Ka qenë makthi i Milanit në finalen e Stambollit, si dhe ka kërcënuar me të papritura të tjera të hidhura, të paktën me fjalë, edhe në kuadër të Athinës. Stivën Xherrard është rreziku numër një, sa edhe Kakaja ia njeh këtë rol, por ai e paralajmëron anglezin dhe synon ta shijojë vetë lavdinë. "Ai është njeriu kyç i Liverpulit, -pohoi braziliani, - por, nëse do ta fitoj LIgën e Kampioneve do të jem në rreshtin e parë për Topin e Artë, dhe do të hyja në historinë e Milanit."
Në Stamboll, dy vite më parë, ishte Xherardi "jashtëtokësori" i mbrëmjes finale. Për të kuqtë ishte një pjesë e dytë nga ato të legjendave, e cila e xbehu të gjithë Milanin dhe i dhuroi kupën me veshë të mëdha Liverpulit, pas një periudhe të gjatë shterpësie. Një ndeshje prej kapiteni të vërtetë, si udhëheqësi i një skuadre punëtore, prej podisti me këmbë të arta dhe me një grintë jashtë normales. Një pjesë e dytë prej "jashtëtokësori", e cila e ngjiti në majat e futbollit botëror dhe emri i tij u shënua në listat dhe blloqet e të gjitha klubeve të mëdha europiane. Kësaj here Milani e pret në Athinë, me sigurinë se nuk do të zihet më në befasi. Roli i Fenomenit në mbrëmjen në Greqi, duke pasur parasysh paraqitjet e fundit, i përket Kakasë, njeriut simbol të rilindjes së kuqezinjve. Për ta trembur edhe më tepër Benitezin, si dhe grupin e tij, braziliani është bërë protagonist edhe i një magjie tejet të veçantë: një numër nga cilësitë e tij prej xhonglieri në prapaskenën e një reklame, ku e magjepsi një vogëlush, duke bërë xhonglime me celularin e tij.
"Stivën Xherrard është një lider, pohoi fantazisti kuqezi, - vrapon, mbron, gjuan dhe di ta udhëheqë skuadrën. Por, nëse fitoj Ligën e Kampioneve, mund të bëhem një prej kandidatëve favoritë për të fituar Topin e Artë, dhe mund ta shkruaj emrin tim në historinë e Milanit." Një deklaratë shumë e qartë, lidhur me qëllimet e tij, e cila shpalos dëshirën dhe vendosmërinë e djaloshit nga San Paolo, që është i gatshëm ta marrë Milanin për dore dhe ta çojë drejt triumfit të shumëpritur. "Shokët e skuadrës kanë besim tek unë, - shpjegoi lojtari, duke nënvizuar rëndësinë e shpirtit të grupit, si dhe për një individualist si ai. - Këtë e konsideroj si një fitore të madhe. Ndihem i kënaqur, edhe kur dëgjoj se më konsiderojnë vendimtar, pasi do të thotë se kam merituar vlerësimin e tyre. Por unë e them gjithnjë se një lojtar i vetëm nuk mund të fitojë, dhe se është e rëndësishme e gjithë skuadra."
Sulmi final për të fituar Ligën e Kampioneve është gati, kështu që edhe milanistët e tjerë janë të përqëndruar te një objektiv që nuk mundet dhe nuk duhet të rrëshqasë sërish nga duart, duke ndërmarrë dhe dhënë një kuptim rrugës së ndërmarrë që pas Turqisë. "E konsideroj Stivën Xherrardin si mesfushorin më të mirë në qarkullim, ndaj do të jetë stimuluese që do të luaj përballë tij, -tha Masimo Ambrozini, lojtari që do ta ndeshë më tepër kapitenin e të kuqve në fushën e Athinës. - Nuk ka gjë që mund ta fshijë ndonjëherë kujtimin e Stambollit, por tani jemi të përqëndruar te ky revansh. Liverpoli duket më i fortë se ai i vitit 2005; ka një organizim mbrojtës që më ka bërë përshtypje, por kjo nuk na tremb aspak." Milani ka Kakanë dhe magjitë e tij ose, pak a shumë, teknologjitë e tij.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Nga 9 gushti 2006 në 23 maj 2007, nga paraeliminatorja në finale, a e prisnit? "Nuk jam një magjistar, por e di mirë se çfarë është në gjendje të bëjë ky grup. Si më 2003-shin. Kur jemi në vështirësi ekzaltohemi dhe japim më të mirën. Për këtë arsye, unë kam pasur gjithnjë besim." Tani duket gjithçka më e lehtë, por në fillim kishte shumë probleme. "Nuk arritëm t'i kryenim përgatitjet, nuk shkuam me pushime, nuk mund të pretendohen mrekulli në një pikë të tillë. Por, ditë pas dite arritëm të ndërtonim diçka tepër të madhe." E kujt është merita? "Them e grupit, sepse asnjëherë si në këtë sezon ka qenë i domosdoshëm kontributi i të gjithëve. Na kanë shërbyer golat e Sedorfit dhe të Kakasë, personaliteti i Maldinit, grinta e Gatuzos dhe e gjithë të tjerëve. Milani është një familje e vërtetë, nga presidenti te magazinieri. Kjo është forca jonë." Thuhet se Ançeloti ka luajtur një rol vendimtar brenda mjedisit. Është e vërtetë? "Ka qenë tepër i zoti që ka ditur të ruajë qetësinë në periudhën delikate. Tani duhet t'i dhurojmë Ligën e Kampioneve, sepse e meriton." Dhe tani mbërrin Liverpuli; për ju do të jetë finalja e katërt në Champions, pas natës së mallkuar të Stambollit, ku nuk luajtët. "Nuk kam arritur ta kapërdij atë humbje. Nuk isha mirë dhe përfundova në tribunë. Atë kupë e kishim fituar dhe e lamë që të na e merrnin. Por kësaj here nuk do të ndodhë më kështu, edhe pse Liverpuli është një skuadër e fortë." Thashethemet thonë se titullari do të jetë pikërisht Inzagi. "Nuk e di, por nuk është një problem. Unë, Xhilardino, Oliveira ose kushdo që të vendosë Ançeloti... E rëndësishme është të ngremë kupën dhe të festojmë." Sigurisht, po ju do të donit të luanit që nga fillimi, apo jo? "Sigurisht që do të doja. Por formacionin e bën Ançeloti, dhe jo unë...". Cili është favorit mes Milanit dhe Liverpulit? "Në një finale nuk ka favoritë. Ne kemi shumë cilësi, ata janë tepër të zotë në mbylljen e të gjitha hapësirave." A do të shkoni për ta vizituar Akropolin? "Do të doja të ngjitesha në majë të Akropolit natën me kupën, sikurse bënë milanistët më 1994-n."
 

