë se do të jenë të kujdesshëm në ndeshjen e kthimit. "Kualifikimi për ne është 51% i mundur, - tha drejtori teknik i Valencias, Amedeo Karboni. - Çelsi është një skuadër e madhe, me shumë stil italian në lojë dhe përqendrohet më së shumti në mesfushë. Kjo do të thotë se në Mestaja ata do të jenë më të rrezikshëm". Një nga lojtarët që mund t'u mungojë spanjollëve në ndeshjen e kthimit, është Visente. Mediat spanjolle kanë shkruar se ai do të mungojë për rreth një muaj. "Nuk do ta kemi Visenten në dispozicion për disa ndeshje. Është dëshpëruese, pasi ai është tepër i talentuar dhe kur ai nuk është, mungesa e tij ndihet shumë", - tha trajneri i Valencias, Kike Sançez Flores.
 

Besoj se me kete rezultat ka me shume shpresa Valancia qe te kualifikohet.
 

Eshli Kol ndihet optimist se Çelsi do të shkojë në Valencia dhe do të arrijë kualifikimin në gjysmëfinale të Ligës së Kampioneve. Spanjollët e kanë ndalur Çelsin në barazim 1-1 në "Stemford Bridge", duke e lënë këtë përballje ende të pavendosur. Çelsi duhet të shënojë të paktën një herë nëse kërkon të kualifikohet dhe mbrojtësi i përfaqësueses angleze, Eshli Kol, mendon se Hose Mourinjo mund t'i drejtojë ata drejt fitores në "Mestaja". "Kjo përballje do të jetë tepër e vështirë dhe si lojtar duhet të kesh gjithmonë besim te vetja dhe te shoku që ke në krah, - tha Koli. - Mendoj se do të shkojmë në Spanjë dhe do të kthehemi me fitore. Çfarëdolloj loje që ata do të aplikojnë, ne nuk do ta kemi problem. Do të shkojmë atje për të fituar. Ata do të mblidhen në mbrojtje për t'u mbrojtur nga goli ynë, ndërsa ne do ta arrijmë fitoren me çdo kusht".
 

Valencia shpreson që ndeshja e sakrifikuar kundër Atletiko Bilbaos, do të ketë vlerat e saj në sfidën e kthimit kundër anglezëve të Çelsit. Trajneri Kike Sançez Flores ka lënë pushim gjashtë lojtarë në ndeshjen e "San Mames" dhe ka paguar çmimin kur skuadra e tij ka kaluar në disavantazh të një goli kundër baskëve. Trajneri i Valencias ka treguar dëshpërimin e tij nga kjo humbje, e cila i ka nxjerrë ata nga katër skuadrat e para të Primera Divizionit. Ai ka fajësuar gjyqtarin Mehuto Gonzales për këtë humbje. "Bëmë aq sa mundëm për ta fituar këtë ndeshje, por jam i nervozuar me gjykimin, - tha ai për gazetarët. - Jam i mërzitur dhe i nervozuar me të". E vërteta është se Flores sakrifikoi disa lojtarë të formacionit bazë për t'i ruajtur në sfidën kundër Çelsit, pas barazimit 1-1 në "Stemford Bridge" javën e kaluar. Ashtu si kundërshtari i tij, Hose Mourinjo, ai është një mjeshtër i taktikës, duke hequr trysninë nga lojtarët e tij. Objektivi i tij ka qenë ndeshja kundër Çelsit. "Duhet të lujamë çdo tri ditë dhe nuk mund të hedhim në fushë të njëjtën skuadër sa herë që luajmë, - shtoi trajneri në konferencë për shtyp. - Lojtarët tanë do të kenë nevojë të jenë në maksimumin e tyre për ndeshjen e sotme".
Rekordi - Valencia ka shumë besim në shanset e saj për kualifikim kundrejt Çelsit, duke marrë parasysh përballjet e tyre të fundit me klubet angleze si dhe rekordin pozitiv në shtëpi. Ata nuk janë mundur në 10 ndeshjet e fundit kundër skuadrave angleze. Ata mundën Arsenalin dhe Lidsin në rrugën drejt finales së 2001-shit. Eliminuan Liverpulin nga faza e grupit dhe e përsëritën të njëjtën gjë kundër Arsenalit edhe në sezonin tjetër. Ata kanë pësuar vetëm një gol në pesë ndeshjet e tyre në shtëpi për këtë sezon të Ligës së Kampioneve dhe në këtë pikëpamje ata duhet të ndihen të qetë. Qendërmbrojtësi Karlos Marçena është përsëri i pezulluar për incidentet në fund të ndeshjes kundër Interit dhe do të zëvendësohet nga Raul Albiol, ndërkohë që Vinsente do të mungojë për shkak të dëmtimit. Fernando Morientes, golashënuesi më i mirë i Valencias në Europë, me pesë gola, do të presë rezultatet e testit për shpatullën e dëmtuar.
Çelsi - Duke lënë mënjanë statistikat pozitive të Valencias kundër klubeve angleze, Çelsi nuk mndohet se do të ndikohet nga e kaluara e klubeve të tjera. Ata kanë udhëtuar drejt Spanjës në gjendje të mirë, pasi kanë mundur Totenhemin 1-0, fitorja e tyre e tetë radhazi pa pësuar gol. Gjithashtu, kjo fitore ka shërbyer për të ngushtuar në vetëm tri pikë diferencën me Mançesterin dhe në të gjitha kompeticionet ata nuk munden prej 17 ndeshjesh radhazi. Pas ndeshjes së të martës, ata do të përballen me Blekbërnin në gjysmëfinalen e FA Cup të dielën. Trajneri Mourinjo nuk ka deklaruar ndonjë lojtar të dëmtuar pas fitores ndaj Totenhemit. Valencia do të jetë disi më e avantazhuar në sajë të rregullit për golin në fushë kundërshtare, por Çelsi duket një skuadër më e kompletuar dhe ka mundësi të bëjë atë që kërkohet për t'u kualifikuar. Fituesit e këtij çifti do të ndeshen me fituesin e çiftit Liverpul-PSV Eindhoven.
Driten VISHA

