Kapiteni kuqezi: Reagova, sepse më shau gjatë ndeshjes, duke më thënë "albanese di merda"



Igli Tare, grushta serbit Mihajloviç


Olsi  Avdiaj

 Sulmuesi dhe kapiteni i kombëtares sonë, Igli Tare, sipas shtypit të djeshëm italian, është bërë objekt i një sherri me serbin e Interit, Mihajloviç, teksa hynin në dhomat e zhveshjes në pushim të ndeshjes së kupës, Lacio-Inter, luajtur të mërkurën në stadiumin "Olimpiko" të Romës.
"Shtohen në mënyrë alarmante episodet e dhunës në fushat e futbollit. Të dielën Pinzi goditi me grusht në fytyrë Kufrenë, në ndeshjen Udineze Roma, ndërsa të mërkurën u regjistrua grindja mes Burdisos dhe Di Kanios, pas 3 minutash lojë në takimin Lacio-Inter të Kupës së Italisë. Dhe në nënkalimin e "Olimpikos", edhe Mihajlloviçi me Taren janë goditur me grushta ndaj njëri-tjetrit teksa ktheheshin në dhomat e zhveshjes, në pushimin e pjesës së parë. Momente tensioni dhe fjalë të rënda mes tyre, derisa Liverani ndërhyri për t'i ndarë, por paksa vonë. Për pasojë, serbi i Interit u kthye në fushë me dy shenja në qafë. Goditje, grushte, ofendime dhe sharje; aspak në përputhje me "fair play"-n," - shkruante dje shtypi italian rreth ballafaqimeve të tilla të "marra" mes futbollistëve, mes të cilëve këtë herë bën pjesë edhe bjondi ynë kuqezi.
I pyetur rreth këtij incidenti, për të cilin ka shkruar dje shtypi italian, vetë Igli Tare, kapiteni i kombëtares sonë dhe sulmuesi i Lacios, ka pranuar konfrontimin me fjalë dhe pastaj edhe fizik me serbin e Interit, Sinisha Mihajloviç. Duke folur për "Sportin shqiptar" përmes linjës telefonike, Tare ka sqaruar pozicionin e tij në këtë sherr: "Në fakt, ky futbollist serb i Interit gjithnjë ka pasur tendencën për t'i fyer shqiptarët, kur i është dhënë mundësia, siç ndodhi edhe me mua. Për sa i takon sherrit në "Olimpiko", mes meje dhe Mihajloviçit, ai ka nisur që në fushën e lojës, në pjesën e parë, kur serbi i Interit më shau "albanese di merda", fjalë të cilat, të gjithë shqiptarët i dinë. Unë nuk e durova këtë fyerje dhe i thashë që këto të m'i thoshte në tunel këto, kur të hynim në dhomat e zhveshjes, në pushim të dy pjesëve. Pasi ra bilbili i përfundimit të 45-minutave të para, nxitova të hyja njëherësh në tunel për te dhomat e zhveshjes, iu drejtova Mihajloviçit, duke i kërkuar llogari për ofendimin që më bëri gjatë lojës në fushë. Këtu gjakrat u nxehën, ofendimet ishin të dyanëshme, aq sa në një moment e kapa prej fyti dhe e godita. Do të kishte shkuar më keq situata, nëse nuk do t'i ruhesha gjyqtarit të katërt, i cili po vinte pas nesh. Sidoqoftë, ka ndërhyrë Liverani, duke na ndarë. Më pas, pjesa e dytë ka vijuar normalisht, pa asnjë problem mes nesh, ndërkohë që pas ndeshjes, Mihajloviç më takoi dhe më kërkoi falje për gjithçka ndodhi", - e mbylli bisedën Igli Tare, duke mos dashur të kujtojë një ngjarje, e cila për të tani konsiderohet e mbyllur.
 

Taren e kemi patriot
 

Dhe eshte shume patriot    Ishte arsyja qe ai u larguan nga Greqia kur ishte i vogel dhe nuk donte qe te luante ne kampionatin Grek
Mihajloviç eshte nje raciste i degjeneruar dhe kete e ka shfaq shume here edhe me rracen e zeze , tani do kujtoj grushtin e Tare's dhe nuk ka per ta perseritur me mendoj  
 

Mire ja ka bere
 

pse se dergoi ne Serbi ???