Pipo Inzagi terheq Milanin drejt legjendes. Mjafton nje prekje thuajse e paqellimte qe tund rrjeten e kundershtareve ne minuten e fundit te pjeses se pare, qe u ndryshoi jeten. Kujot nga minutat e fundit te takimit hap nje rreze shprese me golin e tij, por Liverpuli u mund ne shifrat 2-1, me nje loje jo shume te bukur te Inzagit, por nuk ka shume rendesi. Eshte e kote te flasesh mbi cilesine e lojes; me Kakane dhe Sedorfin te bllokuar, Milani merr kupen e shtate te Kampioneve, duke u bere klubi me fitimtar ne bote.

Nuk ka pasur kurre dyshime. Filipe Inzagi eshte zgjedhja e pare e Karlo Ancelotit ne sulm. Pyka eshte mbajtur nga, Kaka dhe Sedorf, qe jane frutat e kesaj peme kuqezi. Zgjedhja e tij ne sulm ka qene e habitshme. Keshtu Zendeni ka mbajtur mbi shpatulla Rafa Benitezin. Ky i fundit ka bere ndryshimin e skemes ne 4-4-1-1, Xherrardi kaloi ne vendin e Kuyot dhe pikerisht Zendeni kaloi ne krahun e majte te mesfushes.

Nje nisje e mire ajo e kuqezinjve. Me shume kerkuese se ajo e Liverpulit. Ishte nje loje shume e ngurte, ku Milani filloi te sulmonte i pari. Megjithese rasti i pare i mire ishte i Liverpulit ne minuten e 10, me nje diagonale te Penat, qe perfundon ne duart e Dides. Nje sinjal i dukshem per t’u treguar se te kuqte ekzistojne. Loja e Liverpulit ishte me shume ne mbrojtje, duke pritur momentin per te dale ne kundersulm, gjithashtu te pengonte sa me shume Milanin. Por ishte e pamundur te ndaloje Inzagin, pasi te gjithe ishin te perqendruar te Kaka. Braziliani arriti te shenonte ne porten e Reinas dhe te vetmet mundesi ishin goditjet nga distanca, por qe u ndaluan nga portieri i kuq.