(20:45) Valencia - Çelsi (1-1)
Formacionet e mundshme:
Valencia: Kanizares, Migel, Ajala, Moreti, Del Horno, Hoakin, Albelda, R.Albiol, Angulo, Silva, Vila. Tr: Sançez Flores
Çelsi: Çeh, Bridxh, Karvalho, Terri, E.Kol, Makelele, Xh.Kol, Balak, Lampard, Drogba, Shevçenko. Tr: Hoze Mourinjo
Gjyqtar: Kyros Vassaras (Greece)

Gjendja disiplinore
Të skualifikuar: K.Marçena, D.Navarro (Valencia)
Nuk luan në gjysmëfinale nëse merr karton të verdhë: Angulo (Valencia) / Xh.Kol, Esien, Roben, Diarra, Drogba

Shifra dhe fakte
Bilanci: 1 ndeshje
Fitore Valencia: 0
Barazime: 1
Fitore Çelsi: 0

04.04.07 Çelsi - Valencia 1-1

Pjesëmarrje në gjysmëfinalet e Kupave të Europës:
Çelsi: 7 herë
Valencia: 7 herë

- Valencia ka pësuar vetëm një gol në gjashtë ndeshjet e fundit në Europë, por nuk ka fituar në katër të fundit, si jashtë dhe brenda. - Valencia ka bilanc pozitiv kundër klubeve angleze, ku është përballur 13 herë me një klub anglez, duke humbur vetëm dy herë. Ata nuk janë mundur në dhjetë takimet e fundit ndaj klubeve ishullore.
- Çelsi ka pësuar vetëm një humbje në gjashtë takimet e fundit në transfertë.
- Çelsi është mundur në shtatë nga dhjetë ndeshjet e luajtura në Spanjë. Fitorja e fundit, ajo kundër Real Betisit në çerekfinalen Kupës së Kupave.