Me dy golat e shenuar ne kete sfide, Pipo eshte heroi i mbremjes se Athines, ai i jep nje kuptim golit. Tashme skuadra e Liverpulit, me ne krye Benitezin, u ndeshkua, duket se nuk e kishte menduar mire skuadren kuqezi, ku ne te eshte edhe Pipo. Po Sedorfi, ku vajti? Vendin e tij e mori Pirlo dhe po kryente detyrat ashtu sic duhej. Kaka, i mbuluar nga te kater anet, arrin te beje disa kalime, por jo me shume rezultat. Nje loje pothuajse e barabarte, dhe me shume raste per skuadren angleze, por qe keta te fundit nuk u treguan shume te sakte. Keshtu qe Pirlo gjuan dhe nje e prekur e Pipos, djeg Reinen dhe gjithe skuadren.

Kjo ishte nje ndeshje, per te cilen eshte folur shume nga te gjithe mediat evropiane. Skuadra italiane ishte shume e ekzaltuar, ndersa anglezet jo dhe aq. Te dyja skuadrat u shprehen per fitore, por Milani e kishte nje humbje mbi shpatulla para dy vjeteve ne Stamboll. Ajo e djeshmja per nje moment, kujtoi ate finale, pas golit te Kujtit. Nje loje ku nuk munguan rastet, por qe ne shumicen e rasteve nuk ishin shume te pastra, po te heqim ketu nje rast te Xherrardit, i cili vetem per vetem me Diden nuk arrin te shenoje. Megjithate Kujti hapi rrugen e barazimit, por tre minutat e shteses se dhene nga gjyqtari i katert nuk mjaftuan qe te permbysnin rezultatin. Nje fitore e shume pritur nga milanezet dhe ne fund u arrit dhe pikerisht perballe asaj skuadre me te cilen humbi dy vjet me pare.
 




____________
Direktoria , Galeria


Piracy is a crime! So, am I a criminal?

Nga Maldini te Kaka, nga Nesta te Sedorf, pa harruar Inzagin Vlerësimet për heronjtë e Championsit...

Ja cilët janë futbollistët e Milanit që u shpallën për herë të shtatë kampion Europe dje në Athinë

Portier:
1 Dida, nota 6 - Asnjë lojtar tjetër nuk i ndan tifozët e Milanit si Dida. Portieri brazilian ka qenë heroi i fitores së Milanit në finalen e Ligës së Kampioneve më 2003-shin, kur ai priti tri penallti kundër Juventusit. Që atëherë, forma e tij jo e mirë e ka dëmtuar popullaritetin e tij.
16 Zeljko Kalac, nota 6 - Ashtu si Dida, portieri rezervë i Milanit ka tendencën për të gabuar te topat e lehtë për t'u kontrolluar. Ai ka luajtur dy herë në Ligën e Kampioneve të këtij sezoni: e para, në barazimin pa gola në ndeshjen e parë kundër Selltikut, më pas në humbjen 2-0 ndaj Lilës në "San Siro".  


Mbrojtës:
44 Masimo Odo, nota 6,5. - Një nga gjashtë lojtarët e Milanit, së bashku me Alesandro Nestën, Xhenaro Gatuzon, Andrea Pirlon, Filipo Inzagin dhe Alberto Xhilardinon, të cilët ishin pjesë e Italisë, që verën e kaluar u shpall kampione e botës, Odo u bashkua me kuqezinjtë nga Lacio në muajin janar, për të mbushur vendin e mbrojtësit të djathtë të lënë bosh nga veterani brazilian Kafu. Ai nuk shquhet për krosime, por në ndërhyrje është tepër i saktë, gjë që e tregoi edhe në përballjen direkt me portugezin Kristiano Ronaldo në gjysmëfinale.
13 Aleasandro Nesta, nota 7,5 - I dëmtuar gjatë pjesës më të madhe të pjesës së parë të sezonit, Nesta tashmë është rikthyer në formën e tij më të mirë. I vendosur dhe i saktë në ndërhyrje, i fortë në ajër dhe i shpejtë. Mbrojtësi, lindur në Romë, i jep më shumë siguri mbrojtjes së italianëve.
3 Paolo Maldini, nota 8. - Kjo ka qenë finalja e tetë europiane e kapitenit të Milanit, një numër që është arritur vetëm nga mesfushori i Realit të Madridit, Fransisko Gento. Maldini nuk e ka më atë gjendjen fizike të së kaluarës, por mbetet tepër efektiv, falë sensit për t'u pozicionuar.
18 Marek Jankulovski, nota 6,5 - Mbrojtësi i kombëtares çeke ka luajtur për Udinezen, por në momentin që Milani e bleu ai u bë një pikë tepër e rëndësishme e mbrojtjes. Partneriteti i tij, së bashku me Odon në krahun tjetër, i lejoi Milanit të dominojë krahët në ndeshjen e kthimit gjysmëfinale kundër Mançesterit.
4 Kakha Kaladze, nota 6 - Trajneri i Milanit, Karlo Ançeloti, e vendoste Kaladzen në krah të majtë të mbrojtjes, por kohët e fundit e vendos atë në qendër të mbrojtjes, si zëvendësues për Paolo Maldinin. Ashtu si Jankulovski, mbrojtësi gjeorgjian ka shumë eksperiencë.
2 Kafu, nota 6 - Ish-kapiteni i kombëtares braziliane e ka humbur vendin në formacion për shkak të blerjes së Masimo Odos, por mbetet një nga lojtarët më punëtor të Milanit. Eksperienca e tij e madhe ndërkombëtare shpeshherë e ka detyruar trajnerin Karlo Ançeloti ta fusë në fushë si zëvendësues, për të mbrojtur avantazhin.