Valencia: Të ndalim Drogbanë
Trajneri i Valencias, Kike Sançez Flores, ka parashikuar një takim tepër të fortë për ndeshjen e kthimit kundër Çelsit, që këtë herë do të luhet në fushën e spanjollëve. Rivaliteti është i madh, duke marrë parasysh që rezultati i ndeshjes së parë është 1-1 dhe ku Valencia ka një avantazh të lehtë ndaj anglezëve, në sajë të golit në fushë kundërshtare. "U larguam nga Londra me idenë se ende nuk kemi siguruar asgjë. Shanset janë ende të barabarta, - tha trajneri Flores në konferencë për shtyp ditën e hënë. - Parashikoj se do të jetë një ndeshje pak a shumë e ngjashme me atë në Londër. Do të jetë tepër fizike, shumë agresive dhe do të vendoset nga disa detaje të vogla. Asgjë nuk do të vendoset pa përfunduar i gjithë takimi". Kike Sançez Flores tha se sulmuesi Fernando Morientes, golashënuesi më i mirë i spanjollëve në Europë, është rikuperuar nga dëmtimi në shpatull që i kushtoi mospjesëmarrjen në ndeshjen e parë. "Morientes është i gatshëm për t'u futur në fushë, - tha ai. - Tashmë është në dorën tonë të vendosim nëse ai do të luajë që nga minuta e parë". Trajneri ka pranuar se është më shumë i shqetësuar për mënyrën se si do të ndalë sulmuesin e Çelsit, Didië Drogba, autori i golit në Londër. "Do të na duhet ta markojmë nga afër dhe të mbetemi të fokusuar, - tha ai. - Duhet të qëndrojmë gjatë gjithë kohës pas tij dhe ta mbajmë sa më larg portës". Valencia humbi dy sezone radhazi shansin për të fituar Ligën e Kampioneve, pasi arriti në 2000-shin dhe 2001-shin finalen dhe kapiteni David Albelda ka deklaruar se eksperienca e së kaluarës shërben vetëm për të treguar se sa e vështirë është të fitosh këtë kompeticion. "Humbëm dy finale radhazi, por për një klub si Valencia do të ishte një mrekulli e vërtetë nëse do të fitonte këtë trofe. Gjithsesi, nuk na është kthyer në fiksim, është thjesht një dëshirë që duhet realizuar".

Mourinjo: Do të kualifikohemi
Hoze Mourinjo mendon se Çelsi i tij ka një mundësi të mirë për të arritur në gjysmëfinalet e Championsit, pavarësisht nga barazimi 1-1 në ndeshjen e parë të luajtur në "Mestaja". Në ndeshjen e parë, Drogba barazoi golin e David Silvës dhe kjo i mban ende në lojë
"blutë" për 90-minutëshin e kthimit. "Na duhet të luajmë çdo tri ditë, - tha trajneri portugez i kampionëve të Anglisë, - gjithsesi mendoj se skuadra do të jetë gati për ndeshjen e nesërme (sotme). Do të kualifikohemi. Normalisht ndeshjen e parë duhet ta kishim fituar, sepse presupozohet që në "Stamford Bridxh" duhet të fitojmë gjithmonë, por barazimi ka lënë gjithçka të hapur. Kemi treguar se mund të fitojmë në transfertë dhe për këtë besojmë me otimizëm te kualifikimi. Ata e ndiejnë veten të favorizuar nga fakti se do të luajnë në fushën e tyre, por ne jemi gati për çdo lloj atmosfere. Duhet të shënojmë një gol më shumë se kundërshtari, qoftë edhe në kohën shtesë..." Ka të ngjarë që "blutë", të cilët të shtunën fituan 1-0 ndaj Totenhemit në Premier Ligë, ta nisin ndeshjen me një formacion sulmues, ku Xho Kol pritet të luajë në vend të Mikael Esieni, i cili nuk është në 100% të mundësive fizike. Mourinjo është mjaftuar me dy fjali: "Rikthimi i Kolit është shumë i rëndësishëm për skuadrën. Ai nuk ka ende 90 minuta në këmbën e tij, mund të japë një kontribut të rëndësishëm në "Mestaja". Çelsi ka mundësi të bëjë atë që nuk e ka bërë askush më parë në historinë e futbollit europian: të fitojë katër trofe. "Carling Cup" është në kasafortë, ndërsa titulli në Angli, Liga e Kampioneve dhe Kupa e Ligës janë ende të arritshme.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Valencia - Çelsi 1-2 (1-1)
Shënues: F.Morientes 32' / A.Shevçenko 52', Esien 90'
Valencia: 1 S.Kanizares, 2 Migel, 4 R.Ajala, 24 E.Moreti, 3 A.Del Horno, 15 Hoakin, 6 D.Albelda, 20 R.Albiol (16 H.Viana 72'), 21 D.Silva, 7 D.Vila, 9 F.Morientes (10 M.A.Angulo 65'). Tr: Flores
Çelsi: 1 P.Çeh, 19 L.Diarra (10 Xh.Kol 45'), 6 R.Karvalho, 26 Xh.Terri, 3 E.Kol, 5 M.Balak, 12-Xh.O.Mikel, 8 F.Lampard, (4 K.Makelele 90'), 11 D.Drogba, 7 A.Shevçenko (21 S.Kalu 92'). Tr: Mourinjo
Gjyqtar: K.Vasaras (Greqi)
Kartonë të verdhë: Del Horno, Albelda, Ajala, Moreti, Esien, Balak