Mesfushorë:
8 Xhenaro Gatuzo, nota 8 - Mesfushori i paepur i Milanit shihet si një forcë e vërtetë shkatërruese, një lojtar i cili thyen sulmet e kundërshtarëve, si dhe krijon hapësira të lira për shokët e tjerë të mesfushës. Vitet e fundit Gatuzo ka fituar më shumë siguri në kontrollin e topit.
20 Joan Gurkuf, nota 6 - Për të thuhej se ishte Zinedin Zidani i ri, në momentin kur Milani e bleu verën e kaluar, francezi e ka kaluar sezonin e tij të parë te Milani më së shumti në hijen e shokëve të mesfushës. Është përdorur si zëvendësues për Klarens Sedorf.
21 Andrea Pirlo, nota 8 - Herën e fundit që Milani e fitoi Ligën e Kampioneve, më 2003-shin, Pirlo ishte lojtari mbi të cilën loja e kuqezinjve ishte e ndërtuar. Këtë sezon ky lojtar është Kaka, por finalja tregoi se ai mbetet një lojtar me vlera, që në ndeshje të rëndësishme di ta nxjerrë skuadrën nga situata me goditjet e dënimit.
23 Masimo Ambrosini, nota 7,5 - Ambrosini e ka kaluar pjesën më të madhe në pankinën e Milanit, por vendimi i Ançelotit për të ndërruar rreshtimin në mesfushë me nga tre në katër lojtarë. Ambrosini është i fortë në luftën në ajër, si dhe ka shënuar disa herë gola që ua kanë dhuruar kuqezinjve fitoren nga goditjet e këndit dhe goditjet e lira.
10 Klarens Sedorf, nota 7,5 - Titujt e tjerë të Ligës së Kampioneve me Ajaksin më 1995-n, Realin e Madridit më 1998-n dhe me Milanin më 2003-shin e më 2007-n e kanë bërë holandezin lojtarin vetëm që e ka fituar këtë trofe me tre klube të ndryshme. Holandezi është në ndeshjen kundër Liverpulit me formën më të mirë që ka kaluar këtë sezon, pasi shënoi në çerekfinalen kundër Bajernit të Mynihut, si dhe kundër Mançester Junajtid.
22 Kaka, nota 9 - Mesfushori brazilian ka qenë lojtari më i dalluar në radhët e kuqezinjve këtë sezon, si dhe është golashënuesi më i mirë i kopmeticionit me dhjetë gola. Në Serinë A ai luan i vetëm prapa dy sulmuesve. Në Europë, Ançeloti e shtyn atë më përpara, në rolin kur dikur luante Andri Shevçenko, në mënyrë që të përdorë shpejtësinë, e cila i ka thyer pa vështirësi mbrojtjet kundërshtare.
Sulmues:
9 Filipo Inzagi, nota 9 - Mosha dhe dëmtimi afatgjatë në gju e kanë frenuar disi Inzagin, por dy golat në finale kanë treguar se ai është një nga lojtarët më me vlerë që Miani ka në dispozicion. Ai ka ditur gjithmonë të jetë vendimtar, kur kuqezinjtë kanë pasur nevojë. Shpeshherë është quajtur i patalentuar, simulues, por sensi i tij për t'u pozicionuar është i pashoq. Nuk ka fakt më të mirë se dy golat në finale, për ta treguar këtë aftësi të tij.
11 Alberto Xhilardino, nota 6,5 - Golashënuesi më i mirë i Milanit në Serie A është një sulmues pothuajse i kundërt në cilësi me Filipo Inzagin. Më i fuqishëm dhe më i prirur për dyluftime mund të shënojë me të dyja këmbët, si dhe me kokë. Megjithatë, forma e tij në Europë nuk ka qenë në nivelin më të lartë.
7 Rikardo Oliveira, nota 6 - Braziliani, i cili mbërriti në Italia për të zëvendësuar Andri Shevçenkon, ka qenë një nga zhgënjimet e këtij sezoni, duke shënuar vetëm tri herë në 25 ndeshje, si dhe duke mos shënuar asnjë gol në gjashtë ndeshje në Ligën e Kampioneve.

"Libri i artë"
Viti Vendi Finalet
1956 Paris Real Madrid - Reims 4-3
1957 Madrid Real Madrid - Fiorentina 2-0
1958 Bruksel Real Madrid - Milan 3-2
1959 Shtutgart Real Madrid - Reims 2-0
1960 Gllasgou Real Madrid - Frankfurt 7-3
1961 Bern Benfika - Barcelona 3-2
1962 Amsterdam Benfika - Real Madrid 5-3
1963 Londër Milan - Benfika 2-1
1964 Viena Inter - Real Madrid 3-1
1965 Milano Inter - Benfika 1-0
1966 Bruksel Real Madrid - Partizan B. 2-1
1967 Lisbonë Sëlltik - Inter 2-1
1968 Londër Mançester U - Benfika 4-1
1969 Madrid Milan - Ajaks 4-1
1970 Milano Fejënord - Sëlltik 2-1
1971 Londër Ajaks - Panathinaikos 2-0
1972 Roterdam Ajaks - Inter 2-0
1973 Beograd Ajaks - Juventus 1-0
1974 Bruksel Bajern M - Atletiko M 4-0
1975 Paris Bajern - Lids 2-0
1976 Gllasgou Bajern M - St.Etien 1-0
1977 Romë Liverpul - Myshengladbah 3-1
1978 Londër Liverpul - Bryzh 1-0
1979 Mynih Notinghem - Malmo 1-0
1980 Madrid Notinghem - Hamburg 1-0
1981 Paris Liverpul - Real Madrid 1-0
1982 Roterdam Aston Vila - Bajern M 1-0
1983 Athinë Hamburg - Juventus 1-0
1984 Romë Liverpul - Roma 1-1 (4-2p)
1985 Bruksel Juventus - Liverpul 1-0
1986 Sevilja Steaua B - Barcelona 0-0 (2-0p)
1987 Vienë Porto - Bajern M 2-1
1988 Shtutgart PSV Eindhoven - Benfika 0-0 (6-5p)
1989 Barcelonë Milan - Steaua B 4-0
1990 Vjenë Milan - Benfika 1-0
1991 Bari Crvena Zvezda - Marsejë 0-0 (5-3p)
1992 Londër Barcelona - Sampdoria 1-0
1993 Mynih Marseijë - Milan 1-0
1994 Athinë Milan - Barcelona 4-0
1995 Vjenë Ajaks - Milan 1-0
1996 Romë Juventus - Ajaks 1-1 (4-2p)
1997 Mynih Dortmund - Juventus 3-1
1998 Amsterdam Real Madrid - Juventus 1-0
1999 Barcelonë Mançester U - Bajern M 2-1
2000 Paris Real Madrid - Valencia 3-0
2001 Milano Bajern M - Valencia 1-1 (5-4 p)
2002 Gllasgou Real Madrid - Leverkusen 2-1
2003 Mançester Milan - Juventus 0-0 (3-2 p)
2004 Gelsenkirshen Porto - Monako 3-0
2005 Stamboll Liverpul - Milan 3-3 (3-2p)
2006 Paris Barcelona - Arsenal 2-1
2007 Athinë Milan - Liverpul 2-1


Përmbledhja e trofeve
9 herë - Real Madrid
7 herë   Milan
5 herë - Liverpool
4 herë   Bajern M, Ajaks
2 herë - Barcelona, Benfika, Juventus, Inter, Mançester U, Notingem Forest, Porto
1 herë   Sëlltik, Hamburg, Steaua Bukuresht, Marsejë, Fejënord, Aston Vila, PSV Eindhoven, Crvena Zvezda, Dortmund
 




____________
Direktoria , Galeria


Piracy is a crime! So, am I a criminal?