Një gol i minutës së 90-të me autor Mikael Esien ka ndihmuar Çelsin të rikuperojë dhe të mundë Valencian 2-1 në "Mestaja", duke i drejtuar kampionët e Anglisë drejt gjysmëfinales së Ligës së Kampioneve, për herë të tretë në katër sezonet e fundit.
Pjesa e dytë Pas barazimit 1-1 në "Stemford Bridge", skuadra angleze dukej se kishte shanse të pakta për t'u kualifikuar, kur Fernando Morientes ka kaluar në minutën e 16-të vendësit në avantazh. Megjithatë, Andrei Shevçenko ka barazuar rezultatin nga distanca e afërt në pjesën e dytë dhe Çelsi arriti të korrë fitoren pas përpjekjeve të shumta, në sekondat e fundit, ku Esieni arriti të mposhtë portierin Kanizares me një goditje të harkuar, por të ulët nga toka. Tashmë kampionët e Anglisë do të përballen në gjysmëfinale me fituesin e çiftit çerekfinalist PSV Eindhoven-Liverpul.
Goditjet e këndit Mourinjo mund të jetë i dëshpëruar që nuk ka arritur të dalë në avantazh në 20 minutat e para. Edhe pse të dyja skuadrat janë treguar shumë të kujdesshme, Çelsi nuk ka arritur të përfitojë me anë të goditjeve nga këndi, dy prej të cilave të goditura nga Lamprardi mund të kishin sjellë golin e fitores. Në të parën, Rikardo Karvalho ka pasur mundësi të shënojë një gol të sigurt, por ka goditur larg shtyllës. Ndërsa Mikael Balak ka kaluar në shkëputje mbrojtësin italian Emiliano Moreti, por nuk ka arritur të shkundë rrjetën e Kanizaresit.
Vila Fakti që Çelsi në mesfushë po fitonte shumicën e dueleve, ka qenë ndihmesa më e madhe për kampionët e Anglisë. Të besuarit e Mourinjos janë trembur disi, pasi David Albelda ka shërbyer për Vilën në krahun e majtë. Sulmuesi i Spanjës ka kaluar disa mbrojtës dhe ka shërbyer për Morientesin, goditja e të cilit ka mposhtur portierin Petr Çeh.
Goli i Morientes Valencia u fut shumë shpejt në lojë dhe përfitoi nga një çast, ku as Xhon Terri, Xhon Obi Mikel ose Rikardo Karvalho nuk mund të ndalonin harkimin e Hoakin Sançez. Këmba e djathtë e Morientesit ka ngritur peshë të gjithë "Mestajën". Disa momente më pas, Vila ka kombinuar me Morientesin, por këtë herë Eshli Kol është treguar vendimtar.
Shpërblimi Loja e Çelsit është përmirësuar ndjeshëm, pasi Mourinjo ka ndryshuar rreshtimin në 4-3-3 dhe më pas ka futur Xho Kolin në krahun e djathtë të mbrojtjes. Ndryshimi u duk menjëherë. Kol dhe Drogba u lidhën në mënyrë perfekte me njëri-tjetrin. Shtatë minuta pas fillimit të pjesës së dytë, Drogba devijoi me kokë harkimin e Esienit, por edhe pse Luis Miguel dhe Roberto Ajala mposhtën sulmuesin afrikan, topi ra në këmbët e Shevçenkos, i cili me lehtësi mundi Kanizaresin nga një distancë e vogël. Mbrojtja e Valencias filloi të kryente disa gabime dhe një top i kthyer gabimisht në këmbët e Drogbasë në minutën e 66-të, është ndaluar vetëm nga Kanizares.
Goli i Esienit Duke lënë mënjanë faktin që Çelsi e kishte fituar kontrollin e ndeshjes, një goditje e Miguel Angel Angulo mund të kishte firmosur "tragjedinë" për kampionët e Anglisë. Më pas Kanizares ka qenë edhe një herë tjetër shpëtimtar i goditjes së rrezikshme të Balakut, por ai nuk ka arritur të ndalë goditjen e Esienit, që u siguroi londinezëve për herë të parë avantazhin ndaj Valencias. Çelsi do të ndeshet në gjysmëfinale me fituesin e çiftit çerekfinalist PSV Eindhoven-Liverpul.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------